الفصل 31
31 ))_________________________
في اليوم الثاني ..
بالشركة ~> عند كبآر العآيلة !!
أبو العنود : لآزم نحل الموضوع قبل ميدخلون بالحرام لازم يكون كل اللي بينهم حلال
ابو خالد : وانا اوفقك الرأي
ابو عادل : طيب انتو اصبرو خل نكلمهم ونشوف القصة يعني نفهم الوضوع كآمل بعدين نحكم ..
عبدالعزيز : ابو خالد كلم مشاري على انفراد .. اخاف يخجل يتكلم معنا
ابو عمار : اييييه صح احسن شي عشان يقول كل اللي بخاطره,
_________________
عمار : ليييه ما قلت لي .. كان ساعدتك بهذا الموضوع .. وعرفنا كيف تعرف نا ملاك تحبك بدآل كل ذا الحوسه عاجبك الوضع يعني الحين ؟؟
مشاري : عمار .. لا تضغط على الله يخليك .. يكفي اللي فيني بعدين انا ماكنت ابغى اضايقك وادخلك بمشاكلي
عمار : انا اخوك واذا ماساعدتك بوقت حاجتك ماستاهلك سآآمع
مشاري كان واقف .. حس انو رجوله مو قاعده تشيله .. رمى نفسه على الكرسي
مشاري تنهد بقوووه : آآآآآآآه ياعمار اخوك تعبآآآن تعبآآآآآن
عمار قام من مكتبه .. ومشى عند مشاري وثنى رجل تحته ونصب رجل .. وحط يدينه على ركب مشاري ..
عمار : مشاري .. لاتشغل نفسك كل شي بينحل ..
مشاري : المشكله الحين عماني .. تشووووف اذا ماحطوني انا وملاك براسهم يبيون يزوجونا .. وانا مابي ملاك تنجبر على شي
عمار : هدي نفسك الحين قوم وصلي لك ركعتين وادعي ربك ييسر لك امورك .. يالله روح الحين المسجد اللي بالشركه ..
مشاري : ونعم بالله ..
______________________
العنود : والله وطلعتي تحبين ومخبيه علينا كلنا
ملاك ناظرتها بنظرات تخوف : اسكتي
تولين : ههههههههههه شوي شوي على عيونك لاتطلع من مكانها
ملاك : شوفو الحين .. اذا ماخليتوني لحالي برجع للبيت
العنود : هههههههههه لالا خلاص كلش ولازعلك
لميس : اووخص والله .. اجل مشاري طلع رومنسي وحنا ماندري .. وانتي مسويه نفسك عربجيه وبويه وانتي من جمبها
ريم : وش فيك هذا يسمونه التناقض هههههههه
غلا : بسكم عااد خلو اختي بحالها
ملاك : يآآآلبييييه غلاوي
امل : وييين عماار يسمع والله لايكفخك
دق جوال غلا : اووووووص .. ابن الحلال عند ذكره بيبان
( وردت ) هلا حبيبي
ريم : احللللللللللى ياحبيبي انتي ههههه
غلا ابتسمت : الحمدلله تمام .. انت كيفك
عمار : اكيييد تمام مدام حياتي تمام
غلا طلعت برا غرفة العنود ~> اللي طبعا بالمستشفى ..
عمار : كيفها العنود اليوم ؟؟
غلا : والله ماعليها .. بس فيه شوية الم بمكان الحرق
عمار : اكييد بيقعد معها على الاقل اسبوع
غلا : الله يصبرها
عمار : آآآمين .. لحظه غلاوي {نزل الجوال من يده بس غلا قاعده تسمح } آمر عمي .. مشاري من شوي طلع كان تبيه تلقاه بمسجد الشركه { رجع الجوال على اذنه } هلا غلاوي
غلا : ميين كأنه صوت عمي
عمار : اييه عمي ابو خالد يسأل عن مشاري
غلا : عساااه خيير
عمار :خير ان شاءالله خير ان شاءالله
^^ نترك عمار & غلا ..
ونروح لبريطانيا ..
كآن عندهم بالليل .. وكانت الطياره توها هابطه بعد .. سفره متعبه
نزلو وكل واحد كان شايل شنطته ..
نادين : وربي ابغى اناااااااااااااااام تعبآآنه
احمد : مييين هذاك
بدر : مييين ؟؟
لورا : هذاك رامي ولا حنا نتوهم
بدر ناظر : الاوالله شكله هو ..
جاء لمهم رامي ..
رامي ببتسآمه شاقه وجهه : الحممدلله على السلامه
بدر بستغراب : الله يسلمك .. بس ايش دراك اننا واصلين اليوم ..
رامي : سألت خالي .. وقالي
بدر : ههه اشتقتلنا ياولد بنت عمتي
رامي : ههههههه اكيييد وهل يخفى القمر
احمد : والله على بالي محد حاس فينا ..
رامي والقلق بدا يظهر على وجهه : طيب ايش رايكم تمشون بسرعه
بدر حس انه فيه شي : لييه ايش صاير ؟؟
رامي : ولا شي .. بس فيني نوم
نادين ناظرته بنص عين : وشوله جيت اجل ؟؟
رامي طلع ابتسامه كان متغصبها : عادي ابي استقبلكم..
طلعو من المطار ..
وركبو سيارة رامي .. ومشو لبيت الجد !!
وصلو .. للبيت
ونزل بدر مشتآآآق لابووه ..
دخل البيت ...
ودخلو وراه ~> لورا واحمد ونادين ..
اما رامي سكر السياره ودخل وهوخآآآآيف من ردة فعلهم ..
رامي وهو يبلع ريقه : بدر
بدر لف عليه مصدوم : رآآمي اييش فيه تكلم الله يرحم والديك .. وييين ابوي ؟؟
رامي : ...............
________________________
بالرياض ..
وبالضبط بالشركه
دخل المسجد .. وشاف ولده قاعد يدعي ..
راح لمه وحط يده على كتفه : مشاري
مشاري مسح يدينه على وجهه .. ولف على ابوه : هلا يبه بغيت شي ؟؟
ابو خالد : يبه بكلمك بموضوع ..
مشاري : تفضل يبه
ابو خالد قعد جمب ولده : اللي قاعد يصير بينك وبين ملاك مايصير .. لازم تنهون الموضوع وتتزوجون .. انت ايش رايك حتى عمك بيكلم ملاك
مشاري : يبه
ابو خالد قاطعه : ماراح اعطيك وقت تفكر فيه .. ابغى الجواب على السريع .. الحين عمك راح للمستشفى .. ملكا موجوده هناك وانا وياك بنلحقه ... ونحسم الموضوع اللي طال
مشاري انصدم كل هالتطورات صارت وهو اخر من يعلم ..
_________________
بالمستشفى ..
غلا قطعت كلامها مع عمار : عمار ابوي جاء بشوف وش السالفه وارد لك وجهه مايبين على خيير اوكي حبيبي باي
ابو العنود : ادخلي نادي لي ملاك
غلا : ان شاءالله يبه ..
دخلت غلا : ملاك
ملاك كانت تضحك ورفعت راسها وشافت وجه غلا جدي ..
ملاك : هلا قلبي ايش فيه ؟؟
غلا : ابوي برا يبيك
ملاك : خير ان شاءالله ..
حطت الطرحه على راسها .. وتلثمت وطلعت
ملاك : لا يبه اييش بغيت
ابو العنود : بكلمك بموضوع اجلسي
ملاك : المكان مو ين لاننا نتكلم بموضوع
ابو العنود بحده : اجلسسسسي
ملاك جلست على الكرسي ..
كان فيه ممر من عند غرفه العنود .. طويل شوي وبعدين
فيه زي الغرفه كبييييره .. وداخلها .. فيه كراسي ..
كل اربع كراسي مسوين دائره ..
جلسو هناك ..
ابو العنود : بدخل بالموضوع بدون لف ودوران .. انتي موافقه على مشاري ؟؟
ملاك جت بتتكلم على جيت ابو خالد ومشاري ..
ابو خالد : السلام عليكم ..
ملاك وابو العنود : وعليكم السلام ..
جلسو معهم ..
ابو خالد : كيفك يابنتي ؟؟
ملاك: الحمدلله تمام
ابو خالد : تعرفين ليش حنا اجتمعنا هنا .. يعني نا ندري انو ا المكان ولاالوضع يسمح اننا نتكلم بذا الموضوع . بس الوضوع لازم ينتهي مايحتمل التأجيل
ابو العنود : انتو موافقين على زواجكم ؟؟
ملاك بلعت ريقها .. وناظرت بعيون مشاري .. وكأنها تقولها انقذني ماابي اتزوج ..
مشاري .. ناظر بعيون ملاك وفهم عليها .. وبقلبها : اخااف مااكون قد ثقتك ياملاك .. ماني قادر على حمل عماني .. الله يخليك هذي النظرات .. ماابيها مااقوى عليها !!
بس من بعيد كانت فيه نظرات تتبعهم .. وفاهمه الموضوع ..
: يآآحياتي ياملاك لو بيدي كان انقذتك .. بس اني اوجه كبار ال...... مااقدر والله مااقدر ..
____________________________
عندما تثق بأحد بشكل كآمل بدون اي شك في النهاية ..
ستحصل على نتيجتين >:/..
~> اما شخص مدى الحياة 3>
~> او درس مدى الحياة ..
___نهاية الجزء الواحد والثلاثون ______________
توقعاتكم ..
اييش اللي صاير ببريطانيا ؟؟
ايش راح يكون رد كل من ~> مشاري & ملاك ؟؟
الشخص اللي دايم يسمع حوارات العايله واللي الى الحين ~> مجهول مين هو ؟؟
وفي نهاية البارت .. اتمنى ان
يكون حاز على اعجابكم .. دمتم
بحفظ الله ورعايته ..