الفصل 9
الرصاصه التاسعه ~ْ
جالسه في دورت المياه .. وهي تتمنى انها تختفي .. تحس انها غبيه كيف طاوعت ندى وجات .. هي كانت تدري من البدايه ان ندى كانت بس تستقلها .. اصلا هي مو صديقتها .. في النهايه قررت تروح البيت وتتركهم من غير مايحسون ..
مها في نفسها : اصلا ماراح ينتبهون على اني ماجيت .
الا تسمع ضرب على باب الحمام .. وينفتح .
: ماخلصتي ؟؟
لفت على جهت الباب شافت جراح واقف ..
جراح : تعالي .
مها بصدمه : شنو ... شنو تسوي انت هنا هذي دوت مياه للنساء .
جراح : ادري علشان كذا اقولك تعالي علشان نطلع لاحد يشوفنا .
مها : وخر ماني رايحه معاك بروح البيت .
جراح : شوفي اذا مشيتي البيت الحين بحسون انهم قدروا يجرحونك بس اذا ضليتي راح تكسرين روسهم وبعدين اذا رحت ماراح تحسين براحه لانك ماخذتي حقك منهم .
مها : انت شنو يدريك انا شنو احس ابه .
جراح : بس انا لما شفت وجهك والحزن طاغي عليه حست بالقلق عليكي .
مها انتبهت انها فاتحه وجها وبسرعه غطته .. بس فجأه حست بدوخه وبطنها بدأ يالمها .. وحست انها بترجع .. حطت يدها على فمها تميك نفسها وجسمها كله يرتجف من الالم .
جراح بخوف : شفيك ؟؟
مها : مدري .. احس اني برجع .
جراح : بترجعين .... مسكي نفسك ياغبيه ..
مها مسكت بطنها حيل وجلست على الارض .. حتار جراح شنو يسوي فخذ جواله ودق على عبدالله .
جراح : جراح : انا بمشي الحين .
عبد الله : ليش وين بتروح انا مــعنـــ
جراح : مااقدر اكلمك الحين بعدين اقولل ليش .
وسكر ولف على مها شافها في حال لا ترثى عليه ..
---------------------
( في الليل بيت بو جواد ))*
جواد جالس لحاله وهو حاس بقهر وعصبيه مايدري شنو سببهم .. وهو الي قرر يتزوج من غير حب وهو الي يحتار ان الوضع يستمر كذا بس ماايدري ليه لما سمعها تتكلمك عنه كذا عصب .. هو مايبغي شعور الشفقه هذا .. قام وهو مايدري شنو يسوي ودخل الغرفه شاف ليان نايمه كأنها ملاك بريئ شعرها يحيط بها ... جا يمها وصعد على السرير وشال البطنيه عنها وقرب منها وباسها .. هي حسب بشي عليها وجلست على طول وشافته في وجها يبوسها بكل رقه ويمسكها بحنان .. ليان نحرجت وبدأ جسمها يرتجف على لمسته ..
ليان بصوت شبه غير مسموع : جوااد .
جواد : ابغيكي لي .
ليان نصدمت وحست ان كل خليه في جسمها بدأت تقاومه .. وهو شنو يقول .
ليان بصراخ : لا وخر عني .
بس جواد قرب منها اكثر وصارت لمسته قاسيه مؤلمه بنسبه لليان لي تقاومه بكل قوتها وهو يمسك يدينها وينزع ملابسها عنها .. حاولت تستنجد باحد بس خافت ماحبت مشاعل تدخل عليهم وهو كذا فقتمت صرخاتها الي تطلع من بين شفايفها اشبه بالانين حاولت تخليه يترك يدها بس مافي امل هو اقوى منها بكثير .. فجأه وقفت عن المقاومه .
ليان : لاتصير مثل كذا .
جواد رفع وطالعها بصدمه .. وجها احمر .. اعيونها غرقانه دموع .. ويغطي ملامح الحزن الي باينه على وجها شعرها الي تبعثر بطريقه خلاها احلى واحلى .
ليان : لا تصير كذا .. حرام عليك انا احاول بكل جهدي اني احبك لا تصعب الامور على ياجواد .
جواد حس بدم يفور في عروقه تركها وهو وده يقتلها .
جواد : انتي غبيه ولا تتغيبين .. هااااااا .. مو انا قايلك اني ماابي حب في هذا الزواج .... يعني مو لازم تحبيني فاهمه .
ليان بعصبيه هاديه : انت شنو تقول .. انت ماتحبني ومع هذا تسويلي هلحركات .. ولا تبغي بعد احبك .. اوووف من الرجال .. لوسمحت ابغي انام لا تسوي ازعاج كثير .
جواد انصدم من ردت فعلها وحس انه هو الي نحرج وماعرف شنو يسوي حتى العصبيه الي فيه راحت لما كلمته كذا حس انه طفل قدامها ... فرماها من على السرير .
جواد : انتي اليوم عصبتين .. عقاباً لك بتنامين اليوم على الارض .
ليان بفرح : وناسه .. اشتق لنومت لأرض تصدق هذا احلى عقاب .
بس وناستها ما ستمرت لان جواد مسك يدها وسحبها لسرير .
جواد : اجل نامي على السرير .
ليان قربت منه : شفيك انت ليه تسوي هلحركات تحسسني انك طفل .
جواد صار وجها احمر : هاااا مااسمحلك تقولين عني اني طفل .
وقام من على السرير بيطلع من الغرفه .
ليان : انت طفل .
جواد وهو يمسك الباب : سكتي ." وطلع "
راح للمطبخ يشرب ماي .. حس ان قلبه ينبض بقوه مو عارف ليه هذا الشعور عمره ماحسه .. مايدي شنو يسوي معاها الحين .
---------------------
(( في الصباح ))*
ولد اصغير بين نيران يستنجد باحد .. وكل ماحوله يكته النار وهو يركض يهرب من النار في يدين تمتد له وتسحبه وهو ينادي ابوه وامه انهم ينقذونه ..
جلس جواد وهو يحس برعب شديد بعد الحلم الي شافه ونظراته كلها خوف .
ليان : جواد شفيك ؟؟ كنت تصارخ وانت نايم .. اكيد شفت كابوس .
جواد طالعها بستغراب : لا .
انصدم لما قربت منه ليان وحضنته بكل حنيه .. وبتسامه صافيه .
ليان : خلاص كل شي بخير كان مجرد كابوس .. ارتاح الحين .
جواد رجعلها نفس الشعور .. واحمر وجها وما عرف يتصرف وهو يشم ريحت عطرها .. وشعرها يداعب وجهه .. وهي لامته بكل عطف ومحبه .. وخرها عنه وقام من جنبها .
جواد : لا تقربين مني انتي تحسسيني بالقرف .
وطلع يسرع من الغرفه .
بس ليان ابتسمت وهو تتذكر اخوها وليد .. جواد يشبه وليد .. اول ماماتوا ابوها وامها .. صار يضرب الكل وكل يكذب ويخرب ويكسر كل شي ويصارخ على الكل ودايم يقول انه يكره الكل .. الكل ماعرف شنو يسوي فيه بس فيوم خذته وبطحته يمها علشان ينام في البدايه قاوم وصار يضربها ويجر شعرها بوحشيه بس هي ما ستسلمت قربته منها اكثر وحضنته .. تدريجين بدأ يهدء ومتلات اعيونه دموع حاول يحبسهم بكل قوته ..بس في الاخير صار يصيح ويصيح .. وكانت هذي اول مره يصيح بعد موت اهلها .. بعدها عرفت انه كل شي يسويه بس علشان يحمي نفسه ويخفي حزنه .. وكل الي قوله كان يبغي عكسه .. مكان يبغي الكره يبغي حب ..
ذكراتها عن وليد خلتها تتمنى انها تشوفهم ..
---------------------
(( في بيت ليان ))*
ام عادل : اوووف منكم اخوانهم يطلعون وانتوا تقعدون على قلبي ..
عادل : وليه انتي رضيتي تاخذينهم .
ام عادل : نسوي خير .. من اطلعت اختهم وتزوجت وخلتهم يعيشون بروحهم وهم مساكين كاسرين خاطر .
عادل يطالع وليد : انت روح جيب لي ماي بسرعه .
وليد عصب بس ما قال شي وراح بسرعه جاب ماي بس بدل ما يعطيه اياه رماه في وجهه .. عادل قام مفزوع .. ولحق وليد وقام يضربه .. بس وليد ماصاح مع ان عيونه متلت دموع ريم شافت الموقف وصارت تصيح ..
ريم وهي تصيح: وحر عن احويه .. ترى بعلم احتيه ليون علسان تدلبك .
ومسكت في رجول عادل بس هو رماها على الارض مما زاد صياحها وطلع .
----------------------
(( في مكان ثاني ))*
جلست من النوم .. وهي مستغربه لفت تشوف هي وين .. هذا مو بيتها ولا هذا سريرها ولا في شي مألوف حولها .. يمكن هي تحلم ولا شي ..بس طاحت عيونها على الولد الي جالس على الارض ومتكي على السرير .
جراح ببتسامه : اخيرأ جلستي ..
بس اختفت ابتسامته لما شاف عيونها بدون نظاره .. وشعرها الي طاح على وجها .. نفس العيون نفس الملامح حتى لو اختلف لون الشعر بس هي نسخه منها ... نفس الوجه الطفولي البريئ الملائكي ..
مها : مين انت ؟؟
قبل ماتستوعب مها هي وين او مين جابها او هي شنو تسوي هنا معاه .. قرب منها ومسك يدها وباسها .. وتوقف الوقت عندها ..
----------------------
(( في بيت بو جواد ))*
مشاعل : جوااد .
جواد سافها كان فكره مشغول في ليان .
مشاعل : جوااااااااااااااااااااااا اد .
جواد انزعج : وجع شنو تبغين .
مشاعل : ابغي اطلع .
جواد : احد ماسكك قومي طلعي .
مشاعل : ابغي اخذ ليان معاي .
جواد : وانتي جاره هاليان وين ماتروحين .. وبعدين ليه مارحتي المدرسه من ثاني يوم غياب .
مشاعل : يووووه جلس مالي خلق اروح .
جواد : اجل وين الي بتنجح وبتاخذ الاولى على المنطقه الشرقيه كلها .
مشاعل : الله يخليك ماابي اسمع محاضره هاااا اخذ ليون ولالا .
جواد : وانتي مديرة اعمالها ليه مو هي الي تجي تطلب انها تطلع .
مشاعل : اولا انا ماقلتها .. ثانيا اعرفها مستحيل تقولك .
جواد : طيب يمكن ماتبغي تروح هي .
مشاعل : اذا انت وابفقت هي بتروح ماعليك .
جواد : وين بتروحين ؟؟
مشاعل : بيت خالي .. هااا شنو قلت ؟؟
جواد : روحوا .
---------------------
(( عند مها ))*
كانت الصدمه مانعتها انها تقاوم او تبعده عنها .. حاولت تستجمع كل قواها وتدفعه عنها .
مها صرخت : لالالالالالالالالالالالال الالالالالالالالالالالا .
وضربته كف علشان يتركها ..
وصارت تطالع حولها بروع شنو جابها معه شنو صار ماتذكر شي ..
مها : وين نظارتي ؟؟؟
جاها جراح ومسك وجها ولبسها نظارتها وهو يبتسم لها .
جراح : انتي مثل ماتوقعت .. حلوه من دون نظارات بصراحه صدمتيني .
مها انتبهت انه قريب كثير منها فوخرت عنه لين ماصار ظهرها لاصق في الجدار وحاوت تبعده بس مسك يدها .. فحاولت تضربه مره ثانه بس هو مسكها .
جراح : انتي اشوف عجبتك فكرت انك كل اشوي تعطيني كف .. الي الحين ضاربتني مرتين .
مها بدأت تفقد قواها وخاصه ان وجها انقلب احمر من قربه منها وجسمها يرتجف وقلبها بنبض بقوه ... فتجمعت الدموع في عيونها .. شافها جراح وجلس يطالعها بستغراب فجأه انفجر ضحك عليها .
جراح : هذا بس بوسه وصار فيك كذا .. لو مسوين شي ثاني شنو بيصيرلك .. صدق انك تضحكين .
مها عصبت كيف يتجرئ يلمسه هذا القذر ويبوسها بعد وبعدين يضحك عليها فخذت المخده بعصبيه ورمتها على وجهه وقامت بسرعه .
مها : بروح البيت .
جراح : تعالي ...
اشر على ملابس الي في الارض .
جراح : نسيتي ملابسك .
هنا انتبهت انها مو لابسه شي غير قميص طويل يوصل لفوق الركبه مسكت طرف القميص تحاول تغطي نفسها .
مها تصيح : لا شنو صار ؟
صارت تتذكر هي طلعت مع ندى مع ولدين .. وكانت ندى تسوي لها حركات علشان اعصب وتحط من قدري .. بعدها رحت لدورت المياه علشان تهدي نفسها ودخل عليها جراح حست بمقص في بطنها وانها بترجع بعدين ماتذكر شنو صار .. لا شنو صار .. شلون وصلت هنا .. مع جراح ...شنو صار لها . ليكون سوى لها شي .. قامت تطالع جراح بخوف .
جراح قام يضحك : اكيد تبغين تعرفين شنو سوينا طول الليل غير البوسه الي اليوم الصبح .هههههههههه.
مها : يا كـ ## سـ ### حـ ### .
وطلعت تسرع من الغرفه ولبست ملابسها بسرعه ولبست عبايتها وفتحت الباب ووقفت ماتدري شنو تسوي نزلت من الشقه لشارع .. بس ماعرفت هي وينها او في اي حي هي .
جراح : تبغين توصيله للبيت .
لفت وراها شافته لبس ملابسه وشايل مفاتيح السياره .. ماكان عندها خيار غير انها تركب معاه .. وركبت ورى .
جراح : تعالي قدام ماني سواق عندك .
مها : لا ماابي .
جراح : تعالي قدام ولا ترى ماني ماشي .
مها : ماابي .
جراح : لا تستحيل وتعالي قدام .
مها : ماعليك مني .
جراح : اذا ماجيتي قادم بجي ببوسك .
مها انصدمت وخافت ونحرجت وقامت بسرعه تركب قدام .
جراح وهو يضحك : شاطره .
ووصلها لبيتها .. اول ماوصلت لباب الشقه وقفت ومسكت شفايفها وتذكرت بوسه ورجع الاحمرار لخدودها .. في هذا الوقت اسمعت صوت ريم تلعب .. وتذكرت انها من طلعت مادق عليهم .. وخافت ان يكون ناصر رجع وما شافها راح يقتلها .. وما عرفت شنو تسوي تدخل ولالا .. بس استجمعت شجاعتها ودخلت .
ريم على طول جاتها : مهااااااااااااااا .
مها : شفيك ؟؟ اشوي اشوي خوفتيني .. ريومي جا امس ناصر .
ريم هزت راسها لا .
مها رتاحت .
مها : طيب انتوا بروحكم هنا راح طلال المدرسه .
ريم : اي .
مها : وين ام عادل ؟؟
ريم : حدت فهودي ورغودي ولاحت بيتهم .
مها : اهااا .. طيب انا بروح اغير ملابسي واجل .
ريم مسكت في ملابسها : مهااااا .
مها : اووووه شفيك ؟
ريم : وليد يصيح .
وسحبتها ريم لعند وليد الي كان نايم واثار الصياح باينا على وجهه شكله كان يصيح من وقت طويل .
مها : شفيه وليد ؟؟؟
ريم : هدا داااك الكبير الي هناك " وتاشر على باب الشقه " دلبه .. سوفي .
مها شافت على يدين وليد اثار الضرب ورفعت ملابسه وشافت خطوط زرق .
مها بعصبيه : ام عادل الي سوت كذا .
ريم : لالالالا .. هدا ولدها .
راحت مها تسرع لشقت ام عادل ..
----------------------
(( بيت بو جواد ))*
ليان جاليه ترتب في الصاله وشافت صوره ثانيه لام جواد بس هلمره كانت جالسه في الحديقه وراكبه مرجيحه وحولها ورد وشعرها يلعب فيه الهوا وكانت في هذي الصوره طالع اصغر ولما نتبهت عدل انتبهت انها كانت حامل .. وكانت حاطه يدها على بطنها ووشكلها تطالع الي يصورها وتضحك له .. يمكن علشان شي قاله لها .. تمنت ليان انها تعرفت عليها شكلها يدل على انها طيبه حييييل وجمااالها مايوصف .. الا دخل عليها جواد وراحت له تسرع .
ليان : شفت صوره لامك .. امك طالعه حلوه .. اكيد هذي الصوره لما كانت حامل ابك صح .
بس تفاجئت ان جواد طالعها بعصيه وسحب الصوره وشققها ..
-------------------------
نهاية البارت