لا صد قلبي صد من دون رجعه - الفصل 173 | روايتك

#رواية_خليجية #لاصد_قلبي_صد_من_دون_رجعة #للكاتبة_سهم_المملكة #الجزء_ال_173 راحت ساره تلبس .. ووقفت وضحى بوجه شيخه وهي تفكر بخوف من اللي بيصير لهن – دخيلتس شيخه بيذبحونا شيخه بعصبيه – خليهم يذبحونا مافرقت معنا .. نموت أفضل من هالحياه المهينه .. عحبتس قذف هالشيبه وهو يلوث شرف امتس .. عجبتس وهو يطرح كرامة ابوي بالإرض .. لا يابنت امي وابوي والله ماأسكت وان اتكلم واتكلم واتكلم وافضحهم بعد خافت وضحى .. وهي تشوف شيخه تأكل في نفسها من القهر طلعت ساره وسحبتها شيخه وراحن وضحى ركضت لهند وقومتها وعلمتها السالفه .. وقلوبهن تضرب طبول .. شيخه بتجيب لهن مصيبه بتطيح فوق رؤوسهن .. يويلهن منها ويلاه في شقة صقر صرخت بوجهه – انا مانمت الليل كله .. وانت هنا تتمسخر فيني .. يومك تحبها وتبيها وراك تعلق بنات الناس معك صرخ – اهووووووه علينا .. خلاص انطمـــــــــي وسميه – ماني منطمه .. اجل في كل مكان تكون فيه بتسحبني وراك مثل الشاه هااااااااااه قلللللل تكلم لا وتبي تسحبني بيت اهلك .. ترى ماسكت عن الكف اللي عطتني إياه لسواد عينك انت وإياها بس حسيت ان القهوه حرقتها احترمت وجعها وسكت عنها .. لاتفكرني وحده سهله تلعب علي لا ياصقيران تراني اوديك البحر واردك عطشان انقهر صقر منها – بــــــــــــــــس خلاص فجرتي راسي الله يفجر راستس طلع وقرع بالباب وراه .. حذفت وسميه المزهريه على الباب وبكت حظها اللي رماها مع هالإنسان اللي قلبه متعلق بحرمته في التكسي مسكت يدين شيخه وهي ترجف وهمست لها – شيخه انتي متأكده من اللي بنسويه شيخه وهي تزيد تصميم كل ماقربت من المحكمه – ايه متأكده لاتخافين وصلن المحكمه .. وحاسبن التكسي ونزلن دخلت وساره تلحقها وهي خايفه .. مستحيل اللي يسونه يعدي على خير انتظرن دورهن ودخلن على الشيخ .. ناظر فيهن – وش قضيتسن انتن شيخه بتصميم – نبيك تجيب لنا حقنا ياشيخ ضرب الباب بقوه – شيخه افتحي الباب وضحى وهند يتراجفن وهن يسمعن صوت صقر يدور على شيخه .. وش يقولن راحت المحكمه تشكيك ؟؟ !! هند وهي ترجف – روحي روحي وضحى لايطربقها فوق رؤسنا وضحى خايفه بس متحامله على نفسها .. فتحت الباب وشافت صقر يناظرها يحسبها شيخه سألها – وينهي شيخه وضحى – شيخه راقده صقر ناظر ساعته – روحي قوميها .. نوم ذا الحزه .. روحي قوليلها صقر يبيتس وضحى قامت تعرق .. وهي تدعي ان الله يعدي اللي بيسونه على خير سكرت الباب وخلته فتره .. وهو يدور عند الباب وينافخ يوم طولت عليه دق الباب مره ثانيه هالمره فتحت هند وهي ترجف – صقر شيخه تقول رح تبي ترقد لاتزعجها عصب – ماهب على كيفها قوليلها صقر يبيتس بسرعه هند – مالي دخل مالي دخل ( وسكرت الباب بقوه على وجهه ) انقهر ومشى لداخل البيت .. مصمم ماهب طالع من البيت غير وهو محاكيها في بيت سعد بن فهيد عمشاء تناظر فيه .. حاله منقلب من يوم أختفت حرمته قربت منه - ضاحي يمه ألتفت لامه – نعم عمشاء - ياولدي ماتقول عممت على كل الجهات سالفة هروبها من البيت .. حسبي الله عليها .. كل من نشدني عنها قلت مسافره .. لاتعبس ويشكون العرب .. لاتأكل وجهي ووجهه ابوك وهلك وقف ضاحي وهو معصب – وهذا اللي يهمتس يمه يهمتس سمعتكم وانا طزززززز فيني يايمه والله العظيم اني تعبان وانها واصله معي لين هنيا ( ويأشر على خشمه ) تعبت مدري وين ذلفت صرخت الجده بوجهه وهي تقترب منها – قلعة تقلعها جدك علمني سالفتها الغبرى .. ماهيب سواه اللي تسويه تزوج بنت مجرم عمشاء وقفت وشهقت – وش هووووووو ضاحي تورط وجده هو اللي ورطه .. ناظر فيهن .. وشاف امه اللي قربت منه وتصرخ عليه .. وتضربه .. وجدته اللي تهاوش وتصارخ .. كل هذه ماهمه .. همه يوصل لها ويشفي غليله منها .. هالمجنونه لعبت عليه هي وأبوها مكان متوقع تسوي معه هالسواه .. حس بالندم قد شعر راسه طلع من عندهم .. وأمه جلست على الإرض تبكي وتندب حظها وجدته من وراه وتهاوش فيه .. والمسؤولين اللي معاقبينه على إهماله فيها .. مايدري يلقاها من وين ولا من وين المحكمه الشيخ – تعالن يابناتي اقربن .. احكن وش هي قضيتسن ناظرت ساره في شيخه وهي ترجف .. ناظرتها شيخه بتصميم وقوه وثبات كملت طريقها لين جلست عند الشيخ .. وبدت تنشر خيوط تفاصيل اللي يصير فيهن عنده .. ومع كل علم .. كان الشيخ ينذهل من سالفتهن أكثر وأكثر .. وكل ماله ينصدم ويكتب في كتابه اللي قدامه .. خيوط قصه .. ظلت بين الإيام مطويه وظلت شيخه تحكي وتحكي .. وتحس ان دمها يبرد وغلها وحقدها يركد كانت تفطر هي وإياه .. يوم دق جوالها ناظرت الرقم .. كان رقم بيت عمها فتحت الخط – آلو وضحى اللي كانت تهمس – نوره انتي وينتس نوره ناظرت في سلطان وقامت عقب ماحست بشي في الموضوع – في البيت وضحى وهي تصب عرق – بسرعه تعالي نبيتس مصيبه وركبت فوق رؤوسنا نوره مطت عيونها – وش فيه وش صاير وضحى وهي تحاول تتمالك كلامها – تعالي وبس ( وسكرت السماعه ) مشت نوره لسلطان وهي حاسه بخوف – سلطان خذني بدربك لبيت عمي ناظرها سلطان – صاير شي نوره – لا بس أبي ازور خواتي من زمان عنهن هز راسه .. وناظر ساعته – زين روحي أخلصي لين أكمل فطوري .. لاتبطين علي ماأحب أحتري مشت بسرعه لفوق – زين زين #يتبع