الفصل 17
*ࢪواية*فهموها ياناس اني احبها ودمعتها تهز رجولتي*
*ﻋدد الباࢪت* *«¹⁸»*
مجلس الرجــــال..
الوليد يسوي نفسه يصيح : اهئ اهئ بتتركنا وبتترك العزووبيه
مشعل يكمل الدراما اللي مسويها وليد : اهئ اهئ وليد قطعت قلبي خلاص
فارس: عزوووز خلاص لا تعرس عشاان قلوووب العذارى اللي عندنا
خالد : ههههههههههههه اما عذارى
نواف : ههههههههه تبوون تطلقوون اختي باول شبابها والله ماتستحون
مشعل : ايييييييييه عاد كلش ولا توأم روووح ميشو
محمد : تراااك ازعجتنا كل ماطق عود بعود قلت توأم روحي
مشعل يطلع لساانه : غيران عشان ماعندك توأم ... وانت يااعزوز انقهر ترى انا
احس بااختي اكثر منك
عبدالعزيز : تراااااك صاااير بزر هالايااام وبعدين محد يحس بقلبي الا انا (( ويرفع حواجبه))
ومحد يحق له يتكلم فيها غيري ساااامعين
نواف: هههههههههههههه ماتكلم الا يووم تكلمنا بالمداام وبدت الغيررره تشتغل يغار من مشعل
عبدالعزيز : الظاااهر انتم مااكلين شي خلاص اوص تراني مرتبك
خالد : هههههههههههه واااااااضح
*******************************
عند الحريــــم ...
الجــــو كان هادي الكل يترقب وينتظر الهنووووف ..
اطفأت الانوار وكان ع الدرج شمووع وهي منوره المكان وبدت موسيقى هاديه
وبدت تطل احلى عروسه (الهنوف)
كانت في غاااية النعومه وبنفس الوقت جذابه
كانها اميره من الف ليله وليله
وبدا صوت راشد الماجد
نزلت الهنوف وجسلت ع الكووشه والكل قام يبارك لها
الاجواء رهيبه كلها رقص واستهبال الكل مبسوووووط وفرحان
ساره : هنوووو الف الف الف الف الف الف مبروووك وعقباااالي يارب
الهنوف: الله يبااارك فيك
جت لطيفه (ام عبدالعزيز) : الف مبروك الهنوف
الهنوف : الله يباارك في ايامك
لطيفه : بنووتات حلوات يلا تغطو المعرس بيدخل
الهنوف بهاللحظه تجمدت ومسكت ايد غيداء
الهنوف : غيداء خلاص بروح غرفتي مابي مابي
غيداء : ههههههه هنو شدعوا وهذا هو ولد خالتك وخاايفه اجل لو انك ماخذه واحد ماتعرفينه وش بتسووين
ساره : غيداااااااااااااااااااء يلا بيدخلون الرجال
دخل عبدالعزيزوجده مااسك ايده وابو نواف ونواف ومشعل كان يبي يدخل بس ابووه رفض
عبدالعزيز: الف مبرووك
الهنوف :الله يبارك في ايامك
عبدالعزيز : باس الهنوووف ع جبينها
وسااااااره والشله الكريمه انواااع الضحك على الهنوووف
كان في وحده من الحضور عيونها امتلت بالدمووع.. كانت نظراتها متوووجهه للكوشه
ماقدرت تمسك دمووعها نزلت مثل المطر ع خدها مو قادره تصدق ان احلامها اللي رسمتها من ايام طفولتها تختفي وتتلاشى في ثواني ..
بعد فتره بسيطه.. بعد ماسلم عبدالعزيز وجلس شووي
طلع ومعه عروسته
و الاستريو يشتغل ع احلى الكلمات
قامت وحده من الحضور وبكل
شموووخ ورقصت على
هذا حـظي من على الدنـيا وعيـت
كل ماضوي شمعه في دربي طفت
مع جميع الناس ياربـي وفــيـت
ليه بس اللي معـي بدمعــه وفـت
من عرفتك وانت تجرح ماكتفيت
دنيتي وهي دنيتـي مني اكــتفــت
اقوى صدمات من يدينك خذيت
هذي صدمـات وجديده شرفــت
جبتها على الجرح وكنك مادريت
وانتا قاصـد ماهـي عني صدفــت
والدليل انـك تبسـمت ومشـيـــت
وانا انادي لك ولا يمــي الـتفـت
ساااااااره شهقت: بنات تشوفون اللي اشوفه
غيداء: ايييييه
البنات مصدووومين ع الحركه اللي سوتها مها
بعد ماانتهى الزواج..
محمد اللي كان واقف برا عند الباب ومعاه جواله يلعب فيه ..
محمد في لحظه غريبه التفت على جنبه وكله دهشه واستغراب ..
محمد ينادي : مااااااجد..
الوليد اللي كان واقف عند سيارته ووراه محمد جاه مصدر الصوت والتفت
محمد بعد مالتفت عليه الوليد نزل راسه وباين عليه متضايق
الوليد راح عنده: شفيييك محمد؟
محمد: مافيني شي
الوليد: من كنت تنادي؟؟
طبعا ماجد كان فيه شبه كبير من عمه الوليد هيأته وشكله من بعيد .. حتى ملامح وجهه .. وسمار بشرته بالضبط نفس الوليد..
محمد خلاص حس بدمووعه بتنزل بس حاول قد مايقدر انه ماينزلها وخاصه بهاللحظات وبهاليووم .. اللي هو زواج اخته ..
الوليد : حموووود .. انت تدري الحين ماجد زعلان منك
محمد: ليييه
الوليد: لانه ضايق صدرك عليه وماجد يحبك ومايبي يضيق صدرك
محمد بنبره تقطع القلب: مشتااااق له حيل
الوليد: كلنا مشتاقين له .. يامحمد ماجد بس يبي الدعاء ادع له بالرحمه
محمد يتنهد: الله يرحمه ويغفرله
خالد: شعندكم هناا جالسين برا
محمد التفت على خالد: بذمتك ياخالد مااشتقت له
خالد مستغرب: مين قصدك
محمد: ماجد
خالد ضاق صدره : اكيد مشتاق له يامحمد .. وربي له فقده ماكنت اتوقعها
محمد دموعه في هاللحظه اعلنت استسلامها
خالد: حموود خلاص ليه الدمووع.. لاتضيق صدرك وتضيق صدرونا معاك
الوليد: خلاص عاد امسح دموعك وتعالوا ندخل داخل
خالد مسك يد محمد: يلا مشينا
دخلوا العيال داخل بالصاله
ماكان موجود الا ابوسعود وام سعود وحصه وعيالها والكل رااح بعد ماانتهى الزواج
خالد : سلاااام
الكل: وعليكم السلام
الوليد: ماشاءالله جالسين وفالينها ماودكم تمشوون تأخرنا
مشعل: ويييين تونا بدري وين رايحين
ام سعود: ايه والله تونا
مشعل راح وحب راس جدته: بعدي والله جدتي الله لايحرمنا منك
الوليد: يالييل يعني لازم نجلس
نواف: ايه اجلس وش عندك يالبزنس
الوليد وخالد جلسوا
محمد: اجل انا بروح انام تصبحون على خير
ام سعود: تعال ماشفناك اليوم اجلس معانا شوي وبنمشي
محمد: والله ياجدتي تعبان ودااايخ
حصه: الله يحفظك .. نوم العوافي
في جهه ثانية من بيت حصه في غرفة الهنوف
ساره: غدوووش خير انشاءالله خلاص عاد
غاده: المفروض بهاليوم تفرحين مو تصيحين
غيداء: وربي بفقدها
ساره: هي ماراحت وسافرت بعيد .. تزوجت بس وبتضل معنا ماراح تفارقنا ولاتنسين زوجها عزوز يعني دووم بتصير معنا
****************************
بالصاله ..
ابو سعود: مشعلووه روح قوول لخالتك وغيداء وغاده يلا بنمشي
مشعل: انشاءالله جدي
نواف وقف: لحظه غيداء بتروح معاكم ؟؟
ابو سعود: لابتجلس عندكم
نواف في نفسه: ايه اشوا
الوليد: يالدوووب انت شرايك يعني.. ايه بتروح معانا
نواف: ليه
حصه: خلاااص يابوي لازم تروح هي كانت جالسه علشان معاها الهنوف
نواف: ايه بس عادي جالسه في بيت عمتها مو غريبه
ام سعود: نواف شكلك منت صاحي .. وش يجلسها بيت ثلاث اولاد ماشاءاالله
نواف بعفويه : عـااااادي جالسه بين اولاد عمتها فيها شي
خالد يكلم الوليد: ههههههه شعنده نوافووووه
الوليد: مدري
نواف: وبعدين نفس الحكايه اذا جت عندكم ياجدتي فيه خالد
ام سعود: بس معاها اختها وبعدين ابوك مو محرم لها عكس انها تكون بين جدها وجدتها
حصه: خلاص نواف لاتناقش في شي معروف ومفرووغ منه
ابوسعود: يلا انا انتظركم برااا
راح ابو سعود ومعاه عياااله ..
نواف: يمه انتي كان رفضتي
حصه مستغربه: نوافوووه انت تتكلم جد والا تستهبل
نواف: لا مااستهبل
حصه: شلون تبيها تجلس عندنا .. والهنوف مو موجوده من تجلس معاه
نواف: عادي
حصه: لا انت شكلك انهبلت يلا بس رووح نووم مع اخوانك
نواف: لا انا بطلع ماراح انام
حصه: الله يهديك.. لاتتاخر طيب
نواف وهو طالع: انشاءالله ..
وانتهى زواااااااج الهنوف بسلااااااام ..
وعم الهدوء على عايلة ابو سعود
هل هذا الهدوء اللي يسبق العاصفه ياترى؟؟
*******************************
قامت على صووت العصافير.. والشباك اللي بجنبها مفتوح وطالع النوور خفيف والجو كان حلوو
التفت للي جنبها وابتسمت بكل حب
كان شكله بريئ وهو نايم كانه طفل..
قامت وتوضت وصلت الظهر
عبدالعزيز وهو في سريره منسدح وعيونه نصها نوم يبتسم: تقبل الله
الهنوف : منا ومنكم
عبدالعزيز جلس و مسووي زعلان: ليه ماصحيتيني
الهنوف :شفتك نايم ولا حبيت ازعجك
عبدالعزيز يلف راسه للجهه الثانيه: انا زعلان منك
الهنوف: عبدالعزيز انا كنت بصلي واصحيك بس انت صحيت قبل
عبدالعزيز يروح عند الهنوف: وانا اقدر ازعل منك
الهنوف: هههههههه
عبدالعزيز يقرب : ليه تضحكين؟؟
الهنوف: تو تقول زعلان منك والحين تقول وانا اقدر ازعل منك
عبدالعزيز: هههههههههه مشيها عاد.. ويلا البسي علشان نرووح نفطر
*****************************
حصه: مشعل يلا قوووووووم
مشعل : يمه حرام عليك خليني انووم امس كله كاارفيني
نواف: يالكذاب امس انت ماسويت ولا شي بس انا ومحمد تعبنا
مشعل : طيب ليه تبوون تقووموني تبوني اتذكر اني فارقت اختي ويضيق صدري خلوني انام
نواف: ههههههههههه اقول قوم بس عليك عذر
مشعل : اوووووووف طيب خلاص انقلع
نواف: مين اللي ينقلع
مشعل: انت
نواف: يمه انزلي وانا بقوومهم
حصه : ان شاء الله الله يهديكم
طلعت حصه عنهم
نواف بضحكه شريره : هاهاهاهاهاي
مشعل بدا يخاف بس مسوي قوي:وش تبي بعد انت يلا اقلب وجهك
نواف : انا اقلب وجهي طيب اوريك
مشعل قام بسرعه من سريره وطلع برا الغرفه
ورااااااح على الدرج
ونواف وراه كانهم توم وجيري
مشعل: يمااااااااااااه يبااااااااااه الحقووني
ابونواف خااف: شفيك
مشعل: الدووب بيطقني بابا هاااوشه
نوااااااااف من فوق: انا جيييت وييينك
مشعل متخبي ورا ابووه
نواف: ان مااخليتك عوود اسنان وانظف اسناني بك مااكون نواف ولد ابو نواف اللي امس عرس اخته وخلوه يصب القهوه
ابونواف: هههههههههه للحين شايها بلبقك
نواف : الييين اموووت .... وينه بس وينه
ابونواف: خلاص عن حركات البزران وخل اخووك بحاله
حصه: ياااااربي الامتى وانتم كذا متى تكبرون عقولكم اختكم الحين بتجي وانا البيت فوق راسي
مشعل ينط : توأم روحي بيجي الحين
حصه: ايه يلا افطروا عشان تستقبلون عبدالعزيز
*****************************
بيت ابوسعود...
غاده: جدتي متى بنرووح
ام سعود: بعد الظهر الهنووف بترووح تتغداء عند حصه وبنروح نشوفها
غاده قامت: ونااااسه برووح اقول لسوسو وغدوو
غاده راحت تركض فوووق وهي راقيه للدرج قابلها خالد اللي كان توه صاحي ونازل تحت
غاده وقفت
خالد بابتسامه حلووه : صباح الخييير
غاده: صباح النور
خالد: من نبرتك هذي شكلك مو رايقه
غاده: انا دووم رايقه بس من اشوف وجهك الحلو اتنكد ويضيق صدري
خالد: تمونين يابنت عمي
غاده: طيب ممكن توخر شوي علشان اقدر امشي
خالد وخر وكمل طريقه من دون كلمه وحده ...
********************************
في بيت حصه..
حصه: هلا والله وغلا تو مانور البيت والله
الهنوف ضمت امها وسلمت عليها
مشعل جاء يركض من الدرج
مشعل: هلااااااااااا هلاااا
وراح لاخته وضمها
مشعل: يالدووبيه اشتقت لك
الهنوف: وانا اكثر
عبدالعزيز : ترى كلها يووم ماامدى هالشوق
مشعل: يووه شيبي هذا يحتك
عبدالعزيز: هههههههههههه غاير منك
مشعل راح وسلم على عبدالعزيز وهو يضحك ...
جلسوا بالصاله ينتظروون ابوسعوود..ولطيفه وولدها
ابونواف: وكيف اصبحتوا انشاءالله مرتاحين
عبدالعزيز: الحمدلله .. احلى صبااح اصبحته اليووم
ابونواف: الحمدلله ..على كل حال
الهنوف: اجل محمد وينه ماشفته
نواف: والله تعبت وانا اصحييه مو راضي
مشعل: ولايهمك انا اروح واصحيه غصب
ابونواف: اقوول انثبر بس خله بيصحى الحين
الهنوف: ياقلبي شكله تعبان خلووه يرتاح
في هاللحظه دخل ابوسعود ..
ابوسعود: السلااااام عليكم
الكل: وعليكم السلام
سلم ابوسعوود عليهم وراحوا الرجال بالمجلس وجلسوا الحريم بالصاله..
غيداء: يالدوووووووووبا كبرتي
ساره: هههههههه ووع متزوجه
الهنوف: حرام عليكم خلاص يعني مااجلس معكم
غيداء: لاعاد تصدقين الحين تروحين تجلسين مع الحريم
الهنوف: هههههههههههه
ساره راحت وجلست جنب الهنوف: واخبار عزووووز
الهنوف: يسلم عليك
ساره: وكيف امس وش سويتوا وش ماسويتوا
لهنوف تدف ساره: اقوول انقلعي بس
ساره: ههههههههههههههههه
***********************
فارس: يووه عزوز ياشينك كذا
عبدالعزيز: ليه شفيني
فارس: مسوي ثقل ورسمي
نواف: هههههههههه يقالك يعني متزوج
ابو سعود: ايه عاد خلاص صار الحين رجال
خالد: قوويه ياجدي يعني اول كان بزر
العيال ميتين ضحك
عبدالعزيز: افاااا ياجدي
ابوسعود: لا شفيكم انتم بس يعني خلاص اللي متزوج يعقل ولايجلس الا مع المتزوجين
نواف: اوووف اجل انا بتزوج
ابو سعود: ههههههههههههه الله يعينا عليكم بس بنزوجكم في ليله وحده ونرتاح
الكل: هههههههههههههه
********************************
غاده تكلم بالجوال: اقوولك مقدر الحييين
فجر: اووف طيب فيصل ازعجني يقول ابيها ضروري
غاده: قوليله ماتقدر مشغووله مره
فجر: طيب متى بتدخلين
غاده: مدري يافجر والله اذا دخلت بخبرك
فجر: اووكي .. يلا باي
غاده باي..
ساره : من تكلمييييييين
غاده: بسم الله خرعتيني
ساره: ههههههه تعالي تعالي هنو بتروح سلمي عليها
غاده: يلا
الكل سلم على الهنوف وعبدالعزيز وودعووهم علشان يسافروون..
********************************
ام مها فرحانه: لا مو مصدقه اللي اسمعه انا
فهد: صدقي وليه ماتصدقين
ام مها: معقووله يافهد
فهد: ياليتك كنتي معاااي بالحلم والله بتعذريني
ام مها : ياليت هالحلم جاااي من زمان
فهد سند راسه على ورا: اااه مدري شسووي الحين
ام مها راحت وجلست جنب فهد: انا كل شي عندي .. بس اللي ابيه منك تسمعني زييين وانت عليك تنفذ اللي اقوله
فهد: عطيني قووولي أي شي وانا بنفذ اللي تقولينه
*******************************
بعد زواج الهنوف بـ 3 ايام ...
غاده كانت جالسه على سريرها ومعاها اللاب تووب وداخله الماسنجر
طبعا غدو اضافت فيصل عندها بقائمتها بعد ماكلمته اكثر من مره مع فجر
Faisal
منووووره الماسنجر ..
أحب الليل والسهرهـ ,, على شاطيـ بحـــر هاديـ !!
النور نورك هلا والله
Faisal
وينك من زمااان ماشفناك
أحب الليل والسهرهـ ,, على شاطيـ بحـــر هاديـ !!
شسووي يافيصل انشغلت هالايام والله
Faisal
ماعليه معذووره .. المهم اخبارك
أحب الليل والسهرهـ ,, على شاطيـ بحـــر هاديـ !!
تماااام .. انت كيفك
Faisal
تمام دامك تمام
أحب الليل والسهرهـ ,, على شاطيـ بحـــر هاديـ !!
تسلــم
Faisal
الله يسلمك .. بصراحه التوبيك حقك رااايق
أحب الليل والسهرهـ ,, على شاطيـ بحـــر هاديـ !!
تسلملي .. والله ودي اروووح البحر من زمان عنه
Faisal
ولايهمك اجي امرك ونروح مع بعض ونجلس عالبحر والجو رايق وانواع الفله
أحب الليل والسهرهـ ,, على شاطيـ بحـــر هاديـ !!
ههههههههههههه يلااا
Faisal
ههههههههههه وناخذ فجر علشان ماتزعل وتذبحنا
أحب الليل والسهرهـ ,, على شاطيـ بحـــر هاديـ !!
ههههههههههههه ايه اول وحده فجووره ياحبيلها
Faisal
وينها مادخلت اليووم ؟؟
أحب الليل والسهرهـ ,, على شاطيـ بحـــر هاديـ !!
مدري عنها بدق عليها اشووف
Faisal
لاا ياحلوه انتظري .. ابيك شووي من دون فجر
أحب الليل والسهرهـ ,, على شاطيـ بحـــر هاديـ !!
شبغيت فيصل ؟؟
Faisal
اممممم مدري شقوولك ياغدوو .. بس اهم شي ماتعصبين
أحب الليل والسهرهـ ,, على شاطيـ بحـــر هاديـ !!
ماراح اعصب .. يلا قووول
Faisal
انتي شفتي كيف يوم غبتي ماقدرت احصلك طفشت وانا انتظر..
يعني اشووفك بس بالصدفه في الماسنجر
أحب الليل والسهرهـ ,, على شاطيـ بحـــر هاديـ !!
يعني وش اللي تبي توصل له يافيصل
Faisal
شفيك شكلك عصبتي .. اذا بتعصبين خلاص بسكت
أحب الليل والسهرهـ ,, على شاطيـ بحـــر هاديـ !!
ماعصبت يلا كمل وقول اللي عندك
Faisal
انا اقوول لو تصير علاقتنا عالجوال احسن علشان كل مابغيتك دقيت وكلمتك
أحب الليل والسهرهـ ,, على شاطيـ بحـــر هاديـ !!
فيصل بليييز اسمحلي جوال مااقدر
Faisal
ليه طيب
أحب الليل والسهرهـ ,, على شاطيـ بحـــر هاديـ !!
فيصل خلاص قلت لا يعني لا
Faisal
طيب لاتعصبين روقي مااحبك وانتي معصبه
أحب الليل والسهرهـ ,, على شاطيـ بحـــر هاديـ !!
ماعصبت ولاشي .. عالعموم انا بطلع
Faisal
لحظه لحظه غدووو انا ماصدقت تدخلين واشوفك .. ويين بدري
أحب الليل والسهرهـ ,, على شاطيـ بحـــر هاديـ !!
تعبانه وابي انوووم مره دايخه
Faisal
اوكي ماودي اجبرك .. خذي راحتك ونوم العوافي
أحب الليل والسهرهـ ,, على شاطيـ بحـــر هاديـ !!
الله يعافيك .. يلا تامر شي
Faisal
سلامة قلبك .. وانتبهي لنفسك
أحب الليل والسهرهـ ,, على شاطيـ بحـــر هاديـ !!
الله يسلمك .. باي
*____________*
*يتبــ؏ . .*
*اتفاعلو لنڪَمل نشر الروايه .*
*____________*
*روايات_سعوديه .*
*`تقييمك للبارت من` 🔟 .*