البارت واحد
بْآرتٌ تٌعرف بارت الآۆلْ 1َ
مرحٍـبْآ رجٍعتٌ آلُگم بْقَصٍةّ حٍـلُۆةّ ۆمخـتٌلُفَةّ آلُبْطًلُةّ نْتٌعرفَ علُيَہةّ
💞ہلُۆ آسمي ((رهف)) وعمري 20 سنة وانة مرحلة اولالى.وشكلي. بنضري طبيعي بس الكل يكول غير هل كلام انة طولي 169 وانة موسمينة ضعيفة يعني جسمي يخبل وخصر،حلو اما شكلي هوة عِنۋۋۋ♡̷̴̬̩̃̊نيّے وسط لونهن عسلي غامق وشعري هم. عسل
البارت الاول
المجنونة والهيبة...
رهف/گگگگممممممممرررررر كععععدي ولج
گمر/وسم خليني اضل مطمووورة
رهف/وللللج كعدي كافي صارت الساعة بلتسعة
گمر/انعل ابو الساعة اليوم سبت عيفيني ولج
رهف/قندرة كومي نساعد امي دا تشتغل وحدهة
گمر/انتي روحي اني نعسانة
رهف/شنو من نوم اليل ماكفاج
گمر/جنت اكل الكتب بليل
رهف/اووف منج نص ساعة واجيج اخبلج
گمر/عود ميخالف روحي عني
رجعت حطيت راسي على المخدة
ههه گمر عفية ضلي نايمة النوم حلو الله الفراش دافي يخبل همم عباتلج رهف كعدتيني من حلم يجنن حطيت البطانية على راسي الغرفة باردة والفراش ناعم ودافي حبجي من الفرح على لا شيء
احجي واني مغمضة ومبتسمة واضحك
اليوم سبت اي ههه اممم ضلي نايمة الساعة بلتسعة هاااااااااااه تسسسسسسعة تسسسسسعة لاا لاااا
كمت من الفراش ركض عثرت بجنطتي بلكاع وكعت
گمر/رهففففف
رهف/حيييل
گمر/اااخ ايدي نعلالا ولللللج تاخرتتتتت اللللللله يزحلقج يرهف
رهف/اليوم سبت عيفيني نايمة ننن
طلعت من الغرفة اني وكفشتي وملابسي المخربطة وافرك بايدي لان توجعني
نزلت ليجوة لكيت رهف ناصة دا تمسح رحتلهة دفعتهة وكعت
گمر/هههههه ربي دزني حتى ازحلقج حيييل
رهف/اليوم اننني اللللج
گمر/يمممممممااااااا
ام رهف/ولج ولجن سكت يا يا فضحتنة الجوارين سمعو صوتجن
گمر/يمة يمة اااهئ رهف رح تاكلني
ام رهف/ولج يمة رهف ستري علينة ترة هاي عايقة
رهف/يمة دفعتني وكعتني على راسي واني اسمح
گمر/تستاهلين
رهف/تعالي ولج
گمر/يما يما
ام رهف/ولجن شجاجن ها تخبلتن من صباحيات الله
گمر/رهوووف
رهف/وجوووعف
گمر/الي يوجعج شبيج بومة دا اصالحج
رهف/ماريدج تصالحيني بومة
عافتنة ورجعت للبيت تكمل مسح اني كعدت على الكاونتر ابعد الكفشة مالتي عن عيوني امي لتفتت علية
ام رهف/وتالي وياج وية خباثتج ها
گمر/شسويت يا يمة هو دفعتهة وكعتهة على راسهة
ام رهف/بعد كسري راسهة وكولي شسويت ولج يا امي الي بكدج
گمر/مزوجات ومخلفات وصاير عدهن احفاد ولازمات بويت ورجولتهن وجهالهن ومايطلعن صوت مو هيج تردين تحجين حفظتهن..هاا ها لتخزريني هاي كل مرة تكليلي هاي الكلمات
ام رهف/وما تمشين عليهن
كمر/بس اني ما مزوجة هههههاي
ام رهف/تردين تعرسين
كمر/اي ليش لا ههههه...لا لا اااخ
ضربتني على رجلي بجفجير
گمر/يمة
ام رهف/شكو
گمر/تعالي يمي شوية
ما اجتي يمي عرفتني ليش اريدهة تجي يمي نزلت من الكاونتر ورحت وكفت كبالهة لزمت راسهة بايدية ورفعت راسهة شفت ركبتهة حمرة
گمر/يمة ابوية ضربج من جديد
ام رهف/لا مو ضرب شو وخري التمن رح يحبب
گمر/عيفي التمن وجاوبيني ابوية رجع ضربج
رهف/اييي ولج گمر ضربة الصبح قبل لا يطلع لشغل
گمر/يمة الى متى تضلين مستحملته ها ليش ما ترفعين علية دعوة
ام رهف/يمة سكتي عني شنو احنة وينة وين الدعاوي وتشتغل الفضايح ونصير سالفة بحلوك اليسوة والي مايسوة
گمر/يمة ما يهمنة الناس معلينة بيهم حياتج لو حياة الناس ها يمة طلگي منه والله هو ما يستاهلج وانتي بعدج صغيرة يمة فدوة سمعي كلامي ورفعي عليه دعوة
ام رهف/گمر بتي روحي عدلي وجهج وغسلي ونزلي تريكي اليوم مو عدج اضافي؟
گمر/ماشي يمة رح اسد الموضوع وبعد ما فتحه ابد ومن توصل عدج انتي احجيهة اروح اجفن وراية روحة للمكبرة
رهف/لا الٰه الى الله
گمر/محمد رسوووول اللله
رهف/هههه روحي حمارة
گمر/لتغلطين ترة هسة اجي ادفعج من جديد
رهف/اكسر الميز على راسج
صعدت ليفوك واني اضحك وصلت للغرفة سديت الباب ختفت الضحكة من وجهي اووف يا يمة الله يساعدج على هاي حياتج ما تستاهلين هيج يصير بيج
هلللاااو يا حلوين شلونكم صباح الخير اذا عدكم صبح ومساء الخير اذا عدكم ليل اني گمر ولد ههه لا لا اشاقة اني بنية من بابل اهل الحضارة والاثار واسد بابل الي مشخبطين عليه مكتوب حمودي قاهرهم ياااا شوف اني شدا احجيلكم
مواصفاتي بيضة على امي مو سمرة على ابوية والحمد لله عيوني عسلي فاتح للاسف على ابوية عيوني كبار ورموش على امي خشمي ماحجي عنه رجاءً ههه حلكي حلو اني طولي لا كصيرة ولا طويلة وسط ماكول اني ضعيفة اووي لا عيني اني مربربة بس بشكل حلو والله جسمي متوازن
شوفو اني اموت على الشعر الولادي والكصير هيج العشق مالتي بس امي تحب الشعر الطويل ومتخليني اكص شعري حتى رهف اختي ممنوع ماكو كص شعر توخرين الاطراف عادي بس اذا شافتني كاصة شعري تحط المكص بعيني رقيقة نبع الحنان فديتهة
ف شعري طويل وللاسف وهو كثيف وجوزي فاتح
اختصرلكم عن حياتي شوية اني قبل فترة جنت مخطوبة من ابن عمتي التحفة بس ما رضيت وفركشت كلشي سويتلهم عرس بومين كالو بطلنة ههههاي فديت نفسي عووع شكابل منه جهرة هنداااام ماحجيلكم على شكله اسمر هو صح خلقة الله بس اسمر او اسود هخخخ اي والله وما مخلص عدادية وارعن وابو بنات ويدخن هو ابن عمتي الوحيدة ويانة واكره اموت منه واني المرتبة واخبل اخذ هيج انا الملكة هاهاها مقهورين هسة احنة حاليا بسنة 2018
رهف/گمممممممر
گمر/هاااااا
رهف/ترديييييين شكررررر لو سمممم مال امهااات بريص
گمر/حبيبتي حطي شكر لان اخاف عليج تسسممين من السم ههها اين الجبهة
رهف/يا سحلية
كمت للحمام طبيت غسلت وطلعت رحت لتلفوني اخذت صور اكيد بكل حاجة اخذ صورة بلمطبخ وبلشارع وهسة اني طالعة مزة بلمشنفة وشعري نازل مبلل اخذت صور وتصلت على صديقتي المخبلة رقم ثنين
گمر/مرووووش
رعد/ولج گمر
گمر/مروووش صرتي رجال شبيج
رعد/ولج يا ولد
گمر/انتي ولد
رعد/رح اطلعلج من التلفون شبييج
كمر/اوف عيني ام شوارب شبيج تصيحين اكلج هاي شمتعشاية بليل بحيث هيج صار صوتج
رعد/ولج مجنونة هذا اني رعد
كمر/هااااه رعووودي هذا انت
رعد/لا جدي لعد منو
كمر/ههههخخخخ جدك تحت الارض
رعد/لا ولج بعده عايش
كمر/اوف اوف بعده
رعد/اي
كمر/هنيالك عدك جد
رعد/ويعني شرايدة
كمر/بيعلياه
رعد/مقعد
كمر/لا لا لعد اذا هيج ماريده خلي يمك
رعد/هههه خبلة
كمر/وينهة مروووش
رعد/مروش دا تغسل صارت تكمز بلحمام تكلي جاوب لهاي صخلتي
كمر/اني صخلتهة يا مطييييي
رعد/هاي علية
كمر/لا حشاك خوية هاااي على ااااختك الحيوانة
رعد/هههه وثول الثولجن
كمر/كلهة لاختك شوية واجيهة
رعد/ماشي هلة بيج لا تجين
كمر/وبيك والله اجي واجي واجي باي
رعد/ههههه باي
كمت للكنتور سويت دراما واني دا افتح باب الكنتور
گمر/مهما صااار حبقى احبك يا بعد نظر عينييييي
رهف/فكست عينج سكتي صوتج يلعب النفس
گمر/اني كلساع طالعة علية شبيج
رهف/صوتج مالي البيت
گمر/مقهورييين من الملكى
رهف/يلة عيني يكوين نزلي برد اكلج
كمر/ايوا جاية
لبست بسرعة صدرية وقميص اني من جسمي بي معالم انوثة البس ملابس عراض استر كلشي عريض صدرية بلوزات قمصان
حطيت شالي مثل العكال على راسي الكب لفيته على ايدي والدنابيس بلحكي اتوقع هاي الحركة مال الدنابيس كل البنات يسونهة
نزلت جوة شمر الحذاء بلكلدور نظرات رهف بدهة تموتني لان هية توهة خلصت تنظيف طلعت الهة لساني بمعنة حمسي ههه
رحت اكلت
گمر/يمة البيض بي زفورية
ام رهف/يمة هو ريوك اكلي الي يكفيج منا للغدة
گمر/اي يمة بس تدرين البارحة شفت بليوتيوب هو اذا تريد توخر الريحة مال البيض حط فلفل ابيض وسلميلي على الزفورية
ام رهف/ماشي عود على المرة الجاية
كمر/يلة اني شبعت لج رهف تعالي غسلي المواعين
رهف/اجيت لحظة شنو ولج
كمر/ههههه اشاقة وياج
رهف/لا لا عيدي جنت بلكلدور ما سمعت عدل عيدي ماطول اني يمج..ها شو صرتي هلكدودتج
كمر/جنت اكول تعالي خلي اقر عيني بشوفتج يحلوة امووح
دمغتني وشالت المواعين صدك اختي حلوة تشبهني بس اطول مني رحت لمراية السنك لبست شالي اكيد امي طتني محاضرة ليش تحطين الدنابيس بحلگج واني اكلهة اي وماشي وان شالله هاي الحركة ادمان عندي
صعدت ليفوك حطيت عطر اني مهوووسة بلعطور اي عطر يعجبني اروح ادور عليه والكاه مايهنمي رجالي نسائي اهم شي اخذه حطيت عطر وجريت جنطتي اليوم اضافي رياضيات وعربي سوف اذهب لكي ارقي دماغي
بلعلم ااه يا زمن مال هسة ارجع انام عشقي النوم اذا شافوني زعلانة بس يكلولي روحي نامي افرح
اخذت تلفوني حطيت سماعاتي باذاني نزلت لبست حذائي سلمت وطلعت
فتحت اغنية هيفاء وهبي توتة توهة نازلة ماصالهة سبوع صرت مخبلة بيهة
مشيت للفرع الثاني لبيت مروة مجنونتي وصلت يم الباب فتح الباب رعد دمغني كرصته من ايده اني معتبره رعد اخوية الي امي ماجبته شقة بيناتنة صديقي واخوية
طبيت للبيت سلمت على ام مروة ورحت صعدت لغرفة مروة لكيتهة كاعدة تلبسي صاحت يبو منو طب علية اني بدون ما اجاوب رحت كعدت على فراشهة واكلب بتلفوني هية ضلت تحجي علية وتفل
گمر/عمي ما باوعنة شبيييج
مروة/ولج غير دكين الباب
كمر/بقيفي والله
مروة/امنيتي اشوفج فد شوية عاقله ومو مشيطنة
كمر/ههههه ابد يلة لبسي تاخرنة بعد نص ساعة وتجي ام كرش
مروة/اي والله
بدلت واجتي كعدت على ركبهة كبالي طتني دنابيس وكعدت اسويلهة شالهة خلصنة وطلعنة تمشة ويانة رعد للمدرسة
طبينة للمدرسة
گمر/لج امييييييييرة اليوم احط راسج بلرحة
مروة/ولج عيفيهة هاي تخبلتتتي
گمر/ماشفتي شلون تخزرني
مروة/شلون
گمر/هيج
مروة/هههههههههههههههههههههههههههههه شلون ههههه
كمر/هيج
مروة/على كيفج وية عيونج دادة عيفيهة هاي مخبلة امشي نروح للصف
كمر/اخ عيني اليمنة كامت توجعني
اميرة/اووف شوف الزعاطيط ههههه هم عدهم اضافي
گمر/وشعدهن الراسبات وية الزعاطيط
مروة/بوووووم نقصفت
اميرة/منو كلج اني راسبة ولج
كمر/مايحتاج احد يكلي انتي مبينة من شكلج حبيبتي سنة الجاية بلمسائي اوكي ف حاولي وية السادس هل السنة مو جاية تتفيك على الذكيات
جريت مروة ورحنة لصفنة احنة خامس عدادي وهية جماعتهة بلكلية وهسة هية بصف سادس عدادي عدوتي اكرهة اموت منهة اتخبل منهة مو احس نفسي حميت زايد كافي مو..اوكي كافي
صار الاضافي وخلصناهن الاضافي كله حاطة السماعات باذاني لان اني قاريتهن البارحة ودارخة ام المادة وتجي هاي ام كرش تكلي قريتي وان ماقريتي ماينقص من راتبي شي بدي اروح ادوس بكرشهة
طلعنة اني ومروة رجعنة للبيت
بس طبيت اسمع كابة العيطة يا سااااتر
طبيت لكيت ابوية لازم امي ويجر بشعرهة ورهف تبجي تريده يوخر عنهة ما تكدر
گمر/يمة يمة ببووووووية هدهة بوية عيفهة شبييييك
ابو رهف/انتي نجبي
لزمني من ملابسي وطاني راشدي ورجع لامي يجر بيهة رجعت ابعده عن امي ما تحمل اشوفهة تتالم واظل ساكتة طبيت بناتهم دفعت ابوية ليورة ودخلت رهف وامي للصالة وقفلت الباب عززة شكد ضل يضرب بلباب امي تون من الضرب ورهف شابكتهة وتبجي وياهة اني الدمعة بعيني واكفة بضهر الباب صح مقفولة بس ضربه قوي على الباب خاف يكسرهة ويطب ضليت يم الباب
عظامي يرجفن كلبي يدك بظهري من الخوف حلكي نشف دموعي صارن يطلعن ضل يدفر بلباب ويفشر ويغلط ويكفر سديت اذاني وكعدت بلكاع اللهم احنة بريئين من كفره
اخر شي طلع من البيت طفرت ليبرة رحت قفلت باب المطبخ وجبت مي لامي ولرهف رحتلهن بلصالة شربتهن بايدي
گمر/يمة ليش ما تمشيييين بكلاااامي ها
ام رهف/ولج شسوي ها شسوووي اني احبه هذا ابوج ولج جزء من روحي
گمر/ شوف امي شدا تحجي يمة مايحبج يمة مايريدج دا يضربج فدوة اروحلج امشي نروح لبيت خالتي ام مروة حتى يحس بوجودنة ويتندم
رهف/كمر بعد ما يحس بوجودنة
كمر/لا يحس صدكني
ام رهف/ااااهئ يا ربي دخيلك
رهف/كمر ابوية جابلهة لامي اوراق الطلاك
كمر/شنو؟! اوراق طلاك لا بشرفج
رهف/اهي يمة بعد كلبي سكتي لتبجين ليصير بيج شي
كمر/وين الاوراق
رهف/بلكلدور بلكاع
كمزت من مكاني طلعت من الصالة رحت للكلدور شفت اوراق بلكاع رحت كعدت يمهن لزمتهن قريتهن طلاك وابوية موقع عليهن مادري ليش دموعي رجعن نزلن من جديد اني بلاصل جنت رايدة امي تطلك منه ماريدهة تبقة يمه مايستاهل جمالهة واخلاقهة ومحبتهة اله بس يعني ابوية ما رايدهة وبلاضافة احنة مارايدنة اني ورهف لان مكتوب البنات وية امهن كمت للصالة
گمر/ليش ضربج اذا هو يريد يطلكج
رهف/ولج امي كالت متريد تطلك وهو صار عصبي ولزمهة ضربهة وضربني وانتي اجيتي كملت السبحة عليج
اباوع على امي شابكة رهف وتبجي واديهة مخدشة وجسمهة احمر وهية بعدهة صغيرة لا وميت لا رح لجنطتي طلعت قلم جاف من جنطتي
حطيت كتاب جوة الورقة والقلم فوكاهن كعدت يم امي جريتهة من حضن رهف
گمر/يمة شتري كرامتج يمة خلاص ابوية ما رايدنة كلنة مو بس انتي فدوة ارولحج وقعي يمة لتضيعين شبابج الباقي على رجال ما يريدج
ام رهف/ولج يمة اني احبه لابوج شلون ترديني اعيفه واروح ها ونوب طلاك
رهف/يمة هو لو يحبج مثل ما انتي تحبي جا ما مد ايده عليج جا عاملج مثل الملكة مثل معاملتج اليه يمة حياتنة وحياتج على هاي الورقة
لزمت ايد امي حطيتهة على كصتي ماريد ابجي اني جنت رايدة اوراق الطلاك وانجي امي من جهنم ابوية جسمي يرجف بس ميخالف
ضلت امي تبجي اخر شي لزمت القلم ووقعت واخيرا حسيتهة فتكت من حبال الزواج الي تربطت بي سنين
كمت بست راسهة رحت لغرفتي طبكت الباب كعدت بلكاع اووف يا ربي خليني قوية اني قوية واني اردد كلمة اني قوية بجيت ابوية ما رايدنة
حطيت ادية على وجهي وابجيت حرامات اب ماعده رحمة بكلبه لا على مرته ام بيته وحبيبته ولا على بناته الي هنة قطعة من روحه ومن لحمه ودمه
كمت من مكاني رحت جبت جنطتي حطيت بيهة ملابسي وغراضي كلشي احتاجه طلعت من غرفتي لكيت رهف محضرة غراضهة رحت لغرفة امي يبعد روحي يا يمة تبجي وتشيل بغراضهة رحت اساعدهة واحاول اسكتهة المشكلة مو هنا المشكلة هم تزوجو عن حب شردو ثنينهم وتزوجو عافت اهلهة وهو عاف اهله وتزوجو من جانو صغار امي جابت رهف بعمر 14 سنة واني وراهة بسنة حقهة تحبه بس هو كالب عليهة وعلينة كام ما يطيقنة
شلنة الجنط ونزلنة دا نطلع امي ضلت تبجي وتباوع على البيت شبكناهة اني ورهف طمانهة انو الجاي رح يصير احسن وامي تكول الله كريم
طلعنة من البيت وصلنة لراس الفرع
گمر/ها يمة نروح لبيت خالتي ام مروة
ام رهف/يمة تعالن وياية
رهف/ناخذ تكسي؟
ام رهف/اي
كالت اي مسحت دموعهة وجرت نفس اني ورهف فتحة عيونة وبتسمنة على تغير امي
رهف/يمة هاي انتي؟!
ام رهف/اي ليش
گمر/سلامتج يا نبع الحنان
اجتي سيارة وكفناهة وصعدنة بيهة ابو التكسي ضل مستغرب على الجنط عباله رايحين للمطار يا مطار ولك
ام رهف/ابني للچفل
رهف وكمر/چفل؟!!!
ام رهف/بعدين تعرفن
اني هنا شلت هم بكد الدنية الجفل بغير ناحية يعني دراستي انساهة مدرستي ومدرسة رهف اوووف يا ربي عضيت على شفتي ام اشرتلي بعيونهة بمعنة هدئي
رهف بهمس/اني ماكاتلني شي بس كلبي محروك على التنظيف الي نظفته للبيت من الصبح غسل
گمر/ثول ومدارسنة
رهف/يلة عيني يا دافورة ومدارسنة خلينة خلصانين
گمر/بعد ما شوف مروة
رهف/شبيج جوز يرجعون يصالحون ويزوجون ونرجع بس هسة كليلي شعدنة بلجفل واحنة مالنة احد عرف بس ام مروة وعمتي بغداد
گمر/والله علمي من علمج لا اعرف ولا اريد اعرف خلي نشوف ست الحبايب شرح تسوي
بلتكسي شكد طكينة صور اني ورهف فرحانات خلصنة امي من ابوية
.... يتبع