البارت 11
المجنونة والهيبة
البارت 11
ثواني وكلب لطبعه القديم عصبي عنفة ماينجرع ابد هاي الله يساعد مرته بلمستقبل يراويهة نجوم الظهر
طلعت من الغرفة معبسة شكد جان هادء وحباب كلب بسرعة وحسيته طردني من الغرفة
ام خالد/ها ولج ام لسان سويتيهة ومانزلتي
كمر/بيبي حياتي شتقتلج يا قلبوشتي انتي
ام خالد/وخري عني ماحجي وياج
كمر/لا لا بيبي فدوات لتزعلين اسفة بس والله جنت مريضة
ام خالد/شبيج جنج قردة معبسة
كمر/اهئ بيبي لقد جرحتي قلبي بس والله جنت مريضة هاج شوفي هذا مكان الكانونة توه فيصل شالهة
ام خالد/شو راويني ولج
كمر/شوفي وتحجين علية
ام خالد/ يا يمة بنيتي حبيبتي بيج شي ناخذج للمستشفة
كمر لا بيبي اني قردة مهبسة ماحتاج مستشفة
ام خالد/ههههه تعالي يمة حبيبتي
فتحتلي اديهة رحت شبكتهة ودفعت كرسيهة وديتهة لغرفتهة
ام خالد/كمر شبيج يمة
كمر/مابية يا كمر العائلة انتي
ام خالد/احجي يمة تستحين مني قابل شنو صاير شي
كمر/اي والله يا بيبي صاير شي
ام خالد/تعالي ليجاي واحجيلي شكو
كمر/يا الله...بيبي ليش فيصل مو حباب مثل كيان وهمام وسنان
ام خالد/ليش يمة يخبل وليدي
كمر/يمة الله يخليج معقولة انتي مادا تشوفين طبعه وياية اني بلذات مايطيقني كل البنات يكدر يتجرعهن بس اني
ام خالد/ومنو كلج بس انتي ها
كمر/يعني؟
ام خالد/عدج لمى بعد كلبي بنيتي مايحبهة فيصل ولا مرة حاجي وياهة
كمر/جذذذذذذذب؟؟؟!!!
ام خالد/وداعتج يا يمة اخته مفتقدة محبت الاخوة
كمر/ليش بيبي ليش حبابة جاوبي مو رح اطگ من الفضول
ام خالد/اني ماكلج شي انتي حاولي ويا واذا حجالج وكدرتي تغيرن طبعة انتي صدك كدهة وكدود
كمر/تحدي بيني وبينج والخسران ياكل فلفل حار
ام خالد/ماشي وكبالج سبوع
كمر/تقصدين سبع سنين مو
ام خالد/كلت سبوع
كمر/لا لا بيبي ميصير هيج
ام خالد/خلاص رفعت الجلسة
كمر/اااهئ رح اضحي بحياتي من اجل التحدي ...بس بيبي ليش مايحب لمى شبيهة
ام خالد/خلي هو يكلج ليش
كمر/اذا تضل عليه السالفة منا لحد يوم القيامة مايحجي المهم هسة اني كايمة اتعشة لان جعت
ام خالد/من باجر يبدي التحدي
كمر/ماشي يلة بيبي باي
طلعت من غرفة بيبي سبووع لا رح اموت والله اني رح اتعامل وية اسد جوعان وماماكل سنين واني الفريسة هاهاهاي ضحكي على حضج الاثول مثلج
كمر/رهوووف
رهف/وجع خرعتيني مطية
كمر/ههه تعالي متنزلين ناكل
رهف/اكلت قبل شوية انتي روحي اكلي
كمر/عيفي الكتب ونزلي وياية شبيج
رهف/ها صح ترة خالي سجلج بمدرسة
كمر/والللللله؟!
رهف/اي والله وعكب باجر تكدرين تداومين
كمر/عاااا شكرا شكراااا الج رهف ربي ينجحج كللللليش رح اداوووم وانجح
رهف/خبال اي والله سدي الباب وراج
كمر/بيباي
رهف/كممممر حيوااااانة سدييي البااااب
كمر/هو اني نكسر خاطري عليج وكلت اسدهة بس ماطول حجيتي هيج انتي سديهة بيباي هههااي
رهف/غبية حمارة
نزلت واني ميتة فرح البيت مهوس من الزينة والغراض وحلويات بكل ميز الببسي والكيك وووو طبيت للمطبخ لكيت لجين حاطة راسهة على الميز
كمر/لولو شبيج حبيبتي
لجين/كمر باجر العقد واني ماريد ازوج سنان
كمر/اوو..حبيبتي اني حجيت وية سنان
لجين/شحجيتي؟!!
كمر/كتله ترة لجين بنية حبابة ويحسدوك عليهة وحبهة ومعليك بغير سوالف هو ضل صافن بوجهي وبعدين كال الله كريم
لجين/ربي يوفقج يا كمر انتي بلكي مايزوجني
كمر/خايبة ليش ماتنجبين اني اريدكم سوية شنو ما تزوجون
لجين/عيع اني اخذ بوراك اخذ جاستن بيبر شنو سنان
كمر/ننننن ثول اي والله شنو هذولة ولج سنان حلوة جاعتله اخي يجنن
لجين/شو اني ماشوفه حلو
كمر/لانج حولة
لجين/هههه
كمر/جوعانة
لمى/هلو بنات
لجين/هلو..اي والله ميتة جوع
لمى/حتى اني خلي ناكل شي
كمر/يلة اني كايمة اشوف شي ناكله
كمت حضرت الهن اكل كعدنة ناكل كل وحدة عدهة هموم اكثر من الثانية اني مشكلة اهلي ومستقبلي وفيصل وسالفته ولجين وية سنان وية شخصيتهة الضعيفة كدام ابوهة وسنان لمى الي عدهة دراسة وتكلي يمكن اعيد سنة السادس صعب بس شنو حاولنة ننسة الهموم ونفرح بهل الوقت
الصبح،،6:09
كمر/اليوم لازم ابدي بلتحدي لازم انتصر لازم اخلي فيلوص فلصيص فلاصص يصير حباب اي كمر انتي تكدرين تسويهة اي يلة نطلقي
طلعت من الغرفة البيت هدووووء هذة الشي خلاني اتوتر زيادة دا اتخيل صياحنة اني فيصل بنص البيت
بلعت ريكي ومشيت لغرفته لازم لاااازم انجح
فتحت الباب اجتني كفخة هوة بارد على وجهي وعطر وظلمة شنو السالفة
طبيت للغرفة شوية بيهة ضوة سديت الباب وامشي على كيفي
كمر/اشهد ان لا الٰه الا الله واشهد ان محمد رسول واشهد ان عليا ولي الله استغفر الله ربي واتوب اليك لاحول ولا قوة الى بلله سبحانك ربي اني كنت من الظالمين احم فيصل ظل نايم لتكعد
وصلت يمه شكله كيوت وهو نايم اووي مايخوف واني تشهدت من الصبح الخشم المنحوت والحواجب السود لحية هستوهة طالعة شوارب والله حلو يااااا كمر سودة بوجهج شدا تحجييييين عزة عزة طار مخي ياربييي
ضليت اكمز بصمت يمه واني اريد ابجي شدا احجي شنو الي دا اكوله
كمر/فيصل اكعد يلة
دغيته ماسويت شي الله اكبر كعد دفع ايدي ونكلب وثول شنو هل التصرف
كمر/هاي ليش دفعت ايدي
فيصل/صمي حلكج وطلعي برة
كمر/ههه فيصل ادري بيك انت حباب لتصير عصبي بسرعة
فيصل/كمر رح اموتج كتلج سكتي
كمر/نننن كمرننن اغبر...اوكي براحتك ضل نايم
فيصل/سكتي
كمر بمهس/مال هيج اخنگك
ردت وجهي وطلعت لكيت بيبي كبالي مبتسمة معناهة خسرتي
كمر/بعدني صامدة
ام خالد/مبين ههه
كمر/اي صامدة
رجعت للغرفة من جديد شسوي حتى اكعده
لازم اغير الروتين مالته
رحت من الجهة الثانية مديت راسي يمه نايم بس صوت نفسه شسوي هسة اصيح باذانة؟
نتبهت عدة يم اذانة شعر ابيض مشيب؟!! وهو بهذة العمر بعده صغير
نزلت عيني شفته كاعد واااااات كاااااااعد ومنتظرني اوخر واني لازكة بي
من غبائي العظيم وخوفي وارتباكي وخجلي سويت نفسي نايم وحطيت راسي فوك راسة اني جنيت كلبي دا يدك مثل واحد يركض ويصيح كلبي هيج
اجتي تريد تكعدي البنية كاطعة حبل علية رزلتهة وماترضة تروح طلعت ورجعت طبت اجتي يمي تمددت ومدت راسهة يم اذاني تتنفس باذاني وتكول ياا عده شيب شلوون وانتي شعليج غبية فتحت عيوني اشوف بس ركبتهة يم وجهي ضليت ناطرهة توخر والواحد يحجي الي الة والعليه اني مدري شصار بية وماتحركت هية فجئة حطت راسهة فوك راسي هاي شبيهة هيج فجئة صار يمعودة
ضلت يمكن بلربع ساعة ما وخرت اني رجعت النومة بعيوني غمضت عيوني وتغطيت
اسمع صوت يمي بس بية نوم ماكدر افتح عيوني حركت راسي والله اكو شي يم حنچي غصبت نفسي وكعدت شفتهة حاطة راسهة بركبتي كبل كصتهة ببلعومة هاي البنية من تنام تفقد
فيصل/كمر كعدي خنكتيني...كمممر....غبرة
كمر/ها ها كح شكو
فيصل/كومي ولج رح اضربج علة مخج
كمر/شكو شكو استاذ فيصل شسوينالك هيج كاعد تهمش بلوادم
فيصل/بومة صالج ساعة حاطة راسج ببلعومي موتيني
كمر/متت؟ لا بعدك عايش والحمد لله...صباح الخير
فيصل/وهيج تكليهة صباح الخير من بعد كل الي صار
كمر/لعد شكووول
فيصل/لتكولين شي وكومي صح انتي شجابج من الصبح
كمر/واني ادري هيج شتقت للرزايل واجيت
فيصل/بكل وقت اكدر اطيج رزالة هسة تفضلي برة
كمر/ما ما مااطلع
فيصل/هسة اسحلج واطلعج
كمر/شيلني مثل هذيج المرة حبااب
فيصل/شنو بللله هذيج المرة ادية ماتن شسمناتج لحد الان ادية متشنجة
كمر/لا والله اصلا اني نحيفة واخبل
فيصل/هسة ضعيفة سمينة مايهمني كومي
كمر/ااخ راسي صار يوجعني رح اكوم يا عصبي
كمت ورجعت من جديد
كمر/التلفون
فيصل/اني احتاجة اليوم
كمر/اني احتاجة اكثر
فيصل/بشنو تحتاجي عدج عمليات لو المعازيم يتصلون عليج
كمر/لا والله اتعلم مكياج لان عدنة عقد اليوم واخذ صور
فيصل/رفعتيلي ضغطي تدرين
كمر/لا والله؟!! صدك رتفع اوكي رح اطلع والله
كمت بسرعة حتى التلفون عفته يروح يموت عليه
طبيت لغرفة بيبي
كمر/كعدته هههاااي
ام خالد/نشوف سبوع كامل
كمر/ان الله يقدرنا على فعل الخير اني رح اخلص حفيدج من تعقده بيباي
ام خالد/نحبي ولج شبي حفيدي سم الله عليه بعد روح بيبيته
رحت كعدت لجين ولمى ورهف وخوالي اول مرة اصعد لطابقهم واكعدهم عرفت امي ماتنزل لان متريد اي مرة تكعد تحجي عليهة وتعرف شنو الاقارب مالتهة اخذت موافقتهة انو احط صبغ لشعري لون اصفر واحط مكياج والله الحبيبة ماكالت لا وكلتلي تونسي تفقنة انو رهف تسوي التسريحات واني المكياج علية
رحت لغرفتي غسلت ضليت كاعدة بلحمام اغني طلعت بدلت لبست الي جابلياه استاذ صخرة اجن البنات يمي بغرفتي شسورت شعري وكويته حطيت الصبغ الاصفر الي بلمي يروح والله طلع يجنن رهف سوتلي تسريحة اول شي رفعتلي شعري وسوته حلو بس لان مسرح وهو ناعم شوية تخربطت وسوتلي غير وحدة وثبتت بلكوة كعب اسود
كمر/اني خلصت اروح اجيب التلفون واجي
رهف/جيبيلي الباودر من غرفتي حبابة
كمر/ماشي
طلعت رحت لغرفة فيصل مالكيت احد بلغرفة طبيت رحت للتلفون بس اخذته من الشحن طلع فيصل من الحمام ينشف بشعره يمااااي شنو هل الحلااا
اقصد شنو هل ...هل...هلمي اي مي احم
كمر/هلو اقصد بيباي
فيصل/هيج رح تضلين تفترين بلبيييت
كمر/يمة بسم الله ل ل لا ر ررح الب البب البس جبتي بيباي
فيصل/غبية
طالعة بلبس شلون كاعد عليهة هية بيضة والبس احمر ومسوية شعرهة ومكياج بت زينة احلة من هاشم وعشيرته كلهة
كمر/يمة اخ كلبي
لمى/شبيج
كمر/ولج شافني فيصل هيج
رهف/يا مصخمة شلون شافج
كمر/اني رحت لغرفتة
لجين/هههههه الله يساعدج اكيد رزلج
كمر/ثواني ويحركني بمكاني كام يصيح هيج رح تضلين تفترين بلبيييت
رهف/تستاهلين بومة..وين الباودر
كمر/هاج مال احطة بعينج
رحت للمراية اخذت صور
تسريحتي الي مدري شلون ثبتت
نزلنة من بعد اربع ساعات تجهيز وتحضير تعبنة على لجين رهف تسويلهة تسريحتهة ولمى باظافيرهة تسويلهة الاظافير الجديدة ونقشة وبدلتهة واني كبالهة واكفة وبيدي علبة المكياج كلساع طابة وحدة من النسوان يمنة يساعدنة ويطلعن
كعدنة لجين بلصالة اول مرة انزل النسوان يباوعن علية وعلى رهف معلية بيهن لتفتت شفت بيبيتي تاشرلي رحتلهة
ام خالد/يمة الكمر قليل بحقج
كمر/تسلمين بيبي حبيبتي
ام خالد/حبيبة روحي جيبي قراني من غرفتي علمود يقرون عليهة
كمر/ماشي بيبي تدللين
ام نصير/حبيبة ام خالد هاي الحلوة بت منو
ام خالد/هاي بت زينة كمر
ام نصير/زينة؟!!! زينة رجعت
ام خالد/ام نصير بعدين نسولف
ام نصير/ها دادة على راحتج الحمد لله على سلامتهة اكلج حبيبة ام خالد شو عجبتني هل البنية مو شكلهة تلوك لنصير ابني
ام خالد/ههههه حبيبة البنية بعدهة صغيرة وتريد تكمل دراسة وترة اني حاجزتهة لفيصل ابن خالهة
ام نصير/شنو هاي ام خالد مبين عليج حاطتهة بنصدوك هههه
ام خالد/وبغرفة مقفولة بعد
صعدت ليفوك واني اغني
كمر/حبيبي هو انت حبيبي همن همم
رحت لغرفة بيبي ماكو احد بلطابق لتفتت شفت فيصل وراية
كمر/عااا يمة بسم الله الرحمٰن الرحيم فيصل انت هنا خرعتني والله
فيصل/اني مو كتلج لتفترين بلبيت هيج
كمر/والله صارت صدفة بيبي كالت جيبي قراني حتى يقرون على لجين واني بسرعة صعدت
ماحجة شي اجة يمي بعد اكثر اني نصفطت وية الحايط كلبي رح يطلع من بين ضلوعي ادية نملن هذة سكران لو شنو
شفتهة جاية تغني رجلية سحبتني الهة اريد افكر بعد ماكو تفكير بس هية الي كبالي حجيت وياهة ماريد احد يشوفهة هية وجسمهة مو جسم قطعة من جبن بيضة بت الاوادم اجيت يمهة صدك راح مخي بشوفتهة اني مستحيل ولا مرة بعمري فاقد تركيزي على بنية بس هاي شسوت بية هية والحايط سوية وجهة اصفر على احمر حطيت ايدي على خصرهة ضلت صافنة بغير جهة ادري بيهة جهاز قديم تعلك بسرعة
فيصل/كمر
كمر/فيييصل وخررر
فيصل/طالعة حلوة
كمر/وانت هماتين وخر حباب
فيصل/انتي ابوج مو حلو كلش ولا امج حيل حلوةعلى منو طالعة حلوة هل الدرجة
كمر/فيصل رح يغمة علية وخر حباااب
حطيت راسي يم ركبتهة هية شكصراته بلنسبة الية لنص ذراعي غمضت عيوني
كمر/يا ربيي فيصل شبيك بيك شي ابعد اريد انزل
فيصل/ششش ماتسكتين ثواني لازم تحجين
حطيت ايدي الثانية على خصرهة جريتهة يمي حيل ريحت عطرهة هادئة تخبل دائما مجلبة بيهة هاي الريحة هادئة ونازكة من رحت اجيبلهة ملابس بليل من فتحت كنتورهة كل الملابس من الريحة
فتحت عيوني من حسيتهة ترجف
فيصل/احم هسة تكدرين تروحين
كمر/وو و وال والله؟!
فيصل/كمر روحي بسرعة
وخرت من يمي ركض همزين راحت واني صحيت على نفسي وماخليت السالفة تطور
كمر/فيصل
فيصل/تردين ترجعين يمي
كمر/لا لا لا بس ردت اطلب من طلب
فيصل/شنو احجي بسرعة
كمر/حباب انزل وياية سوي الي اطلبه منك ربي يوفقك احلفك بهذة القران
فيصل/شبيج شنو كولي
كمر/تعال وياية
جرت ايدي بلله شرايدة بحيث حلفتني بلقران
نزلنة وكفتني يم باب الصالة كالت اذا تسوي الي اطلبه منك شتريد اسويلك والله جان عقلي بعده طاير ردت اطلب اشبكهة بس وكفت نفسي الي تخبلت علية
راحت طبت للصالة واجتي وياهة لمى
كمر/فيصل شلونهة لمى حلوة لو لا
تحجي وتباوعلي بترجي يعني احجي وياهة لمى صايرة علبة صبغ احمر وتفرك بايدهة اني مبتعد عن لمى ماحاجي وياهة سنين عمري كلهة عيوني صارت عليهة بسبب كمر خلتني اركز بيهة شفت اختي جبيرة ومرة اني من جانو يذكروهة كبالي عبالي هذيج الطفلة الي ما رغبتلهة بحياتي بس هسة وكف كلشي
كمر/جاوب شلونهة حلو مكياجهة
شالت راس لمى اجتي عيوني بعيونهة صارت ثالثتنة اني ولكمر ولمى نفس لون العيون
كمر/فيصل شبيك ساكت احجي
لمى/كمر اني رح اصعد اجيب تلفون امي واجي ماكو داعي يكول شي
صوتهة هادء وناعم هاي اختي لو منو هه
دا تصعد كمر باوعتلي والدموع بعيونهة هاي النوب شبيهة
فيصل/لمى طالعة حلوة وصايرة مرة شابة
دا تصعد لمى وكعت على الدرج
كمر/الله الله حبيبتي صارلج شي يكلبي
لمى/لا
رحتلهة وخرت كمر من يمنة شوية وجودهة زعجني بدون سبب وكلعادة وصلت يم لمى كومتهة منزلة راسهة بس تبجي بصمت
لمى/شكرا
فيصل/نتبهي مرة ثانية
لمى/ان شالله
كمشت بلدرج وصعدت كمر واكفة تشوف اصبعهة
كمر/هاي ليش هيج دفعتني اصبعي طك دم بسبب دفعتك...واحد عنفة
راحت للصالة وهية دردم ماهتميتلهة ورحت للزلم
ماعرف شكد بقيت متمددة او نايمة مامركزة بس الي سمعتة ضربة الباب نشلت ونركعت حرامي طبلي كمت بسرعة شفتة الشيخ كبالي
اية/الحرامي وين
اياد/ياحرامي ولج
اية/ها اي صح...سلام عليكم شيخ
اياد/شجنتي تسوين
اية/نايمة هنا
اياد/عدي ملابس اريدج تغسليهن زين وعدل فهمتي
اية/ماشي شيخ
هو راح للغرفة كلبي هسة يالة طمن لان اجو يعني مو وحدي هو راح بدل طاني الدشداشة مالتة والعكال وقمصان اخذتهن ونزلت
هند/تووووتة تعالي حبي
اية/ها كبد شبيج
هند/جبتلج بدلة الة بشدة
اية/صدك؟!
هند/والقران تعالي شوفيهة والله تموت
رحت وية هند لغرفتهة جابتلي بدلة تخبل اني وياهة نفس البدلة تجنن فرحتني والله عرفت مرح تنساني
....
يتبع.....