من عذاب إلى عذاب - الفصل 22 | روايتك

... الــبـارة.."22" ♡_________________________________♡ .. في فلة سعيد كانوا الكل فوق سفره الاكل سلا تذكرت انها تشتي تروح بيت رافت: !!<< يبه ذكرت لو تخلي سامي شلني عند رافت !!<< سعيد بتفكير:  !!<< والله فكره بس خايف يتضايق اخوش جن تسيري >>!! فاطمه: !!<< خليها ي رجال تسير وبعدها ليش يتضايق من اخته >>!! سعيد: !!<< خلاص سيري >>!! سامي قام:  !!<< ي الله امسوا على اخير عاد اخرج افعلي لفه وارجع >>!! سلا قامت معه !!<<:  دامك عاد اخرج شلني الى عند بيت رافت >>!! سامي مسك راسه: !!<< كم اكره النسوان لوما تقلك تخلني خرجني >>!! سلا ضربته في كتفه بمزح: !!<< ما ايه حتا لو تقلك شلني المريخ عاد تسير >>!! سامي ب غرور: !!<< هذاك ايه روحي ما اخرجش انتي خلي لوما نزوجش ورجعي خلي تعيس الحظ يشلش حتا خلف الشمس هههه >>!! سلا فتحت فمها: !!<< يوه ما انتوا خلاص اول من تخطب انت يوه " وطلعت تتجهز ">>!! سامي ضحك:  !!<< كم احب هذه البنت لوما اجننها >>!! سعيد بحزن !!<<: لو تتزوج عاد ع يوقع البيت شوع بدونها >>!! فاطمه بحب: !!<< الله يتسرها ويجعل لها نصيب ساع الناس >>!! سعيد تذكر لوما جاء يخطب قصي:  !!<< ي مره نسيت ما اقلش >>!! فاطمه استغربت: !!<< ايش مابه >>!! سعيد: !!<< ما بلا ذيك اليوم لوما جات المره لا عندك >>!! فاطمه تذكرت : !!<< هاه قصدك ام قصي >>!! سعيد: !!<< ايوه جاء الولد يشتي يخطب سلا بس عادنا متردد ارده خبر ايوه ولا ماشي بعدها غريب جاء ومحد معه من اهله >>!! فاطمه: !!<< ايوه حتا امه تقرب ل وتين قالت هي خالتها >>!! سعيد: !!<< اها سوا خلاص دامها تقرب ل وتين نتوكل على اللهِ >>!! سامي: !!<< م انا من ناحيتي الصدق اعجبني الولد ما شاء الله عليه معتمد على نفسه قوي >>!! سعيد: !!<<  ما هذا هو الصدق رجال صدق >>!! فاطمه قامت !!<<:يلا اقوم اصلي عشاء. بعدها قدك اخبر ابسر الذي يوقع وافعله >>!! ... في شقة رافت كانت وتين جالسه تقرا قران  سمعت صوت الباب طرحت باست المصحف و طرحته وقامت تفتح الباب خرجت لقت قدامها رافت وطت راسها تذكرت انها اهانها على شان بنت ما تستاهل تراجعت الى ورا رافت اول ما شفها حس بحزن عليها تقدم من الباب وفتحه سلا فتحت ايديها: !!<< مــفاجـأة >>!! رافت ابتسم: !!<< حيا بحقنا الاميره >>!! سلا شافته بنص عين !!<<:انت ممنوع تحاكيني ناهي " دفشته ودخلت">>!! سلا بحب وحزن في نفس الوقت على وتين فتحت ايديها وحضنت وتين وتين فاااارحه لانها جات عندهم دمعين عيونها لا ارادي سلا بعدت عنها ب ابتسامه:  !!<< قذا جيت عندش اجلس انويش >>!! وتين بحب:  !!<< البيت بيتكم ايحين ما تشتي تجي >>!! سلا سحبت وتين:  !!<< جي جي شليني الى حقش الغرفه >>!! وتين خطيت معها ودخلتها المجلس سلا انصدمت شافت كل ملابس وتين في الشنط والفرش طارحه لها ترقد سلا: !!<< هذه الغرفه قدي بقعتش >>!! وتين ابتسمت بحزن وسحبتهتا الى داخل: !!<< ايوه حاليه صح >>!! سلا هزت راسها رافت كان مصدوم ليش اخته قالت له لا تكلمه تخل شافها مصدومه من غرفه وتين رافت طارح راسه على الباب: !!<< من وصلش الى هانا >>!! سلا دعممت منه وكلمت وتين !!<<: قد تعشيتي ولا مع >>!! وتين سكتت وشافت رافت ينظر لها بكره خافت تقدم رافت منهن رافت بغضب وامر ل وتين : !!<< اخرجي اشتي اكلم اختي سيري افعل لها اي شي يلا >>!! وتين خافت من نبرة صوته وخرجت سلا شافته وعيونها ملان دموعه: !!<< ليش تعاملها هكذا ليش حرام عليش ي رافت والله عاد ترجع تندم عليها ندم >>!! رافت مسك كتفها وجلسها: !!<< اسمعي هذا بيني انا ومرتي اعملها كيف ما اشتي تمام. بعدها اذا انتي غاثيه حن تزوجت اتزوج على عافيتي لاني ما اقتنعت بها ولا اعجبتني >>!! سلا مسحت دموعها: !!<< خلاص قدك اخبر بس امانه لا تكون تعاملها هكذا قدام مرتك امانه >>!! رافت ابتسم: !!<< ولا يهمش الا الذي يرضيش بعدها ما تشتي تشوفي ذوق اخوش >>!! سلا استغربت: !!<< في ايش >>!! رافت !!<<: مرتي >>!! سلا من غير نفس بس ما حبت تكسر بخاطر: !!<< ناهي >>!! "قامت معه" .. عند وتين في المطبخ مطننه من العيشه الذي هي عايشه تعقدت من كل شي كرهت حياتها ليش حظها هكذا لا اسره عاشت معها مفتهنه ولا زوج عايشه معه بسعاده. شارده فاقت من شرودها حرقت يدها وتين ودموعها ملان وجهها تنفخ الحرق !!<<: اف اف يوه يا يدي " راحت غسلتها بالماء " خف الوجع وشلت الحلا وراحت الى عندهم >>!! .. في غرفت رافت سلا سلمت على ماريا ما اعجبتها ولا دخلت نفسها دخلت وتين في يدها الحلا كانت ما شيه ما حست نفسها الا في القاع ماريا بضحك: !!<< هههههههههههههه >>!! سلا و رافت حملوا ي شوفوها سلا تمسكها تقوم !!<<: قومي الله معش سهل >>!! رافت مسكها بس مسك الحرق وتين بوجع: !!<< اي فك يدي توجعني>>!! رافت قلب يدها وشاف الحرق كبير رافت بغضب: !!<< اين حرقتي >>!! وتين بوجع جلست على الكنبه: !!<< حرقت في المطبخ لا تهتم ما يضر ولا شي >>!! رافت بخوف عليها جاء يشتي يمسك يدها بس وتين بعدت يدها منه وتين قامت: !!<< اسفه اقوم انظف >>!! سلا مسكتها: !!<< سيري الغرفه وانا عاد انظف >>!! وتين مسكتها: !!<< مع انا عاد انظف انا انتي ضيفه عندنا اجلسي >>!! سلا:بس.... قاطعتها وتين وتين: !!<< ما قلت لش اجلسي يلا " وخرجت جابت المكنسه ونضفت وراحت الغرفه حقها >>!! سلا: !!<< يلا امسو على خير اسير ارقد لي >>!! ماريا بدلع بايخ: !!<< وانتي من اهله ي حبي >>!! سلا طنشت وخرجت الى عند وتين راحت شافت وتين جالسه تنظف الحرق سلا راحت الى عندها: !!<< خلي رافت يشلش ولا خليه يعقمه لش هو يقدر في هولا الحاجات >>!! وتين ابتسمت: !!<< معليش بشي هو راح يفتهن >>!! سلا بحب: !!<< قدش اخبر. والان اسير ارقد لي في المجلس الثاني >>!! وتين بحب !!<<: براحتش >>!! سلا شلت الواني حقها وراحت المجلس الثاني ثواني الى و رافت دخل الى عندها وتين كانت تشوف يدها ما انتبهت للذي دخل: !!<< خفتي ترقدي وحدش >>!! رافت غلق الباب ودخل الى عندها !!<<: ما خفت ولا شي >>!! وتين نكزت اول ما سمعت صوته: !!<< اسفه فكرتك سلا >>!! رافت جلس جنبها وشل المعقم وبدا يعقم لها الجرح ثواني وكمل رافت يربط الشاش في يدها: !!<< اختي ما تشتي تعرف الذي بيننا ناهي ولا شي >>!! وتين هزت براسها رافت شافها: !!<< مالش ساكته >>!! وتين متوتره منه قامت تشل البطانيه : !!<< مالي شي ايش اقل >>!! رافت مسك البطانيه من يدها: !!<< ابسريني >>!! وتين خزيه منه قوي رافت اعجبه الوضع مسكها من خصرها وقربها الى عنده وتين حمرين خديها يتبع................♡