الفصل 23
مدخل ~
♥يوم عُرسي قد يكون قريبا أو بعيدا ..
لا أدري تحديدا ..
ولكني أؤمن بأنه سيكون يوما مميزا عن جميع الأعراس ..
سوف يكون يوم طال انتظاري وشوقي إليه ..
يوم عرسي ..
هو يوم يكون جل أملي أن أسمع فيه قول خَلقٍ خُلقوا من نور ..
"روح طاهره خرجت من جسد طاهر" ..
يومٌ أُبشرُ فيه بروح وريحان ورب راضي غير غضبان ..
يوم أُغسل فيه وأطهر وأعطر بعطر وطُهر مختلف ..
يوم أرتدي فيه البياض وليس أي بياض ..
بياض من خمس قطع حتى أطمئن ويطمئن الجميع بأنه لن يظهر مني
شيء ..
يوم أزف فيه في موكب حافل لا أرى الدمعه في عين أحد ممن شهد ..
يوم أرى الجموع تتدفق لتهنئه أهلي بمصابي ..
يوم أرى ملائكه من نور تشهد حفل زفافي ..
يوم تكون فيه وسادتي أرض من أحب البقاع إلى قلبي ..
يوم ألتقي فيه بأهل السماء ...
وبأرواح أفتقدناها بين اهل الأرض ...
يوم عرسي هو اليوم الذي يحضر فيه المَدعون دون كروت دعوة ..
يوم عرسي هو يومٌ أقول فيه "إني ظننت أني ملاقي حسابيه "
اللهم فاجعلنا في هذا اليوم ممن يقال لهم ..
"يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي
عِبَادِي وَادْخُلِي جَنَّتِي"
(( حبيت ابدأ بهذا الكلام اعذروني كان كلامي ضايق احد منكم ))
____((23))__________________________
(( العصر ))
كان منسدح على سريره بالعرض ومغمض عيونه .. ومبتسم !!
ويتذكر شكلها .. وضحكها .. وهبالها اللي اول مره يطلع
وشكلها والمويه تقطر منها ..
شكثر تمنى انه محرم لها .. عشان يضمها على صدره .. يسوي اللي يبيه فيها ..
دق جواله فصل علييه حبل افكآآره !!
فيصل فتح عيونه مقطب حواجبه ..
فيصل : مرحبآآ ..
مشاري : مرحبتين .. كيفك ؟؟
فيصل : بخير يآآمآل الخير .. انت كيفك ؟؟
مشاري : انا بخير دامك بخير .. تقدر تجي الشركه .. فيه اروآق لازم انت تسويها ؟؟
فيصل : ماتنتظر الاوراق لبكرى
مشاري : والله .. هي كلها ساعتين .. ماتقدر تقطعها من وقتك شوي ؟؟
فيصل : اوكي .. كلها مسافه الطريق واكون عندكم ...
مشاري : اوكي يالله .. بحفظ الرحمن
فيصل : بحفظ الكريم ..
قام فيصل غير ملابسه بسرعه ..
وطلع من غرفته ..
ونزل تحت
ام عادل : وين بتروح يمه
فيصل : والله فيه اوراق لازم اسويها بالشركه ..
ام عادل : اهآآآ متى بترجع
فيصل : مدري والله يمه متى ماخلصت الشغل .. ليش تبين شي ؟؟
ام عادل : فيه اليوم جمعه عند خوالك
فيصل قاطعها : ماني رايح
ام عادل : والله اني عارفه ردك انت واخوانك .. المهم ابيك توديني انا وريم
فيصل بستغراب : ريم تبي تروح
ام عادل : لا بس انا جبرتها
فيصل : اهآآ قولي كذا .. والله ياامي مااقدراوديكم مدري متى ارجع من الشركه .. شوفي سعود لاشغل ولامشغله ..ولكم مني انا اللي برجعكم
ام عادل : طيب يمه خلك مع اشغالك انا بشوف سعود ..
فيصل : طيب طيب .. يالله مع السلامه
ام عادل : الله يحفظك ياولدي .. بحفظ الله ..
____________
طق باب غرفتها
امل : مييييييين
محمد فتح الباب بهدوء ودخل وسكره ومشى متجه لمها
امل عدلت قعدتها وصارت تبلع ريقها : هلا محمد بغيت شي
محمد : اييه بغيت اكلمك .. ( سكت شوي ) فاضيه صح
امل : اييه فاضيه تفضل .. قول اللي عندك ..
محمد قعد جمبها على السرير : امل ..
امل : نعم !!
محمد : امل .. احم اسمعي انا امم انا اسف
امل : على ايش ؟؟
محمد ناظر بعيونها واخذ نفس : امل سامحيني .. انا ادري انو كانت معاملتي لك انتي وامي زفتت .. بس وربي بعد جلستنا امس كلنا .. تغيرت .. مدري تغير فيني شي بداخلي .. تغيرت جذري .. حتى شريحة البنات كسرتها .. امل انا مستعد اسوي اي شي عشان تسامحيني .. يعني انتي اللي ابوي مربيك احسن تربيه كنت اقولك هذيك الكلمات
امل بدون شعور مسكت يده : من جد محمد .. من جد بتترك سوالف البنات والخرابيط والصياعه عنك ؟؟
محمد ضمها : اي من جد ياعيون اخوك
امل شدت عليه : محمد .. الله يخليك خلك معي شوف عمار تزوج .. ومعاد لي احد غيرك ..
محمد : لآآآ وامي وابوي وين راحو
امل : امي وابوي الله يخليهم لنا .. بس الاخوان غيير .. انا الله مارزقني بخوات معي .. بس رزقني باخوين .. واحد تزوج وواحد ظل معي .. محمد الله يخليك لاعاد تتغير خلك كذا الله يخليك يأخوي
محمد باس جبينها : انشاءالله ياقلبي ..
امل ابتسمت وبقلبها : الله يخليك لي انت وعمآر ولا يحرمني منكم ..
_____________
مرت من عند التلفزيون بالصاله .. وتولين ونادين قاعدين .. وحاطين مسلسل دقات قلب .. >> ادري قدييم ..
جذبها المقطع اللي كان بالتلفزيون
كانو قادعين يقولون >> بالمسلسل طبعا ..
زوجة البطل : احكيلون عن لحنك الجديد كنان
خال البطل : في لحن جديد
ولد خال البطل :اخيرا
البطل : هالمره سمفونيه
ضحك ولد خال البطل بستهزاء
جارتهم : ياي عظيم
ابتسم لها البطل
ولد خال البطل : وشلون صار هيك ؟؟
البطل : هيك صار
همس ولد خال البطل بأذن خطيبتو : بتعرفي كان شو راح يسميها اكييد عين التور
بالمقابل خطيبتو ضحكت
والبطله شافتهم وطاحت عينها على البطل ونزلت عيونها بسرعه ..
ابتسمت زوجة البطل : اصتا كتييييير حزينه سماها النجوم السوداء
البطله رفعت عيونها بسرعه وشافت البطل ؟؟
رجع همس ولد خال البطل باذن خطيبتو : ماطلعت عين التور
وهي ضحكت ..
خال البطل : احكيلنا شو اصتا يالله
جارتهم : اي والله احكيلنا
البطل : هي حكاية حكاية حب كبيير
والبطله ناظرته وتبغى تعرف الحكايه !!
مرت عم البطله : اصة حب مره تانيه
البطل : ايه .. الحب دائما اصصه بتوجع
اخت البطل : اخي احكيلنا ياها
البطل : هي حكاية راعي حكم على حالو يظل بالعتمه لحد مايموت كرمال حبوو
مرت عم البطله : يرجاءا حكيلنا ياها بالتفصيل
البطل : هذا الراعي بيحب بنت سلطان ظالم بيدرا السلطان وبيؤبض على الراعي وبيسألو اي بنت من بناتي بتحب, الراعي مابيحكي وبيحاول معه كتييير والراعي مابيحكي بيغضب السلطان كتيير وبيحضر لعبه للراعي وبيقرر يمرر كل بناتو ادامو .. كيف من كان الراعي بدو ينفعل لما بيشوف حبيبتو بيناتون .. وراح يتسارع نبضوو.. وراح يدى البؤ بؤوه الراعي عندو بصيره وهو عرفان ان السلطان عامل هاللعبه مشان يعاقبوو .. وتوقع يأزيلو حبيبتو .. المهم السلطان بيمرئ بناتو من ادام الراعي وبتمرئ من ادام الراعي حبيبتو .. جميلة الجميلات .. بس مابيصير ولا اي تغير بنبض الراعي .. لأنو... حتى مايشوف الع عيونه اللي كان يسميون النجوم السوداء ..
النجوم السوداء بتنطفي لينقز حبيبتو ..
هنا دمعة عيون البطلة .. بس بسرعه رفعت يدها ومسحت الدمعه اللي طاحت من عينها ..
وطاحت عين البطل بعين البطله وكل واحد الحزن يحكي عنه ..
<< نرجع لروايتنا ..
لميس بسخريه وهي ترمي نفسها جنب نادين على الكنب
لميس : هههه اصلا متى الحب انتصر .. واكتمل
تولين : الحب ينتصر .. بس مو دايم .. وبعدين انتي ايش عرفك بالحب
لميس : هههههههه يمكن عاشقه احد
نادين بكذب : ههههاي اتخيل شكلك عاد
تولين : الحب حلوو .. بس بهذا المسلسل .. البطل ضيع البطله بكل سهوله من بين يدينه ..
لميس بجدية وتفكير : كيف يعني لازم الواحد يتمسك بحبيبه الى اخر لحظه
تولين : يب .. لازم .. ولا ماينتصر الحب
لميس : انا بروح غرفتي
نادين : خذيني معك احس ابغى اسرخي وانآآم ..
لميس بتسليك : هههه اوكي يالله تعالي
لو إستطيع إعادة أول لقاء جمعنا ~ ... ﻷبتسمت لك و أكملت طريقي
______________
بممرات بالمستشفى ..
وبتفصيل > بمكتب من مكاتب المستشفى ..
طبيب نفسي قاعد على مكتبه وقدامه .. دكتور ويتبادلون الاحاديث
زياد : كيف يعني
الدكتور النفساني : دكتور زياد انا قتلك هي ماانشفت تماما ..
يعني احتمآآل كبييير يرجع لها المرض النفسي مره ثانيه ..
بنت عمك اثبتت انها عنيييد .. كذا مره اتصلنا عليها بس هي ماوافقت تجي ؟؟؟
زياد : ايش اسوي فيها .. اذا هي معنده ماتبي تجي !!
الدكتور النفساني : يأخي اقنعها ..
زياد : كيفها .. صحتها وهي اكيد بتكون احرص عليها مني ومنك صح ولا خطأ ؟؟
الدكتور النفساني ابتسم : والله انتم بعايلتكم فيه جينات متوارثه بينكم
زياد ضحك : اكييييييد ماصرنا عايله وحده على الفاضي ..
___________
عبدالله بأمر : امي كلمي امها وقوليلها .. نهاية هذا الاسبوع نبغى الملكه ..
ام عبدالله : ياولدي مايصلح كذا
عبدالله : يمه .. انا مااشاوركم انا آمركم ..
ام عبدالله : انت وش فيك ابغى شي واحد اشوفه فيها يخليك كذا مررره تبغاها .. بس عشانها اجنبيه .. حتى ماندري هي مسلمه ولا كافره اصلا
عبدالله : خلصتي .... يالله الحين كلمي
ام عبدالله : طيب خلاص بعد شوي
عبدالله : الحييييييييين
______________
الشركه ..
وصل الشركه ..
سكر سيارته ونزل ..
دخل الشركه .. مشى ..
هو ماعمره شد مع احد ولا شي .. بس الكل بالشركه يحترمه ..
ويهابه .. وصل مكتبه ..
ايمن >> السكرتير : مساء الخير استاذ فيصل
فيصل : مساء النور .. ايمن جيب لي الاشياء المهم للمكتب .. وفيه اوراق لي من ؟؟
ايمن : ايووه جاء قبل ساعه الاستاذ مشاري وحطها هنا ..
فيصل : ايووه جيبها لمكتب ..
ايمن : انشاءالله ..
فيصل ماله كثير يشتغل بالشركه .. بس بسرعه اثبت جدارته .. وترقى كثييير .. وصارت له كلمه بالشركه ..
عمر مر من جنب مكتب ايمن .. وشاف ايمن يجمع اورق
عمر : ايمن
ايمن : هلا استاذ عمر
عمر : جاء فيصل
ايمن : ايييه بالمكتب ..
عمر : اهااا
مشى لمكتب فيصل ودق الباب ..
فيصل : تفضل ..
دخل عمر
فيصل : اهلا عمور اهلا اشرقت الانوار
عمر ابتسم : مشرقه فيك انت ووجهك
فيصل : يعني ماتعرف مره وحده ماتسب
عمر : ههههههههه متعقد الاخ
فيصل : اييه متعقد منك ..
عمر : لييييه معاد جيت عندنا
فيصل : ماكننا امس قاطين عندكم
عمر : هههههه من جد .. بس امس والله من احلى الليالي اللي مرت بحياتي
فيصل : من جد .. كان فللله
عمر : اهم شي انبسطتوو
فيصل ناظره شوي ..
عمر : ايييييييش
فيصل : وش رايك بعد اطلب لك قهوه .. وتقعد تتقهوى
انطق الباب
فيصل : تفضل ..
دخل ايمن ..
عمر : يعني اعتبر الكلام طرده
فيصل : هههههه اللي تبي
ايمن : استاذ هذي هي كل الاوراق اللي تبيها
فيصل : تسلم ايمن ..
ايمن : تمآآمر على شي ثاني طال عمرك
فيصل : لامشكوووور ...
عمر : ايييمن خذني معك ..
ايمن : يالله تفضل معي
فيصل : والله تسوي خييير ايمن اذا اخذته الحين
عمر وهو يطلع مع ايمن : هيييين هيييين الدنيا دوآآره وقول عمر ماقال ..
طلعو وسكرو الباب
فيصل : هههههههه مهبوول
_______________
نادين : تضايقتي ؟؟
لميس وهي تلعب بجوالها : من ايش
نادين : لاتصرفين .. انتي تضايقتي
لميس : من كلام تولين ..
نادين : يب
لميس : آآآآآآه .. انتي حطي نفسك مكاني ..
تصدقين امس وانا اشوف ضحكته على وجهه انبسط .. مدري كيف بقدر اعيش مع غيره .. والاغنية الاغنيه اللي قالها والله لي قاصدني انا فيها !!
نادين : لمووس حبيبتي .. لازم تنسينه انتي راح تتزوجين غيره وانتي اللي اخترتي الطريق بنفسك ..
لميس رمت نفسها جمب نادين على السرير : انا اللي اخترت الطريق وانا اللي اتحمل المسؤليه ..
انطق الباب ودخلت يلدا
يلدا : لميس ابغى اكلمك ..
لميس : قولي يمه انا نادين مااخبي عليها شي
يلدا : امم ام عبدالله اتصلت قبل شوي .. وقالت انو عبدالله يبغى الملكه الاسبوع الجاي ..
لميس : طيب وبعدين ؟؟
يلدا : وانا وافقت ,
لميس : وانا مالي راي
يلدا : انتي مصختيها مع الناس خلاص سو الملكه وريحونا
لميس : طيب خير انشاء الله
يلدا : من بكرى نبدا نجهز للملكه ..
لميس : انشاءالله ..
يلدا : يالله انا بطلع ..
لميس : وين ؟؟
يلدا : بطلع بروح غرفتي مو برا البيت .. وين لورا
نادين : من امس ماشفت بدر ولورا .. بس احمد طلع ..
يلدا : اهاااا
طلعت يلدا ..
ولميس : انت اللي بديت ياعبدالله .. وانا راح اوريك
نادين وراها قاعده تمسخر عليها ..
_______________
جبال الالب ..
غلا : عمااار حبيبي ممكن طلب كذاا صغييييييييير
عمار : ايش هو الطلب
غلا : حبيبي مشتاقه لاهلي ابغى اكلمهم ..
عمار : وحده بوحده
غلا كشرت : اييش تبغى
عمار ابتسم : هههههه بوسه
غلا : ماابغى ..
عمار : اجل مافيه تكلمين اهلك
غلا : لالا خلاص .. بعطيك ياها
عمار : بس مابيها الحين ابها اذا جينا ننام
غلا فهمت قصده وحمممر وجهها
عمار وهو ماسك الجوال : ههههههه فديييت الخجوول انا
دق على رقم بيتهم ..
______________
بالرياض ..
ببيت ابو العنود ..
دق التلفون ..
ملاك : الووو
: لاهلا بالالو وصاحبتها ..
ملاك صرخت : غلآآآآآآآآآآآآآآآآآآآآآآآ آ
غلا : هههههههه اي غلا يا قلب غلا انتي كيفك ..
ملاك : الحمدلله تمام .. انتي كيفك .. لايكون عمار ماذيك ترا اجي عندكم واذبحه
كان الجوال عند غلا مطلع الصوت شوي .. عاد عمار يوم سمع كلام ملاك طارت عيونه ..
عمار : انااا ..
ملاك : يووه جنبك .. ماعليك منه .. هاه مافي حفيد جاي بالطريق
غلا : بنتت اعقلي .. ماتتوبين من حركاتك انتي ..
ملاك : هههههه لا مااتوب ..
العنود : ملااك اعطيني ابغى اكلمها يالله ..
ملاك : صبببر شوي .. ايييه متى العوده انشاءالله
غلا : والله عاجبتنا القعده مانبغى نرجع
ملاك بنذاله : احسسسسن انتو اقعدو هنااك .. فاتك امس اجتمعنا ببيت عمي عبدالعزيز .. بس الشباب والبنات .. وبالليل فيناها قعدنا كلنا سوا
ولعبنا بالمويه ..
غلا بقهر : حقيييره وشوله تقولين لي ذا الكلام
ملاك : لاا بس عشان تقعدون اكثر ..
العنود سحبت السماعه من يد ملاك : اشووف .. هلا حياتي غلا
غلا : هلا عنووده ..
العنود : كيفك ؟؟
غلا : والله الحمدلله .. وانتي كيفك
العنود : بخييير يامآآل الخير .. كيف جبال الالب معكم انشاءالله مبسوطين
غلا : اييه الحمدلله مررره فلله .. حتى الجو مختلللف 180 درجه عن الرياض ..
العنود : هههههه معلووم طالعه دوله اجنبيه تبغينها حااره .. الا متى ناوين ترجعون وربي وحشتونا
غلا : خليها مفاجئه
العنود : والله انك نذله
غلا : وين امي ؟؟
العنود : طالعه عند صديقاتها
غلا : وابوي
العنود : بالشركه ..
غلا : كنت حابه اسمع صوتهم .. بس يالله خيرها بخيرها .. يالله عنودتي بسكر تامرين بشي
العنود : لا سلامة البك .. ياروحي
غلا : يالله اجل مع السلامه
العنود : مع السلامه ..
سكرت العنود من غلا ..
ورجعو العنود وملاك .. لجوهم .. حاطين فيلم وقاعدين يتفرجوون عليه ..
____________
بعد مرور اسبوع ..
كان حافل على البعض .. والبعض الاخر كان عادي عنده
انتشر خبر وقت ملكه عبدالله على لميس ...
وبدت التجهيزات ..
(( يوووم الملكه )) ...
خلوني اوصف لكم شعور .. كل اللي يخصهم امر الملكه !!
لميس : كانت مكتئبه .. بس ماتبي تبين لاحد .. بس على مين تلعب كانو ملاحظينها .. بس خمنو ان قرب الملكه هو السبب
عبدالله : كانت فرحته ماتوصف .. بس يبغى اليوم يجي .. ويشوف وجه لميس .. والاهم وجه فيصل ؟؟
فيصل : من درى بتحديد موعد الملكه .. صار كئيييب مايتكلم كثير مع نفسه اكثر الوقت .. حتى عمر ماعاد يشوفه كثييير زي قبل
عمر : كان ملاحظ تغير فيصل & لميس .. وباصم بالعشره انهم يحبون بعض .. بس مستغرب من عناد لميس واصرارها على عبدالله
نادين : حاولت تطلع لميس من حالتها .. بس ماقدرت .. ابببدا ماقدرت .. وتحاول بالمقابل تخفي عنهم الموضوع لانهم بدو يشكوون ان الموضوع فيه ان .. ولميس ماتبغى ايي احد يعرف فييه
بدر : ملاحظ تغير لميس وقلقان عليها .. وبنفس الوقت مايبغاها تاخذ عبدالله لانه يعرف مين هوا عبدالله وايش اخلاقه !!
________________
(( يوم الملكه - العشاء ))
لميس قاعده والكوفير تسوي لها التسريحه ..
لميس كانت قاعده انسانه جامده .. اللي يشوفها يقول بلا مشاعر !!
نادين قعدت عند رجلينها ومسكت يدينها : لموس روحي .. هذا اللي كاتبه لك ربك .. ارضي فيه
لميس : ونعم بالله .. والله يانادين لو ماكنتي جمبي مادري ايش كان صار فيني .. يمكن كنت مت
نادين ضمتها : بسم الله عليك .. يا عل يومي قبل يومك حبيبتي ..
يالله قومي البسي فستانك .. شوفي شعرك له فتره مخلص ..
لميس قامت تلبس بهدووء ..
(( تحت ))
كان ازعاااج ..
الدي جي مالي صوته المكان
كانت الملكه بالبيت .. بيت عبدالعزيز ..
المعازيم ماكانو مرره كثيير ..
ملاك : ههههههه وربي جننتها .. كانت تبغى تحضر معنا الملكه ..
حتى قالت بزعل على عمار ..
ريم : هههههه وربي انتي خرابة بيوت
ملاك شهقت : بسم الله علي ..
لورا : يعني لزووم تخربين اجوائهم ..
تولين : والله انتو شكلكم ماعرفتو ملاك زييين
______________
عند الرجال ..
فيصل كان قاعد مع نفسه ..
عبدالله بناظره من بعدين ومبسوووط ..
عمر : اففف العالم تتزوج وحنا اللي نشقى
احمد : هههههههه تحمل
عادل : ليش تبغانى نساعدك ترانا بالخدمه
عمر : لاا تسلم ..
بدر ببرود : متى راح يجي المملك ..
عمر : علمي علمك !!
عبدالعزيز : عمممر تعااال
عمر : انشاءالله ..
____________
كانت اجواء ملكه لميس& عبدالله ..
تخلتف عن اجواء ملكة غلا & عمار ..
الجو اليوم عندهم بااارد .. وفيه نوع من الكائبه ..
_________________
نرجع فوق عند لميس ..
طلعت من الغرفة لابسه الفستان ..
نادين : ماشاءالله طالع رووعه علليك ..
لميس وقفت قدام المرايه الطويله : كنت اتمنى انزف لفيصل بدال عبدالله .. كنت اتمنى اكون بهذي اللحظات مبسوطه وسعيده ..
نادين مسكت كتوفها : ماتدرين يمكن ربي رايدلك بعبدالله خير
لميس : يمكن
كان فستان لميس كذا
بعد نص ساعه جاء اللي يملك ...
نزلو لميس وخلوها ورا الباب ..
سألو عبدالله ووافق ..
لميس اشمئزت من صوته ..
وجاها الشيخ وسألها ..
كان نفسها بهاللحظه ... ينقطع لسانها ماعاد تقدر تتكلم .. بسس
فيصل وده باللحظه .. تقول مو موافقه .. كان قاطع على نفسه عهد كان ماوافقت على عبدالله يطلبها باهليله من عمه .. بسسس
لميس : موآآآآفقه
موآآآفقه
موآآفقه ...
تردد صدى صوتها .. خيب آآمال .. وفرح آآمال !! ..
جلست قريب من المجلس ..
عشان عمر الحين بيجيب لها الدفتر ..
وقع عبدالله واخذ عمر الدفتر .. وقام معه بدر .. واحمد ..
عمر : احمم فيه احد
نادين : لاا عمر ادخل
دخل عمر لقى لميس .. نادين .. تولين .. لورا !!
دخلو بعده احمد وبدر ..
عمر حط الدفتر قدام لميس : وقعي هنا ..
بدر : قبل ماتوقعين .. لميس كانك ماتبينه والله مايحلم بظفرك ..
لميس سآآكته .. مسكت القلم .. ومشت جهة التوقيع ..
عند الرجال ..
فيصل بقلبه : للحين يافيصل فيه امل .. يمكن ماتوقع .. يآآآرب حقق لي مناااي .. يآآرب !!
عمر : لميس انتي مقتنعه .. والله لو مو موافقه مايحلم فيك
لميس رفعت نظرها لبدر .. وضعفت مو قادره مو قآآدره .. موقادره تفقد هالنظره وهالحنيه ..
لميس تكلمت معهم وبعد صمت دام يومين : انتوو ايش فيكم .. انا موافقه عليه ..
جت تبي توقع .. حست ان يدها مو راضيه توقع ..
__________________
مخرج ..~
أعترف لك كان يكفي الاعتراف
واعتذر لك كان يكفيك العذر
في ليالي الشوق حسيت اختلاف
مرت الساعه على روحي شهر
افترشت الهم والضيقة لحاف
فاض بي بركان حبك وانفجر
لاتلوم اللي دخل قلبك وشاف
حب ماشافه بهالدنيا بشر
صار الخطاء وشلون ما هو بيدي
لحظة غضب نفقد بها أعز انسان
عزيت نفسي كنت احسبه تحـدي
ولا دريت انـك بطيبـك تحـدان
صحيح انا يمكن تعديـت حـدي
واسرفت بالغلطات وكان الذي كان
وشلون ابنسى من خذا كـل ودي
واقفى وخلاني على حد الاحـزان
دمعي مكانه بعدكم فـوق خـدي
شفقان قربك ياهوى البال شفقان
صار الحزن مابين جزر ومـدي
مرات ارده واكثر الوقت يقـوان
ردي علي ارجـوك يابنـت ردي
لا تتركيني في متاهات الازمـان
اول معي بالشوق واليوم ضـدي
بديت بالمكسب وعودت خسـران
امدلـك قلبـي واشيلـة بيـدي
يفداك قلب من سبايبـك ينهـان
دامك سحابه في سمايـا تعـدي
لا تبخلي بالماء وانا حيل عطشان
_________________________
نهاية الجزء الثالث والعشرون ..
توقعاتكم ..
هاهي لميس .. وصلت الى آآخر نقطة .. فهل سوف تتمها أو سوف تتوقف يدها عن التوقيع وترفض الزواج بشكل نهائي من عبدالله ؟؟
ماهو موقف عبدالله .. اذا رفضته لميس ؟؟ اكرر اذا رفضته انه توقع وليس اكيد !!
ماهو موقف فيصل .. هل اذا قبلت لميس سوف يكمل حياته بشكل طبيعي ام لا ؟؟
اذا وافقت لميس على عبدالله .. فهل سوف تتقبله بالمستقبل زجعله اب لاطفالها ؟؟
هل ستكون >> نهاية هذا الحب الانفصال ؟؟ ام ماذا ؟؟
اعتذرر منكم ~ لقصر هذا البارت .. واعدكم انشاء الله ببارت اطول ... بالمره القادمه ؟؟ >> وش رايكم بالغه العربيه الفصحى ..
انتظروني .. يوم الخميس ..
بالبارت ~ الرابع والعشرون .. وبأحدااث اكثر اثاااره ~
استودعكم الله ....