البارت 27
البارت 27
المجنونه والهيبة
رهف/يا امي ليش تبجين بتج رح تشوفيهة بس ست ايام وتظل كبال عيونج بعد شكو هل البجي
غادة/خالتي بلييز وكفي بجي يا حياتي انتي
لمى/شبيج تحجين مصري يبت
غادة/مابعرفش خالص هو انا بحكي مصري
رهف/كافي ولجن
لمى/ماما انا عوزة اتكوز
ام فيصل/شنو ولج
لمى/ههه قصدي اريد اروح ابدل بيباي
غادة/اخذيني وياج
رهف/اني رايحة اعدل الغرفة مال كمر والحكجن
طلعن من الغرفة
غادة/بنات اني ناوية على نفسي
لمى/ليش شكو
غادة/رح اكبل
رهف/ههههههههه غادة تعيف كيانو وتكبل وية واحد ثاني لاا مو معقولة
غادة/دولن ولجن
لمى/بنات تعالن شوفن منو يم الشباب
غادة/منو
لمى/مؤيد ااخ شكد حبيتة
رهف/شكلة كيوت حلو
غادة/عدة عضلااات هاهااا
لمى/نجبن ولجن لتتغزلن بي مارضة
غادة/على ما اتوقع هو خاطب من بت خالتة
لمى/جذذذذذب كوووولن والللله
رهف/اصلا مزوج يبختي
لمى/لا لا بنات صدك تحجن
غادة/متصدكين بينة روحي سئلي
لمى/مو الولد يمة
غادة/بسيطة كبالج عشر دقايق ماشي
لمى/شرح تسوين
غادة/رهوف
رهف/بلي
غادة/تعالي معايا يا حبيبتي
رهف/هو انا كايا هيهيي
راحن غادة ورهف للمطبخ فتحن باب المطبخ الي تطلع على الشارع وسدن باب المطبخ الي تودي لداخل البيت
غادة بهدوء/رهف واحد ثنين
رهف/يلللة هههه
ذبن الكلاصات بلكاع تكسرن طلع منهن صوت قوي وشردن بسرعة
كيان/همام منو بلمطبخ النسوان
همام/لا ولك كلهن فوك
كيان/اني رايح اشوف
راحو كيان وهمام
كيان/الله الله شنو هذة الكزاز...همام تعال
همام/ها؟
كيان/تعال شوف
همام/شكو...شنو هذة الكزاز
كيان/واني شمدريني
همام/بنات انتن هنا
كيان/يا بنات غبي
همام/خلي نشيلة بسرعة قبل لا نبتلي بي
كيان/تالي عمري كناس مال اشباح
همام/وين الفرجة والمكرافة
كيان/يمكن هناك
همام/اي هاك الفرحة واني الم الكزاز الكبار
طلعت لمى من باب الصالة بهدوووء جان مؤيد واكف ينتظر الشباب يجون
حس بخطواة ورا لتفت للورة شاف لمى ورا تفاجئ اصلا نصدم وطار عقلة بشكلهة
مؤيد/انتي هنا
لمى/وين الحلقة
مؤيد/ها
لمى/وين الحلقة مالتك
مؤيد/يا حلقة
لمى/شوف اني ماعندي وقت حتة اضيعة وين الحلقة مال الزواج مالتك اريد اشوفهو
مؤيد/زواج حلقة انتي عن شنو تحجين
لمى/احجي على زواجك من بت خالتك يعني متزوج وخليتني احبك
مؤيد/اني متزوج؟! ليش يمة من شوكت تزوجت
لمى/لتسوي نفسك متعرف اااخ اني غبية
مؤيد/لحظة لحظة...لمى
لمى/خير
مؤيد/اني احبج تحبيني
لمى/لا
مؤيد/شنو لعد هسة شكلتي ماصارلج دقايق
لمى/هيج حبيت اشلع كلبك مثل ماشلعت كلبي بزواجك
مؤيد/والله ما مزوج ومن شوكت اني مزوج واذا متصدكين خابري فيصل وسئلي اني مزوج
لمى/لعد مو البنات يكولن انت خاطب بت خالتك ومتزوجهة
مؤيد/اصلا امي ماعدهة خوات ماشي يعني ماعدي خوات
لمى/بللة عبالك اصدكك اقنعني انت مو مرتبط
مؤيد/نتظري شهر واحد ورح تعرفين الصدك من المو صدك
لمى/شهر؟ ليش شكو شهر
مؤيد/سبوع الجاي اطلب ايدج ونزوج ورة بفترة ورح تعرفين صدك اني ماعدي خالات
لمى/ه ها تطط تت تطلب ايدي
مؤيد/اي لان اني احبج
لمى/صدك لو جذب
مؤيد/والله العظيم احبج
لمى/ومن شوكت حبيتني
مؤيد/من قبل اربع سنوات جنتي بلمتوسطة احبج بس متماسك وية احاسيسي
لمى/!!!!!
مؤيد/انتي من شوكت تحبيني
لمى/الصراحة من شهر
مؤيد/خلي احزر من طلعنة كلحنة مو
لمى/اي
مؤيد/هو اني هنا حبيتج بعد اكثر
لمى/بيباي صار لازم اروح
مؤيد/ثواني ثواني...روحي
لمى/هههه بيباي
طلت للصالة عافت البنات طبت وهية تصيح وركض لغرفتهة
غادة/ههههههههه سمعتي صوتهة
رهف/كيييييووووووووط
غادة/امشي نروح نشوفهة
رهف/يلللة
......بعد اشهر......
كمر/واحد ثنين واحد ثنين واحد ثنين
فيصل/كمر حبابة سكتي
كمر/فيلوص يعمري هاي تمارين الصباح
فيصل/ابني رح يطلع رياضي بسببج
كمر/لا هسة يطلع طفل ذكي
فيصل/صباح الخير
كمر/صباااح النووور
فيصل/من شوكت كاعدة
كمر/من الخمسة
فيصل/ليش
كمر/ابنك يرفس وماخلاني انام المهم شلون صرت
فيصل/الحمد لله
كمر/ركبتك فقراتك
فيصل/زين احسن
كمر/يلة كوم تحضر اليوم عدك دوام
فيصل/مو البارحة جان جمعة
كمر/قبل يومين جانت جمعة يلة عزيزي انهض اريد ان ارتب السرير
فيصل/حاضر كمنة
كمت كمر راحت تعدل الفراش اجيتهة من ورة شبكتهة ضميتهة لصدري هية وبطنهة
فيصل/ماريد اروح اريد ابقة يم مرتي حبيبتي وابني
كمر/والله حتة اني ماريدك تروح اليوم بس ياحبيبي لازم تروح
فيصل/اليوم شوية اتاخر
كمر/على راحتك حياتو
فيصل/اروح اسبح
كمر/نعيما مقدما
فيصل/الله ينعم عليج حبيبتي
راح للحمام هلاااو اني المدام كمر هاشم ههه رح اصير اممم عن قريييب ههههاااي احم اسفة احنة وضعنة تغير بهاي السنة مو تغير جذري لا بس هيج تغيرات طفيفة نبديهة باني وفيصل اني صرت حامل بولد بشهر السادس والكاع ما وساعتني من الفرح والله منتظرتة احر من الجمر بس بنفس الوقت اني خايفة من وقت الولادة وآلآمهة وربي هو الحافظ فيصل مثلي بلضبط ناطر ابنة يجي وخايف علية لان اني باول اشهر الحمل راد يموت الطفل اسم الله بس بلدعاء رجعت الحالة طبيعية فيصل من هذاك اليوم الي كالو بي ابنكم مابي شي سالم لحد الان يخاف علية خوف مو طبيعي والصراحة راحة اني مستمتعة على الدلال هيج بس ضلي كاعدة ماكدرت اكمل دراسة لان المديرة مال الزفت مارضت اني عدي طالبات بعدهن ما مزوجات واني شعلية بيهن اريد اكمل سادس ماقبلت كلي فيصل بس جيبي احمد سالم وتكومين بلسلامة اخليج تكملين دراسة ووافقت
نجي على لجين وسنان الحلوين الكياتة صار واحد يرغب للثاني هية تعودت عليه وهو تعود عليهة وصارو طيور حب اموت عليييهم هيج ينكرطون لجين حامل بشهرهة الثالث ويشكون حامل بتوم سنان بيك مسوي عرس كل يوم يكول رح يجوني توم اني رح اصير اب لجين تريد توم بنات وهو يرد ولد والضحك جاري عليهم
لمى ومؤيد تزوجو بعد شهر مثل ماوعدهة وسافرو رجعو ورة شهرين ورجعت حامل الاخت بلعرس شسوة مؤيد ركص ركص ما ينوصف احسن من البنات وهمام وكيان الطبول باديهم وهز موتنة ضحك ربي يبقيهم هيج طووول العمر
لمى واني بينة ايام هية تجيب ابنهة ورة خمستيام اني اجيب ابني متراوسين شوية ههه
غادة الاخت المخبلة اني من يوم عرسي تغيرت الف درجة هية واختي المخبلة رقم ثنين صارن سبورتيات الى ابعد الحدود رهف صارت هاملة همام وما تباوع بوجهة وهو وراهة يراقبهة ويريد يعتذر بس هية ماتكي فرصة غادة خطبهة واحد طبت للصالة كفختة وطلعتة من البيت كيان جان يريد يعتذرلهة بس ماراح لان عرف بلرجال تكفخ وميتين ضحك عليهم متعايشين وين الوضع
طلعت من الغرفة ماكو احد نزلت للمطبخ لكيت بيبي وعمتي ام فيصل موجودات يسولفن
كمر/صباح الخير
ام خالد/هاه شوفي ذكرنة ام بطن منفوخة اجتي هلة صباح النور
ام فيصل/ههههه بت حلال بذكرهة صباح النور حبيبي
كمر/بيبي لتعيبين على بطني غير بيهة ابن حفيدتج
ام خالد/بس تدرين الحمل كاعد وياج كعود ماشاء الله
ام فيصل/عين الباردة على بتي
ام خالد/بتج محد يسحدهة على هيلكتهة وخبالهة
كمر/ههههه شسوي يا بيبي احب الخبال
ام خالد/هو انتي يكعدج زواج حمل ضلي مشيطنة اشوف ابنج شلون رح يطلع
كمر/ههههههه اي صح بشنو جنتو تحجون علية
ام فيصل/اليوم نروح للدكتورة مالتج
كمر/هاي اي صح طبيت بلخامس البارحة
ام خالد/نتبهي علة نفسج يمة انتي صح شايلة طفل ببطنج بس ترة انتي شايلة قطعة من كلوبنة ببطنج هذة ابن فيصل يعني ابن العزيز
كمر/ان شالله بيبي كلامج على راسي
ام خالد/يسلم راسج يلة تريكي حتة تخفين ايدج وتروحين للدكتورة
فيصل/وليش الدكتورة
كمر/حياتي علمود السونار والادوية وغيرهة وغيرهة واني البارحة طبيت بلخامس
فيصل/اذا هيج اي روحي حبيبي بس منو وياج
كمر/كلعادة عمتو ومامي
فيصل/تردين اجي وياج يكلبي
كمر/لا حبي انت هتم بشغلك يكلبي ومن تجي نشوف الصور مال البيبي
فيصل/ماشي نتبهي علة نفسج زين ولتصعدين الدرج حيل ماشي
كمر/ماشي حبي نتبه على روحك
فيصل/بيباي يا غاليات
الكل/الله وياك
ام خالد/منو جان يتصور فيصل يحب ويزوج ويصير اب بنفس السنة هههه
ام فيصل/كلة بفضل جنتي المجنونة
كمر/هههه خجلتني
ام رهف/صباح الخير
الكل/صباح النور
سنان/لجين...لولو..للللجججيييين
لجين/هااااا
سنان/شوفي صرت حامل مثلج
لجين/ههههههههههههههههههه هاي هههه شنو حاط ههه
سنان/ههه يا حياتي الخامل حاط ملااابسي الوصخات الي ماا غاسلتهن
لجين/ههههههههه والله نسيتهن راحن من بالي
سنان/شفتي نفسج صرتي حامل كلتي خلي اعيف رجلي طبة طوب
لجين/ههههههههههههههههههههههههه يا حبيب والله هسة اغسلكياهن
سنان/عفية هاج
لجين/ههههههههههه
سنان/ترة اني شايفج
لجين/اسفة هههههه
كيان/هييييو مطي مططططي طييي طيييي طيييي ولك نعااااال
همام/وقلزقررررط شبيك
كيان/شنو انت من تنام تصير بغيبوبة
همام/هسة خلصني شرايد
كيان/شوف نجرحت ايدي بلباب مالتك
همام/ويعني هسة شرايد
كيان/بوس الواوا
همام/كبر وخر من يمي لا ابتلي بيك
كيان/ااااا خوفتني ولك كوم اليوم لازم ننهي كل المشاكل ترة اني لعبت نفسي من العزوبية
همام/اني لا
كيان/ها انت لا ماشي اني رايح اخطب رهف
همام/تعااااااااااال
كيان/ها طلع فرس النهر الي بداخلك
همام/رهف الية وبس
كيان/والباقي كله خس دكوم لك روح عتذر منهة
همام/اذا اني اعتذر من رهف انت هماتين صالح غادة وعترفلهة يا جحش
كيان/مااااشي تفقنة...همام
همام/هااا
كيان/بقرتي الضاحكة
همام/رح اخنگك شبييك
كيان/بوس الواوا هههههه
همام/تعال اليوم ارايوك الواوا شون تصير
كيان/ههههههههههه
صعدت بدلت وتحضرت للروحة طلعنة اني وامي وعمتي نوال وصلنة للدكتورة ضلينة ننطر سرانة طبينة للدكتورة فحصتني شافت الجنين بحالة ممتازة طتني فيتامينات بس وطلعنة رجعنة بسيارة عمتي نوال اني رحت اسد باب البيت نصدمت من الي كبالي
ام رهف/كمممممر كممممر لا لاااا اخذوووهة كمممممر
ام فيصل/زينة شبيييج شكووو ليش تصيييحين وينهة كمررر
ام رهف/خطفوهة كبال عيوووني وللللج اخذوووو بتي يا الللللله ااااهئ
يتبع