من عذاب إلى عذاب - الفصل 14 | روايتك

.... البارة "14" ♡ ♡_________________________♡ ". بعد مرور اسبوع من دون احداث". _ في شقةة رافت كانت وتين في يدها المكنسه تكنس الغرفه حقها كملت ثواني و كملت الغرفه..  راحت قدو الدولاب خرجت لواني لها عند رافت دخل شاف البيت كيف هو نظيف والدنيا مبخره والبيت يلمع لمع ابتسم ودخل الغرفه شافها تخرج  لها لواني دخل الى عندها... رافت يشل الشاحن: هيا كملتي نخطا.. وتين تلبس البالطوا و بعجله  : يلا اكمل البس البرقع رافت خارجي:  يلا انا مريع لش فوق السياره قطبه وتين:  يلا يلا _في بيت يحيى  كانت سلوى تجهز الغدا اليوم معهم الضيفه لانها بكره الطياره حقها.. سلوى وهي بتعجن العجين: ي رنا ادي لي الماء الدافي رنا جات في يدها الماء: هاه شلي الماء سلوى: اخطي اعملي الرز وانا اخبز لوما تجي وتين تكمل معش رنا بغرور : ليش خلي الرز لوما تجي تعمل لك وتين سلوى بغضب: ااااخطي لش خطيه شا تتتجي ووتين وتفعل الباقي. رنا ب ضبح: يف خلاص شا افعل الرز بس سلوى تنهد: ناهي اخطي. _في بيت سعيد سلا جالسه في الصاله تقلب في التلفون ب ملل:يوه يمه و الضبح حاكي رافت يخلي وتين تجي عندنا فاطمه تقطع الفواكه: والله ي بنتي اخوش امس قلي ان اليوم معهم ضيفه في بيت عمه سلا ابتسمت: اها وانا بين اقل وينهم فاطمه طرحت الصحن حق الفواكه: ايوه الله يحفظهم سلا نبعت: يمه اقلش ليش رافت ما ادى لوتين تلفون فاطمه بتفكير: والله ي بنتي مالي علم قدو اخبر هو ومرته سلا: خير قدم اخبر _نرجع بيت يحيى دخلت وتين خلست البالطوا وراحت للمطبخ تكمل معاهن وتين تحشر الاكمام الروب: ايش اعمل معاكن ي خاله سلوى تغسل يدينها بامر : ايوه جي كملي الباقي ماقد عملنا الا الرز و خبزت وانتي كملي كل شي عليش وتين انصدمت بس سكتت و خطيت وحدها عملت كل شي.... .. "نروح عند يحيى خارج اليمن وفي مصر" كان يحيى في جالس يقرا اخر ملف وصله اليوم ويحسب كم قد ورد لليمن دقائق... كمل وطرح من يده ورفع راسه شويه جات في خياله وتين وين عاد اسكن لو يجوا كلهم هناك.. قام شل التلفون واتصل ل سلوى .. رن رن.. ثواني و جاوبت يحيى بصوت تاعب: السلام عليكم سلوى:حيااا حيا وعليكم السلام يحيى: كيف حالك وكيف العيال سلوى: الحمدلله كلهم بخير... واليوم خلينا وتين تجي تتغذى عندنا ما دام قدحنا عن سافر.. يحيى: الحمدلله خير دام وتين عندكم اشتي تمكينها المفتاح حق البيت تكون اذا هي ضيقه غاثيه معها بيت تسير له سلوى في نفسها.. حرم عليش ي!!! بنت زكيه تجلسي في بيتي طز!!! حتا تخرج تجلس عند الكلاب انا!! مدخلي... يحيى: الوووه سلوى نكزت: ايوه ايوه معاك... حاكي وتين وابسر ايش عاد قلك يحيى: خلاص تمام الا بعدا واتصل لها الا عندش سلوى: يلا قدك اخبر.. يلا معى السلامه خليني اخطي اقرب الغداء معها يحيى: معى الله... _بعد وقت العصر في بيت سعيد كانوا الكل  وحسين وساره والكل مجتمعين في الصاله  جالسين يتجابرو يضحكوا سامي يشتبح قام: انتوا داريين ما انا الصدق لوما اتزوج عاد ارجع اسير انا ومرتي شهر عسل في  تركيا... حسين الذي كان جالس جنبه شحبه خله يجلس: ارقد من الاحلام حقك.. سامي بمزح: تحسد عسب ما سرت ولا بقعه حسين رفع حاجبه: اخر واحد احسدك هو انت سامي: اسلم لا تحسدني ولا اشتي سعيد ل سامي: قلنا من تشتي وانا اخطبها لك من كانت تكون سامي يطرح يده فوق كتف حسين: الصدق ما اشتي ولا واحده من خارج العائله حقنا.. اشتي بنت العم حسين خرج عيونها: تشتي ايه الله لا قال توقع من نصيبك سامي بهررر: حرام اني شا خطبها لو تموت الف موته ما اديها الا هي غصب عن لعفك حسين ضحك: هههه يلا الله والحب خلاص ايه لك لك بس كيف عقلك وكيف عقلها اختي هادئه وعاقله وانت مدري معاك نصف عقل او مابش سامي بغرور: انا اعقل منكم كلكم غير تجي حالات احيانا بس... كملوا جلستهم بالضحك... _نرجع عند وتين لبست وتين وجلست في المجلس وجوا اهل سلوى والجيران.. سلوى بامر: قومي ي وتين قربي الحلا وتين سكتت وقامت للمطبخ اخذت الحلا ودخلته لهن اخت سلوى تنظر ل وتين نظرات استهزاء وتكلم سلوى: ي اختي حتا البس ساع وجههها ما بش ذوق والله  .. سلوى تهمس: مدري ي اختي كيف زوجها قابل بها اخت سلوى بحسد: انتي عاد ابسري لوما طلقها.. سلوى بكره: هو هذا الذي عيقع..... قاطعها التلفون سلوى شافت الذي يتصل يحيى قامت خرجت تجاوب ثواني... دخلت داعت وتين في المطبخ وتين: مالش ي خاله سلوى بكره: اسمعي ابوش يتصل لي قال يشتي يحاكيش انك تشلي المفتاح حق البيت عندك بس اذا قلش قولي له ما اشتي تمام.... وتين بالم ما تقدر تخالف لها راي: حاضر سلوى بخبث: ايوه اسمعي الكلام وبس بعدها ما تشتي بالبيت لو يطلقش سهله سيري دوري ان تسيري والله ..ضحكت باستهزاء سلوى اتصل ل يحيى  .. ثواني و جاوب سلوى مكنت التلفون وتين و جاوبت _ بعد السلام وكيف الحال يحيى بحب: اسمعي ي وتين شلي المفتاح حق البيت من عند خالتش لان مدري ي بنتي لو تحنقي ان تروحي بنفسش وانا..... و نبره حزن... في غربه واشتي اطمن عليش ي بنتي.. وتين تشغررين عيونها بالدموع: مع ي ابه اجر البيت سهل لوما ارجع احنق يحلها الله ي ابه بعدها ما اسير افعل وحدي في البيت.. يحيى: خلاص قدك اخبر ي بنتي... ما اوصيش اهم شي حافضي على حياتش ي روح ابوش وتين دمعين عيونها:  تمام.. معى السلامه.. مكنت التلفون خالتها . وحملت دخلت الغرفه حقها قفلت على نفسه وجلس على الارض ولمت نفسها وبكيت بالم بكسر تعبت من حياتها تعبت من كل شي في حياتها خلاص معد  تقدر تتحمل كل شي فوق طاقتها والله وتين والدموع ملان وجهها بالم: تــــعبت يمه وين انتي ليش فلتيني وحدي في هذا الدنيا يمه تعب قلب بنتك الله يرحمش ي قطه من قلبي.... قامت وتين مسحت دموعها ودخلت الحمام "اعز القارئ" غسلت وجهها وخرجت تذكرت التاريخ حقها فتحت الدولاب وشلت التقويم  تذكرت هذا التقويم يوم ما جاب لها خالها _ نرجع للماضي كانت وتين عمرها ما يقارب 14 سنه خرجت تشل من ماء من البقاله وكان شخص يراقبها في كل خطوه خرج من السياره ومسك يدها وتين بفجعه: مالك من انت فلتني علي بحب : ما تفتجعي سعليش انا خالك اخوا امش ي وتين وتين: من غير كذب انا داريه انك تشتي تلشني فلتني ولا والله لا اصيح واخلي الناس يجوا لك علي ضحك على تفكيرها: هههه والله ان انا خالك وتشتي اثبت لش وتين بطفوله: ايوه وريني علي خرج التلفون حقه ووراها صورت امها وابوها يوم تزوجوا: هيا مه خالش ولا ماشي وتين: قلي اسمك كله علي: علي قاسم ال..... وتين ابتسمت: خلاص صدقتك علي بحب: معش تلفون اشتي اكون اطمن عليش  وتين بحزن: مابش ما رضي ابي يديلي بس كن جي للبيت حقنا علي بحزن: مع مقدرش والله وتين بطفوله: ليش سعليك ابي معي اضربك جي بس علي ابتسم لها: ي بنتي سهل عاد اعرفي لوما تكبري كل شي وتين: تمام بس ذلحين كيف عاد تكون تجي تشوفني علي جات له فكره راح للسياره وجاب معه التقويم: امسكي هذا انتي قدش تعرفي في التاريخ وتين بفرح: ايوه ابي علمني علي بفرح وخرج القلم وحدد التاريخ اليوم الذي عيجي فيها وتين: يعني اكون اجي الى هانا وانت بتكون تجي نفس التاريخ علي بحب: ايوه يا ذكيه يلا اخطي قبل ما حد يجي وانتي ما تكلمي احد انش ابسرتيني وخبي التقويم معش كل ما اجي ودي معش وانا اكتب لش ايحين عاد ابسرش وتين بحب: تماموا يا خالوه _نرجع للواقع اخذت وتين التقويم وشاف التاريخ لقيت إن خالها عيجي بكره وتين بقلق: يعوه خالي عيجي بكره كيف اشتي اشوفه.... فاطعها دخول خالتها سلوى: قذا زوجش جاء قومي البسي وشلي حاجاتك الذي هانا وتين: تمام يتبع................♡