من عذاب إلى عذاب - الفصل 15 | روايتك

....البـــــــارة " 15".. ♡________________________♡ _ بعد المغرب جاء رافت من الجامع راح يصلي دخل شاف وتين طارحه راسها فوق السجاده استغرب رافت الحزن الذي فيها بس فسره لانه اهلها عيسافروا رافت تقدم الا عندها:  وتين وتين سمعت صوته وقامت على طول وتين موطيه راسها: ايش رافت استغرب:  مالش موطيه راسش ارفعيه...  رفع راسها بيده..  مالش ابسريني وتين والدموع ملان عيونها:  مالي شي رافت شاف الحزن ملان عيونها: مالش غاثيه قولي لي وتين من غير اراده بكيت وحضنته رافت حزن عليها وحضنها وخلها تجلس معه فوق السرير رافت بعدها من حضنه ومسح دموعها:  ايش سبب  هذا الدموع كلها وتين نفسها تشكي لايت احد بس متردده:  مالي شي رافت مسك يدها وباسها:  انا زوجك قولي لي من الذي غير غثاش اشكيلي وتين ودموعها تنزل: اشتي امي ي رافت انا تعبت تعبت!!! اكثر من الزوم ابي فلتني!! ورحله ومحد يحبني ي رافت ربتني! خالتي بس ايش من تربيه..  تخيل انها عذبتني عذاب والله انها!! كانت توصل ي رافت انها تمنعني من الاكل والشرب والله انها حتا كانت!! تفلت كل العمل فوقي كانت تضربني!! ضرب وحتا تشتي تخلي ابي يشك فيني خلتني! خارج البيت انا تعبت وربي تعبت!! عذاب تعبت رافت زعل عليها حضنها: وانا ما بين افعل معش انا ما عد اخلي احد يلمس فيش شعره من بعد هذا اليوم ... وتين ساكته في حضنه و حست بالحنان  _ نروح في شقةة  كانت ساره مزينه الغرفه عملت السرير فوقه ورد وكتبت اسمه فيها ورشت الورد مليان الغرفه والتسريحه عملت لها الشموع وطفت الضوء وعملت ضوء احمر وعملت الطاوله فيها التورته وحلاوالعصيررررر.. وكانت لابسه فستان احمر قصير وعملت شعرها تكسير ومكياج فاتح كان شكلها يلفت رووووعه... دخل حسين البيت شاف البيت هادي استغرب اين هي خطي للغرفه شاف ظلام مد يده يسرج بس تفاجئ بالضوء الاحمر شاف الغرفه انذهل جات ساره وفي يدها باقة ورد حمرا مدت له الورد.. ساره بحب كبير: من حن دخلت حياتي خليتها احلى واحلى حبيتك وربي اني حبيتك من قلبي ما اشتي افقدك احبك بكل كلمه حب اديها لك ايوه وهذني اعترف لك احبك ملان الدنيا باسرها والله حسين حضنها وقال: وانتي خليتي حياتي كلها فرح سعاده نورتي حياتي انا فدالش صدق.. ساره تؤخر من حضنه مسكت يده: يلا جي نسير نقطع التورته قد شقيت اليوم  لوما شبعت على ربك سبرت. حسين ضحك: يلا نجرب  وعلى الله _في صباح اليوم التالي في شقةة رافت قامت وتين من صباح الصبح رفعت وكنست وعملت كل شي على شان الساعه عشر تسير تشوف خالها وتروح تودع خالتها... قام رافت على ازعاجها وهي تقلب في الدرج رافت يمسح عيونه بغضب:انى من قومش من هذا السع وتين ب عجله وخوف: والله اليوم اشتي اسير اودع اهلي يلا قوم قذا قربت لك الصبوح رافت ابتسم وقام الحمام "اعز القارى" _نروح بيت يحيى رنا وفي يدها الشنطه تخرجها: يمه اين البرقع حقي سلوى ب ضبح: انى ضبحتيبي من الصباح  وهي كل شويه اين هي هذاك فوق الماسه ادخلي شليه شرق.. .. ثواني ووصل رافت وتين وراح دخلت وتين شافت البيت فضي ولا عاد فيه حاجه جات لها غصه دمعين عيونها البيت الذي عاشت حياتها فيه خلاص اليوم راح يبقا بيت عادي..تقدمت ودخلت شافت سلوى جالسه وعبد الرحمن يكلم التلفون وتين: السلام عليكم ولا احد رد عليها دخلت جلست جنب سلوى سلوى بكره: ما ذلحين افتهني وتين على نيتها: ليش افتهن والله انه قهر حن اجلس وحدي سلوى جالسه ولا عبرت لكلامها قيمه عبد الرحمن كمل جاوب التلفون والتفت شاف وتين تقدم منها وخلها تقوم وحضنها عبد الرحمن بحزن:  والله ان احنا عن افقدش ي روح اخوش والله وتين دمعت: وانتوا والكل والله عد افقدكم  والله ريت والله وانا اجي معاكم عبد الرحمن بعدها من حضنه ومسح دموعها: والله ي وتين اني حاولت ما رضي ابي قال قدش مزوجه خلاص وتين بحب: المهم ان احنا راح نتواصل عبد الرحمن ضحك: ي سعم ي خبلا ما عد عن حاكيش وتين سكتت عبد الرحمن: انتبهي على نفسش ي وتين...  قاطعه التلفون عبد الرحمن جاوب..  ثواني وغلق عبد الرحمن ب عجله:  يلا يلا قدم باب الباب قومين قامين خرجين وسلوى غلقت الباب ووتين جلست في الشارع عبد الرحمن تذكر وتين: ي وتين من عيجي يضويش وتين بارتباك: بسمه هو رافت قال عيجي ربع ساعه وهو عندي عبد الرحمن خطي: يلا سابر انتبهي على نفسش وتين بحب: وانتوا انتبهوا على نفسكم _عند رافت كان في مكتبه يراجع الورق الذي معه.. قاطع الصمت دق في الباب رافت بصوت رجولي: ادخل السكرتير: ي رافت به مره تشتي تكلمك رافت استغرب: من هي قلها تدخل خرج السكرتير وجلس رافت يكمل لوما تدخل.. دخلت المره والصنطدل  صوته معبي المكان  كانت لابسه بالطوا مخرزز وكانت لابسه برقع من دون الخنه حقه والبالطو  ضيق على جسمها". دقت الباب رافت وهو موطي راسه يشوف الملف: ادخلي دخلت وعطرها سبقها.. رافت رفع راسه وانـــصــدم: مـاريـا.. _نروح في جامعه سلا كانت سلا جالسه في الكافتيريا حق الجا معه وكانت مطننةة شارده..  قطع شرودها صوت رجولي صوت تعرفه صوت مش غريب عليها رفعت راسها وشافته حبيب قلبها من اول رسائله لها معه وهي تموت فيه سلا بصدمه: قصي قصي بغرور: قصي بطوله وعرضه سلا باستغراب: كيف عرفتني قصي يسحب الكرسي ويجلس: من مخابراتي الخاصه سالت وقالوا انش هانا وجيت ابسرش واكلمش في موضوع مهم ارحلي الا بجاوب الذي اشتي.. سلا بخوف جلست: ايش تشتي وبعدها والله لو حد يشوفني معاك راح يسيروا يقولوا ل لا ابي وربي ما يرحمك قصي بحب: ما تخافي ولا شي وجيت اليوم اكلمش اشتي اجي اطلب يدش من اهلش.. بس قولي لي بنت من انتي ما عارف الا باسمك سلا دقات قلبها تتسرع: بس.. قاطعها قصي بحزم: اسمعي للاخير انا حبيتش من اول ما كنتي تنشري خواطر حسيت انش البنت المناسبه لي اعجبني فيش كل شي صح ما اعرفش غير مده قصيره بس وربي شاهد عليا اني حبيتك من قلبي اعجبني طريقه اسلوبش وكل شي يعجبني فيش حتا يوم ما اتصلت لش والله انش زد كبرتي في عيني اكثر انا داري انش بنت ناس وانا افتخر بش قوي والله بس اشتي جواب قولي لي موافقه اجي اخطب وتوقعي حلالي وحقي سلا واعجبها كلامه صدق حتا هي حبته: وانا حبيتك بس انا اشتي بالحلال والله وتوقع نصيبي قصي بفرح: الله يفرح قلبش سعما فرحتيني؟ بس ما جوبتيني بنت من انتي؟! سلا تنهدت وقالت: انا اسمي سلا سعيد ال...... قصي وكان احد عمله كف: انتي بنت سعيد ال... سلا باستغراب: ايوه ليش تعرف ابي قصي بارتباك:...لا. سلا قامت: يلا معى السلامه المحاضره بدات نلتقي على خير قصي عاده مصدوم: معى السلامه يتبع...............♡♕