البارت 5
البارت 5
طلعت من غرفة رهف اووف وين اروح ملل رجعت لرهف فتحت الباب لكيتهة تبجي ضحكت عليهة وطلعت اذا اكلهة طيني حاسبتج تاكلني
رحت لغرفة بيبي لكيت امي وخالاتي كاعدات
ام خالد/هلة بيبي شلونج
كمر/الحمد لله بيبي
ام رهف/هاي بتي شبيج وجهج مكلوب
كمر/ماما...ماكو شي سلامتج حبيبتي هيج ضوجة البنات راحن ورهف دا تقرة واني مخلصة قراية ف ضجت
ام خالد/هسة تروح الضوجة تدرين شلون
كمر/شلون بيبي
ام خالد/عدج سبوع الجاي خطوبة وعقد وحنة وزفة روحي تحظري
كمر/شنو ههه منو رح يزوج
ام خالد/سنان ولجين
كمر/شنو شنو لحظة بيبي شدا تحجين صدك؟!!!
ام رهف/هههه اي بنيتي خطوبتهم سبوع الجاي
كمر/بس هم ما كالولي ابد وكانه اخوان
ام خالد/يمة هم ثنينهم يستحون وما كالو ورادوهة مفاجئة
كمر/ياااااااااي احلة خبر سمعت بهذا الشهر حلو حلووو
ام رهف/رح تطير من الفرح ها وهسة بعدج ضايجة
كمر/لا لا ههه اكوم اروح اكلهة لرهف
كمت بسرعة ضلت بيبي تحجي علية لتكمزين وميصير انتي بنية طلعت من الغرفة بسرعة وصلت يم الغرفة اجة المجنون اقصد فيصل
كمر/فيصل تدري اكو خطوبة سبوع الجاي
فيصل/همزين كلتيلي جا ضليت بحيرة
كمر/ها
فيصل/الكل يعرف
كمر/اني ما جنت اعرف
فيصل/وهسة شرايدة
كمر/ما رايدة شي بس هيج كتلك
فيصل/هاج وبعد لتزعجيني بصوتج
طاني التلفون وراح لغرفته
طبيت لرهف للمرة الثالث ولكيته شايطة مدري شبيهة خية مو هيج الدراااسة كتلهة اكو خطوبة اشرت باي هاي شنو الكل يعرف بس اني
طلعت لغرفتي حارة ما شادين بيهة سبلت البرة احسن منهة كعدت بلكاع كلمعتاد اكلب بلتلفون اضحك على المقاطع اجن هذني المسمومات زهرة وذهب والثالثة مدري شسمهة
بكل طابق اكو قنفات اني مستغنية عنهم هن راحن كعدن على القنفات يسمعني حجي سمعتي فلانة امهة شاردة وهذيج تكول اكيد حرامية يا حرام العيال الي امهم مطلقة
تجاهلتهن الي شغل اهتمامي الشحن مال التلفون نزل بي خمسين كمت من مكاني هذني عبالهن رح اجي اكتلهن بحيث سكتن غلست عليهن وطبيت لغرفة فيصل
كمر/فيصل رح اشحن يمك
فيصل/اخذي الشاحنة وروحي
كمر/واااو همزين كتلي جا ضليت بحيرة غرفتي مابيهة البلك بس دائر موجود
فيصل/شنو المخلص من كلامج
كمر/اذا طلعت اروح اضرب بنات خالتك وشكرا
فيصل/نجبي وكعدي
رحت كعدت بلكاع اشحن التلفون
كمر/فيصل حباب جيبلي تلفون بسرعة
فيصل/لتلحين والى ما اجيب ابد
كمر/هاي شنو ميصير هيج
خزرني فتح حاسبته وكعد يشتغل ضجت حتى مالي واهس اي شي راسي صار يوجعني سديت التلفون ولزمت راسي
كمر/اوووي كافي توجعنييي
فيصل/ها هذا الجن
كمر/فيصل اسكت عني
فيصل/تادبي
هو يكلي تادبي منو الي يحجي ولك لزمت راسي نزلت للكاع يا ربي شجاني
حسيت نفسي هدئت شلت راسي من الكاع مسحت عيوني لان دمعن
فيصل/فتحي هاي الفاتية تلكين براسيتول اخذي
كمت من مكاني رحت اخذت براسيتول طبت زهرة للغرفة
زهرة/اوو اسفة فيصول دخلت بلغلط تيهت بلغرف ولج كمر شعدج هنا
كمر/معليج
ذهب/زهرة وين طبيتي امشي
زهرة/اي اي جاية تعالو رح نصب الغدة
زهرة/اوو اسفة فيصول دخلت بلغلط تيهت بلغرف ولج كمر شعدج هنا
كمر/معليج
ذهب/زهرة وين طبيتي امشي
زهرة/اي اي جاية تعالو رح نصب الغدة
فيصل/شوكت تحترمين بكلامج ها انتو شعبالكم بلذات اتي وامج عبالكم كل الناس مثل عمومتي وابوية كلبهم حنين
كمر/شنو انت شدا تحجي ها شنو مشكلتك استاذ فيصل اني ما اعامل شخص هيج الة الي اعرفه كله هذني من الصبح لحد الان يحجن علية واني ساكتة الهن مو بس علية حتى على اختك ولجين وعيونهن على الولد وسوالفهم طايح حضهة وجاي مو عبالج ومو حسبالج ياخي فك كرهك عني
يسوي نفسه ما يسمع وثول من ربي اي والله مكروه شفت النستلة الي عفتهة البارحة كـشكر على الشحن بس طلع ما يستاهل اخذتهة اني
كمر/اني رايحة بيباي
فيصل/وين رايحة وييين رايحة
كمر/اسم الله شبيك رايحة للمطبخ اساعدهم دا يبصون الغدة
فيصل/غبية عبالي رح ترحين وياهم
كمر/ومنو الي اروح وياهم
فيصل/معليج ...تعالي يمي
كمر/ه ها
فيصل/شنو ها تعالي يمي
كمر/ش شكو لي ليش
رحت يمه واني اكل النستلة وكفت بصفه
فيصل/الرمز مال حسابج شنو
كمر/679252uyo
فيصل/كتبي
رحت على الجهة الثانية كعدت على الفراش جريت الحاسبة كتبت الرمز
ام رهف/ولج كمممر يمة كمر وينج
كمر/ها يمة كح كح..ها ها
ام رهف/وينج تعالي نزلي تغدي
كمر/جاية
فيصل/كومي منا
كمر/واو همزين كتلي اكوم ها ها همزين تذكرت اذا لكيت اي رسائل تهديد من ابوية طيهن حذف بيباي
كامت من يمي شكد ملغوثة هاي البنية طلعت حسابهة مهوس كله مستندات وصور وتطبيقات
طبيت على الملفات المخزنة وياريت ما طبيت كلهة صورهة وبرامجهة نوب ايدي اخذت على الصور سودة بوجهج يكمر شنو من صور لو تنشر وحدة تصير فضيحة بس هسة ما تنشر ابد سديت الحاسبة لان ماكدر اكمل صورهة بت الاوادم ما ينوصفن
طلعت من الغرفة نزلت لكيتهم رح يصيحوني اجو الولد كعدو
مادري شبي راسي يوجعني بكثرة كعدنة نتغدة وخلصنة اني غسلت المواعين
غلصت طفرت لان رادو بعد اغسل مواعين صعدت بسرعة نلطخت بواحد
كمر/وعمة اقصد اسفة
اكرم/ههه عادي ما صار شي
كمر/انت منو
اكرم/ابن خالتج رفعت اكرم
كمر/ها اهلا اكرم ...بيباي اكرم
شكله مو راحة يباوعلي من الطول للطول
اكرم/انتي كمر صدك والله
كمر/عيد شكلت
اكرم/سلامتج ما كلت شي
زهرة/اكرم تعال رح نروح
اكرم/نتقابل بعدين بلخطوبة
كمر/ان شالله لا اقصد اكيد ههه بيباي
راح ويع واني اشوف ويهك رحت للغرفة نزعت الشال كبل للحمام الي عرفته بس يصير عدي الجو حار عصبية توتر راسي يذبحني شنو سرطان مرض اسم الله حطيت راسي جوة المغسل نكعت شعري
لجين/كمر وينج خية
كمر/اني هنا
لجين/غرفتج حارة
كمر/مو السبلت ما مربوك بلكهرباء
لجين/هو اني اجيت حتى اسئلج مربوط لو لا
كمر/مبروك يا عروس
لجين/هه عروس من شيب جدي
كمر/ليش يا ساتر شوفي
لجين/حبيبتي مو بعالج مخطوبة من رضاتي
كمر/ولج خية شكو
لجين/سنان مسوي الخطوبة حتى يكسر خشمي
كمر/وااات شنو ليش شبيكم انتو هادئين سوية
لجين/كبالكم هيج بس هو اله شكل ثاااني ويكرهني
كمر/ولج ليش
لجين/قبل شهر رجعت من الكلية لكيته كاعد يتحارش بصديقتي اني ما رضيت كعدت اصيح بلشارع وانتهت السالفة من ضربته بلشارع هو لزمهة علية وكلي اندمج وفعلا سواهة وقبل سبوعين حجو بية وكالو سنان ابن عمج ياخذج وابوية يموت على سنان وموافقين واني راييّ نسحل بلكاع والله الي يستر من الجاي
كمر/يا دادة شنو هل الطركاعة ولج حباب والله هسة يحبج انتي ضل ساكتة كباله ومهمة الي يسوي ضلي طبيعية هو بعدين يحس ويوعي على تصرفاته
لجين/بلكي كلامج صحيح حبي كومي منا ليرتفع ضغطج من الحرارة
كمر/اي هسة كايمة اروح يم بيبي انام اريدهة شوية تقرة على راسي
لجين/ليش شبي راسج
كمر/دا يوجعني صاله اشهر على هاي الحالة بس هل اليومين زادت عندي صار يوجعني بلة انصاف
لجين/يا كلبي هاي انفعالات دوام والامور العائلة اكيد تولد آلام بلراس لتخافين مابيج شي حبيبي
كمر/ان شالله ماكو شي
لجين/اكوم اقرة وبعدين اتغدة واروح خخخخ
كمر/هههه يعني تنامين خخخ ههههه
لجين/اي ههههه يلة حبيبتي بيباي
كمر/الله وياج لجين
لجين/ها حبي
كمر/ضحكي
لجين/ههه كمر انتي اول وحدة تعرفين بسالفتي كلبي نفتحلج حبابة سر بيناتنة
كمر/افاا يا لولو شلون تكليلي هيج ترة ازعل سرج من سري للموت ما يطلع
لجين/تسلمين بعد كلبي بعيد الشر عنج...يلة يحلوة اني رايحة بيباي
كمر/الله وياج
طلعت وعافتني اخذت مشطي ومشطت شعري والله نشف شعري بسرعة لبست بجامة عريضة كلعادة وطلعت حتى شال ما لبست ماكو احد
كمر/بيبي
ام خالد/هلة يمة
كمر/هلة بيج اكلج بيبي
ام خالد/اللهم صل على محمد والي محمد يمة شنو هل الجمال
كمر/يا صدك والله بيبي حلوة؟!
ام خالد/عجينة بيضة تفتر بلبيت وعدهة شعر براسهة
كمر/هههه بيبي خجلتيني
ام خالد/اي يمة حبيبة شبيج
كمر/بيبي راسي يوجعني حبابة اقري على راسي
ام خالد/اي يمة تعالي بعد كلبي
كمر/اروح اجيب تلفون فيصل واجي ثواني
ام خالد/يا ولج شلج بتلفون الرجال
رحت لغرفة فيصل لكيته واكف يبدل فاتح باب الكنتور وبدووون قمميييص
كمر/هاااه استعفر الله اقصد اسفة
فيصل/ليش ما تدكين الباب
كمر/اذا دكيت الباب مارح تخليني اطب عبالك طابة قصر الجمهورية
فيصل/حمارة
كمر/غبي
طبيت واني منزلة راسي اخذت التلفون وطلعت بسرعة
ام خالد/ها يمة عاجبج فيصل
كمر/هااااا شنو
ام خالد/هو حليو احلاهم واكثر هيبة وشخصية
كمر/وللييي بيبي شدا تحجين اصلا ماحبه وما اطيقه لا هو ولا شكله ولا مزاجه مزعج وعنفة ومغرور وما يحجي ولا يضحك ويكرهني
ام خالد/انتي متعرفين شلون تجيبي لعد هو شلون اني جايبته
كمر/بيبي معلية بي ولا اريد احاول اضحكه ولا اريد اسولف وياه اقري علة راسي
ام خالد/هههه المجنونة والهيبة
كمر/ها شكلتي
ام خالد/سلامتج يمة نامي رتاحي
حطت ايدهة على راسي ايدهة ناعمة ودافية وتقرة على راسي وعلى ظهري وادية باختصار غسلتني بلدعاء والله كلامهة ما فهمته ما تعرفين اله وهيبة وشخصية ضليت اتصفح بلتلفون تكلي ما يجيب الالم غير هل الشاشات الصغار مدحكين بيهن كل اليوم شتميت بلتلفون ريحة طيبة اني نجنيت صرت اشتم ريحة بلتلفون
كمر/الله بيبي شمي هاي الريحة الطيبة
ام خالد/اي والله صدك طبية
طبيت لغرفة الحجية اليوم ما كعدت وسولفت وياهة طببت للغرفة لكيتهة كاعدة تصلي يمعودة هسة شتصلين العصر لو الظهر بتسمت عليهة رحت علة فراشهة انتظرهة كعدت حسيت شبي جواية دنيت لكيت ايد كمر هية نايمة جرت ايدهة
فيصل/ولج اتي هنا
هية مغمضة ضمت ايدهة جواهة شنو من نوم اني من اي حركة بسيطة اكعد
ام خالد/السلام عليكم ورمحت الله وبركاات الله اكبر الله اكبر الله اكبر هاي يمة حبيب شلونك
فيصل/هلة يمة اني الحمد لله انتي شلونج اليوم خوما دختي من الهوسة اليوم
ام خالد/يا يمة بناتي وبزارينهن ماكو دوخة هم الونسة شلونك يمة ان شالله مرتاح
فيصل/الحمد لله كلشي تمام
ام خالد/الله يحفظك اني اصلي لجدك ركعتين واجيك
فيصل/اخذي راحتج يمة انتظرج
رجعت تصلي شكد كلبهة طيب هية امي الثانية من بعد المرحومة
حجية ما صارت ركعتين ميتين ركعة صارت نعست وهية ما خلصت غرفتهة حلوة معتدلة والبردات نازلة تخلي الواحد ينام غصب افرك بعيوني وبلموت يالة افتحهن فيصل شبيك بالع حبوب منومة
باوعت لهاي الغافية نومهة فضيحة ملابسهة صاعدة هزيت بايدي وغطيتهة اخذني الواهس وتغطيت وياهة رتجيت على الحايط وغمضت عيوني منتظر الحجية حسيت عليهة تندهني
ام خالد/يمة اكعد حبيبي عدل نومتك ركبتك رح توجعك اذا نمت هيج
فيصل/ها يمة لا رح اكوم
ام خالد/وين كايمة يمة ضلك نايم هسة بس تكوم تطير نومت عينك وتضل موندخ لليل
فيصل/اي والله كلامج صح
تمددت حطت مخدة جوة راسي وهية عدلت نومت كمر
**كمر يوجعهة راسهة وهية نايمة ضمت راسهة بلحايط وبعده يوجعهة ما تريد تفتح عيونهة ضمت راسهة بجهة ثانية
طبت ام فيصل لغرفة ام خالد
ام فيصل/اكلج يمة هذني القماشات الي جبناهن من ام زهراء شوفيهن حلوات
ام خالد/اشش طيني خلي شاوف
ام فيصل/يا دادة نايمين الجماعة
ام خالد/اي مو حلوين
ام فيصل/ها يمة دكيتي وتد عليهم
ام خالد/من زماان ههه
ام فيصل/البنية وين ضامة راسهة
ام خالد/هاي خبلة
ام فيصل/ببطن الرجال ههههه
ام خالد/راسهة يوجعهة تشكي منه
ام فيصل/اكيد من الشعواط على اهلهة
ام خالد/الله كريم اكلج بنيتي هاي القطعة خلي ترجع تقرمهة من جديد لان التقريم صغير وهاي القطعة خلي تحط تطريز حلو بناتي مال عرايس وهاي خلي تكصرهة لانهة حيل طويلة ماشي؟
ام فيصل/ماشي يمة يلة اني رايحة محتاجة شي
ام خالد/يمة روحي ناميلج شوية الدنية ظهر سلامتج بنيتي الله وياج
ورة فترة كعدت كمر مغندبة
كمر/بيبي ااهئ بيبي
فيصل/سكتي ولج
كمر/فيصل كوم
فيصل/شبيج ولج
كمر/راسي دا يموتني
فيصل/كافي تنعوص وسدي حلكج
كمر/اهئ وين بيبي
فيصل/كمر اتي مو طفلة كافي زعجتيني بما فيه الكفاية
كام من يمي منزعج والله راسي دا يوجعني طلعت بيبي من الحمام
ام خالد/ها يمة صح النوم حبيبتي
كمر/بيبي راااسي دا يموتني
ام خالد/اسم الله الزهرة يمة شبيج حبيبة
كمر/بيبي اااهئ راسي رح ينفجر
ام خالد/كومي وياية
جرت ايدي وكومتني طلعنة من الغرفة زاد الالم عدي ها رح اموت ماشاء الله
راحت بيبي لغرفة فيصل ما تكدر تصعد لخوالي لان هي عربانة
فيلص/ها يمة شبيج
ام خالد/يمة اركض صيح عمك ابوك حضر السيارة اخذو كمر للمستشفة راسهة دا يوجعهة حيل ستعجل وليدي
كعدت بلكاع ابجي وضامة راسي اجة فيصل يكلي شبيج ماكدر احجي كام من يمي راح جاب شالي وبيبي طته عباية منهة اجاني لبسني ما الحك عليه حط العباية على راسي صدفة طلعت رهف من غرفتهة تخبلت البنية ثواني ولبست اجتي كومتني وية فيصل بس دموعي الي يطلعن مني نزلنة ركبنة بلسيارة السودة الي شفتهة اول مرة
رهف تقرة على راسي محد ويانة بس احنة وصلنة للمستشفة طبك السيارة اجة فتح الباب نزلني ويضم بية ويلفهة علية وعينهة علة رهف
طبينة للمستشفة صاح عليهن للممراضات اجن حطني بكرسي متحرك خفت لان ما لمحت لا رهف ولا فيصل
طببوني بغرفة وية باقي من المريضين واحد يكح واحد نايم ونسوان موجودات اجتي الدكتورة فحصتي كالت نريد اشعة للدماغ ومفراس اني هنا صدك خفت وحيل شنو قابل اني شبية
اجن الممرضات كومني ودني لغرفة الاشعة ميتة خوف طمنتني الدكتورة وكلتلي لتخافين ماكو شي سوتلي وشغلت جهاز الاشعة
ما دري شنو شبيهة ضلينة اني ورهف برة ننطر راسهة يوجعهة وحيل نوب الحلم مجلب براسي ناخذهة ويانة لا يا ربي ان شالله ما يتحقق الحلم
خلصو اشعة وكالو للمفراس رح ناخذهة واحنة وراهم والله يستر
يتبع....