الفصل 36
36 ))_____________________________
بس راح نتذكر سوا احدآث البآرت اللي فات ..
عادل : يعني انا ماغلطت ؟؟
خالد : بس انت شي ثاني .. وانت ندمان وتايب
_______________
بدر صرخ : أنــــــــــــا بوريك أجل موب عاجبينك
وسمعو ضحكت نادين من المطبخ ..
والجد ييردد بقلبه : الله لايحرمني من جمعتهم يآرب !!
___________________
إياد انحرج كثر : لآآآآ هه الله يهداك بس ابيه
رامي تنهد : إياد انا اخوك لاتخجل تطلب مني .. رقبتي سداده
إياد انفجع من شكلها ليش أول ماشافته صارت كذا ؟؟
_____________________
مشاري : بدال ماتقولين انتظر الين ماتولد واخذه اشوف ولد مين تقولين بساعدكم .. هههه وقولي لعمر والله لو يصير ولده لا يكون موته على يد
سكت بكـــــــــف تردد بأرجاء المكان ..
وشهقه طلعت من ملاك ..
______________________
ابو بدر جاء بيضرب بدر كف بس مسك يد ابو ..
ابو بدر سحب يده : غلطآن يوم سامحتك يالعآق انت
_______________________
إياد : { آآآآآسف }
بدر وهو ملقيه ظهره :{ لآ انا من يجب ان يعتذر انني اسف }
________________________
____" الأن "______
____((36))___________________________
( لنــــــــــدن - مدينة الضباب )
طق عليهم الباب ..
أم رامي كانت بالمطبخ تغسل الصحون بعد العشا !!
ورامي كان فوق يغير ملابسه !! ..
والــ Tv شغآل وصوته عالي .. والاضاءة خفيفة ..
نزل رامي يوم سمع صوت الجرس .. وشاف امه تغسل الصحون وعقلها وبالها بمكان بعيــــــد ؟؟؟
راح فتح الباب وشاف بدر عند الباب .. أستغرب وجوده هنا وبهساعه المتأخره من الليل ؟؟ وشكله اللي باين انه معصـــــــــــب ؟؟؟
رامي : تفضل
بدر : اسف جيت بوقت متأخر هنآ بس مااعرف وين اروح ودلتني رجولي هنآ
رامي : لالا حيآك البيت بيتك وبأي وقت تجي ..
بدر : تسلم ..
دخلو وقعدو ..
أم رامي صحت من افكارها اللي وصلتها بعيد .. وحست ان فيه صوت بالصاله لفت وتشوف بدر ورامي قاعدين ..
استغربت انو بدر جايهم بهالوقت ؟؟
طلعت من المطبخ ..
ام رامي : { أهلا بدر كيــف حالك }
بدر : { مرحبآ بخير وانتي ؟؟ }
ام رامي : { الحمدلله }
بدر : { امم انا اسف لحضوري بهذا الوقت المتأخر }
ام رامي :{ لالا لاعليك ياعزيزي .. اسعدنا حضورك }
بدر ناظر ام رامي بعيونها وفهمت نظراته ..
رامي انتبه لنظراتهم .. وعرف انهم يبغون يقعدون لحالهم
رامي : { امم اريد النوم مبكرا فغدا سيكون يوما طويــل .. عمتم مساءً }
بدر وام رامي : { عمت مساءً } ..
طلع رامي ..
ام رامي : { ما بك يابدر .. اني اقرا افكارك هل هناك مشكله ؟؟ }
__________________
( الرياض )
( يوم جديد ) ..
تولين : بطلع انا
لميس : وييين ياحظي
تولين : بطلع بتمشى طفشانه ..
لميس : خذيني معك
تولين ارتبكت : لا مو لازم انتي اقعدي بالبيت قرب موعد زواجك
لميس : وش فيك انتي ووجهك ماعدتي تعرفين تركبين كلمتين على بعض اعصابك بعدين تعالي
تولين : لبيـــه
لميس : ابغى ملاك تحضر
تولين : يب عادي ادعليها الظاهر انه زواجك
لميس : بس عماني بيعصبون
تولين : ماعليك منهم .. ادعيها
لميس : كيــف بوصلها ؟؟
تولين : امم مااعرف
لميس : اففف كيف ادبرها حتى جوالها مسكرته ؟؟
تولين :طيب عطيني ياه وانا ادبرها
لميس : كيف
تولين : خلاص مو لازم
لميس : لالا خذيها وسوي اللي تبين بس توصل
تولين ابتسمت .. واخذت البطاقه وطلعت ..
لميس وهي تكلم نفسها : غريبه هذي البنت ؟؟ وربي ماحد يفهمها
________________
عمر : تعآآآآآآل انت من جدك الحين تفكر بالزواج
فيصل : إيـــــــــــه ليه مو مالي عينك
عمر : بالعكسسسس .. بس مااعرف
فيصل : انت ماتفكر بالزواج ؟؟
عمر ابتسم بحزن : هه انا ميــن بتقبل بواحد فيه السكر
فيصل عصب : وراه ماتعقل مخك ذا .. ايش مين بتقبل ولا لا انت الف وحده تتمناك !!
عمر : فيصل مالنلعب على بعض .. يعني لو خطبتاختك بتوافق مثلا
فيصل : تتشرف فيك سامع وتوافق ورجولها فوق راسها
عمر عصب : عشان كذاانا مابي اتزوج ماابي هي ماتصير مقتنعه واهلها يجبرونها انا ابي وحده تبيني تتحملني بمرضي وبكل يعني تتوقع انو بيصير لي اي شي وباي وقت ولا تتذمر مني
فيصل : اذا عرفتك بتحبك ..
عمر : ومين قال اني ابي وحده تحبني
فيصل : عمـــــــــــــــر لاتجنني اجل وش تبي
عمر : ماابي اتزوج
فيصل تنهد : براحتك
_______________________
طقت الباب بهدوء وهي خـــــــــآيفه من ردة فعله
ابو عمــار : أدخل
أمل دخلت وهي تبلع ريقها : يبه ممكن اكلمك بموضوع ؟؟
ابو عمـار : طبعا يايبه انا كل وقتي لك تعالي ياقلب ابوك قولي وش عندك
أمل : يبه ابغى أكمل دراستي
ابو عمار : وانا موافق ومن بكرى ادم لك على احسن جامعه اذا تبين
أمل : لا يبه اكملها بالخارج ؟؟
ابو عمار سكت شوي : يبه انا مقصر عليك بشي ؟؟
أمل : لا يبه
ابو عمار : عمرك طلبتي شي ورديتك
أمل : لا
ابو عمار : اجدد الالكتونيات بيدك صح ولا لا
أمل : صح
ابو عمار : الماركات وكل شي جديد ينزل بالسوق إذا بغيتيه يكون عندك صح
أمل : صح يبه
ابو عمار : اجل ليــش تبين تطلعين برا ؟؟
أمل : يبه ابغى اجيب اعلى الدرجات وابغى ارفع راسك
ابو عمار : انا موافق
أمل انبسطت : صدق يبه
ابو عمار : ايه صدق بس بشرط
أمل راحت فرحتها : أيــش
ابو عمار : تروحين مع زوجك مو لحالك
أمل تحطمت : بس
ابو عمار قاطعها : انتهينا لاتناقشين ..
أمل : أوك يبه شكرا لانك عطيتني من وقتك ..
وطلعت ..
دخلت غرفتها .. وهي تفكر
تبي تطلع برا باي طريقه باي طريقه .. عادي مستعده تتزوج اي واحد بس تطلع من هنآ .. وطرت على بالها فكره وضحكت وهي تري نفسها على السرير
أمل : هههههههههههههههههه فديتني جبتها ..
____________________
غلا : عمــــــــــار
عمار وعيونه على الاب : عيونه
غلا : امم حبيبي أبغى
عمار لف بسرعه متحمس : ايـــــــتش بوسه
غلا على طول صبغ وجهها احمر : لآآآآآآآآآآآ واعقل عاد لاتحرجني
عمار : هههههههههههه ايش تبغين ياقلبي
غلا : ابغى نوتيلا خلصت حقتنا
عمار انفجع : ارحمي نفسسسسك ياخي قبل امس جبتها
غلا : طيب خلصت ايش اسوي
عمار : ان شاءالله اذا طلعت جبت لك
غلا : لآآآآآآآآآآ
عمار : أيــــــــش فيك
غلا : الحين الحين مالي دخل
عمار بنذاله : اعطيني قبل بوسه ولا ماراح اجيب الحين
غلا : مو لازم عساك ابد ماجبت
عمار : ابد اوك ولا يهمك .. ماعاد اجيبها اببببد
غلا : لالالالالالالا خلاااص
عمار : يالله ..
غلا توجهة لمه .. وهي تتحلطم وهو يضحك عليها
____________________
توجهة تولين .. لبيت عمها ..
ودقت الجرس .. وفتحت الخدامه ونادت ام العنود
ام العنود : هلاوغلا بتولين
تولين ابتسمت : هلابك زود ياخالتي
ام العنود : كيفك ياقلبي
تولين : الحمدلله نشكر الله انتي كيفك ؟؟
ام العنود : الله يسلمك بخيـــــر
تولين : امم الا وين العنود مااشوفها ويآك ؟؟
ام العنود ارتبكت : هاه
تولين حست برتباكها بس مثلت الغباء : طيب وين عمي ؟؟
ام العنود : طالع
تولين : سيارته برا ؟؟
ام العنود : اقصد فوق فوق
تولين : والعنود
ام العنود : نايمه ..
تولين : بس ليش جوالها مقفل من امس
ام العنود : ليـــه تسألين
تولين : لابس اقلقتني عليها ماترد
ام العنود جت بتتكلم الا نزل ابو العنود
ابو العنود : انتي هنا
تولين : ايه ياعمي اخبارك
ابو العنود : من يوم ماشفتك موب زينه
تولين بلعتها : ابي اشوف العنود
ابو العنود : هذا الناقص مابقى الاتشوفك انتي يالفاسقه
تولين : ابي اشوفها
ابو العنود : الظاهر ملاك ماخربت الا يوم صارت تجلس معك
تولين عصبت : ياخي احترم نفسك عاد ..
ابو العنود : اطلعي من بيتي بدون مطرود
تولين داست على كرامتها : واللي يقولك مو طالعه الين مااشوفها واطمن عليها
ابو العنود : وربي لو ماطلعتي اسحبك مع شعرك واجرك زي البقره وراي
تولين : جرب شوف وش يصير
ابو العنود : خلاص العنود قافل عليها بغرفتها وماراح تشوف احد الين ماتتزوج هذا اللي يسمونه خالد
تولين : ابي اشوفها..
ابو العنود : ان لله مافي
ام العنود : صلو على النبي
الكل : اللهم صلي وسلم عليه ..
تولين تركتهم وراها ومشت فوق
ابو العنود صرخ : هيـــــــــــــــــــــــ ـــــه انتي وش تحسبين نفسك ..
العنود سمعت صرخاته وخافت على امها .. لاها تحسب انو يصارخ على امها ؟؟
__________________
( لنـــــــــدن - مدينة الضباب )
قعد يتكلم معها بحريه وطلاقه .. لانها تعرف كل الماضي حقه ..
ويح انه يرتاح لما يتكلم معها
ام رامي : { انظر .. ارجع الى والدك واعتذر منه }
بدر : { لكن }
ام رامي : { لآآآ لاتقل لكن .. لاوجود للكرامه بين الاب وابنه }
بدر : { حسن }
ام رامي : { الان اخلد الى النوم هنا في منزلنا .. وغدا صباحا اذهب اليه }
بدر بحرج : { لا لااقدر ان انام هنا }
ام رامي ابتسمت: { لماذا .. اشتقت للورا }
بدر : { هههههه نعم هذا سبب من اسباب }
ام رامي : { اووه يوجد سبب اخر ماهو }
بدر : {امم انني حرج منك فعلا }
ام امي : { لاتقل هكذا .. ياولد }
بدر ضحك على كلمتها : { ههههههههههههه حسن }
__________________
ببيت ابو بدر ..
بغرفة بـــــــــدر ..
ضامه نفسها على السرير وتبكي ..
لورا : أيـــــــه اكيد هو الحين طلع عشان يخفف عنه وتاركني ومقفل بعد جواله .. أيـــش سويتي بنفسك يوم رضيتي تتزوجين انسان كذا لـــــــيه هالقلب ماحب وعشق الا هالانسان الغامض .. حتى انا عبدالكريم اللي يسمونه اخوي مو داري عني ..
دخلت عليها الغرفه نادين وضمتها وضلت لورا تبكي على صدر نادين الين مااخذها النـــــوم ..وغطت بنـــــــــــــوم عميــــق !!
_________________
( بالرياض )
طلعت من بيت ابو العنود .. وهي مبسوطه انها انتصرت عليه
تولين بقلبها : اهم شي اني قدرت اكلم العنود حتى لو من ورا الباب عادي ..
بس ببيت ابو العنود معصـــــــــــب ..
ابو العنود : هذي الفاسقه وشلون تسوي زي كذا وببيتي يعني من فوق خشمي تبي تكلم العنود خربت ملاك وتبي تخرب العنود بعد
وام العنود تردد بقلبها : ياصبر أيوب على بلواه
اما العنود بغرفتها .. مبســــــوطه ان تولين جت سألت عنها ..
وباب العنود من تحتفيه فتحه بحركه ذكيه من تولين .. حطت للعنود جوال وشريحه حاطه فيها كل شي .. وحاطتهم بكيس بشنطتها ومدام انها سبقت عمها ومرته فوق قدرت تدف الكيس من تحت بدون مايعروفون او يشوفون شي تطمنت على العنود وطلعت ..
______________
كــــانت ملاك لحالها بالبيت .. وكعادتها تمسح البيت وتغسل وتطبخ ومشاري برا ..
ضرب الجرس وراحت للعدسه وشافت تولين .. وانبسطت وفتحت لها
ملاك : أهليــــــــــــــــــن
تولين : هلا بك زود حياتي .. كيفك
ملاك : وربي تمام من يوم ماجيتيني انتي كيفك اخبارك؟؟
تولين : تسركـ
ملاك : يعني رحتي للعنود ..
تولين : يب وتوني راجعه منها
ملاك : شفتيها
تولين: للأسف لا .. بس كلمتها من ورا الباب .. بس خذي .. { ومدت لها رقم }
ملاك وهي تناظر الورقه اللي فيها الرقم : ايش هذا
تولين : سلمك الله هذا جوال العنود الجديد
ملاك : مو تقولين ماشفتيها
تولين : يب بس عطيتها جوال جديد
ملاك : كيــــــــف ؟؟
تولين : دفيته من تحت الباب
ملاك : ابوي ماشافك ؟؟
تولين : لا
ملاك تعجبت من ذكاء تولين ..
تولين : الا مشاري مو موجود
ملاك : لا والله يطلع من الساعه 9 ومايرجع الا العصر هذا الرجال مادري وين يهيت ؟؟
تولين وكأنها تخطط لشي : كل يوم عادته كذا؟؟
ملاك : يــــوب
تولين : أجل اسمعي .. بكرى بجي لمك ونروح نسوي تحاليل
ملاك : لآآآ اخاف
تولين : من مين ان شاءالله
ملاك : مشاري
تولين : ملاك لاتعصبين فيني .. لو رجال يجرب يسوي شي .. ماعليك منه
ملاك : مابي
تولين : ياحبيبتي انا مااشاورك انا اامرك .. انا لو ادري ان هالشي مو من مصلحتك ماكان سويته لك .. انا بنت عمك وابي انفعك ماابي اضرك .. وانا راح اتحمل المسؤليه لو صار شي اوك ..
ملاك قامت تبكي
تولين ضمت ملاك : ملاك ماراح اجبرك على شي كيفك ماتبين شي راجع لك
ملاك : بس أبغى برائتي
تولين : حطي يدك بيدي وصدقيني بتوصلين للي تبين
ملاك رفعت راسها : صـــدق
تولين : نقول ان شاءالله
ملاك : ان شاءالله
________________
عند مشاري ..
توه طالع من شغله .. ماقال لاحد ولا يبغى يطلب من احد ..
ابوه سحب كل اللفلوس اللي بحسابه وصار على الحديده ..
يبغى يوفر الراحه والسعادة لملاك بأي طريقه ..
فصار يشتغل محاسب بسوبر ماركت ..
طاحت دمعه حارقه على خده .. دمعه خوف من المستقبل .. دمعة ندم لانه سبب كل هذا لملاك .. دمعة استحقار لنفسه لانه ماوقف بوجههم واثبت لهم الحقيقة ..
مسحها بيده بقوه .. تذكر ضحكه ومزحه مع خالد ومع عيال عمه كل هذا انكسر .. يوم يروح لهم الكوفي ... صح مابينو لكن كل واحد له نظره تختلف عن الثاني يناظرونه بستحقار بس يحاولون مايبينون الوحيد اللي بين خالد .. خالد اخوه اللي المفروض يوقف معه مو ضده اللي المفروض يحط يده بيد مشاري ... بالعكس سوا ضد هي الاشياء .. عمار ماعاد يتصل على مشاري زي اول .. ابوه والاهم امه اشتاق لها وده يرمي نفسه بحضنها ويبكي يبكي ..
يبكي لها من متاعب الحياة .. يبكي لها من اخوه عزوته وعضيده .. بس ويــــــــــــنه وويــــــــــــــن أمه .. أمه صارت شي صعب يوصل لها صعب ..
يشوف تعامل الناس معه بعد مااكانو يحترمونه ويقولون له " ياطويل العمر " الحين صار يقولون " هيــه انت " أو يرمون الفلوس بوجهه .. أو أو .. حركات هو كان يسويها الحين صدق بمقولة " الدنيا دواره وكما تدين تدان " ..
مسح دموعه .. وشغل سيارته ومشى لبيته !!
____________________
ريم : أقول يمه
ام عادل :هلا يمه
ريم : الحين العنود وخالد متى بيتزوجون ويفكونا
ام عادل : انتي من متى تتكلمين كذا عن بنت عمك ؟؟
ريم : لا بس ايش بيقولون الناس عنا لو بقت كذا
على دخلت عادل سمعها ؟؟
عادل : ريـــــــم
ريم ارتعبت
عادل : اكلمي زين عن بنت عمك واللي بيقولونه الناس يقولونه .. وخالد لو مايبي العنود مليون واحد يتمناها وانا انا من المليون
ام عادل وريم أنصـــــــــــدمـــــــــ ــــــــو ؟؟
__________________________
بالمغرب .. كان زياد متأخر بالمستشفى فيه عنده مناوبه ؟؟
انطق باب عيادته
زياد : تفضـــــل
دخلت بنت كتلثمه وسكرت الباب ووقفت بدون ماتتكلم
زياد كان منشغل بأشعه بين يدينه يشوفها .. استغرب اللي دخل وماتكلم .. رفع راسه !!
طاحت عيونه بعيونها
أمل : كيفك زياد
زياد أنصدم ووقف :أمل
أمل : بشحمها ولحمها .. ممكن أجلس بتكلم معك شوي
زياد : اكيد تفضلي تفضلي .. ايش بغيتي وقتي كله لك
أمل قعدت : زياد عرضك للحين سآري ..
زياد استغرب : أي عرض ؟؟
أمل : الزواج
زياد : أمل انا احبك ولو وافقتي تتزوجيني تزوجتك ؟؟
أمل : وانا مواقفه
زياد انصـــدم : أيــــش .. من جدك
أمل : تشوفني امزح ؟؟
زياد : خلاص انا بكلم ابوك
أمل : مواقفه بس بشرط !
زياد : تفضلي
أمل : ابغآك تطلع معي اكمل دراستي برا
زياد سكـــت
أمل : خذ الوقت اللي تبيه .. بس مايتجاوز الشهرين ..
زياد انقهر بداخله بس الحب ومايسوي ..
أمل قامت : استآذنك الحين بروح
طلعت وتركته مع افكاره ..
______________________
علمتــــني الأشجار ..
أن أكون ثابتاً وقت الرجآء والشدة !!
وإذا ضربت بحجر أعطي ثمره ..
إذا أحسنت إلى النآس ستجبرهم على إحترآمكـ ..
وتكـــون لهم قدوة يقتدون بها ..
___________________________
ومــــــــــــــضــــــــ ـــــــــت الأيآم على أبطالنا ؟؟
وكل وآحد يعآني .. وقــرب موعد زواج لميـــس & عبدالله ..
والكل قاعد يتجهز له .. وأهل يلدا جو الريــآض حتى ابو بدر جاء معهم لعيون لميــس ..
وتصآلحو أبو بدر وبدر .. وأبو بدر اعتذر من لورا على طريقة كلامه وأقتنع ان هذا الشي مو هو اللي يحدده " بدر & لورا " هم اللي يحددونه .. هي حياتهم ويعيشونها مثل مايبـــون !!
كلم عمـــر على رامي .. وأجبره يجي لزواج لمـــيس ..
تولين يوم درت فرحـــت ماتدري ليــه .. بس أهم شي تبغى تشوف رامي .. ولازالت .. تشتغل من تحت لتحت ولا أحد يدري هي شتسوي ؟؟ وهي الملقبه بالعآيله " الغآمضــــــــــــه " !!
ورامي قرر أنه يجي بنفس يوم الزواج .. ويرجع بنفس اليوم ..
شآف ان احسن حل انه ميتقآبل مع تولين .. احسن لقلبه ولقلبها .. بلاش يشوفون بعض ويوجعون قلوب بعض اكثر .. ويجرحون بعض بكلمآآت تقتل كل الطرفين ؟؟
لميــــس تجهز وكل يوم ترتبكـ أكثر من اللي قبله .. لانه ماتدري إيش بيقابلها عند عبدالله ..
ريـــم والغيره اللي بتآكل قلبها من العنود ..
حاولت تتصل فيها بس ماترد .. أنقهرت يوم درت ان عادل يفكر اذا ماتم زواج العنود وخالد هو يتزوجها .. وعمـــر اللي صايره روحاته لبيت عمه كثيره .. كانت تقول بقلبها هي بأيش احسن مني ؟؟
ليــــش عمر يبيها .. أنا استاهله وأبيه واحبه أكثر منها !!
عمـــر .. كآنت روحاته لبيت عمه كثيره .. مايحب يقرب من عمه كثير .. بس المشكله ان بوه كلفه بشغل فيه اشتراك مع عمه ابو العنود وصايره روحاته لبيت عمه كثيــــره ..
ملاك .. تنتظر تولين اللي لها أسبوع مابينت ؟؟ كانت متحمسه تروح مع تولين وتسوي تحاليل .. بس تولين سحبت عليها وماتدري إيش تسوي, انقهرت من تولين
مشآري .. اللي حاله تغير نحف + شحب + تغيــــر + مشاري القديم مات .. بدت تنولد له شخصيه جديده .. مستغرب ان السوبر ماركت اللي يشتغل فيه .. عينوه مشرف على المحاسبين ؟؟ ..
خــآلد .. منقهـــر من عادل اللي ماصار يكلمه او يلقيه وجه ..
ومنقهر من عمر .. وروحاته لبيت ابو العنود الكثيره ؟؟
عادل معصـــــــــــــب ومنقهـــــــر بس كاتم كل هذا داخله .. ويدعي ربه انه ماينفلت على عايلة الـــ .......... بيوم او يسوي مشكله معها لانو من جد متنفز من طريقة تعاملهم مع الناس .. ومنقهر من خالد وعمانه ..
سعود & محمد ~> ماعندهم جديــــــد ..
زيــــاد عوره راسه من كثر مايفكر بكلام أمل ..
أمل تنتظر رد زياد بأسرع وقت ؟؟
عمار & غلا أحلا ثنآئي
فيصـــل .. ما عارف ايش يسوي ؟؟ وصاير مدمن سقاير
______ الأن _______________
ملاك : أمم انت الحيــــن وين تشتغل ؟؟
مشآري : وش دخلك
ملاك : الظاهر يسموني زوجتك
مشآري : خليني ألمسك بعدين تتسمين زوجتي
ملاك بزلت لسان : تخســـــــــي
مشآري لف عليها معصب : أيــــــــــــش
ملاك ارتبكت : أسفه بس زلت لسآن
مشاري وهو عاقد حواجبه : قومي حطي الغدا يله بسرعه .. بعد شوي برجع لدوامي
ملاك .. مشت للمطبخ وهي تسب الساعه اللي حبت فيها مشاري ..
_____________________
عمر : أوووووف أبوي مالقى إلا انا يعطيني هذي الشغله ؟
لميس : تصبر ..
عمر : أيـــــش اتصبر حتى هو تعآمله يرفع الضغط ..
توليــن : يعني جديده طول عمره تعامله كذا همجي
عمر سكت
لميس : وربي مشتاقه اقعد مع بدر خلونا نروح لمهم
تولين : تقول أمي بيجون العصر
لميس : هــــــــــفففففففف ..
________________________
العنود وهي تكلم بالجوال بصوت خفيف : غلا والله طفــشت تخيلي أمي بس تدخل لي الفطور والغدا والعشا ولا مااطلع من الغرفه
غلا : الله يهديه أبوي
العنود : شسوي بخآلد هذا الله ياخذه
غلا : مو من قلبكـ هذي الدعوه
العنود تنهدت : هالحـــب عذب قلوب خواتكـ
غلا : تصبرو " إن بعد العسر يسر "
العنود : مالنا الا الصبر .. " ودمعت عينها " اذا بنتظر خالد إلين مايجيني أخاف أكون طول عمري محبوسه بهذي الغرفه .. ولااني صغيره عشان اتعاقب بالحبس .. والله لولا الله ثم تولين يمكن الحين مسويه شي بنفسي ؟؟
غلا : لاتقولي كذا .. بعدين الله يجزاها خيــر اللي فكرت فيك .. انتي بس تخيلي ريم .. معصبه تقول وين اختكم ذي ليه ماعادت ترد ؟؟ ولا تزونا ؟؟
العنود : إيـــه والله انا ملاحظتها متغيره من بعد مانحرقت !! مدري السبب هو اني تشوهت ولا لا ..
غلا : تخسي .. كان كرهتك بعد حرقك في الخسرانه .. خسرت بنت عم واخت وصديقه بعد
العنود : ماعلينا .. غلا
غلا : عيونهــــــا ..
العنود : أبي اطلع وربي طفشــــت ..
غلا : تصبري يانظر عيني تصبري .. ان شاءالله بتفرج ..
" ضاقت فلما أستحكمت حلقاتها ..
فرجت .. وكنت أظنها لاتفرجوا ؟؟ "
____________________________
نادين : أتكــلم أنا
أحمد : ياخي تراك صجيتيني إيــش تبين ..
نادين : جوعــــــآنه
أحمد لف عليها : شوفي أمشي على قدام قدام قدام بعدين لفي يمين تلقين المطبخ قبآلكـ شفتي حياتي .. أدخليه تلقين قدام وجهك ثلاجه .. أفتحيها وكولي ألين ماتتعبين .. فهمتي يآحبي
نادين ضربته مع عضده : مامنكـ فايده أبطلع أبغاكـ تغديني بمطعم .. محسوب علي خطيبتكـ .. وانت مالقيتني وجه شوف بدر ولورا كيف .. يالبيـــــــــــه بدر ياليته زوجي ..
سكتت بضربه قويه على ظهرها ..
لورا : وش رايك تنكتمين .. لعنو دارك ماتستحين على وجهك خالك تراه
نادين : هههههههههه ياليل بدت الغيره ..
لورا : أيـــــه اغار عندك مانع
نادين : لا دوآس ههههههههههههه
شافت لورا وأحمد يناظرونها بملل
نادين : أصلا أدري أنها ماتضحك .. بس بضحك عليها
فلتت ضحكتهم عليها ..
وطلع بدر من الغرفه : خيــــر ضحكوني معكم ؟؟
نادين : ولا شي .. بس أحمد ولورا يستهبلون على بالهم خفيفين دم
أحمد : سبحـــآن الله .. حنا الحين نستهبل
نادين : شفت كيف
أحمد : وعلى بالنا خفيفين دم بعد
نادين : الاعترآف بالحق فضيله ..
بدر : ههههههههههههههههـ ..
نادين : يالله خل نحط الغدا ..
لورا : عمي نايم
نادين : نصحيــه يقوم ياكل ويرجع ينام
بدر ناظرها بنص عيــن : وش رايك تضفين وجهك
نادين : إذا وريتني كيف تضف وجهك ضفيت وجهي ..
" وهذي حالتهم أستهبآال طول الوقت .. بس مافي أحد يعرف
أيش بقلب الثاني .. سعادة كل واحد أذا شاف الكل حوله
يضحك ومبسوط .. عشآن كذا يخبون كل اللي
فيهم بقلوبهم ومايتكلمون ؟؟ "
_____________________
" على عتبآت الماضي أقف أنا فأتذكر
الماضي المــر .. ولكن ألفت ألى الامام
لأنظر الى مستقبل أجمل "
# بقلمــــي ..
عند توليــــــن ..
ضامه يدينها لصدرها .. وتناظر الصندوق بنظرات
مو مفهومه ؟؟
صندوق خشبي متوسط الحجم .. الواضح عليــه قديـــم الشكل !!
ولكن لايوجد عليه الغبــآر .. مقفل بقفل من حديد .. والحديد ..
من ذهب فآخر .. لكـن هنآكـ جزء من النص مفقوت حلقه من الحلقات ضائعه ؟؟ .. المفتـــآح ليس بحوزتها !! كــم تمنت الحصول على هذا المفتاح لكـــن لاتعلم أين مكـــآنه ؟؟
تولين : إلى الحين ماأنسى كلمآتها لي ؟؟ جبت لك الصندوق بس انتي اللي بتجيبين المفتاح .. والله دورته .. 13 سنه ادوره مالقيته ؟؟ وانتي توفيتي .. بس من وين جبتيه .. وليه الصندوق مهم كذا ؟؟ ومين له مصلحه يخبي المفتاح عني ؟؟
تذكـــــــــــرت تولين كلمات هذا الشخص وهي تشبكـ أصابعها بخصلات شعرها وترجعهم على ورا : انتي عيونـــك خضرا ؟؟ وملامحكـ تختلف عنهم بكثيـــــر .. أنتي تشبهينها هي هي وبس ..
تولين : ميــن هي ميـــن .. يــآربي ليــه مافي احد يجاوب علي ؟؟
_____________________
من اليوم الثاني تولين مرت ملاك .. وبدون علم مشآري أكيد .. وراحو المستشفى وسوا التحاليل .. وخلصوها وقالو لتولين أنهم بيكلمونها إذا انتهو منها .. تشكرتهم ورجعت ملاك لشقتها وتوجهت لبيتهم ,
______________________
وتمــــــر الأيام وتتبعهـــآ الأيآم !!
واليوم هو زواج عبدالله & لميـــس ..
وزي ماحبــت لميس صار .. ماكانت تبغى زواج كبير كانت تبيه مختصر .. وكآن بفيلا عبدالعزيز ..
وكانت الكوشه برا .. بالحوش الخلفي للبيت جمب المسبح ..
الكوشه بيضاء وبنفسجي غــآمق .. والكراسي والطاولات حولها وكلها باللون الابيض والبنفسجي الغآمق والاسود .. وعلى كل طاوله شمعدان فضي وعليه شمعه بيضاء ..
أما الرجال فهم من الحوش الامامي .. وبعيدين عن الحريم ..
كآنت ريحة البخور تعم المكآن .. والاضاءة الصفرا .. اللي كانت على طلب عمر .. مايحب الاضاءة البيضاء ..
لميــس فوق الكوفير قبل نص ساعه حطت اللمسات الاخيره عليها ..
بس ماهي فرحانه .. ماحست بطعم الزواج زي أي بنت ثانيه ؟؟
بالكعس تحس ببرود وتبلد .. ولا تبي اليوم تشوف فيصل أو تلمحه ..
فستان لميـــس .. كآن توب من فوق ومآسكـ عليها الين الخصر وبعدين واسع بنفشه .. من عند الصدر كله كرستآل باللون الاسود .. وفتحه مثلثه واصله لنص صدرها .. وجزمه " يكرم القارئ " كعب بيضاء مسكره من قدام وفيها سير من فوق الرجل ..
والميك أب حقها .. كان كحل أسود مرسوم بالطريقه الفرنسيه ..ومسكرا مكثفتها وظل أسود .. وروج يميل للبنفسجي ..
وتسريحتها بالطريقة الرومانيه ..
مسكـــت يدها تولين .. وحطت لها المناكيــر الأسود ..
وجت نادين من وراها ولبستها الطقم حقها .. ولورا مسكت الحلق ولبستها ..
وجهزت لميـــس على الساعه 10:00 بس بـــآقي بدري !!
لميــس بقلبها : الحمدلله بآقي توها الزفه راح تكون على الــ 12
تولين أبتسمت : بنآت عمآنكـ يبون يشوفونكـ
لميــس : لاقوليلهم خلو شكلها مفاجئة
تولين : ههههه هذا إذا سمعو كلامي ..
لميــس : وليــه ان شاءالله مايسمعونه ؟؟
تولين : ماأعرف بتصل على ملاك بشوفها
لميــس : أيييه بليز إذا جت جيبيها عندي حــــدي مشتاقه لها
تولين : أوكي ..
وطلعت ..
تولين كانت لابسه .. فستان ماسك على جسمها الى فوق الركبه وكله ترتر بنفسجي غامق .. ولابسه سندل " يكرم القارئ " بنفسجي .. ومسويه شعرها أستريت .. وراسمه عيونها بكحل أسود وحاطه روج يميل للبنفسجي ~> بالضبط زي حق لميس .. لأنهم خوات حبو يطقمون بهذا اليوم سوا ..
_____________________
ملاك : الله يخليـــــــــــك ماراح أطول بس والله اشتقت لأمي
مشاري : ملاك بعدي مادم النفس عليك طيبه !!
ملاك : مشآري حرام عليك زواج لميس هذا حرام مااحضره
مشاري : ملآآآآآآآآآآآآآآآآآآآآآآآ آكـ بعدي عن وجهي
ملاك : ماراح ابعد الله يخليك الله يخليــــــــك ..
مشاري سكت وهو متجاهلها
ملاك : مشآري الله يخليك أنا اليوم كلي حلالكـ بس ودني ..
مشاري ناظرها شوي : ساعه وحده بس
ملاك انبسطت : طيـــــــــب خلاص ساعه وحده تكفي ..
مشاري : يالله قومي تجهزي بسرعه ..
ملاك راحت تركض لغرفتها ..
مشاري أبتسم وبقلبه : يالبيـــــــــه هالبسمه من زمآن ماشفتها ..
عند ملاك دخلت اخذت شاور بسرعه .. وطلعت نشفت شعرها وسوته ويفي .. بحكم انه قصير يصير حلو
مشت عند الدولاب حقها .. واخذت فستان بيج .. الى تحت الركبه ماسك عليها ومن تحت الصدر كله درابيه " أو كسرات بالعرض "
والكم جبنيز .. ولبست سندل كعب بيج والسير برتقالي .. ولبست حلق طويل ذهبي .. وخاتم ذهبي وفيه كرستاله برتقالي .. واخذت شنطتها الصغيره برتقاليه .. ورسمت عيونها كحل أسود .. وحطت روج يميل للبرتقالي .. ناظرت شكلها بالمرايه بأعجاب ..
ماتت ملاك القديمه القويه البويه والعربجيه ..والحين انودت ملاك جديده ضعيفة شخصيه قمة بالأنوثه وكيـــوت ..
طلعت لم مشاري اللي كان بالصآلة .. لابس بنطلون جينز وتيشيرت ومتكي ذرعـآنه على حافة ركبه وحاط يدينه على فمه وخشمه ..
ملاك : مشاري
مشاري وعيونه على التلفزيون : هممم
ملاك : مشـــــــآري
مشاري رفع عيونه وخقق + فهى مو قآدر يشيل عيونه عنها
وهي خجلت
ملاك : أحم يالله مشينا
مشاري : أوكي بس بجيب مفاتيح السيارة
ملاك لبست عبايتها
ومشاري قام يجيب مفاتيح السيارة ..
_______________________
عنـــد الرجآل ..
دخـــل شخص ملفت للأنظار ..
لآكنه من داخله مرتــــبكـ مــره ..
شافه عمر
عمر أنبسط : يامرحبـآ يامرحبـآ نورك غطى الكهربا
رامي أبتسم : ههههه ياهلا بكـ زود .. لالا أنا بعدين كذا يكبر راسي
سلم عمر على رامي ..
عمر : كيــفكـ
رامي : والله تمام أنت كيفكـ
عمر : بخيــر نشكر الله ..ياخي والله من زمـان عنكم أشتقنالكم
رامي : ومايقل شوقنا لكم والله لكم فقده .. أحس من أول انتو جامعينا الحين من متى لمتى نشوف بيت خالي ..
عمر : هههههههههه شفت ان لنا فايده ..
رامي : ههههههه ماانكر ..
عبدالعزيز شافه وفز ..
عبدالعزيز : ياهلا والله وغلا
الكل أستغرب من ترحيـب عبدالعزيز بهذا الشخص الغريب كذا ؟؟
رامي : ياهلا فيــك ياخال .. كيـفك ؟؟
عبدالعزيز : والله تمام أخباركـ انت عشانكـ بخير طمني عنكـ وعن الوالده
رامي : والله كلنا بخيـــر ياخال
عبدالعزيز : عساها جت بس
رامي : لاوالله ماقدرت تجي معي
عبدالعزيز : يالله أجل خيرها بغيرها
توجهو رامي وعمر .. لعند الشباب
وقامو بدر وأحمد ..
رآمي أبتسم : يسعد مسآكــم
بدر أبتسم : ومسآآكـ .. كيفكـ أخبـآركـ ؟؟
رامي : والله تمام أنتم كيفكــم ..
أحمد: والله الحمدلله ماعلينا ..
رامي سلم على الشباب بس للحيـن ماعرفوه ..
رامي يتلفت بستغراب : أجل وين خالي ؟
عمــر : عند حبيبته ميسو
بدر : هههههههه خل الغيره عنك
عمر : والله مو ماكل هوا إلا أنا وتولين
رامي فز قلبه يوم أنطرى اسمها
أحمد يستهبل : كأنه كأنه فيــه أحد فز قلبه يوم أنطرى أسم بعض النآس
هنــآ الشباب مافهمو أيش يقصد أحمد
عمر وبدر : هههههههههههههاي
رامي : وش رايــكـ تضف وجهك بس .. أقول وش رايكــم تقعدوني رانه أنهد حيــلي خلاص مافي طـآقه
عمر : ياحياتي أنت ..
رامي : أقول خل ياحياتي على جمب .. هذي مو لي هذي لزوجتكـ
عمر : ههههههههههه اقعــد بس الله يصلحكـ
رامي : ويصلحيكـ معي
أحمد: آآآآآآميــــــــــــن ..
على جيت عادل وخالد ..
عادل : رامي
رامي لف : ياهلا ومسلا والله ..
خالد : أشرقت وانورت
رامي: يـــوه زمـــــآن عنكم مغبريــــــــــــــن
عادل : هههههههه حنا ولا انت اللي قطعت ؟؟
رامي : هه أشغآل .. شفتو كيف صرنا نقرب لبعض
خالد : أيــــــــــه
عادل : والله نتشرف
رامي أنحرج : الشرف لي والله ..
عمر : اقول رامي وش رايك تقعد مع الشباب .. أنا بروح اشوف أبوي وش يبي ..
رامي : أوكـ ..
_______________________
أمــآ بالسيارة ..
ملاك : هلا توليـــن .. وصلت والله ميته رعـــب أوقفي لي عند الباب
تولين : أوك بقوف لك عند الباب
ملاك : اوكي يالله سيوو
سكــرت منها .. وفتحت الباب بتنزل
مشاري : أنتبهي على نفســك
ملاك : أوكي
جت بتنزل ووقفت كأنها تذكرت شي ..
ملاك : ختى أنت انتبه على نفســك
مشاري اللي كانت عيونه على الدركسون .. رفع عيونه عليها وناظرها .. وشبك يدها بيده
مشاري : أحبــــكـ
ملاك سحبت يدها بهدوء ونزلت ..
تبعها بنظراته أليـن مادخلت وضرب الدركسون بقوه ..
مشاري : غبــــــي طول عمري أضعف قدامها ..
____________________
دخلت .. وضمتها تولــيــن ..
تولين : كـيفكـ ؟
ملاك : تمام
تولين مسكت يدها : ليش يدكـ ترجف
ملاك : مافي شي
تولين : صاير شي بينكـ وبين مشاري مخليكـ تتوترين كذا ..
ملاك اللي حمــر وجهها : خلاص سكري الموضوع قتلك ولاشي يعني ولا شي
تولين كأنها فهمت وأبتسمت ..
ظلت تولين ماسكه يد ملاك وتمشي ..
وملاك كل مالها تنجرح أكثر .. كانو الناس يناظرونها ..
ويعلقون عليها .. مرو من جمب طاولة كان فيها بنتين بالعشرينات ..
الاولى : يـــوه شوفي هذي بنتهم البويه
الثانيه : أيـــه مادريتي أخذت المزيون ولد عمها
الاولى : أيـــــش
الثانيه : أيــــه لا وأزيدكـ من الشعر بيت .. زواجهم كان مختصـــر مافي الا العمان تخيلي
الاولى : ياســــآتر ليـــه
الثانيه : يقولون أنها زنــــت معه وحملت .. الله لايبلانى
الاولى : آآآميــــــــــن ..
أنجرحت ملاك .. ومثل ماسمعت كلامهم ملاك سمعت كلامهم تولين وحست بملاك .. تركت يد ملاك وتوجهت لمهم ..
تولين : أستحو على وجيهكم تتكلمون بأعراض الناس ..
الثانيه : ماقلنى الا الصدق ..
تولين : لا بالله ماصدقتو .. الزواج كان مختصر بطلب من العريس .. سامعين ولا تألفون وتنشرون إشاعات مال أمها داعي
الاولى : أنتي اخت العروس
تولين : وش عليــك ؟
الثانيه : من جد ماتستحين على وجهكـ حنا ضيوفكـ ولازم تكرمينا
تولين : ضيوفي على عيني وراسي .. أما إنكم تقلون أدبكم وتطلعون كلام ماينقال .. ترى الباب أوسع من الجمل ..
الثانيه : تطريدينا
تولين : واطرد اللي جابكم أذا ماحترمتو أعراض الناس ..
الثانيه : أمشي أمشي لاعادت على ذا الزواج ..
قامو الثنتين .. تحت انظار ملاك وتولين .. وتولين مبتسمه على جمب وبنتصار ..
مشت لملاك ..
تولين : يالله
ملاك : مشكوره
تولين : على أيش ؟
ملاك : على كل شي ..
تولين أبتسمت ..
تفاجو البنات بوجود ملاك
وقامو وحضنوها لانهم بجــــد مشتآقين لها ..
اهمست للعنود : أنفكـ حصاركـ
العنود : لآ بس عشان زواج لميس طلعت ولا برجع وينقفل علي
ملاك : الله يعينكـ
مشت ملاك لأمها حيــــــــل مشتاقه لها
ملاك والدموع بعينها : يمــــــــــه
ألتفت ام العنود ولقت بنتها سرعت لمها وضمتها : هلا يمه وش أخبارك ليه ماعدتي تكلميني
ملاك : ماقدر يمه ماقدر أخاف يجيك شي .. من أبوي
ام العنود : آآآآآآآآآه يايمه أشتقتلكـ وفقدت ضحككـ بالبيت وكلامكـ ..
ملاك : ان شاءالله قريــــب برجع ..
أستئذنت منهم تولين وأخذتها للميــس .. وماقل ترحيب لميس فيها ..
____________________
أنشـــــر عند كبار العايله وشباب العايله ..
أن واحد .. من المعازيم طلع معصب عليهم لانهم طردو بناته
وعرفو الكبار .. أن ملاك موجوده وأبو خالد توعد بمشاري ..
_____________
وقـــــــــــــــــــت الزفــــــــــــــــــه !!
طفو كل الانوار برا .. بس فيه نــور القمر ..
أنفتح الباب وتقدمت خطوه ..على ألحان موسيقيه هآديه .. وبنات عمها صفقو واللي يصفر
تقدمت خطواتها .. وتولين ماسكه الكاميرا قدامها وتصور ..
قاعده تمثل الضحكه .. بس ~> فلتت منها دمعه وطاحت على خدها ..
كــــم عروس بالفرح ماهي # عــــروس .. تبتسم
لـــ أجله ‘ وهي غيـــره تحــب !
وكــــم معرس حبيبته ضمن الجلوس .. حيــــل يعشقها
‘ # وربـــكـ _ ماكتـــــب ! ..
أنتهت الزفه .. ومدام تولين هي اللي تصور فأكيد لمحت دمعت لميس ..
جلست لميس على الكوشه .. وبسرعه وتوجهة لها تولين وضمتها وحطت يد من يدينها على وجه لميس كأنها تكلمها ..
تولين : لاتخافـــين ماراح أسألكـ عن سببها ..
ونزلت مســـرعه ..
طلبو عمر وأحمد وبدر .. يدخلون
بس لميـــس عــآرضت وبشــده ..
على الساعه 1:00كآن تقريبا كل شي منتهي ..
المعازيم وراحو ولميس وراحت ..
برآ عند الشباب ..
رامي : يالله شباب أنا بمشي أشوفكم ان شاءالله مره ثانيه
عمر طارت عيونه : وين بتمشي
رامي أبتسم : طيارتي بعد ساعتين موعدها وعلى بال مااروح للفندق وأغير وأطلع للمطار يصير ماباقي إلا ساعه ..
بدر : من جدك ياخي أجلس وش معجلكـ
رامي : لا أمي هنـآكـ لحالها وتدرون مالها غيري ماقدر أتأخر عليها
عمر : الله يحفظكـ ..
رامي ألفتت على الشباب : فرصه سعيده أني تعرفت عليكم
فيصل سآكت وصاير نفسيـــه
عمار أبتسم : وأحنا أسعد فيها ..
________________________
عند .. لميــــس & عبــــدالله ..
دخلو البيت ..
عبدالله : مبروكـ
لمـيس : الله لايبــآركـ فيــكـ ..
عبدالله : أفــآ ماأتفقنى كذا .. المهم حياتي روي بدلي لا يمشي علينا الليل وحنا هنــآ ( وغمز لها )
لميس : لا تكون مفكر بعطيــك اللي تبي تحــلم ياعبدالله
عبدالله : عادي مع الايام بتحبيني
لميس : تحــــلم
عبدالله : يب عادي تخيليني .. أمم فيــصل أو أمممم بدر .. أو أمم رعد .. مو كان بيتزوك أووه صح مو حبيبكـ
لميس : تخسي توصل لمهم هذول فوق فوق فوق .. وأنت تظل تحت تحت .. يدوسونكـ برجولهم متى مايبون { يكــرم القارئ } ..
عبدالله طيرها بكف : كلامكـ هذا مابي أسمعه .. روحي للغرفه ..
لميس : يدكـ هذي إذا انمدت علي مره ثانيه أكسرها لكـ
عبدالله : أنقلعــــــــــــــــــــ ــــي عن وجهي ..
لميس قامت للغرفه .. دخلت وقفلت الباب .. وسمع الصوت ..
عبدالله .. وكان فيه كاس على الطاوله قدامه رامه خلاه يضرب بالباب
ويتعالى صوت تكسر الزجاج !
لميس غمضت عيونها لانها حست بضربة الكاس على الباب لأنها كانت متكيه عليه ..
لميس : إذا هذا أولها الله يستر من تاليها ..
_____________________
أما عند رامي .. دخل أخذ شاور ولبس بسرعه وجمع أغراضه وطلع من الشقه .. سلم المفتاح وركب مع التاكسي اللي كان يتنظره ومشى للمطار ..
_________________
تولين صادفت عمر ..
تولين بلهفه : عمر جاء رامي
عمر أستغرب : أيه
تولين: وينه
عمر : مشى يقول بيرجع بريطانا ..
تولين أنصدمـــــت : أهآآ .. طيب متى رحلته
عمر : يقول بعد ساعتين .. ليـــه تبين منه شي ؟؟
تولين : لا ..
ومشت تاركته .. أول ماغاب عن قدامها ..
أسرعت لفوق كلمت السواق وقالتله يشغل السياره ولبست عبايتها
وشافت الساعه ولاهآ 1:15
ركضت لبرى بســـرعه .. وماحد انتبه لها ..
وتوجهت للمطار
____________________________
أما عند ملاك تنتظر مشاري اللي طول وتخاف عمانها يدخلون بأي وقت والله ليصير مشكله كبيـــره !
دقت عليه : هلا مشاري
مشاري : هلا
ملاك : ويـــنكـ طولت ؟
مشاري : مادري قلت خل تنبسطين
ملاك : مشاري وربي خايفه بيدخلون عمــآني
مشاري : خل يدخلون .. وخل أحد يرمي عليكـ كلمه والله مايلوم إلا نفسه
ملاك أستغربت : اوكي بتظركـ الحين بتجي
مشاري : أيــــه مسافة الطريق بس
____________________
( بعد ســـــــــــآعه )
وصل للمطـــآر وسوى الاجراءت ..
وهي وصلت للمطار ودخلت تتلفت ودور .. محتاجته محتآآآجه تشوفه .. أو تضمه ..
النآس مستغربين شكلها .. لبست العبايه بس نت تلبس الطرحه أو تسكر العبايه .. يعني بنت وبهالوقت طالعه بهالشكل مصيـــــبه!
وأخير لمحت زوله .. شافته
تولين بقلبها : هو والله والله هو
راحت تركض له .. بس كان داخل .. مد السكيورتي قدامها عصاته
السكيورتي: مايصلح تدخلين
تولين : تكفى تكفى بس بكلمه تكفى ..
السكيورتي : لآآآآ قلت روحي من هنا والله والله أناديلك الهيئة طالعه بهالمنظر وبالليل
تولين صرخت فيه : مـــــــــآعليكـ بعــــــد ... { ونادت بصوت أعلى } رآمــــــــــــــــــــــ ـــــــــــــــــــــــــ ـــــــــــــــــــــــــ ـــي
رامي ركز بالصوت وبقلبه : صوت تولين هذا معقول
ولف وشافها
رامي يأنب ضميره : لالا ماراح أروح لمها يكفي عذاب لنا حنا الاثنين ..
مشى وتركها ..
تولين ودمعتها بدت تنزل .. دفت العصى حق السكيورتي
والسكيورتي مسكها مع عضدها بقوه ..
وأنهارت على الارض تبكي وهمست : رآمـــــي تعآل محتآجتــكـ
بعد عشر دقايق قامت .. تجر الحزن وراها .. رفعت عيونها ..
وشافت الناس تناظرها برحمـــه وشفقه ..
وصرخت بدون شعور : أيــــــــــــش أيــــــــش تناظرون
ومشت بطريقها ودموعها ماوقت .. ركبت السياره ورجعت للبيت ..
____________________
وصل مشاري والشباب كآنو برا واقفين ..
خجل أنه ماينزل ويسلم عليهم .. نزل وسلم وكالعاده خالد صاد عنه !
على طلعت أبو خالد : هذا أنت جيت برجولك يا*** ..
مشاري ساكت
أبو خالد : موب قتلك لاتجي ولانشوف وجهكـ ؟
طلعو الباقين على صوته
أبو خالد : ليـــــــــــه ساكت ماتتكلم ؟
مشاري رفع راسه .. وكان أبوه واقف قدامه ..
كآن بيتكلم بس سكت بذآكـ البوقس اللي آلمه بقوه ..
أبو خالد : شيلوه دخلوه جوا
الشباب واقفين يناظرون
أبو خالد : أنا وش قلـــــــــــــت
مشاري : مو لازم أنا أعرف أمشي
أبو خالد : يالله شرف ..
دخل مشاري وشاف ملاك قدامه وهي انصدمت .. وطاحت عيونها بعيون أبو خالد ..
ملاك قامت وقفت وراحت لعمها بتبوس راسه : هلا عم
وسكتت بكــــــف ..
أبو خالد : ماني عمك أنا مااتشرف بوحده زيكـ تناديني عمي ..
دخلت تولين من الباب الخلفي ماتبي أحد يشوفها وهي كذا .. وسمعت صوتهم مرتفع بس مالها نفس شي .. رامي تركها تركها وهي محتاجه له !!
قابلتها الخدامه ..
الخدامه : { سيدتي هذا لكـ }
تولين أستغربت : { ماهذا }
الخدامه : { لا أعلم }
تولين فتحت الظرف وكان تقرير ملاك .. قرت وقرت
تولين : هه كنت متوقعه أنها سليمه ومافيها شي ..
جت بتطلع بس تذكرت أنهم هنآكـ قاعدين يتهاوشون .. والظاهر أنه على قصة ملاك ومشاري ..
مشت وهي تعبآآنه وحتى عبايتها ماشالتها ..
دخلت الصاله وكل الانظار فجأة توجهت لها .. والكل استغرب باين على عيونها الحـــــــــــزن .. ونوعا ما من البكي ..
عبدالعزيز عصـــب لان كان عليها عبايتها : ويـــن كنتي طاسه هآه
ناظرته تولين بنتظرات بــــآرده : مو هذا موضوعنا
عبدالعزيز : أحترمي نفسكـ أكلمكـ أنا ..
تولين : وين بكون يعني بشقق دعاره مثلا
عبدالعزيز فتح عيونه : أيـــــــــــــــــش
تولين : كنت أجيــب هذا ( ورفعت التقرير )
عبدالعزيز : أيش هذا
تولين : هذا يخص ملاك
أبو خالد : هاتي أشوف
ملاك كانت خايفه .. تبغى تولين بس تطمنها .. وتولين مالقتها وجه
ابو خالد أخذ التقرير وقرى وأنصدم ورفع راسه : التقرير يقول سليــم ؟
أبو العنود : لآآآآ ماعليـــك ممنها هذي الفاسقه أكيــــد مزور هذا التقرير
تولين : هيـــــــــــه أنت أحترم نفسـك عاد
عبدالعزيز مشى لعندها ورفع يده بس وقفها بأخر شي ..
وعمــر وقف بس وقفته يد عمه أبو عادل ..
تولين صرخت : لا أضرب أضرب أصلا أنتو يالرجال مامنكم فايده وإذا مو واثقين من هذا التقرير روحي سو عشره بداله
عبدالعزيز : أنكتمي ..
أبو خالد : لعنودارك أنتي من أيش مخلوقه حشى مو بنت على الاقل أبكي سوي شي .. بارده الرجال مايتحمل اللي انتي تتحملينه
تولين ناظرته ومشت لفوق وماتكلمت ..
أبو عادل : أنا عن نفسي مصدق تولين وأنتو اذا مو مصدقينها بكرى روحو على مستشفى ثاني وسو تحاليل جديده
أبو خالد : أن شاءالله ..
____________________
بالليل على الساعه ( 4:00 ) الفجر
يلدا كانت بغرفة لميــس مفتقدتها .. وترتب فيها وتشيل هذا وتصفط ملابسها وحوستها ..
وكانت تسمع صوت شهقات تولين .. قلبها يتقطع عليها بس فيه شي يمنعها من أنها تروح لمها ..
تولين كانت بغرفتها تبكي .. تبكي ألم على حياتها رغم أنها تمتلكـ شخصيه حلوه ونادره .. بس مافي أحد يحاول يتقرب منها أو يكون معها لميس اللي شخصيتها مو مره حلوه الكل يحبها ويبيها ليـــه هي ليـــــه ؟؟ ليه تشوف نظرات غريبه بعيون جدها .. لفت على الصندوق .. ياترى أنت أيش بداخلكـ راح تجاوب على أسألتي هذي ؟؟
أنطق الباب .. ومسحت دموعها بسرعه ..
تولين : تفضل ..
دخلت يلدا .. : أبغى أسولف مع أحد وجيت عندكـ
تولين : حيــآكـ العين أوسع لكـ من الدار ..
يلدا : أيش فيها عيونك كذا
تولين : أيش فيها
يلدا : منفخه
تولين : لالا يتراوى لك
يلدا وهي تجلس : لميس لها فقده
تولين هزت راسها وهي ساكته
يلدا : تعودت أقعد معها بعد حفله .. هاليوم أنتظرته كثيـــــر بس ماحسيتها مبسوطه فيه زي كل البنات
تولين من ورا قلبها : أحسها عادي مبسوطه
يلدا : ماادري .. بس أشتقت لها { ودمعت عيونها }
تولين رق قلبها لأمها وتوجهت لها وظمتها ..
بس يلدا بالمقابل دفت تولين بكل قوتها وطلعت تركض من الغرفه
وسط حيرة توليــــــــــــــــن ؟؟؟
توجهت للستاره .. ورفعت الستاره شوي وشافت الشمس بدت تشرق ..
تولين : ودايـــــم مع كل شمس تشرق جديده تتجدد تولين .. لاعادت على رامي ولا على العايله اللي انا عايشه فيها ؟
وضميرها يقول : مو من قلبـــكـ ياتولين !
____________________________
لو تحــس اللي أحســـه من قهـر
أستبيح دموع عيـــنكـ مادريت !
لاتقول الحآل متلفهــــآ ( السهر )
شوفني رغم المصايـــب ماشكيــت !
___نهاية الجزء السادس والثلاثون ___________
ومن هنــــآ أحبتي بدأت فعلينآ قصتنا ..
قصة معآنات .. { لميــس & توليـــن }
متى سوف يبتسم لهم القدر من جديد ~> بالاصح هذا الكلام للميس
أما تولين .. متى سوف يفتح لها القدر طريق السعآدة ..
توقعآتكم ..
لميــــس .. هل راح تعيش بالمستقبل حياة سعيدة مع عبدالله ؟؟
توليـــــن .. هل هي تحب رامي .. ولاهو شخص تحاج له وقت حزنها وضيقتها ؟؟
أخيراً .. أيــــش قصة الصندوق اللي عند تولين .. وهل راح يكون مفتاح لاجوبة تولين زي ماهي تظن ؟؟
وفي نهاية البارت .. دمتم
بحفظ الله ورعايته ..
محبتكم / تايهة بزمانها ..