حب وانكسار - الفصل 9 - بقلم بقيت محمد - مكتملة | روايتك

By : Yaqin Mohammed بس انا سبقتهم وحتى خليت معز وحنان يشاركوني انا ما لمستك حتى بعد خدرتك وجبتك الشقة خليت حنان معاك في الغرفة وهي العملت الانتي شفتيهو ما انا علشان كدا بعد قاطعتني لحدي ما اتزوجنا حتى بقت تتكلم معاي وكانت جاي تكلمك بالحقيقة بس انا كلمتها بكل شئ هنا مؤيد طلع من صدمتو وقال لينا دقيقه انتو كنتو بتحبو بعض يعني كنتو في علاقة قال ليهو ما بمعنى كدا يعني ما تفهم غلط لانو ما كان بينا اي شئ غلط أبداً قال ليهو اذا كدا ليه ما كلمتها بالحقيقة وخليها تبعد من مثاني قال ليهو قلت ليك هي بقت تتجاهلني وعرفت بالصدفة بموضوع الصورة الكانت بتوريها ليها مثاني وانا افتكرت انها بما انو انا خاين في نظرها أكيد ما حتصدق لما اقولها عن بنت خالتها لاني متأكد انها صورتني ليها بأبشع الصور بس إنت مالك ما متفأجئ الموضوع دا قال ليهو مؤيد ببسمت استهزأ كدا لانها كانت حبيبتي حتى كنت عايذ اتزوجها بس يوم وانا راجع من الشغل كنت واقف في الاستوب وشفتا مع واحد بمنظر ما تمام ومشيت وراهم لحدي ما دخلو عمارة تخيل سمعت حتى اتفاقهم على القروش الحيدفعهم ليها قلت يمكن حاصل ليها شئ جبرها أو محتاجة قروش علشان كدا وبعد دا صممت اكثر اني اعقد عليها وانقزها بس اكتشفت انها شغالة الشغل دا من بدري وبتتعتبر نفسها زكية لانها بتستغل الرجال كدا ما فكرت انهم هم بستغلوها وبستخدموها لرغباتهم وبعدين برموها وبدوسوها برجلهم زي الوسخ علشان كدا انا منعتك تتواصلي معاها قلت ليهو طيب اذا كانت هي كدا ليه كانت جارية ورا حازم مؤيد قال لي لانها بتغير منك وعايذ تبقيك زيها حازم قال ولما ما قدرت تعمل كدا برضاك قالت تعملو غصب وبعد كدا كانت حتجرجرك وتشغلك معاها طبعاً بقيت بعاين ليهم بصدمة وبفكر معقوله ف ناس كدا وفي شر زي دا شكلو مؤيد عرف بفكر في شنو قال لي في الاسواء وانا دموعي ماشى وقبل على حازم و قال ليهو طيب ليه ما كلمتني قال ليهو كنت مفكر ما حتصدقوني على فكرة انا كنت عارف اليوم داك انك قاعد في البيت وانها حتجي تكلمك وانا بعرف إنت بتفكر قبل تتصرف وتتريس علشان كدا كنت مطمن بس الما عملت حسابو انو يقين تطعني اما الباقي كلو كان مخطط وابتسم بس زي ما اتفقنا ح نطلق بعد ما 3 شهور تنتهي على فكرة رامي على علم بكل شئ وعلى كدا دخل غرفتو وانا ومؤيد قعدنا مسافة و قال لي ليه ما كلمتني بعلاقتكم قلت ليهو لانو رامي قال لي ما أكلم زول وثاني لانو ما كانت علاقة بمعني علاقة كان بجيني في الجامعة كل ما يكون جاي من سفر بوصلني وبدني هدية بكون جايبها لي زي ما قال بعلم رامي قال لي طيب ليه بقيتي تتجاهي قلت ليهو لانو فعلاً حسيت الموضوع طول والمفروض ابعد لحدي ما يبقى رسمي يعني ما بسبب الصور قلت ليهو هي احد الاشياء بس ما علشانها لانو ما حصل حتى حول يمسك يدي علشان كدا بعدت علشان اديهو مساحة يفكر بس بعد عملت كدا هو انسحب بدل ما يتصرف علشان كدا صدقت انو خاين 😣💔 على فكرة الكلام دا من بعد ما اتخرجت يعني اكثر من 9 شهور علشان كدا نسيت الموضوع أو تنسيتو واقنعت نفسي انو شاف لنفسو حياة تانية وحتى رامي ثاني ما جاب لي سيرة قال لي يعني كل شئ كان بعلم رامي قلت ليهو أي قال لي تمام انتبهي للنفسك وانا كدا اتطمنت عليك وقام قلت ليهو أقعد اتغدا قال لي مرة ثانية اذا حصل اي شئ بينا الشبكة قلت ليهو تمام وقدمتو لحدي الباب مسكت يدو طوالي حضني وقال لي ما تخافي انا معاك قلبا وغالب طلع وانا قفلت الباب ووقفت مسافة مترددة أمشي اتكلم مع حازم ولا لا لانو لسا في علامات استفهام كثيرة عندي وصلت لحدي غرفتو واتزكرت لما قال انو ح نتطلق بعد 3 شهور طوالي مشيت غرفتي قعدت وانا راسي عايذ ينفجر وانا براجع كل شئ وتصرفات مثاني والمايع وكمان اليوم الخاطفني فيهو حازم والاشياء الحصلت بعد كدا وفكرت انو لو ما حازم اتصرف يعني كنت ح أعمل شنو حسيت ما قادرة أخذ نفس قمت من السرير وراسي لف وثاني ما شفت شئ لاني اساساً ماكنت قادرة حتى ارفع اصبع صحيت لقيت نفسي في السرير وحازم جنبي أول ما فتحت رفعت يدي للراسي حازم قام وقال لي بخوف كدا إنتي كويسة وكررها كم مرة وقال اديك مستشفى قلت ليهو انا تمام الحصل شنو قال لي سمعت شئ وقع لما جيت لقيتك في الأرض إنتي ملحظة انو بقيت تدوخي كثير قلت ليهو انا تمام وعاينت ليهو شديد ولا قصدك شئ ثاني قال لي شئ شنو قلت ليهو اكون حامل مثلاً قمد عيونو وقال واستغفر حتى قال لي معنى كدا إنتي كويسة وعايذ يطلع قلت ليهو بدل الفلم الهندي العملتو دا كان تقول لي الحقيقة قال لي وكنتي ح تصدقي قلت ليهو ما بعرف بس أكيد كنت حفتش على الحقيقة ما غبية وأكيد كنت ح أعمل حسابي قال وسامر قلت ليهو المايع خليني أول اعتبرو راجل حتى افكر ارتبط بيهو قال لي قصدك شنو قلت ليهو إنت اكثر واحد المفروض تفهم قصدي وأساساً انا ما قابلتو الا مرتين مرة مؤيد معاي ومرة بابا قال لي لما جاءكم في البيت قلت ليهو ولا مرة دخل بيتنا ولا قصدك لما جيت واتهمتني ما شفتو جات مثاني بس هو ما شفتو وفي نفس الوقت كنت مواعدة مهجة وقلت ليك شوف الكاميرا قال لي يعني ما دخل قلت ليهو اي قال لي امممم ماشي اساساً انا واثق في النقطة دي بس دا ما بعني اني خاين صح وطلع دموعي نزلو وكيف ما متقبل مني شئ اساساً انا بحبو وبعد عرفت بالعملو بقيت بعشقو بس كيف أخليهو يسامحني قعدت كل الليل افكرة لحدي ما اتوصلت لحل وح انفزو وان شاء الله ربنا يوفقني ظبط المنبه اساساً هو بطلع الصباح وبرجع الضهر واحيانا العصر وثاني بطلع أو بقفل نفسو في غرفتو أو بحضر أخبار في الهول المهم صحيت الصباح عملت روتيني اليومي ولبست بجامة ولا صغيرة ولا كبيرة حلوة علي واستشورت شعري وسبتو بمشبك وعملت ميكب خفيف ومشيت المطبخ عملت كيك وكمان شاي بالحليب وعملت نسكافي لي نفسي وختيتهم في صفرة المطبخ بطريقة حلوة كدا وبقيت منتظرهو يطلع علشان أشوف ردت فعلو بعد مسافة طلع بس كان لابس برمودا مع تشيرت يعني ما طالع ابتسمت ومشيت عليهو بستو في خدو وقلت ليهو قعدة صباحية رائك شنو حسيت بيهو اتوتر بس عمل ما همو ولا رد علي شال الشاي ومشى غرفتو بدون حتى ما يتكلم الصراحة كنت متوقعة شلت الكيك ومشيت دخلت غرفتو بدون حتى ما ادق الباب لقيتو قاعد على كرسي طبعاً أول مرة ادخل غرفتو عاينت فيها وقلت ليهو الكيك ختيتو ليهو وطلعت جنب الباب قلت ليهو لو ما اكلتو ولا أقولك راحتك رفع حاجبو بس ما اتكلم كأنو مقرر ما يتكلم ابداً المهم رجعت شربت النسكافي وانا بغسل في العدة جاب الكباية والصحن اكل منو بس ما كثير وختاهم في المغسلة بحيث افهم دا واجبي وكدا ضحكت وقلت ليهو تكرم سيادة المهراجا عاين لي مسافة ومشى كدا انا زادت رغبتي اني أخليهو يتكلم جهزت فطور خفيف كدا وقعدت في الهول بحضر في التلفون بعد مسافة جاء طالع ولابس يعني ما عايذ يفطر معاي اساساً كنت متوقعة وعاين لي عايذني اتكلم معاهو بس اتجاهلتو وبقيت بعاين لتلفزيون بحضر في صباح الخير يا عرب وهو طلع عديننا كم يوم بطريقة دي وهو بقفلني وبطلع واحيانا لحدي ما بنوم ما برجع وما بتكلم معاي ولا حرف وانا كل يوم بجهز ليهو الشاي وبكون مبتسمة الفهمتو نزل شغلو وحتى بابا اتصل قال لي الحمدلله انكم خليتو فكرة السفر برا البلد يعني حازم قال ليهو امممم الموضوع انا بلحق فيهو وهو بتهرب مني يوم الجمعة قلت أعمل شئ أخليهو في البيت لانو الجمعة الفاتت طلع الصباح ورجع مع مواعيد الصلاة لبس وطلع والقبليها طلع من الصباح وغيارو معاهو بس المرة دي ح أخليهو بعد الصلاة يرجع صحيت بدري لبست فستان صغير اسود كدا ورفعت شعري كعكة فوق وعملت كحل ومورد شفايف بس جهزت الشاي والكيك و عصير وانا بشرب كدا جاء قعد قلت ليهو صباح النور وكالعادة ما رد وقعد معاي زي اليومين الفاتو و بقى يشرب وعيونو علي وكأنو بقول لي فهمك شنو بعد خلص طلعت معاهو للباب ومسكتو من قميصو وقلت ليهو حتجي تلبس الجمعة من هنا صح هز راسو وطلع وكالعادة بفطر اي شئ وبقيت اجهز في الغداء لحدي ما سمعت صوت الباب ما جاني في المطبخ وبعد مسافة طلع كنت في الهول كان لابس جلابية بيضاء فيها لمعة كدا تسوي كدا👋👋مشيت عليهو وبستو في خدو ما كان لابس ولا شال ولا طاقية وقلت اقسم بالله كسرتني حسيتو ح يبتسم بس منع نفسو ومشى على الباب وانا وراهو قلت ليهو حتجي للغداء صح يتبع....👈👈