من عذاب إلى عذاب - الفصل 8 | روايتك

.. البارة "8"... ♡_______________________________♡ في بيت يحيى _ بعد العصر كانت وتين جالسه ترتب الواني حقها في الشنط ولا اي احد  يسعدها فيه ترتب لنفسها وخالتها ولا كلفت نفسها تجي تبسر ايش تشتي ايش نقصها لان ابوها شلها الى السوق يومين واشترين كل شي في يومين وشلت الزنين حقها عند المخيطه    رتبت اخر شنطه معها ودمددت على الارض من التعب لانها من الصباح ولا جلست تذكرت كلام رافت لها نزلت دمعه من عينها حزينه مكسوره كل شي فيها مكسور خلاص حياتها عتكن اخس واخس....  ثواني من تفكيرها ودق الباب وتين عدها على وضعيتها:  ادخل فتح الباب وشاف وتين روحه وقلبه وكل شي في حياته صح زعلها بس والله قلبه مقهور عليها قوي وتين شافت ابوها ونزلت من عنها الدمعه قامت من الارض ولا اقدرت تمسك نفسها فحملت حضنته وبكت باعلى صوتها يحيى حضنها ما يشتي يفقدها والله والايام الماضية كل دقيقه قلبه يحترق عليها...  ثواني وفلتها ومسك وجهها بيده ومحس دموعها يحيى بحب:  ليش الدموع ي روح ابوش وتين ببكاء:  لاني ما اشتي افقدك ي ابه يحيى مسكها وجلسها فوق السرير وجلس جنبها مسك يدها:  وليش عتفقديني،  انا معش لوما اموت ي وتين وتين محست الدموع: بس انت عتسافر يحيى  استغرب من قلها:  من قلش وتين بكذب:  سمعتك وانت بتكلم خالتي يحيى تنهد:  ايوه عتسافر ويمكن ما ارجع اليمن ابدا بس اشتي توقعي قويه ي وتين ولا تنخذلي من ايت احد واشتي اضمن حياتك من بعدي لاني مش متاكد اعيش او لا بس اشتي ازوجش  ارتاح والله ما اشتي تنظلمي معا ناس ثانيين لاني واثق لاعند من زوجتش وتين حست كلام ابوها دخل الى صميم قلبها:  ايوه انا قويه وراح احسن حياتي بنفسي يحيى ابتسم:  ايوه وهذه بنتي وتين واشتي تتزوجي ووقعي مره ونضمي حياتش انتي وكل شي  وتين:ان شاء الله سمع يحيى صوت الباب يدق باس جبينها وخرج يشوف من في الباب وتين جلست تفكر في كلام ابوها وهي عتحسن كل شي هي تقدر على كل شي مابش حاجه صعبه _ عند سلا وايه قنعين امهاتهن انهن يسيرين يشوفين وتين واشترين من الطريق هديه مرتبه وخطيين الى البيت دقين الباب..ثواني وفتح الباب سلوى سمعت الباب يدق وقد يحيى خطي يشوف من بيدق بس سبقته سلوى وفتحت سلوى ب استغراب منهن البنات:حيا اتخلين دخلين وشافين انها مستغربه من هن سلا ب ابتسامه: انا اخت رافت ايه: وانا بنت عمه سلوى فرحت ورحبت بهن ودخلتهن المجلس وسارت تدعي وتين دخلت الى غرفت وتين وشافتها  جالسه مطننه ولا انتبهت على دخول سلوى تقدمت سلوى من وتين: قومي معش ضيوف وتين ب استغراب: منهن سلوى عند الباب: اخت زوجش وبنت عمه قومي البسي وسوا واخرجي الى عندهن..... وخرجت وتين استغربت جيتهن بس قامت تلبس وتخرج _في المجلس دخلت رنا وسلمت عليهن وجلست رنا بغرور: انا اختها الكبير بس انا احلى منها بكثير سلا ابتسمت فقط ايه تشتي تكسر غرور رنا : خليها تدخل ونشوف من اجمل... قاطعها دخول  وتين كانت لابسه فستان احمر قصير اكمامه من نفوخه وعملت لها كبه وعملت لها روج ومسكره وتعطرت  وتين باحراج : السلام عليكم البنات معد رنا: وعليكم السلام دخلت سلمت عليهن وجلست سلا من دهشه من جمال وتين: ماشاء الله وربي جمال صدق وتين انحرجت وحمرين خدودها ايه: اسالك ي وتين وتين باستغراب: اسالي ايه قربت على عند وجهها: عيونك هولا زرق ولا  لابسه عدسات وتين ضحكت:ههه والله عيوني ايه: ماشاء الله ما احلاهن لو يشوفك رافت هكذا لا يجنن وتين انحرجت قوي سلا دكمت ايه في راسها: خلاص ي بنت احرجتيها عند رنا ما عجبها مدح البنات ل وتين ف أستاذة وخرحت وهن جلسين يدجابرين ويضحكين _مر الوقت على البنات ايه بفجعه: يوووه ي سلا كم الساعه قدو شا ياذن مغرب ي مجنونه سلا بخوف: والله لو يدرا رافت شا يموتنا على التاخير وتين مستغربه ليش خايفات: مالك اتصلين وخلين ايت احد يجي لكن ايه خرجت التلفون وضربت على رقم رافت ورن رن دقائق ورد على التلفون رافت بصوت خشن: الوو ايه بارتباك: ي رافت بسمه... احنا رحنا عند وتين وتاخرنا قدو شرق اسكه جيلنا رافت اول ما سمع ان هن هناك غلق لا وجها وقام لبس وخرج الى فوق السياره وطار بها طير... دقائق ورن تلفون سلا سلا شافت المتصل وخافت ورجعت ردت رافت بضبح: ثواني وانتين عندي.... وغلق قامين لبسين وخرجين وهن خايفات منه دخلين فوق السياره خطي وهم ساكتين والصمت سيد الموقف... ثواني وصلوا وقبل ما ينزلين قطعهن رافت رافت بضبح: مره ثانيه تخرجين بقعه وانا مشنا داري انتين اخبر الذي عيقع بكن سلا بخوف: ابشر تمام اخر مره رافت طرح راسه فوق السكان حق السياره: يلا حن تدخلين ادعين حسين سلا: الان دخلين البيت كانوا كلهم جالسين في الصاله سلا وايه: السلام عليكم الكل: وعليكم السلام ايه شافت حسين جالس: ي حسين قوم جاوب رافت قال يشتي يحاكيك حسين طرح الكاس من يده الشاهي وقام  : يلا استاذنكم اسير معنا عمل محمد: الله معاكم بس مش ننتظر ساعه فوق العشاء قطبه حسين: خير يلا معى السلامه.... وخرج يتبع................♡