الفصل 61
61 ))______________________
بعـــد أسبوعين ..
تولين قامت بتعب وبعد تفكير طويــــــل وأنعزال تام عن الناس .. قررت أنها ترجع وتتصالح مع ابوها .. وتتعرف اكثر على أحمد وإياد يوم صارو أخوانها ..
فتحت جوالها اللي له أسبوعين مغلق وأنهالت الرسايل .. بس الرساله اللي أستغربتها .. من فكتوريا أم ميس ؟! فتحت وكان محتواها : { تولين أرجوك عودي بسرعه ميس هنــااا محتاجه لك أرجوووك } ..
خافت تولين على ميس .. وكان عليها بنطلون جينز وبدي .. لبست القميس الأسود وسكرته .. وأخذت شنطتها وحطت فيها رسالة أمها وجوالها .. وأشياها الهامه وطلعت من الجناح ونزلت تحت عند الرسبشن وسلمتهم المفتاح .. وطلعت تركض من الفندق تبغى توصل لبيت ميس بأسرع وقت ..
وصلت وضربت الجرس وفتح لها أبو ميس .. وأستغربت من شكله عيونه حمرا وحول عيونه هالات سودا !!
أبو ميس : بنتي تولين جيتي تكفين روحي شوفي ميس لها أسبوعين ماهي على طبيعتها طلعنا لعشا عمل ورجعنا لقيناها بغرفتها وتبكي منهده من البكي وماعليها ملابس ملابسها مقطعه بالأرض وفجأة قامت وتصرخ ومسكت نظارتك ومسكتها ورمتها على الجدار ونكسرت وهي تردد أكرها أكرها ويالله يالله هديناها
تولين بلعت ريقها : أيش صار لها
أبو ميس : بنتي أغتصبوها أغتصبوها اللي مايخفون الله حسبي الله عليهم دنيا وآخره الله يوريهم يوم .. تكفين روحي شوفيها لها أسبوعين ماتاكل بس تشرب مويه وقاعده جنب الجدار ضامه رجولها لصدرها أو منسدحه على الأرض السرير ماتبغى تقرب له أبد ..
تولين : مايصير خاطرك إلا طيب الحين بروح لها ..
طلعت تولين فوق وفعلا دخلت غرفة ميس .. وميس تناظر بالأرض وقاعده بالزاويه جنب الجدار وضامه رجولها لصدرها .. وصايره نحيييفه ووجهها ذبلان وأصفر وحول عيونها هالات سودا .. وشفايفها بيضاء من قل الأكل ..
كان مبين نحفها مع لبسها البرمودا والبدي الأبيض الطويل اللي يوصل لنص فخذها ..
تولين : حبيبتي ميس أيش صار مين سوا فيك كذا ؟؟
ميس لا تعليـــق تناظر بالفراغ !!
تولين دمعت عيونها : ميس قوليلي مين اللي سوا فيك كذا وخالقك مااخليه يوم واحد يتهنى !!
ميس ولازالت تناظر بالفراغ : أطلعي برا
تولين مشت عندها : لييه تقولين لي كذا أنا تولين أختك وصديقتك
ميس لفت عليها وهي تحط يدها على أذنها : أقولك أطلعي برااا أنتي سبب اللي انا فيه أنتي لييه تخلينه يعايرني يقولي وينها صديقتك يوم أحتجتيلها مالقيتيها جمبك مو حرام عليك روحي أكرهك أنا أغتصبت ترا عشانك عشانك أطلعي برا بيتي أطلعي أكرهك تولين
تولين ضمتها بقوه وميس بالاول كانت تضربها بعدين أستسلمت لحضنها وصارت تبكي فيه !!
قعدت جنبها تولين ولازالت ضامه ميس ..
تولين : قوليلي أيش صار .. ومين اللي سوا فيك زي كذا ؟؟
ميس : تنتقمين لي ؟؟
تولين : أوعدك أنتقم لك بس قولي مين هو
ميس بدت تروي لتولين وكأن كل شي ينعاد عليها : دخل علي بعد ماطلعو امي وأبوي لعشا العمل .. وقعدت أهاوشه كيف يدخل علي كذا ومايخاف ان امي وأبوي يجون باي لحظه ؟؟ قالي لا أصلا أنــا عرف أنه امك وأبوك طلعو لعشا عمل .. قالي خلصيني وخليني أشوف شغلي وأمشي .. ( وبدت تبكي ) تولين قمت بهرب من الغرفه لكن مسكني ورجعني على السرير بالقوه وكنت أرفسه بس كان أقوى مني والله .. ( تمسكت بقميص تولين بقوه وزاد بكاها ) رماني على السرير وقعد فوقي تولين وبدا يقطع ببلوزة بجامتي .. وقام يوزع بوساته بكل ماكان ( ومسحت على وجهها ورقبتها بقرف ) وماكان يسمع لاترجياتي ولا لدموعي .. تولين رفسته إلين ماقال آمين لكن كان أقوى مني بكثييير وسوى اللي يبيه .. وقام وهو يضحك .. وقعد يقولي عشان عقب المره ماتحطين راسك براس اللي اكبر منك حطي راسك مع اللي كبرك تولين قهرني تولين
تولين بقهر على صديقتها همست : مييين هو ؟؟
ميس : سعود ولد عمك !!
تولين وكان صاعقه نزلت على راسها وأرتجفت
ميس : أنــا هزئته وقتله يبعد عنك
تولين ضمت ميس بقوه : ميس معك حق تكرهيني
ميس بكت : كنت محتاجتك كثير والله كثير وماكان من قلبي أقول اكرهك بس مالقيتيك جمبي يوم بغيتك ؟؟
تولين : وهذاني جمبك ووالله راح اخذ حقك من بين عيونه ..
قامت تولين والشرار يتطاير من عينها .. ووجهها قلب أحمر من العصبيه وعرق نط بوسط جبهتها باين أنها وصلت لقمه عصبيتها ..
ميس مسكتها من عضدها : توولين لاتتهورين ..
تولين نفضت يد ميس وطلعت تركض ..
وميس تركض ورها وتنادينها وتولين متجاهله منادات ميس لها ..
ركضت ركضت وهي حاقده على سعود هو المفروض يوم فكر يلعب مايلعب مع تولين
تولين بقلبها : والله والله ااوريه نجوم الليل بعز الظهر ..
إلى كــل رجل : لاتطيل اللعب مع المرأة الرجل ؟؟ فهيا تسكت كثيراً ولكن إذا أتت لحظه الأنفجار .. سوف تقتلك ندما وقهرا وذلا !!
بقلمــي ..
_______________________
ببيـــت أبو بدر ..
قاعدين بممل ..
أبو عادل : كنت أتوقع ماراح نقعد أكثر من شهرين مرت ثلاث شهور علينا !!
عبدالعزيز : طيب وش اللي مخليكم تتأخرون للحين
أبو خالد : لاياخوي ماهقيتها منك تبغاني نتركك بهذي الحاله ..
أحمد : أنــا قطعت عل نفسي وعد بس ترجع تولين راح أحسسها أني فعلا أخوها وراح اوقف معها بالحلوه والمره
إياد : أيي من جد .. أنــا كنت أتمنى يكون عندي أخت .. بعدين أمي قالت من قبل لي أنه فيه عندي أخت أنــا ماصدقتها وحسيتها مو صاحيه
لميس : والله ضايق صدري على أختي أشتقتلها
بدر : الغريبه أن ميس مالها ظهور أبد قولو عبد السلام يمر من وقت لوقت يشوف وش الجديد بس ميس أختفت فجأه تتوقعون عرفت مكان تولين ؟؟ وراحت لمها ؟؟
نادين : لالا مااتوقع أكيد صاير معها شي
سعود أبتسم بشر ..
ابق على صلة بالأشخاص الإيجابيين،أما السلبيين الذين لا حاجة لك بهم،لا تبقى في محيطهم كثيرًا؛ اهرب بتفاؤلك
_______________________
ميس : تولييييييييييييين بلا هبل تولين أيش بتسوين
تولين ركضت إلين مابدى يبين البيت قدامها سرعت بركضها أكثر ..
وميس سرعت ورها ..
دخلت تركض .. وكانت الخدامه شايله صحن الفواكه بسرعه البرق خطفت السكين الحاده الموجوده بين الفواكه ودخلت تركض للصاله ..
الكل وقف مفجوعين .. والأغلب توقع أنها متوجه لعبدالعزيز بالسكين .. لكنها عدت عبدالعزيز وكانت متوجه لسعود .. وسعود من الرعبه ماقدر يتحرك ..
مسكت السكين بقوه بيدها وماوقفت ركض إلا وهي مدخله السكين بعضد سعود .. وأبتسمت بنصر يوم شافته يتأوه ويطيح على الأرض من الألم وهو يحاول يطلع السكين من عضده والدم يصب على يده والارض ..
صرخت ريم : أنجنيتي أنتي أنهبلتي
وأم عادل ركضت لسعود : يمممه ولدي ولدي وش سويتي ياعساك الماحي ..
عبدالعزيز صرخ فيها : أنجنيتي تولين ؟؟
تولين صرخت فيهم : أيييه أنجنيت
وناظرت أبو عادل اللي يناظر مذهول ومصدوم : آسفه عمي هذا الخيار اللي كان قدامي اللي يلعب بالنار ياعمي يحترق وسعود مالعب بالنار بس قرب لها ولسعته !!
عادل : خلونا نوديه للمستشفى ..
عضدوه عادل وفيصل ..
تولين : ولدك المبجل ياعمي .. أعتدى على أختي وروحي
أعتدى على أختي وروحي
أعتدى على أختي وروحي !!!
تردد صوتها بالمكان .. ووقفو عادل وفيصل من الصدمه ..
وسعود عرف أن نهايته قريبه وحاول يدافع عن نفسه : كذااابه تلقين صديقتك معتدي عليها أحد ثاني ولصقها بظهري !!
تولين : ولاعمري ككذبت ولا أعرف طريق الكذب أصلا ولاتحاول تدافع عن نفسك لها أسبوعين حابسه نفسها بغرفتها فتحت اليوم جوالي وأنا كنت ناويه أنسى كل شي وأرجع فاتحه صفحه جديده معك أنت بالذات لكن لااا ياسعود ومليون لا أنـــا يوم جربت تعتدي علي سكت وأكلت هوااا لكن ميس لااا وماراح أسكت لك وهذاني فضحتك قدام العايله .. وهذا الشي صغير والله والله لاأجرجرك بالمحاكم .. ومااتركك لما تاخذ جزاتك
أبو عادل توجه لمه وصفقه كف : تفو عليك ياحيف تربيتي فيك بس كل هذا راح هباء منثورا .. مجرب تعتدي على بنت عمك .. لا وتممتها بصديقتها اللي كانت محترمتنا ومخليتنا مقام أهلها وعمانها .. طيحت وجهي الله يطيح وجهك
ميس ماسكه العامود وحاطه يدها على فمها وتبكي ..
فيصل بعد عنه بقرف : من جد وبهذي اللحظه تمنيتك أنك مو أخوي
عادل وقفه وبغضب : أمش قدامي لابارك الله فيك بوديك للمستشفى وعساه على قبرك على طول وطيت روسنا لتحت أمش قدامي
سعود لف على تولين : عجبك اللي سويته
تولين أبتسمت : أكييييد عجبني ووالله مااتركك غير لما تاخذ جزائك وجهز نفسك للي بعد الفضيحه .. أنــا اللي يلمس ميس بشر أذبحه وأنــا مغمضه وماعلي من عواقب الأمور ولعلمك هذي السكين كنت ناويه أدخلها بقلبك بس قلت حرام تموت قبل ماتتعذب ..
أم عادل قاعده تبكي بصوت عالي هي وريم
طلعو عادل وسعود ..
وتولين توجهت لــ ميس .. وضمتها
تولين : شفتي مانتي رخيصه عندي !! وماكان قصدي أروح عنك بوقت حاجتك لي
ميس ضمتها أكثر : حبيبتي انتي كنت غبيه يوم فكرت هذا التفكير العقيم سامحيني
تولين مسحت دموع ميس : أنتي اللي سامحيني ...
تولين : عبدالسلام !!
ميس لفت بسرعه على الباب : عبد السلام خليني أفهمك !!
مشى عبدالسلام بسرعه من عند الباب طالع من البيت كللله ..
تولين مسكت يدها تهديها : ماعليك أنتي أهدي صدقيني ردة فعله خليه شوي مع نفسه .. وصدقيني بيهدا ويفهم كل شي ..
أموت عشق وداخلي عشق ما مات
واحيا من اجلك وانت تحيا لغيري
ليته ضميرك حي يا صاحبٍ فات
* أو ليتي أقدر مثلك أقْتِلْ ضميري
لِـ علي السبعان
_____________
تولين طلعت ميس ونومتها بغرفتها .. وبعدها نزلت تحت عندهم وهي راسمه على وجهها أبتسامه ..
وبـــاين أن أم عادل وأبو عادل طلعو !!
تولين وبعتذار : أمم أنــا آسفه دخلت كذا فجأة وفجعتكم ورجيتكم ..
عبدالعزيز قام لها وضمها : أهم شي أنك رجعتي ياقلبي هذا أهم شي ..
عبدالعزيز بعد عن تولين وحاوطها بيده وهي حطت يدها ورا ظهره ..
تولين وهي تناظر يلدا : إذا كنتي تقبلين الحين !! وبهالعمر وبعد ماعرفتي منهي تولين أحم تقبليني بعايلتك ..
قامت لها يلدا وضمتها : حبيبتي والله أني ندمانه أني يوم واحد ضيعته ماحسبتك بنتي كيف مانتي بنتي وأنتي رابيه تحت عيني
جاء لمها عمر وشالها ودار فيها
وتولين ضربته على كتفه : عييب عليك تراني أستحي مافصخت الحيا بعدني
عمر : ههههههههه عادي أخوك
أحمد : لاااه على كذا أنت بتشيلها مره وأنا بشلها مره وإياد بيشلها مره
عمر : لااا أغار على أختي أنـــا
تولين حطت يدينها على خصرها : وش شايفيني لعبه بينكم ؟؟
لميس : هههههه ماعليك منهم ماصدقو انك رجعتي ..
تولين ناظرت أبو بدر والدموع بعيونه ..ومشت له وباسته على راسه ..
أبو بدر همس لها : خوفتينا عليك
تولين : آآسفه يالغالي بعد هالمره بخبرك
أبتسم لها أبو بدر بحب
قعدت معهم ..
نادين : أيوه ووين هتي باهلاسبوعين
تولين : أبد سلمك الله قاعده
فيصل قطب حواجبه : وين قاعده دوختي روسنا عليك
تولين : ههههه بالفندق
بدر : جنيييه أعوذ بالله وين مختفيه
أحمد : بسم الله على أختي
تولين : هههههه بعدي أخوي ..
بعد مامر عليهم ساعه وسولفو بكل شي وضحك ومزح مع بعض ..
أحمد وإياد طلعو وأخذو معهم تولين ..
كانو يمشون وبوسطهم تولين شاكه يدها ليسار بذراع أحمد ويدها اليمين بذراع إياد ..
أحمد : على قد ماتمنيت لي أخت
تولين : أنصدمت أني صرت أختك
أحمد : ههههه بالضبط
تولين كشرت ولفت عل إياد : تصدق كان مايسولف معي
إياد : تبغين أتوطى ببطنه عشانك
أحمد طارت عيونه : لااااه
تولين مسكت يد أحمد : هههههه لااا أخوي ماارضى عليه
أحمد : تصدقين لو رعد موجود كان أكثر واحد فرح بهالأكتشاف الخطير !!
تولين : كيف يعني
أحمد : رعد كثير تمنى أن يصير عنده أخت .. وكان كثير يتمنى أنك قريبه منه
تولين : لكن ماعمره بين هذا الشي
أحمد هز بكتوفه بعلامة مدري عنه ..
إياد : تصدقون ماكنت عارف أن ربي بياخذ مني واحد وبيعوضني أثنين
أحمد ضربه على ظهره : تعاال أول ماشفتك ليه هربت مني
تولين : هههههه
إياد : مدري شفتك وأنفجعت
أحمد : أنا اللي أنفجعت يالمخيس على بالي رعد طلع من قبره
تولين ماتت ضحك عليهم فاصلين : هههههههه الحين كيف بيطلع من القبر
إياد : بيحفر بيحفر ويطلع هههههههه
تولين : هههههههه
أحمد كشر : أييييه أتمسخرو
إياد ضم تولين وأحمد : والله سعادتي هاللحظه ماتقدر بثمن
أحمد ضمهم : أي والله
تولين : الحمدلله يارب عسى ربي مايحرمني منكم
إياد وأحمد : آميييين
أحمد : وياااااك ياروحي ..
________________
مسكت يده وهم يتمشون
فيصل : الحمدلله صلحت الأوضاع
لميس : يب الحمدلله
فيصل وقف قدامها ومسك يدينها : لموستي وش رايك نتزوج
لميس : هه أيي إذا ماجاء بالليل مصيبه جديده !!
فيصل قطب حواجبه : ليييه هالتشاؤم !!
لميس قربت من فيصل بقوه وهو على باله بتبوسه من وين جتها هالجرائه !!
ومسكت التيشيرت حقه وشمته .. ورفعت له عيونها وهي معصبه
فيصل أبتسم وقرى عيونها
لميس : أنت متى بتترك هالسم إن شاءالله
فيصل : لميس أنــا
لميس : فيصل مو أنت وعدتني أنك تتركه ؟؟
فيصل : حبيبتي أنــا وعدتك صح بس ماقدر أتركه مره وحده
سكتو شوي
لميس : فيصل !!
فيصل : عيونه !!
لميس : أبغاك تعرف شي
فيصل لف عليها باهتمام : أيييش هم ؟؟
لميس بألم : ماراح أتزوجك إلين ماتترك التدخين
فيصل : لا لاتقولينها لميييس
لميس صرخت : إلا بقولها بقولها يافيصل مو حرام تقتل نفسك شوي شوي مو كافي أمك الحين شايله هم أخوك سعود تزيدها أنــت ؟؟
فيصل : أوك أوك ياقلبي راح أتركه وعد بس هدي هدي أنتي
ضمها وهي تضرب بصدره .. وتقوله
لميس : إذا ماتركته بذبحك
فيصل : هههههه حلالك ..
سرحو بخيالهم شوي ..
فيصل : روحي
لميس : هاه
فيصل : عيوني
لميس : نعم
فيصل : قلبي
لميس : هلا
فيصل : عمري
لميس : لبيييه
فيصل قرب لأذنها وهمس لها : أحبببببببببببببببك
حمممر وجهها لميس ..
وضحك عليها فيصل ..
إياك ان تنسى انك حراً ! و إن إظهار عواطفك ليس عاراً أصنع ما يحلو لك دون الالتفات لأي أحد .
___________________________
بالشركه .. قاعد لحالي باليل ..
رامي ..
تولين رجعت للبيت .. ولا حتى فكرت فيني ولا فكرت تجيب طاريي هه لييه مو راضيه تطلع من عقلي وقلبي لييييه .. أنصدمت بقووه يوم عرفت أن تولين لقيطه لكن ماعمري نظرت لها بالشفقه مثل ماقالت لا كانت نظرات رحمه كان نفسي أخذها وأطير فيها بعيييييييييد أبعدها عن كل اللي يأذونها .. أنــا تجمدت مكاني يوم شفت دموعها .. ماقويت عليها ضقت دورتها بكل برطانيا قلبت عليها الدنيا وفوق كذا ماطلعت .. مدري جاني شعور غريب أنه آخر مره بشوفها بس ماصدق هذا الأحساس طلعت مره ثانيه هههه مهبوله هالأنسانه مدري وين كانت موجوده .. دخل علي اليوم عبدالسلام ووجه أسود .. وخبرني أن تولين رجعت حسيت أن صاير شي جبتها من اليمين واليسار وجاوبني بس بثلاث كلمات اللي هي " سعود أغتصب ميس " أنصدمت ورحت أهديه بعدني وطلع من المكتب عرفت أنه محتاج يقعد لحاله عبدالسلام طبعه شييين لو تضايق قد الدنيا مايقدر يطلع ضيقه بصرخه .. ولا بفضفضه .. ولا حتى بدموع !! أنسان كتوم درجه أولى عمري ماشفت زيه .. مايحب احد يشوفه وهو ضعيف أو حزين إذا وصل هذي المراحل أختفى ..
أحذر أن تَقع في حُـب شَخص لَديه حَبيب قَديـم ( لم ينسآه ) ..
لأنك سَوف تكون في قآئمة :-
" ضحآيآ آلفرآغ آلعآطفي آلمؤقت " !
______________________
تولين ..
رجعت لبيتنا بعد طلعه أخذت يمكن يوم كامل مع أحمد وإياد مره أنبسطت وأكتشتف فيهم أشياء حلوه والأحلى أنهم ناس يحبوني ويبوني لأنو أنا تولين مو لشكلي ولا لشي .. شي حلو أنك تقعد مع أشخاص يحبونك حتى لو كنت أبشع شخص بالعالم عادي يشوفونك حلو عشان نفسك الحلوه ..
دخلت غرفتي ولقيت ميس للحين نايمه ياحياتي باين لها كم يوم مانامت ..
غيرت وأنسدحت جمبها .. وتنبهت فيني ..
ميس : كم الساعه ؟؟
تولين وهي تمرر يدها على شعر ميس : 12 بالليل
ميس شهقت وقامت : يؤؤ تأخرت !!
تولين مسكتها ورجعتها عشان تنسدح : ماعليك كلمت أمك وقتلها ومامانعت
ميس : يؤؤ أجل برجع أنــام فيني نوم مع أني أبي أسولف معك
تولين أبتسمت : نامي الحين وبكرى نسولف إلين مانمل من بعض
ميس : عمرنا ماراح نمل
وراحت عيونها ورجعت نامت مره ثانيه
تولين أبتسمت وبقلبها : ياربي لايكون عبدالسلام يتركك والله أموت من القهر عليك .. بس صدقيني راح أخذ حقك من سعودوه الحقيير .. قلت أعطيه فرصه بس هو مو وجه فرص
دق جوالها وقطع عليها حبل أفكارها
رفعته وشافت عبدالكريم ..
تولين : أهلين عبدالكريم
عبدالكريم : هلا وغلا بذا الصووت اللي حرمتيني منه أسبوعين كاملين والله تعبت حبيبتي و أنــا أدور عليك ومالقيتك وينك خوفتيني عليك
تولين : ههههه موجوده مارحت مكان
عبدالكريم : توها قالت لي لورا وكان نفسي أجي وأشوفك لكن هزئتني لورا
تولين : ههههه حياك بأي وقت
عبدالكريم : ههههههه يعني اجي الحين
تولين : لالا مو الحين
عبدالكريم : مو قولين حياك بأي وقت
تولين : أيييه عاد أنت أفهمها هذي تسليك
عبدالكريم : هههههههههه أيوه خبارك
تولين : الحمدلله
عبدالكريم : وأنــا بخير
تولين : هههه دوووم
عبدالكريم : تولين
تولين : نعم
عبدالكريم : أشتقتلك
تولين : تشتاق لك العافيه ..
عبدالكريم بإحباط : أوك ياقلبي بكلمك بوقت ثاني مضطر الحين أسكر
تولين : أوك ربي وياك
عبدالكريم : أنتبهي لنفسك .. ونوم العوافي .. وأحببك
تولين : أوك وأنت بعد أنتبه على نفسك .. يالله سيوو
عبدالكريم : مع السلامه .. أييييي لحظظه تولين
تولين : هلا
عبدالكريم : بكرى بمر عليك نطلع نتعشى سوا
تولين أبتسمت : أوك أنتظرك الساعه ثمان
عبدالكريم أنبسط :أوووك ماراح أتأخر عليك يالله تصبحييين على خير يــاأحلى مخلوقه على وجه الارض
تولين : وأنت من أهل الخير
سكرت منه تولين .. وهي حاسه بسعاده غريبه ..
وبقلبها : يؤؤ لا أكون حبيبته ههههه خل أنــام بس شكلي بديت أخرف ..
سكرت النور ..وأنسدحت جنب ميس وغطت بنوم عميييييق ..
أحتاج حضنك يآ صديقتي أختبىء فيه ♥
فـ الكون لم يعد آمن
_____________________
فـــي اليوم الثاني
المغـــرب ..
كــانت تلبس والبنات متجمعين عندها متحمسين لها لأنها بتطلع من عبدالكريم أول مره لقاء عشـــا .. وأكثر وحده متحمسه لورا ..
تولين بقلبها : قررت اليوم أني أحاول أنسى ريان وأبدا حياة جديده مع عبدالكريم باين تغير وصــار شخص زييين ..
أمل مسكت فستان : شوووفو هذا جمييل ..
لميس : على ذوقك أموله (وغمزت لها )
ملاك وغلا ولورا وريم قاعدين جنب بعض ..
تولين ولميس لفو عليهم وفيهم الضحكه
وكل وحده ماسكه لها شي تتوحم عليه
ريم ليمون
وملاك حليب شولاه
وغلا فراوله
ولورا قهوه عربيه
تولين ولميس ناظرو بعض : ههههههههههه
غلا ناظرتهم : خييير
لميس : عليكم أشكال أنتم ووحامكم ههههههه
تولين : ههههههه كل وحده ماسكه شي وتاكل فيه متحمسه هههههاي
لورا ناظرتهم بطرف عين : مايضحك
تولين : هههههههههه إلا يضحك
ملاك :ماعليكم منهم صغاار توهم ماتزوجو لاتلقونهم بااال ( ورفعت حواجبها على فوق بحركه مستفزه )
تولين ولميس طارت عيونهم ..
لميس : هييييييه تراني بتزوج أن شاءالله قريب للمره الثانيه والأخت تولين قريب بتتزوج
ملاك لفت عليهم وهي تضحك : ههههههه شفتو كيف أخذت حقكم وقهرتهم
لورا : اييييييييييه أحسن
تولين : ماااالت عليكم ..
سوو شعر تولين بالسيراميك ( أستريت ) وحطو لها ميك أب خفيف ..
ولبست فستان على ذوق أمل .. أحمر فاتح مخصر على جسمها إلى تحت ركبتها وأكمامه كت .. وتحت الصدر فيه ورده متوسطة الحجم .. لبست معه سندل أسود ..
أمل : أعوذ بالله كل ملابسك درجات الأحمر أو أسود وأغلب سنادلك أسود !!
تولين : مو ملابسي
أمل كملت : أدري أدري أنتي حره
تولين : حلووو فهمتيها
مر الوقت بسرعه .. وجات الساعه 8:00
وجاء عبدالكريم ياخذ تولين
أحمد : هاااه ياعبدالكريم ترا تولينتي بأمانتك
عبدالكريم : داخل عيوني تولين ..
.. وفعلا طلعو وربع ساعه وهم واصلين للمكان المحدد ..
دخلو للمطعم وكان باين عليه فخم .. وتولين ماسكه بذراع عبدالكريم
وصلو لطاولتهم وسحب لها الكرسي وقعدت عليه ومشى بسرعه وجلس على الكرسي اللي مقابلها ..
جلس وظل يتأمل فيها ويبتسم..
تولين : عبدالكريييييم ههه والله أحرجتني خلاص نزل عيونك
عبدالكريم : كيف أنزل عيوني والقمر قبالي ؟؟
تولين أبتسمت بخجل ..
عبدالكريم : حبيبتي وين أختفيتي طول هذي المده طورت عليك بكل مكان ولا لقيت لك أثر !!
تولين : مييين كان معك وأنت تدور علي ؟؟
عبدالكريم : أنــا وعمر وأحمد وإياد .. وتقريبا كل عيال عمك
تولين : أهااا
أستغربت تولين أنه ماجاب طاري رامي أبد .. معقوله نساني وماعاد يبني هذا وأنا لي يومين تقريبا عند أهلي أمس واليوم ولا فكر يجي ؟؟ يمكن يوم عرف أني لقيطه قرف مني وكرهني !!
ناظر عبدالكريم يسار وأنتبه لبنت تبتسم له
وظل كل شي يلقي نظره خاطفه على البنت ..
وتولين تسولف .. وهو كان يسلك لها ..وتولين ماهي من عادتها كثيرة كلام .. لكن عشان تحاول تتعود عليه ..
وقاطعها عبدالكريم !!
عبدالكريم : توليين حبيبتي بروح التواليت .. عشر دقايق وراجع لك
تولين : أوك خذ راحتك ..
قام عبدالكريم ..
وبعد بخمس دقايق قامت هذي البنت اللي كانت ترمق عبدالكريم بنظرات ..
تولين مالقت لها بال لأن لبسها كان فاسخ بقوووه .. يعني بالمعنى فستانها حق جذب الرجال وإثارتهم ..
طلعت تولين جوالها تلهي نفسها وتشوف الرسايل والإيملات اللي واصلتها ..
بالأخير ملت وشافت ساعة الجوال .. ولاه مار على عبدالكريم من يوم ماقام ربع ساعه .. تأفتت .. وإنتظرت عشر دقايق ثانيه ..
وبعدها جاء ببال تولين : لايكون هذا المخلوق صير فيه شي خليني أروح أتطمن عليه !!
قامت تولين تمشي وتمشي ..
كان فيه سيب صغير يمكن عرضه متر ..
المهم هذا السيب إذا قطعتيه توصل لدورات المياه ( تكرمون )
مشت تولين وأنصدمـــــت من اللي شافته ..
شهقت وحطت يدها على فمها .. وأتجمعت الدموع بعيونها !!
___________________
توجع
لآمن وثقت شخص .. وخان هالثقه !؟
___ نهاية البارت الواحد والستون ________________