الفصل 62
62 ))________________________
شــافته والبنت لاصقه بالجدار .. وهو مقرب لها بشكل مقرف .. ويلعب بخصل شعرها .. وهي لافه يدها على رقبته ..
مع شهقت تولين .. كلهم لفو ..
وعبدالكريم على طول نزل يده من البنت
عبدالكريم : تولين خليني أفهمك ..
ركضت تولين لطاولتهم اللي كانو قاعدين عليها أو بلأصح اللي هي كانت قاعده عليها لأنه تركها مده طوليه ..
أخذت شنطتها ومشت تركض طالعه وضربت بحرمه وهي تتعذر منهم وتبكي بنفس الوقت وضربت بالقرسون وبغت تطيح الصينيه اللي بيده .. وتعذرت منه وطلعت تركض .. وعبدالكريم يلحق ورها ويناديها ..
وقفت أول تكسي وقالت له يمشي .. وعبدالكريم قعد يضرب على الشباك
ووقف التكسي
وصرخت تولين : Go
ومشى وماوقفها إلا عنـــد باب البيت وعطته حسابه ونزلت تركض للبيت ..
دخلت تركض للبيت .. وشافت البنات قاعدين بالصاله ومالقت لهم بال وظلت تركض وتجاهلت مناداتهم لها ..
دخلت غرفتها وقفلت غرفتها مرتين .. ورمت نفسها على سريرها وظلت تبكي بغرفتها .. تبكي وتبكي ..
تولين بقلبها : هذا وأنـــا معطيته ثقتي ليييه أول مافكرت أحط ثقتي برجالغير ريان طلع خواااااان والله خوااان شفته بعيوني .. آآآآه ياقلبي هذا وأحد موصيه .. وش لو تزوجته وعشت زي لميس مع عبدالله .. طلع ماتاب والله متاب للحين شخص خسسسيس وقذر مثله مثل عبدالله وسعود أكرهم هذول الثلاثه ربي لايسامحهم لادنيا ولا آخررره ..
___________________
لورا : وش فيها تولين دخلت تركض زي كذا
لميس : والله مااعرف أنــا قلبي أنقبض عليها خايفه أنو صاير شي
ملاك : يب لأن باين على ملامح وجهها أنها كانت تبكي ..
لورا : مافي إلا أني أتصل على عبدالكريم وأتسأله أيش صاير
لميس : يب يب بلييييز بسرعه
قامت من عندهم لروا ..وأتصلت على عبدالكريم ..
عبدالكريم : نعم
لورا : هلا عبدالكريم
عبدالكريم تنحنح : ه ه هلا لورا
لورا : وش فيك
عبدالكريم : ولا شي أنتي اللي وش فيك متصله بهالوقت ؟؟
لورا : أبد .. أخبارك وأخبار العشا
عبدالكريم تردد بعدين قال : والله مره حلوو كان أنبسطنا
لورا : أستغربت أن تولين رجعت بدري ورجعت تركض على غرفتها حتى ماسلمت ؟؟
عبدالكريم : ولا شي بس شكلها مصدعه .. لأنها وهي معي باين عليها تعبانه شوي ..
لورا : أهاا أوك أجل بطلع أشوفها يالله باي
عبدالكريم بسرعه : لالالا
لورا : وش فيك ؟؟
عبدالكريم : أمم قالت لي أني تعبانه وبرجع أنام .. تلقيها نايمه الجين لاتزعجينها
لورا أبتسمت : من الحين ماتبغى أحد يزعجها ؟؟
عبدالكريم ضحك بمجالمه : ششفتي كييف ( وبقلبه والله مااببيك تدرين عن الموضوع خليني أصلحه مع تولين بدون محد يدري )
لورا : أجل ياقلبي يالله بااي
عبدالكريم : أنتبهي لنفسك باي
لورا أبتسمت وأنهت المكالمه بــ : مــن عيوني ..
وسكرت الجوال ..
______________________
بمكـــان ثاني يعم بالأنورا الخافته ..
والبنات والشباب مو صاحين .. والويسكي بكل يد ..
عبدالله : أنـــت غبي .. كيف توقف هالوقفه مع بنت ؟؟
عبدالكريم وهو ماسك راسه : مدري مدري .. هي أغرتني
عبدالله : أيييه وأنت ماصدقت عيونك تنعمي قدام الحريم ؟؟
عبدالكريم : والله كسرت خاطري يوم شفتها شهقت وكانت عيونها مليانه دموع !!
سعود ضحك بستهزاء : أحسسسن عساها للأردى إن شاءالله
عبدالله بدون مايناظره : أسكت أسكت أبرك .. ياخي أنت خاروف أصلا شوفه مدخله السكين بعضدك ولاتحركت ولا مسكتها وأنت ( وهو يناظر عبدالكريم ) مو أنــا قايلك قبل أسبوعين .. كانك منت قد هالخطبه إلغيها ؟؟
عبدالكريم : مااعرف .. أنت تعرفني أنــا مااقدر أترك عداتي .. ولورا بعدين يوم كلمتني بالخطبه دخلت مزاجي يعني دخلت تولين مزاجي
عبدالله قام معصب : أنت وليييه بليتوني بنفسكم مو لو أني مااعرفكم أحسن ؟؟
ومشى تاركهم وراه ..
سعود : وشفيه هذا معصب
عبدالكريم : أسكت أسكت ولي يرحم والديك وروح جيب ولد عمك هذا اللي شوي وبياكل البنات أكل !!
سعود قام وهو يتحلطم ..
عبدالكريم رجع ظهره عل الكرسي وهو يفكر كيف يحل المصيبه الجديده !!
_______________________
دخلو الشباب البيت .. وشافو البنات قعدين بالصاله
قطب حواجبه عمر : ماجت تولين ؟؟
لميس ناظرته : إلا جت لكن طلعت تركض لغرفتها ..
أحمد : ليييه يعني جت متضايقه ولا وجهها عادي
لميس : كأنو لمحن
قاطتعتها لورا : مافيها إلا العافه بس مصدعه شوي وطلعت تنام
أحمد : أهااا أوك حلووو
بدر قعد جمب لورا وهو يمسح على بطنها : حبيب أبوه وشلونه ؟؟
لورا أبتسمت وهي تحط يده على يد بدر : والله بخير بس مشتاق لك ..
بدر : آآآه بس أنــا مشتاق له أكثثثر ..
أحمد : ياهوو مارحنا حنا ؟؟
نادين : اييييه صح يح للحين قاعدين !!
عمر : بددر شوي شوي على قلوب اللي ماتزوجو الحين بعدين تقهرهم
بدر : هههههههه من جد ياحياتي أمــا هالأثنين مااتوقع بيتزوجون بيضلون كذا معلقين بعض
أحمد ناظره بطرف عين : أنت أحد أخذ رايك
بدر : ليييه كذا تحطمني أيييه عمووور أخذ رايي
عمر : وععع الله يلوع كبدك عموور من بؤك موش عايزها
بدر : أوخص
لميس : ببسسسسسس
سكتو وظلو يناظرونها ..
لميس : لو تظلون لين بكرى تتهاوشون والله ماتسكتون
لورا : ههههههه أنتي الحكم
فيصل : ياحياتي خطيبتي خفو عليها شوي
أحمد : فيصل تعالي صف جمبي ترا حنا نتزوج بالدور
فيصل : عز الله مت وأنــا ماتزوجت
عمر : هههههههههه والله قول المنحوس رامي
بدر : ههههههههه مسكين
لميس : عاد أبوي يعز رامي بطريقه عجيييبه !!
عمر : أييييه ممشي أشيااء كثيره لأبوي ويساعده بأشياء كثيره بعد
عادل : يب نشمي هذا الرجل
بدر : أيوه ..
وظلو يسولفون والبعض طلع ينام والبعض ظل جالس بالصاله ..
___________________
لقطـــات سريعه..
بالغرفة الأولى ..
خالد : تذكرين قد أيش كانت خلافاتنا كثيييره
العنود : أيوه والحمدلله أنتهت
خالد : الحمدلله
العنود : خالد نسيت تولين ؟؟
خالد : تولين الحين تعني لي بنت عم لا أكثر ولا أقل
العنود : طيب تحبني
خالد : أكيييد صرتي أغلى علي من روحي
العنود : أحبك ..
_________________
والغرفة الثانية ..
مشاري : ياخي معاد أقدر أضمك زي أول هذا الولد فاصل بينا
ملاك : ههههه لا أبشرك بيطلع بعد ويبعدني عنك
مشاري أنرعب : لالا عادي أنومه بوسطنا بس ماتنامين بعيده عني
ملاك : ههههه ياخي أمزح معك .. أنــا مافي شي يبعدني عن قلبي وروحي
مشاري : ياحياتي أنتي
____________________
وبالغرفة الثالثه ..
عمار : غلاوي
غلا : ياعيونها
عمار : ههههه تذكرين كيف كنتي يوم الملكه
غلا : هههه يووه لاتذكرني
عمار : ههههههههه من جدك كنتي تستحين
غلا : لاااه ياشيخ حتى أنت كنت متحمس زياده عن اللزوم .. يعني وحده أول مره تشوفك كذا تكون
عمار : نصابه مو أول مره تشوفيني
غلا : لااا يعني تقرب لي لهادرجه
عمار : هههههه تصرفين
غلا : لااا أنت مخيس
عمار ضمها وهو يضحك : ههههههههه
___________________
بالغرفـــه الربعه ..
ريم : عمممر
عمر : هلا
ريم وهي تناظره وحاطه يدها على بطنها : أيش تتمنى اللي ببطني
عمر لف عليها وهو مبتسم : أتمناه ولد
ريم أبتسمت : ليييه ؟؟
عمر : أبغى أسميه على رعد
ريم : توقعت تبغاه عبدالعزيز
عمر : لا رعد
ريم : أهاا
سكتو شوي
ريم : عمر
عمر : نعم
ريم : أنـــا آسفه
عمر لف عليها وشاف عيونها مدمعه وقرب لها وسمح دمعتها : لييييه أيش سويتي
ريم : أنــا مقصره بحقك كثييير وصدقني بتغير والله بس لاتفكر بيوم تتركني
عمر باس جبينها وضمها : وأنــا راح أظل معك طول العمر
__________________
بالغرفه الخامسه ..
لورا : فيه خوف بقلبي كذا فجاة جاني من بكرى
بدر : ليييه ياقلبي
لورا : مدري قلبي ناغزني خايفه يابدر
بدر ضمها : مادمني معك مافي شي بيصيبك صدقيني دووم معك
لورا ضمته بقوه ..
______________________
بالغرفة السادسه
لميس منسدحه على سريرها وتفكر : كييف لو كنتي يالميس صدق عقيم بيقبل فيك فيصل ؟؟ لازم أصارحه وأقوله مايصير .. طيب حتى انا حلم حياتي بأطفال وأكون أمهم !! الله ياخذك ياعبدالله
تذكرت أول ماتقدم لها فيصل يوم جو بريطانيا .. هي وأبوها وأبو عادل قاعدين وهي كانت تسولف معهم
جاء فيصل وقعد وظل يناظرها وهي تسولف وهي أنحرجت حتي السواليف ماعاد قادره تسولف من نظراته .. وسكتت
وتكلم فيصل ..
فيصل : عمي
عبدالعزيز : آمر
فيصل : مايامر عليك عدو لكن فيه موضوع كذا صار لي وقت أبغى أكلمك فيه
عبدالعزيز قطب حواجبه : وأيش هو
فيصل أخذ نفس وأبتسم : عمي انا طالب يد بنتك لميس .. أبغى أخذها على سنه الله ورسوله وتصير زوجتي وأم لعيالي
أبو عادل وعبدالعزيز أنصدمو ..
ولميس حمممر وجهها
عبدالعزيز سكت فتره وبعدها أبتسم : أنا ماعندني مانع .. لكن هذا لميس قدامك
كان عندها شي تقوله ..
لفو كلهم على لميس ينتظرون جوابها ..
ولميس ساكته ..
عبدالعزيز : لميس يبه ترانا ننتظرك ..
وفيصل يفرك يده ببعض .. خايف ترفض ..
لميس وصوتها بالليله يطلع من الخجل : موافقه ..
أبو عادل : مبرووك يايبه بس والله أني منقهرن منك
فيصل : ليييه طال عمرك ووش أنا مخطي فيه
أبو عادل : ماتشورني أنك بتخطب بنت عمك
فيصل أبتسم : والله يايبه مالي عذر بس لي وقت أفكر فيه وشفتكم جالسين سوا قلت اجي أقولكم .. والحمدلله الموضوع تم ووافق عمي ووفقت لميس
عبدالعزيز : أيييه علينا فيصل !! ولله أن الحب شفه ناطن من عيونك
فيصل : هههه أيه ولله ياعمي أن عاشق لبنتك وإذا دخلت بيتي لك مني أحطها بعيوني وهي بالحفظ والصون
عبدالعزيز : هذا العشم فيك وأنا أبوك .. ويالله يالله قدامي
فيصل : أيش
أبو عادل : قومو نكتب كتابكم
لميس أنفجعت : أيي أنا وافقت بس مو كذا بهذي السرعه
أبو عادل : لالا يبوك والله أنــا ماأظمن ولدي مدامه عاشقك أخاف يتهور
حمر وجهها لميس
وفيصل أبتسم ..
وفعلا قامو الأربعه .. وكتبو كتاب فيصل على لميس .. والشهود أبو عادل وعبدالعزيز
رجعو أبو عادل وعبدالعزيز للبيت ..
وفيصل ولميس ظلو يتمشون تحت المطر ..
ويوم رجعو باليل .. لقو الكل مبسوط لهم .. ويبارك لهم على خطبة تولين ..
لميس : تولينوه وش القصه
تولين : عبدالكريم بعد مارجع أبوي من طلعته تقدم لي .. ووافق أبوي
لميس ضمتها : هههههههه ثنيناتنا بيوم واحد
تولين : ههههههه شفتي كيف .. أيووه بروووك ياعروسه
لميس : الله يبارك فيك ..
تولين : مبرووك ينسيبي
فيصل : ههههه عجبتني نسيبي هذي .. الله يبارك فيك
أحتفل الكل بكتب كتاب فيصل على لميس .. وخطبة عبدالكريم لتولين ..
_____________________
بالغرفه السابعه ..
نادين : كيف راح تكون حياتنا الحين بعد مرض أحمد راح يقبل نتزوج ولا لا !!
_____________________
الغرفه الثامنه ..
أحمد : من جد أنبسطت أن تولين صارت أختي .. لكن نادين مضيقه صدري ماابغى أعلقها وأنــا أحس نهايتي قريبه .. والمرض نسبة القضاء عليه صغيييره
_______________________
بالغرفه التاسعه
النور مقفل والغرفه باااارده يرجف جسمك إذا دخلت لها
لكــن تولين بداخلها نار شاعله تبغاها تطفى وماكانت تحس بالبروده القويه ..
_____________________
بالشقه ..
زياد : أمل ترا أنــا والله مليت
أمل : وأنــا بعد مليت .. ماهي حياة هذي
زياد : مــاابي مـــاابي أطلقك إذا انتهيتي من دراستك أمل حسي فيني عاد أنــا أحبك وتعلقت فيك .. مااتخيل
حياتي من دونك
أمل : أنــا آسفه أدري أني زودت عليك من الكلام من يوم ما جينا لبريطانيا .. تبغى الصدق زياد .. حتى أنــا تعودت عليك بحياتي ومااتخيل يمر يوم مااشوفك
زياد أبتسم : أحبببك أمل
أمل أبتسمت له ..
_____________________
ومـــــر هذا اليوم ..
وأنتهى بهذي الأحداث اللي أنتم قريتوها ..
يفز قلبي كل ماحل طاريه
فزة ( يتيم ) شاف من تشبه أمه
تذكر امه يوم كانت تناديه
وحس ( بــ جفاها ) يوم عيت تضمه
____________________
طلعت الشمس بعيونها وغمضت عيونها بقوه ..
لأنها عورتها بعد الظلام .. وهي أساسا مانامت طول الليل صاحيه ..
وجاها طيف ريان ... وتكلم معها .. لكن سرعان مارجعت لطبيعتها وحاولت تقنع نفسها أن ريان مات وهذا خياااال خييياااال ..
كــم ينكسر خاطر وتنخنق عبره
ليت الزمن ما مشى فينا على مهله
هذا نسى ذاك ؟ لكن ذاك ينتظره
الذكريات إن رحل ( غالي ) تعذر له"
ومشى عليها الوقت .. وهي منسدحه بالسرير
تقل مريضه .. لكن مالها حيل تقوم ولها لها نفس تشوف أحد لأنها متأكده ميه بالميه إنهم بيسألونها أيش صار أمس ؟؟ ومالها نفس تحط من الأعذار ولا لها نفس تتكلم بالألغاز خلااااااص ملت .. ملت من كثر ماتحط لهاناس أعذار وهم مايحسون أبداً أبداً مايحبون ..
مشى عليها الوقت بسرعه وكانت الساعه 10:00
قامت تغسل وتلبس مصممه تروح لهذاك الأنسان محتاجه له من جد محتاجه له ..
لبست ونزلت تحت وشافتهم يفطرون ..
يلدا : صباح الخير
تولين : صباح النور
عمر : لييه وجهك كذا مانمتي ؟؟
تولين : مصدعه شوي
لميس : تعالي أفطري
قعدت تولين تاكل وتحس أن اللقمه توقف بحلقها وماهي راضيه تنزل
تبغى تشوفه بأسرع وقــــت محتــاجه لــه ..
أفطرت على السريع وقامت
تولين : الحمدلله
عبدالعزيز : صحه وعافيه .. وين طالعه
تولين : مشوار على السريع ماراح أطول إن شاءالله
أحمد : ربي حفظك
طلعت تولين من البيت ..
وهي تمشي .. تذكرت فجاة ..
( محمد ) ؟؟؟
تولين : يالله كيف راح عن بالي .. هو قبل كم شهر طلب مساعدتي .. يالله الحين مع السم كيف صار الله ياخذك ياسعود الحقييير .. لازن ألقى حل لمحمد !!
___________________
بالشركه ..
رامي كان داخل جو بالشغل .. وفجأة دخلت عليه السكرتيره وقالت له أن فيه وحده بتشوفه ضروري .. وسمح لها بالدخول
دخلت تولين تجر رجولها جر ..
رامي بصدمه ماتوقع ولا واحد بالميه أنو تولين هي اللي جايه لمه !!وخصوصا أنه ماجاء لمها وشافها بعد غيبة الاسبوعين ..
رامي : تولييين !!
تولين رفعت راسها .. وأنصعق رامي من منظر وجهها
دموع على وجهها وعيونها حمرا وخشمها أحمر .. ووجهها باين تعبانه !!
رامي بخوف : تولين حبيبتي شفيك
تولين : راامي محتاجتك ..
ماامداها نطقت بالكلمه إلى ورامي مسرع لها فاتح لها يدينه وضامها بقوه
رامي بخوف عليها : شفيك ياروح رامي قولي لي مين منزل دمعتك الغاليه وأوعدك مااتركه بحاله
تولين بس حاطه راسها على صدره وتبكي .. من يوم ماحطت راسها على صدره .. حست بالأمان .. والحنان .. حتى حست بدفا حضنه !!
وظل ضامها ويمسح على شعرها ..
رامي بقلبه : الله يادنيا ياتولين كسرتي قلبي وأول ماشفت دمعتك نسيت كل شي وقسم نسيت كل شي .. اليوم للمره الثانيه أضمك وأنتي منهاره بهذا الشكل .. المره الاولى يوم موت ريان والحين المره الثانيه .. لكن الفرق يوم مو ريان كنتي تضربين فيني تبغيني أتركك عشان تروحين لريان أما الحين مسلمتني نفسك بأمان حاطه راسك على صدري .. صدقيني اللي منزل دمعتك راح يندم ندم وماراح أتركه بحاله وهذاني وعدتك ياروح رامي ..
بعد ربع ساعه وهم على هذا الوضع
بعدت تولين راسها عن رامي وأخذت نفس ..
ورامي مسكها وقعدها على الكرسي وقعد قدامها على ركبه وأيدينه بأيدينها ..
رامي : والحين علميني أيش صاير ..
تولين بدت تتكلم له .. عن عبدالله أول ماقابلها وأنه توعد أنه ليندمها وبغى يعطيها ابرة الهروين بيدها بس هي كسرتها .. وتكلمت له عن سعود اللي حاول يغتصبها ومن بعدها أغتصب صديقة عمرها وحبيبتها .. وأخيراً تكلمت له عن عبدالكريم وأيش سوا معها وكيف خانها أمس قدام عيونها ..
ورامي ولع نار عصب عليهم ثلاثتهم وكان متوعدهم بقلبه
وأختتمت كلامها ..
تولين : أنــاماادري كيف أنسان زي كذا قعد يدور مع أخواني علي ؟؟
رامي طلعت عيونه : وميين قالك أنه قعد يدور ؟؟
تولين : هو أمس
رامي : ولا شفنا رقعت وجهه من يوم ماطلعتي من قبل أسبوعين ماشفناه وماطلع إلى يوم رجعتي كيف دور عليك ؟؟ أنــا أنــا كنت طول الوقت مع إياد ندور عليك وعلى تواصل بالشباب ولا أحد جاب طاريه أو أنه معهم !!
تولين بصدمه : يعني كان يكذب علي
رامي تنهد : تولين تبين نصيحه
تولين : أيوه
رامي : لا تتمين زواجك من عبدالكريم
تولين: بعد اللي شفته أمس لا مستحييل ( وبألم ) ماابغى الحركه اللي صار بين أبوي وأمي يلدا تنعاد
رامي باسها مع جبينها : وأنــا دوم راح أكون جمبك تولين صدقيني
____________________
عـــنده بالأستوديو !!
عبدالسلام وهو يشرف على الاوضاع والشغل إذا ماشي صح ولا لا .. بس معليش عقله مو معه .. كاره ميس أنصدم يوم عرف باللي صار لها .. كييف يعني سلمت نفسها لسعود بسهوله طيب أنــا أنــا ؟؟ لييه نستني هنت عليها ؟؟
ميس : عبدالسلام
عبدالسلام عرفها من صوتها : ميس عندي شغل كثير قولي اللي تبينه بختصار شديد
ميس : عبدالسلام والله مظلومه .. والله دافعت عن شرفي لأخر لحظه ..
عبدالسلام : ماابغى اسمع تبريراتك
ميس : ليييه تسوي كذا مو أنت اللي وعدت وقلت ماراح أتركك .. لو أيش ماراح أتركك
عبدالسلام : أنتي اللي نقضتي العهد .. روحي روحي صلحي خطأك مع سعود وخوذيه وتزوجيه والله يهني سعيييد بسعيده
ميس : أنت لييه ماتحس
عبدالسلام : وقت الزياره خلص وأنـــا عندي شغل لفوق راسي ماابغى أسمع كلام ماله فايده
ميس : الله يالدنيا مو أنت كنت تتركك أهم أشغالك وتجيني وش صار بالدنيا ليه تغيرت فجاة
عبدالسلام عصب وصرخ فيها : أنسي أنسي كل هذا زمان وانا الحين عبدالسلام جديد أنسي أني بيوم كنت أحبك
ميس : أوك من عيوني الدنيا مو واقفه عليك .. تروح أنت ويجي عشره بدالك ..
وطلعت .. وكلهم قلبوهم تقولهم .. خلو الكبرياء عنكم .. أنتم تحبون بعض ..
بس كالعاده دائما يدوسون على قلوبهم .. قدام الكبرياء يموت الحــب !؟
___________________
كانت تشوفه وهو يسولف ومتحمس ويضحك ويعلق على كل شخص .. وهي بس تناظره وبعض لأحيان تسلك له ..
فيصل : شفيك حبيبتي اليوم مو على بعضك ؟؟ تعبانه ؟؟
لميس : لا حياتي مافيني إلا كل خير لكن فيه موضوع بكلمك فيه
فيصل بهتمام : أيش هو
لميس : تذكر الحادث اللي صار لي مع عبدالله
فيصل : لالا حبيبتي أنسي الماضي
لميس بجديه أكثر وهي تمسك يدينه : أسمعني أول بعد الحادث فيصل أنــا صرت عقييم
فيصل أنصدمم وسكت شوي
لميس جلست على الكراسي ومسكت راسها بين يدنها وظلت تبكي : والله عارفه أني طولت ماقتلك وكان لازم من الاول اقولك
سكتت ورفعت رسها لفيصل وصرخت عليه : تكلللم قول شي لاتظل ساكت اتقهرني أكثر
فيصل تنهد ولقاها ظهره : وليه ماعلمتيني إلى الحين
لميس : لأني أبيك تظل معي ولأني عارفه لو علمتك راح تتركني
فيصل أرتجف جسمه من فكرت أنه يبعد عنها : لمييييس مين قال أني بترككك .. لكن المفروض أنك علمتيني بكل شي حنا بنتشارك بكل شي حتى الهموم ..
مشى لمها وقعد على ركبه ومسك يدينها ..
فيصل : لموس حبيبتي لتبكين .. صدقيني مارح أتركك لكن كن قلتي من الأول أنا تو أنصدمت
لميس من بين دموعها : يعني ماراح تتركني
فيصل : أكيييد لا أنا تعبت إلين ماوصلت لك كيف أتركك .. وصدقيني راح نعالج الموضوع سوا .. حبيبتي كل شي له حل مافي شي ماله حل أوك وأوعديني من اليوم ماتخبين عني ولا شي
لميس أبتسمت : أوعدك
فيصل مسح دموعها وأبتسم وباسها على جبينها ..
______________________
نادين : أحمممممد
أحمد وقف ولف عليه : نادين !!
نادين : بروح معك
أحمد : مو عندك شغل
نادين : كل الأشغال توقف إذا كنت أنت بالموضوع
أحمد أبتسم : بس أنــا الحين بيدخلوني .. وأنتي بتظلين برا يعني كان سويتي شغلك أحسن
نادين : عادي أنتظرك وماعندي مانع انظرك طول العمر .. وش رايك نسوي زواجنا مع لميس وفيصل هههه والله فللله
أحمد : نادين بوضح لك شي .. مستحيل أتزوجك وأنا بهالوضع
نادين : ليييه أيش فيك
أحمد : ماراح أتزوجك ... ماابي أرملك وأنتي صغيره
نادين عصبت : أنــا ماراح أتزوج غيرك أحمد
أحمد : وأنا مستحيل أتزوجك .. وأنا كل يوم أحس الموت يحاوطني أكثر
نادين زمت فمها وسكرت عيونها بتمنع دموعها من النزول : لااا تقول كذا
أحمد : هذا لحقيقه نادين لاتتعلقين فيني
نادين : يكفيي يكفي ناس فقدهم ماابغاك تروح بعد
أحمد : حكم الله مانقدر نغيره
نادين : على الاقل نتزوج ونعيش كم يوم بسعاده
أحمد : سعادتك مع غيري مو معي
نادين : لاااا تقول كذا ولاتخليني أحلف مااتزوج غيرك
أحمد : شوفي حالك .. حلوه وصغيره .. وأنا شوفي المرض كيف لعب فيني مااراح أخذك وأظلمك معي !!
نادين : أنت عاجبني وأنت كذا اوكك
أحمد : عاجبك أني أصلع .. وحواجبي بدت تتساقط وقريب راح أكون بلا حواجب وبديت أنحف وجسمي بدا يلصق بعظمي وكأني مومياء !!
نادين ضمته
وأحمد بعدها عنه ودخل المستشفى ..
ومشت وراه نادين .. دخل الغرفه وبدلو له ملابسه ..
وتجهز عشان ياخذ الجرعه ..
ونادين قعدت على الكراسي اللي قدام غرفته ..
ورجعت راسها على ورا ..
كيف يوم كانت مع أمها وأبوها .. وبعدها بهذاك الحادث القوي واللي منجا منه إلا هي أمها وأبوها .. فــا توفو ..
كان ينعاد بأذنها صوت أمها وهي تنادي : نادييييين نادييييين ماما .. نادين ..
كنت طايحه على الارض بس أسمع صوت امها .. ودهم للمستشفى
امها ماتت بوقتها أما أبوها جاه نزيف داخلي ومات بعد أمها .. ماأكتشفو النزيف إلا بعدين وماقدرو يساعدونه !!
أمــا نادين ماصحت إلا من بعذ ماتوفو إثنينهم .. وأنهارت من البكا ..
أحتضنها بعد كذا أبو بدر .. وهو يمسح دموعه ..
ويردد : فقدت ثلاثه وخايف أفقد أكثر ..
رجعت لواقعها وصحت من هواجيسها ..
ورفعت راسها .. وهي تناظر غرفته ..
نادين : أنا وياك عانينا نفس المعنات .. بالمدرسه كنت أتنمى يكون عندي أم نفس اللي معي بس مافي .. حتى وقت تخرجي .. كل واحد معه امه أبوه إلا أنــا مامعي أحد .. خايفه بعد أنت أفقدك مااتخيل نفسي أفقد أنسان غالي ثاني ..
____________________
رامي ..
طلعت من عندي تولين قبل شوي .. مبسوط أننا قربنا لبعض وبدت تتقبل وجودي معها .. بس والله أني ناوي نويه للثلاثي الحقييير ..
لبس جاكيته الرسمي .. وطلعت والشرار يتطاير من عيونه ..
وشغل سيارته .. من وقت قصير أمي هزئتني على أني مامعي سياره معي دباب أبوع وأرجع عليه .. وعقلت وأشتريت سياره ..
المهم مشيت بسيارتي لمقرهم الوصخ اللي يقعدون
ونزلت .. لقيت قدامي عبدالكريم سكران ..
أبتسم رامي بشر : جيت وجابك الله ..
فسخ جاكيته .. ورفع أكمام قميصه ..
ومشى لعبدالكريم ..
وضربه بوقس على وجهه .. وصاح عبدالكريم على
الأرض ..
وظل رامي يضربه ..
وطلع عبدالله من الغرفه على صوت عبدالكريم ..
وشافه رامي ..
وأنهال عليه بالضربات .. وعبدالله كان يدافع عن نفسه بس ماقدر على قوت رامي كان يضبه بقوه .. طاح بالأرض والدنيا غبشت قدامه وغاب عن الوعي ..
نزل من الدرج سعود ..
نزل ببنطلون بدون تيشيرت ..
سعود : خلينا نتفاهم ..
رامي : أنتهى وقت لتفاهم ياحلو أنا اللي يمس روحي بشي ووالله مااخليه يعيش متهني ..
مسه رامي على الجدار .. ويد رامي على رقبة سعود ..
ماسك رقبته بقووه ..
رامي : أنت متى تعقل وتتوب ؟؟
سعود : أتركني أتركني وراح أترك الكل بحاله
رامي صرخ فيه : أنــا اسألك عن الكل أسأك عن نفسك
سعود : راح اتوب راح أتوب بس أتركني
رامي ضربه بوقس على بطنه وطاح سعود بالأرض يتأوه
رامي مشى ومسك جاكيته وجاء بيطلع لف شافهم
عبدالكريم .. طايح بالارض ومغمى عليه ..
وعبدالله برضه طايح بالأرض ومغمى عليه وخشمه ينزف دم
أما سعود طايح على الارض وماسك بطنه ويتأوه ..
أبتسم رامي بستهزاء .. وجاء بيطلع ولمح محمد ..
وراح لمه ..
رفع محمد نظره لرامي
رامي : قوم معي
محمد : وييين
رامي : قوم قوم أنت لازم تتعالج من هالسم اللي انت تاكله
محمد: كيفي أنا عاجبني وضعي كذا
رامي مسكه من عضده .. وقومه معه .. وسحبه ..
ومحمد يتحلطم .. ورامي مو ملقيله بال ..
طلعو برا .. وشغل رامي سيارته .. ومشى فيها متوجه لبيت أبو بدر ..
__________________
الرجولة لاتعني التسلط ’ بل تعني الاحترام .!
___ نهاية البارت الثاني والستون _________________
أتمنى أنكم قضيتو وقت ممتع
بقراءة البارت .. أستوعكم الله ..
محبتكم / تايهة بزمانها ..