الفصل 26
الى من عشق كلمة احبك ..
وتمناها تدوما تتردد على لسانه !!
الى من بكى دموعا ادمت قلبه ..
الى من تمنى ان يصرخ قلبه بين ضلوعه ..
لكي يعلن وجوده !!
اهديه هذه الكلمات ..
~> فالحب يعرفنا الخوف من الغد ؟؟
~> ويعلمنا ان نقابله اقوياء ؟؟
~> فالحب يعرفنا معنى الالم والعذآآب ؟؟
~> ويعلمنا ان نحيا بهم ؟؟
~> ويعلمنا ان نموت في سبيل هذه الكلمه ؟؟ ..
____((26))__________________________
عصب عليها : لييييه كل ماقربت لك تبعدين ..
ايش شايفتني .. وبآآآء ..
ترد عليه ببرود : انت اللي جبت هذا التعامل لنفسك ..
عبدالله عد للعشره يهدي غضبه لايقوم يكفخها ..
لميس ناظرته وهي رافعه حاجبها : تدري اني اكرهك ليييه تبي تقرب مني ياخي فكني مننننك .. مابيك بعد عنييي
عبدالله مسكها من فكها بقوووه : الكلام هذا مابيه يتكرر سامعه !!
لميس وهي متألمه من مسكته : بععععد بعععد .. ماعندك مشاعر .. ماعندك قللب
عبدالله : اقوول بلا تفلسف .. قومي جيبي لي مويه ..
لميس : اقلب وجهك .. روح اشرب مويه ببيتكم خدامة امك انا ؟؟
عبدالله : لمييييس لا تخليني اعصب اكثر
لميس قامت ووقفت عند باب المجلس : ممكن تشرف ..
بعصبيه قام .. ومشى من عندها وطلع .. وهي على وجهها ابتسامه الم ..
____________________
>> بريطانيا << ..
رامي : ههههههه لالا مو مشكله ...... ابببد سلامة قلبك ......
هههههاي ايييه اكيييد ...... لالا حبيبي انا ماافكر بهشي الحين
....... تخييل عاد متزوج ..... امآآآآآآ عاد ............. هههههههاي
احمممد فكني ......... لااااتقول مييين .... عممممممر بيتزوج ...... والله هالاخ فاصل لا تستبعد عنه ........ يالله ترجعون بالسلامه .. سيوو
سكر من احمد ورجع راسه على الكرسي
رامي : هههه والله عمر يسويها ويتزوج مهبول اجل شاف فيصل بيتزوج قال بتزوج ههههههههه
دخل عليه السكريتير ..
السكرتير : { استاذ رامي .. هناك شخص يريد مقابلتك }
رامي : { ومن يكون ذالك الشخص ؟؟ }
السكرتير : { لا اعلم .. اول مره ارى هذا الشخص }
رامي : { اهمم ادخله }
السكريتر : { حاضر سيدي }
شوي الا دخل علييه ..
: { مرحبآآآ }
رامي رفع راسه ؟؟ صدممممممممممه !!
___________________
عند الشباب ..
فيصل : اقوول شرايكم نقترح عليهم نطلع للمزرعه زمآآن ماطلعنا لها
عمر : ليييه عندكم مزرعه هنا ؟؟
عادل : اييه فيه
خالد : بس بعيده شوي ..
زياد : يصير نطلع قبل مايسافرون .. الاخوه الكرام
بدر : ههههه لالا بنقعد عناد فيك بالبيت
عمر ناظره بنص عين : اقووول لو رحنا بتروحون ورجولكم فوق روسكم ..
احمد توه نتهي من مكالمته وسمع كلمة عمر : هههههههه وين بتطسسنا انت ووجهك
عمر : بريطانيا .. عشاني مليت من وجهك الودر
سعود : هههههههه تحطييييم
احمد : مليت مني انا .. ايييش دخل وجهي ؟؟
عمر : ههههههه اقوول متلاحظ انك قمت تتفلسف
احمد لف على بدر : بالله عليك .. مو مستفززز
الشباب : هههههههههههه
بدر : ههههه من هاناحيه مستفز مستفز ..
________________________
الساعه (( 7:00 م)) ...
العنود : اقوول ملاك مالاحظتي اخرنا الرجال عن بيته ..
ملاك : بالعكس خل يطس انا مشتاقه لغلاوي
غلا : اقوووول ترا كله ولا تتكلمين على روحي
ملاك : هآآه مالت عليك انتي وروحك
قربت ملاك من بطن غلا ..
ملاك : اقوول انت ووجهك متى بتطلع .. والله لا ادللللعك بس ماني مخليتك خكري زي امك .. ولا رومنسي زي خالتك العنود .. بخليك زي كل هبالات الدنيا فييك يالبى قلببببك بس
غلا دفت راسها : اقوول اقلبي وجهك .. اسمعي عماار يقول تبغوني ارجعكم البيت
العنود : لااا ايش يرجعنا .. بنرجع مع السواق ..
سمعو سوت الباب يتسكر ..
قامت غلا ..
عمار : هلا هلا والله وغلا .. بحياتي
غلا : ههه الحين مين اللي المفروض يقول هالحكي للثاني
عمار : اناعشان ادلعك .. قبل مايجي .. الاخ اللي ببطنك ويخرب علي كل شي وياخذ مكاني ..
غلا خجلت مننه : محد ماخذ مكانك .. انت روحي والروح اذا طلعت من الجسم .. يموت الجسم
عمار خاف : بسسسم الله عليك ليه تقولي كذا ؟؟
غلا : بس عشان اشرح لك ..
عمار ابتسم : تشرحين لي هاه
بعدت غلا عنه وصقت بالجدار : ترا خواتي عندي
عمار باسها بقوووه من شفاتها ..
غلا بعدته عنها : عمااار ايش جاك ؟؟
عمار ضحك عليها : هههه ولا شي .. اقول ترا مشاري حالف مايرجع البنات الا هو
غلا : هههه من جده
عمار : والله
غلا : عزالله راحت ملاك
عمار : لالا بتروح .. شوفيه واقف تحت .. من قتله برجع البيت قال لييه بيرجعون بنات عمي بيتهم قتله اييه .. قال انا برجعهم
غلا : هههههه اوكي بقولهم ..
عمار :طيب انا بنزل عنده تحت
غلا : طيب طيب
دخلت عند خواتها ..
غلا : اقوول ترا مشاري بيوصلكم
ملاك فز قلبها ..
العنود : لا لا غلا اييش يرجعنا انهبلتي
غلا : ترا عادي ولد عمكم ماراح ياكلكم ..
ملاك : مايصير غلا
غلا : انا ادري عنه هو حالف مايرجعكم الاهو .. يالله تراه ينتظركم تحت .. عيب عليكم تخلونه ينتظر كثيير
قامو البنات .. ولبسو عباياتهم وسلمو على غلا ونزلو تحت ..
طبعا العنود .. تلبس نقاب ..
بس ملاك تتلثم ..
عمار : مسآآء الخير ..
العنود بهمس : مسآآء النور ..
عمار : كيفكم
العنود : تمام .. انت كيفك
عمار : والله بخييير . الله يسلمك
ملاك : مبرووك حمل غلا
عمار ابتسم : الله يبارك فيك ..
مشاري اللي كان نازل من السياره ويسولف مع عمار ..
مشاري : مطولين بالسوالف .. ندخل بيت عمار
العنود : لالا الله يجزاك خيير وصلنا بيتنا
مشاري : اوكي يالله اجل مشينا
مشاري كان متكي على الباب .. اللي قدام .. اللي هو باب السايق ..
العنود بحركه سريعه راحت من الباب الثاني وتركت لملاك الباب اللي ورا السايق ..
ملاك خجلللت كيف بتركب وهذا وقف لا ويناظر بعد
مشاري حس على نفسه : يالله عمار نشوفك على خير
عمار : مع السلامه ..
ركب مشاري وبعده ركبت ملاك ..
وهم ماشين بالسياره هدووء ..
شغل مشاري الراديو .. وبالصدفه طلع اغنيه { سكر عيونك }
ابتسم مشاري .. وناظر عيون ملاك بهاللحظه .. وملاك كانت تناظر عيونه .. تعلقت عيونهم ببعض شوي ... بعدين ملاك نزلت عيونها ..
العنود كانت في جو ثاني .. حاطه السماعات اللي تعزل كلل صوت وتسمع اغاااني .. وماهي داريه عنهم ..
وصلو البيت .. نزلت العنود بدون ماتلتف لملاك .. ولا تشكر مشاري .. او وبالاصح كان بالها مشغووول ..
ملاك فتحت الباب بتنزل بسرررعه وتلحق العنود ..
بس فيه مسمار بالسياره مسك عبايتها وهي مع السرعه مشت ومانتبهت .. وانفتح الطقطق حق عبايتها .. سكرت عبايتها بسرعه .. وحولت تفكه .. بس شلها مرتبككككه بقووه ماقدرت تفكه ..
انتبه لها مشاري يوم شافها يأست نزل..
مشاري : ممكن تخليني اساعدك ..
ملاك تجمدت مكانها من الرعبه .. اول مررره بحياته رجال قريب منها .. لا ومو اي رجاال هذا ~> مشاري !!
فك عبايتها ..
مشاري : مره ثانيه انتبهي لطريقك ..
ملاك بربكه : بعععد عن وجهي
مشاري كتم ضحكته باين انها خجلللت من قربه لها
راحت تركض حتى نست تسكر باب السياره ..
دخلت البيت وسكرت الباب وهي يالله يالله تتنفس ..
نزلت لثمتها .. احمرت خدودها.. وابتسمت ..
بس سرعان ماراح كل هذا ..
ملاك بقسوة على نفسها : كم مره قتلك .. انسآآه ياقلبي انا مااصلح له
عند مشاري اللي سكرباب السياره .. وركب سيارته : آآآه الله يخليك ولا يحرمني منكك ..
روحي تحبك غصب عني تحبك ..
والمشكله حبك بروحي جرحني ؟؟ ...
وإذا شكيت تقول ايش كان ذنبك ؟؟ ..
ذنبي هويتك يوم حبك ذبحني ... 3>
________________
عند .. الشياب >> الكبار ^__^
عبدالعزيز : هاليومين بيمشون اهل زوجتي .. وش رايكم نطلع للمزرعه من زمان ماطلعنا لها ..
ابو عادل : ايييه وانت الصادق .. والله انها فكرة جيده .. نغير جو
ابو خالد : اجل متى تبونها ؟؟
ابو العنود : بعد يومين ايش رايكم
عبدالعزيز : وش فيك اقولك بيمشون هاليومين تقول بعد يومين .. وش رايكم نجهز كل شي اليوم وبكرى نمشي لها
ابو خالد : انا ماعندي مشكله !!
ابوعادل : انا ماعندي مانع ..
ابو العنود : ماتفرق حطوها اي يوم ..
عبدالعزيز : اجل توكلنا على الله بكرى بكرى ..
________________
ريم : هههههههه تخيلي .. اليوم فيصل صدمنا بقرار !!
لميس فز قلبها يوم انطرى اسمه .. وبلهفه: ههههه اييش هو القرار ؟؟
ريم : تخيلي .. يبغى
يخطب
يخطب
يخطب ..
لميس بصدمه : ايييش ؟؟
دخلت هالوقت عليها نادين .. وانفجعت عيونها كان الدموع متحجره فيها !!
ريم : ايييه اقولك يبي يخطب اماني .. بنت خالتي .. ههه صدمه صح
لميس تأكدت ان سمعها ماخابها صاحت دمعتها : ايييه مررره صدمه .. فيصل بيخطب .. وهو اللي كان يقول عنه عمر رافض الزواج جملتا وتفصيلا ..
نادين تكت على التسريحه .. وكانت قاعده تناظر لميس ..
ريم : آآه يالميس .. الله يوفقه .. ويرسل له السعاده وين ماكانت هالايام .. ملاحظته فيصل مو زي اول مو زي اول يدخن كثييير .. وماهو مبسوط زي اول .. الله يعين
لميس بلعت ريقها : الله ينسيه همه .. يالله ريمو لازم اسكر .. سيوو
ريم : سيوو ..
سكرت الجوال ..
جت لمها نادين .. ورمت نفسها بحضن نادين ..
لميس ودموعها تطيح : بيخطب دندون بيخطب .. نساني بهذي السرعه ..
نادين : هذاك انتي بتتزوجين غيره ؟
لميس: انا مجبوره ماني راضيه لو علي .. تركت عبدالله ..
ورحت اركض لفيصل .. و بيدي مو بيدي ..
نادين ضمتها اكثر : اشششش خلاص ياقلبي .. متدرين وين الخير فيه ..
الصدمه واللي مادرو عنه .. انو فيه شخص جاء بيكلمهم ..
وسمع كلامهم ..
رجع راسه على الجدار : الله يعينك .. ياقلبي !!
________________
امل وهي قاعده بغرفتها ..
امل : اصلا .. هو واحد قليل ادب .. يشك فيني بعدين يجي بكل سهوله يقول ابغى اتزوجك .. طييير مع نفسك .. زيادوو هذا الناقص ..
{ انقلبت وانسدحت على ظهرها } ..
بس والله الاسامي لابقه على بعض زياد وامل .. { ابتسمت }
وهي تتخيل شكلها بالفستان الابيض .. وهو بالثوب ولابشت الاسود ..
امل كشرت : وععععععع مابقى الاهو اتزوجه
_____________________
دخل البيت ..
ابو خالد : خالد يبه تعآآل
خالد راح لمه وباس راسه وراس امه وجلس : سم .. آآمر يالغالي
ابو خالد : مايامر عليك عدو .. اتفقنى حنا وعمانك بكرى بنلطع للمزعه ..
خالد : ايييييش طيب ماخططنا لها ..
ابو خالد : الا حنا خططنا لها .. وعمك ابو عادل .. اتصل على العامل قالهم يجهزون كل شي فيها ..
خالد : طيب ليش ماقلتولنا الى اليوم ؟؟
ابو خالد : خالد اييش فيك .. اقولك مافكرنا فيها الا اليوم ..
خالد : ان شاءالله .. بكرى نكون جاهزين !!
ابو خالد : وشي ثاني
خالد : آمر ؟؟
ابو خالد : انت خطبت بنت عمك .. وبعدها سكرت الموضوع .. ولا سويتو لا شبكه ولا ملكه .. متى تبيها
خالد : مدري يبه مدري
ابو خالد : وشو اللي ماتدري ؟؟
ام خالد : كانك ماتبي البنت لاتوقف نصيبها
خالد : مدري قولي لهم يحددون الوقت وانا جاهز .. يالله يطلع غرفتي تامرون على شي
ام خالد وابو خالد : سلامتك
خالد : الله يسلمكم ..
______________________
(( 10:00م )) ...
كان الكل قاعد ..
عبدالعزيز : اقول جهزو نفسكم بكرى بنطلع للمزرعه
يلدا : ايييش ومن متى ليه ماقلتولنا عشان نتجهز ؟؟
عبدالعزيز : مو لازم تتجهزون خذو ملابسكم بس .. هناك بيجهزن كل شي
عمر : ماامدانا اليوم تكلمنا بهذا الموضوع .. يالبى قلوبكم تقرون افكارنا وحنا على بعد كيلومترات عنكم
عبدالعزيز : اقوول عمر
عمر : سم
عبدالعزيز : مالاحظت انك تفلسفت كثيييير .. وش رايك تسكت
عمر بستهبال نزل راسه : انشاءالله يبه
الكل :ههههههههه
نزلت من فوق اللي باين انها توها قايمه
كان شعرها مبعثر على وجهها .. وعيونها باقي فيها النعاس ..
عبدالعزيز : اووه تولين بنتي من زمان ماشفتك تعالي بابا بحضني ..
مشت تولين وقعدت جمب عبدالعزيز .. وهو حاوطها بيده .. وهي تكت راسها على صدره
عبدالعزيز : كيفك يابابا ؟؟
تولين : تمام .. انت كيفك صاير ماتنشاف ..
عبدالعزيز : هههههه والله مشاغل الدنيا
تولين فضلت انها تسكت ..
لميس: متى بنمشي بكرى للمزرعه ؟؟
عبدالعزيز : يمكن الساعه 10 الصبح
بدر قطب حواجبه : ليه هي كم ساعه .. عشان الواحد يوصل لها
عبدالعزيز : يعني كانك تمشي عادي يبغالك ساعتين تمشي مسرع ساعه ونص ...
لميس : يعني نوصل على الظهر ؟؟
عمر : ايييه يمكن ..
تولين : اييش اي مزرعه ؟؟
احمد : هههههه توك صاحيه ماتدرين عن الدنيا !!
تولين : لا من جد .. فيه هنا مزارع ؟؟
عبدالعزيز : هههههه ايه في عندنا .. مو لهادرجه عندنا قحط بالخضره .. والطبيعه ..
بدر : هههههه تحلللم تجي طبيعتكم زي طبيعة بريطانيا
عبدالعزيز : لااا انا ماقلت تجي .. بس عندنا الحمدلله
تولين : متى بنروح ؟؟
عبدالعزيز : بكرى على الساعه 10
تولين : اهممم
________________
ابو عادل : بكرى بنطلع للمزرعه تجهزوو ..
ام عادل : كيف نطلع وحنا ماجهزنا شي ؟؟
ابو عادل : انا قتلكم اللي يبي يروح يكون بكرى جاهز
ريم : من جدد يبه
زياد : شوفو اللي طارت من الفرح
ريم ناظرته بنص عين : وشوله ماافرح .. مادامني بشوف وجيه غير وجيهكم ؟؟
فيصل فتح عيونه بقوه : ايييش فيها وجيهنا ؟؟
ريم : لا اخوي حبيبي انت مافيه شي وجهك .. بس والله انتو تطفشون يعني .. شباب وانا بنت ..
سعود : ههههههههاي خافت
فيصل : ههههه حسيت ..
عادل ناظرهم شوي بعدين سأل : متى بنمشي ؟؟
ابو عادل : على الساعه 9 او 10
عادل : اهاااا .. كم سياره بنمشي ؟؟
ابو عادل : اتفقنا بكرى بيجتمعون عند بيتنا بعدين نقرر !!
فيصل : حلووو
_______________
ام العنود : بنات تجهزو بكرى يقول ابوكم .. بنروح المزرعه ..
ملاك نطت عند امها : من جد يمه ؟؟
ام العنود : اييه من جد
العنود : طيب .. متى عشان نتجهز ؟؟
ام العنود : امم الساعه 10
العنود : يبغالها قومه من الساعه سبعه عشان اتجهز
ملاك : الله .. الساعه تسعه .. ساعه وحده واكون جاهزه ..
______________________
ابو عمار بامر : سمعو يكرى الساعه 10 تكونون جاهزين بنمشي للمزرعه ..
وكمل طريقه لفوق ..
امل : مافي تفاهم اصلا
ام عمار : امل عيب عليك
محمد : درا عمار ؟؟
ام عمار : ايييه قاله ابوك ..
__________________
عمار : غلاوي تعآآآآلي ايش قاعده تسوين بالمطبخ الحركه الكثيره لك ماتصلح ..
غلا وهي معليه صوتها من المطبخ : عمار حبيبي ترا توني بشهري الاول .. يعني عادي ..
عمار : لا عندي مو عادي .. بعدين تعالي بقولك شي مهم ..
غلا : طيب بس دقايق خل اخلص العشا بعدين نتفاهم ..
حطت الصحون والملاعق .. وجيك المويه والكاسات ... الخ
وآآآخر شي حطت صحن العشا ..
مادرت الا بالي يحاوطها من وراها ..
ابتسمت وشبكت يدها بيده ..
عمار وهو حاط راسه على كتفها : خلصتي ؟؟
غلا : يب .. يالله نتعشا ؟؟
عمار : يالله
سحب لها الكرسي عشان تقعد .. وبعده هو قعد ..
غلا : ايش كنت بتقولي ؟؟
عمار : ايوووون .. الله يذكرك بالشهادة .. ابوي اتصل علي اليوم عماني خططو انهم بكرى يطلعون المزرعه ..
غلا : غريبه بالعاده يحددونه .. من زمن مو قبل يوم
عمار : يقول ابوي .. حطوه قريب عشان اهل زوجة عمي عبدالعزيز يصيرون معنا
غلا : اهااا .. اجل يبغالي بكرى الصبح اصحى بدري عشان اجهز ملابسنا .. كم يوم بنقعد ؟؟
عمار : ماحدد ابوي .. بس خوذي حق خمس ايام مااتوقع نزيد
غلا : اوكي ..
________________
(( وبكذا انتهى يوم ابطالنا ))
(( اليوم الثاني ))
الكل بحالة ربكه الصبح .. اللي يجهز شنطته واللي يدور ملابسه واللي ياخذ شاااور ..
عموما على الساعه ~> 10 كان الكل عند بيت ~> ] ابو عادل [
مشاري وهو متوجه للشباب والضحكه شاقه حلقه ..
مشاري : يآآآآآآآآآآصبآآآآآآآآآح الوررررد
عمار : اوووه باين الاخ اليوم مروق ..
عمر : من جدد شوف الضحكه شاقه خشته ..
خالد : اي مروووق الله يهدااك .. تو بالبيت خبل بامي وابوي ..
مشاري : اعوووذ بالله من عيون العذآآآآل
فيصل : هههههههه ... لامن جد ايش سر الضحكه
مشاري عصب عليهم : بعد ايش سببها حرام الواحد ينبسط كذا ؟؟
جاء عبدالعزيز ..
مشاري : ياااهلا والله بعمي
عبدالعزيز : مشاااري واللي يجزاك خييير .. اسكككت مابي راسي ينفجر من الصبح ..
مشاري مثل الصدمه والزعل على وجهه ..
الشباب : هههههههههههه
عند البنات ..
امل : هههههاي وربي فاصل ذا المشاري
ملاك من انطرى اسمه تذكرت الموقف اللي صار لها معه وانحرجت ..
تولين : ههههه من جد احسوو احسن واحد من عيال عماني ..
غلا : حدددددددك عاد .. عمااااار احسن واحد
ملاك صفرت : اخووووص بدى الدفاع عن الحبيب ..
ريم : انتو ماتعرفون تتركون احد بحاله .. بدعين تعابلو اخواني ايش فيهم وش زينهم .. كنهم البخت ..
لميس : اسكتوووو لاتزعل علينا ريييم ..
ريم : اقلبيييي وجهك ..
نادين : اووووب لموووس جاك امر اتحداك تنفذينه ..
لميس : لالالالا ابغى راسي والله مابعته
لورا : هههههه مالاحظتو انرعبت البنت من الفكره ..
تولين : ههههه من جد بان على وجهها
غصب عنه طاحت عينه عليها .. ماقدر ينساها ..
حآآآول بس مااقدر ماقدر ..
بنفس الحظه ..
غصب عنها ططاحت عيونها بيعيونه اللي كانت تناظرها !!
يالله قد اييش مرررهق .. وتحت عيونه اسوود ..
___________________
ابو عادل : اقووول ..
الكل : سم ؟؟
ابو عادل : الحريم .. رراح يكونون مع عآدل ..
عادل بهمس : طآآحت براسي !!
ابو عادل : وحنا يالرجال .. مع خالد .. والشباب يرحون مع زياد .. والبنات .. يركبون مع مشاري ...
عمار : لالا ذا الصايع ماياخذ البنات ..
مشاري : اقووول انكتم احسن لك ..
ابوعادل : انتظروو اجل .. بنآآآت مع مين تبون تروحون ..
البنات : مشآآري ..
تولين متكيه ظهرها على سياره .. وساكته ونتاظرهم ..
ابو عادل ابتسم : وانتي ياتولين ؟؟
تولين بهدوء : عادي اللي يصير .. اهم شي نمشي ..
وكالعادة ~> الشباب .. تعجبهم ردودها البسيطه والهاديه ..
مشاري رفع حواجبه بطريقه مستفزه : شفت عمآآآروو اختاورني انا
عمار : مب من زود حلاك .. بس جاي على بالهم يروحون معك
مشاري : هههههاي ايه رقع رقع ..
عمار اقلب وجهك ..
مشى الكل بيركب .. والاخت تولين للحين على وضعها ماتحركت ..
تولين : بسس ماراح تكفينا السيارة ؟؟
لفو عليها بستغراب ..
تولين : اييش فيه
لميس وعمر ماقدرو يمسكون ضحكتهم : هههههههههههههه
تولين نزلت عيونها بس راسها ظل مرفوع .. وضربت طرف شوزها { يكرم القارئ } بالارض ..
تولين : ايييش .. ماقلت شي يضحك
عمر : هههههه ادحشي نفسك بأي مكاان
تولين : لا مايصير والطريق مو قصير ..
ابو عمار : من جدد كيف مانتبهنا لهذي النقطه ..
ابو عادل : طيب اركبو بسيارتين .. او خوذو سيارة كبيره ..
ابو عمار : طيب خذذ يامشاري سيارتي .. كبيره اكبر من سيارتك
مشاري : لالا ياحبيبي .. مااخذ سياره غير سيارتي اللي بيجي معي حياه الله واللي مو جاي الله يساعده
فيصل : خلاص ينقسمون قسمين .. قسم يروح مع مشاري وقسم يروح معي .. خمسه يروحون معي .. واربعه .. يروحون مع مشاري
زياد : طيب حنا بتكفينا سيارتي ؟؟
ابو عادل عصب عليهم : تراكم هبلتو فينا اقوول .. حنا بنمشي وانتو دبرو انفسكم اللي يبي يروح بسيارته يروح واللي بيجي مع احد يجي .. يالله مشينا
عمار : خلاص اسمع عمر .. انت خذ سيارتك وبدر واحمد يروحون معك .. وانا وسعود ومحمد مع زياد
عمر : اوكي يالله ..
توزعو بالسيارات ..
الشباب صارو ..
مع زياد ~> عمار .. سعود .. محمد
مع عمر ~> بدر .. احمد
البنات ..
مع مشاري ~> العنود .. غلا .. ملاك .. امل
مع فيصل ~> ريم .. لميس .. نادين .. لورا .. تولين
______________
لميس ماكانت حابه تروح مع فيصل .. بس ريم اجبرتها !!
فيصل .. وهو يحمي السياره .. لبس النظارة الشمسيه .. ابتسم وهو يناظر بالمرايه ..
فيصل : اهمم شي الحين ارتحتي يابنت العم ..
تولين ماردت .. اصلا ماتدري انوو يكلمها ؟؟
همست لها لورا
لورا : تولييين ولد عمك يكلمك
تولين : هاه ايييه الحمدلله .. تسلللم انك اخذتنا بسيارتك ..
فيصل ناظر لميس بسرعه .. وابتسم ..
وانفتحت البوابه .. وبدو السيارات يطلعون ..
___________________
بعد ساعه ونص .. وصلو ..
دخلو المزرعه .. وكانت مميزه .. وشكلها رووعه من برا ..
الكل نزل ..
تولين كانت بالسيارة مرجعه راسها على ورا وحاطه السماعات بأذانها ..
نزلو الكل وماتبهت فتحت عيونها .. ولاها بالسياره لحالها بس شكلهم توهم نازلين .. طلعت السماعات من اذنها .. ودخلت الجوال والسماعات بالشنطه .. لبست نظارتها الشمسيه ونزلت من السياره ..
نادين وهي تهمس للورا ولميس : احس اليوم تولين مفهيه
لميس : هههه حسييت فيها .. ولا يوم نكشي بنركب
نادين ولميس ولورا : ههههههههه
لورا : وربي فاصله ..
نادين : فاصله ولا نقطه ..
لورا : ه ه ه مايضحك
نادين : ادري بس احاول استخف دمي
_______________
كل واحد نزل شنطته .. ومشى للجناح اللي مخصص له
طبعا الترتيب ..
الدور الرابع للبنات .. فيه غرف تكفيهم وتزيد .. كل ثنتين بغرفه
الدور الثالث للشباب .. زي البنات .. كل اثنين بغرفه ..
الدور الثاني .. للمتزوجين .. الغرف فيها غرفة النوم ومطبخ صغير ودورة مياه { يكرم القارئ } .. باختصار جناح صغير ..
اما الدور الاول .. للجلوس .. كلو مجالس .. مطابخ ..
وفييه الصاله الكبييير .. فيها شباك يطل على برا .. على زرع اخضر ومسبح كبيييييير ..
بعدين تمشون شوي يجي نافوره كبيره شوي ..وبعدين فيه اسطبل خيوول .. وفيه كلاب حراسه دور ..
الزرعه باين انوو فيه احد مهتم فيها .. يعني كلها ورود واشجار وكلها خضراء ... وكانك مو بالرياض ..
اول ماتدخل مع البوابه .. فيه مواقف السيارات ..بعدين تمشي مسافه وتجيك المبنى ..
داخل المبنى ... كان الدرج ملفوف ..
طلعو البنات للدور حقهم ..
وصار ترتيبهم بالغرف ..
العنود مع ملاك ..
ريم مع امل ..
لميس مع نادين ...
وتولين بغرفه لحالها .. هذا كان طلبها ؟؟
الشباب طلعو الدور حقهم ..
وكان ترتيبهم ..
خالد مع عادل ..
عمر مع فيصل ..
محمد مع سعود ..
زياد مع مشاري ..
احمد بغرفه لحالوو ..
اما
عمار وغلا .. بالدور الثاني
و ..
بدر ولورا .. نفس الحاله بالدور الثاني ..
______________
رتبو ملابسهم وكان المبنى بحالة صخب كبييير ..
والكل بعد ترتيب ملابسه نام ..
تولين دخلت الغرفه وبدون ماترتب ملابسها ..
اخذت شاور .. وطلعت نشفت شعرها على السريع ..
زيادت تبريد المكيف وظلمت الغرفه .. ورمت نفسها على السرير ونآآمت ..
_______________
نرجع بريطانيا .. ونرجع يوم لورا ..
رامي بصدمه : { انننت كيف اتيت الى هناا ؟؟ }
إياد بصدمه اكببر : { انت الذي كيف اتيت الى هنا ؟؟}
رامي : { انا هنا المدير العاام وانت ؟؟ }
إياد : { وانا اريد ان اقدم اوراقي هنااا اريد انا اعمل هنااا }
رامي : { لماذا لم تقل لي منذ البدايه .. }
إياد : { اممم لم اكن اعررف .. عموما هيا يامديري .. اقرا اوراقي .. واتمنى ان تعجبك }
رامي : { اعتبر نفسك منذ الان مقبوول .. }
إياد : { شكررررا لك }
رامي ابتسم { العفوو }
____________________
لا تثور المشاعر ../ ثم يضيع الكلام ...
............... ولا تكآبر .. شعورك ... يوم وصلي قليل ...
انت خآبر .. خفوقي .. مآيعرف السلام ..
............... وانت خآبر ظروفي ... والوصل . [مستحيل] ..
ولا تكدّر .. فديتك .. طنش" وروح نآآآم "..
............... خل عنّك جروحي .. والزمان البخيل ..
تدري أنك حبيبي ../ من جميع الـ أنام ..
............... وتدري أني .. بغيتك .. وأني أهوآك حيل ..
مير جرحً بـ صدري .. لا تنشط .. وقآآم ..
............... كيف أجيلك .. ودمعي .. من عيوني يسيل ...؟؟
خل جرحي .. لـ جرحي ..والعتب والملام ...
............... دام قلبي يشيله .. والحنايا .. تشيـل ..
انت وقتك صفآلك .. ورفعك للغمام ..
............... لين مرّك أشوفه .. بالهوا... سلسبيل ..
الضحك في عيوني .. صرت اشوفه (حرآآم) ..
............... لين ضاع الكلام ... ومآلقاله .../ دليّل ..
_______نهاية الجزء " السادس والعشرون "______
توقعاتكم ..
اول مارافع رامي راسه بأول الجزء مين الشخص
اللي توقعتو انوو يكون هو اللي واقف قدام رامي ؟؟
ملاك والموقف اللي صار لها مع مشاري ؟؟ بيأثر على شي بينهم ؟؟ والى متى ملاك قاسيه على نفسها كذا ؟؟
حمل غلا .. بيظل والا بيصير شي وتسقط ؟؟
ميين الشخص اللي سمع كلام نادين ولميس ؟؟
امل والافكار المتلخبطه براسها الى وين بتوصلها ؟؟
خالد وبعدين مع عدم الا مبالاة حقته ؟؟ تتوقعون بيصير لقاء بينه وبين العنود بالمزرعه ؟؟
فيصل ولميس ... الى متى هذا الحب بيدووم ..
كل واحد منهم قرب يرتبط بشخص ... والحب اللي بينهم المفروض ينتهي ؟؟ ايش راح يصير معهم ؟؟
واخيرا .. انتظروني مع البارت ..
" 27 " ومع احداث وحقائق بتنكشف بالمزرعه !!
احبائي استودعكم الله ..