البارت 26
البارت26
المجنونة والهيبة
رهف/همام..همام
همام/منوو
رهف/كل عام وانت بخيير يلة اكعد اليوم عدنة عرس
همام/رررهف متملين مني؟
رهف/لا ما امل اني غلطت ودا اصحح خطئي يلة كووم
همام/روحي عني ولتحاولين وياية ماشي صرت اكرهج
رهف/همام كافي عزة نفس وتكبر شنو سالفتك ها تريدني اكلك اني هم احبك وجان الوضع ما صاير زمان عن المشكلة الي صارت وحياتي كلهة ماعرفت شنو الحب وشلون يجي وابوية كرهني بلحب وبس مجرد رفضتك بساعة عصبية صرت تغلط علية وتكرهني همزين ما عترفت وكتلك احبك طلعت اني المغشوشة بيك روح وعساك لا كعدت وان شالله متكعد وطبك طووووب
عافتة وطلعت ضربت الباب حيل وراهة
هو ضل صافن على الباب
ضرب وجهَ
همام/استغفر اللللللع اليوم عيييد وهيج صار شنو من عيد مفرح
البارحة بليل عقدنة وربي احلة ليلة بعمري اول شي العصر عقدنة والناس كلهة جاية بليل صار الفطور وطلعنة اني وفيصل بس رحنة بلسيارة ما رجعنة الة الساعة بلاربعة الفجر صرت مرتة شرعا
كعدت من النوم تمصرت لاول مرة اكعد بنشاط وسعااادة ماكو الم راس بس فتحت عيني اشوف لمى ورهف وغادة كبالي
لمى/صح النوم يا عرووس
كمر/هلو بنااات
غادة/اشوف الحلو كاعد مستانس
كمر/دمشن ولجن لعد شلون ماكعد فرحانة بيوم عرسي
طبت لجين للغرفة مغفية
لجين/بنات منو تاخذ سنان عني
غادة/اني خية
لجين/اخذذذي وطوووني مخدة وغطوة
كمر/تعالي بصفي
لجين/هلو كمورة
كمر/هلو يحلوة
رهف/ولجن كومن ورانة صااالون اليوم احنة حاجزين الصالون علمودجن
لمى/ييللللة كووومن
لجين/يصير انام بلسيارة
كمر/هههه نعديتي مني
غادة/شوفن يحلوات اني رح اروح احجي وية كيان يودينة للصالون
كمر/ماشي واخذي راحتج حياتي
غاد/نجبي ولج ههه
كمر/بين ماتروح غدو اني رايحة لحبيبي اشوفة شوية
لمى/ولج ميصير
كمر/دروحي عني خلي اشوفة واجي
كمزت من فراشي وطلعت من الغرفة البيت مكلوب غراض وجهال البارحة امي نقلت ملابسي وغراضي لغرفة فيصل الصبح
فتحت الباب لكيت فيصل واكف يم الكومدي رحت يمة شبكتة من ظهرة
كمر/صباح الخير على حبيبي فيصووولي
فيصل/ههه صباح النور على حبيبتي المجنونة
كمر/ههه ما تنلام بيبي من تكول المجنونة والهيبة
فيصل/ههه شلونج يعمري
كمر/الحمد لله تمام التمام انت شلونك متحمس مثلي
فيصل/اكيد واكثر منج
كمر/فيصل راويني ايدك
فيصل/يا ايد
كمر/فيصل انت تعرف يا ايد ايدك الي لازم بيهة صورة امك
هو اخذ نفس ومدلي ايدة اني اخذت الصورة منة كعدت على الفراش هو اجة كعد بصفي
كمر/خالتي شذى شلونج مرتاحة فوك...اليوم فيصل يتمنة تكونين يمة وهو ما مهتم بلاشياء الي صارت زمان بس يريد يشارك فرحتة وية اعز انسانة على كلبة اريد اكلج اني رح احب فيصل مثل حبج ومرح اخلي يضوج مني ابد
باوعت لفيصل لكيتة يباوعلي ومبتسم عينه مدمعة بستة من عينه
كمر/اليوم ماكو بجي بس فرح وخالتي الي كالت هيج
فيصل/هاه شلون سمعتيهة
كمر/بيني وبينهة تواصل
فيصل/لعد اذا هيج كلامج اوامر ماكو حزن
كمر/يلة يا زوجي الجميل كوم تحضر ماشي
فيصل/اشكر الله لان اجيتي لحياتي والى جا ضليت لحد اليوم اني على نفس حالتي والمي
كمر/كلشي يصير بي صالح النة ربك ما يضيع احد
فيصل/كمر
كمر/ها
فيصل/اليوم اريدج الية وبس
كمر/ان شالله ههه بيباي
طلعت من الغرفة اجتي لمى جرتني لبستني شالي وجبتي وراحت تكعد لجين النايمة بعصبية لان ضاجت منة هه
غادة/كيان..كيااااان منو هاااي الي تحجي وياهة
كيان/معليييج
غادة/تحب وحدة موو
كيان/انتي منو حتة تسئلين وتدخلين بحياتي
غادة/كيان ليش تكرهني مو اني احبك ليش هيج تسوي
كيان/غادة عزيزتي اني ماحبج وخلاص تركيني اعيش حياتي مثل ما اني اريد
غادة/ماشي خليك بس وعزة الله اذا تجيني متندم لو تمووووت ما اسامحك روح عيش حياتك يا عدم الاحساس
تركتة وطلعت من الغرفة ومثل ما كالت غادة عديم الاحساس ماهتم وطلع وراهة
بشرى/غادة
غادة/غادة ماتت وخري عن طرقي
بشرى/يا اسم الله حياتي ليش هيج تحجين بعصبية
غادة/بشرفج مو وكت تنعوصج ماشي
بشرى/ههه دمج يموت على العموم ماريدج تموتين اليوم حياتي اريدج تخضرين عرسي وبعدين موتي على راحتج
غادة/يا والله عود تنكتين دوخري عن دربي
بعدت من طريق غادة
غادة وصلت يم باب غرفة كمر نتبهت على الموضوع رجعت لبشرى لزمتهة من ايدهة
غادة/انتي الي يحجي وياج كياااان
بشرى/اي وليش
غادة/يا رعنة يا حقيرة على اي اساس تحبين حبيبي اليوم اموتج وعلي
بشرى/فنج تمدين ايدج علية والله هسة الم البيت كلة عليج
غادة/خلي يجي الفرع كلة تعالي ولج
بشرى/كياااان اااهئ تعااال كيااان
فيصل/هاي شكو شنو هل الصياح
كيان/بسم الله ولج غااادة عيفيهة
رحت افك غادة من بشرى والله كتلتهة كتلة معدلة
لزمت اديهة وكفتهة اجن البنات الباقيات
غادة/فييصل
فيصل/ليش ضربتيهة
بشرى/فيصل هاي متوحشة اختج ذهب تجنن احسن منج
فيصل/انتي تصمين حلكج فهمتي مادا احجي وياج
كيان/فيصل ليش تصيح عليهة مفروض تصيح على غادة هي الغلطانة
كمر/كيان شبيك هيج تحجي على غادة
غادة/يا جماعة اليوم عرس سدو الموضوع امشي نروح للصالون السالفة ومابيهة اني الغلطانة بشرى اني اسفة
هديت اديهة وراحت بدلت وطلعت وية البنات ما خليت كيان يوصلهن اني بايدي وصلتهن للصالون
سنان/شبيك وجه السطل
كيان/مابية شي
سنان/ههييييووووووو اليوم عرسي وهيج وجوهكم كبر لبليس شبيكم
همام/اني اغبر
سنان/يخوي هستوك يالة عرفت
همام/امشو للحلاق دا ينتظرنة
كيان/وفيصل
همام/مناك يحلكنة راح يودي البنات للصالون
سنان/لعد يلة امشو
وصلنة للصالون وطبينة اول شي بدن بلجين حفافة وتنظيف بشرة اني بس حطيت صبغ على شعري سويتة اشقر فاتح غادة كبل لتنظيف البشرة لمى ميش ورهف حفافة كمت اغسل شعري من الصبغ حطتلي كرياتين وبروتون لشعري هو سرح مابي شي بس هية كالت هدية لان اليوم عرسج وحبتني حيل
صار الغدة تغدينة هناك بلصالون غادة تريد ترجع للبيت لان نعست ضلينة نضحك عليهة وبنفس الوقت متفاجئين انو هية متناسية الوضع الي صار وتضحك عاادي ربي يوقي كلبهة هية ورهف على الي دل يمرن بي
شيرين/اي عيني كمر
كمر/ها حبيبتي
شيرين/شنو تحبين اسويلج المكياج ثكيل لو خفيف لو وسط
كمر/خفيف حبيبتي ما حب الثكيل والوسط نفس الثكيل
لمى/اني اريدج تثكلين
غادة/شيرين طلعيهة مهرجة
شيرين/ههههه ماشي
لمى/هااه تفقتن علية ولجن
رهف/اني اريد وسط لان عاجبني شوية اكثر اطلالة
شيرين/ماشي حبايبي
بدت تحطلي مكياج حلو مرتب اخذت دواية هو صح ما يوجعني راسي بس اخذ احسن لا يصير يوجعني وينكلب من عرس لخوف جماعي
خلصنة بحدود الساعة ال4 العصر تكسرت من الكرسي كمت البس البدلة بغرفة التبديل
هاي البدلة مالتي اجتي ساعدتني بيهة لجين خاف على التسريحة مال شعري توكع او تتخربط وساعدة لجين علمود بدلتهة
طلعنة من غرفة التبديل عدلنة الستريحات شوية ورشت عليهن مثبت شعر
تسريحتي هيج صارت
وتسريحة لجين بلموووت يالة صارت وثبتت شيرين ومساعداتهة ثنين وياهة شتغلن عليهة
البنات الباقيات ماشاء الله جمالهن ما ينوصف كللللش حلوات مشتابهات بلفساتين زي موحد لونة ابيض فوك الركبة
اجة فيصل للصالون حطن الصاية على راسي وسدنهة من جهة الصدر نزلت على طول البدلة كللش حلوة بس كلشي ما اندل من ايد لايد
اجت رهف اخذت ايدي لفيصل فيصل لزم ايدي للسيارة لمى ورهف ويانة بلسيارة صعدوني ورى بلنص ولمى بلصدر ورهف يمي
ورانة بلسيارة سنان وغادة ولجين وصلنة للاستديو
المصورة/اهلا يا عرسان
فيصل/اهلا بيج خيتي
المصورة/حبيبتي كمر تكدرين توخرين الصاية من على راسج ماكو احد هنا
بس كالت وخريهة وخرتهة لان خنكة فيصل صار يضحك علية عدلت البدلة مالتي وكفتنة على شكل كلش حلو فيصل خاط ايدهة على خصري والايد الثاني لازم بيهة ايدي واني خلتني انزل راسي
فيصل بهمس/طبعا اني ماريد المصورة تشوفج بس مجبور شسوي
كمر/هههههه
المصورة/الله عليك يا استاذ فيصل احلة لقطة خليتهة تضحك وهية منزلة راسهة تعيش
فيصل/هههههه جا غير اني ما حجي
كمر/هههههههه
فيصل/يلة شنو الصورة الثانية
كمر/خلي اني اختار
المصورة/تفضلي عروستنة
اخذت السترة مال فيصل خليتة ينزعهة لبستهة اني اخذت نظاراتة لبستهن هو اخذ المسكة مالتي لزمهة حطيت عكسي على جتفة بلاصح هو نزل لمستواية المصورة ضلت تضحك علينة تبادلنة بلادوار بعدين اخذنة شكم صورة حلوات حيل
لجين/ماخلصنة هل السالفة مال الصور
سنان/صمي حلكج وسكتي
لجين/اني ماشية
وخر سنان عن لجين مشت شوية وعثرت وكعت
سنان/الله ههههه الله تاذيتي
لجين/لا
المصورة/ابقو على هاي الوضعية خلي اخذلكم صورة
النصورة/تجنن عاشت ايدج عروستنة خلصنة الصور ربي عليكم بلتمام والرفاه والبنين
سنان/تسلمين خيتي ان شالله يوم لالج
المصورة/اي ازوج الثاني ههههه
سنان/هههههه امين
فيصل/ها خيتي خلصنة
المصورة/طبعا ضحكتوني بهل النص ساعة عيشتوني وياكم اجواء تجنن ربي يسعدكم بكل لحظة وان شاللة تجيبون الذرية الصالحة من هل البنوتة الفرفوشة الله يسعدك وياهة ويسعدج ويا موفقين
كمر/حياتي تسلمين يكلبي
فيصل/يلة حبيبتي خلي نحطلج هاي على راسج
اجن البنات سولي الصاية وطلعنة من الاستديو وصلنة للقاعة هناك بلشارع اغاني عالية والزلم واكفين برة بس نزلنة شتغلت الصعاديات والاغاني بلشارع
اجة خالي نزلني طبينة اول شي اني وفيصل للقاعة بداخل القاعة مل النسوان الي اعرفهن والي ماشايفتهن بحياتي هناك لكيتهن القاعة طول وعرض متورسة نسوان مشينة لمنصة القاعة اكو حاجز صغير كلة ورد هاي علمود سنان ولجين اجتي امي وعماتي كلهن يباركلي امي تبجي وبجيت وياهة بس الي مفرحني امي رح تبقة كبالي وياية بنفس البيت
لمى/هذة احسن
كمر/اي هسة اكدر اشوف جنت مخنوكة
رهف/رح يطبون لجين وسنان
كمر/حبيبي
فيصل/ها عيوني
كمر/ماكو شي بس ردت اكول حبيبي هههه
فيصل/يا حيضاتي هههه
باس راسي طبو سنان ولجين ثنينهم حلوين وحيييل صغار وكياتة ثنينهم وصلو للمنصة وكعدو سنان يمد راسة علينة وخلة كل الي بلقاعة يضحك
اجتي بيبي تخبل طالعة
كمر/ زكية طالعة صاااكة اليوم
ام خالد/ ولج تادبي صيحيلي بيبي مو اليوم عرسج ثكلي
فيصل/هههههههه
كمر/واذا يوم عرسي اكلج يحلوة اني قبل ما اطب للقاعة شفت رجال شايب يلوكلج شتكولين نخطبة الج بلله مو هيج فيصل
فيصل/اي هههه واذا تردين نخطفة الج
ام خالد/هههههههه سكتو ماريد تعالي تزوجي بعديش
كمر/يا يبيبي بعدج شباااب
ام خالد/فيصل
فيصل/ها يمة اسكتهة
ام خالد/فيصل روح اخطبلي الرجال
كمر وفيصل/هههههههههههه
ام خالد/افييييش هسة يالة رتحت واحس كمل كلشي علية زوجت حبايب كلبي والله يا يمة من ساعية الي اجت بي هاي الخبلة اني عرفتهة مقسومة الك
فيصل/دومج مرتاحة يمة
ام خالد/ان شالله اشوف جهالكم يا بعد روحي
كمر/يا حبيبتي تعالي ابوسج
ام خالد/روحي ولج تلوخيني بهاي الحمرة
كمر/اها صح تريد تضل على الوك مالتهة
ام خالد/اروح للحلوين الثانين
راحت بيبي لسنان وللجين اجتي ام فيصل تعدل بلبدلة مالتي وبشعري امي حايرة بفيصل ترتب بقميصة وبلسترة مالتة
شوية واجتي مرتبة الحفلة كالت لازم نكوم نركص سلو علة اغنية هادئة
راح سنان شاورهة لهاي البنية هية ضحكت وراحت
شوية وشتغلت الاغنية كمنة اني وفيصل الصاية الي اني لابستهة كلش مريحة وحلوة مطلعة بس وجهي صدري وظهري ما مبينات
اني اركص وية فيصل وابواع على غادة ورهف يدبجن بنهاية القاعة موتني ضحك الاغنية رومانسية هادئة وين الحماس بلموضوع ههه
ثواني وتغيرت الاغنية صارت بيبي شارك سنان وخر الحاجز الي بلنص واجة يمنة يركص فيصل كعد يضحك عليه
سنان اخذ فيصل وخلا يركص ويا لجين صايرة حمرة من الضحك لعد سنان من شاور البنية علمود الاغنية واني عبالي كلهة رقمة ههه
طبو كيان و همام من باب القاعة الى يمنة على المنصة وركص وهز اني ولجين سوية بمكان واحد صعدت امي وعماتي وبيبي يمهم خلو بيبي يلنص وركص وبيبي متفاعلة وياهم ورة نص ساعة من الضحك والركص باركو النة وطلو الجماعة كالو رح يطبو الزلم لبسن شالاتجن طبو خوالي اجو باركولنة
حجو وياية وية فيصل وسنان ولجين وصونة على حياتنة سوية ولازم نكون متافهمين ووحدا يحب الثاني بقو الى ان كصينة الكيكة
سنان باوع للجين وهية تعدل البدلة مالتهة دنة عليهة باس خدهة هية جمدت بمكانهة
سنان/اكو كيكة يمي واني ما منتبه
لجين/سنان؟!!!
سنان/احم اني رح اطلع
كام سنان واخذ ويا فيصل اجن البنات للمنصة يمنة وخرنة الصاية وشتغلت الاغاني اني ولجين ركصنة الى ان تعبنة اخر شي اجو فيصل وسنان وطلعنة من القاعة الكل يبجي ورانة طلعنة اني وفيصل والزفة ورانة اخر شي وصلنة للبيت طبينة منا طلعنة منا بين ما بدلنة واخذنة جنطنة لكينة سيارة بيضة مزينة
مؤيد/الف الللللف مبروك يوم اشوف جهالكم يملون بلبيت
فيصل/ان شالله يوم الي الك
سنان/مؤيد حبيتك يا حبيبي هاي النة
مؤيد/ههه خجلتني اي هاي الكم
كمر/هههههه خجل الرجال
مؤيد/يلة روحو وتعالو بسرعة ماشي
ركبنة بلسيارة اني ولجين ورة وسنان بصف فيصل
فيصل/بس ارجع تجي تطلب ايد لمى غصباً عنك فهمت
مؤيد/اكيييييييد هههههه
فيصل/يلة ولي
مؤيد/الله وياكم
اجة فيصل يسوق وطلعنة من البيت اتجهنة للمطار ومناك للشمال
اريد ربي ما يحرمني من الفرحة وية فيصل ويخلينة طول العمر سوية حتة لو نضل نتعارك بس المهم نبقة سوية وللابد
واريد الهي ما يحرم تي بنية من هاي الفرحة لان اليوم رح يكون اسعد يوم بحياتهة
يتبع😇