البارت 21
البارت الحادي والعشرون
المجنونة والهيبة...
رجعت للبيت طبيت ماكو احد وصلت يم الصالة سمعت صوت نسوان هذة صوت مرة ما هتميت وطلعت لغرفة كمر اريد اشوفهة شتقتلهة هه
وصلت لغرفتهة فتحت الباب مالكيتهة بلغرفة وغرفتهة ظلمة الدنية ظهر وينهة رحت لغرفتي هية يا اما بغرفتي لو بغرفة الحجية بس ما لكيتهة بلغرفة وين راحت كلبي نغزني عليهة
نزلت امهة من فوك
اسئلهة؟ اني ماحجي وية زينة بس كمر ماتحمل بعدهة عني شكلهة هسة زينة لو عمتي ما كلهة دلعهة الي متعود عليه زيزو
فيصل/ا ا ا ح گ
زينة/ترة حتة اني ماعرف وين كمر
فيصل/وين راحت
زينة/والله مادري
فيصل/هية اتصل عليهة واشوف
اجتي امهة وكفت يمي بعدهة كصيرة توصل لجتفي وبتهة لنص ايدي طلعت رقمهة لكمر يدك وماكو وين راحت يا ربي
زينة/اني رح انزل اذا ردت كلي زين حبيب
فيصل/ماشي
راحت نزلت اني كلبي حترك عليهة وين راحت مخبلتي طبيت لغرفتي محتار مو من عادتهة تطلع اني رح اطلع ادور عليهة لتفتت لكيتهة وراية
فيصل/كمر وين جنتي
رحتلهة شبكتهة اووف هستوني يالة ردت بية الروح ضميتهة الية حيل
كمر/فيصل شبيك بيك شي
فيصل/وين طلعتي وليش تطلعين وشنو الداعي للطلعة مالتج
كمر/رحنة اني وخالي جبار بلسيارة شترينة بس صار زدحام وتاخرنة
فيصل/يعني مابيج شي راسج يوجعج
كمر/لا مايوجعني انت بيك شي لان هستوني شفت امي كالت فيصل خايف عليج
باوعتلهة دنيت عليهة بست راسهة
فيصل/نوب كليلي رح اطلع حتة اطمن
كمر/ماشي تعال شوف شجبت وياية
فيصل/شنو
كمر/كلشي وكلااااشي هههه
فيصل/ابدل واجيج
كمر/ماشي
بدلت وغسلت وطلعت لكيتهة تضحك وية الغراض طفلة واحلة طفلة شفتهة بحياتي
رحت كعدت على الفراش جريتهة كعدتهة بحضني هية خجلت صارت حمرة
فيصل/تعزميني وياج
كمر/ها اي اكيد
فيصل/يلة شنو تطيني
كمر/هاي وهذة واخر شي العصير
فيصل/والباقي المن
كمر/هاي لسنان وهذة لكيان وهذني لهمام وهاي لرهف وهذة للمى واخر شي هذة للجين
فيصل/خلصن لعد انتي شبقالج
كمر/نستلة
فيصل/لا اني وياج سوية بهذني
كمر/لا هذني مالاتك
فيصل/اني وانتي سوية وبس
كمر/انت شكد حلو اقصد حباب
فيصل/وانتي هم حلوة اقصد حبابة
كمر/فيييصل ااه لتدقق بلكلام
فيصل/اسفين عيني بعد ما ندقق
شفتهة تباوعلي حسيت بيهة شي كلبي يكلي عدهة شي باوعلتهة قربتهة يمي
فيصل/احجي الي تردين تحجي
كمر/فيصل طيني شبكة صغيرة
فيصل/طلباتج اوامر
بس شبكتهة كامت تبجي ذبيت الي بيدي خوفتني عليهة
فيصل/كمر شبيج ها كمر غاليتي شبيج
كمر/فيصل رح اسمعك شي فدوة كملة وماريدك تكرهني
فيصل/شنو اكملة وليش اكرهج شكو
كمر/فيصل ااهئ
فيصل/عيونة لفيصل احجي شبيج
كمر/تحبني؟
فيصل/اموت عليج واحبج بس ليش اكو شي صاير احجي شبيج مو موتيني
كمر/واني هم احبببببببك وحيل
فيصل/يا كلبي ليش تبجين
كمر/هسة تعرف
كامت من حضني راحت جابت سماعاتهة من غرفتهة جابت تلفونهة رجعت كعدت يمي بس هل المرة كبالي ودموعهة ما وكفن حطت سماعة باذاني وسماعة باذانهة
كمر/قبل ما افتح اي شي اريد اكلك شغلة وحدة اني من حبي الك ماريدك تضل بجذبة جبيرة طول حياتك اريد اشوفك الهيبة مالتي ..يا الله
عن اي جذبة تحجي والله الية خبلتني شغلت شغلة اول شي هوسة بعدين صار الوضع هدوء
صوت دكت باب
كمر/خالي واذا ما فتحت
جبار/بلكي تفتح يا خالي
كمر/هلو فيصل ..اريدك تركز بهذة التسجيل كلش زين واسمع الكلام كلش زين
جبار/كمر اجتي سكتي اني رح اروح
كمر/ماشي خالي الله وياك
سكتت كمر صوت فتحت باب
نظال/تفضلي بنيتي
كمر/اهلا خالتي سلام عليكم
نظال/وعليكم السلام؟
كمر/اكيد تسئلين اني منو خالتي اني من منظمة المساعدة العامة هه
نظال/شنو هاي المساعدة العامة
كمر/يعني اني ادخل للبيت اشوف شنو ينقصج واسجلة ونطيكم مساعدة مو بس انتي لا لكل الحي
نظال/ها بنيتي يعني رحتي لبيت جوارينة
كمر/ها..هه بعدنة انتي اول بيت هسة اكدر ادخل
نظال/اي حبيبتي تفضلي
اسمع صوت مرة تحجي وية كمر
لحظة كمر من شوكت تشتغل بهيج منظمة اصلا ماكو هيج منظمة
كمر/خالتي هسة اكدر اكعد وياج نحجي عن الاضرار الي تواجهيهة
نظال/اي يمة تفضلي تعالي
كمر/يا الله...اي خالتي شنو نوع الازعاج الي تلاحظي هنا بلبيت مثلا سكف نكط مي او كهرباء ماكو او غير اشياء
ظلت المرة تحجي وية كمر وتكلهة اني مابقة كاعدة هنا اظل انتقل عدي بيوت اكعد بيهن كل فترة بس هل الشي ليش اني دا اسمعه وليش كمر تبجي عليه وكف كل الكلام الي بعقلي من سمعت سؤال كمر
كمر/خالتي شنو الجذبة الي حجيتيهة قبل 18 سنة؟ للطفل فيصل ابن اختج
نظال/العفو؟!
كمر/رح اكرر السؤال بشكل اوضح خالتي نظال حمزة اخت المرحومة شذى حمزة شنو الجذبة الي حجيتيهة لفصيل جبار ابراهم بيوم الاربعاء المصادف 22/7/2002 الساعة بلخمسة ونص الصبح شنو الي جذبتي بي
نظال/انتي منو وعلى اي اساس تجيبين طاري اختي ولج انتي منوو
كمر/اني بس مجرد سائلة
نظال/اممممشييي طلعي برااا بسرعة طلعي قبل لا الم العالم عليج
كمر/هههه خالتي شبيج هيج عصبية ترة اني اجيت وحدي وبس
نظال/شتردين تعرفين وشنو صفتج حتى تجين تسئلين هيج اسئلة
كمر/عابرة سبيل مو اكثر
نظال/روحي انتي والسبيل مالتج كوومممي طلعي براااا
كمر/اوكي طالعة طالعة ...بس تدرين هسة جبار وفيصل وفرقد وخالد كلهم برة اذا اطلع هسة رح اكلهم يطبون عليج يملخوج انتي ووكافة بمكانج
نظال/ولللج شرااااايدة
كمر/بكل بساطة احجيلي الحقيقة حتى من اطلع اكلهم المرة الغلط واخليج بحالج
نظال/ما صدك بيج امشي ولج
كمر/ترة انتي جبتي الموت لرجليج جببااار تعال هاا..
نظال/اشششش ولج اشششش الله ياخذج سكتي حقيرة نذلة
كمر/ها شو خفتي خليني اجيبلج جبار يجي يتفاهم وياج بطريقتة جباار..
نظال/وللللج سكتي ااهئ سكتي فدوة اروحلج سكتي ذولي زلم يعني زلللم
كمر/اي واذا دوخري خلي اطلع اكلهم انتي هنا
نظال/لاااااهئ ابوس رجلج ابوس ايدج لتروحين والله رح احجي والله
كمر/ما سمعت شنو شرح تسوين
نظال/رح احجي والله اااهئ وروح اختي رح احجي
كمر/رح تحجين الحقيقة المرة؟
نظال/وربي اي وشرف النبي اي
كمر/يلة اني اسمعج
كمر/يلة احجي
نظال/حسبي الله ونعم الوكيل بيج يا كلبة منين اجيتيني منين طلعتيلي منو جابج علية
كمر/تكدرين تكولين البخت والنصيب يلة هسة احجيلي اريد اعرف الحقيقة بعد ما تحمل تعبت
نظال/ااهئ يا يمة رح انفضح الله لا يفوقججج....سنة 1992 صادف يوم عقد شذى من جبار ابن عمي اهئ جانت شذى تحب جبار حب ما ينوصف بس زادت عن حدهة صارت مخبلة بي ماخلته ينعجب بيهة لان تصرفاتهة صارت مال مجانين وعرفت جبار ما يحبهة ويحب نوال بت خالتة نجنت صارت تصرخ ورادت تحرك نفسهة بلبستان لو ما وكفانهة راح ابوية وحجة وية عمي وعمي من النوع ااهئ اوووف يا ربي اللهي لا يراويج يوم ترتاحين بي انتي يا حقيرة
كمر/ربي ما يسمع دعوات الجذابين كملي
نظال/حقيرة ...عمي من النوع الصعب حيل ومتسلط ولازم الكل يمشي علة اموامرة ااهئ ف عمي يحب ابوية كام وجبر جبار يزوج اختي شذى ماكدر جبار يرفض كلام ابو وتزوج من اختي بيوم الاحد خمسطعش ثنين 1992
راحت شذى وكلنة رح تعقل لان اخذت الي تحبة بس ما صار الي توقعنا وصار شي يختلف جذريا عن الي نريده وصارت شذى راعية مشاكل هجمت بيت عمي هجم جانت تحرض عمي يضرب بت عمي زينة لان هية الوحيدة الي جانت ضدهة وتكلهة شذى ميصير الي تسوي جانت شذى تروح لعمي تكعد تبجي يم رجلة وتخلي يضرب عمتي ام جبار لو يحاسب فرقد لان ضوج شذى بصوتة العالي جانت تسوي مشاكل على كلشي صارت حامل بفيصل ورة اربع او تلث اشهر من زواجهة وكلنة رح تعقل صح جانت تسوي مصايب ومخبلتهم بس احنة اهلهة نحبهة و واكفين بجانبهة فترة حمل فيصل جانت فترة صعبة عدهم بلبيت لان البساتين حتركن وهية تسوي مشاكل فوك القهر بسنة 1993 اجة فيصل للدنية جان عمرة شهر الة شوية هية شافت فيصل حبتة حب ماينحجي كرهت ابو لان شافتة ما يحبهة بس تعلقت بفيصل صارت مهوسة بفيصل اووف يا خيتي ربي يحرمج اااهئ يا بعد روحيتي كبر فيصل وكبرت امة ويا بس ما كبرت عقلهة جانت تسوي المصايب من ورة ظهر فيصل وعمي حتى يبقون بجانبهة ما ننكدر فيصل ابنهة جان متعلق بيهة حيل وهية تحبة ف ما تطلعة على وجهة الثاني جان وجود شذى ببيت عمي هو تنتقم من جبار وعائلتة لان ما حبوهة وجودهة بجانب ابنهة حبيب روحهة فيصل وبيوم وليلة بسنة 2002 شردت زينة اخت جبار من البيت وية ابن عائلة من المنطقة ونخبصت الدنية واهلهة واهلة عليهم ربي لا يوفقهم ان شالله كطيعة بعمارهم اني خفت على اختي بهذاك اليوم الي صادف ثلاثاء عرفت شذى رح تروح تفتفز جبار بشردة زينة اختة ورح تكعد تعير بي ورح تروح تحش براس عمي بس الخبر الي صدمنة هو شذى ضربت روحهة بلكزاز وتاذت بسبب ضربتهة
ونقلوهة للمستشفة
وخرت السماعة من اذاني كمر سكتت المسجل حطيت ادية على عيوني اجتي يمي كمر دفعتهة عني
كمر/فيصل كملة لازم تكملة ما بقة شي ويخلص فدوة اروحلك ادري بيك ما طايقني بس الحقيقة هيج تصير فيصل ابوس ايدك كملة مو لخاطري لخاطر نفسك انت المعذبة سنين عمرك كلهة سمعة حبيبي
فيصل/كمر ليش جبتيلي هل الستجل ليييش
كمر/لان اريد اشوفك وانت مرتاح
فيصل/امي جانت راعية مشاكل امي جانت سبب التعاسة بلبيت
كمر/دسمع النهاية ورح تفهم فدوة بعد روحي
دموعي يطلعن بعد كل هل السنين طلعت دمعة مني واني جنت اكول قفدت احساسي بشي بس هسة طلعن وكانه نفجرن بعد كل هل السنين اجتي كمر باستني من خدي من عيوني وتبجي وياية حطت السماعة باذاني من جديد وشغلتة
رحنة للمستشفة ولكينة فيصل كاعد بلكاع يبجي ملابسة كلهن دم حضتنت الطفل هو ابن اختي يعني ابني شكد كرهت زينة بوكتهة وحقدت عليهة اختي بين الحياة والموت وابنهة فرفح عليهة اخر شي توفت الصبح ابنهة الي مرد كلبي باوعت بوجه جبار مصدوم ماشي يجبار عبالك رح ترتاح ااهئ على موتت اختي لا وميت لا جريت فيصل شاورتة باذانة كتلة ااهئ
كمر/لتوكفين هنا اني جاية علة هاي السالفة احجي كملي كافي بجي تبجين على اختج لو على جذبتج الي عذبت طفل مثل الوردة ولحد الان هو متعذب من جذبتج
نظال/اي اي جذبت باذانة ااهئ اني جذببت عليه كتلة عمتك هية السبب تدرين ليش جذبت جذبت حتى يضل جبار يعاني وية ابنة كل سنين عمرة لان جبار عدة زينة لا تصعد ولا تنزل والكل جان يعتبر زينة هيج ماعدى خواتهة جانن ما يحبنهة وبلتحديد جنت اعرف فيصل طفل نبه يفهم بسرعة طلع الدكتور وكال اكو كلام عندي الكم طبينة اني وابوية وامي وعمي و جبار لغرفة الدكتور جانو دكاترة ثنين كالو شذى تعاني من خلل بلمخ كل فترة حياتهة وهل الشي طلع بلعملية يعني جنون شذى كل فترة حياتهة جان بسبب خلل بلمخ وتعجبو شلون فيصل ما طلع مثلهة وناصح يمكن صارت معجزة لفيصل اخذنة جثة شذى ودفاناهة ونعزلنة عن بيت عمي بعد لا سلام ولا كلام بيناتنة ونقطعنة عنهم من عرفنة جبار تزوج نوال بت خالتة تركانهم ورحنة لبغداد عشنة هناك الى ان مات ابوية وامي ورا اني بعد ماعدي بيت رجعت للجفل ومن قبل سبع سنين اني هنا ببابل انتقل من بيت لبيت
كمر/هم انتي متندمة على جذبتج لفيصل
نظال/اني عانيت طول حياتي وعرفت هل الشي بسس حركة گلب ابن اختي الصغير طلعت حوبتة بية حالتي حالة هسة
كمر/لو هسة فيصل هنا شنو تكليلة
نظال/اسفة يمة حبيبي اسفة لان خليتك تتعقد بسببي لان حركت كلبك بلزايد ربي يوفقك بكل خطوة بحياتك وياريت تسامحني بس منين يسمعني اوووف
كمر/ربي يغفرلج عن كل اخطائج...يلة اني رح اروح..تاكدي سرج بامان ومحد رح يدري بي ومحد رح يندل بيتج وعيشي حياتج وانتي هادئة من رخصتج
نسد التسجيل وخرت السماعة من اذاني باوعت لكمر لكيتهة مصفرة خايفة نزلت دمعة مني قتربت علية مسحتهة اجتي شبكتني كعدي بحضني واديهة محاوطة ركبتي وتبجي
كمر/فيصل ارولحك فدوة لتزعل مني اني احبك وردت اخلصك من الجذبة ترة الكل جان مساندك بهذاك الوقت جانو الكل يعرفون الحقيقة بس ساكتين حتى ما تتشوه صورة امك كبال عيونك اليوم حجولي كلشي رحت حجيت وية خالي على خالتك واخذني لبيتهة من بعد بحث طويل بس في سبيل اخلي الضحكة ترجع لوجهك الحلو فيصل اني اريدك تفرح ماريد اشوف دموعك انت الهيبة مالت انت القوة مالتي لازم تتفهم
فيصل/كمر
كمر/عيوني
فيصل/احبج
كمر/ااااااهئ واني هم والقران اني هم احبك
فيصل/بتتتت زيييييييينة احببببببببببج
كمر/احبببببك ها بعدك ما مصدكني
فيصل/ربي يحفظج الية ماعرف شلون اجازيج ماعرف
كمر/بس ارجع اضحك وحب الكل هذة احلة شي تطينيا
فيصل/كمر والله العظيم انتي اجيتي ملاك لحياتي ربي دزج الية
كمر/اهئ هسة انت ما زعلان ها؟
فيصل/اكو واحد يزعل من حبيبت روحة
لزمت وجهة بادية بستهة من شفتهة وخرتهة عني لكيتهة مصدومة رجعت بستهة من جديد وبستهة من راسهة وشبكتهة
شكد تعبت علمودي شكد جازفت علمودي بس في سبيل تطلعني من ألمي مال الماضي للاسف جانت امي بيهة مرض بس معذورة يعني ابوية ما جان هو السبب بضربة امي وزينة جانت بريئة هية وهاشم جدي جان ظالم لابعد الحدود واني صدكت بجذبة وضليت عايش عليهة طول عمري وهسة يالة وضح كلشي كبال عيوني بسبب بنية دخلت لحياتي فجئة
فيصل/اسف اسف اسف
كمر/على شنو
فيصل/على اول مرة شفتج بيهة وعلى الضرب وعلى الكلام الي اذاج وعلى التدفع بس والله جان معمي على عيوني كمر اسف سامحيني يا كلبي وغلاتي وعزيزتي وكلشي حلو عندي
كمر/امم اقبل بس الة بشغلة وحدة
فيصل/كولي اامري
كمر/مايامر عليك ظالم بس اريد اشوفك فيصل الجديد اريد اشوف حبيبي فيصل الي يحبني ويحب ابوه وامه واختة اريد اشوف الضحكة على وجهك
فيصل/ان شالله يعمري وحياتي
كمر/ربي يحفظك من كل شر يا بعد كلبي اااخ هسة يالة رتاااحيت
فيصل/هههه دومج مرتاحة
يتبع🌚💔