المجنونه والهيبه - البارت 7 - بقلم لا اعلم فقط ناشره - مكتملة | روايتك

المجنونة والهيبة البارت 7 ماعرف ليش مستمرين اني وكمر بلتنزيل مع الرغم ماكو تفاعل❄ طبيت للغرفة العب بلبلوز مالتي اوف شبعانة نوم واكل ههيهي لتفتت للمراية شفت باكيت احمر رحت ركض فتحت الباكيت كمر/اوووماااي قااااد شو هيدا ههههاااي حلوياااات يمميييي جميع انواع النساتل والحلويات موجود بلباكيت الاحمر اخذت نستلة كيت كات وكعدت اكل بيهة طلعت من الغرفة رحت لرهف حطيت يمهة نستلة ولامي خطية لكيتهة نايمة والسبحة بايدهة للمى وللجين وسنان وهمام وكيان بقة فيصل مشيت لغرفته دكيت الباب فيصل/ملغوثة تعالي كمر/ملغوثة بعينك..احم هلااو فيصل/شرايدة بعد كمر/سلامتي..عبالك اكلك سلامتك المهم هاي الك فيصل/ما اكل حلويات كمر/واات شلون ما تاكل العشق الحلويات فيصل/ماحبهن كمر/دهاك هاي وشوفهة والله رح تحبهة فيصل/ليش تزعجيني كمر/لا والله مو بنيتي ازعجك بس هيج على طبيعتي وياك فيصل/طبيعة هه جذب ماكو بنية هيج ملااك كمر/ملاك؟ شنو اني ميتة المهم هاك هاي فيصل/ماريد كمر/بلثلاثة الة ربع اوف شوكت يصير الصبح فيصل/كومي نامي ويصير الصبح كمر/صراحة اخاف ابقة وحدي فيصل/وليش يمة كمر/شوف مرة من المرات بقيت وحدي بلغرفة هناك ببيتنة شفت مرة بلغرفة مالتي اقسم بالله شفتهة وهية واكفة فيصل/كافي جذب وكومي من يمي كمر/فيصل شبيك هيج؟ها ليش معود نفسك على العصبية وياية اني شفتك وية باقي البنات حباب صح عنفة وما تتحاجة بس ما تكرهن مثلي فيصل/بكيفي اني الي احبهة احبهة والي اكرهة اكرهة وما اطيقهة كمر/مبين اني من الجهة الثانية وللاسف بس يلة ميخالف كمت عفت الكارتون يمه بعد مالي واهس على اي شي جسمي ثكل وراسي وجعني الكل يكرهني والله ما اتصنع اي شي ولا اجذب واحب الشقة والضحك والطيبة بس مو هنا مكاني كمر/مو هنا مكاني فيصل/شكلتي وكفت يم الباب حطيت ايدي على اليدة رح اطلع كمر/مو هنا مكاني فيصل/شنو مو هنا مكاني كمر/اني مكاني يم رب العالمين احسن منا بيباي فيصل/اني شكم مرة كتلج لتحجين هيج عفته وطلعت سديت الباب دكيت على صدري اريد نفس والله ختنكت وعقلي طك من الالم عيني صارت توجعني وشتقت لابوية رحت للغرفة لكيتهة باردة نزعت البلوز بقيت بلفنيلة والبجامة رحت للفراش كمر/ابوية هه اكيد هسة يفكر يتزوج من جديد كطعت كلامي واخذت نفسي طلعت دمعتي اريد ابوية مشتاقتله مهمة الي صار يبقة ابوية وسندي وقوتي هو وكف وياية بطفولتي وتركني بكبري الله يسامحك يا بوية مسحت دمعتي بلحاف راحت ايدي على الكانونة سيم بركبتي مو كانونة دولي شيصير خلي يصير عسة الموت ماهتم بعد تغطيت زين وغمضت عيوني احس اكو شي فوكاية اووف شنو هاااي ماريد افتح عيوني نايمة بس ختنكت كمر/شنوووو هاااي /انتي منو؟! فتحت عيوني اشوف وجه يمي كمر/عااااا اخ راسي يممة انتي منوو /انتي الي منو وشعدج هنا كمر/هذا بيت بيبي جينة هنا نعيش /انتي بت خالتي زينة؟!!!!! كمر/اي انتي منو وشطببج لغرفتي /اني غادة بت شجن كمر/بت خالتي شجن يعني اتي اخت ذهب؟!!! غادة/ايوا انتي بت خالتي مو كمر/اي غادة/يا هلللللة شسمج يحلوة كمر/گمر غادة/حلو اسمج مثلج اكلج كمر انتو شلون اجيتو كمر/لعد امج ما حجتلج غادة/اني توني اجيت من الكلية كمر/شنو السالفة مدا افهم غاد/شبيج اني من جامعة بابل كاعدة بقسم داخلي بيت خوالي الجنة مالتي اجيهم اول الناس وبعدين اروح لاهلي كمر/اها اهلا بيج حبيبتي غادة اولا احنة اجينة لان .... حجيتلهة ليش اجينة والله مبين عليهة حبابة على عكس اختهة المسمومة غادة/ها ها الله يساعدكم ان شالله ترجعون تلتمون من جديد لتزعلين كمر/ان شالله لا ما ازعل بعد شي وصار غادة/فدوة للمتفهمة اكلج حبي رجعي كملي نومج اني اروح اكعد العروس وبت عمهة كمر/ههه اوكي على راحتج غادة/بيباي طلعت وعافت الباب مفتوحة كمت من مكاني لكيتهة تحجي وية فيصل وهو عادي يجاملهة وااااو وين هذاك فيصل الي يكره والعنفة و الي مايسولف ويضحك احس دمي بدة يغلي اريد اروح افتح بي الحايط هو باوعلي ورجع يحجي وية غادة ورجع يباوعلي بصدمة اني طبكت الباب حيل وقفلتهة رحت كبال المراية شفت بنفسي ماشاء الله هيج شافني تبارك الله الله ياخذني شلون هيج اطلع ضربت وجهي اني افكر هواي يصير عدي نحول وجسمي ماكدر اشيله رحت غسلت وجهي وطلعت بدلت وطلعت ما مشطة مابيهة حيل ومن احرك راسي الكانونة توجعني اكو واحد يحط كانونة ورة الاذان شنو من وريد اغبر غادة/كيان كيااااان اكعد كيان/غادة بومة وخررري غادة/كيان دكعد شبيك كافي نوم كيان/ولي من وجهي ولج غادة/ماشي اني رح اروح بيباي كيان/لتجين بعد غادة/غبي شلون يذب كلام مسموم بس احبه ههه نوم الهنة كعدت بلمطبخ راسي ذابحني ذااابحني نزلت امي اجتي شبكتني وتبجي والله حتى ماعدي قوة احجي بس ضليت شابكتهة بيهة الراحة كلهة كعدتني ونزلن النسوان اجني يتحمدن لسلامتي وين السلامة بلموضع بس يلة ميخالف كعدو خوالي واجتي غادة يحجون ويسولفون اني بس صافنة عليهم مسطورة طلعت غادة من البيت والله وياهة عرفت انو عكب باجر رح تصير الخطوبة قدموهة وهذا طلب سنان لجين ماتكدر تحجي وضلت ساكتة ام رهف/بنتي شلون صرتي كمر/يمة راسي احسن لتخافين ماكو شي ام خالد/يمة كمر الكانونة تاذيج كمر/اي بيبي توجعني حيل ام فيصل/يمة فيصل بعد كلبي ماطول انت خبرة وخر الهة الكانونة كمر/ ليش فيصل دكتور؟ لمى/اي دكتور جراح كمر/بس اني شفته لابس عسكري لمى/هو صاير دكتور للمصابين وعسكري بنفس الوقت بلجيش كمر/ها ها اوكي..لا لا عمة اخاف اشيلهة ام كيان/ماتاذي اذا اذتج من حطوهة بس بلطلعة ما تحسين بيهة كمر/اووي ماريد ام خالد/بكيفج يمة هية بعد وكتهة بس كلنة حتة ما تضل توجعهة دروحو والله ما اشيلهة اخاف الولد طلعو للطارمة مدري شنو يشتغلون علمود الخطوبة عماتي وامي لمن الريوك وطني دوة رهف ولمى ولجين راحن للمدرسة رهف راحت وية لمى كمستمعة مو طالبة لان هذا سادس والله يعين كل وحدة وواحد بلسادس بقيت بس اني وحدي كلعادة صعدت هل المرة نظفت الغرفة رحت لغرفتي عدلتهة ولغرفة رهف والبنات والولد مسحت التحفيات كمر/لما الشمس ترووح ويكي بدلها نجوم....نامي يا عصفوورا نام يا عصفور الي يسمع كلمة ماما شو بقلووو شاطر شاطر هههه كعدت اضحك على نفسي اني شبية حسيت بقميصي مجرور واني دا يجرون بية كمر/منووو فيصل/صمي حلگج وخليج ساكتة كمر/ما ما وخررر وخر عني جرني لغرفته يمة هذا شبي مجنون درجة اولة كمر/فيصل شبيك لتجرني فيصل/نزلي راسج كمر/ليش..تشيل الكانووونة؟! فيصل/اي يلة نزلي راسج ميصير تبقة هيج ورة اذانج كمر/والعكبة ما اشيلهة وخر عني ما هديت نفسي وطلعت من الغرفة ما اشيلهة كلبي نسحل من عرفت رح يشيلهة نزلت ليجوة وية الولد والله سوالف ضحك وتحشيش سنان الي خايفة منه لجين يموت ضحك ومطبخ هماتين وكيان ما حسينة بلوقت واني وياهم كمر/كيان سنان مطططبخ تعالو الغدة صاااار على الميز كيان/منو هذا مطبخ كمر/همام كيان/وين الربط كمر/همام على وزن حمام ف صار مطبخ همام/كمر ام لسااان جااايچ كمر/يمة امشي قبل ليجي كيان/ههههههه امشي واني وادافعلج كمر/اي خيو والله اخاف سمع لك صالة اني ماخايفة منك لان عدي اخوية كيان يدافعلي كيان/ولج سكتي هل المرة رح يجي يكتلنة ثنينة كمر/همام احنة نحبببك همام/جااايكم صبرولي كيان/ههههاااي امشي ولج طبينة نتغدة شبسرعة قبل شوية جان صبح كعد فيصل ياكل ويباوعلي احس متحلفلي وشسويلك عشتو غسلت المواعين ورجعتهن لمكانهن لان النسوان مشغولات بدن يحضرن وياخذن التعليمات من بيبي كمر/هو منو المريض من جان مريض واخذوه للمستشفة اني لو الحايط ااخ ظهري تكسرت السنك اعلة مني صعدت واني ادردم عليهن لكيت بوجهي فيلوص هذا شبي كمر/اريد اروح للغرفة اذا امكن تبعد يا اخي المسلم فيصل/عدي شي الج تعالي كمر/تلللفون؟ فيصل/لا شي ثاني كمر/شنو شنو فيصل/تعالي كتلج مشيت ورا لغرفته ياي شنو هذا الشي فيصل/تمددي على الفراش كمر/واااط اقصد شنووو لا فيصل شوف ماحب هيج سوالف فيصل/سوالفيش؟ كمر/شنو تكلي روحي تمددي فيصل/وثول اريد اشيل الكانونة لان ركبتج صارت زركة كمر/ما ما اني مو كتلك ما اشيلهة والله اخاف فيصل/اكلج ما تاذيج هسة اني اكدر اضرب نفسي كانونة واشيلهة كبال عينج كمر/اي وشسويلك انت ما تحس اني احس وهسة وخر خلي اطلع فيصل/كمر اذا اذتج اعيفهة كمر/فيثل اقصد فيصل اروح للمضمد احسن فيصل/ترديييين الرجااال يشوووف شعرج وركبتج مووو كمر/لا يااا مو قصدي يشوفني الرجال...فيصل حباب لتنتقم مني هيج فيصل/صخونة اي والله شنو هل الخرابيط اني مو جاهل حتى احط عقلي وية طفلة مثلج اني دكتور واعرف شنو جوانب الكانونة اذا بقت تاذيج كمر/زين يصير اشوف امي لاخر مرة فيصل/وليش كمر/يعني خاف اموت واني ما شايفتهة فيصل/وثول روحي كبالي تمددي بسرعة ترة ضوجتيني عيونه يطكن نار كلبي واكف لان تعب يدك حيل رحت للفراش تمددت هو اجة وراية من جهت ظهري مدلي ايده بيهة نستلة وتلفونه فرحت وتذكرت اني ناسية العشق مالتي يمه من البارحة اخذتهن منه كعدت اكل واباوع بلتلفون... بلموت يالة قتنعت انو لازم ايشلهة لان خاف تسمم الدم متحركة من مكانهة وهية بعد ما تحتاج مغذي ف خلي نشيلهة احسن طيتهة الي هية تحبهن هو هيج يالة يقنعون الاطفال وخرت شعرهة عن ركبتهة مو ركبة بت الاوادم قطعة ثلج ابيض بيضة تلج ركزت على شغلي هية مطلعة قناة مال بنات وتضحك وياهن اكص ايدي اذا هاي جبيرة تصرفاتهة وحركاتهة توحي طفلة ابتدائي معقولة اكو هيج برائة ههه مستحيل فيصل لتصدك هية حالهة من حال امهة امهة هم جانت هيج طفولية وبيوم وليلة ختفت زينة ف لتتقشمر بسوالف بتهة النار تخلف دخان خلصت شغلي وهية ماتدري اني ضجت منهة بدون سبب مادري ليش فيصل/كومي ...كتلج كوومي كمر/اسم الله شبيك تكومني هيج غير تشيلهة فيصل/شلتهة وخلصت منج ومنهة كومي هسة كمر/ها شكرا فيصل صدك سؤال انت هم متحمس مثلي للخطوبة فيصل/اني اشوف الحماس بعيونج واستغرب كمر/ليش؟ فيصل/وحدة غيرج تكعد تشيل هم كمر/فيصل كلامك مو مطمن شنو قصدك وضح اكثر فيصل/عدج ملابس خطوبة كمر/لا فيصل/ذهب للخطوبة؟ كمر/لا والله فيصل/احذية ومكياج وغير غراض مال بنات عدجن انتي واختج كمر/شنو المخلص من كلامك ها فيصل/ماكو شي بس هيج سئلت حتى اروح اكلهم لابوية ولعمامي عليج اتي واختج حتى نتصدق عليجن كمر/تتصدقون!!! ضلت صافنة بوجهي والدموع بعيونهة صار هدوء كل الكلام الي عنهة وعن امهة صار صمت براسي كمر/فيصل انت محاسب كدام رب العالمين على هذا كلامك الي يكسر الصخر وثاني شي ما نحتاج منك صدقة فهمت وخوالي ما يتصدقون علينة لان هم مثل ابوية كلهم واحد عندي مايفرقون بينة ويحبونة وطمن مرح انزل للخطوبة ولا رح ارجع احجي وياك كل مرة اني اكسر الشر واحجي وياك بس هل المرة كافي وكرهتك كررررهتك ما عدك ذرة احساس واحترام للشخص الكبالك وانت هسة خلقت التفرقة خلق ماكو اي رابط بس كدرت تسوي فجوة بحياتي شكرا الك شمرت التلفون عليه وكمت من يمه طلعت ركض رحت لغرفتي سديت الباب وقفلتهة رحت للفراش شمرت نفسي وضليت ابجي كلامه ياذي وكسر كلبي حقير يصدق علينة شلون يحجي بكل صلافة حقييييير اااخ يا بوية ليش هيج سويتنة ليش هيج وصلتنة لهاي المرحلة كلكم تتحاسبون كدام رب الكون اريد ربي ما يضيع حقي وحق اختي وامي وانت يفيصل كرهتك يا حقير سافل ماعده ذرة احساس لفيت راسي بلحاف حتى ما يطلع صوت البجي مالتي كلامه موتني واني عايشة ولا مرة بعمري نذليت مثل ولا باي مثل من الامثال وهسة يجي واحد حقير يحجي كلام احقره منه اوووف يا كلبي شكد تتحمل اشياء اكثر من طاقتك حسبي الله ونعم الوكيل بيهم ... يتبع...