الفصل 51
51))_____________________
لميس تضحك : كيــف صار كذا ؟؟ ليه ماعلمتنا
عمر وهو يغمز : بيني وبينكم
تولين تحمست : يب يب
عمر : مــآآدري عن الموضوع
لميس وتولين أنصدمو : أيييش ؟؟
عمر : وربي .. مسكوني فيصل وعادل
لميس فز قلبها يوم طرى عمر أسم ( فيصل )
عمر كمل : تخليو قالي عادل قريب بتصير نسيبنا أنــا أنفجعت وش يخربط هذا مع وجهه
تولين : هههههههههههه
لميس : أيوه أيوه هههههه كمل
عمر : قالي لاا تصرف ترا عرفنا قلت له وش السالفه لاا المشكله أن هم يبون يستهبلون وأنــا ماخذ الموضوع جدي أبي أعرف أيش الموضوع خفت أن حد مطلع عني إشاعه
لميس وتولين : ههههههههه
عمر : بعدين قتلهم أيش السالفه .. بان عليهم أنهم أستغربو وقال عادل سالفه خطبتك لريم ؟؟ هم شكو بالموضوع بس أنــا تداركته وقلت أييييه صح مدري أيش فيني اليوم مضيع .. وأستئذنت ورحت لمكتبي .. بس مررره عصبت يعني موضوع يخصني ويسونه من وراي لا وأنــا كني الأطرش بالزففه !!
تولين : طيب ماحكيت مع بابا ؟؟ أو ماما !؟
عمر : إلااا تكلمت مع أبوي قال أن الموضوع منتهي ولو بننتظرك ماراح تتزوج وأنــا رجال كبير وبشوف أحفادي ؟؟
تولين : تصدقون أحس هذي ردت فعله بعد طلاق لميس !!
لميس أستغربت : تتوقعون
تولين : يب يب لأنه كــان مأمل أن أنتي تحملين !!
عمر : اللي أعرفه أن أبوي يحب الأطفال بس ماتوقعت أن كذا بتصير درت فعله وخصوصا أني مــآأتخيل أنو أنا وريم نكون متزوجين ماتصلح الشخصيات
لميس : ريم سهله وتقدر تغير بشخصيتها بسوله !؟
عمر : بسس ريم إذا حبت أحد تحب تتملكه لها هي لحالها تعرفون أنــا ماحب هذي لشخصيه .. تخيلو طالعين للوق سوا تقولي نزل عيونك لاتشوف هذي لاتسوي كذا بعدين تلفت الإنتباه !؟ يــآآآخي مـآآآأقدر راعو مشاعري
تولين : لااا تقدر تغير ولله تقدر .. بس لاتتنتظر التغير بيجي على طول من الباب للطاقه .. لا ممكن تنتظر سنه سنتين !!؟ هذا إذا ماتطلب الموضوع إكثثر
عمر رجع ظهره على الكنب وتنهد : آآآآآه بس ياصبر أيوب على بلواه
لميس أبتسمت ..
يلدا : هــآآه أشوف عيالي جتمعين
قعدت يلدا جمب عمر ..
لميس : هلابك يمه ..
يلدا حطت يدها على فخذ عمر ..
يلدا : عمر تراني كلمت خالتك أم عادل نبغى الشوفه قريبه .. وقالت لي أنو راح تكلم عمك أبو عادل
عمر : قريبه يعني متى ؟؟
يلدا : يعني بعد أسبوع أسبوعين وبعدها الملكه والشبكه بعدها بأسبوع طبعا
عمر : بس يممه أبغى لميس تحضر معنا ؟؟
يلدا : لميس إن شاءالله بتحضر الزواج لأنو الزواج بيصير قبل سفرتنا بأسبوع ومنها السفره تكون لكم شهر عسل ومنها تتعالج أختك تولين
عمر غمض عيونه شوي وفتحها ومعناته أفهميني
لميس : كلام أمي صحح .. بعدين تولين راح تكون معك
عمر : أبغاكم ثنيناتكم معي
لميس مسكت يده : صدقني راح أكون معك بزواجك وأنــا بنفسي كان تبي بزفك
عمر شد على يدها ووأبتسم ...
يلدا : خلااص نقول تـــم
عمر ناظرها بنص عين : بفككر
يلدا ضربت يدها على فخذها : لآآآ إله إلا الله .. الله يصبرني عليكم
وقامت وتركتهم ..
ضحكو يوم طلعت : هههههههههههه
تولين : نذذذل تبي تهبل فيها
عمر : لاا والله بس بفكر وبشوف ..
لميس : لا تأجلها عشاني تكفى
جاء عمر بيتكلم ودق جواله
عمر : أكيييد فيصل هوو اللي جاء يالله صبايا أشوفكم ..
بــاس لميس على جدها ومشى وباس تولين على جبينها وطلع
لميس تنهدت : آآآخ بس الله لايحرمنا منك
تولين : آمييين
لميس تكلمت بجديه : ياخوفي ريم هي اللي بتغير عمر
تولين : من جد هذا هو اللي أنــا خايفه منه بس ماقلت
لميس : مــآأقدر أفقد هالأنسان .. وريم مــارح تقبل أنــه يسوي ذ الحركات قدامها
تولين : تستفزني غيرتها
لميس : مو بيدها شي غصب عنها
تولين : أفففففف
لميس ناظرت تولين : أنتي من يوم مــا أنا تطلقت ماطلعتي حاسه بتأنيب الضمير يعني ؟؟
تولين أبتسمت : لآآآ بس مدري ليه قلب يقولي أنو هذي أطول مده رح أقعدها معك بدون محد يخرب علينا أو يضايقنا
لميس ضمتها : لييييه تقولين كذا ياقلبي
تولين : أتكلم معك بصراحه
لميس : يب أحكي اللي عندك
تولين : خايفه من روحتنا كلنا لبريطانيا أحس بيصير أشيـــاء هنــاك ؟؟
لميس : ليييه كذا أنتي مو متفائله
تولين : هذا أحساسي ؟؟ وصدقيني أحساسي مايخيب
لميس : بس فللله أنو كل العايله بتروح مره فله
تولين حست أن لميس غيرت الموضوع أبتسمت : يب فله
_____________________
فيصل أبتسم : هلابك يالنسيييب
عمر ضحك : هلافيييك يالربييييع
فيصل : ربيع ولا خريف ههههه
عمر : ه ه ه ه ســـامج
فيصل : ههههههههههاي أدري
عمر : الحمدلله ياربي على نعمه العقل اللي عطيتني ياها
فيصل :ههههههههههه
عمر : أشوفك من يوم مااا
فيصل :مااا أيش ؟؟
عمر : عبدالله ضف وجهه وأختفى عنآآ أنبسطت والبسمه ماتفارق وجهك
فيصل : ههههههههه أكيييدين
عمر : الله يديمها بس خذها منــي لميس مستحيل تتزوجك الحين حطها ببالك
فيصل أنصدم وأختفت إبتسامته وناظر بعمر معصصب
عمر وهو يناظر الشباك والسيارة : لااا تناظرني كذا لميس توها طالعه من تجربه فاشله مستحيل على طول راح تخوض وحده ثانيه على طول يعني شيلها من بالك الحين !؟
فيصل : ليييييه خربت علي فرحتي
عمر هز راسه بالنفي : ماخربتها بس أبيك تحطها ببالك وما تنصدم لو رفضتك
فجاءة بعد ضحكهم عمم السياره الهدوء وصاار الصمـــت هو سييييد الموقف !؟!؟
____________________
بغرفتها مبسوطـــه وتدوور
ريم : وآخيــراً تحقق منيـــا .. الله يــآعمـر راح تكــون لي أكيــد العنود راح تمووت من القهر هههههههه
_____________________
( بعـــد مرور كذا يوم وبعد مــاتحدد يوم الشوفه ) ..
مشو عايلة أبو بدر لبريطانيا ..
يعني يكفي أن أشغالهم توقفت كذا أسبوع ..
( بيـــوم الشوفه ) ..
ببيت عبدالعزيز ..
دخلت يلدا غرفة عمر ..
وكـانو لميس وتولين عنده ..
يلدا مبسوطه : والله وجاء اليوم اللي بشوفك فيه معرس كن على بالي ماراح أشوفك
عمر : ههههه ليييه ياأمي حرام عليك ماني معقد لهالدرجه يعني
لميس : أقول أم عممر خلي ولدك يشوف شغله لايتأخر على الجماعه
تولين : على أساس أنهم أغراب تراهم بيت عمي
عمر : ههههههه من جد
لميس : أقول بعدين مايعطونك بنتهم إذا شافوك مو منضبط
عمر : يالييييت
يلدا كانت بتطلع ووقفت فجاءة ولفت على عمر : أيييش قلت
عمر : أقول ياليت بنتك تولين تسكت عشان مااتأخر بعدين مايعطوني بنتهم
يلدا : أيييه على بالي شي ثاني
وطلعت
الكل : ههههههههه
عبدالعزيز : جههز ولدك لايفشلني مع أخوي
يلدا : وش بلاك ترا عمر مو طفل أكيد مو مفشلك بعدين منت رايح معه
عبدالعزيز : لا أيش أروح أسوي .. بيروح يشوف ريم وعلى أساس أنه أول مره يشوفها
يلدا : لا يسمعك بعدين يزعل ..
______________________
ببيت أبوو عادل
كـــانت ريحة البخور منتشره بكل مكان ..
والمجلس مولعه أنواره .. وموجود فيه القهوه والشاي والتمر والحلا والمالح ..
والكل كان مبسوط لريم .. مو هي أختهم الوحيده ..
وزياد كان يتمنى يكون معهم .. أول ماعرف بالخبر مرره أنبسط ..
ريم بغرفتها ..
ماكانت حابه تحط مكياج وخرابيط كثير تبغى شكلها بسييط وناعم .. وبنفس الوقت جذاب عشان تاخذ عقل عمر ..
انتهت ودخلت عليها أمــها ..
أم عادل : ماشاءالله تبارك الرحمن الله يحفظك من العين يابنتي ..
ريم : هههههه حستيني أني بطلع قدام قبيله
أم عادل : لا بس بتطلعين قدام رجال وعيونهم تاكل البنت الملفته
ريم : ههههههه أجل بقعد بالغرفه ومو لازم أطلع
أم عادل : يللله بس ..
ريم : ههههههههه
كــانت ريم لابسه فستان بنفسجي ..
موديل روماني .. من جهه فيه كم متصل مع الفستان والجهه الثانيه مافي كم ..
الجهه اللي فيها الكم من تحت من عند الخصر فيها شك بسييط بالكرستال ..
وإلى فوق الركبه وكــان مخصر على جسمها وحلوو ..
ولابسه معه جزمه كعب ( يكرم القارئ ) بنفسجي نفس لونه مافيها موديل
بس سير يسكرها ..
وشعرها مسويته ويفي .. وحاطه طول يرفعه فضي وفيه كرستال ..
حطت مسكارا .. وكحل روماني فوق عيونها .. وبلشر .. وروج وردي ..
لبست حلق دائريات ..
ناظرت شكلها النهائي بالمرايه ..
ريم : هههههه فديتني أخقق .. أبصم بالعشره كن مخقته معي ..
دخلو عليها أخوانها ..
وصفر فيصل
عادل : هههههه يؤؤ أروح فدوه للووزه اللي قدامي أنــا
ريم : ههههههه
فيصل : أهم شي قريتي على نفسك بعدين يتحمس عمر ويدخل عليك من اليوم وقبل مانسوي شي ( وغمز لها )
وهي خجلللت من كلامه
عادل : ههههههههههه والله لو يسمعك كــان ينزل فيك تكفيييخ
فيصل : هههههه ياويلك تقوله
سعود : الجدران لها ودااان
فيصل : تكفى ضف وجهك ههههههههه
عادل تكلم بجديه : يالله تراه وصل قاعد مع أبوي تحت
ريم : يعني كلكم بتروحون معي كذا بتدخلون جيش
سعود : ليييه تخافين ينفجع ويلع ويقول بطلنا
ريم عطته نظره معناها أسككت ..
عادل : هههه لاا أنـا وسعود بنروح الحين وأنتي تعالي مع فيصل .. خبرك نخف عليك تتخطرفين بالكعب حقك .. وتحطين يصير جمبك بودي قارد
فيصل وسعود : هههههههههههه
ريم : عاااااااادل
عادل : يالله حنا بنروح يالله سعود
سعود : يالله ..
طلعو من عند ريم ونزلو تحت متوجهين للمجلس ..
وبعدها بدقايق .. لحقوهم فيصل وريم ..
ريم كانت متحمسه تمشي .. بس يوم جو يدخلون حست أنها ماتبي تدخل
ريم : فييصل
فيصل لف يناظرها : هلا
ريم : مابي أدخل بطلت خايفه
فيصل مسكها مع يدها : شفيك ياروحي ترا عادي كلها دقايق وينتهي الموضوع ..
ريم شدت على يده وهي شوي وتبكي : فييصل
فيصل : لا لا لاتبكييين خوذي نفس
خذت ريم نفس
فيصل : وبعدين سمي بالله .. ويالله
دخلت ريم ..
أول مادخلت كــانو قاعدين يسولفون .. وفجاءة كلهم سكتو والأنظظار توجهت لريم ..
وطاحت عين ريم بعين عمر ..
وحست بهذيك للحظه أن نبضات قلبها زادت .. والهوا قلب حاار
وهي ناظره .. قد أيييش محلو بالثوب والغتره .. حتى عيونه الرماديه بانت ..
وصحته صايره أحسسن بكثير من قبل ..
عمر ..
يالله قد أييش صايره جميييله .. شفييك ياعمر مو قادر تنزل عيونك ..
ماني قادر اللي قدامي ملاك مو قمر .. بسم الله عليها ربي يحفظها ..
بالأخير الأثنين قدرو يكسرون عيونهم ... وينزلونها ..
وعادل وفيصل فيهم الضحكه ..
وسعود منشغل من البيبي ..
قعدت ريم شوي .. والجو هدوووء ..
وجات تبي تقوم وتطلع .. لأنه حست نفسها مهي قادره تتنفس ..
عمر شافها قامت وأسرع ..
عمر : إذا سمح لي ياعمي بكلم ريم بموضوع مادري هي تدري فيه ولا لا بس ماني حاب نبدأ الزواج بأسرار وخبايا ..
ريم رجفت !؟
أبو عادل : أييه نعم ياولدي وهذي هي ريم قدامك وتسمعك وخذ راحتك وكان تبي نطلع طلعنا ..
ريم ناظرت فيصل وعادل وهزت راسها بــ ( لا لا )
عمر : لااا ياعمي مافي بيننا أسرار ..
أبو عادل : أستريحي يابنتي شوي وأسمعي اللي بيقوله عمر ..
جلست ريم ..
عمر : ريم أبغاك تعرفين أنو أنــا أعاني من مرض السكر ..
ريم أنصدمـــــــــــــت ( لأنها اول مره تدري )
صحيح هي لاحظت عليه أنه فيه تعب من قبل تعب ملازمه بس ماعمرها فكرت أنو السكر ؟!
عمر : وأنو أنــا إنسان مع مرضي لازم أكون نظامي بأكلي وأبري .. ( أبتسم )
ريم همست : يعني كيف ؟!
على بالها مانسمعت .. بس عمر سمعه قوي ..
عمر : يعني أنــا باليوم لازم أكل ست وجبات .. يعني الفطور لازم تنقسم لقسمين والغدا والعشا نفس الشي .. والأبر لها أوقات محدد .. ويبيلي مع مرضي أهتمام أكثر من الزوج العادي ..
عمر لاحظ أنقلاب وجه ريم ..
عمر : عموما يابنت عمي .. عندك الوقت وحنا للحين ماصار بين شي فكري إذا تبين وخوذي وقت .. ولك الوقت اللي تبينه .. أوكي
ريم : أقدر أمشي ..
أبو عادل : تفضلي يابنتي ..
طلعت ريم بسرعه من عندهم .. وطلعت لغرفتها وسكرت الباب .. وسندت نفسها عليه وصارت تبكي ..
ريم : لآآآآآ ليه يوم حبيت شخص طلع مريض مو سليم ..
أمـــا تحت ..
اكلل أنقلب وجهه .. وأنحرجو من ريم وتعاملها اللي انقلب فجأة مع عمر ..
عمر : يالله عمي أنــا أتستأذن بمشي .. وأنتظر ردكم وخوذو وقتكم ..
أبو عادل منحرج : تسللم ربي معك ..
طلع عمر وهو يتننهد ..
عمر : صحيح أن ريم حلو وحبيت أنه تكون مرتي .. بس إذا رفضتني فهذا يعني أنها حبت شكلي ماحبت عمر اللي من داخل ..
___________________
بعــد ماطلع ..
عادل : وش فيها بنتك فشلتنا مع الرجال ؟!
أبو عادل : لهــا الحق تنصدم ترا
عادل : تراه سكر مو أيدز
أبو عادل : بسسسس أسكت بنتي واللي تبيه بيصير صحيح أني خجلت من حركتها بس هذا زواج مو لعب ياعادل ..
فيصل ساكت ويناظرهم .. وده يوقف مع أخته بس بنفس الوقت عمر أيش ذنبه مو هو اللي قال للسكر يــاهلابك تعال ؟!
_____________________
دخل البيت
يلدا نطت : هااااه بشر أيش صار
عمر ناظر ببرود : ماصار شي ؟!
يلدا أنقهرت : كييف ماصار شي يعني ماعجبتك
عمر هز راسه : الله يكتب اللي فيه الخير والصالح ..
وطلع فوق ..
تولين : وينه طلع فوق
لميس : ييييب الموضوع فيه أن بطلع أشوفه ..
لحقته لميس فوق ..
طقت الباب ودخلت ..
لميس : عممر
عمر لف يناظرها : هلا لميس أدخلي وراك واقفه عند الباب ؟؟
لميس : يمكن تبي تغير ولا شي
عمر : هههه أكييييد بغير مافيها شك
لميس دخلت وسكرت الباب
لميس بجديه : عمر أيش فيك أيش صار هناك ؟؟
عمر فجأة أنقلب وجهه : قلت لها قدامهم أن فيني السكر وأنصدمت ومدري أيش بيصير أحسها بترفض
لميس ناظرته : حبيتها ؟؟
عمر : رييم جميله بسم الله عليها تخقق
لميس : هههه
عمر : بسس أنــا أيش ذنبي تراه سكر
لميس : وتراه زواج وهي لها الحق تختار مع مين بتعيش !!
عمر سكت شوي : صح
لميس : رووق الحيـــن وصلي لربك ركعتين عشان يرتاح قلبك .. وبعدين تعال أبوي اليوم يبينا نتعشا بدري
عمر : غريييبه أبو عممر اليوم يبي العشا بدر بالعاده العشا ماينحط إلا 11 قريب الـ 12
لميس : بلا فلسفه كثير أنــا بنزل
عمر : ههههه أوك ..
______________________
ببريطــانيا ( لنـــدن - مديــنه الضباب )
زياد : هاااه بشر أييش صار ؟؟
سعود : والله ولا شي أختك عرفت أن ولد عمك فيه السكر وأنقلب وجهها وطلعت تركض من المجلس وللحين مقفله على نفسها بالغرفه
زياد : يــاقلبي عليها ريموو الله يكتب اللي فيه الخير والصالح يالله أجل أنــا بقفل الحين
سعود : أوك لااا تقطع
زياد : من عيوني
سعود : تسلم عيـــونك
زياد : تصبح على خير
سعود : وأنــــت من أهل الخيـــر
سكــر زياد من سعود
أمل : أييش صار عليهم ؟؟
زياد ناظرها : ماصار شي !؟
أمل هزت راسها
وسكتـــوو شوي !!!
أمل : زياد حنــا إلى متى وضعنا كذا ؟؟
زياد رفع راسه لأنه كان يطقطق بجواله
زياد : كيف يعني وضحي
أمل قامت : ولا شي أنسى
كانت بتمشي .. بس جرتها يد بقوه ولصق ظهرها بصده
أمل بلعت ريقها .. لأنها ترتبك من قربه ..
زياد همس بأذنها : أيش تقصدين بوضعنا ؟؟
أمل : يعني حيــاتنا هذي اللي حنا الحين عايشينها !!
زياد وهو ذاايب مع عطرها : أيووه أيييش فيها ؟؟
أمل : يعني بـــارده ومو كأننا زوجــ
وقطعت كلامها
زياد : ومو كأننا أيييش ؟؟ كملي
أمل اللي حمر وجهها : ولا شي بعد عني
زياد شدها أكثر من خصرها : مــابي حلالي أنتـــي
أمل سكتت ..
زياد : مو كأننا زوجين صح
أمل هزت راسها بــ أيـــه
زياد : لأنك أنتي ماتبين هالشي
أمل : أنـــت تقهر بتصرفــاتك
زياد همس قريب أذنها وأنفاسه حاوطت رقبتها : أنــا مــا أقهر ياقلبي أنــا أحبك
لو مااحبك كان ماتزوجتك
أمل غمضت عيونها : طيب لييه دايم تحاول تقهرني
زياد : مدري يعجبني شكلك وأنتي معصبه
قريب شفــاته لرقبتها أكثثثر ..
وفجأة بدت أمل تبكي
أمل : زيـــــآآآد بعد عني بعععععد
زياد : أييش
أمل صرخت : بععععععد عني بعععععد مابيييييك
زياد تركها وهو معصب ..
زياد : وتقولين ليييه وضعنا كذاا أنـــتي اللي مخليته كذا هذا ذنببببك ذنبببك أنتي ياأمل ..
مشى للباب ولبس الجاكيت حقه .. وفتح الباب ..
وقبل مايطلع .. وهو ملقيها ظهره .. وهي ملقيته ظهرها ..
وبينهم مسافة الــ مترين ونص ..
زياد : لعلمك بسس بعد ماتخلصين دراستك ونرجع الرياض بطلقك وبسوي اللي تبينه .. لأني ماقدر أعيش مع وحده زيك .. أنــارجال وأبغى وحده تشبع لي رغبــاتي .. فالذالك أول مانرجع بشوف غيرك .. طبعا بعد ماأطلقك ..
طلع وسكــــر البــاب بقوووه ..
_____________________
لآآآزلنـــا ببريطــانيا ..
قاعد يحرك يده على بطنها ومبسوووط ..
بدر : يبببه يبببه تعااال شوف حفيييدك .. ينادييييك ويقول وييينك أناديلك تعآآآآال
لورا ضربته بخفه على راسه وهي تضحك : هههههه أعقل قربت تصير أبو وأنت بهبالك هذا ماخف
بدر : كييفي حتى بخلي ولدي زيي أهبببل
جاء أبو بدر ..
أبو بدر : لاااا نبيها بنووته تشببببه جدتها
أبتسمت لورا : والله ياعمي حنااا مانقول لااا اللي يجي من الله حياه الله .. جت بنت وتشبه خالتي حيااه الله .. جــاء ولد ويشبببه أبوووه ( وتمرر يدها على شعر بدر ) برضوو حياااه الله ..
بدر مرر يده على نص وجهه : طيب أفرضي جات بنت ولا تشبه أمي أو ولد ولا يشبهني
لورا : ههههههههههه برضوو
بدر يقلدها : حيـــاااه الله ههههههههههههه
أبو بدر : ههههههههه أركد يــاولد حتى زوجتك ماسلمت منك
نادين وأحمد بالمطبخ .. نادين تسوي كوفي .. وأحمد قاعد معها ..
ويسمعون ضحكتهم بالصاله ..
نادين مبتسمه : ربي لايحرمنى من ضحكاتهم
أحمد : لااا أغــآآآر أنــا
نادين : هههه ولا يحرمني مننننك ياارب ..
أحمد : أوقل دندون
نادين : عيون دندون قلبها روحها أييش
أحمد : إذا جاء يوم وفقدتيني
نادين بسرعه : بعييييد الشر عنك
أحمد أبتسم : راح تتزوجين غيري ؟؟
نادين : الحين وشوله هذي الأسئله
أحمد : سألتك جاوبي
نادين : لآآآآ طبعا مــاأتخيل نفسي
أحمد أبتسم
نادين قالت بدلع : وأنــــا ؟؟
أحمد : والله أمووت وراك
نادين : ربي يخليك لي ياروحي
أحمد : لاا تخليني أتهور الحين
نادين : لالا خلاص بعقل ..
أحمد : ههههههه
بدر يقول من الصاله : يــآآآآهووو أنتو اللي بالمطبخ مو كأنكم طولتو لاتكونو تسون حركتات نص كم
نادين : بدددددددددددددددددر والله أجي أكفخك
بدر : ههههههههههههاي أيوه هذي نادين لاتخلينه يقرب منك
نادين : لييييه شقالولك تربيه جدي أنا
أبو بدر : بعدي والله بنيتي
نادين : ياالبى قلبك ياجدي
لورا : يالله جيبو القهوه شهيتوني ريحتها عذااااب
بدر : أفاااا أحمدوووووووووه نادينوووه جيبو القهوه بسررررعه هذا الناقص تعذبون زوجتي حبيبتي
أحمد : عنااااااااااد فيك بنجيب لنا كلنا إلا نت وزوجتك
بدر : كاااان نتذبح
أحمد : ههههههههههه
صبت نادين .. القهوه بفناجيل القهوه التركيييييه ..
وشالت الصينيه بتطلع من المطبخ .. بس لفتها بعضد أحمد زي الدم المتجمع تحت الجلد ..
نادين : حياتي أيش هذا اللي بيدك
أحمد : تلقينه ضربه من شي يالله أطلع قبلي السيدات أولا
نادين حست أن كلام أحمد معقول فما أعطت للموضوع أهميه .. وطلعت
أحمد ناظرها وبقلبه : مــن جد أيش هذا ؟؟ .. هذا مو ضربه أففف أكيد شي بسيط ويروح ..
______________________
بالريــاض ..
خالد عصب وصرخ فيها : أنتـــي وبعديـــن معـــك ؟؟
العنود ناظرته ببرود وحطت أصبها على فمها : أووووص أوووووص لاترفع صوتك ولا ترا والله أشتكيك عند عمي أبو خالد وعمي أبو عادل
خالد : على بالك خايف
العنود : ههههه ياحبيبي أنــت الكلام سهل خل نشوف أيش بتسوي إذا قتلهم وقلبو عليك ..
خالد أنقههر وسكت
العنود أبتسمت على جمب وبقلبها مستغربه من القوه اللي فجأه طلعت لها ..
_____________________
ملاك : يــاربي ملل روتيييين أقول مشاري
مشاري وعيونه على اللاب : هلا عيوني
ملاك : وش رايك نروح شهر عسل ترا حنا مارحنا !!
مشاري ناظرها : موافق بس تعيشيني الجوو جددد
ملاك : لا لا هوننننت مالت عليك وعلى اللي يطلب منك
مشاري أبتسم ورجع عيونه على اللاب ..
ملاك : مشآآآآري والله ملل
مشاري أعطاها الريموت
مشاري : حطي MBC2 اليوم معت الشباب يتكلمون عن فيلم بيجي يقولون حلوو
ملاك تحمست وسحبت منه الريمووت : يــالبى عيــال عمي يطلع منهم والله
مشاري ناظرها بنص عين : نعم نعم ماسمعت عيدي ..
ملاك : ههههههه إلا سمعت بس تستهبل وأروووح فدوه لزوجي أبو عيووون مبققه
مشاري ضحك عليها : هههههههه الحمدلله على نعمت العقل ..
ملاك لفت عليه معصبه : يوووه مشاري شكلك ماراح تخليني أدخل جو مع الفيلم خلاص أسكت وأرجع لشغلك
مشاري طارت عيونه .. وهي رجعت أنسجمت مع الفيلم ..
______________________
ومــــرت الأيـــام تتلوهــا الأيـــام ..
نزلت ريـــم لأمها ..
ريــم : يممه
أم عادل : هلا يمه بغيتي شي
ريم : بلغي بيت عمي أنــي أنــا موفقه
أم عادل طارت من الفرحــه وزغردة : أي والله هذي الساعه المباركه يايمه .. يالله بروح أكلم أم عمر عشان تشاركني فرحتــي ..
___________________
دق التلفون ببيت .. عبدالعزيز
وردت يلدا ..
يلدا : ألوو
أم عادل : هلا والله
يلدا أبتسمت : هلابك ياقلبي
أم عادل : أخبارك وأخبار العيال وأبو عمر إن شاءالله كلهم زينين !؟
يلدا : والله كلهم الحمدلله ماعليهم
أم عادل : وتولين ؟؟
يلدا : مــاشيه مع وضعها الحمدلله .. أنتم كيفكم إن شاءالله كلكم بخيــر ؟؟
أم عادل : والله الحمدلله الله يسلمك إلا يلدا بغيتك بموضوع
يلدا : خيــر إن شاءالله وشو الموضوع
أم عادل : موضوع خطوبة ريم وعمر
يلدا خافت أنها تكون رفضت : أيوه
أم عادل : ريــم وافقت الحمدلله
يلدا أنبسطططت : والله هذي الساعه المباركه .. إذا رجع عمر ببلغه إن شاءالله
وعلى كذا نبقى على أتقاقنا .. الملكه والشبكه بعد أسبوعين من الحين .. أمــا الزواج إذا خلصت لميس عدتها إن شاءالله
أم عادل : إن شاءالله يالله أجل نشوفكم على خير
يلدا : مع السلامه ..
سكرت يلدا وهي مبسووطه .. وتنتظر جيت عمر على أحر من الجمر ..
_____________________
طلع من الشركه مرررهق وتعبـــان يشوف السرير قدامه ..
ركب سيارته وعلى على التكييف لأنو الجو حــاار برا ..
وصل للبيت ونزل وكــانت يلدا بستقباله ..
أستغرب أن أمه أستقبلته من عند الباب ..
والبيت ريحته بخور .. وأمــه مضبطه وكاشخه
يلدا : تعال تعال ياولدي
عمر : يممه أجلي موضوع لبعدين
يلدا : لالالا الموضوع يهمك يالله تعال
عمر مشى ورا أمه .. وقعدو بالصاله ..
عمر : هلا يمه وش عندك هذاني قعدت
يلدا : ريييم وافقـــــــــــت ياعممممر
كــانت تحسب أن ردت فعل عمر بتكون غير ..
بس جاوبها ببرود قاتل
عمر : طيــــب وإذا يعني الحين كل ذا البخور .. وكشختك عشنها وافقت تراها وافقت بسس مو زواج
يلدا عصبت عليه : عمممر ياويلك تزعلها أو تأذيها بكلمه تراها حساسه
عمر رفع حواجبه : خووش خووش والله من الحين تدافعين .. طيب أنــا الحين تعبان ولا لي نفس شي .. يالله بطلع سيوو
قام من الصاله .. وسمع أمه تتحلطم وراه ..
طلع فوق .. ولقى تولين ولميس قاعدين بالصاله اللي فوق .. ومشغلين على فيلم وباين
بــاين لميس منسجممه وداخله جو .. وحتى تولين اللي ماهي قادره تناظر داخله جو وهي تسمع بسس ..
عمر : سلاام صبايا
تولين : هلا خيوو
عمر : أنــا بروح أنــام
لميس : أوك الله معك
عمر : أيووه للعلم ترا ريم وافقت ..
ومشى ..
لميس : مممممممن جددددك أنــــت تتكلم
عمر أبتسم وسكر باب الغرفه ..
وغير ملابسه وظلم الغرفه ورمى بنفسه على السرير ..
بس النـــوم اللي قبل شوي فيـــه طاار ..
وماعاد فييه نوم .. فييييه تفكييير بحياته الجديده اللي بتكون مع ريـــم ؟؟
___________________
أبتسم وهو يتذكر ..
: يــاخي خلاااص أعطيني آآخر كييسه معاد أطلب منك بعدها
: وولد عمـــك .. يعني أنـــت بتنتقم منها بتخليها مدمنه وهذاك اللي خليته مدمن أيش وضعه
: لاتخاف عليـــه بدبره بس أنـــت عطيني ..
: أوك أوك خذها ولا عاد تطلب مني .. لأني مســافر بريـــطانيا !؟
أخذها وهو مبسوط وبباله أفكـــار شريره .. ضحـــــك بشششر ..
وقـــال : قربــــــــــت أكسرك .. قربـــت أشوفك منذله تبكين عند رجوله هههههههههههههههههههههههه
__________________________
*
لا تترك شخصاً يحبْ الحديث معك
أو يحاول ذلك فــ أنت لاتعلم من أنت عنده
قد تكون الوحيد الذي تَبقى لــه أو كل شيء بـ النسبة لــه (=
__ نهاية البارت الــ 51 الجزء الثاني ______________
توقعـــاتكـــم ..
عمــر وريـــم ؟؟
أحمـــد أيــش الشي اللي فيـــه هل هــو شي وعــابر ولا ؟؟ أيييش ؟؟
مـــين هم الشخصيــن اللي بأآخـــر مقطــع ؟!
دمتــــــم بحفـــظ الله ورعــايته ..
أستودعكـــم الله .. محبتكـــم / تايهة بزمانها ..