حب وانكسار - الفصل 10 - بقلم بقيت محمد - مكتملة | روايتك

يقين محمد حتجي للغداء صح عاين لي نظام لا قلت ليهو لو ما جيت ما ح يحصل طيب رفع حاجبو وانا لسا ما سكة يدو قلت ليهو لحدي الساعة 4 لو ما كنت في البيت حا عمل في نفسي شئ ما حتتوقعو وانت بتعرفني ما بهدد بس ومشيت خليتو كنت مجهزة وباقي بس شوية حاجات مشيت استحميت لاني بقت ريحتي طبيخ بس وإحترت البس شنو بقلب كدا لقيت بجامة ناعمة¾ لونها البنطلون بترولي والتشيرت اوف وايت وعليها رسوم استحميت ولبستها طلعت ظابطة علي لما عجبني شكلي زاتو صليت الظهر وعملت ميكب خفيف كدا ما بحب الثقيل وجهزت كل شئ وبقيت منتظراهو صليت العصر حاضر ومشيت أصلح وشي سمعت صوت الباب خلصت بسرعة كدا واتريحت وطلعت كان هو دخل غرفتو والساعة  كانت 3:49 جهزت الغداء في الهول وهو جاء طالع من الغرفة وقف مسافة شكلو عجبو المنظر مشيت بستو في خدو وقلت ليهو كويس جيت كنت ح اجي انديك جاء قعد قلت ليهو إن شاءالله يعجبك كان بياكل بهدو واحياناً بعاين لي  قلت ليهو ما عارفة حاسة الاكل بدون طعم ولا نكهة ما اتكلم شال لقمة عايذ يكلها قربت منو واكلتها  وبرضو ما عبرني قلت ليهو بس من يدك احلى بس عايذة ثاني شال ثاني واحدة منتظرني اكلها قعدت في حضنو رفع حاجبو وحسيت بيهو اتوتر قلت ليهو بس ما من يدك اكلها نظام على كيفك طوالي مسكتو من حنكو وطلعتها  وقلت ليهو عايذة اجرب من خشمك عاين لي شديد وكأنو يقرأ تفاصيل وشي مفكرني ما حأكلها اكلتها وانا بعاين ليهو فتح عيونو كبار قمت منو وقلت ليهو والله أحلى من الحلو ثاني كل ما حبيت انهي اكلي بحلو بعمل كدا  ومشيت المطبخ وهو في حالة صدمة  عملت ليهو شاي بالقرنفل لاني عارفاهو بحبو كدا وجبتو ليهو لقيتو مافي مشيت غرفتو دخلت وهو كان في الحمام ختيتو طلعت ألم مكان الأكل من الهول خلصت ونظفت المطبخ وقعت في الهول اتصفح بتلفوني جاء قعد وشغل التلفزيون قناة الجزيرة  قفلت التلفون وقبلت عليهو قلت ليهو لسا حتعيش معاي دور الابكم ما ح تكلم قلت ليهو تقريباً شهر وانا بحاول أصلح علاقتنا وإنت صامت  ما عاين لي حتى سكت مسافة استفزاني وقفت وقلت ليهو غلطانة انا البذل في نفسي علشان كدا ارتاح ح اوقف محاولاتي وثاني ما ح اقف قدامك أصلاً وزي ما قلت 3 شهور و تنتهي وما فضل من شئ 3 اسابيع بتخلص وبس خليك عارف انا عملت كل شئ بقدر عليه وما حأندم في يوم على الاقل كان لي شرف المحاولة ودخلت غرفتي وغفلتها شديد اتوقعت يجي يتكلم معاي انتظرت بس ما عبرني كدا خلاص يأست واستسلمت وقلت كيفايني ابتزل لنفسي اكثر خلاص اذا كدا كل حي يمشي في حالو اذا هو بايع انا اتعب نفسي لشنو ومرت الأيام ولاهو جاء اتكلم معي ولا انا كنت بصحى قبلو بعمل الشاي وبدخل غرفتي قبل يطلع وبعد 3 اسابيع قمت جهزت شنطتي وانا مصدعة من يومين وانا ببكي لانو حتى ما اتكلم معاي واقنعت نفسي ما في نصيب بس صعب تحصل على حلمك وتخسرو بسرعة كدا خلصت وجهزت عبايتي كانت الساعة 4 و ½ ص انتظرت الصلاة وبعد الجامع اقام الصلاة قمت صليت وبعدها صليت كم ركعة علشان اهدي نفسي وما احسسو اني ضعيفة ودعيت انو ربنا يعوضي ويسعدو وفعلاً حسيت براحة قمت  عملت ميكب علشان اخفي أثر البكى ومشيت جهزت الشاي مثل كل يوم و كان اليوم جمعة  قعدت في غرفتي اتصفح في التلفون من غير اي هدف ومترغبة امتا بيجي ينهي كل شئ كنت متوترة الإنتظار حار على الساعة 9 كدا طلعت لاني مليت ولازم أعمل شئ علشان اليوم يمر دخلت المطبخ وكان كما خليتو حتى الشاي ما شربو ابتسمت بألم وقلت في نفسي وصلت لهنا بس كويس انا عملت واجبي على قدر ما اقدر وهو حر بقيت  لافة في البيت حسيت بحركة في غرفتو 😱🤔 اذا هو طلع مين الفي الغرفة دخلت ولقيتو واقع جنب السرير انا من 3 اسابيع ما شفتو جريت عليهو كان صاحي بس انفاسو قايمة وكأنو في سباق رفعتو في السرير وهو ساعدني قلت ليهو بخوف إنت كويس مالك في شنو ما رد علي كالعادة بس قمد عيونو عايذة اقوم مسك يدي ومنعني اقوم قلت ليهو ما حامشي مكان بس حاعمل شئ واجي فكاني مشيت عملت ليهو عصير ليمون وجبت ليهو بندول رفعتو على السرير وشرب وصلحت رقدتو وبقيت أعمل ليهو كمادات وشغلت قراءن سورة البقرة نام وانا لسا جنبو رقدت في الطرف الثاني وعلى الساعة 12 صحى قلت ليهو حاسي نفسك احسن هز لي راسو قلت ليهو طيب قوم استحمى لانو كانت عندك حمى وعرقت بعد نزلت طلعت ليهو بجامة شال تلفونو عاين فيهو ومشى دخل البجامة وطلع جلابية هنا طوالي طلعت مشيت عملت ليهو فطور خفيف كدا وجبتو ليهو لما جيت كان بسرح في شعرو عاين لي مسافة قلت ليهو اكل الاول الخطبة لسا ما بدت ح تلحق أصعب شئ تعيش مع زول صامت قلت ليهو والله ما تأكل الا اكبو على الجلابية يعني يا إنت تاكلو أو جلابيتك وعلي فكرة ما في داعي تتكلم معاي وانا جهزت نفسي علشان أطلع من حياتك فمافي داعي لدور الابكم وطلعت من متغاظة منو ومن برودو قلت في نفسي والله هو عيان ارحم البارد دا قعدت في الهول مسافة ورجعت غرفتو بدون استئذان لقيتو قاعد يأكل طلعت ومشيت أعمل ليهو الشاي عملتو وجيت لقيتو خلص وقاعد يتريح قلت ليهو الشاي حيجيك صداع وعلى فكرة بردو يا إنت أو جلابيتك شالو ابتسمت شربو بسرعة  مع إنو حار شلت منو الكباية وبستو في خدو وقلت ليهو الله عليك وانت بتسمع الكلام وعلى فكرة دي أخر مرة اقرب منك كدا يلا مشيت جنب الباب وقلت ليهو تقبل الله مقدماً قال حاجة بس ما سمعتو قلت أكيد بشتم فيني بس يلا الليلة اخر يوم وجعني قلبي على دا بس وهو الاختار مشيت صليت بقيت ثاني في الانتظار بعد شوية باب غرفتي دق ما اتكلمت لا فتحتو ففتحو ودخل ختيت رجل على رجل ويدي في خدي وهو بعاين للشنط وحتى التسريحة فاضية وشاف العباية على السرير قلت ليهو كلها كلمة قلها وخلصنا يعني ما محتاجة كلام كثير سكت مسافة وانا حاسة بقلبي شوية ويقيف وانا بعاين ليهو قال لي إنتي فاكرها بالبساطة دي قلت ليهو ما بعرف إنت قول مع إنو انفكت عقدت لسانك قال لي اتكلمي معاي كويس وخلي البرود الانتي فيهو دا قلت ليهو بستهزاء كدا برود ههههههه شكلك غلطان في العنوان والله قال شهرين ما اتحملتي طيب انا 9 شهور وانتي ما بتردي علي كيف اتحملت قلت ليهو ال 9 شهور الانت بتتكلم عنها دي ما كان في علاقة رسمية بينا ف باي حق عايذني ارد عليك قال لي قصدك شنو قلت ليهو قصدي واضح إنت بتحاسبني على شئ أصلاً حرام ولا طاعة مخلوق في معصية الخالق اما إنت كنت بتتجاهني و انا زوجتك وعندي حقوق عليك يعني في المرتين إنت الكنت بتعصي ربنا وجاي تحاسبني اني حافظت على نفسي لك حتى منك قال لي كيف يعني قلت ليهو عادي كدا قال لي وليه كنت بتتواصلي مع سامر قلت ليهو ههههه قصدك المايع والله الزي لا غيره اتصل لي مرة واحدة وشال الرقم من مثاني وبعدها ختييت رقمو في القائمة السودة اما المقابلت ف إنت عرفت الحاصل الأولى معاي مؤيد والتانية بابا قال لي بس الصور أبوك وين قلت ليك كان جاي لصاحبو ومثاني قالت لينا لحظة اختفت مسافة وجاء ت وانا في المسافة دي فهمتو ما يحاول معاي لانو ما ح يحصل شيئ ولما مثاني جاءت طوالي انا مشيت لي بابا قعدنا شوية مع صاحبو حتى صاحبو قال عايذ يخطبني ومتصورة معاهو هو وبابا  وعلى فكرة ما حا ابرر لك إنت افهم العايذ تفهمو لاني تعبت شوف إنت عايذ تعمل شنو وأعملو وسامر الانت معلق فيهو دا انا بالاساس ما شايفاهو من جنس الرجال فما تعملو حجتك كنت بتكلم بهدو كدا وهو بسمع لي قال لي دي فهمتها بس انا كنت عايذ اوريك انك إنتي ما عندك ثقة فيني ابداً قلت ليهو انا ما كان عندي ثقة في زول غيرك قال لي علشان كدا من من شفتي الصور بقيتي ما بتردي علي صح قلت ليهو على فكرة انا من أول يوم شفت الصور كنت عارفة انها مدبلجة وانك ما إنت الفي الصور قالت ليهو انا ثقتي فيك ما انهزت الا بعد ما خطفتني وصورت لي انك اعتديت علي وانا مخدرة حتى بعد دا لسا كان عندي فيك ثقة وكنت بدك مبررات حتى في العرس في كنت من جواي حاسة باني مبسوطة حتى ولو اظهرت غير كدا  قال لي لو عندك ثقة ما كان لميتي حاجاتك قلت ليهو انت ما خليت لي مجال عملت كل شئ بس إنت كنت بصدني دائماً وتعبت قال لي شهرين بس وتعبتي وانا اقول شنو قلت ليهو قلت ليك ما عندك الحق تحاسبني 😡💔 وانت بتطلب مني الحرام وانا رافضاهو قال لي يعني طلعت انا الغلط صح وبجرك للحرام قلت ليهو ما علينا المهم إنت اخترت النهاية فما في داعي للكل دا هي كلمة قولها وخلاص                        يتبع.....👈👈