حب وانكسار - الفصل 3 - بقلم بقيت محمد - مكتملة | روايتك

يقين محمد 🫶🫶🫶 لحدي ما جو داخلين بابا كان باين عليهو مبسوط وجداً كمان ومدثر قمة في البسط ومروق ويصنفر ساي الا مؤيد الكانت عيونو بترف والوضع ما عاجبو وظاهر الوجع في وشو بابا قال لي إنتي يا بنتي كبيرة وواعية  علشان كدا حادخل في الموضوع طوالي اسمعني ناس عمك هاشم ديل جو طالبنك لي ولدهم حازم وياهم مننا وفينا وبنعرفهم وانا والله حازم دا ما اظن تلقي احسن منو راجل ود رجال ومأصل علشان كدا انا اديتهم كلمتي علشان عارف يا بنتي إنتي ما بتكسري لي كلمة صح كلامي دا بقيت اعاين لي مؤيد مسافة وأبوي يراقب فيني حسيت لو رفضت أبوي يمكن تجيهو حاجة هزيت راسي وطوالي دخلت غرفتي وقفلت الباب دخلت الحمام وبقيت أبكي ما عارفة ابكي على شنو ولا شنو وكل ما اتزكر الفرح الظاهر فوش بابا ببكي اكثر ما عارفه بكيت قدر شنو  وقمت غسلت وشي وطلعت لقيت مؤيد قاعد في السرير ومنزل راسو في يدينو أو ما حسى بحركتي رفع راسو عاين لي مسافة وجاء حضني وانا طوالي دموعي جرو وقال لي بصوت مخنوق انا عارف صعبة عليك بس أسمعي مني قعدني في السرير وقعد جنبي  قال لي هي صعبة بس لازم نفكر بمنطق نحن حاليأً في خانت إليك ومحشورين في الزاوية علشان كدا لازم نردخ ما عشان خايفين بس علشان نستر كل شئ اسي إنتي وافقي والفهمتو أنهم عايزين يستعجلو في العرس خلينا نتماشى معاهم وخلي الموضوع دا يتم برواق اول شئ علشان أبوي وثاني شئ علشان مستقبلك إنتي وانا ثاني بعرف كيف انتقم حققك واندمو على اليوم الفكر فيهو يخونا علشان كدا خليك هادية واتصرفي بعقل وابعدي لي من مثاني أوعى تحكي ليها شئ من الحصل معاك يكون بينا نحن بس قلت ليهو ليه مالى قال لي ليكون حكيتي ليها قلت ليهو لأ بس ليه قال لي لاني شاكي فيها أنها ما مظبوطة وانها عندها علاقة بالحاصل واحتمال تكون متفقة معاهو 😱🤔 قلت ليهو مستحيل هي بنت خالتي وفي نفس الوقت نحن صاحبات من زمان قال لي لا بس هي فيها شئ ما تمام وبحسها بتغير منك المهم ما علينا أسمعي مني وابعدي منها في الفترة دي لحدي ما اعرف واصل العايزو مع العامل فيها عريس القفلة دا قلت ليهو تمام بس أعمل شنو قال لي أدي الموضوع طابع دبلوماسي وقولي لابوي الشور شورك واسكتي على كدا قلت ليهو بس انا ما عايزاهو والشئ الوحيد البفكر فيهو قتلو وبس قال لي ما براك حتى انا بس بالعقل كدا لو ما وافقتي حتقعدي بدون مستقبل كدا ودا شئ انا ما برضني ولا عايزو حتتزوجي فترة من الزمن وبعدها غصب عنو يطلقك كدا انا بضمن مستقبلك وبعدها انا بعرف كيف اربي الكلب بس إنتي إتماشي معاي و نفزي كلامي بالحرف هزيت راسي وهو طلع بقيت افكر ليه مؤيد بتكلم عن مثاني كدا هي اصلا بتكره حازم وطوالي بتقول لي أبعد عنو كيف تتفق معاهو وحتى هي الجابت لي صورو مع البنات وكشفت لي وساختو طيب ليه مؤيد بقول كدا انا عارفه مؤيد ما بيتهم زول ساي يمكن هو عرف إنها عرفتني علي سامر 😱 ولا قصدو شنو ب ما مظبوطة لما ماقدرت اوصل لشئ بلعت حبوب علشان اقدر انوم أصلاً بقيت ما بقدر انوم بونهم وببعد تفكري علشان ما افكر في كوني حاعيش مع حازم في بيت واحد حتى ولو لفترة موقتة مع إنو دا حلمي من انا في الثانوي بس احياناً الحلم بقلب لكابوس صحيت الصباح وعملت روتيني الصباحي وطلعت المطبخ كانت الساعة 6ونص جهزت الشاي قبل بابا يطلع  وشلتو ليهو في غرفتو لقيتو خلص لبس ويصلح في العمة على راسو ختيت الشاي على التسريحة تبع ماما ألهو رافض انو تتحرك من مكانها او اي شئ بخص ماما الغرفة مثل ما ماما خلتها وهو محافظ عليها كدا حتى رافض يتزوج بعد ما ختيت الشاي مشيت عليهو وهو قاعد في السرير لبستو المركوب وبستو في يدو ضحك وقال لي بقت عادة يعني وبعد تمشي الحيلبس ليهو منو قلت ليهو منو القال ليك انا ماشى اساسا وثاني بست يدو قال لي قصادك شنو يعني ما عايذة تعرسي حازم انا ادينهم كلمة حسيت بيهو اتوتر قلت ليهو انا بنتك ولو قلت لي ادخلي انار بدخلها من دون تفكير قال لي اها قلت ليهو في الموضوع دا الراي رايك فصل وانا بلبس بس لو شرط اتزوجو ح اقعدو معنا هنا أصلاً البيت كل رجل ما بيمنع ولو ضفنا واحد ضحك بصوت عالي وقال والله افكارك خطيرة اديتو الشاي وقال لي بس الموضوع دا عايز قعدة وهم مستعجلين قلت ليهو أعمل البتشوفو صح وانا معاك وبابا طلع وعلى كدا على شوية كنت حا اقول ليهو الحقيقة بس خفت عليهو إذا لما حس برفضي اتوتر لما يعرف الحقيقة يحصل ليهو شنو😭😭 هو مشى من هنا وانا دخلت في نوبت بكى من هنا دخلت غرفتي بكيت لما حسيت دموعي جفت وحلفت اني في الفترة الح اقعدها معاهو انتقم منو ابشع انتقام على السببو لي بس لازم اقدر اجيد دور العروس تمام كان نفسي يكون عندي اخت أو ام أو حالة تتهتم لي مافي غير مثاني ومؤيد حزرني منها وحسب معرفتي ليهو ما بقول كدا من فراق بس لازمني زول يكون معاي اتكلم معاهو هنا اتزكرت مهجة اتصلت ليها قلت لي باستهتار كدا خير الليلة الزكرك بي شنو استغربت من ردها قلت ليها مالك هاجمتني طوالي كدا قالت لي العفو بس استغربت قلت ليها الغريب شنو قالت لي انك اتصلت علي بعد الزمن دا كلو قلت ليها انا اسفة بس والله مشاغل قالت لي مشاغل اممممم قلت ليها يا بنت مالك قال لي مثاني ما قالت ليك قلت ليها تقول لي شنو اساسا للزمن فاصلها قالت كيف يعني قلت ليها كدا قالت لي ما قالت اي شئ بخصني قلت ليها من فترة قالت لي انك تافة والمفروض ابعد منك وكدا وانا قفلت ليها الموضوع دا ليه مالك قالت لي التصبر لي الكلبة انا التافهة موش قلت ليها فهمني فشنو والله ما فاهمة حاجة قالت لي إنتي صدقتيها قلت اذا مصدقالها اتصلت ليك قالت لي إنت ما لحظتي انو فيها شئ غريب قلت ليها شئ زي شنو مثلاً قالت لي مثلاً اي زول قريب منك بتطلع فيهو مئة عيب علشان تبعدك منهم واولهم حازم قلت ليها كيف يعني قالت لي هي عاجبها حازم عايذة تشلبو منك علشان كدا خلتك تكرهيهو قلت ليها جبتي الكلام دا من وين قالت لي سمعتها تتكلم مع واحد كدا على ما اعتقد اسمو سامر وهو كمان معجب بيك 😱😱 قلت ليها إنتي متأكدة من الكلام دا قالت لي والله العظيم بعدها انا ما بعرف هي قالت ليك شنو وإنتي فصلتني قلت ليها انا كدا فهمت الرسة بي ما علينا انا بجد اسفة بس والله ما صدقت عليك شئ قالت لي اها مالك اتصلتي لي قلت ليها علشان خطبتي قالت لي انخطبتي قلت اي قالت لي لمنو يالمعفنة  قلت ليها معفنة في عينك يعني تتوقعي لمنو قالت لي بصرخة كدا قولي لي حازم قلت ليها yes قلت لي أصلاً ما مصدقة بقت تتكلم بنفعال وقالت لي خلي بتخالتك الحيوانة التموت بغلها مدمنة المخدرات 😱😱 قلت ليها شنو                       يتبع...👈👈👈