ضياع الروح - ☁️ الفصل السادس: ما بعد الألم - بقلم ضياع الروح - مكتملة | روايتك

اليوم اللي بعده، مهند قام من النوم مش متذكر كيف نام. البيت ساكت، والبرد داخل عظامه. طلع للشغل متأخر، قعد في مكانه، يشرب في كاسة شاي ويحاول يفكر “شن بقى فيّ؟”. ما بقى شي... لا حلم، لا أمل، لا حب. الناس صارت تشوف فيه وتقول “حرام مهند، كان شاب محترم، شنو صارله؟” لكن محدش حاول يفهم، محدش قرب منه، كأن الوجع جريمة. في الليل، رجع للحوش، مسك قنينة الخمر، وقعد يتفرج في السقف، يتفكر وجهها، ضحكتها، كلامها، كل لحظة. قال “ما فيش شي بيوجع قد الخيانة، خاصة لما تجي من اللي حسبته أمانك.” غمض عيونه، ودمعته نزلت بصمت، واللي كان في قلبه، ما قدرش حتى يعبّر عليه بالكلام. كانت نهاية يوم، وبداية طريق ما يعرفش وين بيوصله. لكن اللي أكيد... إن مهند ما بقاش زي قبل. صار ظل إنسان، عايش بجسد ميت، وذكريات تحرق فيه كل يوم شوي.