رضيت احبك وبس مافيه عقب الروح روح - الفصل 33 - بقلم تايهه بزمانها - مكتملة | روايتك

33 ))___________________________ بعد اسبوع !! ملاك قاعده بزاوية غرفتها وضامه رجولها لصدرها وقاعده تبكي .. بغمضت عين انقلبت الدنيا وصارت فوق تحت .. والكل صار ينظر لها نظره ~> العاهره ~> اللي ماتربت !! تنهدت بقووه وهي تتذكر اللي صار بالمستشفى .. نرجع لورا .. وهي تتذكر اللي صار بالمستشفى .. رفع ابوها عيونه وباين كل ملامح الغضب فيه .. وبدون كلام مسكها مع طرحتها ~> وانفك اللثام حقها وانفكت الطرحه وطلع شعرها .. وملاك تحاول ترفعها بس مافي فايده .. وبدت تنزل دموعها دفها بسيارته .. ومشى فيها ودخلها للبيت ودفها بكل قوتها وطاحت على الارض .. وصرخ فيها : انا يا ****** تسوين فيني كذا ملاك والدموع نازله على خدودها : اييش سويت والله ماسويت شي ابو العنود : تكلمي مين هو الحقيير هذا ..مييين ولده اللي ببطنك ملاك طارت عيونها : والله يبه مافي احد لمسني ولا مخلوق والله صدقني أنهال عليها بالضرب من جميع الاماكن والعنود وام العنود واقفين جمب الدرج وناظرونهم بصمت مايقدرون يتدخلون ومايدرون مين الصادق ومين الكاذب .. صرخت ملاك : بعععععد عني ماحد لمنسي محد بععععد .. انت مو ابو .. مو بس مو ابو منت انسان ماعندك احساس بببعد .. الله ياخذني ويبعدني عن حياة الهم اللي عايشتها معك بععععد ابو العنود : ايييه الله ياخذك ويبعد ذا العاار اللي سويتيه لنا قومي انقلعي لغرفتك ولاتشوفيني وجهك قوومي قامت ملاك وهي يالله يالله تجر جسمها يعورها من الضرب اللي شافنه .. بعد يومين انتشرت القصه وصارو العاايله كلهم يعرفون فيها ومشاري جن جنونه .. اول مادرى وقام يسب ويشتم فيها بس الصاااعقه !! بالشركه طق الباب .. ودخل هو يعرف ان عمانه بهالوقت يجتمعون .. ابو عادل : هلاوالله ياولدي تعآآل اجلس سعود : عماني انا جاي اكلمكم بشي .. وخصوصا انت ياعمي { وناظر ابو العنود } عبدالعزيز خاف : تكلم .. صاير معك شي تبي شي ؟؟ سعود : لاالحمدلله انا ماصاير معي شي .. بس عبدالعزيز : بس ايش ؟؟ سعود : الكلام اللي الحين بقوله ماابغى احد يعرف اني انا اللي قايله لاني ماابي احد يزعل مني .. بس الحق لازم ينقال .. يوم يسوي ابو اخر جمعه عندنا بالبيت كنت مار بروح المطبخ ومريت من جمب الحديقه !! واشوف ملاك ومشاري .. بأوضاع مو حلوه .. يعني مايسويها الا الزوجين .. فقلت اقولكم عشان ضميري يرتآح ابو العنود : صدق اللي تقولها ؟؟ سعود : اييه والله ياعمي وكان تبيني احلف لك على القران حلفت .. ابو خالد عصب : وهذا الخيس قاعد يمثل علينا ويقاله مو مقرب لها .. وين بنت انت ابو العنود : بالبيت ابو عادل : لاتستعجلــــــــــون انتبهو لاتسون شي تندمون عليه ابو خالد : لآزم يتزوجون عشان ننتهي من قصتهم القصه طالت زياده عن حدها ابو العنود : ايه من جد .. طلع من عندهم سعود وضحك .. سعود : ههه بتندمون .. كل من نظر لي نظره مو حلوه بدفعه ثمنها بعد كل هذا حاول مشاري يدافع عن نفسه بشتى الطرق .. بس ماقدر .. حددو زواجهم .. بعد اسبوع من الحين وراح يكون مختصر بقووه .. ملكه وشبكه وزواج .. طاحت دمعتها اكثثر .. ملاك : خلصتي ياملاك .. محد دافع عنك ولااحد سأل عنك .. ولا شي .. كلهم ينظرون لك نظره حقد واستصغآر ... حتى مشاري ماطلع رجآل اكرهم أكرهـــــــــــــــــــــ ـــــــــــــم .. العنود .. ماتدري اييش تسوي حاسه انو ملاك بريئه !! بس مو بيدها الموضوع ؟؟ _____________________________ عمر : والله اخر ماتوقعته ان ملاك ومشاري كذا صراحه طاحو من عيني !! لميس : من جد يقعد معك الواحد ويسولف وتحسه شي مررره .. يطلع بالاخير من برا الله الله ومن جوا يعلم الله تولين ناظرتهم .. وبقلبها ( لو بس سمع مني كان كل شي صار تمام ) .. ____________________________ خالد وهو يتطنز ويصفق : هههه كفو يالرجال .. الحين صرت اخجل اقول انك اخوي .. مشاري فقد اعصابه .. وراح لم خالد وصفقه كف .. مشاري : احترم نفسك بدال ماتوقف معي جاي تتطنز .. انا ماسويت شي خالد : اثبت .. مشاري صرخ فيه : كيييف اثبت هاه ؟؟ خالد ضحك : فكككر .. اذا التحاليل ( وهمس بأذنه ) طلعت مو عذراء .. وحامل ( شهق ) نخترع جهاز يكشف عذريتك مثلا مشاري جا بيصفقه مره ثانيه ومسك يده خالد : رفعت يدك المره الاولى والمره الثانيه مسكته الثالثه والله لكسرها .. وطلع وتركه .. __________________________ عمار : هذا مو بس ولد عمي .. هذا اخوي وصديقي وعآآرفه زييين مستحيل يسوي كذا !! غلا : وانا واثقه بأختي .. مستحيـــل تسوي كذا ~> بس التحالييل كشفتهم .. لاو حامل منه بعد .. تدري وين المشكله .. انو ملاك بنت عمه وهو ولد عمها .. يعني عآر على العايله عمار .. عمار سكت شوي : طيب يمكن تطلع التحآليل خطأ غلا : مستحييييل .. تطلع خطأ عمار : بس بالمستشفيات فيه اخطأ طبيه .. صح يمكن يطلع والخطأ وارد على كل انسان .. غلا تنهدت .. _________________________ بعد بيومين .. خططو كبار العآيله على شي .. قالو للكل يحضر ببيت ابو العنود .. هناكل بيصير اجتماع بس الكل لازم يلبس احسسن ماعنده ويتكشخ .. العصر اخذو ملاك .. وهي ماتدري اييش القصه .. ودوها المشغل .. سولها تسريحه وميك اب كآمل !! رجعت للبيت المغرب لقت البنات كلهم موجودين .. ولابسين فساتين .. مو فاساتين عاديه ؟؟ فساتين زواجات ~> استغربـــــت (( المغرب ببــــــــ أبو العنود ــــــــــيت )) كان البيت مشغله جمييع انواره استعداد لقدوم الاهل .. دخلت ام العنود .. من داخلها تتقطع على حال بنتها بس من برا تمثل القسوه .. ام العنود : اسمعي البسي .. وانزلي يقول ابوك .. ملاك : مابي .. ام العنود : انا مااشاورك انا امأمرك .. يالله فزي .. خوذي هذا الفستان لبسيه .. ملاك ناظرته .. صدمــــــــــــــــــــــ ــــــــــــــــــــــه دمعت عيونها .. ملاك : هذا فستان ابيض ام العنود : ايييه ادري انو ابيض هذا حق زواجك يالله قومي البسيه .. بيملكون لك وببتتيسرين على بيت زوجك ملاك طاحت على ركبها : م م مابي .. مابيه يمه مابيه ظلموني يمه ظلموني ام العنود ماقدرت .. نزلت عند بنتها وظمتها .. ام العنود ودموعها تنزل : مادري يايمه مين اصدق ماادري .. اصدق التقرير ولا اصدقك انتي ؟؟ ارحميني يايمه ولاتبكين يتقطع قلبي .. والله يتقطع قلبي .. ملاك دموعها تنزل بصممت .. ^ تغيرت ملاك .. ماعادت القويه .. صارت ضعييفه واقل شي ينزل دمعتها ؟؟ سكتت وكأنها تذكرت شي ومسحت دموعها .. ملاك : طيب يمه بالبسه واجهز ابو العنود استغربت .. بس مسحت دموعها وطلعت من الغرفه ملاك تأكدت ان امها راحت توجهت لدرج وطلعت من علبه حبوب .. فتحت العلبه وكبت منها على يدها .. وناظرت يدها شوي .. بعدين حركتها بتجآه فمها !! ____________________ بصاله الحريم .. لميس : ياربي ماكنت متوقعه ولاواحد بالميه انو الزواج بيصير اليوم .. لا ومختصر بقوووووووووه ريم : احسن خل يتزوجون .. مو يسوون حركات المتزوجين بالحرام امل : خلاص اسكتو .. الحين يجون العنود او غلا ويسمعون ينجرحون وينحرجون جت العنود اللي كانت لابسه ~> لونه سماوي .. اكمامه الى الكوع .. ويوصل الى نص الساق وفتحت الصدر سبعه بس مو كبيره .. وحاطه شال لافته على رقبتها عشان تخفي اثآر الحرق !! العنود ابتسمت : هاه بنات محتاجين شي ؟؟ البنات : لاسلامتك _____________________ عند الرجال .. الكل نظره على مشاري .. وهو مل وطلع برا .. وطلع وراه عمار كان قاعد على كرسي برا .. حس بربت على كتفه .. رفع راسه ولاه عمار !! تنهدت .. عمار : سلامتك من الاه ياروح اخوك مشاري : حددو زواجي ياعمار وانا مالي كلمه .. ساكت ظلموني وظلمو حبيبتي وانا ساكت ماني قادر اتكلم عمار : ان شاءالله ربك بيفرجها .. وكل شي بيصير لكم خيير صدقني مشاري ناظره .. بعدين وجه نظره لغرفة ملاك .. وبقلبه ( ياترى الحين كيف هي حالتك ؟؟ ) ___________________________ كانت سامعه الحوار من اوله .. وقفت عند الباب كانت لابسه بنطلون سكيني كحلي .. وقميص طويل مخطط بالطول والعرض بجميع درجات الزهري .. وداخل معهم اسود فاتح .. والكم كان مسفط الى عضدها لابسه كعب عآلي فوشي .. ومسويه شعرها استريت .. وحاطه قلوس وردي .. تكت على الباب : حذآآآري تسوين اللي في بالك .. ملاك انفجعت وطاحت الحبوب اللي بيدها !! .. ولفت على الباب .. وناظرت بتولين .. مشت تولين لجهة الشباك .. ومسكت الستاره بيدها ورفعتها بحيث تشوف اللي برا .. تولين : اللي تسوينه هذا خطأأ .. لا تصيرين كذا من اول مصيبه انهرتي .. خلك قويه .. لانو الحياة اذا شافتك كذا بتزود عليك مشاكل .. ملاك :طيب انا تعبببت والله تعببت ماصارت والله مظلومه .. تولين : اتعوذي من ابليس وقومي البسي يالله .. ملاك سكتت .. تولين : صدقيني كل شي قاعد يصير لك خيير .. قامت ملاك واخذت الفستان عشان تلبسه .. تولين وهي تناظر برا انتبهت .. لمشاري قاعد يطالع نافذة غرفه ملاك .. بعدت عن الشباك وساعدت ملاك بلبس الفستان .. ملاك كان فستانها كذا ~> من الأمام من الخلف.... وجبرتها تولين تحط روج احمر عشان يكمل شكلها .. ___________________ كانت ملاك قاعده تتسارع عليها الاحداث .. لبست بسرعه .. نادوها عشان توقع بسرعه .. نظرات الكل لها .. كانت قاعده تتألم من داخل بس اللي مصبرها وجود تولين معها .. لبست عبايتها .. ومشت .. عمانها كانو رافضين يشوفونها او يسلمون عليها .. ودعت امها وخواتها ومشت .. والحريم كانو يناظرون من ورا الباب .. طلعت لابوها كانت تبغى تبوس راسه .. بس بعدها .. وصدها ابو العنود بقسوه : لاتخلونها نشوف وجيهكم على الاقل شهر مانبي نشوفكم .. شهقت ملاك : لآآآ يبه لاتكون قاسي .. ابو العنود : ليييه يوم سويتي اللي سويتيه .. مافكرتي فينا كلنا الحين تتكلمين على القسى .. روحي الله لا يرضى على لادنيا ولا اخره وانا غضبان عليك ليوم الدين ملاك نهارت تبكي .. والحريم من داخل رحموها .. والشباب من بعدين يتابعون الموقف .. وحزنو على حال هالعايله وكيف كان قاعد يتدهور .. اخذ مشاري ملاك وانطلق بسيارته لاقرب شقه استأجرها !! ودخلو فيها .. فسخت ملاك العبايه .. وانهارت على الارض تبكي .. ملاك : ظلموني والله ظلموني .. حرآآآآم علليهم والله محد لمسني محد لمسني .. جا بيقرب منها مشاري .. ملاك صرخت : لا تقرب .. لاتقرب مشاري ماسمع لها .. وراح لمها وضمها .. وهي تحاول تصده .. بس قوته كانت اكثر من قوتها .. وهي استسلمت له .. وظلت تبكي على صدره الين مااخذها النوم !! _____________________________ (( بريطانا - لنــــــــــ مدينة الضباب ـــــــــــــــــدن )) كآنو رايحين لرامي بشركته وماخذين غذا .. رامي : الحين انا اييش اسوي مكتبي صارت ريحته اكل ؟؟ بدر : بخره رامي : لآآآه ياشيخ .. البخور بالسعوديه مو هنآ لورا : عاتي معطرات الجو .. رامي ناظرها : طيييب .. انا اوريكم احمد : ههههه انا بقوم اغسل واتركم مع نفسكم .. طلع من عندهم .. ومشى للمغاسل اللي تحت .. دخل غسل .. وطلع .. بس صدمــــــــــــــــه . شاف قدامه واحد يشبببه رعد .. بس بسرعه البرق اختفى من قدامه ؟؟ اياد تخبى ورا العامود وهو حاط يده على قلبه ويتنفس بقوه .. اياد : هوو نفسه اللي كان بالصوره وربي هو .. _______________________ _____________________________ هذا دروبي وانا في حياتي حــر أعيش ولو اني مااعرف مصيري ؟؟ اللي تجاهلني اغض طرفي عنه وامر!! واللي { عرف قدري } له كل تقديري .. ____نهاية الجزء الثالث والثلاثون __________ توقعاتكم .. هل سيتكيفون مشاري & ملاك مع حياتهم الجديده ؟؟ وهل سوف تظهر الحقيقه قريبا ؟؟ ومن سوف يكشفها ؟؟ سعود ماهي نهايته ؟؟ وهل سوف يبرز بالروايه بكل اقوى بالبارتات القادمه ؟؟ واخيرا اياد ~> ماهي صلت القرابه اللي تجمعه مع احمد ؟؟ وفي نهايه البارت اتمنى ان يكون حاز على اعجابكم .. دمتم بحفظ الله ورعايته .. محبتكم : تايهة بزمانها ..