الفصل 66
66 ))___________________
عبدالله : أهااا قتلي رجعت لعبدالسلام !!
سعود بقهر : اييي والله ياعبدالله كنت ناوي ألعب فيها لععب بعدين أرميها
ناظره عبدالله بنص عين .. وكمل حكيه بقلبه : الحين ميس رجعت لعبدالسلام وسعود مايقدر ياخذ ميس خلاص يعني خربت خطه ألف .. ننتقل لخطه باااء والحين أغلى ماعلى تولين احمد وإياد .. وإياد صعب الوصول له لكن أحمد ( أبتسم بشر ) والله لا أنتقم منك ياتولين والله !!!!
____________________
غير ملابسه .. وهي قاعده على السرير أو بالأصح منسدحه وتسولف عليه لأنها بالأشهر الأخيره ماتقدر تطول بالقعده تتعب ..
لورا : الحمدلله وهذا لميس تزوجت .
بدر : أيييه الحمدلله أحس أني تطمنت عليها مع فيصل !؟
لورا : فيصل رجال وماينخاف على لميس معه مضمون حقها إن شاءالله وأهم شي أنهم يحبون بعض .
بدر أنسدح .. جنب لورا
وفتح لها يده .. وحطت راسها على صدره وحاوطها بيده ..
لورا : أقول بدر
بدر : عيون وقلبه ورحه آمريييه وش بغيتي ؟؟
لورا : اووو لالا انا كذا مااقدر
بدر : ههههههههه يعني ماعاد أدلعك ؟؟
لورا : مو قلت ماعاد تدلعني بس أخاف أتحمس وأولد على سريرك
أنفجع بدر : لالالا خلاص وربي بعقل
لورا : هههههههههه أيوه ماتجي إلا بالعين الحاره
بدر : لورا
لورا : عيونها
بدر : الولد اللي ببطنك وش مفكره تسمينه ؟؟
لورا : والله أنا متشفقه عليه كثييير ولا فكرت بالأسم للحين
بدر : أنا مفكر بــ ببب
لورا : بأيش ؟؟
بدر يبغى يستفزها : أممم
لورا عصبت وصرخت : بددددددر
بدر : خلاص خلاص .. مفكر بــ نواف
لورا : والله حلوو وأسم خفيف وجميل .. أمم أيش معناه ؟؟
بدر : المرتفع والعالي والطويل .. تجي بهذا المعنى
لورا : اهاا والله حلوو معناه .. بس مو كان فارس أحلى .. أوو بسام ؟؟
بدر : لاااا نواف
لورا : خلاص بدر لاتعند لازم نختار أسم نتفق عليه
بدر : أمممم أوك خلاص أختاري اللي يعجبك
لورا : بدددددددر
بدر : هههه عيونه
لورا : لاتسوي هالحركات
بدر : أوك .. بس بسام حلوو
لورا : يس بسام حلو و معناااه أحلى ..
بدر : أيش معناه ؟؟
لورا : معناااه كثيير الأبتسام
بدر : خلاص عجبني صراحه أنا أبي ولدي يضحك على طول
لورا : هههههههه .. مايصلح يضحك على طول
بدر : إلا ولو كشر بتهاوش معه
لورا : منتب صاحي والله .. خله بحاله
بدر : هههههههههه عاد أنتي صدقتي كيفه لو يبي يرمي نفسه بالبحر ماعلي منه
لورا : يممممه ولدي بددددددددر
بدر باسها : ههههههههه وربي أمزح مدامه طالع منك أكيد بحبه ويكفي أنه طالع منك وماخذ من حلاك
أبتسمت وغمضت عيونها وغطت بنوم عميييق على طوول ..
وبدر ظل يتأمل بوجهها ويدعي أن ربه يخليها له ..
- ياعاشقيـــن أرحموو الحـــب شي عظيــــم !!
________________________
الصبح ..
قامت .. وتروشت .. ولبست فستان ناعم خلت شعرها ينشف .. وحطت قلوس بس ماتبي تحط ميك أب ..
وطلعت للمطبخ وسوت فطور مشكل وحطته على الطاولة ..
وراحت للغرفه .. وجلست جمبه على السرير ..
لميس : حبيبي
فيصل قطب حواجبه ولف على الجهه الثانيه ..
لميس حبت تستنذل معه شوي .. وقرب لأذنه وهمس ..
لميس : فصوولتي حياتي
وماامداها قالت إلا هو لاف عليها وماسكها مع خصرها ..
لميس : يمممه خلاص خلني تووبه وقسم مااعيدها
فيصل رافع حواجبه : الحين أنتي تعرفين أن أنا مااحب أحد يقرب لأذني بهذا الشكل
لميس بدلع : بسس أنا مو أحد ؟؟ أنا حبيبتك وزوجتك
فيصل بذوابان : وه وه أروووح فدوه أنااا وش رايك بس نرجع ننام
لميس تفلتت من يده وهي مغمضه عيونها ومقطبه حواجبها .. وتأشر بأصبعها السبابه على دورة المياه ( يكرم القارئ ) : يالله يالله قووم بس غسل .. بعد ماتعبت نفسي وسويت لك فطور تقول نرجع ننام من جديد
فيصل ضحك على شكلها وحب يرجع حركة النذاله لها ..
قام من السرير وسرق بوسه سريعه من شفاتها ودخل دورة المياه ..
لميس أستوعبت وفتحت عيونها ومالقت أحد بالغرفه وعرفت مى بسرعه : فييييصل أنا أوريك بس تطلع ..
فيصل يكلمها من داخل دورة المياه : اوك أطلع بعدين نتفاهم .. ونشوف مين يربح بالاخر .. بس أنا إذا ربحت الهوشه برجع انااام أوككي .. هههههههههه
لميس صرخت فهمت عليه : قليييييييييييل أدب أنت
فيصل : فيييه وحده بأول يوم زواج تكلم زوجها كذا
لميس : موو أنا أتكلم كذا
فيصل : إلا
لميس : يبقى فييييه
فيصل : اوكي فيه يعني فيه هههههههههههههه الله يخس بليسك !! لاتخليني أضحك داخل الحمام ( يكرم القارئ ) أخاف يدخل فيني شي ترا أطلع لك واحد ثاني مو فيصل ..
لميس : أقووول ترا الفطور جاهز
فيصل : هيييين أنا أوريك بس أطلع ..
وسمعت صوت الدش أنفتح .. وأبتسمت وطلعت برا الغرفه .. وجلست تستناه ..
بعد ربعد ساعه طلع فيصل .. لبس وتضبط .. وطلع برا الغرفه .. ولقى لميس تنتظره .. قاعده على الكنب وملقيه باب الغرفه ظهرها .. باسها مع خدها
فيصل : صباحيه مباركه ياعروس .. كذا يقولونها صح
لميس فيها الضحكه : لاااا صباح الخييير كان ماقلتها
فيصل: هههههههههه لوك خلاص قلتها أرضي عاد
لميس : لييييه ومن متى زعلت منك عشان أرضى علييييك ؟؟
فيصل أبتسم لها بحب .. مسكت يده لميس ومشت معه لطاولة الأكل وكان عليها مالذ وطاب ..
فيصل بتساؤل : الحين هذا كله أنتي مسويته ؟؟ ولا طالبتيه ومضبطته بصحون
لميس بضحكه : إلا وربي أنا ليييه
فيصل : مااعرف .. امم قلت عروس ماهي قاعده تسوي فطور ؟؟
لميس : كرمال عيونك أسوي المستحيل
فيصل ذاااب معها وقرب لوجهها .. وهي حطت يدها على فمه
لميس : لالا أقعد كل وبلاش هذي الحركات
فيصل قعد : ههههه أوكي ..
______________________
فـــاصل متابعيني .. لخاطره أعجبتني حيييل .. وحبيت أنقلها لكم ..
في فرق بين :
بنت تبكي اخر الليل ; عشان حبيبها خانها !
وبنت تبكي اخر الليل ; لأنها ما معها فلوس حق عملية سرطآن !
وتلقي البنت الي خانها حبيبها دائما حزينه!
والبنت مريضة السرطان دائما تحمد الله وتضحك !
مو كل دمعه تنزل يعني تستحق انها تنزل !
قولوا الحمد لله الذي عافانا مما ابتلا به غيرنا
^ الحممدلله '
________________________
العصر كلهم أتفقو يطلعون الملاهي ... وفيصل كان رافض وأن هذا اليوم من حقه لكن لميس أقنعته .. وطلعو كلهم سوا .. طبعا بس جيل الشباب ..
قصو التذاكر ودخلو ..
تولين : انا اليوم بنهبل ..
لميس : لااا والله تبين أبوي يذبحنا
تولين أبتسمت : مو صاير الي الخير
لميس : والله من هذي البسمه أثبتي أنك بتجيبين العيد
تولين قطبت حاوجبها وسوت نفسها معصبه : لو سمحتي تكلمي كويس مع المحاميه تولين
لميس : ههههههههه تكفييين
تولين : بتشوفين بتحتاجين خدماتي بيوم من الايام وبرفض أساعدك
عمر : بسسسس أنهبلتو أنتم
تولين ولميس ناظروه وسوا قالو : ماعلييييك
عمر : أعوذ بالله
مشاري : أنا أبي أتخيل أنكم أنتم يالثلاثي متربين ببيت واحد والله مااقدر أتخيل
أحمد : من جد مايصلح
تولين : والله الحقيقه أننا رابين المهم الحين أنا أبي ألعب !!
رامي : أوك يالله تفضلي ست تولين
تولين أبتسمت ومشت ..
نادين وقفت ولفت عليهم : اسمعو الحوامل يقعود على كرسي ولا يتحركون منه
لميس بضحكه : لاحرام أخاف الكرسي ينكسر
تولين : ههههههههه
لورا تخصرت : وش قصدكم ؟؟
نادين : هههههههه لا والله أخاف تصير حالات ولادة بالألعاب عاااد صاحه أنا مااعرف ألد ؟؟
لميس رفعت يدها : ولا أناااا
تولين كانت منزله راسهابالأرض ويوم رفعته أنفجعت الكل يناظرها : هاااه وشو انا مااولد وش شايفيني ؟؟ أصلا هي لحالها رععب وووو وعععع
بدر : ههههههههههه
لورا لفت على بدر : لااه وتضحك بعد
بدر : وشو تبين أولدك .. أبشري ولا يهمك
عمر طارت عيونه : إلا أننننت أخاف تجيب العييييدين بعد مو بس العيد
بدر : أقووول ضف وجهك حسبالك تعرف أنت ؟؟
عمر : أنا أعترف أني مااعرف
غلا : أقووولسويتوها سالفه .. أصلا حنا بنقعد .. ماحنا أطفال نلعب
ميس : ايييييه هذا من ورا قلبك .. ولا أنتي شفقانه على اللعب ( وتحك أصابعها ببعض وترفع حواجبها )
غلا : لاااا
تولين : إلا .. وثانيا مو بس الأطفال اللي يلعبون ؟؟
العنود : يكفي لاتقهرينها أخاف يصير لها شي الحين ونتورط هههههه
تولين : من جدد هههههههههه
غلا بقهر : أشووووف فيكم يوم أنتم الخماسي ..
تولين طارت عيونها : أعوذ بالله .. لالا مابي
الكل ضحك على ردت فعلها ..
وتولين ركضت للشوايه لأنها هي اللي كانت قدامهم .. وماكان فيها إلا مقعد واحد فاضي والباقي مليان وركبت فيه تولين وسكرو الباب
لميس طارت عيونها : شووفو النذله
رامي : ههههههه الحين بتنزل دايخه صاحيه هي تلعب هذي ؟؟
عبدالسلام : ههههههه نشوف ونحكم ..
بدت اللعبه .. وبدت تقلب فيهم .. وإذا راحت فوق مره تولين تسوي حبتييين أو قلب بيدينها .. أو ترسلهم بوسه .. بالأخير ماعاد تسوي حركات .. ووقفت اللعه وبنزلت تولين .. وهي تتمايل يمين ويسار .. وتحس ادلنيا تدور فيها .. مسكها رامي
تولين : قلولي راسي حسبي الله عليهم !!
إياد : أحسن مين قالك تركبين فيها لحالك ..
تولين : تجرب تركب فيها
إياد : لالا مابي
تولين : هههههههه
مشو وقامو يركبون بالألعاب وينزلون .. إلين مابدت تغرب الشمس ..
أحمد : أحس بعطش بروح أشتري مويه أحد يبي ..
الكل ماان يبي توجه لأول كشك قدامه ..
أحمد : { المعذره أريد علبة ماء }
اللي كان يشتغل : { حسن }
لف بيجيب مويه .. لكن جاء واحد لابس كاب ومو واضح وجهه لأنه منزل راسه شوي .. وكلم اللي كان يشتغل وراح .. وهذا الشخص هو اللي وقف ..
الشخص : { بماذا أقدر أن أخدمك ؟؟ }
أحمد : { أريد علبة ماء }
الشخص : { يوجد لدينا عصير طازج جديد هل تريد تجربته مجاااني }
أحمد بستغراب : { حسنااا }
الشخص حط العصير .. وحط حبوب فيه .. وناوله لـ أحمد ..
مسك أحمد الكاس .. وشربه كله .. كان طعمه مقبول بس روى عطش أحمد
أبتسم الشخص بشر من تحت الكاب ..
أحمد : { شكرا }
الشخص : { العفوو }
مشى أحمد لهم وهم يسولفون وشكل النقاش محتمي ..
أحمد : شفيكم ؟؟
تولين : أنا بركب هذيك اللعبه ومافي أحد راضي يركبها معاي !!
عادل : أنتي مجنونه تبين تذبحينا ؟؟
تولين : والله ماتخوف بس بتصرخ شويات يعني ..
أحمد لف على اللعبه وشافها .. كان أرتفاعها مررره عالي .. وفيها قلبات قويه ونزلات سرييييعه ..
أحمد تنهد : تبييين تركبينها ؟؟
تولين لفت متحمسه : ييييب
أحمد مسك يدها : يالله بركبها معك
تولين : والله
أحمد : ترا بغير رايي
تولين : لالا خلاص يالله مشينا ..
نادين : لالالا أحمد ماتركبها .. يااخي أخاف عليك
أحمد أبتسم لها : لاتخافين برجع لك .. ماراح أطول
نادين أبتسمت له بس حست بإحساس غريب هذيك اللحظه وماعرفت تحدده ؟؟
أحمد : يالله تولين
تولين : يالله ..
مشو لم اللعبه .. وركبوها ..
أخذو أماكنهم .. وبدت اللعه تمشي بسرعه قويه ..
نادين تكلمهم وهي عينها على اللعبه : أنا مو مرتاحه لهالعبه ..
عمر : لاتشغلين بالك مو صاير إلا الخير ..
بالعبه ..
تولين تضحك وكان أحمد يضحك معها وكان شعوره بهذي اللعبه جميييل كان أول مره يكسر خوفه قدام هالعبه ويركبها ولا كان يرفضها من يومه صغير ..
لكن حصل اللي ماكان متوقع ؟؟
أحمد صار يشوف الدنيا قدامه دوائر .. فجأة شافها تغببش .. والدم صار ينزل من خشمه بقووه .. مسك يد تولين لأنه مو قادر يتكلم .. تولين بس لفت وجهها عليه شافت الدم ينزل بقوه من خشمه .. وراسه طاح على قدام فاقد الوعي !!
تولين صار تتصرخ وتبكي : { أوقفوووو هذي اللعببببه أرجوكم أوقفوها }
وصار تأشر لصاحب اللعبة أنو يوقفها بس هو ماكان منتبه لها !!
عندهم ..
ملاك : شوفو الفاصله تولين أيش تسوي هبلاااا وقسم !!
ميس رفعت نظرها وأنصدمت : تولين مو قاعده تستهبل تولين صادقه وقاعده تبكي أكيييد صاير فوق .. والحين هي تأشر لصاحب اللعبه
نادين نغزها قلبها : يمممه قلبي أحممد أكيد صار شي .. والله إني حااسه
ركضو للي يحرك اللعبه وقالو له يوقف اللعبه .. وشرحو له وأنهم مايدرون أيش صاير ؟؟
وقف اللعبه عند نقطة البداية بس فجأة .. وأرتاعو اللي كانو باللعبه .. ووقفت اللعبه بسرعه .. ورجعت روسهم بقوه على قدام .. وتولين فتحت الحماية حقها
وهي تصرخ وتبكي : pleez help me pleez
تراكضو كل الشباب يرفعون أحمد اللي كان مغمى عليه .. وخشمه ينزل دم قوي ..
شالوه وركضو لأقرب سيارة من سياراتهم ..
وركبوه ومشو والبنات جو مجموعات مع الشباب الباقييين !؟
والكل خااايف من المجهول ..
_____________________
بالمستشفى ..
نادين تبكي وتشهق .. والبعض ساكت .. والبعض كاتم دمعته .. والبعضض حالته يرثى لها ..
مثــل تولين ..
تناظر بالأرض ويدها وجسمها ينفضون بسرعه وبطريقه ملاحظه !!
إياد مسك يدها : حبيبتي كل شي بيصير بخير ..
تولين رفعت نظرها لـ إياد .. وفجأة طاحت على الأرض .. وغطت أذانها ..
وبدت تردد .. تولين : مابي أموت مابي أموت مابي أموت مابي أموووووووووووت
ماااااااابببببببي ..
ضمتها لميس لصدرها بقوه : هدي هدي حبيبتي
تولين : سكتوهم سكتوهم
لميس تركتها وبعدت عنها وبتساؤل : مين
تولين : هذوووولي اللي يتكلمون براسي سكتووهم .. يقولون أني بموووووت .. يقولون أني ماراح أعيش سكتوهم ..
إياد مسكها بقوه : ماراد يموت أححححد بسسس أسكتي ..
وتراكضو الممرضات وضربوها أبرة مهدئه .. وهدت ..
وضرب إياد يده بقوه على الجدار ..
وعمر حط يده على كتف إياد : هدي .. ماراح يصير إلى الخير
إياد ودمعته محتبسه بعيينه : خسرت رعد .. ماابي أخسر أحمد تكفى عمر قولهم يسون أي شي لو يبون قلبي حلال عليهم تكفى عممر
عمر ضمه .. وأنهاااار إياد ..
غمض عيونه عمر بألم وعجز لأنه مو قادر يسوي أي شي ..
بدر ربت على تكف إياد : صدقني راح نعمل المستحيل عشانه هذا أحمد مو أي أحد ..
الكل كان متأثر .. وماخذين ممر كامل .. من عددهم الكبير !!
فجأة بدو الدكاتره يتراكضون للغرفه اللي فيها أحمد .. يمكن أكثر من ثلاثه !!
تولين بدت تبكي بإنهيار ولثالث مره يشوفونها بهذي الحاله بعد موت ريان وبعد مااكتشفت أنها بنت بالحرام : انا قتلت أخوي .. أنا السبب أنا
إياد قعد قدامها على ركبه .. وهي قاعده على الكرسي .. ومسكك يدها
إياد : صدقيني أحمد بيرجع لنا !! وبيرجع نشيط زي قبل
تولين : ماتشوفهم قادعين يدخلون غرفته بأعداد هائلة ..
إياد : الدكاتره قصدك يمكن بيساعدونه
تولين هزت راسها بالنفي : لاااااا أنا عارفه أنه بيموت هم يقولون
إياد كبس بعيونه : مييين هم
تولين بدت تضرب راسها : هذووول هذووول اللي براسي مو قادعين يسكتون ..
إياد قام عنها لأنه لو قعد أكثر بينها قدامهم ..
ضمها عمر بقوه محاولة لأنها تهدا ..
وإياد أتجه للحضن الوحيد اللي يستقبله بكل وقت .. ضم كاترين .. وكاترين ضمته بقوه ..
وفجأة طلع الدكتور المشرف على حالته .. وهو مذهول !!
لفو عليه ..
الدكتور : { أحمد لقد حصلت به معجزه }
الكل أستغرب .. وتولين رفعت راسها .. ولفت أنتباه الكل ؟؟
الدكتور : { قبل يومين كان أحمد هنا وكانت نسبة شفائة من اللوكيميا لا تكثر عن 5% .. والأن أحمد شفيا تماما وليس به أثر للوكيميا ؟؟ }
إياد طاح على الأرض ساجد ..
وتولين وقفت : { والأن هل هو بخيير ؟؟ }
الدكتور أختفت إبتسامته : { ليس بالضبط }
بدر : { ماذا تقصد ؟؟ }
الدكتور : { يبدو أنه تناولشي مسموم !! والسم أنتشر في نص جسده ولكن سيطرنا على الوضع .. }
تولين ونادين بوقت واحد : { سسسسم !!! }
الدكتور : { نعم .. ولكن حالته تدل على أنه سم يبقى بغيبوبة لبعض الوقت }
لميس : { تحديدا كم }
الدكتور : { لا أقدر أن أحدد .. }
مشى وهو تاركهم .. وتارك وراه ناس بوسط حيرتهم ..
يَ خالق الراحة ، وكلتك اَمري واستودعتك همّي فبشرني بما يفتح مداخل السعادة في قلبي ♡
______________________
طلعو أحمد وحطوه بالعناية المركزه ولا سمحو لأحد يدخل عنده
بس يشوفونه من ورا الزجاج ..
نادين والدموع بعينها : شوفو كيف ذابل .. شوفو كيف نايم
كان أحمد منسدح .. وفيه أجهز مشبوكه على صدره ..
والأكسجين مغطي على خشمه وفمه .. وفيه أجهزة حوله كثيره من كثرتها ماتميزينها ..
تولين كانت قاعده على الكرسي .. وراسها طايح عل ورا .. وعيونها تناظر أحمد ..
ويدينها طايحين على الكرسي ..
لميس من بعيد حاطه يدها عل فمها : ياويلي أختي ياخوفي تجيها الحاله يوم يموت ريان !!
ميس : راح أروح أكلمها
رامي : خليك أنا بروح
مشى رامي لمها .. وقعد جمبها..
رامي بكل حنان : تولين خلينا نرجع للبيت ترتاحين شوي وبعدها أرجعك عند أحمد
تولين فجاة عدلت قعدتها وصارت تتكلم بحده والكل كان يسمع : انت كذاااااب حتى عن أحمد تبي تبعدني .. أنا مااصدقك أنت كذااااب قلت بترجعني لريان لكن مارجعتني ظليت ماسكني بقوه وهم يشيلونه قدامي .. كان بيقولي شي لكن سحبتني .. ليييييه حرام عليه ..
رامي : كان ميييت
تولين صرخت وصارت تبكي بقوه : كذااااب كذااااااب رياااان مامات ريان كان حي كان ماسك يدي .. كان يقولي أحبببببك لكن أنت بعدتني عنه أنا أكرهك بعد عني بعد .. أكرررررهك ..
ضمها رامي بقوها وقاوم ضرباتها اللي كانت تضربه على ظهره بالأخير هدت .. وهمست
تولين : لاتبعدني عن أحمد .. خلني عنده كذا أرتاح
رامي غمض عيونه بقوه ..
عمر عض شفته السفليه بقوه ..
لف عليه بدر : عمممر لاتعضض أكثر بينزل الدم
عمر غمض عيونه : أصلا كنت مزعلها هذاك اليوم ورامي وريان مرو وأخذوها .. غمز لي ريان وقال راح أرجعها مبسوطه وراضيه عليك .. لووو مازعلتها .. لو اني مانعهم !!
لميس : أششششش لا تقول كذا كل شي مقدر ومكتوب .. لاتعترض على القدر ياعمر
عمر : اليوم لو اني راكب مع تولين بدال احمد كان صار اللي صار ؟؟
بدر صرخ فيه : ماتسمع الدكتور يقول اللي صار فيه من تاثير السم اللي شربه مادري من وين جاه هالسم حسبي الله على من كان السبب ..
عمر سند على الجدار وعرف ان بدر اليوم تحسس بقوه .. وخاصه انه مان مع الحدث لحظه بلحظه .. تعقد وخاف يفقد أحمد بعد ببساطه يخاف من موضوع الموت ؟؟؟
____________________
باليل ..
كانو نادين .. وتولين قاعدين بالكرسي الطويل اللي قدام الغرفه اللي فيها احمد .. وظالين يناظرونه ..
نادين مسكت يد تولين : خلي أمملك بالله قوي راح يرجع يصحى صدقيني ..
تولين شده على يد نادين : إن شاءالله ..
توولين أسترجعت بذاكرتها لورا..
( تولين : لا صدق أحمد ما تتألم لما تاخذ الكيماوي ؟؟
أحمد : بصراحه
تولين : اكيد
أحمد : يألمني أحس أني أشوف الموت قدامي كلما اخذته .. لكن مااحاول اقول لنادين عشان ماتنشغل فيني .. )
( أحمد بفرحه : تولين شوفي شعري بدا يرجع يطلع .. أن شاءالله قريب تشوفوني عافي معافى
تولين بضحكه : إن شاءالله ياقلبي )
( أحمد : شوفي تولين من الحين نتفق أنا أزفك لـــ رامي .. وأنتي تزفيني لــ نادين
تولين : عجبني نادين .. بس رامي لا
أحمد : صدقيني نهايتك معه ! )
( عبدالسلام : رامي يستاهل فرصه )
( رامي : أحبببك )
تولين غمضت عيونها .. وميلت راسها على كتف نادين ..
ونادين حاوطتها بيدها .. وميلت راسها نادين على راسه تولين ..
وأنتهاء يومهم على أمل أن أحمد يقوم أو حتى يتحرك ..
لَـوْتِـفآآرِقْني ثَـوَآنِي أَكْتَئِب وْأكْرَه زَمَآآنِي
لَآ تْخَلّيني أَعَآآني وْإنْتَ فِي عُمْرِي شِرِيك
____________________
عبدالله بقلبه : وسقققط أحمممد وأنهارت تولين .. والحين أبي أشوف بدر منهار .. هههههههههههههه بخلي المصايب تتوالي عليكم ياعايلة الـــــ
والله مااخلي فيصل ولميس يتهنون ..
عبدالله : عبدالكريم
عبدالكريم : هلا
عبدالله : ردت لورا ؟؟
عبدالكريم : لا
عبدالله : اليوم لازم تشوفها بالطول بالعرض لازم تشوفها
عبدالكريم : بسسس أنا تعبان اليوم
عبدالله : قلللت ازم تشوفها ..
عبدالكريم : خير إن نشاءالله ..
_____________________
قاعدين سوا ودق جوالها أستأذنت .. وقامت ..
لورا لو مهما سوا يحن قلبهاعليه : هلا عبدالكريم
عبدالكريم : هلا بأختي حبيبتي
لورا : هلا فيــــك أخبارك
عبدالكريم : تمام .. وأنتي كيفك وكيف البيبي ؟؟
لورا : الحمدلله ماعلينا .. قربت الولادة
عبدالكريم : يالله إن شاءالله تولدين وتقومين بالسلامة لنا
لورا : إن شاءالله
عبدالكريم : لورا فيخ موضوع لازم اكلمك فيه
لورا :ايش هو اسمعك
عبدالكريم : لااا لازم نتلاقى برا عشان اعرف اتكلم
لورا : مدامه مهم كذا أوك وييين
عبدالكريم : الـــ ......... الساعه ك4:00
لورا : اوك يالله مع السلامه
عبدالكريم : مع السلامه ..( وسكر منها ونط مبسوط )
سكرت لورا ورجعت قعدت معهم ..
قرب العصر .. وطلعت لورا فوق مع بدر ..
لورا : بدر
بدر : هلا حبيبي
لورا : بطلع بتلاقى انا وعبدالكريم فيه عنده موضوع يقول مهم بشوف وش عنده
بدر : اروح معك ؟؟
لورا : لا يبغى يتكلم معي لحالي
بدر وافق على مضض : اوك حبيبتي بس انتبهي لنفسك وإذا حسيتي بأي شي كلمي علي على طول وين المكان
لورا : الــ .......
بدر : اوك اتطولين ترا اشتقالك ..
لورا : من عيوني ..
أخذت شنطتها .. وجت بتطلع ..
مسكها بدر وباسها بقوووه .. وضمها بقووه بعد ..
لورا : حبيبي ماراح اطول عليك نتلاقى بالمستشفى
بدر ابتسم : اوك ..
لورا طلعت ووصلت للمكان وفعلاكان عبدالكريم واقف بالمكان اللي حدده ..
طلعت لورا درج طويل .. كان طويل وعتباته نحيفه بس طويله ..
وصلت له ومسكها مع يدها ..
عبدالكريم أبتسم : زمااان عن حبيب خااالوو
لورا أبتسمت : حتى هو اشتاقلك
عبدالكريم : ههههه يالبى قلبه .. اقول لورا احس ان بعد مافكينا خطبتنا انا وتولين بعدتي عني انتي
لورا : لانه بصراحه طيحت لي وجهي مع الجماعه .. وقلت كلام مايسوى
عبدالكريم : خلاص انا اسسسف رضيتي
لورا أبتسمت : أوك خلاص رضيت ..
عبدالكريم لورا شوفي وش فيه ورآآآك ..
لفت لووورا ..
ووو ..
______________________
ترانيم عاشق
حبيبتي ..
غير كل ..
النساء
لديها عينين ..
ناعستين ..
تذوب كل ..
الاشياء
وشامة
على
الخد
تنير ليالي ..
كانت ..
ظلماء ..
وصوتها الندي ..
كأنه الناي ..
يعزف على ..
اوتار القلب ..
يكسر صمت ..
الاشياء
وفي همساتها ..
تتغير الفصول ..
تتعاقب وتدور ..
شعرها الخريف ..
والربيع في ..
وجنتيها
وشفتيها فاكهة ..
الصيف
والشهد يطرق ابواب ..
الشتاء
وانا المجنون ..
مسافرا بين ..
الفصول
محطات ..
الوكها ..
بكل ..
الجنون
همسات ..
وصرخات ..
تبعثرني ..
تشتتني ..
مابين الاكوان
وعينيها تعيديني ..
الى حقل ..
الايمان
يافاتنتي ..
يامن اجدك بين ..
النبضات ..
فوق الدقات ..
بين ثنايا القلب ..
تعتلين موج ..
الشطئان
هناك ترسو ..
كل سفني ..
على جسدك ..
ابني
وطني
2013/7/4
وܛܟღ
๘ﮩ₰ قــــائد المرســــوميﮩ₰ﮩ
__ نهاية البارت السته والستون ___________
توقعاتكم للبارت الجاي ؟؟
توقعاتكم لعبدالكريم ولورا ؟؟
توقعاتكم لــ أحمـــد ؟؟
وتوقعاتكم لــ رامي وتوليـــن ؟؟؟؟؟؟
أتمنى أن تكونو أستمتعتو بالبارت ..
أستودعكم الله الذي لاتضيع ودائعه ..
محبتكم / تايهة بزمانها ..
رواية
رضيـــــ أحبك وبس مافيه عقب الروح روح ــــــــــــــت
بقلمي ..
#88
24-08-13, 09:08 PM
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
رواية
رضيـــــ أحبك وبس مافيه عقب الروح روح ـــــــــــــــت
بقلمي / تايهة بزمانها ..
" في حال نقل الرواية لمنتدى آخر .. يرجى أسم الكاتبة "