انا الرصاصه الوحيده التي سئلة ضحيتها كيف تريد ان تموت في حبي - الفصل 23 - بقلم معشوقه - مكتملة | روايتك

الرصاصه الثالثه والعشرين~ْ (( بعد شهر ))* علاقة ليان وجواد تحسن كثير بعد روحه لفرنسا .. صار دايم يجلس معاها وسولف معاها بساعات وضحكهم مالي البيت .. هذا الشي خلى علياء تغار اكثر .. تزيد في عذابها .. علياء : ليانووووه .. ليان : نعم .. علياء : تعالي معاي .. ليان : وين ؟؟ علياء : لحقيني وانتي ساكته .. ليان : حاضر .. وصعدوا فوق لقسم علياء .. علياء : تشوفين هذاي الثريه .. ليان : شفيها ؟؟ علياء : ماتحسن ان الغبار عليها كثر .. ليان : تبغين انادي لك وحده من الخدم تمسحيها .. علياء : وليش تنادين خادمه ثانيه وانتي موجوده .. بسرعه جيبي السلم وصعدي نظفيها .. ليان : ......... علياء : بسرعه .. بسرعه ليان سوت الي تبغيه .. وقت الي كانت ليان تنظف الثريه دخل جواد وستغرب من الي يشوفه .. جواد بصراخ : ليااااااان شنو جالسه تسوين ؟؟ صراخ جواد خلى ليان تخاف لثواني كانت بطيح من على السلم بس بصعوبه استعادت توازنها .. بعدها نزلت عيونها للارض بتجاه جواد كانت عيونها تحمل معاني الخوف والقلق من العقاب الي راح ينزل عليها من جواد .. جواد : ممكن تقولين لي ليه انتي الي تنظفين الثريه ؟؟ ليان : عادي .. زهقت من قلت الشغل قلت خلني احرك نفسي اشوي .. جواد : انا اسف اني صرخت عليك .. لو سمحتي نزلي الحين قبل ما تطيحين من هذا السلم .. ليان : انا متعوده على الشغل .. وبعدين مو باقي الا هذي النطقه خلني اخلصها ونزل .. جواد بخوف : ليان اتبهي .. نزلي .. ليان : ياربي موقادره اوصل لها .. فصارت ترفع نفسها بس رجلها نلقت وطاحت .. جواد : ليااان .. ليان فتحت عيونه بشويش لما حست انها بين يدين جواد .. ليان بحراج : اسفه .. جواد : لا تخوفين كذا مره ثتنيه .. ليان : شكرا ً .. في هذا الوقت دخلت علياء وشافت ليان في حضن جواد وهو ضامها ويطالعون بعض بحب .. ماقدرت تتحمل اكثر فمسك كاس ماي كان موجود على الطاوله ورمته في وجه ليان .. هذا الشي فاجئ جواد وليان مع بعض وبعدوا عن بعض .. بس علياء ماوقفت اهجمت على ليان وضربتها كف .. بسرعه جواد مسكها وبعدها عن ليان .. جواد : علياء .. خلاص وقفي .. انتي جنيتي ؟؟ علياء وهي تصيح : خلني اقتلها .. اموتها بيديني .. ليان جلست في الارض وضمت رجولها لصدرها من الخوف .. وصارت ترتجف .. جواد لما شاف ليان كذا كان وده يروح يضمها بس خاف ان علياء تهاجمها مره ثانيه وبعد خاف على علياء لانها حامل فخذها وطلعها ووداها للغرفه تهدء .. اما ليان فراحت تركض لغرفتها .. ---------------------- (( في السوق ))* مشاعل حبت تغير جو من جلست البيت .. فدقت على شما وطلعت معاها .. شما : مشاعل .. طالعي مو هذا سيف .. مشاعل : وينه ؟؟ شما : هذا الي توه طالع من محل الذهب .. مشاعل : اي هذا هو .. تعالي .. شما : يابنت الناس خليه يولي .. لا ترمين نفسك على واحد مايبغيك .. مشاعل : امشي وانتي ساكته .. بسرعه قبل مايمشي .. ولما وصلوا لشارع .. مشاعل : سيف .. سيف .. سيف لف عليها بس ماعرفها .. مشاعل : شفيك ماعرفتني .. انا مشاعل .. سيف : شخبارك مشاعل ؟؟ مشاعل : بخير .. انت شخبارك من رجعنا من فرنسا ماسئلت .. شما : مشاعل خلينا نمشي .. مشاعل : تبغين تبشي روحي بروحك .. سيف : بصراحه انا تأخرت على البيت لازم اروح بغيتي شي .. مشاعل : سيف .. سيف : نعم بغيتي شي .. مشاعل ملت من تجاهله لها وعصبت : شفيك انت ماتحس .. سيف بستغراب : مافهمت عليك .. مشاعل : تبغيني افهمك .. كل تصرفاتي معاك في فرنسا ولا فهمت .. سيف انا احبك .. افهم يابني ادم .. سيف : مشاعل هذا الكلام مايجوز وبعدين قصري صوتك احنا في الشارع .. مشاعل : شنو الي مايجوز !! مايجوز اني احب .. سيف : انا اسف يامشاعل بس انا بخطب بنت عمي ملاك اليوم رسمي حتى شوفي شريت الدبل .. مشاعل : لالا .. وخذت علبة الدبله ورمتها في وسط الشارع .. سيف بسرع نط وسط الشارع ومد يده بيخذها بدون ماينتبه لسياره الي جايه بسرعه .. ولما رفع راسه وشافها تفاجئ انه بالخوف على نفسه .. كل تفكيره انحصر في شخص واحد .. فأنسانه جبها من كل قلبه .. ملاك .. مشاعل : سيييييييييييييييف .. وطاحت العلبه على الارض بين الدم الي نزف .. ---------------------- (( في نفس الوقت ))* ملاك كانت تستنا رجعت سيف .. الي تأخر عليها حيل .. هو وعدها انه راح يجيب لها مفاجئ اليوم .. بس ماتدر ليه قلبها يقول لها ان في شي صاير لسيف .. قمر: شفيك ؟؟ ملاك : مافيني شي .. قمر : جالسه تستنين سيف .. صح .. ملاك : ...... قمر : متى تتزوجون وافتك منكم .. ملاك : قمر .. قمر : هههههههههه .. ملاك بحزن : قمر .. تعتقدين ان احنا راح نتزوج يوم من الايام .. قمر ببتسامه : اي .. ولا راح يقدر احد يفرقكم الا الموت .. ---------------------- (( بيت بو جواد ))* جواد لما نامت علياء راح لليان الي كانت جالسه لوحدها .. اول ماشافته بتسمت له .. جواد : انا اسف .. ليان : عادي .. جواد : صارلك شي حبيبتي ؟؟ ليان : لا .. كيف علياء الحين ؟؟ جواد : نامت .. ليان جات بتوقف وحست بدوخه وان الدنيا سودة في وجهها فبسرعه جلست مره ثانيه قبل ما تفقد والوعي .. جواد جى لها بسرعه بخوف .. جواد : فيك شي ؟؟ ليان ببتسامه : لا .. انا بخير .. جواد : اي بخير ووجهك اصفر .. ليان : لا تهتم .. لي فتره وانا احس بهذي الدوخه .. بس بعد فترى تروح لا تخاف .. وان زادت بس اتقيئ واكون احسن .. جواد : وليه ماقلتي لي انك تعبانه .. علشان اوديك المستشفى .. ليان : لا تهتم بس يمكن من لارهاق .. فتره وتعدي وارجع احسن من اول .. جواد : اكيد .. ليان : اكيد .. ويندق الباب .. جواد : انا قلت لهم يجيبون الاكل للغرفه اليوم .. وراح يفتح الباب .. فجأه ليان حست بدوخه تزيد .. جواد : شكل اليوم الغذا سمك .. ليان حطت يدها على فمها : طلع ياجواد ريحته كريه .. وراحت تسرع لدوت المياه .. جواد : ليان شفيك ؟؟ " وطالع الخادمه " .. اتصلي بدكتور العايله خليه يجي بسرعه .. ليان طلعت من الحمام : جواد .. بموت ياجواد .. مو قادره اتحمل .. جواد بسرعه حمله وحطها على السرير وضمها لصدره .. جواد : لا تخافين الحين الدكتور بيجي .. ليان ضمته وصارت تصيح : جواد .. جواد احتار شنو يسوي جواد : بعد ليه تصيحين الحين .. الي هذي الدرجه تتألمين .. شنو اقدر اسويه علشان يروح هذا الالم .. ليان انبطت على رجوله وغمضت عيونها : الالم خف الحين لانك يمي .. صونيا : مستر جواد .. جواد : نعم .. صونيا : الدكتور وصل ... جواد غطي ليان عدل وخلى الدكتور يكشف عليها .. ولما خلص الدكتور اطلعوا علشان يخلون ليان ترتاح .. جواد : هاا دكتور .. شنو فيها ؟؟ الدكتور ببتسامه : اطمئن المدام في احسن حال .. جواد : اجل ليه الدوخه ؟؟ والتقيئ ؟؟ الدكتور : هذا لان المدام حامل .. جواد : حامل .. ليان حامل .. الدكتور : الف مبروك .. جواد بفرح لا يوصف : ليان حامل .. كان يصارخ كأنه وده يقول للعالم كله ويخبرهم ان ليان حامل .. ليان كانت داخل الغرفه سمعت صوت جواد .. في البدايه ماصدقت نفسها بس الازعاج الي سوه جواد خلاها تصدق .. حطت يدها بكل لطف على بطنها .. في الوقت الي دخل جواد عليها .. بتسمت له بلطف .. ماعرف هو شنو يقول غير انه يرد لها بنفس الابتسامه .. وقرب منها وحط يده على يدها .. ---------------------- (( في بيت بو سيف ))* ملاك : لا عن جد سيف تأخر .. قمر : معاكي حق .. الا يرن تلفون البيت .. وتروح تسرع ملاك تجاوب .. ملاك : الووووو .. " بعد ثواني " هاااااااااااااااا .. ---------------------- (( بعد ساعات طويل لا تعد ))* الكل عرف بالحادث .. والكل كان موجود .. ملاك : شلون .. قلي شلون صار الحاااادث .. كيف سياره صدمت مشاعل ؟؟ سيف : كل هذا بسببي .. كانت السياره بتصدمني انا بس مشاعل ادفعتني عنها وتلقت الصدمه هي .. الحين بو جواد يناقش الدكاتره عن خطورت وضعها .. ملاك : بس مو هم قالوا ان العمليه الي سواها لها نجحت وان الخطر زال عنها .. سيف : الدكتور يقول ان ظهرها تأذى حيل بسبب الحادث .. يعني حتى لو جسمها تعافى .. في احتمال ماتقدر تمشي مره ثانيه .. وكل هذا بسببي انا .. مشاعل ماراح تقدر تمشي مره ثانيه وانا السبب .. ملاك حست بالالم الي يحسه سيف والعذاب .. وخافت عليه وهي تشوفه يرتجف وكان ودها تسوي له شي تطلعه من الي هو فيه .. جواد : سيف .. الوقت تأخر خذ خواتك وامش من هنا .. سيف : بس .. جواد : ولا كلمه .. الحين لا انا ولا ابوا نقدر نشوفك .. لو سمحت روح الحين .. سيف : حاضر .. طول طريق الرجعه وافكار سيف توديه وتجيبه يبغي يساعد مشاعل بأي طريقه .. رجعله كلام مشاعل وهي تعترف له انها تحبه .. وهو كان يعرف هذا الشي في كل مره يشوفها يعرف من نظراتها له من كلامها مامرع حاولت تخبي هذا الاحساس .. بس هو دايم يتجاهلها .. ويتمني انها تنسي .. ملاك كانت تطالعه وهي عارفه وتأكده هو شنو يفكر فيه .. فأول مادخلوا البيت وراح كل واحد ينام .. وصارت لوحدها مع سيف .. خذت نفس عميق وتشجعت .. وراحت له .. ملاك ببتسامه: سيف .. انا اسامحك .. سيف : على شنو ؟؟ ملاك : انا ادري بعد هذا اليوم راح تتركني .. وسرعان ماختفت البتسامه ونزلوا ادموعها الي غرقوا عيونها وحبستهم هي طول الوقت داخلها بس الحين ماتقدر تحبسهم اكثر لازم تنزلهم علشان ترتاح .. لازم تودع سيف لانه هذا اخر يوم لها .. ملاك : لاني اعرفك عدل ياسيف .. انت انسان طيف الي ابعد الحدود مستحيل راح تترك مشاعل الحين .. ادري انك تفكر تتركني .. وادري انك تبغي تساعد مشاعل حتى لو كلفك هذا الامر سعادتك .. راح تتزوجها .. بس انا ماابغي اتركك .. حتى لو كلفني قربك حياتي .. ماابغي اتركك .. بس " هنا زاد صياحها " بس لما شفت حالت مشاعل .. وحالت الحزن الي قطت اهلها مااقدر امنعك .. سيف : انا اسف .. ارجوكي سامحيني .. ملك : راح احبك للابد .. ملاك في نفسها تتمنى ان الي صار كابوس وتجلس منه .. في ذيك الليله مانام احد الكل يفكر في اليوم الثاني كل شي راح يتغير .. مافي شي راح يبقى على حاله .. ----------------------- نهاية البارت ..