من عذاب إلى عذاب - الفصل 5 | روايتك

.الــبـــارة "5" ♡_________________________♡ _عند فاطمه كملت العمل والباقي على الخادمه لان الخادمه ما تدخل المطبخ ابدا جلست في الصاله واخذت التلفون واتصلت لهيفاء  تبشرتها انها عد تخطب لرافت رن التلفون ثوانى وردت بعد السلام وكيف الحال ... فاطمه: ابشرك ابني اليوم عن سير نخطب له بنت يحيى هيفاء بفرح: الله يتمها على خير وبركه..  وان ابني قلي اخطبي لي من اشتيتي وقلت له اديله بنت خالته قد كلمت اختي وقالت تمام  فاطمه: ماشاء الله.بس جي اليوم انتي والعيال اجلسو عندنا لوما يحددوا العرس ونسير نشتري الخطبه حقهن جمعه كلمي محمد  وابسري ايش عيقلك  هيفاء بتفكير: تمام شا اقله وردك نابي فاطمه: يلا نلتقي على خير هيفاء:  معى السلامه.. و غلقت  وصلت ايه على اخر كلام امها  من الجامعه لان معها محضره واحده ايه جلست على الكنبه وطرحت الشنطه:  يماه من ب تكلمي هيفاء بابتسامه: مرت عمش فاطمه حاكتني من خطبه حسين ورافت وقالت نسير عندهم نجلس الى يوم العرس ايه بفرح: يعني عن تعرس اخيرا وافقوا.  بس يماه من ع تخطبي لحسين هيفاء:  بنت خالتك ساره ايه: يهي يهي وعرفتي تختاري يماه امانه انيت  لحسين عتجي له قمر وادب. بس مجنونه قوي. ايوه و رافت من هي هيفاء قامت: بنت جيرانهم ايه هزت راسها وطلعت تتصل لسلا و تكلمها .... في بيت يحيى سلوى بتصيح باعلى صوته:  اااانى ويننننهي مممن اااالصبح رااااقده ما تتتقوم تفففعل مهررره  . لان انا اوريها الادب.. خطي بزت العصا من الدولاب و خطيت لغرفت وتين فتحت الباب و شافتها ممدده على السرير سلوى بغضب: يا بنت قومي شكلي بين ادلعش قوي قومي البيت على اثره قومي نضيفه الان وتين:...... سلوى فااارت و قربت من السرير وفتحت البطانيه وعملت لها كف على ووجها. وتين نكزت من الكف الي جالها وقامت من السرير وهي تحس ب الام في جسمها من الضرب الذي جات لها ب العصا سلوى بغضب من سكوتها وعملت لها الكف الثاني مسكت بشعرها بقوه وتين والدموع على خدها: اي اه سلوى فكت لها:  الان قدامي تنظفي البيت وتعملي لانا الغدا لان ابوش اليوم عيجي بحين وممنوعه من الصبوح على شان مره ثانيه تكوني تقومي من بدري وتين ماسكه على وجهها الذي صار احمر من الكف: بس انا اليوم مريضه كرهين بين اتكلم والله سلوى بتهديد: اقسم بالله اذا ما قمتي الان تنظفي البيت و تسبري الغدا عيقع لش يوم ما تعرفيه وانتي داريه  اذا حلفت بالله سيري اشربي حبه مهده وانتي ع تقعي بخير يلا قدامي  وتين خافت لانها اذا حلفت رح تسويه.  هزت راسها بالموافقه خطيت تنظف البيت وهي ساكته _بعد العصر _ في بيت سعيد ال.... فاطمه كلمته سعيد  ان يقول لمحمد يجو اليوم عندهم على شان يسيرين يشترين الخطبه ويحدد العرس . سعيد كلم محمد ووافق و ع ييجو بعد المغرب.. _عند سعيد كان جالس في مكتبه الذي هو عباره عن مكتب صغير  فعله في البيت له اذا معه شغل. جالس يفكر ان العرس بعد اسبوعين لان يحيى ع يسافر وهو يشتي العرس قريب على شان يسافر هو وبعدها اهله وكيف ع يقدر يجهز كل شي في اسبوعين.. فكر واتصل ل لاخوه محمد يجي ويقول رافت يجي هو وحسين..... دقائق ووصلو الى عنده محمد جلس فوق الكرسي الذي قدام اخوه: مالك به شي لا شي سعيد رجع راسه ورى الكرسي: اسمعوني انتم داريين اني اشتي العرس في اسبوعين محمد انصدم :كيف في اسبوعين حسين: بس ياعم  ماقد جهزنا حقنا الشقق سعيد:  اسمعوني اشتي العرس في اسبوعين لان لقيت من يسير الى مصر يورد لنا من هناك  .يحيى هو الذي عيسير و اشتي العرس قبل ما يسافر لان هو اذا اعجبه الوضع هناك  ع نشل اهله معه و اشتي اعجل ب العرس رافت:يعني هو اليوم الصبح جاء الى عندك على شان يقلك من موافقته سعيد ابتسم: ايوه وانا قلت له ان احنا نشتي يد بنته محمد:خلاص دام انه بعد اسبوعين كودنا نجهز العرس من ذاحين. بس النسوان حقنا قالين يشتين يسيرين  يشترين الخطبه اليوم سعيد:ايوه يسيرين عن خلي سامي يشلهن. بس رافت انت وحسين اشتي كل واحد يسير يجهز حقه الشقه تمام رافت: بس كيف يسيرين يدين الخطبه والناس ماقد ردونا نابي محمد: مانا عن حسين فقد تم سعيد: خلاص ويحيى انا واثق انه ع يوافق  يلا كل واحد يسير يجهز حقه الشقه حسين و رافت قامو:  يلا عن اذنكم كودنا نسير نشتري اثاث الى الشقق.. وخرجوا _في بيت يحيى كان جالس في غرفته يفكر يقول لوتين من الخطبه بس اذا ما وفقت  خايف ماعدا يرضا يديله العمل ولا يسافر الى الخارج  ثواني. ودعا وتين الى عنده جات وتين دقت الباب ودخلت وجلست على طرف السرير يحيى تنهد: اسمعيني يا بنتي قد انتي ماشاء الله كبير وقد الناس جو طلبوا يدك مني وحبيت تعرفي وتين تجمعين الدموع في عيونها: بس انا ما اشتي يا باه اشتي اجلس عندكم بس يحيى بغضب:  انا احبش ي وتين ولا قد زعلتك في كلمه بس اليوم ع توافقي وانتي مصموله تمام.  يلا اخرجي اشتي ارقد لي شويه وتين انصدمت من كلام ابوها لها: بس يا باه..... قاطعها يحيى بصوت عالي: انااااا ااايش قلللت لللش ييييلا مممن وووجهي ااااشتي ارقققد وووخلاص قددد رديت الناس انكككك موافقققه وتين نزلين الدموع من عيونها وقامت خرجت الى غرفتها دخلت سلوى بعد ما سمعت كل شي وهي فرحه قوي انها ع تتخلص منها سلوى: مالك ب تصيح قد صوتك الى اخر الشارع ما به يحيى: مالي شي بس جو يخطبو وتين ناس وانا موافق عليهم وهي ما رضيت سلوى جلست على طرف السرير بحنيه كذابه: حرام عليك خليها على راحتها يحيى بغضب: وانتي تدافعي انتي داريه ان لو ما وافقت وتين على الخطبه ع نخسر العمل سلوى استغربت: بس ما دخل العمل في الخطبه يحيى:  لان سعيد طلب يدها لابنه فهمتي واشتي اتصله الان على الموافقه وبكره عد يدو الخطبه سلوى من صدمه ان سعيد ي طلب يد وتين لابنه معقوله: بس بنتك خبلا تشتي تضيع الفرصة من يدها قدي ع تتزوج الى ناس اغنياء ماعدا تشتي يحيى: قولي لعقلها سلوى قامت: خليني اسير اقلها مدرك الله توافق يحيى مسك التلفون واتصل ل سعيد: لا عاد تسيري ولا قد شا كلمه الان  سلوى خرجت وفتح باب غرفه وتين  وشافت وتين جالسه تبكي سلوى غلقت الباب ودخلت جلست جنبها: ليش تبكي ابوكي ما يشتي الى مصلحتك وتين ببكي: بس انا ما اشتي اتزوج سلوى قربت منها مسكت شعرها:  انتي ماتفهمي ابوش ما يشتيش يشتي يزوجك اذا ما وافقتي  ابوش ع يخسر عمله ويفتهن منك احنا بعد ما نزوجك عن سير مصر ولا عاد ع نرجع اليمن ابدا ..  قالت كلمها و فكت شعر وتين وخرجت وتين جالسه مصدومه ابوها يعني باعها على شان عمله لا يخسره انهارت بكي بكاء ظلم الم حسره تعبت من حياتها من حن خلقت على هذا الدنيا ولا شافت يوم في عمرها حالي تعبت لان ماعدا تقدر تصبر ابوها الذي كانت مستنده عليه اليوم باعها على شان لا يخسر عمله  بكت بكت حتا نامت على الارض يتبع.........♡