حب وانكسار - الفصل 13 - بقلم بقيت محمد - مكتملة | روايتك

By: Yaqin Mohammed قال لي ما تخافي انا بحل كل شئ قلت ليهو انا ما بحس بالامان الا معاك إنت بس اماني عدينا فترة حلوة بتناقم وحب وحازم بحاول يبسطني طول الوقت وبتصرف معاي بمرح وبقى اغلب وقتو في البيت وكل ما يشوفني سرحانة بعمل لي جوي علشان ما افكر كثير و خوفى يكبر مثلا مرة هو شغال على لاب وانا بحضر وكنا قاعدين بعيدين من بعض وانا سرحانة وما عارفة الشغال شنو أصلاً فجأه جاءني المسند حق الجلوس على راسي قبلت عليهو قلت ليهو في شنو قال لي مشيتي وين وهو مضيق عينو قلت ليهو يعني مشيت وين ما انا قدامك قال لي جسدياً بتفكري في منو بس قلت ليهو بمشاكسة بفكر في الممثل دا ما شايف كيف حلو بالله يرمي الطير قال لي بغيرة شنو هوى احترمي نفسك بدل ما اعلمك انا قلت ليهو تعال علمني ما شايف نفس مع القدامك دا كأني ما موجودة وعايذني كمان اخلي المز دا وافكر فيك وبالله حالة قال لي مز موش وعيون بقو حمر من الغيز قفل اللاب وقال لي بحنق تعالى هنا مشيت وقفت جنبو قال لي انا قلت هنا واشر على حضنو قعدت بدلع وكأنو بابا وانا رجعت صغيرة لفة يدينو حواليني وحضني شديد لما حسيت بألم من حضنو ورفع وشي بيد ولسا ما سكني باليد الثانية وقال لي مز موش كدا قالت ليهو بقوة عين وانا بعاين في عيونو واكثر من مز بالله جمال يوسف مثل ما بقولو قال لي إنتي ضغتني شديد قلت ليهو براحة ما كدا قال لي ثاني عيدي القلتهو قلت ليهو بعيدو لحدي ما أموت أي ما شايفة ولا ح أشوف أحلى منو قال لي وانفاسو ضاقت لدرجة دي وخفف من مسكتو لي قلت ليهو واكثر عارف نفس أعمل شنو عاين لي بغيذ بستو في خدو وعضيتو شديد قلت ليهو أعمل كدا لما شفتو غلبها جد قلت ليهو بطل غيرة في زول بغير من نفسو اي ممثل انا عندي حزومة بحالو قال لي يعني كنتي بتتكلمي عني قلت ليهو اي قال لي انا فكرت انك قاصدة الممثل علشان تغيزني بس فكرة اني تتكلمي كدا حتى ولو مزح بجد بتخلي دمي يغلي قلت ليهو اساساً اكثر شئ بعجبني فيك لانو الغيرة أصل الحب الما بغير على اهل بيتو انا بعتبرو ديوث الغيرة ما لزوجة بس حتى الاخت آلام والبنت ديل صفة بتميز اي راجل بختص بيها انا بحتار لما واحدة تلقاها مضايقة لانو راجلها بغيرعليها وتقول بلقي شخصيتها بالعكس انا لما أشوف غيرتك وتمللك بفرح قال لي يعني مهما عملت ما ح تزعلي قلت ليهو بعتمد على النواية قال لي اممم قلت ليهو مستعدة لي أي شئ معاك لو كنت بتحسسني بالانتماء ليك واني مهمة عندك وتتحسني بعاطفتك اتجاهي قال لي انا بعشقك ياخ قلت ليهو خليك واثق زي ما قلت ليك انا ما بشوف رجال غيرك أو بس ما في غيرك من الاساس قاعدة اشوفهم حاجات هايفة إنت تاغي عليهم حضني شديد المهم بعد كم يوم قال لي معزومين عند اهلي رفضت أمشي بس هو اصر ولما زعل واقفت لانو في الفترة الفاتت انا ما بطلع وهو لما يطلع بقفلني لاني بكون خايفة المهم قشرنا واول مرة البس توب وحازم يوزع في الانبراشات طلعنا زي الساعة 8ص طول الطريق خايفة وعقلي بصور لي انو ح يخطفوني وح يعملو شئ ل حازم ومتوترة وهو أصلاً ما اتكلم معاي ولا حرف لحدي ما وصلنا دقينا الجرس كدا بعد مسافة فتحت لينا الباب حنان دخلنا وحازم قفل الباب حضني شديد وقال لي ما تخافي كدا انا معاك دايما بصوت خافت كدا حنان قالت لينا لحظة انتو جاين تحضنو بعض كان تكملو رمنسيتكم في البيت بعدك تجود وانا قال مشتاقين لي حازم قال ليها انا معاي مرتي البخليني احضن غيرها شنو اتفكيت منو وقلت ليها ما تاخدني بزنب اخوك ياخ مشتاقين عديل كدا قالت لي والله بالاكثر أخبارك شنو بقيت سمحة عديل حازم سحبني منها قال كفاية خنقتيها لوت خشومها وقالت ليهو احلف بس ولا الغيرة عاملة عمائل فيك دخلنا جوه سلمنا على امو وابوه وقعدنا نتونس مو قالت لينا اعملو حسابكم اليوم كلو معنا وفطرنا كلنامع بعض حتى ابوه وحاتم ما كان موجود طبعا ابو حازوم مشغلها ليهو علشان رافض يمشي الصالون وقاعد معانا قالهو دا شوق الأمك ولا ما عايذ تفارق المدام قل كدا بس حازم قال ليهو يا حاج اسمع والله الحقيقة الاثنين طبعا ابوه روحو شبابية بنتونس كدا حازم قال لي أمشي نومي إنتي نعسانا امس ما نمتي كويس امو قال لي من الحيوان دا مسهرك صاح قلت ليها ما كدا والله هو زاتو امس جاء متأخر ولا اتفاهم معاي طوالي نام قالت لي اها مالك المسهرك شنو قلت ليها والله ما عارفة مقلقة كدا قالت لي يمكن حامل بابتسامة كدا قلت ليها لا ما كدا قالت لي الضمنك شنو اكشفي وبتعرفي وربنا يديكم قلت ليها أمين قالت لي أمشي نومي قلت ليها فعلاً نعسانا بس عايذة انوم هنا واشرت على حضنها قالت لي بس كدا تعالي بس أول غيري ملابس مريحة غيرت من حنان جلابية كبيرة ولبست طرحة وفعلاً رقدت في حضنها حازم بعاين لي قلت ليهو ما تعمل فيها غيران ضحك وقال لي انتو الاتنين شلتو مكاني وما عاذني أغير حنان قالت لينا نبع الحنان ثانى ولا بتعبرنا لينا الله أمهم قالت بطلو وخلوها تنوم بقو يتونسو وانا شوية شوية نمت صحيت بحازم بصحي فيني فتحت قال لي كل دا نوم قلت ليهو الساعة كم قال لي 2 قلت ليهو ما صليت قال لي علشان كدا انا صحيتك كان قاعد جنبي في السرير وانا انتبهت انو امو مافي وانا في غرفة قلت ليهو انا الجابني هنا شنو قال لي انا قلت ليهو قول لى كنت قاعد معاي هنا قال لي المانع شنو قلت ليهو احلف قال لي اطمني كنت قاعد ما أبوي وبجي اطمن عليك بس قمت صليت بعد خلصت عاينت لي قلت ليهو دي غرفتك قال لي اي قلت ليهو المفروض غرفتك تكون سنجل قال لي ليه المفروض قلت ليهو لأنك كنت سنجل قال لي أي بس انا ما برتاح لسنجل لويت خشمي وبقيت بقلب في الغرفة قال لي إنتي بتفتشي في شنو قلت ليهو ولا شئ حتى الكتب والكراسات فتحتها ضحك وقال لي إنتي عايذة شئ معين قلت ليهو شبه كدا ضحك وقال لي تمام ارح وحاتم جاي طلعت الطرحة ولبست التوب وطلعنا قعدنا بنتونس وعملنا جبنة وأم حازم قلت لي ما اكثر لانو احتمال اكون حامل وكدا سمعت كلامها لانها ما عارفة الكان حاصل المهم عدينا يوم حلو وانا نسيت خوفى او اتناسيتو مع مرح حنان وتشغلات أبوهم وحاتم لحاتم علشان رافض يمشي الصالون ولاصق عندنا الما بخجل واهتمام أمهم بي ومع العشاء كدا طلعنا ودعناهم وانا ثاني سيطر على الخوف حازم اتنهد وصلنا البيت أول ما نزلنا من العربية مسكتو من يدو وهو دضغت على يدي لحدي ما دخلنا غيرنا وصلينا العشاء و رقدنا وشوشنا لبعض وحازم خاتي يدو على خصري قالي يضحكة كدا امي همشتني بسببك قلت ليهو لانها مفكرة اني حامل حتى طلبت اكشف وكدا قال لي احلف قلت ليهو اي قال يعني علشان حفيدها والله نبع الحنان ما هينا ضحكت باسني في انفي وقال لي بكرا ح نمشي لي أهلك قلت ليهو ما ممكن نأجل شوية قال لي لا بكرا وبعدين بطلي الخوف دا ما ح يحصل شيئ بإذن الله قلت ليهو بس ليه لازم بكرا قال لي أي لانو لازم نودعهم قلت ليهو نودعهم قال لي أي لانو مسافرين قلت ليهو وين قال مفاجئة وعلى نمنا الصباح لبسنا يتبع....👈👈