الفصل 13
الرصاصه الثالثه عشر~ْ
بو جراح : وانا جاي الحين على نفس المسئله .. جراح يبغي يتزوج اختك ويستر عليها .. والحين بعد علشان ترتاح .. شرايك ؟؟ والي تطلبه انا موافق عليه بس يضل زواجهم بسر .. مايطلع من هنا .
ناصر لما سمع ان في الموضوع دفع طمع : كم تقدر تدفع ؟؟
بو جراح : كم تبغي ؟؟
ناصر : نص مليون .
بو جراح : تم .. الحين يجي الملاك ونملكهم وبتصال تلفوني يوصلك المبلغ .. اتفقنا .
ناصر : اتفقنا .
وبكذا تزوج مها من جراح بس بسر لانه كان شرط بو جراح على جراح .
----------------------
(( بيت بو سيف ))*
ملاك : صقر ..
صقر : اووووووف .
ملاك : صقر رد علي .
صقر : نعم خير .
ملاك : ليش قلت انك تكره سيف .
صقر : كيفي مزاج انا حر .
ملاك : بس انا ماابغيك تكرهه .. سيف حساس مره مايحب احد يشيل عليه كيف راح يتحمل انه احد يكره ويبغي ينتقم منه ولا وهذا الشخص اخوه .
صقر : الي هذي الدرجه يهمك زعله .
ملاك : اي .
صقر : هو يحبك ؟؟
ملاك : ...........
صقر : ماتدرين صح .
ملاك : ..........
صقر : صحيح انك غبيه .. بس شوفي خلني اعقد معاكي اتفاق .. اذا تبغيني ماانتقم من سيف رفضي انك تتزوجينه وتزوجيني اناااا .
ملاك بصدمه : مستحييييييييييييييييييييي يل .
صقر : اجل راح يكون انتقامي قاسي على سيف .. شنو قلتي .
ملاك : ............
صقر : يقون السكوت علامة الرضى صح .
ملاك : .............
الا يدخل سيف ..
سيف : ملوكه لي ساعه وانا ادورك ..
ملاك : سيف .
وتوها بتروح له مسكها صقر .
صقر : اسف بس من اليوم رايح مو مسموع لك انك تقرب من ملاك او تناديها ملوكه ..
سيف : شنو ..
وطالع ملاك الي اشوي وتصيح وهي تحاول انها تجي له ..
ملاك كانت تتمنى ان سيف يسحبها له .. تبغيه يعرف انها تبغيه هو مو احد غيره تحبه هو .. هو بس .
سيف : في شي بتقولينه لي ياملاك .
ملاك سحبت نفسها ومسكت يد سيف وصارت تصيح .
سيف : افهم من كذا انك انت الي توخر عنها مو انا .
صقر : غبيه " وطلع " .
ملاك كانت ماسكه سيف وتصيح .
سيف : خلاص ماعليكي منه هو عايش في مكان مايعرف عاداتنا او تقاليدنا .. خلاص انا راح احميك منه .
ملاك : اتشوووو .. الحمد لله .
سيف : ههههههههه .. يرحمكم الله .. شكلك بتزكمين .. اجل ماراح تروحين معانا بكره البحر .
ملاك : بنروح البحر .. وناسه .. اتشووووو ..
سيف : هههههههههههه .. شربي لك علاك لانك اذا طحتي مريضه بكره ماراح ناخذك مفهم .
ملاك ببتسامه : مفهوم .. اتشوووو .
سيف مسح على شعرها : هههههههههههههههه .
----------------------
(( بيت اخوان ليان ))*
ناصر : نعم خير ليه ما رحت مع ابوك ؟؟
جراح : ابغي اشوف مها .
ناصر : لا والله احلف بقوه .
جراح : اعتقد هي الحين صارت زوجتي .
ناصر : اعتقد انك لازم تمشي الحين لارميك من النافذه .
جراح : ماتقدر تمنعني من شوفت زوجيتي .
ناصر : جربني .
طلال وهو يصيح : ناصر ..
ناصر : وخر انت .
طلال : نااااااصر .
ناصر : هاااااا شتبغي ..
طلال : مها ماترد علي .. قبل اشوي كانت جالسه بس بعدين قالت بتنام وحاولت اجلسها علشان تاكل شي .. بس مو راضيه تجلس .
ناصر : خلها تولي .. جلسه تدلع .
جراح : اتوقع انك ضربها الي ان قلت بس .
ناصر : انا ضربتها بس مابعد اقول بس .
جراح : ومتى كنت ناوي تقول بس اذا ماتت .
ناصر : ياريتها ميته .. وبعدين يلا ماني فاضي لك .. انا بطلع .
جراح : اطلع احد ماسكك .
ناصر : اقول اذلف اطلع قدامي .
جراح فكر وبعدها طلع .
----------------------
(( بيت بو جواد ))*
مشاعل : جواد .
جواد : نعم .
مشاعل : بكره خلنا نروح بيت عمي حمد .
جواد : ماني فاضي .
مشاعل : شلون مو فاضي ترى عمي حمد زعلان عليك لانك من زمان ماجيت وسلمت عليه .
جواد : وانتي شنو يدريك ؟؟
مشاعل : علياء قالت انه يتشره عليك .. يلا عاد خلنا نروح بكره ..
جواد : طيب .. قلتي حق ليان .
مشاعل عفست وجها : اولا ليان ماتبغي تروح .. ثانيا هي طارده علياء من بيتنا كيف تبغينا ناخذها معنا مو حلوه ..
جواد : انا قايل لها تدق على علياء وتعتذر .
مشاعل : بس هي مادقت ولا عتذرت .
جواد : شنوووو ... يعني عصت كلامي .. ليان .. انتي ياغبيه وينك ؟؟
ليان تجي تسرع : نعم .. نعم .. جيت .
جواد : ليه مادقيتي على علياء وعتذرتي .
ليان تطالع مشاعل : بس انا طلبت الرقم من مشاعل وقالت لي .
مشاعل : يالكذابه .. انتي ماطلبتيه ولا كلمتيني حتى .. وحتى لما قلتلك تبغين تدقين قلتلي ذلفي عن وجهي ..
جواد بعصبيه : صحيح الي اسمعه .
ليان بدأت تصيح : ..........
جواد : يعني صحيح .. طيب طيب .
وجي لها ويجرها من شعرها ..
جواد : مشاعل دقي على بيت عمي ونادي مشاعل .
مشاعل : حاضر .
وتدق على بيت بو حمد .. وترد عليها علياء .
مشاعل : الووووو .. علياء شخبارك ؟؟
علياء : بخير اذا كنتي داقه تبشريني ان السالفه ضبطت .
مشاعل : علياء ليان تبغي تكلمك تعتـ ..
الا يسحب التلفون جواد ويجر ليان ويعطيها التلفون .
ليان : آآآآآآآآآآآآآآآآآآآآآآي .
جواد : خلصي كلمي .
ليان : الوووووو .
علياء : اوووه الحثاله داقت شنو تبغي .
جواد : خلصي اعتذري .
ليان : انا اسفه ياعلياء .. سامحيني اذا كنت غلطت في حقك .
علياء : اعتذري مره ثانيه ماسمعتك عدل .
ليان : انا اسفه .
علياء : شنو قلتي .
ليان : سامحيني . " ورمت التلفون " .
جواد جرها من شعرها وخذ التلفون .
جواد : الووو علياء .. سامحتيها .. ترى هي ماتقصد تطردك .
علياء : ولو انا اصلا مازعلت وقلت لها هذا الشي .. وما في شي اصلا اسامحها عليه .
جواد : يلا اجل مع السلامه .
علياء : الله يسلمك ..
مشاعل : لاتسكر ابي اكلم علياء .
جواد : علياء مشاعل تبغي تكلمك .
ويعطي التلفون مشاعل وهو يسحب ليان الي كانت تحاول تمسك شعرها الي تحسه انه تقطع في يدين جواد ..
مشاعل : هذا انا سويت الي قلتيلي عليه الباقي عليك انت ..
علياء : هذا عشمي فيك .
مشاعل : متى موضوعي انا مع سيف .
علياء : اذا ضبط الموضوع وصرت زوجة جواد وطلق هالحوثاله ..
مشاعل : طيب ولو ماضبط .
علياء : لا بيضبط بس انتي لعبي دورك صح .
----------------------
(( بيت اخوان ليان ))*
بعد ماطلع ناصر بربع ساعه .. رجع جراح لهم .
جراح : وين اختك ؟؟
طلال : ليش ؟؟
جراح : ادري انها مريضه خلني اشوفها .
طلال : انت ماتستحي على وجهك .. ترضي اني اشوف خواتك او اتكلم عنهم ..
جراح : بس انا اليوم تزوجت اختك .
طلال : ............
جراح : خلني اشوفها ليكون صار فيها شي .. اترجاك خلني اساعدها ..
طلال : طيب تعال .
ورح وشاف مها في حاله يرثه لها شالها على طول ووداها المستشفى .
----------------------
(( في اليوم الثاني ))*
سيف : ملاك انا ماقلتلك شربي علاج .. ليه ماشربتي ؟؟
ملاك بصوت رايح : نسيت ...
سيف : لا حول .. خلاص قومي اوديك المستشفى .
ملاك : مو انت واعد البنات انك بتوديهم البحر .
سيف : خلاص راح أأجلها ..
ملاك : لا اكيد بتكسر بخاطرهم انا بخير بس بنام ورتاح .
سيف : بس ..
ملاك : علشان خاطري .. روح .
سيف : يعني مسكتيني من يدي الي تالمني تدري اني مااقدر ارفض لك طلب .
ملاك ببتسامه مريضه : مشكور .
----------------------
(( بيت اخوان ليان ))*
جراح نام عندهم علشان مها اذا جلست تشوفه يمها
طلال : جراح اجلس .
جراح : هاا مها جلست .
طلال : لا .. بس انت نايم غلط عدل بطحتك لا تتعور .
جراح : كم الساعه ؟؟
طلال : الساعه 10 .
وليد دخل الغرفه بدفاشه : يعني شلون .. انا زهقان .
طلال : اوووووش .. اسكت .
وليد : اووووف .. ابي اكل .
طلال : اطلع برا اجلس يم ريم .
وليد : ريم نايمه .
جراح : شنو تبغي تاكل .
وليد : يعني شنو بيضه .
جراح : طيب شرايك نروح الحين انا وياك ونشتري بيض وفطور .
وليد : ياغبي انت ماتفهم .. البيض فطور .
جراح : هههههههه .. حاضر ونشتري كل الي تبغيه .
وليد : ابغي حلاوه عندك تشتري حلاوه .
جراح : هههههههههه .. اي عندي .
ريم جلست من النوم من صوت وليد وسمعت كلمت حلاوه وجات تسرع وهي تفرك عيونها ..
ريم : وانا ابي وانا ابي .
وليد : مافي بس انا صديقه .. انتي لا .
ريم على وشك انها تصيح
جراح : تعالي يحلوه حتى انتي بتروحين .
وليد : لا مانبيها .
جراح : ليش ؟؟
وليد : بس كيفي .
جراح : اذا بكيفك روح لوحدك انا باخذ الاموره وروح اشتري لها الي تبغي .
وليد مسكه : لا خلاص نبغيها .
جراح : هههههههههههههههههه .. يلا مشينا .. طلال انتبه لمها الي ان اجي .
طلال : حاضر .
----------------------
(( بيت بو سيف ))*
الكل طلع من البيت وخلوا ملاك مع الخدامه في البيت علشان ترتاح ... صقر لما عرف ان ملاك ماراح تروح قرر انه مايروح ..
ملاك على طول بعد ماطلعوا نامت ساعتين وجلست جوعانه بس جسمها مو مساعدها انها تتحرك من السرير وتحس الدنياتدور كل ماتحركت وجسمها يرتجف وجسمها شاب نار .. مع ذها قررت تروح المطبخ تشرب على الاقل ماي .. وصارت
تمشي وهي ماسكه الجدر الي ان وصلت قريب من الدرج قررت انها ترتاح اشوي بعدين تكمل بس التعب اغلبها ونبطحت ونامت ..
-----------------
نهاية البارت