الفصل 6
الرصاصة السادسه ~ْ
جواد : وين الثانيه ؟؟
مشاعل : هذا نزلت .
لف جواد على الدرج شاف ليان تنزل .. كل يوم تفاجئه بس من اول ما شافها الي الحين .. كان جمالها خيالي .. كانها وحده من ملكات الجمال .. لا هي بعد احلى منهم .. هذا وحده من اميرات القصص الخرافيه الي نسمع عنهم بس
وجودهم في الواقع مستحيل .. بس ليان واقع وقدام عيونه بس واقع محرام بنسبه له ..
كانت مسويه بف بسيط وباقي شعرها مجعد تجعيدات بسيطه وبعض الخصل على وجها .. الي تقريبا خالي من المكياج بس لمسات خفيفه لانها ما تحتاج شي جمالها يكفي انه ينير وجها .. ورقبتها يزينها عقد لؤلؤ في وسطه شكل ورده صغيره
وناعمه مثلها تنزل منه ثلاث من اللؤلؤ على شكل دمعه ..وفستانها ناعم مره ماسك من فوق ووسيع من تحت .. ومن الجها اليسار كان جاي على شكل طبقات الي فوق .. وكان لون الفستان زهري فاتح ..
مشاعل : هااا شرايك فيها ؟؟
بس جواد ماجاوب كان سرحان فيها وهي تنزل الدرج بهدوء ..
ليان خات ان جواد يعصب عليها علشان كذا قامت تنزل بسرعه ومن دون قصد داست على طرف فسنانها وكانت بطيح بس تفاجئت بان جواد حماها ورمى نفسه عليها ومسكها ورفعها ..
مشاعل بخوف : ليان صار فيك شي ؟؟
ليان وهي حاطه يدينها على كتوف جواد علشان تستعيد توازنها وهو ماسك خصرها بيدينه ..
جواد وهو يبتسم لها وكانه ماخوذ بسحرها : المفروض تنتبهين شكلك مو متعوده على الكعب العالي .
ليان : انا اسفه .
بس سرعان ما قاوم كل سحرها ورجع لطبيعته القاسيه تركها ولف .
جواد : اول مره اشوف وحده غيه حتى ماتعرف تنزل من الدرج .
ليان عصبت ونست نفسها وكانت بتتهجم عليه عشان تضربه بس مشاعل مسكتها لا تتهور
ليان بعصبيه : انا غبيه .. اصلا الناس الي مثلك الي يعتقدون ان الناس اغبياء هم الاغبياء عن حق وحقيقه .. يا غبي .
جواد تجاهلها .. وانتبه لمزهريه الي فيها الورود الي جابهم وليد حق ليان ... ليان ما حبت ترميهم حتى بعد ما ذبلوم وماتوا ..
جواد : صونيا .. انتي يا صونيا .
صونيا : يس مستر .
جواد : مو انا قايلك ارمي هذا الورد .
صونيا : بس هذا حق مدام ليان هي ما تبغي ترميه .
ليان وهي جايه تسرع له : انا قلت لها لا ترمينه .
بس جواد خذ الورد بعصبيه ولاحهم في وجه ليان .
جواد : هذا زباله المفروض تنرمي .
مشاعل : جواد .
جواد وهو يطلع : عندكم 10 دقايق واشوفك في السياره ولا بمشي .
ليان جلست على الارض تجمع مابقى من الورد المتناثر الذابل الخالي من الحياه وتحضنهم لصدرها .. هل ورود يذكرونه باخوها الحبيب .. ونزلوا ادموعه عل خدينها كل مره توعد نفسها انها ماراح تضعف وتصيح بس ماتقدر لانها الطريق
الوحيده الي تقدر تعبر عن حزنها ..
مشاعل جات وخضنتها .
ليان : هذي مو زباله .. هذي مو زباله .
مشاعل : ادري ياحبيبتي .. خلاص لا تصيحين .. تعالي اعدلك علشان نمشي .
----------------------
(( في القاعه ))*
ليان ومشاعل توهم واصلين افصخوا عباياتهم اول ما دخلوا اغلب الحريم الموجودين لفوا لهم ..
شما جات من وراهم : اي يالي ماتستحون طالعين احلى منا ..
مشاعل : قولي مااشاااء الله .
شما : مااشاالله انا عيني بارده .
شجون : شنو هذي الحلاوه طالعه قمر ياليان .
ليان : تسلمين حتى انتي بعد طالعه تهبلين .
مشاعل : بس ليان الحلوه وانا لا
شجون : حتى انتي بس الحق ينقال ليان احلى .
ليان : لا ما معاكي حق مشاعل قمر ما في مثلها .
مشاعل : يابعد قلبي يا مرت اخوي .
شما : احم احم .
مشاعل : شفيك ؟؟
شما : بنت عمك تاشر لك .
مشاعل : علياء ينها ؟؟
شما : شفيها هناك .
مشاعل : امشي ليان خلنا نسلم عليها .
ويروحون لعند علياء ..
مشاعل : ياهلا ومرحبا بالقاطه من زمان ما شفتك ..شتقتلك حبيبتي انتي .
علياء : انا حبيبتك انا الي مااسئل .. خليني ساكته احسن .
تلف مشاعل على المره الي جالسه يمها : شخبارك خالتي ؟؟
ام حمد : بخير انتي شخبارك ؟؟
مشاعل : الحمد لله ..
ام حمد : مين هذي المزيونه الي معاك لا تقولين مرت اخوك .
مشاعل : اي .. ليان اعرفك على مرت عمي .
ام حمد : ياهلا ومسهلا .. والله عرف اخوكي يختار ..
ليان : اهلين خالتي .
علياء بصوت واطي : تخلخلت اضلوعك قولي امين .
مشاعل : قلتي شي .
علياء : تعالي ابغي اكلمك .
مشاعل : ليان جلسي انتي هنا اشوي وارجع لك .
ليان : طيب .
علياء : امشي بس ..
ويروحون في مكان معزول ..
علياء : شنو تسوين انتي ؟؟
مشاعل : شنو اسوي ؟؟
علياء : جايبه الحثاله وجالسه تعرفينها على امي .
مشاعل : هذي الحثاله تصير زوجة اخوي .
علياء : اشوف اكلامك اختلف و ين الي بطفشها ..وين وعدك لي ان جواد لي لحالي وين .
مشاعل : انا كنت غلطانه البيت طيبه مره وماشفت منها اي شي .. وبعدين ماكان لي حق اوعدك في شي ما يخصني .
علياء : يعني بتتخلين عني بكل بساطه .
مشاعل : انتي بنت عمي وحبيبتي مستحيل اتخله عنك لو شنو يصير .
علياء : كلام بس بتشوفيني لاخي اخوك يجي يحب ارجولي علشان ارضى فيه " وتمشي " .
عند ليان ...
ام خالد : مين هذي البنت الي جالسه يمك ؟
ام حمد : عن اللقافه .. ماعليك من البنت الناس .
ام خالد : ما شالله عليه .. تقول للقمر قوم تجلس مكانه .. شنو هالعيون ولا الشعر ..
ام حمد : تبغين تحسدين البنت ؟؟
ام خالد : الا ابغي اخطبها لولدي خالد .
ام حمد : اووووه شفيكم انتوا اليوم هذي ثالث وحده تجي تبغي تخطبها .. اقول شيليها من بالك .
ام خالد : ليش ليكون ناويه تخطبينها لولدك ؟
ام حمد : لا بس البنت متزوجه .
ام خالد : متزوجه ؟؟
ام حمد : اي تصير زوجة جواد ولد عم اعيالي .
ام خالد : جواد ماغيره .. ماسمعنا انه تزوج .. ليكون تمزحين معاي .
ام حمد : لا اصلا هم ماعزموا احد .
ام خالد : ليش ؟؟
ام حمد : ماندري .. بس صراحه البنت تفر عقل العاقل .
ام خالد : اي والله .
شجون : ليان شفيكي جالسه هنا قومي معانا .
ليان : مشاعل قالت لي استناها هنا .
شجون : قومي خليها تولي عنك .
ليان : طيب .
شجون : بصراحه طالع الفستان عليكي رهيب .. انا اول ماشفته ماعجبني حسيته مافيه شي مميز .. بس الحين لما شفته عليك طالع روعه .
ليان : تسلمين .. بسكم مدح فيني ترى استحي .
شجون : مالت تستحي .
ليان : ههههههههههههه .. اي استحي .
بعدها زفوا شيماء الي طالعه روعه .. في البدايه كانت مرتبكه شزي بس وجود خواتها حولها مع امها واهلها هداها شوي بعدها دخل عليها ياسر
شما : بشتاق لها هالدبه .
شجون : وانا بعد .
شما : ماادري كيف بنام اليوم وهي مو في البيت ..
مشاعل : اقول لا تقلبونها مناحه علينا الحين .
شما : مشاعل تعالي نامي بيتنا اليوم .
مشاعل : افكر .
شما : تكفين .
مشاعل : اقول لابوي اذا رضى نمت عندكم .
شجون : وانتي بعد ياليان نامي عندنا .
ليان : اناااااااااااااااا !!!
مشاعل : كان تبغون جواد ينحركم اخذوها .
شما : عادي كلها ليله وحده .
مشاعل : جنيتوا انتوا ؟؟
شجون : خليها تسئله اذا وافق خير وبركه واذا ماوافق خيرها بغيرها .
مشاعل : انتوا تتكلمون جد .
شجون : جد الجد .
مشاعل : اجل انا بدق عليه واقوله .
شجون : وليش مو هي الي تقوله ؟؟
مشاعل : كيفي انا الي بقوله .
شما : خلصينا قولي له .
ودقت عليه
مشاعل : الوووو ..
جواد : نعم شنو تبغين ؟؟
مشاعل : انا ابغي انام في بيت خالي ..
جواد : طيب شنو اسويلك اذا ابوي موافق انا مالي كلمه بعد كلمته .
مشاعل : طيب ليان .
جواد : اشفيها .
مشاعل : بنات خالي يبغونها تنام معانا بعد .
جواد : ليان هي الي قالتلك انك تدقين علي .
مشاعل : لا .. هاا شنو قلت .
جواد : تبغي تنام معاكم ؟؟
مشاعل : اكيد تبغي .
جواد : خلاص خلها تنام .
لا ... ليان كانت مو موافقه وكانت تتمنى ان جواد ما يوافق .. بس هو خيب امالها لما وافق .. وراحوا كلهم بيت بو جراح .
-----------------------
(( بيت بو جراح ))*
شما : مسكوا لبسو ؟؟
مشاعل : شنو هذا ؟؟ لالا انا ماالبس مثل هذي الاشياء .
شما : لبسي وانتي ساكته .. ولا رجعناكي البيت وخلينا ليان ..
مشاعل : لا والله مرت اخوي رجلها على رجلي ..
ليان : وين اقدر اغير ملابسي ؟؟
شجون : امشي معاي .
راحوا دورة المياه
ليان : لاتتحركين من مكانك .
شجون : ليه بعد .
ليان : اخاف اخوك او ابوك يمرون وانا اطلع ويشوفوني .
شجون : طيب بوقف .
وتدخل ليان وتضل شجون واقفه .
ام جراح : شجون تعالي اخذوا شي لكم تاكلونه ..
شجون : بس .
ام جراح : اقول بسرعه لحقيني .
شجون : ان شاالله يمه " وتروح " .
سبحت ليان ولبست البوجامه الي عطتها شما بس طلعت كبيره عليها .. وقامت مشطت شعرها وسوته اثنين نازلين على الجنب .. وطلع شكلها طفولي بالمره .. فتحت الباب ماشافت شجون .. اخافت واحتارت شنو تسوي .. بس
بعدين قررت انها تروح للغفه بنفسها .. بس لما وصلت نص الطريق طلع في وجهها واحد سد الطريق عليها .. نظراته خلتها تتوتر وتسرب الرعب لكل جسمها ..
شجون : جراح شنو تسوي انت ؟؟
جراح : هااا
شجون : هويت في النار قول امين خل البنت تروح موتها خوف .
وخر عنها ورحت ليان تسرع ودموعها ملت عيونها
جراح : هذي الحين حقيقيه ..
شجون تطنز : لا كذبيه اجل ..
جراح : انا اول ما شفتها حسبت اني احلم وانا واقف .. مين هذي ؟؟ لا تقولين بنت عمتي صارت قمر كذا .
شجون : اي يلي ما تستحي على وجهك .. قاعد تخز في البنت ..
جراح : خلصي مين هذي ؟؟
شجون : ليش تسئل ؟؟
جراح : شدخلك يمكن بخطبها .
شجون : اولا ماتصلحلك لانها اكبر منك .
جراح : هذي اكبر مني !! مستحيل .. هذا شكلها عمرها 11 او 12 سنه .
شجون : عمرها 20 سنه .
جراح : بل .
شجون : ومتزوجه .
جراح : بعد .
شجون : متزوجه ولد عمتك جواد .
جراح : حلفي هذي مرت جواد .. اي ماالوم الرجال طول اليوم سرحان ولما جي يطلع كان احد ميت عليه اثاري حبيبت القلب عندنا وتاركته .
شجون : اقول وخر عن وجهي .
-----------------------
جراح / 18 سنه .. الاخو الوحيد بيت ثلاث بنات .. وسيم وطويل واحلى شي فيه شعره الكثيف وعيونه واسعه .
-----------------------
ليان : الحين مو انا قلتلك لا تتحركين من مكان .
شجون : اسفه حبيبتي امي نادتني وماقدرت اقول لها شي .. يلا خلاص مسحي هل الدموع ..
مشاعل بمزح : تدرون ان لو جمعنا دموع ليان كل ماصاحت راح نروي كل سكان الارض ولا بنوفر للاجيال القادمه .
البنات : ههههههههههههههههههههه
شما : عندي سوال صريح جاوبني بصراحه ..
مشاعل : قولي سئلي .
شما : سوال يبغيه جرئه .
شجون : ندري انك ماتستحين على وجهك مو غريبه عليك .
شما : شنو الحب من وجهت نظر كل وحده منكم .
مشاعل : مالت عليك وعلى سوالك فوقك .
شما : تكفون جاوبوا .
مشاعل : انا اقولك الحب بنسبه لي اهم شي في الحياه .. والحب انواع .. حب اخوي .. حب صداقه .. والحب الي الكل يحب فيه حب شريك الحياه .
شجون : الحب مااقدر اوصفه بشي بس من غير الحب مافي معنى لاي شي .
شما : وانتي ياليان ؟؟
ليان : اناااا ؟ .. مثل شروق الشمس بعد الليل الطويل .. الحب اغنيه عجز يغنيه او يلحنه افضل مطربين العالم .. القصيده الي مانكتبت .. الكل يعرف الحب بس القليل الي فهموا هلكلمه ..
مشاعل : بس خلاص كفايه فلسفه .
شجون : خليها تعبر انتي شدخلك .. ليان كملي ماعليكي منها .
مشاعل : طيب انا عندي سوال ؟
شما : تفضلي كلنا اذان صاغيه .
مشاعل : شنو الطريقه الي اذا سواها شريك حياتكم ترفون انه يحبكم من غير ما يقول ؟
شما : انه يشتريلي الي اتمنه من غير مااقول .
شجون : مااقول الا مالت عليك .. مادري مين الي داعيه عليه امه الي بياخذك .
شما : انتي ماعليك مني ..
مشاعل : طيب انتي جاوبي .
شجون : اذا جلست معاه على البحر نطالع شروق الشمس وهو كل فكره معاكي ويمسك ايدي ويجلس يناظر فيني وعيونه هي الي تحكي ..
مشاعل : ياسلام على الرومنسيه ..
شما : وانتي ياليان لازم نعزمك على الكلام .
ليان بخجل: لازم .
البنات : اي لازم .
ليان : لما اكون حزينه ودمعتي في عيني .. يجي لي بكل هدوء ولطف ويحظني من وراي من غير مااحس ويضمني حييييييل لانه يبغي يحميني من العالم كله .. من شدة خوفه علي اسمع نبض قلبه الغير منتظمه المضطربه .. وحس بانفاسه
الخايفه علي .. ويمسك يدي بتوتر علشان مااروح واتركه وبعدها يهمس بكلمات علشان بس يريحني ويخفف حزني .. وبعدها يمسح دموعي ويبوسني بوسه رقيقه وعذبه وهاديه ابها احس اني خلاص طايره وانسى حتى السبب الي بكيت علشانه
.. وبس .
البنات :...............
ليان : شفيكم ؟؟
البنات : ياهوووووو
شجون : كل هذا يسوي لك جواد .
ليان : شنو ؟؟ مالت عليكم وعلي الي يجلس يتكلم معاكم بروح انام احسن لي .
البنات : ههههههههههههههههههههه
-----------------------
(( عند جواد ))*
من رجع البيت وهو مو طبيعي .. حتى لما انبطح على السرير علشان ينام .. طار النوم من عيونه لما شم ريحتها .. صار يتقلب من جنب لجنب يبغير يوقف التفكير فيها بس مافي فايده كل تفكيره ليان ليان ليان ليان ليان .. ضل على هذي
الحاله 3 ساعات لنام راضي يجيله ولا مو قادر يقوم من السرير .. انبط على المكان الي تنبطح فيه وحضن مخدتها وصار يتجيلها .. حس انه مجنون لما وافق على انها تروح مو يصير لها شي .. لو وحده من البنات تزعلها اكيد هي بتصيح
يعرفها ما تقدر تحبس دموعها .. في النهايه قرر يروح يجيبها ..
-----------------------
نهاية البارت