ضياع الروح - 🥀 الفصل الرابع: الانهيار - بقلم ضياع الروح - مكتملة | روايتك

الأيام بدت تمشي ببطء، كأن الوقت توقف على لحظة وجع. مهند معاش يضحك، معاش يحكي، معاش يهمه شي. صار يقعد في الظلام بالساعات، ما يبيش يشوف حد، ولا يسمع حد. بدى يدور على طريقة ينسى بيها، لكن النسيان ما كانش ساهل. في يوم صاحبه جابله قنينة خمر وقال له “جرب، تنسى وجعك شوي.” رفض بالبداية، لكن بعدين قال “شن خسران؟”. شرب، وفعلاً حس براحة لحظة، بس بعدها وجعه زاد. صار كل يوم يشرب، كل مرة يقول “هذي آخر مرة”، لكن عمرها ما كانت آخر مرة. بعدها جرّب حاجات أسوأ، دخّل عالم ما عمره تخيله. مخدرات، سهر، ضياع... واللي كان أنظف شاب في حومته، صار غير معروف. خواته بدوا يبعدوا عليه، واهله ما عرفوش يتعاملوا معاه، وكل واحد قال “هو اختار طريقه”. لكن محدش فهم إنه مكسور، مش فاسد. مهند كان يحاول يعيش، بس وجعه أكبر منه. كل مرة يسكر يقول “نبي ننسى”، لكن كل نَفَس كان يذكره بيها. وفي كل لحظة كان يقول “علاش خليتيني نضيع؟”.