حب وانكسار - الفصل 4 - بقلم بقيت محمد - مكتملة | روايتك

يقين محمد 🫶🫶🫶 بغلها مدمنة المخدرات قلت ليها قلت شنو 😱😱 قالت لي ما تقولي لي ما عارفة ولا انتبهتي مستحيل تكوني غبية لدرجة دي  قلت ليهو إنتي أكيد غلطانة مستحيل تعمل كدا والله ناس خالتي يقتلوها قالت لي والله ما في شئ مستحيل براك الهبلة  قلت ليها كيف إنتي متأكدة من كلامك دا قالت لي سيبك من الهري دا ما قلت لي متين رجعتو لبعض إنتي حازم قلت ليها ما رجعنا بس هو جاء اتقدم لبابا وبابا اداهم كلمة وكدا يعني إنتي ما موفقة قلت لها شبه كدا قلت لي إنتي هبلة ولا شنو أوعى تكوني مصدقة كلام الكلبة ديك تكوني فعلاً هبلة وحمارة كمان قلت ليها تمام قالت لي الشبكة متين قلت ليها ما عارفة بس على حسب علمي حيكون العرس على طول ولا دا الفهمتو من بابا قلت لي مستعجل لكن والله ليهو حق بس الله بلهو بهبلة مثلك الله يكون في عونو علشان أغير الكلام قلت ليها بكرا لو ما عندك شئ تعالي لي في البيت قالت لي النشوف ولدك خبر قفلت منها وبقت اتزكر لما حازم بقول لي ما البتخنيهو يعني كدا انا التطلعت خاينة بس كمان اساساً علاقتي بي سامر ما كانت حب ولا غيرو كلها لقيتو مرتين ومثاني كانت معانا وحتى كلامي معاهو كان رسمي جداً وما اديتو فرصة يتعمق معاي في الكلام بس حتى ولو بجد دا ما بدي لحازم الحق ينتقم مني كدا اساساً هو الخاين مفكرني زي البنات البعرفهم بس انا لحدا العملو كنت بحب حتى ولو ما قلت ليهو قبل كدا بس هو عارف صح كنت بتعامل معاهو بحدود وبحياتي ماقلت له اني بحبو بس بعتقد كان واضح اتزكرت لما قال لي امتى تتخرجي علشان اتقدم ليك ياخ مليت من الصبر قلت ليهو بعتقد دا كلام تقولو لي بابا ما لي انا حسيت بعقلي انشل من العرفتو يعني علشان كدا مؤيد منعني أتواصل مع مثاني طيب اذا هي عجبها حازم لي كان بتقول عليهو تافه وبتاع بنات والصور كل الافكار دي كانت في راسي حسيت براسي على شوية وينفجر طيب يمكن مثاني كلمت حازم وقالت ليهو اني علاقه مع سامر علشان كدا هو عمل كدا علشان يجبرني اتزوجو بس حازم ما بفكر كدا مستحيل اها الحصل شنو من بعد تفكير وصلت لي انو حازم أصلاً تافه وكلب واني لازم ما اخلي حقي بعد اخواني طلعو كلهم مدثر شغال مع بابا في الاثاث وعندهم كم معرض وحتى في الولايات اما مؤيد مهندس بترول شغال في شركة بترول المهم ما كان لي نفس لاكل بس مشيت قلت للبنت القاعدة تشتغل معاي في البيت انها بعد اخلص تفطر  وطلعت كل دولابي قلت ارتبو وكدا  بقيت ارتب فيهو مع إنو مرتب بس عدم موضوع وقلت أشغل نفسي احسن من التفكير في اكثر إثنين وثقت فيهم وخانوني المهم مع الترتيب طلعت كل الهداية الجابهم لي حازم ساعة ذهبية ومعاها اسورة من شنيل وكمان  ريحة من قوتشي  كان في كل سفرة يجيب لي هدية  وكان سلسال فضة فيهو حروفي داخل قلب وخاتم احتفظت بكل هدية حتى ما استخدمتهم احتفظت حتى بالورد المجفف البكون في الهدية من غبائى بس حاليا جاء علي بالي احرقهم هم وصاحبهم الخاين الحيوان ما بعرف بس قلبي ما طاوعني فدخلتهم الدولار راجعين بعد خلصت مشيت المطبخ علشان أشوف أعمل شنو للغداء لقيت رقية  عملت الغداء كمان قال لي بابا هو قال ليها من اليوم هي تعملو المهم  عملت معاها الغداء حتى ولو شغالة فهي انسان ومن الصباح شغالة المهم بعد خلصنا قالت لي انها حتكوي قلت ليها تمام حاساعدك إنتي اكوي وانا حارتبهم في الدواليب لانى بعرف ملابس كل زول في البيت   بعد خلصنا عملت قهوة ظابطة كدا شربناها وهي مشت على الساعة 4 كدا بعد صليت العصر ورقية طلعت بعد مسافة كدا الباب ضرب سئلت منو لقيتها مثاني سلمت علي وقالت لي شنو من يومك القلت جايني داك ما سمعت ليك خبر قلت ليها معليش بس اليوم مؤيد منعني واتشاكلنا علشان كدا نفسنت وبقيت من الغرفة ما بطلع قالت لي أخوك دا معولق ساي ما تشتغلي بيهو اها ما قلت لي مالك ما سامر قال لي ما بتردي عليهو قلت ليها انا من متين برد على أولاد وعاينت ليها شديد وقلت اذا حازم ما كنت برد عليهو ولا بدي مجال يطول في الكلام معاي ارد على سامر تبعك دا بعدين دا علي قول المصرين فافي ساي قالت لي يالله لسا نحن في حازم ما انتهينا قلت ليها ما كدا بس بكلمك علشان ما يعشم اني ارد عليهو واعمل فيها رمانسية وونسة دقاق إنتي عارفني ما من النوع دا ففهمي احسن قالت لي أي اقعدي كدا يا الهبلة إنتي ما عايذة توري حازم إنك احسن منو وإنو في الف من يتمناك قلت ليها والله على حسب بس ما عندي اخلاق لي الحرير البقولو سامر دا مايع كدا علشان كدا خليهو يبعد مني احسن قالت لي علشان هبلة الزي سامر دا بكون في يدك وبتقدري تسيطري عليه وبتمشي بمزاجك قلت ليها والله احسن اتزوج كلب شوارع ولا اتزوج راجل دلدول قالت لي ما دلدول بس بحترم المراة قلت ليها والله خير خليهو يحترم بعيد مني قالت لي عارفك هبلة بس ارمي طوبة حازم دي لانو هو ما بستاهلك قلت ليها في دي عندك حق حسيت بيها فرحت فرح وزتها قلت ليها أصلاً الزي حازم دا بتستاهل واحدة تافة وحيوانة زيو قالت لي ايوة خليك كدا يلا انا بعد دا ماشى وصلتها للباب واتخارجت قبل أصل غرفتي الباب ثاني دق بس المرة دي كان الجرس والباب مع بعض قلت دا منو المستعجل دا فتحت من دون ما اسئل وفجأة دخل حازم زي الإعصار المفاجئة لجمتني حتى ماقدر ت اتحرك قفل الباب وقال لي أمشي عدلي شكلك دا عايز اتكلم معاك هنا انا انتبهت اني لابسة بجامة والتوب في يدي بسرعة لبست التوب وقلت ليهو انت الجابك هنا شنو اطلع برا قال لي الجابني ما بخصك بس مثاني والمعاها كانو بيعملو في شنو هنا وناس عمي ماف بقلبي قلت المعاها دا متخلف بس قلت ليهو ما شئ بخصك ولا مجال اختصاك فاهم بغضب كدا وهو قضبان مسك حنكي وضغطني شديد قال لي بقضب كدا وعيونو حمر اتعدلي احسن ما اعدك بطرقتي بعدت يدو مني وقلت ليهو انت من اساساً علشان تتكلم معاي كدا يا حيوان وقسماً بالله ما ارحمك إنت فاكر الدنيا سايبة ولا انا هاملة وما عندي زول يدافع عني والله أكلم ليك اهلي الا ياكلوك بلا ملح علشان كدا احسن ليك تطلع من هنا بسرعة قال لي اساساً أنا لو ما عامل اعتبار للناس عمي اقسم بالله كان قتلتك وشربت من دمك سرير سامر كان بعمل هنا في شنو قلت ليهو سامر بستغراب كدا قال لي أي ما تعمل لي فيها ما عارفة قلت ليهو انت واعي بتتكلم في شنو سامر شنو الح يجي هنا إنت متخلف ولا جاي تتخلف على راسي قال لي كيف يعني انا شفتو مع مثاني                         يتبع ...👈👈