البارت 8
المجنونة والهيبة
البارت 8
كمر/بيبي جاااية...ها حبيبتي
ام خالد/ولج يمصخمة اني شكتلج ها
كمر/شكلتي بيبي
ام خالد/مو كتلج نومة المغرب مو زينة وفال مو زين عليج
كمر/بيبي هو بقة شي مو زين جايني عيفو هاي العادات مايصير شي
ام خالد/بنيتي شبيج راسج دا يوجعج ها ناخذج دكتور
كمر/بيبي اخذوني للنجف تريحوني
ام خالد/نجبي حيوانة شنو هل الكلام اسم الله عليج حبيبتي تحسين بشي
كمر/لا بيبي سلامتج حبيبتي بس شوية تعبانة
ام خالد/الحمد لله يمة كومي تجددي وصلي ونزلي حطي وية البنات العشة
كمر/بيبي اني ماشتهي شبعانة انتو اكلو بلعافية
ام خالد/شعجب بعد ما تاكلين مسوية هذا شيسو يادت
كمر/دايت تقصدين لا ما اسوي هيج بس ماشتهي والله
ام خالد/هسة صلي وتحركي هاي جي انتي جنتي نايمة هسة تجوعين
كمر/ان شالله اذا جعت انزل
ام خالد/مع الرغم اني ما مرتاحتلج واحس بيج شي بس رح اخليج على راحتج
كمر/تسلمين بيبي
راحت بيبي طلعو كيان وفيصل من غرفهم باوعت لكيان بتسم الية يا ريت الكل يصيرون مثل كيان حبابين باوعت لفيصل يباوعلي بكلام سديت الباب وفقلتهة
ختفت بتسامتي الغرفة شبه ظلمة نتصدق عليجن اوف يا ربي شكد كسرتني بهاي الكلمة
رحت للحمام مفيت رداني باوعت لشكلي مخربط عيوني منفوخات وشفايفي حمر
كمر/ليش اصلي واذا رب العالمين ما دا يساعدني شنو داعي للصلاة
نزلت رداني ورجعت للفراش كلبي يريدني اصلي وعقلي رافض
كمر/لحظة هية الصلاة المن؟ هية الية يا غبية رب العالمين شعليه همزين ما وگع السكف عليج وموتج اسفة يا ربي لتزعل مني اني غبرة احجي خرابيط اني احبك امووح
كمت رحت شلت شعري رحت تجددت صليت المغرب ضليت كاعدة على السجادة اريد ابجي بس روحي تقاوم الافكار مسحت دمعتي المجلبة بطارف عيني ورجعت اصلي العِشة واني دا اقنت ما تحملت وبجيت صرت ادعي على نفسي لان اني خليت امي توقع على اوراق الطلاك اسفة يا يمة اسفة يا ربي اسفة يا امي لان بعدتج عن رجلج وابو بيتج اسفة يا ربي لان دا ابجي على قضائك
خلصت صلاتي لتفتت شفت الفراش هو الوحيد المرحب بية تخيلت ابوية كاعد عليه وناطرني حتى يجي يمسح على شعري مثل ايام الروضة
رح شبكت المخدة وبستهة
كمر/بوية حبيبي اني احبك والله ماكرهك ومسامحتك على كلشي بس تعال اخذنة منا هنا مو مكانة صح احنة على كد حالنة بس جنت عايشة بجنة واني ما حاسة
وخرت القراصة من شعري وبرجلي جريت اللحاف اني لازم اقوي نفسي كافي بجي محد يستاهل دموعي الله موجود
ام رهف/ما تفتح الباب
ام خالد/بتج بيهة شي
ام كيان/لا يمكن تعبانة من راسهة وتحتاج نوم
ام همام/اي صحيح
كيان/اني شفت عيونهة منفوخات
ام رهف/يا يمة شبيهة
يحجون عنهة اني كاعد اغلي مادري ليش كاره نفسي اريد اكوم اكسر كلشي على راس زينة بس متحكم بنفسي فيصل ليش هيج حجيت والله ماجان اكو داعي تحجي هيج لا اكو داعي لااا ماكو داعي افهم السبب من زينة مو منهة بس هية بتهة واذا يعني اذا ابوك شرد وية امك انت تتحاسب؟اكيد اني الي اتحمل مشاق ابوية كافي انت ما تفهم رح تروح وياهم مثل امك
شلت راسي بسرعة وكمت من مكاني روحي فزت من جسمي
فيصل/اني ماشتهي دايمة
طلعت ليفوك بسرعة وصلت لغرفة كمر ما تنفتح مقفولة دنيت يم الباب ماسمع صوت اووووف اني شكد غبي معليهة هية صح اكرهة بس مو هية السبب
تصل علية مؤيد كلي اني برة ناطرك طلعت اله بدون ما ابدل ولا اخذ محفظتي بس اريد اخلص من الذنب الي محاوطني
ام خالد/ها يمة ما فتحت
ام رهف/اني شكم مرة منبهتهة ما تفقل عليهة الباب
ام كيان/خية هية جبيرة تكدر تتصفر بنفسهة هسة تكعد وتفتح الباب
ام رهف/بلكي يطلع كلامج صح والله بس تكعد اادبهة
ام خالد/شنو هل الكلام بتج مو طفلة ماشي ميصير تمدين ايدج عليهة
ام همام/كلام امي صح خية تركيهة مراهقة وبتصرفاتهة عادية
لمى/ان شالله مابيهة شي
اسمع كلامهم برة واني شبه نايمة كبال عيوني تنعاد حياتي الي قبل سبوع جنت عايشتهة مروة ورعد وضحكنة وسوالفنة
كاعدة بغرفتي هذيج شنو القصة شوكت رجعت وكفت ما مصدكة رجعت لبيتنة كمت اكمز من الفرح واصفك ياااي واخيرا بعد ما اطلع من غرفتي ابد
ندفرت الباب وطب ابوية يصيح على رهف ورهف كاعدة تقرة
هاشم/ولج مو صااالي ساعة اصييحلج
رهف/اسفة ما سمعت
هاشم/هسة اخليج تسمعيني زين
راد يروح يضرب ايلاف وكفت بوجه
كمر/لا بوية لا تضربهة
هاشم/انتي بعدي عني
لزم ادية ودفعني على المراية
فتحت عيوني كمت بسرعة رحت للورة بسم الله الرحمٰن الرحيم شكو شنو الي شفته نتجيت علة الشباج
كمر/يمة طلع حلم اااخ كلبي لعد لو صدك جا شصار بس صدك من شمرني وين طحت بلكاع لو بلمراية فلم اكشن لسنة 2018 هههه
ضحكت على نفسي حتى اهدء اعصابي لان متشنجة وخايفة باوعت للغرفة بيهة ضوة باوعت للساعة بلدعش ونص وااو شنو هل الادمان مال النوم كمر شبيج انتي ما جنتي هيج تنامين صح تحبين النوم بس مو هل الكد
نزلت دموعي بدون سبب
كمر/فهمني ليش توكعن ها ماكو داعي لتصيرن خفيفات ورجعن طبن
وثول احجي وية دموعي مسحت العرك اخخ راسي يوجعني حيل ظهري عركان ولازك عليه القميص
شعري مخربط وحيل مخربط يستغيث يكلي تعالي غسليني ولج كمر رح امووت ههه
وخرت كذلتي عن عيوني باوعت نفسي بلمراية لابسة بلوز وردي هو جان مال طلعة هسة نزل للبيت اعرض مني حيل وبارد وبجامة سودة هم عريضة
جريت خصلة من كدام وجهي لورة اذاني عيوني حمممر مسحتهن وكع رمش بايدي
كمر/اتمنة اتمنة كلشي يصير بخييير ان شالله
نفخت على اصبعي ميتة جوع من الغدة مال البارحة لحد اليوم
فتحت القفل وفتحت الباب
لكيت بوجهي فيصل شعده يم الغرفة
فيصل/وينج من البارحة لليوم
كمر/شردت ورجعت معليك
وخرت عنه ورحت نزلت اريد اكل واخذ دوة واخلص من هل الوجع
فيصل نزل وراية
بس طبيت للمطبخ اجة شي على خدي امي ضربتني راشدي
ام رهف/وين جنتي هاا ليش قافلة على نفسج شمسوية بنفسج شنو هل الحال شنو هل البهذلة
كمر/يمة جوعانة
دنيت عليهة وشبكتهة هية وخرتني عنهة
ام رهف/ما كلتي امي شرح يصير بيهة ردنة نكسر عليج الباب وانتي وين حضرت جنابج نايمة
كمر/اسفة امي..جوعانة
ام خالد/يمة عيفيهة البنية جوعانة شبيج كبيتي عليهة
ام رهف/لا لازم احد يرزلهة حتى تبطل هيج تسوي تقفل الباب عليهة ولاحس ولا نفس
امي تحجي علية ما تدري شدا يصير بية بس مبتسمة احبهة من تصير عصبية علمودي وتهتم بية وتضربني احلة شي راشديهة ما ياذي ههه
كمر/يمة
ام رهف/اشش
كمر/جوعانة
ام رهف/منو مضوجج ها
كمر/محد
ام رهف/لعد ليش قافلة عليج الباب
كمر/امي اني راسي يوجعني نكدر ناجل كلامنة الله يخليج
ام همام/تعالي بنيتي تعالي اكلي ماطول صاير الغدة
كمر/ان شالله عمتي..ها يمة اروح
ام رهف/روحي
بستهة من خدهة ورحت كعدت اجة خالي فرقد وخر شعري عن وجهي اني بس اكل ما مهتمة ولا لاي احد مالي حيل احجي او اطي تعبير
جبار بهمس/جبتلج بدلة تخبل عليج
كمر/خالي لو مختصر السالفة بجفن
جبار/شنو جفن
كمر/الحمد لله شبعت عاشت اديجن يجنن الاكل
ام خالد/ولج كميرة ما خلصتي نص الماعون
كمر/والله يا بيبي شبعانة ماشتهي
ام خالد/خاف حامل واحنة ماندري
كمر/ لعد حضرو الاسامي يلة اني صاعدة اقرة من رخصتكم
عفتهم ورجعت لغرفتي اجة كيان
كيان/كمر شبيج
كمر/سلامتك مابية شي
كيان/بيج شي احجي شبيج
كمر/اوكي رح احجي كيان عذرني حباب
كيان/ليش شكو احجي ولج
كمر/باجر خطوبة لجين واني ماكدر احضر خطوبة اختك يا ريت تسامحوني
كيان/ليش ليش ماتكدرين كمر شبيج تغيرتي يمعودة مو حلو هيج شكلج وينهة كمر الضحوكجية والطفلة المخبلة والي تحب تسولف
كمر/ترجع كمر تركع بس مو هسة ماشي وهسة يصير اكعد اقرة
كيان/كمر
كمر/كياان فدوة لتصعبهة علية فدوة اروحلك
كيان/ماشي يا بومة ماشي اني رايح نتبهي على نفسج
كمر/ان شالله
طلع من الغرفة رحت سبحت الله اكبر شكد احس الغسل هيج يشيل كل الثكل والنومة تروح والراحة تجي كاعدة بلبانيو والعب بلوغفة مال الصابون هههااي
طبت امي علية مثل كل مرة
كمر/ها امي
ام رهف/كيان اجة شاورني ليش ما تحضرين الخطوبة
كمر/ماعاجبني انزل
ام رهف/نجبي ميصير هاي بت خالج
كمر/يمة كلكم على راسي بس مستحيل اخلي كرامتي وعزة نفسي جوة رجلي والله اذا تجبريني انزل اشرد منا وارجع عكب باجر
ام رهف/ام لسان خليج بعدين خالج يزعل منج
كمر/ما يزعل هسة تشوفين
ام رهف/ليفتي
كمر/لا والله
ام رهف/طيني اليفة
كمر/هاج
كعدت تليفلي يمة بعد كلبي شلون تفهمني
كمر/الله هيج حلووو
ام رهف/يلة هاج انتي كملي اني اكوم يم بيبيتج
كمر/تنزلين باجر
ام رهف/لا يمة مانزل
كمر/عفية بيج بعد كلبي
ام رهف/يلة يمة لتضلين كاعدة بلحمام هواي ميصير ولتقفلين الباب
كمر/ماشي امي بيباي
طلعت من الحمام اني كمت شغلت اخر شي وطلعت
طلعت لبست التراك مالتي حطيت راسي بلمخدة
كمر/كاااافي توجعني دا امووووت بسببببببك
جريت الدة من الكومدي حطيت كبسولة بحلكي وشربت المي ضليت ناطرة النتيجة والله شوية شوية راح الالم
حطيت كتبي ودفاتري واقلامي وكعدت اقرة واكتب واحفظ اجن البنات يمي بعيون لجين الملاين من الترجيات متريد تنخطب بس منو يسمع كلامهة يا حسرة لمى نامت يمي من تعبهة رهف ضلت تحجي علية تكلي صالي يومين ما شايفتج اجتي باست راسي
جرت لجين كعدن لمى سحلنهة وطلعن ههه بيباي حبيباتي
بليل
طلعنة من المستشفة اني مؤيد
مؤيد/فيصل هسة هذة شلون بي
فيصل/يبقة جوة العناية يعني شسويله
مؤيد/امشي لبيتي اني تعبان
فيصل/يمعود رح تصير الساعة بلثنعش باجر خطوبة عدنة لازم اروح للبيت
مؤيد/ها اي صح يلة امشي للبيت
رجعنة اني مؤيد نزلت من سيارته ودعته وطبيت الدنية ليل البيت هدوء بس اكو صوت بجي لتفتت اشوف كمر كاعدة تبجي
فيصل/كمر!! ليش كاعدة هنا بهيج وقت
كمر/بكيفي معليك انت
فيصل/ولج شنو معلية شنو بكيفج ليصير شي بنص اليل كاعدة بلحديقة
كمر/معليييك بية
كعدت يمهة جريتهة من ملابسهة صارت تصيح واني اكره الي تصيح
فيصل/تكومين كبالي تطبين للبيت بسرعة جايبتلي موديل البجي بلحدايق
ما تحجي بس منزلة راسهة حتى ما تبجي صار يوجع فد شي اسود شنو هل الون
عدلتهة من ملابسهة شالت راسهة خشمهة طاك دم وهية ما تدري
فيصل/شنو هل الدم
كمر/وخر عني يا دم
فيصل/اكرهج من تكولين وخر شو شيلي راسج
كمر/وخر وخر وخر كرهتني بلزايد احجي؟
غير تهدء وية كل كلمة يطلع كومة دم اكيد راسهة يوجعهة
كمت بسرعة لزمت ايديهة جريتهة علية كامت طارت عليه من جرتي الهة
مشتهة لنص الحديقة صارت تمشي وتوكع يا ربي رح تنفجر الشراين الي براسهة وصلنة يم النافورة
فيصل/كمر صاحية وياية
كمر/ما تتصدق علية لا انت ولا امثالك اني عدي ابو صح هو مارادنة بس عندي اب يكدر يشتريلنة الدنية
لزمت راسهة من ورة طببتهة بلمي البارد صارت ترفس جوة المي شلت راسهة يمكن صحت بلمي صارت تضرب ايدي وتبجي مخنوكة بس لمصلحتهة
رجعت طببت راسهة تريد توخر غسلت راسهة كله راحت ايدي على ركبتهة مجمرة الثولة
طببتهة بنص النافورة وعفتهة هية كامت تحجي علية وتبجي وتكح النافورة تقريبا نصبغت احمر منهة وبعده يطلع رحت شكلت الصوندة بلمي واجيتهة
فيصل/كمر باوعيلي
كمر/يا اااهئ خنكتني بلمي تريد تموتني
لتفتت علية ورشيتهة كلهة المي بارد بس تشهك دنيت يمهة حطيت المي فوك راسهة تريد توخر لزمت ايدهة اذا تروح بعد ما الحك عليهة
فيصل/شلون المي بارد مو
كمر/فيصل الله يخليك هاااا يمة بارد فيييصل وخر المي ثلجت
فيصل/راسج دا يوجعج
كمر/صعد المي براسي وين احس بعد
فيصل/ششش بقة دقيقة وحدة
كمر/يا يمة تعالي هذا يريد يموتني
ذبيت الصوندة باوعلهة تبجي وترجف احسن جانت مصخنة
فيصل/شو شيلي راسج خلي اشوف بعد اكو دم
كمر/والله اذا دنيت اصيح يبو
فيصل/يلة يصيح
كمر/رح اصيح
فيصل/ناطرج
كمر/يمة تعالي
فيصل/اوف اوف شنو هل الصوت ماكو انصة يمة تعالي
كمر/فيصل هدي ايدي ثلجت خلي اطب
دنيت عليهة شلتهة هية تخبلت تريد تنزل بس ما خليتهة
فيصل/اشش رح يجي نص الفرع على صياحج
كمر/نزلني ااخ راسي فيصل عليك القران نزلني
فيصل/ما اسمع طب مي باذاني
كمر/فيصل نزلني كح ككح رح اوكع
فيصل/بس سكتي مرح اكلج
كمر/نزلني اكدر امشي
عدلتهة ومشت بيهة خايفة مني ليش هية متخاف مني
وصلت يم باب المطبخ وكفت لان سمعت صوت مشية ابوية
نحصرنة بين الطبة والطلعة وكفت بسد الباب اني ماهتم بس هية يضلون يسون مستقبل الهة والنيشان على سنان هه
باوعتلهة حاطة راسهة على جتفي وتباوع بتسمت علة شكلهة خربط دماغي مدري شبية هسة غير الحجي يروح جلب بلمطبخ بعد خلي كمر تسويلك عشة
شرب مي وتمضمض وطلع للحديقة واخيرا طلعت من المطبخ صعدت لغرفة كمر لكيتهة فاتحة السبلت طلعت بسرعة
فيصل/ليش ما تطفين السبلت من تطلعين
هية شافت غرفتهة رادت تنزل بدون ما تحجي طفلة اربع سنوات
فيصل/هشش وين وين نازلنة
كمر/غرفتي
فيصل/ماكو غرفة
مشينة لغرفتي الصراحة تمنيت نجي للغرفة مالتي لسبب واحد اني تخبلت
طبيت وطبكت الباب برجل كمر مشيت حطيتهة على الفراش كعدت تباوعلي
فيصل/ها تباوعيلي
كمر/شيلني من جديد كرسي المللك حباااب
فيصل/شنو شدا تحجين
كمر/فيصل حلوة بس ماريد العب وياك روح
دمغتهة وطلعت رحت جبتلهة ملابس من غرفتهة ورجعت لكيتهة نايمة على الفراش
فيصل/كمر كومي لبسي هذني بسرعة
كمر/ماريد هيج باردة حلو
فيصل/تكومين تبدلين لو اني الي ابدلج
كمر/حباب اطلع من الغرفة
فيصل/اكو حمام روحي بدلي بي
كمر/مابية حيل اكوم راسي يوجعني
فيصل/هسة ثواني اطلع واجي لبسي بسرعة
طلعت رحت اجيبلهة دواهة رجعت وكفت ماريد اطب عليهة هية خاملة اكيد تطول ضليت ناطر برة شبية اليوم وبلذات هاي اليلة تخربطت احوالي اني مو اني متاكد اني بية خلل
طبيت للغرفة لكيتهة حاطة راسهة بين رجليهة حقهة الشقيقة توجع ومو مال عمرهة كبار ما يتحملوهة وصلت يمهة طيتهة الدوة تصرفاتهة اهدء وتسمع الكلام
كمر/فيصل شوف اني يمكن بية سرطان
فيصل/نجبي مابيج شي
كمر/راسي يوجعني حيل منا شوف عيني صارت توجعني
فيصل/مابيج شي لتفاولين لنفسج
كمر/واخيرا رح اموت بسرعة
حطيت ادية على كصتهة وجوانب راسهة رادت توخر يا يابة شكد عنيدة لزمت راسهة وحطيته على الفراش يمكن الدوة ينيم شنو الفائدة بس مسكن مو علاج
وخرت ايدي عن راسهة رجعت جرت ايدي حطتهة على راسهة
كمر/اول مرة اخذ مساج للراس
فيصل/انتي كاعدة
كمر/اي بس ماحجي وياك
فيصل/ههه مخبلة والله
اول مرة اضحك عليهة وعلى تصرفاتهة مادري شبية جنيت رسمي صرت احسهة بتي وهية طفلة من صدك اكو خبال بداخلي يكلي هية مسؤليتك تحملهة
وخرت ادية عن راسهة ما تحركت يمكن نامت الدوة بي منوم متاكد
كمت رحت بدلت ملابس هم مبللات اغسل وجهي بسرعة اريد ارجع للغرفة
ولك فيصل شبيك تغيرت الف مليون درجة شبيك ولك
مسحت وجهي رجعت يمهة شتحس من راسهة يوجعهة طلعت بتلفوني الاعراض الدقيقة حقهة اذا كالت بيهة مرض خبيث الراحة والهدوء يساعدنهة والتدليك والمشروبات الحارة والاكل الزين يشافيهة بسرعة
كمر/فيصل
فيصل/كعدتي؟!!
كمر/فيصل ماحبك
فيصل/هه
كمر/انت ما تتصدق علينة احنة محد يتصدق علينة
فيصل/ماشي نامي هسة
ضمت راسهة جوة المخاديد غطيتهة شلون شعلت نار بكلبي هسة اوف يا ربي
كست راسهة ناشف رحت شغلت السبلت حطيته على راسهة اليوم الي شفته كل البرودة لازم تحافظ على اعصاب راسهة
تمددت بعيد عنهة بس حطيت راسي على المخدة عفيت
اني هم نعست🌚
.....
يتبع....