بين الحلم و الحب الجزء الاول - الفصل الاخير - بقلم nemo - مكتملة | روايتك

تاني يوم صحيت لقيت أبويا قاعد في الصالة قاللي وهو بيبصلي: يعني رحت ورجعت بسرعه وما لقيتش شغل رديت:لا… ملقتش قال:كنت بتدور فين قلتله وأنا بتهرب:عن إذنك عشان هتأخر على عم محمد في القهوة سبته وخرجت على القهوة ابتديت شغلي عادي بنزل مشاريب وبلمع ترابيزات  وأنا شغال سمعت صوت رسالة على الموبايل فتحتها، كانت من باستا: *"إزيك يا نجم الأغنية نزلت على كل المنصات لو عايز تسمعها تقدر دلوقتي."* اتجاهلت الرسالة وكملت اليوم.  أنا أصلًا فقدت الأمل ومش مستني حاجة رحت وسجلت الأغنية دي عشان مريم عشان تشوف الحقيقة وتفوق من الوهماخر النهار روحت اقابل مريم في مكانا عاملة إيه كويسة الحمد لله الأغنية نزلت ولا لسه إيه؟ آه نزلت طب يلا نسمعها سوا يلا شغلنا الأغنية وسمعناها سوا  قالت: الله! الأغنية حلوة مش قلت لك إنك موهوب  ابتسمت من غير ما أقول حاجة عدى أسبوع على نزول الأغنية ومحصلش حاجة منكرش إني كان نفسي يحصل بس مكنتش عايز أتعلق بحبال دايبة لحد ما جتلي رسالة غيرت حياتي من "باستا":**"إزيك يا نجم؟ عامل إيه الأغنية اللي سجلتها في الترند بقت حديث الناس يا نجم"** مصدقتش فتحت اليوتيوب لقيت الأغنية داخلة في العشرة مليون مشاهدة وعلى سبوتيفاي تلاتة مليون استماع  الأغنية في كل حتة على السوشيال ميديا قعدت مصدوم في القهوة مش قادر أصدق ده بجد ولا أنا بحلم فوقت على صوت رنة الموبايل وكانت مريم رديت يا أحمد شوفت اللي حصل الأغنية بتاعتك آه شوفت ومش قادر أصدق  صدق انت بقيت نجم أنا عايز أقابلك هستناكي في مكانا رحت مكانا واستنيتها لحد ما جت وصلت شكراً على إيه شكراً إنك كنتي الوحيدة اللي مصدقة إني حاجة وإنك وثقتي في موهبتي أكتر حتى مني مسكت إيديها وبوستها  قلتلها: انتي أكبر نعمة ربنا أنعم عليا بيها أنا بحبك  قالتلي: وأنا كمان بحبك خلاص مبقتش محتاج المسرح ده ولا الجمهور ده وشاورت على حوش المدرسة قولتلها بهزار: لا طبعاً مقدرش أنسى الجمهور اللي سندني  وكان نفسي أعملهم عرض بس المايك اتكسر وضحكنا سوا هنا يكون انتها الجزء الاول من روايه بين الحلم والحب يترا ايه الي هيحصل في الجزء التاني هل الشهره هتغير احمد هل هيقدر يوفق بين حلمه وحبه كل ده هنعرفو في بين الحلم والحب الجزء التاني الى اللقاء...