الفصل 7
..البارة "7"
♡_______________________________♡
... في بيت يحيى
في المجلس جاء سعيد والرجال
جلسوا يدجابرو وسلمو الخطبه بصم رافت على العقد وعبد الرحمن شل العقد وسار الى عند وتين
عند وتين جالسه فوق السرير ولميه ارجلها معى بعض تبكي بصمت .. ثواني ودق الباب. قامت مسحت دموعها وفتحت الباب
عبد الرحمن:
!!<< الف مليون مبروك ل اختي الغاليه >>!!
وتين انحرجت من اخوها ووطت راسها:
!!<< الله يبارك >>!!
عبد الرحمن:
!!<< يلا ابصمي سريع الناس منتظرين >>!!
وتين امتلين عيونها بالدموع
!!<<: تمام >>!!
عبد الرحمن شل اصبعها وبصمها وخرج وهي اول ما خرج جلست تبكي...
دخل عبد الرحمن ومكن القاضي العقد وسلم سعيد المهر الذي هو ثلاثه مليون بعدها جلسوا يدجابرو .. بعد صمت دقائق
رافت ل يحيى:
!!<< اشتي اشوف مرتي اذا ما عندك مانع >>!!
يحيى ابتسم:
!!<< عادي قدي مرتك >>!!
يحيى ل عبد الرحمن:
!!<< قوم شوف وتين وقلها تتجهز تمام >>!!
رافت قال في نفسه.. والله ي وتين سهل اذا ما وريتك ما اكون رافت ي وتين
عبدالرحمن خرج الى عند وتين وفتح الباب وشافها جالسه تبكي دخل الى عندها وجلس جنبها ومسك يدها
عبد الرحمن بحزن:
!!<< ليش الدموع ي وتين خلاص يكفي قد انتي مرته ماعدا الندم ينفع خلاص ما وافقتي بذيه مصيرك غيره وكله على النصيب خلاص قدي حياتك خلاص قومي غسلي وجهك الان رافت عيدخل يبسرش >>!!
وتين مسحت دموعها:
!!<< بس انا ما اشتي ابسره >>!!
عبد الرحمن قام:
!!<< الا عد تشوفيه لان ابي قاله يدخل وقدو زوجك عادي قومي غسلي وجهك يالله.... وخرج >>!!
قامت وتين غسلت وجهه وجلست على طرف السرير حقها بتفرك يديها
عبد الرحمن دخل الى المجلس ودعاه وخرج هو معه دخل هو ويها الى غرفه وتين
رافت اول ما دخل شاف وتين موطيه راسها وجالسه دخل بكل هيبته ومد يده سلم عليها ومددت يدها
رافت ب بغرور:
!!<< مبروك >>!!
وتين بهمس:
!!<< الله يبارك >>!!
جلس رافت على السرير وشافها مدنيه راسها ومسك ذقنها ورفع وجهها وتقابلت عيونهم
رافت انصدم من جمالها طفولتها الذي باينه من عيونها جلس يتامل كل شي فيها
وتين وطت راسها منحرجه من نظراته
رافت بعد يد من ذقنها وقال مغرور يشوفها من فوق ل تحت:
!!<< ايش فيكي خزيتي ي سعم عن اكلك >>!!
وتين ساكته
رافت وقف وقال بهمس:
!!<< لا تفكري اني انا شا احبك وشا تكون حياتك جحيم ي وتين..... قال الكلمتين وخرج >>!!
وتين تشغررين عيونها ب الدموع وانصدمت من كلامه لها لانها عتعيش كل حياتها جحيم قام غلقت الباب وسارت الى فوق السرير وبكيت حتا نامت من دون ما تحس
.. عند رافت
بعد ما خرج دخل الى المجلس استاذن من ابوه ورحله وخرح الى فوق السياره ووتين جالسه صورتها في خياله ولا قدر تروح ملامح وجهها
... بعد مرور اسبووووع من دون احدااااث
الكل بدا التجهيزات للعرس حسين ورافت
.. رافت من يوم شافها وهي لا تفارق حسه ابدا جالسه ملامح وجهها البري في حسه
.. وتين من بعد ما قلها رافت الكلام خلاص قدي جسد بلا روح من يوم ابوها من ذاك اليوم ولا عاد كلمها
..يحيى حزين على وتين بقوي بس ايش يفعل ما يشتي يخليها تتعلق به ابدا لانه عيسافر ويشتي يضمن حياتها معا شخص يحبها
.. والباقيين حياتهم روتينه مابش جديد
... وقت الظهررر
خرجت وتين من البيت ل تقابل خالها علي من غير محد يشوفها لانه تتفق هو و يها كل شهر او اقل تقابله خرجت وتين و شافته مريع في الشارع ابتسمت ومشت الى عنده
علي بحب:
!!<< اهلين ي وتين كيف حالك>>!!
وتين دمعت عيونها:
!!<< الحمدلله بخير. تخيل بس عرسي بعد اسبوع ي خال >>!!
علي انصدم بقعته ولا تحرك:
!!<< كيف عرسش ومسرع >>!!
وتين:
!!<< ابي خطبيني ل ابن صاحبه >>!!
علي بغضب:
!!<< ابوش يعني غصبش >>!!
وتين بانفعال:
!!<< لاااااا انا موافقه >>!!
علي:
!!<< صدق >>!!
وتين:
!!<< والله ماعد باركلي >>!!
علي ابتسم:
!!<< الف مبروك تستاهلي كل خير ي وتين وليش ابوش ما يقلنا >>!!
وتين بارتباك:
!!<< مدري >>!!
وفي الصدفه كانت عيون تلاحقها كان رافت ضاوي من الشركه ولف الى الشارع وشاف وتين مسنبه معى شخص غريب هنا اشتغلت نيران الغيره في قلبه والكره تجاه وتين.. خطي بل السياره يراقب الواضع يشوف ايش يقلها بس ما قدر يسمع
وتين:
!!<< يالله ي خال معى السلامه خايفه اذا يشوفني احد معاك >>!!
علي:
!!<< يلا معى السلامه انتبهي لنفسش ي وتين >>!!
وتين:
!!<< الله معاك... وخطيت >>!!
خطي رافت ب السياره وهو يتوعد فيها لا يوم ما يتزوجها عيوريها الطريق سوا وكيف البنت الذي قدها مزوجه تنسى كل شي.
في بيت سعيد...
كانين البنات جالسات في غرفه سلا بيجربين الفساتين حق العرس
سلا وهي تقيس الفستان في المرايه:
!!<< والله احسه ضيق عليا صح >>!!
ايه مسكت راسها:
!!<< ي سلا من الظهر وانتي دقلي ضيق قصير مدري ايش فيه. اذا ما اعجبك رديه وخلاص >>!!
سلا جلست فوق السرير:
!!<< والله محتاره اشتي اوقع في عرس اخي اجمل واحده والله >>!!
ايه ضحكت:
!!<< والله ان الفستان هذا الذي في يدك يساوي 30 الف وعادك تشتي احلى بطلي خباله والبسيه >>!!
سلا فكرت:
!!<< خلاص قدو الحاصل.. اقلك كم عتفعل بنت خالك ايام >>!!
ايه:
!!<< عتفعل اربع ايام يوم النقش و تلبس القميص ويوم الصنعاني ويوم الذهبي ويوم الابيض >>!!
سلا:
!!<< ماشاء الله >>!!
ايه:
!!<< وانتي مرت اخوش كم عتفعل ايام >>!!
سلا:
!!<< والله قالت امي حالتهم ضعيفه مدري كم عتفعل ايام نفسي اشوفها والله >>!!
ايه جلست جنب سلا:
!!<< ايوه وانا نفسي والله امي جالسه تصرع راسنا بها قالت جمال وادب واخلاق والله >>!!
سلا جات في بالها فكره:
!!<< تعالي اليوم نسير الى عندها نتعذر ايش ناقصها ونشوفها >>!!
ايه بفرح:
!!<< ايوه فكره حاليه بس ايش نقل ل امي وعمتي فاطمه >>!!
سلا قام تحط الفستان في الدولاب:!!<< خلي امي عليا وانا شا اقنعها >>!!
ايه قامت :
!!<< خلاص تم اليوم نسير نشوفها >>!!
يتبع...........♡