الفصل 65
65 ))___________________
بعــد مرور أسبوع ..
ببيت أبو بدر ..
بدر : تعرفين أنا اللي بزفك هالمره لزوجك
لميس : هههه نتشرف ياسيد بدر
عمر : لاااه أنا اللي بزفها !!
بدر : لااا أخاف تصير حياتها تعيسه ( غمز وطلع لسانه )
عمر : ضف وجهك أصلا انت مخييييس
لميس : هههههههههه
أحمد : الظاهر بالأخير بيمسكك كل واحد بيد
عبدالعزيز : لا أنت ولا هو والله بنتي وانا اللي بزفها ..
لميس : خلااااص مابي بمشي لحالي .. بس أبي تولين
تولين أرمشت بعيونها : ياحياتي أنتي تفداك تولين وطوايفها ..
لميس : حبيبتي والله ..
يلدا تناظرهم من المطبخ وبعيونها الدمعه ..
يلدا ..
قبل كم من يوم انتشر خبر أنفصال تولين عن عبدالكريم .. يحياتي رحمتها يوم قالت ماابي يصير فيني زي أمي .. هالبنت مااتذكر انها عاشت طفولتها .. الله يسامحني بسس والله كان غصب عني تصرفاتي معها .. بس الحين أحاول أعوضها .. ولموستي تؤبش ألبي حددو موعد زواجها .. بعد أسبوع من الححين وياسرع الأسبوع بينتهي .. حبيبتي الله يوفقها توني أكتشفان عبدالله كان فيه كل هذي المصايب !؟ لو عارفه من زمان كان خليتها تتركه وبعد عمري متحملته عسى ولعلى يتغير .. وعمورر حبيب قلبي انبست يوم شفت علاقته بريم بدت تتحسن واحسن من أول بكثيييير وريم اللي الحين بالشهر الرابع .. لورا خلاص قربت ولادتها الله يعينها عاد مافي أقشر من الولادة .. وألم الولادة .. هههههه يحليلهم قاعدين يتهاوشون مين بيزف لميس ..
طلعت من المطبخ وتوجهت للصاله .. وقعدت عند تولين وحوطتها بيدها وتولين حطت راسها عى كتف يلدا .. ويلدا باستها مع راسها وضمتها أكثر ..
عبدالعزيز رفع عيونه وشافهم كذا وأبتسم وارتاح قلبه ..
_____________________
لورا ..
له كم يوم عبدالكريم يدق علي وأقفل بوجهه .. ماني طايقه أوفه أو أسمع صوته .. كرهني نفسي واحرجني قدمهم كلهم وبالأخص قدام تولين .. احظت لمعة الحزن بعيون تولين تألمت كثير لها .. ياربي هالبنت مدري متى بيجيها الفرج من يوم ماعرفتها ولمعة الحزن بعيونها .. ( مررت يدها على بطنها ) بديت أتعب من الجلسه الكثيره والحمل صاير ثقييل .. وأتعب بسرعه من الطلعه والنزله .. بس وأخيرا قربت أولد متشفقه لولدي وطفل يسميني ماما آآه الله يصبرني خايفه من الولادة كثير .. وصايرين يتمسخرون علي كثثثير ويتطنزون هههههههه اضحك عليهم بس أسوي نفسي قدامهم معصبه .. وبدر يضمني ويقول هذذي مزتي لحد يأذيها بكلامه ترا والله لا أوريه العين الحمرا .. آآآخ يابدورتي أحببببك ..
وحُبك ربّي يفوقُ الحديثَ يفوقُ الصور، يفوقُ الحياةَيفوقُ الضجر، ويكفي بأنك تعلمُ كل خافيةٍ ما استَتر، ويكفي بأنك تكفيني عن كل بشَر”
___________________
بالمستشفى ..
يحاكي نفسه :
يالله مشتاق لأهلي والجو هنا يخنق .. آآآه يارب ماانكر أن اول مادخلت ثرت عليهم وأنا أبي جرعه هروين وكل أبر التخدير كسرتها وضربت الممرضين .. ياربي تعذيب .. حطو علي صعق الكهرب دقيقتين عشان أهدى .. وتألمت ... أسترخيت بعدها وودوني غرفتي .. محبوس بغرفتي لي ساعه وحده أطلع أتجول بالحديقه حق المصحه لا ومعي حراسه عشان مااهرب ..
فاق من هاجيسه على دخلت الممرضه وهي تحط له صينية الأكل ..
أبتسم لها محمد .. هي ناظرته شوي وبعدها أبتسمت .. وطلعت
محمد : يالله من زمان ماحد أبتسم بوجهي كذا !!
_____________________
كــانت الساعه الــ 10:00 ص ..
وكانت قاعده بالكافتيريا حق الجامعه .. وتراجع أوراق ..
دخل من الباب ولفت نظر الكل بالخصوص البنات ..
فسخ نظارته .. ومرر يده بين خصل شعره .. ومرر عيونه إلين مالقاها وقعد عندها
رامي : صباح الخير ياحلوو
تولين وهي تناظره بنص عين : صباح النور
رامي صفر وحرك حواجبه بطريقه مستفزه : شفتي كيف أول مادخلت كيف البنات خقوو علي هههه
تولين : أي شفت مخييس أصلا أنا من يوم ماشفت حركاتك وأنا عارفه أنك جاي تتميلح
رامي يبي يستفزها أكثر : هههه أصلا لو أأشر لوحد بيدي جت تركض لي
تولين عصبت وماتدري أيش السبب : رااااامي قوم ضف وجهك برا الجامعه
رامي : ههههههه أقول مانتي طالبه لي كوفي على حسابك ..
تولين : لاااا
رامي : يبقى أنا بطلب على حسابي ..
راح سوى أوردر .. وجاء جلس .. ودقايق والكوفي جاي
وقعدو يشربونه ويسولفون ..
رامي : والله للحين ماسمحو بزيارته بس قالو أنه قاعد يتحسن كثييير
تولين : حلوو الحمدلله يارب
رامي : انتي كيفك وكيف تخصصك معك
تولين : والله الحمدلله .. والتخصص عال العال
رامي أبتسم : دوووم إن شاءالله .. أجل أنا أستأذنك
تولين : حلوو أصلا أنا عنديي محاضره الحين
رامي : يالله بروح أسلم على معجباتي وأطلع
تولين ولعت من جديد : راميوووه أعقل
رامي : سيااااا
أخذ الكوفي حقه وكان بس بيغيض تولين ..
أول وحده شافها تناظره وخاقه عليه توجه لمها وتولين طارت عيونها ..
وعطاها الكوفي حقه .. لف على تولين وغمز لها .. وهي عصبت سحبت كتبها بقوه وشنطتها وجاكيتها وقامت ..
وهو أنفجر ضحك عليها .. وطلع ..
ابتسم لحياتك .. ولكل ما هو حولك .. وفكر في كل ما يسعدك .. ولا تفكر في أمر يقلقك .. فالأمل دواء .. والقلق عناء .. والتفاؤل رجاء
___________________
عبدالسلام .. صاير وحداني هالأيام وأكثر وقته يقضيه بالأستوديو ..
فكر أنه يرجع عند أهله بالعراق .. لكن يمنعه أنه مايعجبهم عيشتهم هناك ولاتفكير الناس هناك .. وهناا ماخذ حريته أكثر .. لكن هنااا وش بقالي ميس وخسرتها وش بقالي بعد ؟؟
مشى وناظر الوقه اللي على الطاوله ..
طالبينه يحيي حفل .. ومو عارف يقبل أو يرفض !!
عبدالسلام : لو كانت ميس هنااا كان ساعدتني !! .. لااااا لاااااا ياعقلي لاتفكر فيها . أنساها !!
لا يعلم الإنسان حقاً من هُم أحبته الا في الظروف الصعبه حينها فقط يبدأ البشر بأخذ مقاعدهم الحقيقيه
_____________________
عبدالكريم معصب : ماترد ماترد !!
عبدالله : أنتظر عليهاكم يوم مصيرها بترد
سعود: والله خوش خوش للحين ألاحقها أبي أشوفها وتهرب مني تقول تحلم تتزوجني لو تبوس سابع سما ..
عبدالله : ياخي أنا ليييه أنبليت فيكم ؟؟
عبدالكريم :مو أن تصاحب الأفكار هذي
عبدالله : أييييه صح .. بس لاتصجوني واللي يعافيكم ..
___________________
العصر ..
تولين .. دخلت عليه وهو أحسها وصله معععه ..
تولين : عبدالسلام ..
عبدالسلام سكر الدرج بقوه وسكر على أصبعه : أححححح ( وهو متألم ) هلا تولين
تولين مسكتها الضحكه على شكله ..
عبدالسلام : لاا طلعيها طلعيها
تولين : هههههههههههه
عبدالسلام أبتسم : شكو ماكو ؟؟
تولين : تمام وأنت ؟؟
عبدالسلام : مو أحسن حال منك ..
تولين : ايوه أيش جديدك ؟؟
عبدالسلام : جاني طلب اني أحيي خفل غنائي
تولين : اهااا حلوو .. وراح توافق ماهيييك
عبدالسلام : والله مااتوقع ..
تولين : ليييييه
عبدالسلام : مالي نفس
تولين : عموما انا جايه أتكلم معك بموضوع ميس
عبدالسلام : لااا ماابي أتكلم بموضوعها .. اصلا أنتهت علاقتنا
تولين : ههه ألعب على غيري عبدالسلام .. أنت تعرف حكاتك صايره وزي ماتقولون لها حركات زعطوط
عبدالسلام لف عليها وهو يأشر على نفسه : الحين أنا حركاتي حركات زعطوط ؟؟
تولين : أيوووه
عبدالسلام : اهاااا حلوو .. اوك انا زعطوط وقولي لها إذا تبي تتزوج تتزوج وراح تنساني مع مرور الأيام
تولين : لااا تنسى انهااااا تحبك
عبدالسلام : لااااا نسيتي ياتولين أنك انتي مارضيتي أحد يكلمك بحب رامي لك !! مع انه كان ولازال يحبج بجنون
تولين : لاتقارني فيكم .. لانه أنا حبيت واحد ومتعلق قلبي فيك
عبدالسلام : لانك مااتبغين تنسينه .. ولانك ماعطيتي فرصه لنفسك ولرامي .. أعطيتيها للي مايستاهل عبدالكريم !
تولين سكتت ..
عبدالسلام : تعرفين أنو ريان كان قايل لي قبل مايموت بيومين !!
تولين لفت بهتمام ..
عبدالسلام بألم : " ياعبدبالسلام انا أحس أن نهايتي قريبه .. مدري أحساس داهمني فجأة .. المهم ياعبدالسلام .. انا بعد مااموت أبغاك تقرب تولين لرامي .. لأنهم يصلحون لبعض .. ويلبقون لبعض .. حاول تقربهم بأي طريقه .. "
تولين دمعت عيونها
عبدالسلام : حااااولت حاااولت كثير لكن مافاد .. والحين أنتي جايه تكلميني عن الحب ياتولين
تولين : بس أنا أعتبره أخوي
عبدالسلام صرخ : لكن هو مو أخوك مو أخوك
تولين سكتت شوي وبعدها قالتــ : الحين انت ماعليك مني أنا ورامي أهم شي أنت وميس .. ترا بتخسرها .. والله وبتندم طول حياتك
عبدالسلام : لككن هي سلمت نفسها لسعود
تولين عصبت : وميييين قالك أنها سلمت نفسها لسعود ؟؟
عبدالسلام : تصدقين تولين .. وأكلمك بصراحه أنا ماهمني أنها أغتصبت .. او اعتدى عليها .. بس ليه أختفت أسبوعين وكل مارحت بشوفها عصب علي أبوها وهزائني .. ورمى علي كلام جارح ماكنت أفهمه !! تولين أنا حبيبها كان جت لمي والله لو أنها جات لمي كان رحت وأنتقمت لها من سعود .. تولين انا مو مااحبها بس عاتب عليها خلتني مثلي مثل الغريب .. مو حنا كنا نتشارك كل شي حتى الحزن نتقاسمه .. لييييه سوت زي كذا ياتولين ..
تولين : لا تعتب عليها ياعبدالسلام .. هي مالها دخل .. لكن نفسيتها كانت تعبانه .. قصتلي كل شي وأنها حاولت تبعده لكن ماقدرت .. غصب عنها صار كل شي ..
عبدالسلام قعد على الكنب ومسح على شعره بيدينه : مدري ياتولين أحس الغصه واقفه هنيي (ويأشر على حلقه ) أحس نفسي أبكي لكن والله دموعي ماتنزل ماتنزل ياليتها تنزل
تولين حطت يديها على كتفه : أنسى كل شي .. ياعبدالسلام وروح خذ ميس قبل سعود .. لاتضيع منك
عبدالسلام : أبغى وقت ياتولين أبغى وقت ..
تولين أبتسمت : خذ وقت .. لكن أتمنى نك تفكر وتتخذ القرار قبل ضياع الوقت عليك ..
أخذت شنطتها ولبستها مايله وجت بتطلع ..
عبدالسلام : توليييين
تولين : هلا
عبدالسلام : رامي يستاهل فرصه
تولين أبتسمت وطلعت ..
* ﺳﺘُﻘﺪِﻡ ﻟﻨَﻔْﺴﻚ ﻣَﻌﺮُﻭﻓًﺎ , ﺍﺫَﺍ ﺗَﺮﻛْﺖ ﺍﻟﻤَﺎﺿِﻲ ﺧَﻠﻔَﻚ **~!!..
___________________
بعد أسبوع ..
يــــوم زواج لميـــس & فيــــــصل ..
فيصل متحمس ومشتاااق للميس .. لأن الشباب لهم أسبوع كلهم مستأجرين شقه وقاعدين فيها مع فيصل .. عشان يبعد عن لميس ..
بالبيت ..
كان البيت .. ريحة بخوور .. وللعلم الزواج مسوينه الصبح ..
لميس كان فستانها سكري .. كان كرستال على كتوفها .. وفتحت صدره سبعه بس مو كبيره .. وممن عند الصدر إلى البطن .. كله كرستال بالذهبي والسكري .. ومن تحت البطن نفشه قويه .. وشعرها كانت مرفعته وحاطه تاج صغير ذهبي .. ومكياجها كان ناعم يتماشى مع الصباح ..
يلدا أبتسمت وبعيونها الدموع : الله يوفقك يابنتي .. ويكتبك لكم اللي فيه الخير والبركه ويفتح لكم أبواب الرزق من كل مكان
لميس : ماااام لاتخليني أبكي
يلدا : لالا خلاص .. بس تراهم وصلو تحت ..
لميس أرتبكت ..
دخلت تولين : لموووس يالله وقت نزلتك .. بدر ينتظرك برا ..
لميس وقفت وهي مرتبكه .. وطلعت من الغرفه وشافت بدر ..
بدر حنى رجل تحته .. ورجل ناصبها وباس يدها ..
بدر : جاهزه ؟؟
لميس : نوعا مااا
بدر أبتسم : خوذي نفس
لميس أخذت نفس : الحين جاهزه ..
مشت تولين قدامهم ..
لميس دخلت يدها بذراع بدر .. ومسكت الورد بيدها الأبيض والكسري ..
وصلو عند الدرج بيلفون ..
تولين : ماااقدر أنزل
بدر : ليييه
تولين : لا أحراج ..
بدر : أمشي بسس عاد أنا مختار الزفه أحم هههه
تولين : أوك ..
أشتغلت أغنية ( لا إله إلا الله ) حسين الجسمي ..
وبدتها تنزل تولين .. والكل طايره عيونه فيها ويسمي عليها
كانت لابسه فستان أبيض من أختيار لميس ..
كان كرستالتين فضي محاوطين على كل كتف .. يتقاطعون بالوسط .. وفتحت الصدر دائريه مايلة للسبعه .. وماسكين كل كرستالتين وردتين بيض .. ومنثور حول الورد كرستال .. وكل صدرها درابيه بطرق مختلفه .. وعند بطنها كرستال محاوط بطنها وظهرها .. ومن تحته كسرات بعدين نازل عادي .. لابسه معه هايهيل أبيض .. من طول الفستان مو باين إلا أصابيع رجلها .. وشعرها مخليته مفكوك بس بلفات بسيطه .. ومكياجها ناعم ..
خلصت تولين الدرج ووقفت بعدها ..
ونزلو بدر ولميس .. ورجعت تولين تمشي قدامهم وهم وراها .. كانو حاطين السجاد الطويل لونه سكري بذهبي ..
نزلو درجتين لأن الصاله .. لها درجتين يعني نازله على تحت شوي ..
الكل أبتسم .. وهم يشوفونهم .. وصلو وتقدم فيصل ..
فيصل : الحين سلمني زوجتي
بدر : لااا
فيصل : أقووول
بدر : ههههه شوي شوي عليها
فيصل عطاه نظرات ..
ودخلت لميس يدها بذراع فيصل ..
فيصل : طالعه حلوووه حتى اني غرت عليك
لميس همست : وأنت طالع مزز بالثووب
فيصل : لاتخليني أتهور
لميس خافت : لالا أمزح
فيصل : ههههه
رامي خاق على تولين .. مع أن ماكانت لابسه شي مرره فخم وملفت بس هي بطبيعتها ملفته ..
شافت بنات عمها المحجبات وكل وحده واقفه مع زوجها ..
وبعدها لفت عل أخوانها بتوقف معهم ..
ولقت أحمد مع نادين
وإياد مع كاترين
وعمر مع ريم ..
تولين أحترمت نفسها ووقفت جنب رامي ..
رامي أبتسم : بكل حالاتك جميلة
تولين رفعت راسها له .. بدون سابق أنذار تعلقت عيونهم ببعض ..
بدر رجع راسه عند عمر : شوف تولين ورامي
أحمد وإياد سمعوه وكلهم لفوو ..
تولين نزلت عيونها ..
ورامي لف وجهه للجهه الثانيه وكأنهم مرتبكين ..
أحمد : لابقين لبعض
عمر : مررررره
طلعو بعدها برا قعدو بالحديقه .. والمعاريس قاعدين سوا واللي يبي يكلمهم يروح لمهم ..
والجو كان مررره جميل .. مو برد ولا حر .. جو ربيعي ..
تولين راحت عند لميس وفيصل ..
تولين : يالله يالله قومو أنبسطتو بالسواليف
لميس : وين تبينا نروح ؟؟
فيصل : أكيد شقتنا ههه يالبى بنت عمي تعرف تقرا أفكاري
تولين ناظرته : هههههه أول شي عيب عليك تقول يالبى وأنت توك عريس وثاني شي يالله قومو قطعو الكيكه ..
قام فيصل ومسك يد لميس وقومها ..
فيصل كان لابس ثوب أبيض .. والياقه حقته سودا وحول الأزارير .. مو حاط بالاصل أزارير حاط سحاب مخفي .. ولابس غتره بيضاء ومشخص .. ولحيته مغير شكلها وحاط عوارض ..
قطعو الكيكه .. وتولين تصورهم .. وشال فيصل قطعه .. وبنظراته نذاله ..
وقربها من عند لميس .. ولميس فتحت فمها بتاكلها .. وقرب منها فيصل وأكل منها معها ..
البنات صرخو .. والشباب صفرو .. أما الكبار ماعجبهم الوضع ..
لميس بعدت بسرعه ووجهها أحممر .. وفيصل ضحك ..
بدر جاء لمه وفيه الضحكه : وتضحك يالنذل مو أنا قايل لك شوي وشي عليها
فيصل : ههههههه شسوي بعد خققتني .. مابقت فيني عقل
بدر : والله ماالومك أنا يوم زواجي سويت الادهى والأمر ههههههههه
فيصل : أجل ضفف وجهك هههههههه
بدر : طيب طيب أنا أوريك ..
إياد : برقص مع تولين
رامي : لا أنا اللي برقص معها أنت أرقص مع زوجتك
إياد : روح جرب هذا وجهي إذا ماطيحت وجهك
رامي مشى لمهم وقالهم يحطون موسيقى السالسا ..
ومشى لم تولين
تولين كانت واقفه مع عمار وغلا ومشاري وملاك .. وفيصل ولميس وعمر وريم وعادل
توجه لها رامي .. وثنى رجل تحته ونصب رجل .. ومد يده لها
رامي وهو مبتسم : ترقصين معي
تولين جت بترفض
بس قاطعها رامي : لو رفضتي بسحبك غصب ( ورفع حواجبه بطريقه مستفزه )
حطت يده بيده .. وهم قاعدين يضحكون عليهم
مشى مع تولين .. ولف على إياد وسوا له بييس ..
وأياد رفع أصبعه الأبهام وهو يضحك ..
وقفو بالوسط وبدو يرقصون .. ولفتو أنتباهم كلهم وصار الكل يناظرهم ..
وميس حاطه يدها على قلبها .. لأن تولين لابسه كعب وخايفه تنلوي رجلها مع سرعتهم بالرقص ..
من بين رقصهم .. لفت تولين بسرعه .. ويدينها مسوين أكس وماسكين بيدين رامي ولاصقه بصدر رامي ..
رامي بدون مقدامات همس بأذنها : أحببببك !!
تولين أنصدمت لأنها من زمااان ماسمعته يقولها ..
وغيرو الحركه .. ونزلت تولين بظهرها .. ورامي حط يده تحت راسها .. ويدينها حول رقبته ..
حب يستنذل رامي لأن عيونهم كانت ببعض .. نزل راسه وقربه من وجه تولين .. وتولين أنفجعت وبدون مقدمات صار وجهها أحمر .. وبحركه عجيبه تفلتت منه ..
كملو الرقصه .. وخلصوها ووقفو ..
والكل صفق لهم ..
مشت تولين معصبه من رامي ..
لكن جت قدامها ميس وهي ترقص أجنبي .. ولفت لجهه الثانيه ولا إياد قدامها .. وأجبروها ترقص معهم ..
ورامي يناظرها من بعيد وهو مبتسم ..
حب رامي القوي لتولين صار واضح للكل .. لكن مايعرفون ليه تولين ترفضه !؟ وترفض العلاقة معه !؟
____________________
عبد السلام كان متردد كثيير .. لكن بالأخير عزم ..
وراح مسك ميس من يدها ومشى .. وهي تمشي وراه مستغربه أيش يبي فيها ..
عبدالسلام : مييييس
ميس تناظره ..
عبدلسلام أخذ نفس وبعدها : ميس انا مو مستعد اخسرك .. ميس ميس أنا أحبك
ميس فتحت عيونها أقوى شي
عبدالسلام : اوكي اوكي خلاص عارف انتي رافضه ..
ومشى .. ومسكت يده ميس ..
ميس : أنت غبيي .. حتى انا أحبببك .. ومستعده اسوي أي شي عشان مااخسرك ..
عبدالسلام لف عليها وهو مبسطو ومبتسم أقوى شي ..
شالها ودار فيها .. وهي رجعت ظهرها على ورا ومدت يدينها .. وتضحك ..
سعود ناظر مصدوووم !؟!؟؟؟؟!!!؟!
ﺑَﻌﺾْ ﺍﻟﻨﺂﺱْ ، ﻳَﺤﺴُﺪﻭﻧَﻚَ ﻋﻠﻰْ ﺃﺷﻴﺂﺀٍ ﻵ ﺗَﺘﺴﺘَﺤِﻖُ ﺍﻟﺤَﺴﺪْ !
ﻷﻥَّ ﻗﻨﺂﻋﺘﻬُﻢْ ﺑِﺒﺴﺂﻃﻪ : ﺃﻥ ﺳﻌﺂﺩَﺗَﻬُﻢْ ﻓﻲْ ﺗﻌﺂﺳَﺘِﻚْ !
____________________
باليل بالشقه ..
فيصل : لموستي أحبك .. ماتدرين كيف تعبت يوم
لميس حطت أصبعها على فمه : أششششش خلينا ننسى الماضي وخلاص نعيش مع الحاضر ..
فيصل ضمها .. وآخيراً صارت ملكه لحاله ومحد له كلمه عليها غيره ..
_______________________
كن متأكدًا أنّ الآخرين لا يفهمون الأشياء كما تفهمها أنت لِذا لا تتذمَّر من سوء ظنَّهم وتأكد بأنَّها مشكلتهم و ليست مُشكلتك.
__ نهاية البارت الخامس والستون ______________
أتمنى أن يكون البارت نال على
إعجابكم .. أستودعكم الله ..
محبتكم / تايهة بزمانها ..