الفصل 16
*ࢪواية*فهموها ياناس اني احبها ودمعتها تهز رجولتي*
*ﻋدد الباࢪت* *«¹⁷»*
هيا: وليه ماقلتلي من زمان ياخالد
خالد: يمه والله انشغلت
هيا: مو عذرهذا
خالد: بعدين زواجهم صغير وعائلي
هيا: مهما كان الزواج .. المفرووض انك تخبرني بدري والا نسيت ان عندك ام
خالد بنبره حزينه : شدعوووه يالغاليه .. انسى الدنيا ولا انساك
هيا: ايه خالد سكتنا بالكلام الحلوو
خالد: يمه .. والله انشغلت .. والا كان في بالي اعلمك كل يوم بس انسى
هيا: طيب خلاص .. انت بتروح؟؟
خالد: ايه اكييييد
هيا: سلمني عليهم كلهم
خالد: ابشري يالغاليه
هيا: يلا اجل فمان الله
خالد : فمان الكريم
****************************
ساره تصارخ: الوليييييييد ..
الوليد اللي كان نايم بسريره : خييير شعندك تصارخين تراك ازعجتيني
ساره: وليد مايصير شوف كم الساعه 4 العصر وانت للحين نايم
الوليد: ليه .. صار النووم حرام وانا ماادري
ساره تسحب المفرش: وليدووه عن حركات البثاره ويلا قووم
الوليد: ساروووه اطلعي من غرفتي لايجيك شي
ساره: قوم ودنا طيب وبعدين ارجع كمل نومك
الوليد: ماراح اوديك لاي شي .. انقلعي عن وجهي خليني انااااااام
ساره: ولييييييييد حرام عليك تأخرت مره على الهنووف
الوليد: مو شغلي .. وابوي وينه .. ليه مايوديك
ساره: ابوي مشغول ومو فاضي لي
الوليد: وانا نايم ومو فاضي لك
ساره عصبت: قسم بالله انك سخيييف وبااايخ
الوليد: من ذوووقك ... اطلعي برا بس
ساره : اوووووف منك ولد ...
وطلعت ساره وسكرت البا وراها بقووووه
******************************
كانت ماسكه الجوال ويدينها ترتجف وكل جسمها يرتجف بخووووف وضيقة صدر
سحر: هلا والله مهاوي
مها بخوف: هلافيك
سحر: مهااااااااوي شفيييييك
مها صرخت: اليوووووووم ياسحر اليوم
سحر: مها شفيك هدي بالك شوي
مها والدمعه بعيونها: خلاص ياسحر راح كل شي راح رااااح كل اللي في بالي ... راح الشي اللي كان فيه امل يخلي حلمي يرجع راااااااح
سحر: ومن قالك انه راح
مها عصبت : اليوم زوااااااااجهم شفيك انتي ماتفهمين
سحر بمكر: واذا كان زواجهم اليوم ... مها حبيبتي اسمعيني زييين وفكري معاي .. صدقيني اذا كانوا متزوجين يكون احسن
مها: كيييف؟؟
سحر: انا اعلمك كيف ؟؟
مها: شلون سحر مافهمت عليك
سحر: مها حبيبتي الشي اللي في بالي صدقيني لما نسويه وهم متزوجين يكون احسن من وهم متملكين او مخطوبين
مها: يعني للحين فيه امل
سحر: هههههههههههه الى بكره ياقلبي
مها : ههههههههههههههه
سحر: بسم الله عليك مها شفيك
مها: مبسووطه ياسحر مبسووووطه حسيت الدنيا فتحت لي ابوبها بعد ماسكرتها في وجهي
سحر: مادام معاك سحوووره لاتشيلين هم .. وصدقيني اللي تبينه بيصير
مها: يلوموني فيك يااحلى سحوره بهالدنيا كلها
****************************
في غرفة الهنوف
الهنوف: وين الكوافيره تأخرت
غيداء: ايه من جد مافي وقت علشان يمديها
رن جوال الهنوف في هاللحظه ...
الهنوف: هذا الرقم من 3 ايام وهو مزعجني ورديت عليه وصار واحد يستهبل ومو ناقصته الحين
غيداء: تبين ارد
الهنوف مدت الجوال: ايه تكفين
غيداء خذت الجوال
غيداء: الــو
.....: الو
غيداء: نعم ... ميييين؟؟
.....: ممكن اكلم صاحبة الجوال
غيداء: انا صاحبة الجوال
....: انتي الهنووووف ؟؟
غيداء مستغربه وتناظر الهنوف : مييين؟؟ الهنوووف
....: ايه الهنوف والا غلطان بعد
غيداء: ايه غلطان
....: اقول عطيني اياها وخلصيني بسرعه لوسمحتي
غيداء : قلتلك غلطان ... يلا باي
سكرت غيداء الجوال
غيداء: شدراه يالهنوف عن اسمك
الهنوف بخوف: مدري
غيداء: من نبرته احس وراه شي هالانسان
الهنوف: حرام عليك غيداء لاتخوفيني
غيداء: ماعليك منه بس ... اليوم زواااجك انسي السالفه وافرحي ووسعي صدرك
الهنوف: الله ياااااخذه ان كانت نيته شييينه
غيداء: امييين ... وماعليك منه انسيييه وفكري بعزوز بس
الهنوف: ياااسخفك بعد انتي .. من جد رايقه
غيداء: فيه احد مايروق وهو يشووف وجهك... ( وتغمز لها )هاه شرايك فيني اعرف امدح صايره مثل عزوز ههههههههههه
الهنوف: ههههههههههههههه من جد ...
غيداء: ايه وسعي صدرك خلينا نشوف هالضحكه الحلوه
الهنوف: اييييييه تعالي
غيداء: وشوو
الهنوف: اذا تزوجت انا بتروحين تجلسين عن جدي
غيداء: شرايك يعني والا تبيني اجلس عند اخوانك الحلويييين
الهنوف: لا بس مالك داعي تروحين وتخلين بيتنا تعود عليك
غيداء: هههههههههه حلوه تعود علي وانا شعلي منه
الهنوف تغمز لها: وتخلين نواف
غيداء: خيييييييير ونواف منهوو علشان ماتبيني اخليه
الهنووف: ههههههههههههههه ولا شي
غيداء: الله يعين بعض الناس عليك
الهنوف قامت : امييييين
غيداء: هههههههههههههههه
********************************
في بيـــت حصه .. الكل كان فرحااان ومبسووط بهاليووم .. فرحتهم ماتوصف بهاليووم .. الكل مجتمع .. يهني الهنوووف وعبدالعزيز بزواجهم .. الا وحده كانت تتمنى تموت ولاتحضر هاليوووم ..
محمد اللي كااان كاااشخ ولابس الشمااغ والثوب وكان يطالع رووحه في المرايه يعدل شماغه ..
مشعل: محمد يلا الرجال كلهم تحت وصلوا
محمد: دقايق طيب انت انزل وانا بجي وراك
مشعل: يلا لأن ابووي معصب القهوجي للحين ماجا
محمد: اوف يعني احنا بنتورط وبنصب القهووه
مشعل: الله يعيننا .. يلا يلا ننزل
محمد: يلا مشينا
نزلوا العيال تحت وقابلهم نواف ..
نواف كان مختبص : وييينكم انتم يلا
مشعل: لاتقووول القهوجي ماجا
نواف: ايه خلاص ابوي دق عليه وقال لاعاد تجي
محمد: ياليييييييل يعني احنا اللي بنرووح فيها
نواف: اقول بلا كلام فاااضي ورحوا صبوا وانتم ساكتين
**********************************
في مجــلس الرجـــــــــال . . .
ابوسعود(الجد).. مبروووك ياولدي مبرووك الله يوفقك انشااءالله ويكتب لك اللي فيه الخير
عبدالعزيز يحب راس جده: الله يبارك فيك ياجدي .. امييين الله يسمع منك
ابوسعود: ماشاءالله عيني عليييك بارده .. شهالزييين ياولدي
نواف: جدي ترى اللي قدامك على طول يصدق لاتمدح كثييير
عبدالعزيز: ههههههههه تسلم ياجدي
نواف: بس ماراح يصير احسن من اختي
ابوسعود: ايه عاد كلش ولا عبدالعزيز سميي ..
نواف: ههههههههههه خلاص خلاص ماقلنا شي كلش ولا سميك
ابوسعود ابتسم وقام وحط ايده على كتف عبدالعزيز: الله يوووفقك انشاءالله
***********************************
عند الحـــــــريم في الصاااله ..
حصه: ياهلا ياهلا شهالمفاجئه الحلووووه
ام منصووور: والله الهنووف تستاهل من يتعب ويجي لزواجها
حصه: اهم شي انك جيتي نشوووفك من زمان عنك
ام منصوور: ايه والله حتى انا فقدتك وفقدت عيالك ياحبيلهم
حصه: يابعد عمري ارتاحي ارتاحي حيااك تو مانور البييييت
جلست ام منصووور وجلست تسوولف مع الحريم وحصه طبعا انشغلت مع بنتها والرجال ومتطلباتهم المعروووفه ..
غيداء: هالدووبا وين راحت
غاده: مدري تو كانت هنا
غيداء: الا تعاااالي انتي بتعترفين والا شلوون
غاده: اعترف باييش
غيداء: من وين طلع هالزيييين كله .. شمسوويه في عمرك
غاده: ههههههههههههه من زمان وانا حلووه
لطيفه: ايه والله وانا اشهد
غاده التفتت على عمتها: هههههه تسلميييين والله
غيداء: والله ياعمتي مو متغيره غاده
لطيفه: الا ماشاااءالله الله لايضرك طالعه قمر
غاده: يوووه عاد تراني استحي
لطيفه+ غيداء: ههههههههههههه
*******************************
في غرفة الهنوووف ..
ساره : يابنت اعقلي مكياجك خرب
الهنوف: ساره والله مو قادره امسك دمووعي شسووي غصب
ساره: ياسخفك شوفي كيف مكياجك خرب الحين لازم تعيدين من جديد
الهنوف: ساره الله يخليك انتي كذا تخليني اصيح زياده
ساره: اووووف دقيقه اناديها لك تعدله
الهنوف: بسرعه قبل لاتروح واتورط
جت الكوافيره ..
الكوافيره: شوو بكي هنووف ليه الدمووع ع خدك
ساره: الله يعافيك عدلي لها كل شي خرب
الكوافيره: ايه عن جد مايصير هيك
الهنوف: خلاص طيب انتي عدلي وبعدين سولفي على كيفك تراني مو ناقصه احد
الكوافيره: طيب حبيبتي ماصار الا كل خير
*************************
في الصاله ..
غيداء: ههههههههه ياحبيلها
ساره: قهرتني هاوشتها مسكينه هواش
غيداء: حرام عليك يالدوبا ماتنفعين تجلسين عندها انتي
ساره: حرام مكياجها خرب وكل ماعدلته قامت وصاحت انا امووت واعرف ليه تصيييح
غيداء: ههههههههه عادي طبيعي ياحلوه نشوووف بكرا في زواجك وش بتسوووين
ساره: بصراحه انا عن نفسي في زواجي بستانس وافرح واضحك وارقص وافلها معكم ... ليه الصياح الحمدلله
غيداء: هههههههههههههه ايه تقووولينه نشوووف ياساروونه
غاده جت : بناااااااات
التفتوا غيداء وساره لمصدر الصووت
غاده: مشاعل وبشاير جوا تعالوا سلموا عليهم
غيداء: والله وينهم ؟؟
غاده: شوفيهم هناك انا شفتهم وسألوني عنك
غيداء تمسك ساره مع ايدينها: امشي نروح نسلم عليهم
راحوا يسلمون على صديقات الهنوووف
بشاير قامت من الكرسي: اهليييييييييييييين
غيداء : هلا والله وغلا
بشاير: شخباااركم ..
غيداء: الحمدلله تمام انتي كيفك
بشاير: والله انا تمام بشوفتكم .. هاه ساروونه شخبارك
ساره: الحمدلله كل شي تماااام
مشاعل: احم احم مشاعل موجوده
ساره التفتت عليها: هلااااااوالله ..
غيداء: اهلييين سوري ماشفناك
مشاعل: كل هالكبر ولاشفتووني
ساره: هههههههههههههه من كبرك ما شفناك
مشاعل: اقول عن الطنازه ( طبعا مشاعل كانت سمينه وجسمها عريض شوي )
غيداء: هههههه ياحبيلك
بشاير: واخبار العروووس
ساره: اووووه هالعروس هبلت فينا
بشاير: افا ليييه
ساره : تعالوا نجلس واقولكم سالفتها هالخبله
راحوا البنات وجلسوا وسوووواليف ووناسه وضحك ...
في هاللحظه .. صار الشي اللي ماكان احد متوقعه ابد ... ولاواحد بالميه ... معقووله .. كيف ولييييه ؟؟.. الكل ماكان يتوقع هالشي
دخلت ام مها ومعاها بناتها كلهم ..
الكل تفاجأ بهالشي لان ام مها كانت معتذره .. ومها طبيعي انها ماراح تحضر زواج وحده شاركتها واخذت منها حلم طفوولتها ..
ام سعود: حصه .. مو تقولين ام مها داقه عليك ومعتذره انها ماراح تجي
حصه: الا يمه .. بس غريبه صراحه
قامت حصه تستقبلهم
حصه: هلا والله تو مانور البيت
ام مها: منووور باهله .. الف الف الف مبرووووك الله يوفقها ويسعدها دنيا واخره
حصه: الله يبارك بعمرك ..
مها اللي كانت ورا امها
مها بابتسامه مو متعودين عليها : مبروووك ياعمتي .. الله يوفقها انشاءالله
حصه: ويوفقك انشاءالله حبيبتي
سلموا البنات على حصه وراحوا جلسوا الا مها طبعا جلست تدور البنات وسألت غاده وقالتلها عنهم
البنات اللي كانوا جالسين ماستوعبوا وهم يشوفون مها جايه لهم وهي مبتسمه ومبسوووطه حيل
مها: سلاااام على احلى بنوتات
البنات مستغربين حيل من مها ومن زيارتها المفاجأه اللي ماكانوا متوقعينها ومن نفسيتها الحلوووه
مها: شفيكم ماودكم تقومون تسلمون علي
ساره: شدعوووه هلا والله وغلا
سلمت مها عالبنات وجلت معاهم
مها: اجل الحلوه وينها..
غيداء تلتفت على ساره وعلامات التعجب واضحه عليها
بشاير: ياحبيلها فووق الحين نرووح لها كلنا ونشووفها
مها: ايه تكفوون مره متحمسه ودي اشوفها
البنات الا الان مو فاهمين شاللي يصير معقووله هذي مها .. معقووله شلون تغيرت وليه .. مبسووطه وتسأل عن الهنوف ولا كأن شي صاير بينهم ...
*******************************
عند الرجال...
نواف : خالـــــــي !!
فهد: شفيك مطير عيونك مستغرب يعني
نواف: هاه .. لا ابد .. حياك حياك تفضل
فهد ببرود: كيف حالك
نواف: الحمدلله بخييييير...
فهد : مبرووك الله يوفقها انشاءالله
نواف: الله يبارك فيك ..
دخل فهد مجلس الرجال ..
ابونواف اللي كان يسوولف مع ولده عبدالعزيز اول ماشافه وقف من مكانه مستغرب
فهد : السلام عليكم
الكل: وعليكم السلام
ابونواف الا الان واقف ومو مستوعب فهد الشخص الوحيد اللي كان متوقع انه مايجي لزواج بنته
ابونواف: هلا والله فهد .. حياك تفضل
فهد: زاد فضلك
دخل وسلم على ابونواف وعاللي بالمجلس كلهم وراح يسلم على عبدالعزيز
عبدالعزيز قام ومد ايده وسلم وعانق خاله .. بس اللي استغربه انه فهد كان متعلق ومافك عبدالعزيز وطولوا وهم معانقين بعض
عبدالعزيز مستغرب .. ومايدري شيسووي
فهد بنبره غريبه: الله يوووفقك ياولدي ويسعدك .. ويعطيك على قدر نيتك ..
عبدالعزيز كلمة ولدي صارت ترن في اذنه .. مو متعود يسمعها من خاله فهد وماكان متوقع انه بيسمعها وخاااصه انها كانت بنبره حنووونه
عبدالعزيز حاول يفك خاله لانه خلاص شوي ودموعه تنزل
فهد بعد عنه: مبروووك
عبدالعزيز : الله يبارك بعمرك ياخالي
نظرات الدهشه والاستغراب كانت تطالعهم خاصه من محمد ومشعل واوبونواف اللي يحس انه بحلم وطبعا ابوسعود (الجد) وكل الموجودين بالمجلس
***************************************
فووووق عند الهنوووف:
مها : وااااااااااااو شهالزييين شهالحلاوووه ..ماشاءالله صايرين حلووين
غاده: هههههههه تشبه لي صح
مها: هههههه لا انتي احلى
غاده تغطي وجهها بيدينها : واااااو ترى استحي ياعالم شفييكم علي اليوم
مها: من زينك لاتصدقين عاد
غيداء: مدحناااك واخذتي مقلب في نفسك
غاده: اوف منكم ماعندكم الا التحطيم واذا تكرمتوا ومدحتووا ماتكملون مدحكم
الهنوف: ههههههههههه ماعليك منهم قمر كل شي فيك حلو غطيتي على العرووس
ساره تناظر غاده بنص عين : لا لا ماتقدر تغطي عليك
مها: ايه عاد كلكم حلوووين بس قمركم الهنوووف
الهنوف: تسلميييين .. ماعليك زود والله
حصه دخلت على البنات ..
حصه: ماشاءالله مبسووطين اصواتكم واصله تحت
مها: كيف ماننبسط ونستانس واليوم زواج الهنووف
حصه: ياحبيلك والله .. الله يسلمك
حصه: يلا الهنوووف حبيبتي تعالي انزلي
الهنوف: لاااااااااا يمه تكفييين مابي
حصه: وش اللي ماتبين تأخرنا على زفتك
الهنوف: مابي مابي .. خلاص
ساره: اقووول عن حركات البزران وقووومي
غيداء: عمتي ماعليه انتي انزلي دقايق وانشاءالله تنزل
حصه: يلا حبيبتي انا بكوون تحت انتظركم قبل ماتنزلون غاده عطيني خبر طيب
غاده: من عيووني
نزلت حصه ..
مها: الهنووف يلا عاد قومي انزلي
الهنوف: خايفه
ساره معصبه: خايفه من ايييييييييييش
غيداء: ساروووه وجع لاتصارخين حرام عليك لو انك مكانها بتسوين سواتها
ساره: لاوالله بنزل على طوول مااصدق بس
غاده: هههههههه الله يرجك شكلك بتعنسين انتي
ساره تطق غاده: وجع الله لايقوووله ...
غاده تطلع برا الغرفه : يالعاااانس هههههههههههه
ساره: اوريييك يالدوبا
مها: الهنوف يلا قومي معاي صدقيني اذا قمتي بيكون شي عادي يلا
غيداء: ايه يلا امك تنتظر تحت حرام عليك
الهنوف قامت: تكفوون خلوكم معاي
ساره: ههههههههه اتخيل اشكالنا نمشي معاك في الزفه
مها: ساره حرام عليك .. صدق انك رايقه خلاص اعقلي شوفي البنت كيف مرتبكه
غيداء: انا ودي اصفقك اليوم .. مدري شفييك مبسووطه ومروقه
ساره: يمه .. خلاص شفيكم علي والله بسكت خلاااااص
الهنوف: والله انتم الرايقين اللي جالسين تتهاوشون خلاص ارحموني
مها: خلاص يلا مشينا احنا راح ننزل قبلك اوكي
الهنوف: اوكي
غيداء حطت ايدها على كتف الهنوف: شوي شوي وخليك هاديه وريحي اعصابك
*____________*
*يتبــ؏ . .*
*اتفاعلو لنڪَمل نشر الروايه .*
*____________*
*روايات_سعوديه .*
*`تقييمك للبارت من` 🔟 .*