الفصل 26
الجزء السادس والعشرون ) :.
في بيت عائشة :
خرج المجد من البيت لأن عنده شغل ..
وهي طلعت لغرفة ما دخلتها من 13 سنة ..
دخلت لغرفة بنتها اللي من راحت عند أبوها وهي للحين ما دخلت غرفتها ..
شافت كل شي على حاله .. ما تغير فيه شي ..
حتى آخر لبس لبسته مرمي فوق السرير ..
تهيأ لها ان بنتها نايمة فوق السرير ..
وراحت عند سريرها وما شافت غير فراشها ..
دمعت عينها ورجعت قلبت أنظارها في ارجاء الغرفة ..
وصارت تتخيل بنتها في زواية وكل ركن ..
شافت شنطة كبيرة لونها وردي قاعدة جنب الدولاب ..
تقدمت لها بخطوات ثقيلة وجلست جنبها ..
تذكرت كيف جاتها هذي الشطنة اللي كل شي موجود فيها غالي على قلبها ..
أبو خالد : عائشة .. يا عائشة ..
نزلت عائشة وقالت : نعم .. اش بغيتني فيه ؟؟
رفز لها برجوله الشنطة وقال : هذي باقي أغراضك من بيت عبد الله .. قبل شوية أرسلها مع السواق ..
طالعت عائشة في الشنطة وتجمعت الدموع بعينها ..
أبو خالد كمل : مع إني قلت له إني راح ارسل امك أو حريم أخوانك يروحوا يجيبوا باقي أغراضك لكن هو ما يبغى شي يذكره فيك .. معنى هذا انه نساكي ونسى كل شي يتعلق فيكي .. وانتي للحين تبكي عليه .. (وبصوت عالي : انسييييييه يا عائشة انسييييييه ..
عائشة : ما راح انساه .. وراح أتذكره طووول عمري .. وانت السبب باللي هو وصله .. وهو ما نساني لكن انت غصبته بإنه يجيب لي باقي أغراضي ..
رجعت عائشة على أرض الواقع .. وفتحت الشنطة وطاحت عينها على فستان موف ..
ودمعت عينها وتذكرت كيف أخذت هذا الفستان ..
عائشة : الحمد لله على السلامة .. ما شاء الله على الموعد بالتمام ..
عبد الله : أعجبك أنا .. (وغمز لها ..
عائشة طاحت عينها على الكيس اللي في يد عبد الله .. وقالت باستغراب : اش هذا اللي في يدك ؟؟
عبد الله بابتسامة تقدم لها بخطوات هادئة .. ومد لها الكيس وقال : هذا لك ..
عائشة باستغراب : ليا ؟؟!!
هز راسه بنعم وقال : افتحيـــــه ..
عائشة : أوكي .. (وفتحت الكيس وكان فيه فستان لونه موف غامق دانتيل ..
موديل إيطالي .. توب من الصدر وتحته مباشرة فيه شريطة أبيض مطرز .. ماسك للخصر ويوسع لآخر الفستان وله ذيل طويل .. ومعاه طقم ألماس ..
عائشة بفرح : هذا ليا ؟؟
عبد الله : ايوا .. يلا ألبسيه .. أبغى أشوفه عليكي ..
حطت عائشة راسها على الشنطة وصارت تبكي ..
ثم رفعت راسها وصارت تقلب بين الملابس وتتذكر كل شي كيف اشترته أو كيف جاها ..
ولفت نظرها كيس لونه أحمر كان بين الملابس ..
أخذت الكيس وفتحته وكان فيها كــــــــــــل عطوراتها ومكياجها ..
طلعت عطوراتها وشافت عطر alone ..
كان باقي نصه وكانت هديه عبد الله لها في سابع بنتها العنود ..
عبد الله : هذا أكثر عطر أحبه ..
عائشة : الله لا يحرمني منك ..
عبد الله : ولا منكك ..
عائشة : عبد الله بسألك سؤال .. ممكن ؟؟
عبد الله : أعرف اش راح تقولي .. لا تخافي مثل ما أعاملك بعامل مها .. انتوا الاثنين حريمي وما يصير أفرق بينكم .. هذا هوا الشرع وما يجوز اني أخالفه ..
عائشة ببكى : وانت الحين اخترت مها وتركتني بعد ما علقتني فيك .. تركتننننننننني .. (وصارت تبكي ..
************************************************** ***********************************
في سيارة عبد الله :
مها : عبد الله فين رايح ؟؟ هذا مو طريق بيتنا ..
عبد الله : ايه ادري انه مو طريق بيتنا .. يعني قد كذاا ما اعرف فين رايح أنا ..
مها : لا بس ما قلت لي فين رايحين ؟؟
عبد الله : الحين تشوفي .. (وأخذ اللفة وشهقت مها وقالت : ليييييش جبتنا في الشاليه ؟؟
عبد الله : عرفتي ألحين فين رايحين ؟؟
مها : ايواا .. وبس احنا لحالنا ؟؟
عبد الله بابتسامة : ايواا .. (ووقف السايرة ونزل من السيارة وراح فتح الباب لمها وقال : يلا انزلي ..
نزلت مها من السيارة وهي مو فاهمة شي من اللي قاعد يصير ..
ودخلوا للصالة وكـــــانت مرررررة متغيرة .. كل شي فيها متغير ..
الأضواء والزينة ..
والمكان كلـــــــــه مزيييييييييين بالبالونات ..
مها وهي مو مصدقة اللي تشوفه : متأكد إن هذا الشايله حقنا ؟؟
ضحك عبد الله وقال : مهاوي اش فيكي اليوم انتي مهوييية ؟؟ ايواا هذا شاليهنا ..
مها : عبد الله يخليك فهمني اش فيه ؟؟
تقدم لها عبد الله ومسكها من كتوفها وقال : مها سامحيني ؟؟
مها باستغراب : على ايش ؟؟ انت ما سويت لي شي ..
عبد الله : سامحني عن كل اذى سببته لك بقصد ومن غير قصد ..
مها : عمري ما راح أزعل منك ولا أتضايق بإذن الله ..
************************************************** ***********************************
وصلوا للبحر واستأجر طلال سفينة وركبوها ..
وجلسوا مع بعض وصاروا يتكلموا الا دلال كانت ساكتة لأن طلال جالس جنبها وهي متوترة من قربه ..
أول مررررة تكون قريبة منه بهذا الشكل ..
والعنود انتبهت لهذا الشي وقالت : اقول طلال ..
طلال : خيييييير .. باقي شروط للحين ما قلتيها ..
ضحكت العنود وقالت : لا لا بس اش رايك تروح تجلس مع الكابتن ..
طلال : يعني أعتبرها طردة محترمة ..
ليلى : لا يعني ما تشوفنا كلنا بنات على بعضنا وانت ولد بيننا ..
أحلام : صح .. يعني ما يصير ..
العنود : نبغى نآخذ راحتنا بالكلام ..
ليلى : ما نبغى أحد يقعد لنا على الكلمة ..
طلال : ههههههههههههههههههههههههه هههه انتوا تتكلموا بالتقسيط ؟؟ وحدة تقول كلمتها كاملة ..
نوال : يا أخوي يعني ما تعرف حركات بنات خالك .. عمرهم ما قالوا كلمتهم كاملة لازم التقسيط حقهم ..
مسك طلال كتف دلال وقال : أنا ما اروح الا لما زوجتي تقولي روووح ..
توترت دلال أكثر ونزلت راسها ..
ليلى : يا عيني يا عيني على اللي يستحووووووووا ..
أحلام : لا لا أنا ما اقدددر ..
العنود في نفسها :" يا الله يا دلال قد كداا ما صرتي تتحملي قرب طلال منك .. بس ما ألومك اللي سواه فيكي طلال مو قليل .. " وبصوت عالي : لا لا مااااااااااااااااااأقدر أنا على كذاا ..
دلال بهمس : طلال بطل حركاتك هذي ..
طلال بنفس الهمس : طيب اش أسوي أنا اذا انتي ما تعطيني فرصصة اتكلم معاكي ..
دلال : اخذت فرصك بالكلام بما فيه الكفاية ..
ليلى : اووووووووووه أذا قد كداا مشتاقين لبعض وما تقدروا تستغنوا عن بعض أجلوا كلامكم لما ترجعوا لبيتكم .. اوووف منكم ..
أثرت هذي الكلمة في دلال ورفعت راسها وقالت لا شعوريا : بيتنا ؟!؟!
ليلى : اييييييييييه صح انتي للحين ما شفتي بيتك .. والله سوووووري دلول حبيبتي سامحيني والله ما كان قصدي .. (وباست راسها وقالت : بناااااات بروووووووووح اتمشى .. مين تجي معايا ؟؟
نوال : انا برووح معاكي .. (وقام الكل معاها ما عدا دلال اللي طلال مسكها ..
دلال : خيير اش تبغى ؟؟
طلال بترجي : على الأقل مو قدام البنات .. خلي اللي يصير بيننا يكون بيننا ..
سحبت دلال يده وقالت : انت اللي تخليني اضطر إني اتصرف معاك كذا .. (وراحت ..
نزل طلال راسه بندم وماقال لها شي ..
ابتعدت دلال عنه وصارت تتطالع فيه بشوق ..
مشتاقة إنها ترمي نفسها بحضنه ..
لكن كرامتها تنمعها من ذا الشي ..
تنهدت بضيق وقالت في نفسها :" الله يسامحك يا طلال الله يسامحك .. بس لازم تتلعم وتعرف كيف تظن بالناس .. لازم تتعذب مثل ما تعذبت أنا لااازم .. "
في سيارة توفيق :
تركي : اقول توفيق ما أبغى أرجع للبيت ألحين ..
توفيق : وفين تبغى ترووح ؟؟
تركي : أي مكاان ..
توفيق : لا يا حبيبي بككرة ورايا دوااام وجامعة وأبغى أرتااااااااااح ..
تركي : اووووووووووووووووف منك ..
توفيق : انزل بس انزل ..
تركي : شوف حتى أبوي ما رجع للبيت ..
توفيق : وأنا مالي في أبوي ..
تركي : لييييييييييييييييتني رحت مع طلووول ..
توفيق : روووح تجهزز باقي نص ساعة على المغرب وهم الحين راح يرجعووووا ..
************************************************** ***********************************
في السفينة :
طلال : يلا يا بنات راح نرجع .. باقي نص ساعة على المغرب ..
ليلى : لاااااااااااااااااا طلول خلينا نصلي المغرب هناا ..
العنود : ايواا الله يخليك ..
طلال : لسسسه باقي تشتروا أغراض المدرسة ..
ليلى : اييييييييييييييييه اول اسبوع احنا ما نداوم ..
طلال : نعععععم ..
أحلام : ايواا بس نرووح اول يوم بعدين نغيب ..
طلال : وليش ان شاء الله ؟؟ يعني ما في دراسة ؟؟
العنود : الا فيييه .. بس احنا ما نرووح الا الأسبوع الثاني ..
طلال : اهااا بس لا تخاافوا .. خالي قالي انكم راح تداوموا من بككرة ..
العنود : لاااااااااااااا لا تقوووولها طلال ..
وشوي يدق جولا احلام وترد .. وبعد عشر دقايق قفلت ..
العنود : ميـــن ؟!؟!
أحلام : ابووي .. وقال ان مافي مثل السنة اللي راحت نغيب الاسبوع الاول ..
طلال : شفتوا قلت لكم .. يلا يلا خلووونا نرججع ..
العنود : طيب ما قتي له نبغى نجلس لبعد المغرب ؟؟
أحلام : لا نسييييييت ..
العنود وليلى بعصبية : غبييييييييييييييييية ..
العنود : ليييييييييييش ما قلتي له ؟؟ أنا الحين راح اتصل فيه ..
طلال : يا بنت الناس مو ضرووووووري .. خلاص مرررة ثانية راح أجيبكم ..
ليلى : لا لا لا مرة ثانية ولا ثالثة .. نبغى نجلس هناا لعشا .. اتصلي يا عنود على عمي ..
اتصلت العنود ابوها وجلست تترجى فيه ربع ساعة لييييييين ما واقف انهم يجلسوا للعشا ..
************************************************** ***********************************
في بيت عبد الله :
تركي : يببببببببببببببببه ما يصير البنات يخرجوا واحنا العيال نجلس في البيت .. والله ما يصير ..
عبد الله : اهجد بس اهجد .. كلها ساعة ونص وراح يرجعوا .. ما راح يطولوا كثييير ..
توفيق : بعدين انت ليييش رافض انهم يخرجوا ؟؟ عااادي ما فيها شششششششششي ..
تركي : قلت ما يصيييييييير هذووولاا بنااااااااااااااااااااااا ااااااااااات ..
توفيق : بس قد حالهم ما شاء الله .. وبعدين معاهم طلال يعني مافي أحد غريب معاهم ..
تركي : اوووووووووووووووووووووووو وه بسسس ..
عبد الله : اقوول توفيق روح انزل انت واخوك المكتبة واشتروا لأخواتكم أغراض المدرسة .. من دفاتر واقلام وشنط وباقي الأشياء .. لأني قلت لأختك انكم راح تشتروا لهم ..
تركي : أنا ما راح أرووح ..
توفيق : احسسسن لا تروووح مو ضروري .. بآخذ أمي معايا هياا تعرف باذواقهم .. مواقفة يا امي تجي معايا ؟؟
مها : أوووكي ..
************************************************** ***********************************
في بيت عائشة :
كانت زايرة أمل في بيت عمتها لأن أمها وابوها خرجوا وعلي جالس يلعب مع المجد ..
وهي جالسة تتكلم مع عمتها .. وبعدين سكتت ..
عائشة : والحين ليش سكتتي ؟؟
أمل : ما عندي كلام ..
عائشة : اهااا ما عندك ..
أمل بتردد : عمتي أقدر اسأللك سؤال ؟؟
عائشة : قوولي يا عيون عمتك انتي ..
أمل : عمتي ليش ما خليتيني اقول لصحباتي أنك عمتي ؟؟ ليش رفضتي انهم يعرفوا وخليتيني اقولهم انك صديقة أمي ؟؟
نزلت عائشة راسها لثواني بعدين قالت بابتسامة مصطنعة : أموول حبيبتي في حاجات ما تنقالك ألحين ..
أمل : ليـــش يعني ؟؟
عائشة : لأنه حاجات كبار وما ينفع تعرفيها .. ليكبرتي إن شاء الله بقوولك ..
أمل : بس أنا مو صغيييرة .. صرت كبيرة ..
عائشة : ولووو اللي في سنك هذا ما يصير يعرفوا لأنه اأشياء كبيرة عليكي وما راح تفهميها ..
أمل : طيب عمتي أنا في مرة سألت أمي سؤال وعصبت عليا وصرخت .. مع اني ما قلت لها شي يعصبها .. بس هياا على طوول عصبت ..
عائشة : اش سألتيها ؟؟
أمل : قلت لها اني لاحظت بينك وبين العنود صحبتي شبه مرررررررررة كبير .. وقلت يمكن تكون في بنتك اللي عايشة في أمريكا ..
انصدمت عائشة من اللي قاعدة تسمعه ..
ما توقعت إن بنت أخوها توصل لهذا السؤال ولهذا التفكير ..
أمل كملت : ولا حظت إن كل ما ينذكر اسم عائلة الـ.......... الكل يتوتر .. ليش ؟؟
بلعت ريقها عائشة وحاولت انها تكون طبيعية قد ما تقدر علشان ما تشك أمل أكثر وقالت : اذا قصدك على الشبه فهذا عادي .. يخلق من الشبه أربعين ..
قاطعتها أمل وقالت : لا لا العنود مرررررررررة تشبهك مررررة مررررة كأنك أمها .. أحسها نسختك ..
عائشة بتوتر تخفيه : يا بنتي يا أمل لا تشغلي بالك بهذي الأشياء خلاص انسي .. ولا تكثري من الأسئلة الله يرضضى عليكي ..
أمل : طيب ليش تتوتروا لما ينذكر اسم عائلة الـ............ ؟؟ انتوا لكم علاقة فيهم ؟؟ أو يقربوا لأهل بنتك ؟؟
عائشة بنرفزة : امووول قلت لك لا تكثري من أسئلتك ..
أمل : شفتي عصبتي مثل ما أمي عصبت .. بس عمتي أنا ما قلت شي غلط .. يعني بس قاعدة اسال ..
عائشة : أمل غيري الموضوع ولا اسكتي ..
************************************************** ***********************************
وصل طلال أحلام والعنود وليلى لبيتهم .. وبعدها راح لبيته ..
طلال : يلا نوال انزلي .. (ومسك يد دلال من غير ما يتكلم ولا كلمة ..
نوال : انتوا مو نازلين ؟؟
طلال : لا رايحين نتعشى براا ..
نوال : ايه على راحتك .. (ونزلت ..
دلال : بس أنا ما أبغى أروح لمكان ..
طلال بابتسامة : في وحدة ترفض انها تخرج مع زوجها ؟؟
دلال بألم تحاول تخفيه : زوووجي على الورق وبسسسسس ..
طلال بابتسامة : لكنك تظلي حبيبتي اللي ما أستغني عنها ..
ما ردت عليه دلال وجات تخرج لكنه كان أسرع منها وقفل الباب ..
دلال : اووووووووووووه طلال افتح الباب ..
طلال : يازين اسمي لاجا من منك ..
استحت دلال لكنها حاولت انها تخفيه وقالت : بككرة ورايا أول يوم جامعة .. طلال لووو سمحت أبغى أنزل وأرتاح واتجهز لبكرة ..
طلال : يعني جامعتك أهم مني ؟؟
زلت لسانها وقالت : لااا (وانتهبه على نفسها وتداركت نفسها وقالت : ايوااقصدي لااا .. (وبنرفزة : طلاااااااااااال أبغى انزززل ولا رجعني لبيتنا ..
طلال بضحك : هذا بيتك .. وراح يظل بيتك .. (وحرك السيارة وراح لنفس المطعم اللي راح فيه مع العنود ..
************************************************** ***********************************
دخلت نوال البيت وسلمت على أمها وابوها ..
أبو طلال : فين أخوكي وزوجته ؟؟
نوال بابتسامة : رواحوا يتعشوا برااا .. كأنهم ما كانو قبل يومين بدبي وكانوا مع بعض ..
ابو طلال بابتسامة : خليهم على راحتهم .. عرسان ويبغوا ينبسطوا ..
نوال : بس أنا أبغى اجلس مع دلووول يقوم يجي طلال ويآخذها ..
أم طلال : هههههههههههههههه لا تخااافي راح تجلسي معاها لين تطفشي ..
نوال : لا لا ما راح أطفش منها .. هذي دلال زوجة طلال ..
************************************************** ***********************************
في بيت عبد الله ومها .. أول ما وصلوا أحلام والعنود للبيت :
تركي : الله لا كان جاب لنا الغلا ..
ما ردوا عليه وراحوا سملوا على أبوهم ..
العنود : فين أمي ؟؟
أحلام : ايواا صح ما شفتها .. فين راحت ؟؟ ولا حتى توفيق ..
تركي : وأنا مالي رب تسألوا عني ؟؟
ما ردوا عليه وكملت العنود : فين راحوا ؟؟
عبد الله بابتسامة : راحوا المكتبة .. ما بقي شي ويرجعوا ..
تنرفز تركي من تنطنيشهم ووقف وقال : هييييييييييييييه انتوا اتكلم معاااكم انااا .. ليش ما تردوا علياا ؟؟
العنود : اوه اوه انت هناااا ؟؟ سووووووري أخوي حبيبي ..I do not look are you, I`m so sorry
أحلام : yah yah we are do not look good are you. I`m so so sorry my brother.
تركي بنرفزة : يببببببببببببببببببببه شيل بناتك من هناااا لا أقوم اذبحههههههم ..
العنود : stop stop. Why you are this is ? What is happen?
عبد الله : ههههههههههههههههههههههههه ههه انت اللي بدأت معاهم يا تركي ..
تركي : ااااااااااااااااااخ لو أبوي مو هنااا كان عرفت شغلي معاكم .. بس احمدوا ربكم انه هنااا ولا مافي شي يمنعني أكفخكم ..
العنود : مادام زي ما تقول .. أجل إن شاء الله كل مرة نخرج مع طلال ونرجع يكون أبوي موجود ..
أحلام والعنود : آمييييييييين ياااااااااااااااااااااااا اارب ..
تركي : نذااااااااااااااااااااااا االة وطول عمركم راح تكونوا نذاااااالة ..
************************************************** ***********************************
عند طلال ودلال :
دلال : طلال ابغى أرجع .. خلاص يكفي سهرنا لين ذا الوقت ..
طلال : تو الناس .. الحين 12 لسسه بدري ..
دلال : بكرة ورايا جامعة وانت عندك دوام .. خلينا نرجع ..
قرب منها طلال وقال : بس.........
قاطعته دلال وقامت من مكانها وقالت : لوو سمحت لا تقرب .. والحين خلينا نرجع ..
عرف طلال انها للحين زعلانة منه لكن ما راح يلومها وراح يسوي أي شي علشان تسامحه ..
قام من مكانه وقال : طيب يلا ..
رجعوا للبيت على الساعة 12 الليل وكان أمه وأبوه للحين ما ناموا لأنهم متعودين يسهروا ..
دخلوا طلال ودلال وسلموا عليهم ..
أبو طلال : انبسطتي يا بنتي ؟؟
دلال بابتسامة : الحمد لله يا عمي ..
أم طلال : الله يوفقكم .. الحين روحوا لجناحكم أكيد تعبانين ..
قام طلال وقامت معاه دلال وطلعوا لجناحهم بعد ما سلموا عليهم ..
دخلوا للجناح اللي مكون من غرفة نوم كبيرة ومكتب طلال الموجود بركن الصالة الكبيرة وفيها تلفزيون ومطبخ صغير على قدهم ..
طلال : انتي نامي فوق السرير و.........
قاطعته دلال بجدية وقالت : لا ما ارح أنام انت اللي راح تناام فيها .. أنا راح أنام على الأرض ..
قرب منها طلال وقال بهمس : هذا آخر كلام عندك ؟؟
بعدت عنه وقالت : ايواا ولو سمحت لا تقرب مني .. مو انت ما يشرفك انك تقرب من وحدة زيي ..
طلال : بسس..........
قاطعته دلال وقالت : والحين تصبح على خير .. ابغى أنام .. (وخرجت من الغرفة وهي رايحة للصالة سمعت طلال وهو يقول : غبي غبي وراح تظل غبي .. كان المفروض ما أشك فيها .. آآآآآآآآآخ ..
هنا دلال تأكدت ان طلال عرف الحقيقة وهي تورطت ومي عارفة كيف تتصرف ..
في بيت عبد الله ومها :
الساعة 6:30 الصباح :
عبد الله : يلا يا يبه لا تتأخروا ..
أحلام : يبه أنا جاهزة بس باقي العنود ..
عبد الله : يلااا يا عنووود .. السواق تحت ..
جات العنود وقالت : لا يا بابا أنا ابغى اروووح مع توفيق هذا الأسبوع ..
ضرب توفيق راسه وقال : وانتي ما نسيتي ؟؟
العنود : اسم الله اسم الله عليااا .. والله توني تذكرت اش أسوي ؟؟
عبد الله : طيب يبه على راحتك .. بس يلا لا تتأخروا ..
نزلوا تركي وأحلام وركبوا السيارة ..
ليلى : وفين العنود ليش للحين ما جات ؟؟
أحلام : الأخت بتروح مع توفيق ..
ليلى : اهاااا ..
بعد ربع ساعة نزل توفيق وراحت معاه العنود ..
توفيق : بس اليوم اللي راح أوصلك للمدرسة ..
العنود : لا يا حبيبي اسبوووووووووووووووووووووو ووووووووووووووع .. اسبوع راح توصلني ..
توفيق : كويييس اني بس أوصلك ..
العنود : شفت كييييييف اني طيبة ..
توفيق : ايه شفت شفت ..
ووصلت المدرسة الساعة 7:15 وكانوا ليلى وأحلام ينتظروها عند البوابة ..
ليلى : الله لا كان جاب الغلا ..
أحلام : ليش الحين وصلتي ؟؟
العنود : ههههههههههههههههههههههههه ههههههه طلعت الشيب براسه ..
ليلى : هو ما يعرف فين تصير المدرسة ؟؟
العنود : ههههههههههههههههههههههههه هه ايواا ايواا ما يعرف ..
أحلام : حراااااام عليكي وخليته يلف بالشواع من صباح الله ..
العنود : ههههههههههههههههه اصلا عصصصب عليااااا وآخر شي اتصل بأبوي وقاله ..
ليلى : ههههههههههههههههههههه أجل الله يعيييييينه عليكي باقي الأسبوع ..
العنود : هههههههههههه من جد .. يلا يلا خلونا ندخل .. الا اقووول هم وزعوا البنات على الكلاسات ؟؟
ليلى : ايييييييييييييه من زمااااان ..
العنود : اوووووووووووووه يعني لازم ندخل عند عزيزوووه علشان نعرف احنا في أي كلاس ..
أحلام : ايواا ايواا ..
العنود : اووووووووووووف اكرههها ذي الآدمية .. ما اطييييييييييييقها .. لازم يعني كككل سنة نصبببح بوجهها العبوووس ..
أحلام : اصص اصصص لحد يسممممعك ويرووووح يقولها ..
العنود وهي تمثل الخوف : تصدقي انك خوفتيني .. هيا أصلا تخاااف منننا ..
ليلى : امووووووووووووووووووووت انا على الواثق ..
أحلام : اقوووووووووووووووول تسكتوووا ولاااا ؟؟
العنود بضحك : اووكي .. (ودخلوا عندها ..
طبعا عزيزة ما قصرت فيهم ..
هزأتهم على تأخريهم والعنود كمان ما قصرت سمعتها الكلام اللازم ..
عزيزة : انتي يا أحلام في فصل 3/2 .. (وخرجت أحلام لفصلها ..
عزيزة : وليلى في فصل 2/2 .. وانتي يا العنود في فصل2/3 ..
العنود : نععععععععععععععم ؟!
عزيز : اللي سمعتيه .. اش فيكي ؟؟
العنود : عفففففووووووووون يا ابلة هذا الكلام ما يصير ..
عزيزة باستغراب : واش هو اللي ما يصير ؟؟
العنود : أنا وليلى نبغى نكون بفصل واحد .. ما نبغى كل واحد يكون بفصل لحاله ..
عزيزة : بس هذا التقسيم وما يصير نغير ..
ليلى : يصير ولا ما يصير احنا نبغى نكون بفصل وااااااااااااااحد ..
عزيزة وهي تصرفهم : طيب خلاص روحوا ألحين لفصولكم وبعدين نشوف ..
طبعا ما مشيت على العنود تصريفها وقالت : لااااااااااااا وستين لاااااا .. ألحين ألحين يا أنا في فصل ليلى .. أو ليلى في فصلي .. وغير ذا الكلام ما عندددددددي .. ولا بتلفون واحد للوالد أخليه يشوف شغله ..
ليلى بالفرنسي : ماذا تقولين ؟؟ أنتي تعلمين أن عمي لن يسمح بهذا الكلام ..
العنود : والله مااااااااااااااااااالي شغل انااا .. يعني عاجبك ؟؟
عزيزة : إذا نقلتي انتي ألحين في بنات غيرك راح ينقلوا من فصوولهم ..
العنود : ما في أحد راح يعرف اذا ما تكلمتي ..
ليلى : بعدييييين النقل من الفصول مسموحة .. والعام الماضي نقلتوا بنات ..
العنود : لا تقولي جايين جدد من أمريكا وما يفهموا بالنظام بالسعودي .. ترى إحنا نعرف كل شي الحمد لله .. يعني لا تفكري اننا أغبياء وما نفهم ..
************************************************** ***********************************
في جناح طلال :
قامت دلال من النوم وراحت توضأت وصلت الفجر ..
واخذت لها حمام سريع وراحت جهزت ملابس طلال ثم دخلت الغرفة اللي فيها طلال وظلت لحظات تتأمله وتتأمل ملامحه ..
دلال وهي حاطة يدها على كتفه : طلال .. طلال يلا قووووم ..
قام طلال وعدل جلسته وقال بابتسامة : صباح الخير ..
قامت دلال وقالت : صباح النور .. يلا قوم على ما أجهز الفطور ..
مسك يدها طلال وقال : بس أنا ما افطر ..
سحبت دلال يدها وقالت : على الأقل اشرب كوب شاهي أو حليب .. (وراحت وما أعطت له فرصة يتكلم ..
تنهد طلال بضيق وبعدها قـــام ..
************************************************** ***********************************
في مدرسة العنود وليلى :
جلسوا عندها نص ساعة وهم يحاولوا فيها ليـــــن ما وافقت ونقلت ليلى لفصل العنود ..
بعد ما خرجوا :
ليلى : طلعتي قرونها ..
العنود : تستاااااااااااااااااااااا اااااهل .. علشان تعرف قدرها وقيمتها ..
ليلى : يممممه منك .. والله احيانا اخاف منك ..
العنود : هههههههههههههههههههههه احسسسسن .. يلا يلا خلينا نطلع للكلااس صارت الساعة 8ونص وهذي الهبلة مي راضية تسوي لنا اللي في راسنا ..
************************************************** ***********************************
وصل طلال للشركة بعد ما وصل دلال للجامعة حقتها .. ودخل مكتبه ..
طلال : في أحد سأل عني ؟؟
السكرتير : ايوا الأستاذ عبد الله سأل عند قبل ربع ساعة .. وقال أول ما توصل تروح له ..
قام طلال وقال : اووكي .. (وراح لمكتب عبد الله ..
************************************************** ***********************************
في فسحة البنات :
العنود : قسسسم فاتك يا حلوووم اش صار لنا بعد ما طلعتي لفصلك ..
احلام : ليش اش صار ؟؟ ما رحتوا لفصولكم ؟؟
ليلى : طلعنا قرووووون عزيزوووه ..
أحلام : ههههههههههههههههههههههههه هههههههههه وليش اش سوت لكم حتى طلعتوا قرونها ؟؟
تربعت العنود في الأرض وقالت : اجلسي اجلسي خليني أقووولك ..
************************************************** ***********************************
كملوا يومهم .. وبعد الظهر كل واحد رجع لبيته ..
في بيت عبد الله ومها :
مها : كيف كان يومكم ؟؟
العنود : وه وه وهو شي خطييييييييييييييييييييييي يير ..
توفيق : اكيد بعد اللي سويتيه معايا اليوم الصباح اكيد يكون خطير ..
العنود : لاااااااااااا صار شي معانا في المدرسة ..
عبد الله : في أحد تعرض لكم ؟؟
العنود : يخسوووووا الا هم يجوا ويتعرضوا لنا ..
تركي : طيب اش صااااااار ؟؟ تكلمي ..
جلست العنود تحكيهم اش صار ..
************************************************** ***********************************
في بيت سليمان :
سليمان : سلمى ..
سلمى : يا هلااا ..
سلمى : روحي اجلسي عند اهلك اسبوع .. لأني..........
قاطعته سلمى باستغراب وقالت : نععععععم ؟!
سليمان : طيب انتي اسمعيني ..
سلمى : طيب تكلم ..
سليمان : جاتني رحلة للبرازيل وراح اغيب أسبوع أو أكثر .. فقلت روووحي اجلسي عند اهلك بدل ما تجلسي هناااا لحااالك ..
سلمى والدموع تجمعت في عينها : طيب الله يسهل لك ..
سليمان : سلماااااااااااااااااااااا ا لا تقلبيها مناااحة .. خلاص لا تبكي تدري اني اموووت ولا اشوف دموعك ..
سلمى وهي تمسح دموعها : اسم الله عليك .. خلاص خلاص مسحتها .. ومتى راح تروح ؟؟
سليمان : بعد ساعة .. روحي جهزي أغراضك علشان اوصلك ..
سلمى : عندي ملابسي في بيت اهلي .. تقدر توصلني ألحين ..
************************************************** ***********************************
في بيت أبو طلال :
ابو طلال : كيف الجامعة معاكي يا بنتي ؟؟
دلال : الحمد لله عمي .. بس راح أغيب باقي الأسبوع هذا لأن ما عنديا محاضرات ذا الأسبوع ..
ابو طلال : الله يوفقك .. إذا محتاجة شي تعالي عندي لا تتردي ..
دلال بابتسامة : من عيووني يا عمي ..
طلال : الله الله الله تجي عندك وأنا موجود .. ما يصير كمان ..
أم طلال : خلاص مرة تجي عندك ومرة تجي عند عمها .. ما صار شي ..
************************************************** ***********************************
في بيت أبو عبد العزيز :
طبعا سعود ومحمد قااااااااالبين فوق تحت بأصواتهم لأن في مبارة بين الأهلي والهلال ..
ومحمد يشجع الأهلي وسعود الهلال .. ويا سلام على الأصوات الموجودة .. <<< هع هع اللي مجررب راح يحسس ..
سعود بعصبية : الععععععععن شكلك كان المرمى مفتووووح قدامه .. بس هواا أعممممى غببببببي ..
دخل عليهم عبد العزيز وقال : بسسس انتوا الاثنين .. كأن في البيت مافي غيركم .. اهجدوا شوي ..
محمد وسعود .. لاااااااااااااااااااااااا اااااااااااا حيـــــــــــــــــــــــ ــــــــاة لمن تنادي ..
عبد العزيز بعصبية : سعـــــــــــود .. محمـــــــــــــــــــــد .. وجججججججججججع ان شاء الله ..
نطواا هم الاثنين من مكااانهم وقال محمد : خير عبد العزيز ؟ بغيت شي ؟؟
عبد العزيز : بدررري يا شيييخ .. كنت أقول اخفضوا أصواتكم شوووي .. مرررة عالية أصواتكم ..
سعود : حاضر يبه .. (ودق جرس البيت .. ودخلت منه سلمى ..
عبد العزيز : هلا هلا يبه ..
شهق سعود وقال : ليييييييش جاااية ؟؟ ليكون مضاربة مع سلوووووم ؟؟
ضربه محمد على راسه وقال : فال الله ولا فالك يا حمااار ..
سلمى : عنده رحلة لمدة اسبوع او اكثر وأنا جيت هناا ..
سعود : اهااااا .. كان قلتي انك مضاااربة معاه وأنا اوركي شغله ..
عبد العزيز بحدة : سعــــــــــود ..
سعود : خلاص يبه .. سكتنااا ..
************************************************** ***********************************
في بيت عبد الله ومها :
العنود : يا بابا صار لنا أسبوعين وللحين ما غبناا عن المدرسة ..
أحلام : ايواا الله يخليك يبه نبغى نغيييييييب ..
عبد الله : لا أنا قلت هذي السنة راح تداوموا كل يوووووم .. ما راح أترككم زي العام الماضي ..
العنود : لاااااااااااااااااااا ..
تركي بتريقة : احسن احسن احسسسسسسسسسسسسسسسن ..
العنود : انططمممممممممممممممم ..
تركي : ههههههههههههههههههههههههه ههههههههه يا حلوك لما تعصصصبي ..
************************************************** ***********************************
في بيت أبو طلال :
رجع طلال من شغله بعد المغرب .. وما شاف دلال قدامه ..
طلال : يمه فين دلال ؟؟ ما نزلت اليوم ؟؟
أم طلال : لا والله يا يمه حتى على الغدا ما نزلت .. تقول انها تعبانة ..
طلال : وطلعتي شفتي اش فيها ؟؟
أم طلال : أكييييد يا يمه وقالت انها مصددعة شوي .. روووح شوفها يا يمه وتطمن عليها ..
طلال : حااضر ..
أم طلال : يلااا وانا بروووح للمكتب وراح آخذ أختك معايا ..
طلال : فمان الله .. (وطلع لجناحه ودخل للصالة وما شافها ..
دخل للغرفة وشافها مكتورة على نفسها فوق السرير .. وهي ما حست بدخوله ..
قرب منها طلال ومسكها من كتوفها وهي انفجعت ..
طلال بحنان : اش فيكي ؟؟ أمي قالت لي إنك مصدعة ..
دلال بألم تحاول تخفيه : ما فياااشي .. ألحين راح يرووح الصداع .. (وهي تمسك بطنها : أأكلت ؟!
طلال بخوف واضح : دلال اش فيكي ؟؟ ترى انتي مو مصدعة ؟؟ صصصصح ؟؟
رجعت دلال كورت نفسها وقالت بصوت مخنوق : قلت لك ما فياااا شي ما تفهم .. (وصارت تبكي ..
جلس جنبها طلال ورفع راسها وشافها تبكي ..
طلال : طيب ليش تبكي ؟؟ قوليلي فين يعوورك علشان اعرف اش فيكي ؟؟
تهز دلال راسها بالنفي وتحط راسها على ركبتها وتبكي ..
طلال : ظهرك يعووورك ؟؟
دلال تهز راسها بالنفي ..
طلال : طيب وبطنك ؟؟
دفنت وجهها بالمخدة وصارت تبكي بقوووة وتحط يدها على بطنها وتعصرررره ..
عرف طلال ان بطنها يعورها وقال : طيب انسدحي على ظهرك وقوليلي فين بالضبط يعورك ..
دلال ببكى : ما ابغى ما ابغى ..
طلال : دلول حبيبتي ترى أنا درست سنة ونص بالطب يعني راح أعرف اش فيكي ..
دلال ببكى : مااااابغى .. وديني عند أممممي ماااا ابغى .. أبغى امممممممممممممممممي ..
طلال : طيب راح اوديكي عندها بس أول شي انسدحي على ظهره .. علشان أعرف اش فيكي ..
ومسكها لين ما خلاها تنسدح على ظهرها بعد ما طلللللللللللللللللللللعت عيووووونه ..
طلال : ألحين قوليلي فين يعورك ؟؟
دلال ببكى : بطننننني ..
طلال : طيب عرفت ان بطنك يعورك .. بس فين بالتمام ؟؟
مسكت دلال يده وحطته اسفل بطنها وصارت تبكي ..
طلال بابتسامة يحاول يخفيها : هنااا ؟؟
لفت دلال وجهها للجهة الثانية وصارت تبكي أكثر من اول .. لأن الألم كل شوي يزيد عليها ..
طلال : ما قليتي اسفل بطنك يعورك ؟؟
دلال بنفس حالتها : ايواا ..
طلال : الدورة جاتك ؟؟
دلال تهز راسها بالإيجاب وتبكي ..
هنا طلال ما قدر يمسك نفسه وانفجججججر ضحك ..
دلال ببكى : مافي شي يضحك ؟؟
طلال : ألحين من اول تقولي بطني وبطني آخر شي طلعت الدورة .. كان قلتيلها ليا من زمااان ..
ماردت عليه وقلبت وجهها وصارت تكبي وتقول : وديني عند اممممممممي .. ابغى امممي ..
طلال : طيب انتي لما تجيكي اش تسوي ؟؟
دلال : اروح للمستشفى ويعطوني مغذي ..
طلال : طيب قوومي معايا خليني أوديكي للمستشفى ..
دلال : ماااااقدر أقووم .. بطني مررة تعوورني ..
قام طلال وشالها وحط العباية فوقها .. وهي رااااااااافضة تمااام بس هو ما رد عليها ..
************************************************** ***********************************
في بيت عبد العزيز :
سعود : اقول سوسو .. زوجك صار له اسبوعين مسافر ..
سلمى : ايوااا .. ويعني ؟؟
سعود : ولا مرررة شفته اتصل عليكي ..
سلمى : لا بيتصل آخر الليل ..
سعود : اهااااا وتسهرووووووا .. اهاااا كشفتكم الحين ..
سلمى : ههههههههههههههههههه مسوين جريمة يعني وأنا ما أدري ..
سعود : اش يعرفني انااا .. (وحط يده على كتفها وقال : يلا يلا قوليلي اش تتكلموااا في آخر الليل ؟؟
ضربته سلمى وقالت : وانت اش حشششششرك .. ياااالله على لقاااااافتك يا سعود ..
************************************************** ***********************************
في بيت عبد الله ومها :
مها : يلا يلا قوموا على غرفكم يلا وناموا ..
احلام : ماما كماااااااان ربع ساعة ..
مها : ولا نص دقيقة ..
العنود : وهو في نص دقيقة كمان ..
مها : قومي روووحي على غرفتك .. ما أدري على مين طالعة لسااانك اش طوووله ..
تركي : اكييييييييييييد على اخووها تركي .. وهو في غييييره ..
العنود : ايييه والله صصصح .. مالقيت الا ذا الخبل اصييير زيه ..
تركي : رووووحي انقلعي لغرفتك ..
مها : وانت وراها على غرفتكك .. يلاااااااا ..
************************************************** ***********************************
في بين أبو طلال :
رجع طلال من المستشفى ومسند دلال على كتفه .. وقابلوا أم طلال :
أم طلال : سلامتك يا بنتي .. ما تشوفي شرر ..
دلال بتعب : الله يسلمك يا خالتي ..
أم طلال : اش قالك الدكتور ؟؟
طلال : دلللع بناااات يمه ..
فهمت عليه أم طلال وقالت : بس بس اسكت .. يلا رووحوا لجناحكم ..
طلال : ان شاء الله .. وارسلي لنا شووربة خضار مسلوقة .. علشان تدفي لها بطنها ..
أم طلال : إن شاء الله .. (وطلعوا للجناح ..
دلال : ليش تكلمت كذاا مع أمك ؟؟
طلال : عااادي .. ما قلت شي أناا ..
هزت دلال راسها ومشيت لكن مسكها طلال وقال : نامي فوق السرير .. علشان ظهرك ..
رفعت دلال عيونها وطاحت بعيونه وشافت الخوف فيها .. ابستمت بداخلها وهزت راسها بنعم ..
اسندها طلال عليه لين ما وصلت للسرير وبعدها جات الشوربة وجلس يأكلها بنفسه وهي تتأمل فيه ..
طلال : يلا ألحين نامي .. وأنا راح أنام بالغرفة الثانية .. (وقام ..
مسكت يده وقالت : لا ترووح ..
التفت لها طلال وشافها ماسكة يده .. ابتسم لها وقال : ما راح أروح مكان .. وأنا في الصالة وقت ما تبغيني ناديني .. راح أجيكي على طول ..
دلال وهي لازالت ماسكة يده : لا نام عندي الليلة ..
طلال : يعني عادي ؟؟
نزلت دلال راسها وقالت : قلت بس الليلة ..
ما علق على كلامها وراح جلس فوق السرير ومدد رجوله وهي وحطت راسها بحضنه ونامت ..
************************************************** ***********************************
في بيت عبد الله ومها :
العنود : بابا أحلام راح تغيب اليوم ..
عبد الله : لييييش ؟؟ مو أنا قلت مافي غياب ..
العنود : بابا والله أحلام تعبانة ..
قام عبد الله من مكانه وقال بخوف : اش فيها ؟؟
العنود : بس حرارتها مرتفعة ..
عبد الله : يعني ما يحتاج أنقلها للمستشفى ؟؟
العنود : لا ماما تقول مو ضروري .. راح تسوي لها كمادات موية بادرة .. الا بابا اش يعني كمادات ؟؟
ضحك عبد الله وقال : روووحي شوفي امك اش قاعدة تسوي وراح تعرفي ..
************************************************** ***********************************
في جناح طلال ودلال :
قام طلال من النوم بهوء بحيث ما تصحى دلال صلى الفجر .. وبعدها رجع مثل ماكان ..
قامت دلال على الساعة 7:30 الصباح وشافت طلال على حاله ..
تاملت فيه للحظات بعدين قامت وباسته
في خده وقالت : الله لا يحرمني منك يا قلبي .. (وقامت للحمام ..
فتح طلال عيونه وسمع اللي قالته لأنه أصلا ما كان نايم ..
من بعد ما صلى الفجر بس غمض عيونه ..
ابتسم وبعدها شال الفراش من فوقه وقام وفي الوقت نفسه خرجت دلال ..
دلال : متى صحيت ؟؟
طلال : قبل شوية .. يلا أنا رايح .. تبغي شي وأنا راجع ؟؟
دلال : لا سلامتك ..
راح لها طلال وباس راسها وقال : انتبهي على نفسك .. (ولبس ثوبه وخرج ..
ابتسمت دلال وراحت ترتب السرير ..
************************************************** ***********************************
في فصل العنود وليلى :
ليلى : هيا اش فيها بالضبط ؟؟
العنود : حرارتها مرتفععععة .. الا اليوم ما في حصص ؟؟ من الصباح واحنا فاضيين .. مافي وحدة تكرمت وجات تعطينا حصص .. صارت السابعة وما أخذنا الا حصتين ..
ليلى : مدررري عنهم والله .. بس أنا اليوم سمعت ان عندهم اجتماع مدري اش عندهم ..
العنود : اووووف كان جلست بالبيت أحسن لي ..
ليلى : من جدد ..
************************************************** ***********************************
في جناح دلال :
طبعا اليوم هي غايبة فجلست في البيت وفتحت التلفزيون ..
وبعد مدة رن جوالها وردت من غير ما تشوف اسم المتصل ..
دلال : هلا ..
طلال : هلا بك .. كيفك ألحين ؟؟
عدلت جلستها وقالت : تمااام الحم لله .. انت كيف شغلك ؟؟
طلال : كوييس .. ألحين عندي اجتماع ..
دلال : طيب ليش متصل ؟؟ ما تروح لاجتماعك ..
طلال : قلت اتطمن عليكي ..
دلال : تسللم .. والحين روح لاجتماعك لا تتأخر ..
************************************************** ***********************************
في مدرسة العنود وليلى :
تأخر عليهم السواق وجلست العنود على الأرض وصارت تهز روجولها بقهر وجلست جنبها وحدة ..
البنت : أنا اسمي منال ..
العنود من غير ما تطالع فيها : I had the honor. . بس أنا ما طلبت منك تعرفيني على نفسك ..
منال : وش فيها يعني ؟؟
العنود : أنا اسمي العنود .. بثاني متوسط ..
منال : انتي انجليزية ؟؟
هناا العنود طلعت في راسها الشياطين ..
اكثر شي تكرهه انها يجي أحد ويقولها انتي انجليزية ..
تكككره ذا الشي هيااا وما تطيييقه ..
العنود بنرفزة : لا مو انجليزية .. أنا سعودية بأصل وفصل .. لكني متربية بأمريكا ..
منال : بس آخذه عاداتهم وتقاليدهم وما تعرفي لعادات العرب ..
العنود : قلت لك أنا سعووودية واعرف لكل العادات والتقاليد .. وابوي حرص على تعلمينا للغة العربية بوسط الغربة .. (وقامت من كانها وقالت بصوت عالي : ليلى .. يا ليلااااااااااا ..
ولأن الساحة فاضية سمعتها ليلى وجات لعندها وقالت : نعم ..
العنود بعصبية : امشي معايا خلينا نرجع البيت ..
فتحت ليلى عيونها على الاخر وقالت : نععععععععم !! اش قلتي يا روووح امك ؟؟
العنود : اللي سمعيته .. صارت الساعة 2ونص وللحين حضرة السواق ما شرررف ..
ليلى : لا يا حبيبتي .. وإن شاء الله بايييش راح نرجع ؟؟
العنود : برجوولنا .. بإيش يعني ؟؟ التكاسي مالية البلد ما شاء الله .. نوقف واحد ويرجعنا ..
ليلى : لا والله مانب راجعة بالتاكسي .. لا أنا ولا انتي ما نعرف نوصف البيت .. بعدين اصبري شوية وأكيد راح يجي أحد يآخذنا ..
العنود : يا بروووووووووود دمكك يا ليلى .. أنا راجعة البيت بتاكسي واللي فيها فيها .. (ولبست عبايتها وأخذت شنطتها ..
وهي خارجة وقفتها عائشة لأن المناوبة كانت عليها وسمعت كل اللي قالته ..
عائشة : ما راح تخرجي الا لما تجي سيارتك ..
هنا ليلى حمدت ربها ان المعلمة وقفتها ولا كان سوتها ورجعت بتاكسي ..
العنود بعصبية : وانتي بأي حق تمنعيني ؟؟ ماااالك شغل فييييييييني ..
عائشة : لا لياا حق ونصص .. لا تنسي اني مسؤولة عن الطالبات ..
العنود : وانا قلت ششي .. كل اللي قلته راح اروح بتاكسي ..
جات ليلى وقالت : سوووري يا ابلة .. بس ممكن تعطينا جوالك ونتصل على البيت ..
عائشة : طيب .. (وطلعت جوالها وأخذت العنود بسرعة الجوال ..
ليلى : راح تتصلي على جوالك ؟؟
العنود : لاااا جوالي بالغرفة ومحد راح يطلع جهة الغرف .. بتصل على البيت ..
************************************************** ***********************************
في بيت عبد الله ومها :
أحلام : ماما مرررة تأخروا ..
مها بقلق : ايه والله مرررة تأخروا .. الله العالم اش صار معاهم ..
أحلام : طيب يمكن......... (ورن التفلون وجات أمينة علشان ترد .. لكن منعتها أحلام وقالت : خلاص أنا راح أرد .. روحي شوفي شغلك ..
أمينة : أووكي .. على راحتك ..
أحلام : يا هلا بيت الاستاذ................
قاطعتها العنود بعصبية وقالت : عرفنا انو بيت الأستاذ عبد الله عرررررفنا .. روحي انقلعي ونادي أمي بسررررررررررعة ..
مدت أحلام سماعة التفلون وقالت : يمه خذي العنود تبغاكي .. والله بنتك تخوف لا جات تعصب ..
أخذت مها السماعة وقالت بخوف : فين انتوا يا عنود ؟ ليش للحين ما وصلتـ...........
قاطعتها العنود وقالت : أنا اللي اقولك ليش السواق للحين ماجانا ؟؟ فيييييييين راااح ؟؟
مها بصدمة : نعععععم ؟!؟! أنا كلمت سواق عمتك علشان يجيكم...................
قاطعتها العنود بعصبية وقالت : ليش سواقنا فين راح علشان ترسليلنا سواق عمتي الغبي ؟؟ فين راح ؟؟
مها : ابوكي وعمك سافروا للمدينة وطلبوا السواق .. وانا كلمت عمتك علشان سواقها يجيبكم ..
العنود : ااااااااااااخ ما تعرفي ان سواق عمتي اهبل وغبي وما يحفظ الطرق .. اووووووووووووووووف .. (وشوي تسمع صوت تركي وتقول بشك : ماما هذا صوت تركي صصح ؟؟
التفتت مها لتركي وقالت : تررررروك ليش ما رحت تجيب أختك وبنت عمك ؟؟
تركي بعصبية : مو حضرة السواق للحين ما جا وانا اخذت تاكسي وجيت .. وهو كمان مو راضي يوديني لمدرستهم ..
طبعا ما سمعت العنود ما سمعت غير صراخه وما فهمت شي من اللي قاله .. وقالت : شوفي ماما ربع ساعة لو السواق ما وصل راح ارجع بتاكسي ..
مها : عنود اخزي الشيطان وسمي بالرحمن .. اش تاكسي وما تاكسي .. الحين بكلم عمتك وبشوف ليش السواق للحين ماجاكم ..
العنود : ماااااااااااااالي شغل .. قلت ربع ساعة وبرجع بتاكسي .. يلا مع السلامة .. (وقفلت ..
قفلت مها من العنود واتصلت على طول لجوال أم طلال ..
ليلى : عنود انتي انهبلتي ولا اش صار لمخك ؟؟
العنود : اش فييييه انتي الثانية ؟؟
ليلى : ما راح ترجعي بالتاكسي ..
العنود : تعرفي تطيري ولا لا ؟؟ أبوي وأبوكي سافروا لمدري فين وأخذوا السواق .. وترووك رجع للبيت .. بالله قوليلي احنا اش راح نسوي هناا ؟؟ نرجع برجولنا مثلا .. (وضغطت على الجوال بقووووة ..
ليلى : طيب عنود انتبهي الجوال مو جوال حتى تضغطي عليه ..
انتبهت العنود على نفسها ورجعت الجوال لعائشة ..
عائشة : اش قالوا لكم ؟؟
العنود بعصبية : مدررري عنهم .. (وراحت ..
ليلى وهي متفشلة من تصرفات العنود : سووري أبلة العنود ترى ما تقصد ..
عائشة : أدري أدري .. (وراحت ليلى عند العنود ..
************************************************** ***********************************
في بيت أم طلال :
طلعت دلال لجناحها بعد ما رتبت السفرة مع خالتها ..
وفتحت الدولاب وطلعت دفتر مذكراتها وبدأت تكتب اش صار معاها في هذي اليومين ..
وبدأت تكتب وتكتب .. وما حست بدخول طلال الا لما قال السلام ..
قفلت دلال الدفتر بسرعة ووقفت وردت السلام ..
دلال : الله يعطيك العافية ..
طلال : الله يعافيكي .. (وصار يطالع بالدفتر اللي بيدها .. هذي ثاني مرة يشوفه بيدها ..
انتبهت له دلال وبدأت تصرفه ..
وراحت جابت له ملابسه واشغلته عن الدفتر ..
ولما شافت انه انشغل راحت ورجعت لمحله ..
دلال : مو نازل للغدا ؟؟
طلال : الا الا نازل .. بس ليش نوال للحين ما جات ؟؟
دلال : لأن السواق راح يجيب العنود وليلى وتركي من مدارسهم ..
طلال : اهاا .. طيب يلا امشي .. (ونزلوا ..
************************************************** ***********************************
في مدرسة العنود وليلى :
ليلى : انتي كيف تتكلمي مع المعلمة بهذي الطريقة ؟؟
العنود : وكيف إن شاء الله تبغيني أكلمها ؟ ابوس راسها مثلا ..
ليلى : عنود عنووووووووود اخزي الشيطان .. اش صاير لمخك انتي اليوم ؟؟ اش فيكي ؟؟
العنود بعصبية : ياشيخة تعبانة وأبغى أرتاح ..
: يلا عنود انتي وليلى .. امشوا معايا ..
لفت العنود وجهها وشافت نوال وراها ..
العنود : بدري حبيبتي .. كان جيتي بعد صلاة العصر .. عاد ما باقي شي على العصر ويأذن .. كلها ساعة ونص أو ساعتين ..
ليلى : طيب نوال .. بس البس عبايتي ..
تكتف العنود وقالت : اقدر اعرف ليش متأخرين ؟؟
نوال : رحنا لمدرسة تركي وضيعنا الطريق ولما وصلنا قالنا الحارس انه راح وبعدها جينا لمدرستك ..
العنودد : لا بالله .. احلفي بسس ..
نوال : هيييييييه عنود والله هذا اللي صار عجبك اهلا وسهلا .. ما عجبك بالطقااااااق اللي يطق راسك .. اوووووف ماكان ناقصني الا لسانك ..
العنود : بسسس........
قاطعتها نوال وقالت : ترررى مو بسس انتي اللي تعبانة كلنا تعبانين ونبغى نرتاح ..
العنود : بس بس والله صار لك لسان وتتكلمي فيه ..
جاتهم ليلى وقالت : يلا يلا امشوا قبل لا نتأخر أكثر من كداا .. صرنا مسخرة في المدرسة ..
دخلت العنود للبيت وهي حدددددها معصصبة ..
سلمت على امها ووقفت قدام تركي وتكتفت وقالت : أقدر أعرف ياأستاذ تركي ليش ماجيت تآخذنا من المدرسة ؟؟
تركي من غير نفس : التاكسي ماوافق يآخذ مشوارين .. اش اسويله انا ..
العنود : روح خذ لك تاكسي ثاني .. مافيها شي ..
تركي : انا ما صدقت متى وقفت تاكسي اقوم اخليه يمشي ..
العنود بعصبية : واحنا عادي تتركنا تحت الشمس و.............
قاطعتها تركي بنفس العصبية وقال : قلتلك التاكسي ما وافق .. بعدين خلاص رجعتوا وما صار فيكم شي الحمد لله ..
مها بحدة : تركــــــــــي .. العنــــــــــــــود .. خلاص انتوا الاثنين .. شي صار وخلصنا منه ..
العنود : صصح خلصنا منه .. (وأخذت شنطتها وطلعت .. لكن استوقفتها مها وقالت : ماتبغي تتغدي ؟؟
العنود : ماأبغى اتسمم ولااااا شي .. (وطلعت لغرفتها ..
مها : الله يهديكي .. (وفي نفسها : " عصبيتها مثل جدها أبو خالد .. الله يهديكي .. " ..
في بيت أم طلال :
رجعت نوال ودخلت للبيت وسلمت عليهم .. وكانوا توهم مخلصين غداا ..
أم طلال : يمه أحط لك غداا ؟؟
نوال : ايه والله يا ماما مررررة جيييعانة ..
أم طلال : إن شاء الله ..
طلال : ليش قد كذاا متأخرة ؟؟
نوال : اوووووووووووه سالفة طويييييييلة بعدييين اقولها لك ..
طلال : لا لا راح تقوليها ليا الحين .. بعيدن انتي ناسية ان اليوم رايحين للمزرعة .. يعني ما راح تفضي لي ابدا ابدا ..
نوال : طيب بس اروح اغيييييييييييير المريول واجي اقوولك ..
دلال : ماراح تطلع ترتاح ؟؟
طلال : كمان شويية .. (والتفتت لدلال وقالت : كيف صرتي الحين ؟؟
دلال : الحمد لله بخيييير ..
قرب منها طلال وهمس باذنها وقال : ثاني مرة لما تجيكي الدورة قوووليلي مو تسوي لي زي امس .. خوفتيني امس عليكي وانا على بالي صاير معاكي شي كبير ..
دلال بهمس متوتر : طلال خلاص الحين راح تجي امك واختك ..
نزلت نوال وشافت طلال قاعد يهمس لدلال فقالت : يعني اذا قد كذااا الموضوع ضروري اطلعوا لجناحكم مو هناا تقعد تتغزل فيها ..
طلال : ههههههههههههههههههههههههه ه لا لا الموضوع موووو مرررررة ضروري .. تعالي تعالي قوليلي اش صار معاكي اليوم ..
جات تقوم دلال لكن طلال مسكها قبل لا تقول وقال : اجلسي معانا ..
ما ردت عليه دلال وجلست تقلب بالقنوات .. ونوال تآكل وتحكي أخوها اش صار معاها اليوم ..
قام طلال من مكانه وقال : يلاااا نلوو حبيبتي بطلع انا علشان ارتاح .. (والتفت لدلال وقال : يالله مشينا ..
دلال : ياالله .. (وطلعوا لجناحهم .. ونوال راحت لغرفتها ..
طلال : ماراح تنامي انتي ؟؟
دلال : لا لا اش انااام وما انااام ..
طلال : اييييييه نسيت انكك غايبة اليوم عن الجامعة ..
ماردت عليه دلال وراحت جابت له بجامته واعطته وقالت : روووح ارتاااح انت ..
اخذ طلال منها البجامة وباسها في خدهااا بهدوء وراح نام ..
وقفت دلال للحظات تحسس مكان البوسة ..
بعدين ضحكت على نفسها وراحت طلعت دفتر مذاكراتها وبدأت تكتب لأنها ما كملت كتابتها لما دخل عليها طلال ..
************************************************** ***********************************
في بيت عبد الله ومها :
مها تكلم عبد الله بالجوال :
ايواا ايواارجعوا بس مرررة تأخروا .... اسمع بعد كذاا اذا تبغى تسافر وتآخذ السواق كلم عيالك بنفسك أنا مالي شغل فيهم .... كل واااحد قعد يحط حررررته فياا كأنو أنا اللي قلت لك خذ السواق .... المهم قووولهم انا مالللي شغل فيهم .... اووكي .... حاضر من عيووني .... كم يوم راح تقعد هناك ؟؟ .... طيب مع السلامة ..
توفيق : متى راح يرجع ابوي ؟؟
مها : يمكن بعد اسبوع او الليلة .. ويقولك ابووك انت اللي راح توصلهم للمدرسة ووقت البريك حقك ترووح تآخذ البنات وتركي يرجع بالتاكسي ..
************************************************** ***********************************
في جناح طلال ودلال :
رجع طلال من صلاة العصر وطلع لجناحه وشاف الدفتر فوق الطاولة اللي بنص الصالة ..
تأمله للحظات بعدها قطع عليه صوت دلال وهي تقول : تقبل الله ..
طلال بابتسامة : منا ومنك ..
دلال : متى رايح للشركة ؟؟
طلال : بعد نص ساعة .. (وراح انسدح فووق السرير .. وقال : تعالي هناا .. (ويأشر على صدره ..
فتحت دلال عينها وقالت : نعععم ؟!؟!
طلال : ايواا فيها ششي ؟؟ قلت لك تعالي هنااا .. مو في الليل نمتي هناا (ويأشر مررة ثانية على صدره ..
دلال في نفسها :" أهااا تبغى تعتذر بس مو بهذي السهوولة يا طلال .. انا لازم اعذبك مثل ما عذبتني .. بس كيييييف كيييييييف .. :" لا لا أنا ابغى اجلس بالصالة .. (وراحت ..
طلال : اووووووووووه .. كيف اجيبها انااا كيييييييف ؟؟
راحت دلال للصالة وصارت تفكر وتفكر ومالقت حل غير انها تقووول لسلمى على كككككل شي وهي اللي تجيب لها فكككرة ..
قامت دلال وطلعت وجهزت الثوب لطلال وهو قام ولبس الثوب وخرج ..
راحت دلال لغرفة النوم وبدأت ترتب السرير ..
وخرجت للصالة علشان ترتبها وشافت طلال توه يدخل للجناح مرة ثانية ..
دلال باستغراب : طلال في شي ؟؟
طلال : لا لا بس نسيت مفتاح سيارتي ..
دلال بابتسامة : الحييين بجيييبه لك .. (وراح لغرفة النوم .. وهو طاحت عينه على الدفتر ..
قرب منه لكن قطع عليه مررررة ثانية صوت دلال وهي تمد له المفتاح وتقول : راح نرووح للمزرعة اليوم ؟؟
طلال : ايواا ..
راحت دلال وأخذت الدفتر وحطته بالدولاب اللي جنب التلفزيون وقالت : متى طيب ؟؟
طلال : راح امركم على بعد المغرب .. مناسب الوقت ؟؟
دلال : ايواا ..
************************************************** ***********************************
في المزرعة :
عند البنات :
ليلى : اقووول سوسو كم شهر وانتي حامل ؟؟
سلمى : شهر وشوي ..
نوال : ملاحظة مهمة .. تررى سلووم هوا اللي عرف انها حامل .. مو هياا اللي عرفت ..
العنود بضحك : اييييييش .. ههههههههههههههههههههههههه ههه والله انك يا سلمى تحفففففة ..
ليلى : ههههههههههههههههه الحين زوجك يكتشف انك حامل وانتي يا يقرررررة ما تعرفي ..
سلمى : اي
سلمى : اييه والله من جدد انا اش يعرفني اني حااااااااامل ..
نوال : ههههههههههههههه والله ان زوووجك عنده خبرة وانتي خرطيييييييي .. ماتعرفي شي ..
سلمى : اسم الله عليكي يعني انتي اللي تعرفي ..
دلال : اكيييد تعرف ..
العنود : مو اخت الغالي ..
دلال : انطمممممممممممممممي يا دبة ..
العنود : وانا اش سويت لك يا مفترييية ؟؟ الا تعالي هناا اش مسوية مع طلوول ؟؟
ليلى : ايواا صح من زمان ما سألنا عنكك .. اش مسوية معاه ؟؟
دلال : ممااااااااااااااااااااااا االكم شششششششغل .. الا فين احلام ما شفتها ؟؟
ليلى : لاااااااااااتغيري الموضوع دلوووول .. احلام عند خالتي مدرري اش تبغى منها .. والحين نرجع لمحور الحديث ..
العنود : كيفك مع طلال ؟؟
دلال وهي تدعي الفرح : الحمد لله مرتاااااااااااااااااااااا ااااااااااااااااااااااااح ة ومبسووطة ..
ليلى : الله يديييييمها عليكي يارب ..
وبدؤوا البنات ينشغلوا ببعض ..
واستغلت دلال الفرصة وأخذت سلمى وطلعوا للحديقة يتمشوا ..
سلمى : عممتي دلوول اخلصي اش عندك ؟؟ حركاااتك ما تمشي معايا ..
دلال : العن شرررك من بنننت .. تلقطيييها ..
سلمى : اخلصي اخلصي .. قووولي اللي عندك من غير لف ودوران ..
دلال : طييب .. (وبدأت تقووولها من اول ما تزوجت طلال اش صار معاها لييييييييين اليوم ..
عند الشباب :
دخل محمد للمجلس وسلم وبعدها جلس وقال : يااااااااااحيا الله بسلووم والله ..
سليمان : الله يحييييك .. اشوووفك متأخر اليوم ؟؟
محمد : والله مشاااااغل ..
توفيق : حموود واحنا مو ماليين عييينك حتى تسأل عننا ؟؟
محمد : هههههههههههههههههههه الا الا وشوي وراااح تطفحووا كمان .. بعدين انا ككل يووم اشوفك بالشركة معايا .. اش تبغى احسن من كذاا ..
سعود : ليش عمي عبد الله وعمي أبراهيم سافروا المدينة ؟؟
توفيق : والله يقولوا ان عندهم شغل .. مدرري والله ..
طلال : وقد ايش راح يجلسوا هناك ؟؟
توفيق : اتوقع اسبوع أو أقققل ..
تركي : شباب شباب اليوم مباااااارة الهلال والاتحاد .. بعد ربع ساعة راح يبدا اللعب ..
قام محمد من مكانه بسرعة وقال : حسبي الله على عدوينك الحين تتكلم ..
سعود : انا قلت لك من الصباح بس الظاهر انك ما سمعت ..
تركي : الحين خلوونا نرووح نشوفها وبعدين يصير تفاهمووا ..
استوقفه حمد وهو يقول : ابغى اعرررف متى بتعقل انت ؟؟
محمد : لما تحج البقرة على قروونها .. (وراحوا والبقية قعدووا يضحكووا عليه ..
************************************************** ***********************************
في بيت العم صابر :
سلطان : يعني مصر يا يبه انك تسافر تكمل دراستك براا ؟؟
رامي : يا ابوي الله يخليك .. انا ابغى اصير دكتور والبعثة جااات لعندي وانا ما ابغى اضيع الفرصة من يدي ..
سلطان : بسسس.....
قاطعه رامي وقال : خلاص يبه اذا انت مو موافق ما راح اسافر .. ولا يهممك اهم شي انك تكون راضي علياا ..
سلطان : لا لا يا ايبه روح سافر وشوف مستقبلك والله يوفقك ..
رامي : الله لا يحرمني منك يا ابوي ..
سلطان : ومتى طيارتك إن شاء الله ؟؟
رامي : 10 الصباح بإذن الله ..
سلطان : قلت لي فين رايح ؟؟
رامي بابتسامة : سيبيريا يبه سيبيريا ..
سلطان : اهاا الله يوفقك إن شاء الله ..
************************************************** ***********************************
في المزرعة :
عند دلال وسلمى :
سلمى : ههههههههههههههههههههههههه ههه احلفي ان صار معاكي كذاا .. بس احلفي وبقوة كمان ..
ضربتها دلال على كتفها وقالت : ضحكتي بلا ضروس ان شاء الله .. قلت شي يضحك اناا ؟؟
سلمى : هههههههههههههههههههههه لا لاههههههههههههههه .. بس قاعدة اتخيل شكل طلال وانتي تقوليله بطني بطني وهو خايف عليكي اخر شي طلعت الدورة جاتك هههههههههههههههههههههه اكيد كان نفسه يقوم ويكفخك زي الناس .. ههههههههههههههههههههههه ..
دلال : وعممممى ان شاء الله .. حمار اللي جاي يقوولك اصلا ..
سلمى : هههههههههههههه خلاص دلال ههههههههههههه والله خلاص توبة هههههههههههه ..
دلال : خلاص وقاعدة تضحكي .. هذا بدل ما تعطيني حلللل للورطة اللي انا فييييها ..
سلمى : يعني كيف تبغي يكوون الحل ؟؟ حددي ..
دلال : وانا الظاهر من اول قاعدة اتكلم مع نفسي .. يا حمااارة فهمتي اللي قلته اوول ولا لا ؟؟
سلمى الا الا فهمته .. وانتي تقولي انه عرف الحقيقة .. يعني اش تبغي احسسن من كداا ..
دلال : انا ابغاه يتعذب زي ما انا اتعذبت ..
سلمى بخبث : وبعدييين تعطيه اللي يبغااه .. صصح ؟؟
ضربتها دلال وقالت : قلييييييييييييييلة حيااا .. خلاص ما ابغى شي منكك ..
سلمى : لا لا لا والله راح اسااعدك .. والحين اسمعي وافهمي اللي راح اقووله لانك راح تنفذيه بالحرف الواحد .. وذا ما تنفذتيه مااااااااااالي شغغل فيكي ..
دلال : الحين قولي وبعدين يصير خيير ..
سلمى : طيب انتي متى ترجعي من الجامعة ؟؟
دلال : أنا أرجع مع نوال الساعة وحدة ونص ويوم واحد اللي أرجع فيه العصر ..
سلمى : وطلال ؟؟
دلال : أحيانا اثنين أو ثلاث العصر .. ليش تسألي ؟؟
سلمى : اسمعي .. اوول ما يرجع طلال من العمل ............ (وبدأت تقووووووولها الخططة ..
************************************************** ***********************************
في بيت العم صابر .. في غرفة وجدان :
كانت تكلم صحبتها منار على الجوال ..
وجدان : راح يصير البيت فااااااااااااااااااضي .... أي أي أخوي مسافر علشان يكمل دراسته وعمي متزوج يعني راح اطلع وادخل من غيييييييييييييييييير مايجي احد وينشب بحلقي .... هههههههههههههه .... ايواا ايواا اوول كان عندي عمي واخوي والحين صااار البيت على حسابي .... لا لا جدي ما يقووولي شي مو مثل اخوي وعمي .... حبيبتي والله .... لا لا من بككرة ان شاء الله ....
************************************************** ***********************************
عند دلال وسلمى :
شهقت دلال شهقة كانت الروح بتطلع منها .. وقالت : حسسسسبي الله على افكارك الهدامة يا شيخة .. انتي اش قاعدة تقوووولي ؟؟ معقووولة انا اسوي كذاا ؟؟ لا لا انتي اكييييييد مو صااحية او الحمل مؤثر فيكي ..
سلمى : هههههههههههههههه دلول اش فيكي حبيبتي .. ترى والله اتكلم جد الجدد .. والله لا ينهبل طلال وما يعرف ارضه من سماه ..
دلال وهي تحس جبين سلمى وتقول : سوسو حبيبتي مسخنة انتي ؟؟ سليمان اعطاكي كم كف قبل لا تخرجوا من البيت ؟؟
سلمى : اوووووووووووووووووه اذا ما عجبك اللي قلته رووحي لعند امك وشوووفي اش راح تقوولك .. راح تقووولك بلا دلللع بنات .. وروووحي عند ززوووجك اذا طلبك ..
دلال وهي تصك اذنها : بسسسسسسس بسسسس وججججع ان شاء الله .. لا لا انتي مو بنت اخوي عبد العزيز .. متأكدة انتك بنت اخوي يا بنت ولا لالاااا .. لا لا انتي مو صااااحية ابددا .. (ولفت وتركتها ..
مسكتها سلمى من كتوفها وقالت : اذا تبغييه يشرد وهو معاااكي ماالك الا هذي الطريقة ..
دلال : سلمى انتي مستوعبة اللي قاعدة تقووليه .. انا ما عندي جرأة اسوي اللي قلتيه .. مااااااااااااعندي جرأة يا بنت الحلال افهمممممممممي ..
سلمى بدلع : ماافيها شي .. هذا زوووجك وله حق عليكي .. تدلعي له .. الصقي جسمك بجسمه .. يعني وحركات من هذي .. (وغمزت لها وقالت : وكملي الباقي انتي ..
دلال : لا لا لاااااااااااااااااااا ..
قاطعتها سلمى وقالت : واللللللللللللللله بنهبل الرجااال والله قاعدة اقوولك ..
دلال : هبللة انتي ولا هبلة .. انا لسسه ما خلصصصت منها ..
سلمى : طيب مو مشككلة .. انتي اصلا كلها ثلاث او اربعة اياام وتخلصي وابدئي بعدها ..
دلال بتفكير : احااول ..
سلمى : لا تحااولي .. الا اكييييد راح تسوييييييها ..
توقعآآآآآآآآآآآآآآآآآآآآآ آآآآآآآتكم لـ :.
( عبد الله & عائشة )
أحان الموعد لكشف سرهــم أم ليس بعد ؟؟
( طلال & دلال )
هل راح تنفذ اللي قالته لها سلمى ولا لااا ؟؟
وطلال اش راح يسوي بعد ما عرف الحقيقة وتأكد منها ؟؟
( محمد & العنود )
ما جبت شي عنهم ..
بس اش راح يكون مصيرهم مع بعض ؟؟
وقراءة ممتعــــــــــــــــــــة