المجنونه والهيبه - البارت 16 - بقلم لا اعلم فقط ناشره - مكتملة | روايتك

البارت 16 المجنونة والهيبة مفاجئة مو😋 وصلنة للبيت طببت السيارة للكراج طلعت كمر من السيارة ركض راحت للمطبخ قفلت السيارة ورحت وراهة سنان/ها ها فيصل هاا فيصل/وجعا شنو ها همام/شسويتو برة وين رحتو فيصل/معليكم كيان/شوف كمر فرحانة شبيهة فيصل/واني ادري سنان/شسويتلهة فيصل/عمي والله ما سويتلهة شي ولا اني فرحتهة الي فرحهة طلي صغير همام وكيان/ههههههههههههه طللي فيصل/اي والله جبار/عيفو لتخربون فرحتة اقصد فرحتهم فيصل/اليوم بحلوك منو وكعت عمي والله جبنة دوة وحجينة ورجعنة قابل هاجرنة ورجعنة فرقد/يلة صار خير تفضل يا عاشگ اقصد ابني العزيز فيصل/مع السلامة صعدت ليفوك صارت لوجهي لمى فيصل/الله وكعتي صار بيج شي لمى/ها ..لا مابية شي فيصل/لمى لمى/ها فيصل/نتبهي للمرة الثانية لمى/ان شالله راحت وهية مستحية مدري شبيهن بس فتت لغرفتي تذكرت الي صار طلعت من الغرفة رحت يم الحجية كعدت يمهة ما حجت وياية بس كالت نتبه عليهة بس حطيت راسي على المخدة غفيت والله سمعته يقرة قران رح ياذان بس ماكدرت امنع نفسي رهف/ولج كميرة كعدي شوكت تقرين كمر/بعدييين اقرة رهف/وين جنتي انتي وفيصل كمر/رحنة جبنة دوة ورجعنة يعني وين قابل ليش تسئلين رهف/لا هيج بس حبينة نسئل شبيج اكلتيني وشربتيني طلعت من الغرفة ما يخلوني اكمل نومتي ابد تربعت وعدلت نفسي ماكدر احرك ايدي ردت احجي على فيصل بس سكتت جريت الجنطة مالتي طلعت دفتر الملاحظات وكعدت اقرة واغفي خلصت الي علية بس بقة التدقيق بلحل رهف وينهة اريدهة دققلي بلحل بس العجز كاتلني ضليت كاعدة بمكاني نفتحت الباب عبالي امي كمر/هلو يا حبي فيصل/كمر كمر/منو فيصل/اني فيصل كمر/هاااه اسفة عبالي امي فيصل/عادي ما صار شي طب للغرفة شايل حاجبه شبيك ياخي نزل عل الحاجب فيصل/شلون صارت ايدج تحتاجين دكتورة دوة مستشفة كمر/لا مابيهة شي ولا احتاج اي شي تكدر تطمن فيصل/شوكت تنامين الساعة بلدعش كمر/مو دا اقرة فيصل/ها شبقالج كمر/العربي تصحيح والكيمية فيصل/تصحيح كمر/اي اصحح حتة ما اغلط باجر بلصف فيصل/خلي اشوف الحل حسيته يريد يفتح سالفة والصراحة اني هم لان اول مرة يحجي مروق وصوته هااادء ما مصدكة طيته الدفتر سويتله مجال كعد قريب علية اووف مبين غاسل وحاط عطر يخبلني بعطره هو كل يوم يكشخ ويموتني بكشخته تخبلت يا ناااس فيصل/صح كله صح كمر/ها والله فيصل/والله صح طيني الثاني كمر/هاك شوفة بلله يباوع للدفتر ويباوع علية فيصل/هاي غلط كتبي سالب اربعة ناقص ثنين يطلع سالب ثنين مو ستة كمر/ليش مو هنا سالب بلسالب يعني موجب فيصل/هاي معادلة كيميائية مو قانون رياضيات عادي كمر/ها طيني اخذت منه الدفتر صححتهة طبكت الدفتر هو كام وطلع لملمت غ اضي ورجعت نمت تعبانة حيل كمر/سارة سارة/خير كمر/منو رقية سارة/اسمهة لتلفضييه كمر/رقية ررررقية ر ق ي ة ها بعد شتردين سارة/تتحديني عزة لزمتني من ياختي جرتني عليهة بعيونهة دموع بس شنو السبب سارة /اسمهة لتنطقي مرة ثانية كمر/زين نكدر نصير صديقات سارة/لا هدتني وطلعت من الصف كمر/عيني حبابة جاوبني منو هاي رقية فواطم/حبيبي احسن الج بعد لتسئلين سارة على رقية كمر/اي ليش حبابات جاوبن ايناس/يولي سكتي هاي صديقة سارة الروح بلروح من الروضة لحد السنة الي فاتت كمر/السنة الي فاتت؟! ليش وهاي السنة ايناس/ماتت رقية وعافت سارة وحدهة كمر/ياااااااااا فواطم/هاي شبيهة خية بيج شي كمر/شنو سالفتهم بلموت فيصل وسارة وبعد ايناس/فيصل منو كمر/اقصد صفى صديقتي ههه ...شلون ماتت رقية ايناس/عتدو عليهة شباب وكتلت نفسهة لان صارت عار على عائلتهة كمر/وهية شنو الهة ذنب ها فواطم/تخلف عقلي بعائلتهة كمر/يا عيني وعافت سارة وحدهة ايناس/اي ومن هذاك اليوم لهذة اليوم سارة بعد محد يكعد يمهة ولا تصادق اي بنية وعصبية وتخوف كمر/سارة وفيصل هههه كمر هاشم رح ترجعكم مثل اول فواطم/هاي شدا تدردم كمر/حبجن شكرا وبيباي طلعت من الصف لكيت سارة واكفة يم الدنكة وصافنة على البنات رحت يمهة وكفت الي بية هو اني اروح للموت برجلية وماخاف احس اكدر اتعامل وية سارة لان اني متعاملة وية اسد الي هو فيصل كمر/هلو سوسو شلونج حياتو سارة/هم انتي شجابج كمر/لتصيحين كل البنات دا يباوعن علينة سارة/روحي منا حتى ما يباوعن كمر/سارة حبابة اني وحدي بلصف صيري صديقتي بس لمدة سبوع واحد سارة/ما روحي لغير وحدة كمر/شوفي اني رح تجي بت عمتي وياية بلشعبة سبوع الجاي ف اريدج تصيرين صديقتي بس لهذة السبوع بليز بللليز سوسو انتي تخبلين مثلي اني وياج نتشابه سارة/رح اضربج راشدي روحي منا كمر/سرووو حياتي انتي ميصير تعصبين صيري ريلاااكس هيج صيري فرفوشة سارة/انتي مو مال كلام لو شنو عافتني وراحت لنص الساحة اني وراهة لزمت ايدهة هدت ايدهة مني ورجعت لزمت ايدهة حيل دا تهد ايدهة جرتني وياهة ردت اوكع كمشتني كمر/هههه يمة شفتي جا وكعت شكرا سارة انقذتيني سارة/هيج صارت صدفة كمر/لا الصديقات وحدهن الي ساعدن صرتي صديقتي غصب احبج سارة/شكلتي كمر/احبج سارة/شتردين مني كمر/نصير صديقات لان اني وحيدة حباااابة بس اسبوع واااحد سارة/بس سبوع وااحد كمر/اي اي بس سبعت ايام سارة/ماشي بس بعدي عني شوية منظرنة مشطوك بي كمر/ههههه اوكي..حالة عربي سارة/لا كمر/تعالي اطيج حلي بسرعة بسرعة رح يدك الجرس رحنة للصف وطيتهة حلي ما رضت تكتب اني الي كتبته على السريع بلكي اكدر ارجع الضحكة لوجوهم خطية رجعت للبيت لمى راحت نامت بلكلدور من الحر رهف لغرفتهة اني كلبي الاغبر مدري شبي يريد يشوف فيصل وهو اكيد ما طالع وصلت يم الباب مال غرفته تذكرت الي صار وكلامه رجعت ايدي دا اروح نفتحت الباب طلع فيصل جرني من ايدي فيصل/بعد اذا تراجعتي اشمرج من الدرج كمر/ها شنو فيصل/تطبين للغرفة شوكت ماتحبين كمر/كح كح ختنكت يا يمة فيصل/هاي شبيج خبلة كمر/هذا انت لو واحد ثاني فيصل/غبية شرايدة عزة نصفطت اني والحايط هو كبالي ليش هيج يحب يسوي مادري كمر/مادري هيج اجيت فيصل/روحي غسلي وبدلي وتغدي وتعالي اريدج بشي كمر/يعني ما تعتبرني مجلبة الك فيصل/لا كمر/ماشي لعد خليني اروح ابدل وخر عني طلعت صدك هو اني ليش رحتله شنو موقفي الموقف غباء وشكرا سبحت ورتاحيت لبست دشداشة ناعمة لونهة اسود وبيهة نقشة فضي شوية مخصرة حلوة احبهة عدلت شعري نزلت كذلتي وظفرت الباقي نزلت بلدرجة ضلينة نحجي اني وهمام ولجين عن المدرسة وعن سارة كلولي اتركهة بس مو اني الي اترك عن الاشخاص الي يحتاجوني او اتراجع عن كلمتي مستحيل تغديت اني ولمى ورهف ولجين اليوم لجين وسنان رايحين يزوجون بلمحكمة وبلطريق الف عركة بيناتهم صرت احسهم يحبون العركات مخابيل بس حلوين ام رهف/اني اغسل المواعين روحن رتاحن يمة كمر/فديت امي النادرة لا حبي اني انشف المواعين ورهف ترجعهن لمكانهن ولجين ولمة روحن رتاحن لمى/عفة نروح نرتاح وانتن تشتغلن لجين/اني امسح الميز لمى/انظف المطبخ شتغلنة كل وحدة اخذت شغلة بايدهة امي عافتنة وراحت تشرب جاي يم بيبي بلصالة لان اجتي مرة تعرف امي ومدري شنو هل السوالف لجين/اني اروح اغسل ملابسي بنات منو عدهة هدم موصخ طينيا كمر/اني ماعدي شي رهف/وحتى اني لمى/ملابسي كلهن مشمرات روحي اخذيهن لجين/لمى شوكت تبطلين هاي حالتج لمى/مابطلهة احبهة صعدت اني ورهف كمر/ولج طلعت سارة بكبرجن بس عايدة سنة لان رقية وسالفتهة رهف/ترة لعبتي نفسي بسالفة سارة ماعدج غير هاي السالفة كمر/يا غبرة فوك ما جاية افتح وياج موضوع بس تدرين طلعتي مو مال احترام دمشي من وجهي لا اشمرج من الدرج راحت لغرفة بيبي واني لغرفتي حطيت جنطتي وكعدت اقرة ماعدي شي بس رياضيات و اسلامية حليت رياضيات بسرعة وحفظت اسلامية احفظ واكتب تنطبع بلبال اسرع كمت من الكاع نظفت الغرفة فتحت الشباج هويت المكان غسلت الحمام وعدلت فراشي سفطت ملابسي ومسحت الاخشاب سديت الشباج شغلت السبلت وطلعت لان تذكرت فيصل رايدني بشي دكيت الباب سمعته كال كمر طبي اكيد عرفني اني الوحيدة الي مسوية حس بغرفته كمر/ها فيصل رايدني بشي فيصل/تعالي يمي كمر/ها فيصل/هاج هذة كمر/شنو هذة...فييييصل تلللفووون صدددك فيصل/لا جذب خوثة اكيد صدك كمر/لا لا ما مصدكة فيصل شكرا الك فيصل/هلو كمر/الناس تكول عفوا فيصل/عفوا بومة كمر/هههه ...بس اني فيصل/شنو كمر/يصير اضل استعمل تلفونك فيصل/ليش مو صار عدج تلفون واحسن من مالتي جديد كمر/مو تلفونك حلو واني تعودت عليه فيصل/ماشي عود ميخالف كمر/شكرا...بس احنة ما صارلنة سبوعين فيصل/تكدرين هذة كاسف على كشي صار كمر/اوكـ....شنوووووووو اسف اسسسسسف؟! انت تكوووول اسف....عاااااا فيصل/كمر رح اخبلج سكتي كمر/يييييييييي فيصل ما مصددددكة والللللله فيصل/مجنونة البنية كمر/رح افتحة كعدت يمة فتحت التلفون يجنن جديد هو والسماعات والشاشة الحماية والكفر والشحانة طيتة لفيصل يدخل الحساب مالتي والرام والسيمكارت سواليا وطاينا جنت فرحانة ومو فرحانة بنفس الوقت يعني بعد ما ستعمل تلفونه حرامات كمر/شكرا شكرااا فيصل/احم كح ماكو كح تعويض كمر/تعويض شنو فيصل/انسي تكدرين تتونسين بي كمر/ماشيي كمت رحت يمه هو باوعلي مديت ايدي دا اصافحة الي ببالي والي ببلة ما اسوي ابدا تباتا هو مد ايدة ورجني الة جان كاعد على الفراش اني اعلة منة بشوية شبكني وحط راسة على كلبي فيصل/هيج التعويض كمر/اكدر اروح فيصل/اي كمر/يصير اخذ تلفونك فيصل/اخذي كل هذا الحجي وما هادني وخرت نفسي منة اخذت تلفونة وطلعت شكد لكيت مكالمات من مروة ورعد ام مروة وابوية وحتى ابن عمتي التحفة الزفت بس مابية حيل ارد رحت نزلت العابي الي احبهن تركت تلفوني ورحت لتلفون فيصل احلة اكلب بي .... يتبع..