لا صد قلبي صد من دون رجعه - الفصل 216 | روايتك

#رواية_خليجية #لاصد_قلبي_صد_من_دون_رجعة #للكاتبة_سهم_المملكة #الجزء_ال_216 طلعت انا وضحى اللي حسيت نفسيتها تغيرت .. سمعنا صوت سياره تدخل البيت .. كلنا لابسين براقعنا وجلالنا علينا والصدمه ان السياره اللي دخلت سيارة فهيد .. لفيت عيني لوضحى شفتها يابسه في مكانها .. وتناظر في سيارته وواقفه نزل من السياره وقرب منا وعينه بتأكل وضحى – السلام عليكم ردينا السلام جيت بمشي ابي وضحى تتفاهم معه .. بس صدمني وضحى وهي تقول له – أكيد تدل درب المجلس .. رح هناك ( ومشت ) قال بصوت حاد – وضحـــــــــــــى ألتفت عليه وضحى .. وناظرت فيني .. وانا سكت قالت بحده – خير شتبي قرب منا وهو عاقد حواجبه – تردين بيتس .. امشي انا طلعت من المستشفى .. والمفروض انتي في البيت في إستقبالي تكتفت وضحى بقوه واضحه في عيونها .. أول مره اشووف هالقوه فيها – وليش استقبلك في بيت اللي فيه يكرهني وانا ماني مرتاحه فيه عصب عليها – من يكرهتس عصبت وضحى – لاتصرخ .. انا ماني وضحى اللي تقدر بكلمتين وصرختين وضربه ترضخها .. ( رفعت اصبعها بتهديد ) والله ماأرد معك غير بشروطي اللي ابيها .. ولا أحلم في زول وضحى حسيته انصدم ماتوقع قوتها تكتف بسخريه – اها .. وشنهي شروطتس وضحى خانوم وقفت وضحى بطريقه لامبآليه وتسندت على الجدار وهي تأشر على اول اصبع – بيت مط عينه وعلى طول قال – ماأقدر ماعندي ماده ولا سيوله قالت وضحى بسخريه – مشكلتك ماهب مشكلتي حسيته مقهور ووده يذبحها .. بس وقوفي معهم فيه مصلحه لشروط وضحى اللي توه ماعرفها .. ناظرت فيه بوقاحه وهو يعيد شرط وضحى الثاني معقد حواجبه – وش هوووووو وش عمليته قالت وضحى – فيه مستشفى متخصص لعملية رجلي ابي اسويها عنده وانت بتتكفل بكل شي حسيته بلع ريقه .. وحسيته داخ .. ابي اضحك بس لالوقت يساعد ولا شكل وضحى المعصب سكت فتره وهو يناظر فيني يبيني انحرج واروح .. هاذا بعدك اروح قال لها وهو يحك ذقنه – ماأقدر وضحى انتي تعرفين أحوالي ماعندي شغل و تـ قاطعته وضحى بثقه وعين قويه – ماهب شغلي .. شغلك دبر نفسك .. الفلوس اللي تسكر فيها لمها وسو اللي ابيه بسرعه ألتفت علي مايبيني اسمع .. بس انا ناظرت فيه بوقاحه ومن فوق لين تحت .. حسيته انكسر .. وتمنى في هاللحظه ماهب واقف معنا احسن تستاهل بردتي خاطري ياوضحى .. بردتي خاطري يابنت ناصر تنهد بقوه وبزفره – افكر ( وجاء بيروح ) وضحى ناظرت فيه وهي متكتفته – مو بس هاذي شروطي ألتفت عليها ببرود – وش بعد باقي قالت وضحى وعينها مخزوزه بعينه – لاترد لي وانت ضعيف شخصيه وامك تمشي امورك .. واعرف اني مستحيل ارد لك وانت عاطل باطل .. وابوك وامك هم اللي يصرفون علينا ..لا ويذلوني بعد راحت وضحى هالمره وهو واقف يناظرها .. حسيت وضحى ماهب وضحى اللي أعرفها .. صحيح اني ماعلمتها غير عن الشرطين الأولين .. بس وضحى واضح انها انكسرت كثير من عمشوه وهالعم اللي محسوب علينا دخلت انا وإياها البيت .. شفنا منيره في وجهنا .. وموضي جالسه معها .. كشرت وضحى .. وجلست وحطت رجل على رجل قالت منيره – من الي جانا سمعت صوت سياره ناظرت في وضحى .. ثم قلت – ماهب عندنا وضحى – فهيد جاء وراح رفعت موضي عينها تناظرنا .. والأخص تناظر وضحى .. بادلتها وضحى نظره ناريه .. خلت موضي تنزل عينها غصب عنها في الليل رفعت عيني لعمي اللي واضح الترجي في عينه .. دخيلك ياعمي إلا هالنظره .. خلاص نايف طلع من خاطري لأبيه ولا أبي ارجع إله ياناس انا والله ماهب ساره اللي تعرفونها .. انا اكرهه كره لو يجتمع العالم بيحاولون يمحونه ماقدروا وقفت وعيني فيها قوه وتصميم غريب – طيب ياعمي بشوفه .. بس عقب لو يطلع ابوي من قبره بنفسه يقول ردي له مارديت حسيت ان الكل أنصدم .. كنا في صالة بيت عمي والجميع فيه .. اختي وضحى مسكت كتفي .. وهند جلست جنبي اما شيخه قالت – ياعمي ساره عايفته لاتجبرونه على الشين حسيت عمي انكسر .. هاذي الحقيقه شيخه ماكذبت .. اما منيره جلست وهي تتنهد وصقر وفارس جنبها حسيتهم يناظرون فيني .. بس ماهموني .. لو ينقلب الكون مارجعت له وقف صقر وقال – انا بشغل السياره يبه .. وانت ألحقني انت وساره ناظرت في خواتي .. كنت اتمنى ذيك الزياره أخر زياره #يتبع