من عذاب إلى عذاب - الفصل 23 | روايتك

... الــــبارة.. "23" ♡_________________________♡ _في اليوم الثاني بعد العصر _نروح خارج اليمن في مصر كان كانت سلوى تعمل لهم الغدا خرج يحيى شافها شارده يحيى بحب: مالها مطننه سلوى نكزت: مالي شي غير بين افكر يحيى يشل منها الغدا: من ايش تفكري يا مره سلوى قربت الشاي والقهوه وجلست جنبه: بين افكر في عبد الرحمن لو نخطب له يحيى ضحك: هههه ب تفكري نخطب له سلوى بنرفزه: يوه منك ما بلا اشتي يتزوج ماحد داري ايحين ساعته يحيى ابتسم: ما هذا صدق بس كله على رضا ابنش... قاطعه دخول عبد الرحمن عبدالرحمن داخلي الى عندهم: مقد معنا يحيى ابتسم: جييي ابسر امك قدي تشتي تزوجك عبد الرحمن يشل الملعقه: انيت لش يا يماه ماقد اشتي بكسار الراس سلوى: ما فيها بعدها قدنا اشتي ابسر عيالك عبد الرحمن يغير الموضوع: اين رنا سلوى تلبكت: قالت لي تجاوب خبيرتها وتجي يحيى بغضب: لييييش تخليها تخرج وحدها ليييش سلوى تهد الوضع: هي خبيرتها بنت جرتنا انا اعرفها والله عبد الرحمن قام ب صياح  : لووووهي بننننت الوزييير هاننننا احننننا فففي بلاددد اغررررب ما احننننا داريييين ببببشي وههههي بتتتتخرج وتتتتدخل عللللى ما تتتتشتي يحيى سحبه وخلها يجلس: اجلس الان بتجي وتفاهم معاها  عبد الرحمن جلس وكتم عيضه وسكت _نرجع اليمن وتحديدا في بيت سعيد سعيد بغضب: قدي مرت ابنش وبعدها قد تزوج خليه هو في نفسه يتزوج بعدها ليش ما تشتي نظيفها عندنا ما تشتي يضحكوا علينا الناس فاطمه تناوله الكاس الشاي: بس لاني مقهوره على وتين ما اشتي ابسر صورتها سعيد: قد رافت شلها عند وتين قدي هي وياها  في شقه واحده فاطمه: انا داريه بس والله انه قهر سعيد قام: بطلي قالت قهر انا احبها واعتبرتها ساع سلا بس قدو ابنش فعلها وبعدها اشتي اضيف اخي محمد ومرته يجوا يبسروا مرت رافت فاطمه:قدك اخبر بس ايحين عاد تضيف سعيد وهو خطي: عاد افكر وارجع اردش خبر العشي _نروح عند عائله قاسم ال..... كان الجد اليوم الرحله حقه يروح عمر خرجوا الشناط حقه هو وجعفر الجد وسط الصاله: اسمعوني كلكم الكل سكت منتظرين يتكلم الجد تنهد بعدها قال: اول شي معد اطلب من احد المسامحه لاني ما بين اسوي شي ثاني شي اني لو وقع فيني حاجه لا قدر الله الورث حقي ينقسم بينكم انتي الاخوه والبنات اذا انتوا تشتي ادو لهن ولا مش ضروري  علي قام باس راس ابوه: بعد الشر يوقع بك حاجه يا اباه الجد: محد داري بس قذا قلت لكم جعفر: يلا يا اباه قذا يتصلوا لي مرت جعفر: الله يردكم بالسلامه الكل قال يارب عتيقه قربت من ابوها تشتي تسلم عليه بس يد ابوها وقفتها الجد بكبره: انتي ما تسلمي عليا ولا اشتي كفايه الذي عيالش فعلوا بي عتيقه تبكي: ايش عمل بك يا اباه مقد قالوا لك الجد رفع العصا نحوها بغضب: اسمعني لا تدافعي على عيالش ولا شي عيال ما يقطع فيهم المعروف ولا يقطع فيهم ماقد اديت لهم عتيقه سكتت الجد ودعهم وخرج يتبع................♡