الفصل 7
الرصاصه السابعه ~ْ
(( عند جواد ))*
من رجع البيت وهو مو طبيعي .. حتى لما انبطح على السرير علشان ينام .. طار النوم من عيونه لما شم ريحتها .. صار يتقلب من جنب لجنب يبغي يوقف التفكير فيها بس مافي فايده كل تفكيره ليان ليان ليان ليان ليان .. ضل على هذي الحاله 3 ساعات لنام راضي يجيله ولا مو قادر يقوم من السرير .. انبطح على المكان الي تنبطح فيه وحضن مخدتها وصار يتجيلها .. حس انه مجنون لما وافق على انها تروح مو يصير لها شي .. لو وحده من البنات تزعلها اكيد هي بتصيح يعرفها ما تقدر تحبس دموعها .. في النهايه قرر يروح يجيبها ..
-----------------------
(( بيت بو جراح ))*
ام جراح : مين الي جاي لنا هلوقت ؟؟ سنتيا .. مين الي جاى ..
سنتيا : هذا مستر جواد يقول خلي مدام ليان تطلع .
ام جراح : يووووه تو البنت نايمه .. فشيله نجلسها من النوم .. سنتيا روحي جيبي عباتي خليني اكلمه .
وتلبس عباتها وتطلع ..
ام جراح : شفيك ياوليدي ؟؟
جواد : اذا ماعليكي امر ياخاتي نادي ليان .
ام جراح : بس هي توها نايمه .
جواد : ماعليه جلسيها وتكمل نوم في البيت ..
ام جراح : يوووه .. خلها نايمه واذا جلست اخلي جراح على طول يجيبها .
جواد : لا ياخاتي ناديها الحين الله يخليك .
ام جراح : امري لله اروح اجلسها لك .
جواد : تسلمين ياخالتي .
وتروح وتجلس ليان .
ام جراح : ليان قومي رجلك يبغيكي .
ليان : جواد .
ام جراح : اي .. جى ياخذك البيت .
ليان : ان شااالله خالتي الحين اقوم .
تحت كان جراح واقف مع جواد يتكلمون ..
جراح : ياعمي خلها عندنا اليوم .. مافيها شي .. بعدين اختك موجوده هنا معاها .
جواد : ياخي انا ابغي زوجتي . " الا تطلع ليان " اخيرا شرفتي .. انتي ما تستحين على وجهك تخلين مشاعل تكلمني علشان اوافق ..
ليان تفاجئت وفي نفس الوقت انحرجه لان جراح كان موجود ..
جراح : هدي اعصابك اشوي .. كلت البنت .
جواد : وانت شنو يدخلك بيني وبين زوجي .
هنا بدأ صوت صياح ليان يعلى ..
جراح : البنت تصيح خف عليها .. روحي داخل ارتاحي وانت تعال معاي .
جواد : ياعمي وخر هذا الي ناقصني بس " ويسحب ليان ويركبها السياره .
طول الطريق ماتكلم ولا قال اي كلمه .. صياح ليان هو الشي الوحيد المسموع .. ولما وصلوا البيت راحت ليان الي غرفتها على طول بدون ماتلتفت له او حتى تكلمه .. لحقها شافها منبطحه على السرير وتصيح .. جلس يمها على السرير ومسح على راسها ..
جواد : خلاص لا تصيحين .
ليان : ...........
جواد : اذا سكتي الحين اي شي تلبينه راح اسويه .
ليان : صج
جواد : اي
-----------------------
(( في اليوم الثاني في بيت ليان ))*
طلال : اوووووف .. ليش انا الي اغسل الملابس ؟
مها : لاني مااعرف اغسلهم واهتم بخوانك .
طلال : بس اخواني نايمين .
مها : اقول لا يكثر وكمل شغل .
وليد : جوعان ابغي اكل من طبخ ليان الحلو .
مها : وخر عن وجهي انت بعد اذا تبغي تاكل روح افتح الثلاجه .
الا ينضرب الباب ويروح وليد يفتح الباب .
وليد الا ماشاف الي على الباب صار يناقز ويقول : ليان ليان .
اشي الي طلبته ليان هو انها تروح تزور اخوانها .. وتجمعوا كلهم عليها .. احضنت خوانها كلهم مره وحده من شوقها لهم ..
ليان : اشوف البيت مرتب مو بالعاده ترتبون .
طلال بطنازه : مها ماتجلس من كثر ما ترتب .
مها : اصبر على خلني اقوم عليك وادفنك مكانك .
ريم : ليوني .. احبك انا لا تلوحين عنا مره ثانيه .
ليان : حتى انا احبك .
وليد : انا جايع .
ليان ببتسامه : من اعيوني الحين اطبخلك احلى اكله .
مها : وانتي جايه علشان تطبخين لسيد وليد .
ليان : لا تخافين ماراح اقولك ساعديني صونيا راح تساعدني .
ودخلت المطبخ وبدأت تطبخ ودخلوا كلهم وراها .
ليان : طلعوا براى لاحين احد منكم يحترق او يصيرله شي .
ريم : ماابي .
وليد : انا ابي اشوفك وانتي تطبخين .
طلال : كلنا اشتقنا لك .. شوفي حتى وفهودي ورغودي اشتاقوا لك .
ليان : بلا هذره وروح جهز السفره.
طلال : على امرك .
مها : الا ليش ما جي رجلك معاكي .
ليان توترة : لانه عنده شغل ... يلا حطوا الصحون علشان ناكل .. طلال جيب ملاعق .
طلال : حاضر .
مها : وليد انتبه لا ينكسر الصحن عليك .
وليد : اص انتي ماعليكي مني .
وجلسوا بعد كل الفوضه علشان ياكلون .. وتوهم بياكلون الا دخل عليهم ناصر .
ناصر : تاكلون من غيري ياخونا .
ليان قامت وحضنت ناصر .
ناصر : خلاص لاتسوين فلم هندي الحين .. مها روحي لبسي عباتك .
مها : وليش بعد ؟؟
ناصر : معاي ضيف .. ادخل .
البست مها عباتها على السريع وتوها ليان بتروح تلبس الا تشوف جواد يدخل .
ليان : جواد !!
ناصر : شفته جالس في السياره بروحه .. سحبته ودخلته .
ريم : ليوني مين هذا ؟
ليان : هذا زوجي .
وليد : انتي تزوجتي ؟؟
ليان : اي ... ادخل .
جواد : عسى في ناس يعيشون في هذي الخرابه .
ليان : تعال اكل معانا .
جواد : شنو اكل هذا ازباله .
ليان : اقول احترم نفسك .
طلال : هذا طبخ ليان لا تغلط عليه .
ناصر : اجلس وجربه ترى مافي احلى من طبخها .
ليان عطته صحن وهي متوتره خافت انه ماعجبه ... وهو متوتر يذوقه ولالا
وليد : اذا ما تبغيه عطني اياه .
بس اول ماذاقه جواد بدأ ياكل كل الي في الصحن .
ريم : انا ابغي بعد .
وليد : ماشبعت حطي لي بعد .
بس المفاجئه ان جواد مد صحنه يطلب بالمزيد .
جواد : انا ما كلت شي اليوم .
لذا حطت ليان لجواد فمابقى تعطي وليد شي .. وليد عصب وقام رفس جواد .
وليد : احسن علشان ما تجي بيتنا مره ثانيه .
ليان : وليد غلط الي سويته .
جواد معصب : انا اوريك .. ليان يلا بنرجع البيت .
ريم بصياح: لا اروح معى ليوني .
اول ما خلصت ليان لبس عبايتها جرها جواد علشان يطلع بسرعه . بس حس باحد يمسك رجله .. ونزل راسه يشوف مين ماسكه شاف وليد وهو يصيح .
جواد : اتركني .
وليد وصياحه زاد : لا .. ماراح اسوي شي غلط ماراح اضربك .. بس لا تاخذ اختنا معاك .
ناصر مسك وليد : خلاص وليد ليان لازم تروح الحين .
وليد : لاااااااااااااااااااااااا ااااااا .
جواد : يلا مشينا .
ليان : مها اهتمي بالكل .
وطلعوا على صراخ ريم وصياح وليد .. ركبت السياره وهي تصيح وتتمني ان الايام ترجع وتعيش معاهم مره ثانيه .. صارت تمسح ادموعها بيدينها ..
ليان : لو اني ماجيت احسن كنت الحين مااحس بهل احساس ..
جواد : مارتحتي لما شفتيهم انهم كلهم بخير .
ليان : معاك حق .. " ورجعت تبتسم " شكراً لك لانك خليتني اشوفهم .
جواد بغرور : والله انك غريبه .
لما وصلوا البيت ..
صونيا : مستر في يحط اكل بعد اشوي .
جواد : طيب .. ليان .
ليان : نعم .
جواد : امممم .. كيف اقولها شوفي اذا تبغين تطبخين .. تقدرين تطبخين على كيفك .
ليان بفراح : يعني اقدر استخدم المطبخ .
جواد : اي .
ليان : شكرا لك ..
مشاعل : جات الخاينه ورجلها .
ليان : مشاعل .
مشاعل : توك تتذكريني الحين مالت عليك تخليني وتمشين ولا حتى تسئلين وارجع البيت اشوفكم طالعين .
ليان : اسفه .. سامحيني .
مشاعل : اخر مره لك .
ليان : ببتسامه خلابه : احاضر .
جواد حط يده على كتف ليان : امشى بس خليها تولي .
مشاعل : لا والله .
ليان : هههههههههههههههههه
-----------------------
(( بعد شهر بدأت المدارس ))*
مشاعل : جواد وصلني المدرسه اليوم .
جواد : وليه ماتروحين مع السواق .
مشاعل : بس اشتهيت انك انت الي توصلني .
جواد : اقول ذلفي عني احسن لك .
ليان : فطري ولا تبغين تروحين المدرسه بدون ماتاكلين شي ..
بو جواد : حتى انتي اكلي .
ليان : انا ماراح اروح مكان اما هي وراها مدرسه .
------------------------
ملاحظه / بو جواد دائم السفر علشان كذا ماراح نتكلم عنه في الروايه كثير .
------------------------
بو جواد : الا انتي ليش مادخلتي الجامه ولا ماجبتي مجموع يدخلك جامعه .
ليان : لا انا جبت الاولى على دفعتي بس الظروف ماسمحت اني ادخل .
مشاعل : يلا انا بمشي تاخرت .
ليان : ماكلتي شي .
مشاعل : شكلك تبغيني امتن .. خلاص كلت اكفايتي .
ليان : الله معاكي .
مشاعل : مع السلامه .
بو جواد : انتبهي على نفسك ولا تاخذين السنه لعب بعد .
مشاعل : ان شاء الله اطلع الاول على المدرسه على شان اعيونك.
جواد : لا احنا مانبغي شي خيالي بس انتي نجحي وخلاص .
مشاعل : ياربي على التحطين ولا ويقلون صيري شاطره شلون وهذا اخوي .
بو جواد : اقول ذلفي احسن .
-----------------------
(( بيت ليان ))*
طلال : حتى شنطه ماعندي وتبغوني اروح المدرسه .
ناصر : عن الهذره الزايده .
مها : والحين وين نخلي اخوانكم فيه .
ناصر : عند ام عادل .
مها : وانت تتوقع بترضه .
ناصر : انا كلمتها وقنعتها بعد .
طلال : مافي فطور .
مها : ليكون انا خدامه عندك تبغي روح سولك .
طلال : لو ليان هنا كان مارضت اطلع من غير ماافطر .
مها : انا ماشيه قبل ماارتكب جريمه .
وتلبس عباتها الي تشبه عبايات العجز .. وتطلع تروح المدرسه مشي .. في طريقها مرت على مجمع وحست بالجوع لذا قررت تدخل تشتري لها شي تاكله ..
عبد الله : اليوم بعد المدرسه خلونا نروح المكتبه .
سعد : والحين انت ماخلص اغراض المدرسه .
عبد الله : مين قالك شريت شي للمدرسه .
سعد : وانت كل سنه على هل موال .
عبد الله : جراح اخلص شنو بتشتري ترى بنتاخر وكان فطرت في بيتكم .
سعد : جراحوه شنو طالع .
عبد الله لف على المكان الي طالعه جراح : وانت من بد البشر ماجلست تطالع الا هذي العجوز كاسره خاطرك يعني بتروح تساعده .
مها اسمعتهم وعصبت ولفت عليهم الا شافت جراح ياشر لها ويبتسم هي خافت وسوت روحها ماشافت شي وراحت تسرع عنهم الا تعقر لها عباتها وتوها بطيح الا تحس باحد يمسكها من بطنها من ورى ..
جراح : انتبهي .. انتي مو عجوز !!
مها : هاااااااااااااا ." وعطته كف " .
وبعدته عنها ومن شدت الخوف مانتبهت انها طيحت شنطتها ..
جراح : انتظري .. شنــ " الا ختفت من قدامه "
عبد الله : شفيك جراح ؟؟
جراح : شف هذي الغبيه نست شنطتها .
-----------------------
(( في المدرسه ))*
ندى : هلا مهاوي كيفك ؟؟
مها : تمام .. وانتي ؟؟
ندى : انا بحسن حال ..الا انتي ماتتغيرين ..
مها : ليش شفيني ..
ندى : الناس تطوروا صاروا يلبسون عدسات بدل هالنظارت .. حتى جدتي ما تلبس مثلهم .. على الاقل لبسي نظارت سنعه .. يمكن تصيرين احلى .
نور : شوي اشوي على البنت .
ندى : بس هذي هي الحقيقه .. طبعا مثل كل سنه بتجلسين يمي علشان اغش منك .
مها : وانتي ما توبين .
ندى : مو انتي صديقتي .
مها ودها تقول " انتي بس تصيرين صديقتي اذا تبغين شي مني " بس فضلت انها تسكت .
-----------------------
(( نهاية الدوام ))*
ندى : اوووف مابغى هاليوم يخلص .
مها : بتروحين مشي ولا عندك سياره ولا بتركبين الباص .
ندى : لا اليوم بمشي ابغي اخفف .
مها : يلا مشيني اجل .
ندى : بصراحه تفشلين بهل عبايه ولا وكملتي مع هالكتب الي ماسكتهم وين شنطتك .
مها : طاحت على وانا جايه للمدرسه .
ندى : ماتحسين انى في احد يلحقنا .
مها : بسم لله لا تخوفيني .
جراح : لو سمحتي .
مها : انت !! " تجاهلته وراحت بتسرع البيت "
جراح لحقها وضربها على راسها بالخفيف : وين بتروحين ؟؟ مو هذي الشنطه لك ؟ خلتيني ادور اقرب مدرسه من هذا المكان واترك مدرستي قبل نهاية الدوام واوقف وانتظرك تطلعين طبعا عرفتك من عباتك بس ما حبيت اكلمك يم المدرسه فلحقتك .
مها شافت شنطتها وفهمت انه جاي يرجعها لها فمدت له يدها وقالت بصوت واطي: شكــــــــــــ
الا تفاجئت انه بعد الشنطه عنها .
جراح : مااسمعك طولي صوتك .. من الادب اذا احد ساعدك تقولين له مشكور ماتقصر عسى عمرك طويل .
مها بسخريه وطنازه : مشكور وماتقصر عسى عمرك طويل عطني الشنطه .
جراح بنفس اسلوبها : هذا واجبي واجب كل مواطن سعودي على ارض المملكه .
هنا دخلت ندى : عذر صديقتي ما تعرف تتصرف بادب قدام الناس الذربه .
عبد الله : تبغين تقنعيني انك صديقت هل عجوز .. انتي شكلك احلى منها .
ندى بتواضع وخجل بتصانع : العفوا .
عبد الله : شرايك تروحين معانا مشوار نتمشي .
ندى : شفيك مستعجل انت .
عبد الله : مااحب الف وادور .
ندى : اذا بيروح معنا صديقك اروح ليه لا .
عبد الله : جراح اكيد بتروح صح .. وبالمره ناخذ معانا العجوز .
جراح : مااعتقد توافق .
ندى : ماعيكم انا اجيبها معاي .
جراح : اذا جات صديقتك راح اروح معاكم .. اتفقنا .
ندى : اتفقنا .
عبد الله : اجل موعدنا في نفس المكان هذا اليوم الساعه 4 .
ندى : اوكي بااي .
ويرحون .
مها : انتي شنو سويتي انا مااراح اطلع معاهم انتي مجنونه .
ندى: بتروحين غصبا عليكي ولا ترى بفضحك في المدرسه كلها انك تكلمين اولاد وطلعين معاهم وتدري مدرستنا تحب الفضايح .
مها : انتى شنو ؟
ندى : انا صديقتك .
-----------------------
نهاية البارت