حب وانكسار - الفصل 12 - بقلم بقيت محمد - مكتملة | روايتك

يقين محمد 🫶🫶🫶 صحيت الصباح ولسا كنا حاضنين بعض وهو نائم شكلو اتأخر حتى نام قمت صحيتو علشان الصلاة خلاصنا وشربنا الشاي وهو طول الوقت بتصرف معاي بمرح وانا بديت اندمج معاهو قلت ليهو ما ماشي الليلة الشغل قال لي البودني الشغل شنو وانا عريس قاعد في وشك كدا قمي اللبسي علشان نطلع نلف شوية من زمان نفسي نطلع مع بعض بدون رسميات وعلى راحتنا قشرنا وطلعنا مشينا السقالة فطرنا وبعدها ركبنا سفينة صغيرة كدا علشان نتفرج على الشعب المرجانية وبعدها اتمشينا في الكرنيش بجد كنت مبسوطة وحازم ما خلى شئ علشان يفرحني وطول الوقت ماسك يدي وقال لي ما تقولي لي عيب زي زمان اسي إنتي حلالي رجعنا البيت مع المغرب دخلت البيت هلكانة قلت لحازم ح اصلي الاول حتى اتحمم وفعلاً ولما طلعت من الحمام كان صلاة العشاء طوالي صليت طبعاً الكلام دا كلو في غرفتي خلصت وطلعت لوشناتي علشان ارطب جسمي حازم جاء قال لي إنتي لسا انا من زمان منتظرك قلت الا نامت قلت ليهو ثواني بس وانا برطب في جسمي وهو بس بعاين لي قال لي إنتي كل يوم كدا قلت ليهو عندك ما نع قال ما حكاية مانع بس يعني علشان اتفرج وكدا قلت ليهو اي خلصت قال لي يلا مسكني من يدي قلت ليهو ثواني قال لي في شنو قلت ثواني شلت عطر رشيت منو كم رشة قلت ليهو ما بقدر انوم لو ما عملت كدا قال لي تمام يلا مشينا أول ما دخلنا الغرفة لقيتو ناثر ورد على السرير ومولع كم شمعة ومبخر الغرفة ومرتب حاجاتي على التسريحة قال لي الملابس إنتي اعمليهم على مزاجك وقرب مني قال لي صليت العشاء قلت ليهو اي قال لي لسا على وضوك قلت ليهو اي قال لي تعالي نصلي مع بعض مشيت جبت عبايتي حقت الصلاة اممني في الصلاة صلينا ركعتين وخت يدو على راسي وقال دعاء بصوت خافت كدا بعد خلص قال لي الليلة لازم تبقي زوجتي بكل معنى الكلمة لما شافني متوترة قال لي أوعى تخافي مني انا ما عايذ اجبرك قرب مني المهم صحيت بحركة لما فتحت عيوني إبتسم وقال لي صحيتك حضني قال لي لسا الساعة 2 كملي نومك قلت ليهو وأنت مالك صاحي قال لي مبسوط لدرجة ما قادر انوم خايف انوم واطلع بحلم قلت ليهو بس دا واقع حضني شديد وقال لي عارف وكمل قال لي بجد كيف عرفتي انو انا المافي الصور قلت ليهو يدك اليمين فيها شامة كبيرة وفي الصور مافي قال لي طيب ليه بقيتي ما بتردي قلت ليهو لاني كنت عايذك تتخذ خطوة جدية في علاقتنا بس إنت فسرتها على كيفك قال لي كيف يعني قلت ليهو لما مثاني كثرتها معي كل يوم تجيب لي صور ليك مع بنات بوضعيات مختلفة انا كنت بتغاز بس ما عارفة ليه ما قلت ليها إنو دا ما إنت فكنت عايذة اوريها حبنا فكرة لو طنشتك ح تتصرف بس إنت رسلت لي كم رسالة وبعدها أخبارك انقطعت وبقيت كل فترة ترسل لي رسالة وتتكتفي وما عملت اي شئ قال لي يعني إنتي كنتي عايذني اجي اتقدم ليك رسمي قلت ليهو اي قال لي انا كنت عايذ اعمل كدا بس بعد موضوع الصور الجاتني وواضح انها ما تركيب اتلخبط وخفت اكون ضيعتك علشان كدا بقيت مراغب مثاني وعرفت بخطتها قلت ليهو بس إنت ما كان عندك ثقة فيني قال انا ثقتي فيك كبيرة بس بعد ما عرفت بموضوع الصور الجاتك خفت تصدقي وتحاولي تتنتقمي مني وتحرمني منك قلت ليهو انا مستحيل افكر في راجل ثاني لاني اساساً ما شايفة في رجال في الدنيا دي كلها غيرك إنت وبس خليك واثق قال لي بجد بتحبني للدرجة دي قلت ليهو واكثر إنت لو عرفت كمية حبي ليك حتعمل لي تمثال ضحك وقال لي طيب خلينا ننوم احسن لانو لو اتكلمت اكثر من كدا انا ما بضمن نفسي وقال يالله وكمان خجلانة انا ح انوم احسن لي وقمد عيونو بعد ما باسني في راسي صحيت الصباح لقيتو نائم عملت روتيني وخلصت وصحيتو قال لي صبح السكر قلت ليهو صباحو يلا الزمن اتأخر دخل الحمام وانا مشيت أعمل الشاي لما دخلت لقيتو عامل الشاي و كمان جايب باسطة رجعت الغرفة قلت ليهو انت ما نمت قال لي ليه قلت ليهو امتا عملت الشاي وكمان نزلت قال لي صليت في الجامع وجيت عملتو قلت ليهو طيب مالك ما صحتني قال لي ما قدرت كنت بتفرج عليك وانتي نائمة لحدي ما غفيت قلت ليهو بردو كنت تصحني الصلاة قال لي يا زولة إنتي الزول ما يحن عليك قلت ليهو جاتنا الحنية في الصلاة كمان جديدة دي والله قال لي خلاص يلا عايذ أشرب الشاي كلامك كثير ياخ لويت خشمي وطلعنا قعدنا في المطبخ وانا عملت نسكافي وبنشرب ساكتين بعد مسافة قال لي شنو ساكتة كدا قلت ليهو اتكلمنا ما عجب سكتنا ما عجب حالة والله ضحك لما عشرق قال لي كنت متوقع رد زي دا بس تعرفي أحلى حاجة فيك كلامك ورقيك دا قلت ثاني ما فيني شئ حلو قال انا قلت أحلى يعني كلك حلوة قلت ليهو امممم بردو لسا زعلانة قال لي اراضيك كيف قلت ليهو بتعمل اي شئ قال لي أي شئ اطلبي ربعت يديني وقلت ليهو تمام إنت الجبتو لنفسك عايذة اسورة صدف وانت تعملها بنفسك قال لي انا إنتي جادة قلت ليهو اي مش قلت اي شئ قال لي طيب الاسهل اسورة دهب أو فضة وعليها اسمك قلت ليهو عندي وانت جبتهم لي إنت عايذة الطلبتو دي قيمة معنوية اكثر من مادية قال لي لسا محتفظة بي الهدايا حقتي قلت ليهو تعال مشينا الغرفة حقتي فتحت الدولاب وطلعت شنطة ظهر من الجلد بناتية كدا وفرقتها في السرير قال لي ما جادة قلت ليهو في جدية اكثر من كدا كان فيها كل الهدايا الجابهم لي شلت عطر كان جايبو لي قلت شوف ضحك قال لي ليه ما استخدمتي قلت ليها استخدمت منو بسيط لاني كنت عايذة استخدمو معاك قال لي اممم وديل ليه ما استخدمتمهم قلت ليهو ديل برضو بس كنت بصور بيهم وبلمهم وخاصة الاساور والساعة ما كنت عايزاه الناس تشوفني بيهم يبينو قديمين لاني ح البسهم للعزومات الحنطلعمهم مع بعض قال لي صح تقريباً اغلب الناس العزمونا وزعتهم بس ح نمشي بيتنا ولي ناس ابوك قلت ليهو تمام ح اللبسهم في البيت المهم إنت تشوفهم علي قال لي ما عارف ارد اقول شنو قلت ليهو ما تقول شئ بس عاين لي بنفس النظرة دائماً دا بكفيني قال لي ياخ انا بعشقك وحضني شديد بعرف كيف يحتويني صح كلامو ما كثير بس افعالو بتعبر عنو دا حلى شئ فيهو عدينا اسبوع من أحلى أيامنا وطبعاً عمل لي الاسورة قلد فيديو بس ما كان منقص لي فرحتي الا مثاني ورسائل تهديدها وتخلفها اني سرقت حازم منها لما مليت كلمت حازم بعد جاء من شغلو زي الساعة 4 كدا و قاعدين بنتغدا قلت ليهو حازم بتوتر كدا قال لي عيوني قلت ليهو عايذة اقول ليك شئ بس بدون تعصيب تمام رفع راسو عاين لي بتفحص كأنو بيقراء تفاصيل وشي وقال لي اممممم سامع قلت ليهو من فترة مثاني بترسل لي رسائل تهديد وبتقول ما حترحمني والبدتو ح تكملو قال لي بهدو كدا قصدك شنو قلت ليهو انت فاهم قصدي هي قاصدة انها تخطفني قال لي بقضب سيطر عليه دا يكون اخر ويوم في عمرها التافهة قلت ليهو انا ما كنت مهتمة ليها كثير بس اليوم هددتني بيك إنت وقالت ح تقتلك ولا تكون ليها وقلت لي ما عندها مانع نتشارك فيك قال لي كيف قلت ليهو يعني عايذ يا اما تعرسها علي أو تكون حبيبتك أو انا فهمت كدا قلت ليهو ثواني جبت تلفوني وفتحت الرسايل واديتو يقراها كان بقراها ورموشو بترجف وضاغط علي كف يدو بغضب ما اتكلمت لحدي ما خلص قال لي ليه ما قلت لي من الأول قلت ليهو لاني ما اديتها أهمية قلت ح تتعابط وبعدين ما بتقدر تعمل شئ قال لي علشان كدا إنتي ما بتطلعي صاح سكت شال نفسو بغضب قال لي ما تخافي ما ح يحصل شئ خليك واثقة قلت ليهو انا ما بهمني شئ على قدر ما بتهمني إنت انا خايفة تعمل ليك شئ وفكرة زول يشاركني فيك دي بتقتلني بس دي مجنونة قال لي قصدك شنو قلت ليهو انا عارفه بقيت من الخوف ما فاهمة شئ جاء حضني شديد لما شاف دموعي نزلو قال ما تخافي ح أحل كل شئ يتبع ....👈👈