حب وانكسار - الفصل 5 - بقلم بقيت محمد - مكتملة | روايتك

By: Yaqin Mohammed كيف يعني انا شفتو مع مثاني قلت ليهو والله انا ما مطرة ابرر ليك بس والله ما شفتو جات مثاني عكت علي راسي واتخارجت قال لي يعني هو ما دخل معاها قلت ليهو لأ وعلى فكرة في كاميرا على الباب ممكن تتأكد منها ويلا برا ما عارفة لي كنت عايذة ابري نفسي قدامو بس ما حبيت ياخذ فكرة عني غلط قلت ليهو ما سامع اطلع برا قال لي طالع بس يكون في علمك كلها 15 يوم واو 3 اسابيع  وحيكون العرس قلت ليهو بقضب كدا لانك حيوان فاكر انك كدا مسكتني من يدي البتوجعني والله غلطان وحاندمك على اليوم العرفتني فيهو قال لي اساساً أنا ندمان وطلع وانا دخلت غرفتي وما قدرت امسك دموعي اكثر من كدا فكرت اتصل لي مؤيد أكلمو ثاني قلت لما يجي وفعلاً انتظرت لما مؤيد جاء البيت بس قبل ما أقول شئ كان بابا ومدثر جو عملت ليهم الغداء والشاي  وقلت ليهم ما عايذة انا مع إنو ما اكلت شئ من الصباح وقاعدة على قهوة بعد خلصو  بابا قال لي اقعد قعدت قال لينا انو ابوحازم اتصل لينا وقال حيعملو العرس بعد 3 اسابيع عاينت لي مؤيد قمد عيون نظام اهدي بابا قال لي اها قلت شنو مدثر قال ليهو بسرعة كدا ولا شبكة ولا يحزنون لشنو السرعة دي بابا قال ليهو انا زاتي قلت كدا بس عمك السر قال لي حازم مسافر عندو شغل ومطول علشان كدا عايذ يتم العرس ويسوقها معاههو قبل علي اها يابنتي قلت شنو مؤيد هزا لي راسو قلت ليهو الراي رائك ودموعي اتجمعو بابا فاكر انو زعلانة بس علشان فراقهم قال لي والله انا زاتي يابنت ما عارف كيف ثاني ادخل البيت بلاك وجاء حضني وقال لي بس بستحمل علشان سعادتك ولاني عارف حازم زول مسولية زول حارة وانا بكون مطمن عليك معاهو اذا هنا أو برا البلد انا بس ببكي على ثقة أبوي في زول زي حازم وفي انو انا ما قادرة اتكلم وأعبر عن الجويي طوالي دخلت غرفتي وقلت لازم ما اخلي أبوي يشك قاعدة كدا اتصل لي رامي أول ما رديت قال لي الحرامية السرقت صاحبي وانتمي قلت ليهو بالهناء ليك صاحبك كأني ميتة عليهو مثلاً والله الا ادبست بيهو ضحك وقال لي صدقتك بامارت الهداية قلت ليهو اي هداية قال لي علي إنا انا عارف اي شئ قلت ليهو والله وانا زاتي عارفة علشان هو بستأزن منك انا بشيلهم منو قال لي قالك هو قلت ليهو اي لما رفضت أول هدية جابة لي قال لي كلمت رامي الاول قال لي امممممم اها ثاني الحصل شنو قلت ليهو ولا شئ إنت بتعرف انو انا بتاعت حصل قال لي أي قال لي انك فاصلاهو عفيت منك والله بجد أختي قلت ليهو احلف بس قال لي أي اها اسي قلت ليهو شنو خليتي يستعجل في العرس قلت ليهو ولا قلت ولا قاولت قال لي كيف يعني ما تكلمتي معاهو كذابه قلت ليهو والله وما حاتكلم معاهو اساساً كل شئ تم من خلال بابا ضحك مسافة وقال لي اذا كدا ليهو الحق يستعجل الله يسامحك عزبتي الراجل قلت ليهو يستاهل قال لي وهو لسا يضحك من قلبك قلت ليهو اي واقطع وشك مني إنت وصاحبك الحيوان دا قفل وهو يضحك ما عارفة هل فعلاً انا غلطانه بسكوتي ولا لا بس اكثر شئ واجعني ثقة اهلي في حازم وهو ما بتستاهل الثقة دي ما عارفة لو عرفو حيعملو شنو واكثر شئ واجعني انو ما قادرين يشوفو الوجع في عيوني طلعت مشيت لي مؤيد وحكت ليهو انو مثاني جاءت القبيل واتكلمت معاي قام بغضب وقال  لي قالت ليك شنو حكيت ليهو كل الدار بينا وكمان كلام مهجة قال لي كدا إنت عرفتي الحاصل حكمي عقلك وابعدي لي من مثاني بلا بنت خالتي بلا قرف حسيتو بكرها كره مع إنو كان زمان زي البحبها ولا انا كان بتهيئ لي ما عارفة قال لي هئ سرحتي وين قلت ولا شئ قال لي خليك عارفة انو لو انو زواج دا ما فيهو مصلحة ليك والله على جثتي يتم بس لازم يحصل علشانك وعلشانا كلنا قلت ليهو بحزن كدا معك حق وانا اسفة قال لي ماتبكي ولا تتاسفي وصدقني حاجيب ليك حقق منهم كلهم ضميتو قال لي اتصرفي بطبيعية وعشان أبوي وانبسطي لانو الحزن ما ليك قلت ليهو انبسط كيف اني حا اتزوج الحيوان دا ولا كيف قال لي أي حيوان بس ما هرب بخطئو خلي العرس البتم إنتي واعي وعارفة صح انو لازم يتم صح هزيت راسي ولسا دموعي ماشين قال لي إنتي ما عندك ثقة فيني قلت ليهو انت الوحيد الأنا واثقة فيهو فيي الكون كلو قال لي اذا كدا أسمعي كلامي ونفزي اتصرفي زي العروسات وشيلي حق وزيادة ماشي قلت ليهو معاك حق وقلت ليهو ما كاسرني الا فرحة بابا قال لي انا زاتي بس كويس الطلع عندو شوية رجولة وجاء يصلح العملو لاني كنت حاجبرو كويس الجات منو قلت ليهو تمام انا ماشى غرفتي عايذة انوم لانو احتمال مهجة تجيني بكرة قال لي ما حتمشي تشتري حجاتك براك قلت ليهو اذا كنت عروس حقيقة قال لي كيف قلت ليهو كيف اشتري لشئ أنا معتبراهو موتي خليهم يشترو حجاتهم براهم قال لي راحتك بس ما تتصرفي تصرف غبي قلت ليهو اطمن حسيت بيهو غضبان غضب ما طبيعي بس ماسك نفسو حتى لحظت علامات في يدو كأنو متشاكل مع زول وحتى لابس قميص غير الطلع بيهو الصباح سكت لأني عارفة ما حيقول لي بس بجد بقيت خايفه مع أني عارفة مؤيد بفكر الاول حتى بتصرف بس برضو خايفة عليهو بجد ما عارفة خلال أيام بس كيف حياتي اقلبت 😭😭 الحمدلله بس اساساً مفكر أقعد مع حازم شهرين واطلق واطين عشتو في الشهرين ديل علشان كدا ساكتة وزي ما قال مؤيد علشان مستقبلي لازم اتزوجو لانو ما فزول حيصدق انو انا انخطفت واتخدرت والاهم بابا اكيد حيموت ولو عرف علشان كدا لازم انفز كلام مؤيد بس مؤيد اتغير بقى كل الوقت سارح وكمان بغضب من اي شئ ما عارفة بفكر في شنو صح معاهو حق بس كمان خائفه عليهو لانو الحصل صعب اي زول يتحملو وانا عارفة انو ساكت علشان مستقبلي أو كان زمان قتلو الأيام بتعدي كأنها سنين وحاسة بقلبي ينزف مع كل دقة بس المفروض اسكت واتحمل كل يوم كرهي لحازم بيكبر كنت بتمنى اتزوجو برضاي بس بقت احلام حلمت بيها زمان وأتمنيت الايام دي وكان عندي ليها مخطتات كثيره بس اسي أتحول حلمي لكابوس مؤلم بسبب اكثر إنسان اتمنيتو يمكن علشان كدا ألمي مضاعف وخاصة اني ملزمة امثل اني عروس مبسوطة المهم جهزت عصير وكيك وقهوة لاني عزمت مهجة تجي تقعد معاي بما انو بقت صاحبتي الوحيدة صاح ماقلت ليها شئ بس انا برتاح معاها اكثر شئ طبعاً خالاتي ولا وحدة عبرتني أو يمكن بابا ما كلمهم لانو ما بحبهم ولا هم المهم جهزت كل شئ وجهزت نفسي وكمان لبست شرابات بما انو عرسي بعد 10 يوم وحيجيبو الشيلة بكرا جاهزة من كل شئ خالتو أحلام (أم حازم) لانها عارفة ما عندي زول بجهزها فعملتها وجهزت اي شئ لانو عماتي حيجو قبل العرس ب 3 أيام  المهم مثلت دوري كويس مهجة جاءت وجابت لي معاها مرطبات وصابونية ومقشرات  واصرت نمشي نعمل ساونة قبل يجيبو الشيلة كلمت مؤيد وقال لي انا بجي اوصلكم وفعلاً وصلنا وانتظرنا ونحنا راجعين قلت ليهو ناس خالتو رحاب لي متنشني كدا قال لي لانهم ما عارفين أوعى يعرفو لاحدي ما أبوي يقول ليهم المهم دخلنا غرفتي ومؤيد الصالون واصريت على مهجة تبيت معاي وحتى اتصلت لامها ووافقت بقينا نتكلم وعملنا مسكات وهي مشغلة اغاني مبسوطة الصراحة حسستني اني عروس وانا زاتي نسيت الحاصل واتمشيت معاها طبعا بابا ومدثر جو واتغدينا وبابا مبسوط من مهجة وقال ليها رائك شنو اعرسك ليك واحد من اولادي قالت ليهو ما عندك اي مشكلة بس إتحمل جني قالها انا تحملت المجنونة دي ثاني ما بقلبني زول                      يتبع....👈👈