فصل 7.8.9.10
_*ࢪوايـة جࢪح يـداويه الـ؏ـشق🧸🤎🖇️♡""))*_
🪄🪄🪄🪄🪄🪄🪄🪄🪄🪄
رواية جرح يداويه العشق يونس وروح الفصل السابع 7
بليل فى شقه مختار ريهام قاعده فى اوضتها الباب اتفتح ودخلت رباب وبصتلها اوى:ايه اللى عملاه فى نفسك ده
ريهام:ده ماسك لوشى وحمام كريم لشعرى ياماما
رباب:افضلى انتى اعملى اشي ماسك واشي حمام كريم ومحدش بيعبرك ولا بيقدملك
ريهام:الله فى ايه ياماما ... قوليلى بابا عرف مين الناس دول اللى كانو فى شقه البت شهد
رباب قعدت جمبها على السرير:لا بيقول ميعرفش مين اللى كانو عندهم يمكن يكونو قرايب محمد
ريهام:قرايب محمد مين ياماما انتى مشوفتيش العربيه اللى ركبوها دول شكلهم ناس اغنيا اوى وكمان الراجل الكبير لابس لبس صعيدى
رباب:معرفش بقي الله اعلم بقولك ايه
ريهام:ايه
رباب:ابوك بيقول فتحى اللى عنده محل الدهب اللى على اول الشارع متقدم لروح
ريهام:هو شافها فين ياماما
رباب:انا عارفه ياختى بس ابوك قاله انها ارمله وحامل كمان وقاله عليكى بس الواد قاله لا
ريهام:هو انا رخيصه اوى كدا عشان بابا يدلل عليا ياماما وانا مش عارفه الكل هيموتو عليها كدا ليه اومال لو ماكنتش بتخرج وهى لابسه واسع ونقاب مش مبين منها غير عينيها ولا بتعمل ماسك ولا اى حاجه من دى
رباب:لانها مش محتاجه ياختى لا ماسك ولا غيره البت بشرتها صافيه زى الحليب وشعرها زى الحرير
ريهام:دى عليها شويا شعر يالهوى على جمالهم
رباب:زى امها الله يرحمها هى البت اصلا نسخه من امها يلا قومى شيلى اللى وشك وشعرك ده عشان تنامى
ريهام:حاضر
===================
اشرقت شمس يوم جديد مع وصول عثمان وعلى القصر وكان فى استقبالهم يونس
يونس قرب من جده لما نزل من العربيه وباس ايده:حمدلله على السلامه ياچدى
عثمان:تسلم ياولدى
على:وانا ايه شفاف
يونس:نورت ياسي على
عثمان ضحك:رايح الشركه ياولدى
يونس:ايوا ياچدى
عثمان:خلص شغلك ولما تاجى رايدك فى موضوع
يونس:حاضر ياجدى
على:خدى معاك
عثمان:ادخل ارتاح ياولدى انت عينك مغمضتش طول الليل
على:واللى اخوه سليم ينام كيف ياچدى
عثمان:ادعيله ربنا يسامحه
على:يارب
عثمان دخل القصر ويونس وعلى ركبو العربيه وراحو على الشركه
بعد شويا وصلو الشركه ودخلو بكل هيبه وراحو على مكتب يونس اللى قعد على كرسي المكتب وعلى قدامه
يونس:مالك
على:اوقات ياخى اقول سليم ده مش بشر ده شيطان
يونس:ايه المصيبه المرة دى
على:طلع متجوز واللى كانت مراته حامل
يونس:عرفى بردو
على:لا تصدق المرة دى اول مرة يعمل حاجه صح كانت متجوز على سنه الله ورسوله
يونس:ومين العروسه بقي
على:صاحبه شهد بنت عم محمد صاحب جدك
يونس رجع ضهره على الكرسي:وانت زعلان ليه اللى توافق تتجوز اخوك اكيد شبهه
على:لا مش شبهه ابدا وحرام دى تبقي مرات سليم البنت مدمرة حرفياا ومرعوبه تحس جواها خوف من كل الناس ومش عندها ثقه فى حد ماهو اكيد من اللى عمله فيها
يونس:هو عمل فيها ايه مش فاهم ماتنطق انت هتنقطنى بكلام
على بدا يحكى ليونس على الكلام اللى قاله ليهم محمد عن معامله سليم لروح وحالتها لما رجعت بيتها بعد ماسليم اتوفى
على:شوفت بقي ان كلمه شيطان دى قليله على اخويا واكيد البنت محكتيش كل حاجه يعنى
يونس:لا حول ولا قوة الا بالله يارب وجدك قرر ايه
على:ولا اعرف هو اخدها واقعدو لوحدهم وبعدها خرجنا من عندها وجينا على هنا وهو متكلمش ابداا .... جدك مقهور من عمايل سليم يايونس انا خايف عليه اوى
يونس:متقلقش على جدك احنا معاه ومش هنسيبه واكيد مش هنسيب مرات اخوك وابنه يتربو بعيد عننا
على:وتفتكر امى هترضى ان تضهر واحده مرة واحده وتقول انها مرات سليم وكمان حامل فيه ده معناه انهم هيورثو ده اكتر حاجه هتضايق امى وصفا
يونس:انتى هتقولى اهم حاجه عندهم الفلوس
على:ربنا يستر بقي هروح اشوف شغلى
يونس:تمام
=================
فى القاهرة فى شقه محمد
روح قاعده على سجاده الصلاة بعد ماصلت فرضها
شهد دخلت الاوضه:روح
روح....
شهد هزتها:روح مالك
روح:هااا
شهد:هااا ايه انتى فين بنادى عليكى مش بتردى
روح:هو انا غلطت لما عرفت اهله
شهد قعدت جمبها:ليه بتقولى كدا
روح:خايفه من الوعد اللى قطعته لجده ياترى هيطلب منى ايه
شهد:الراجل شكله طيب اوى ياروح واكيد مش هيظلمك ده حتى اخوه مش شبهه خالص وتحسيه كان قاعد محروج بسبب عمايل اخوه
روح:تصدقى ماخدتش بالى منه اصلا انا كنت متوترة وخايفه اوى
شهد:سيبها على الله ياروح ويلا قومى يلا عشان نفطر
روح:حاضر
==================
بليل فى قصر الهلالى
على ويونس رجعو القصر
رحمه:حمدلله على السلامه
على:الله يسلمك يارحومه
يونس باس راسها:عامله ايه ياحبيبتى
رحمه:كويسه يااوس اوس ياقمر انت
على ضحك بصوته:اوس اوس
يونس بص لرحمه:عجبك كدا يعنى
رحمه:واد ياعلى متضحكش على يونس بيه الهلالى احسنلك ده كبير البلد يابنى
على رفع ايديه باستسلام:بريئ ياباشا
كلهم ضحكو
خرج عثمان من اوضته:يونس تعالى عايزك
يونس:حاضر ياچدى
عثمان دخل اوضته تانى
على:اسمع من جدك وشوف ناوى على ايه انا هطلع انام
يونس:تمام
على طلع ورحمه بصت ليونس:هو فى حاجه ولا ايه
يونس:مافيش حاجه ياحبيبتى اطلعى نامى يلا
رحمه:تصبح على خير يااوس اوس
يونس ضحك:تلاقى الخير ياقلب اوس اوس
رحمه ضحكت وطلعت ويونس قرب من اوضه جده وخبط على الباب ودخل لما سمع عثمان بيسمحله يدخل
يونس دخل وقعد على الكرسي قدام جده اللى قاعد على السرير:خير ياچدى
عثمان:اكيد على جالك على المشكله الچديده
يونس اتنهد:صوح اتكلم معاى
عثمان:المرة دى المشكله صعبه جوى ياوالدى وانى معرفش اعمل اي
يونس:اهدى ياچدى واكيد فى حل وهنچيبها تعيش حدانا فى الجصر ولما تجوم بسلامه ابنها وابن سليم يتربي وسطينا
عثمان:معرفش هتوافج ولا لع ياوالدى
يونس:وهى هترفض لى ياچدى
عثمان:انى اتحدثت مع البنيه وسمعت منيها كلام يوجف الجلب ياوالدى
يونس:كيف يعنى
عثمان:ولد عمك مكفهوش انه اتچوزها بالغصب لع وخد حجه الشرعي كمان بالعافيه ياوالدى وكان بيستجوى عليها لانها منكسرة البنيه تجطع الجلب يايونس ودموع عينيها زى الشلال مبتوجفش
عثمان بدا يحكى كل كلام روح ليونس اللى كان مصدوم من اللى بيسمعه لدرجه دى عانت مع سليم ابن عمه
يونس:لا حول ولا قوة الا بالله وحضرتك ناوى على ايه ياچدى
عثمان:ناوى اچيبها تعيش حدانا بس لازمن اضمن ان اجلال وصفا ميجربوش منيها ولا من اللى فى بطنها
يونس:كيف ده بجى مرت عمى مش هتصدج ان ابنها كان متچوزة وكمان مرته حامل
عثمان:عشان اكده ياولدى انى هچيب روح تعيش اهنه وهچوزها كمان
يونس:هتچوزها ياچدى ومن مين مافيش اهنه غير على
عثمان:لع على لساته صغير مهيجدرش يشيل مسؤليه زوچه وولد كمان
يونس باستغراب:اومال مين ياچدى
عثمان بصله جوى:انت ياولدى
يونس قام وقف:انى ياچدى كيف وانى متچوز من صفا لع ياچدى ده مش صوح واصل
عثمان:لا صوح ياولدى وبعدين هو چوازك من صفا ده بتسميه چواز اياااك انى عارف انى ظلمتك يايونس وعشان اكده هچوزك وبنفسي لروح لان صفا متستهلكش عاد
يونس:ومرت سليم اللى تستاهلنى ياچدى
عثمان:صدجنى ياولدى فى المستجبل هتاجى تشكرنى لانى چوزك روح
يونس قعد مكانه:بس ياچدى
عثمان:من غير بس ياولدى ريح جلبي وجولى انك موافج محدش هيجدر يوجف اچلال وصفا عن اذيه البنيه غيرك ياولدى انى وانت شايف كبرت وخايف لما اجابل وجه كريم يأذوها ياولدى
يونس:متجولش اكده ياچدى ربنا يعطيك طوله العمر
عثمان:وعلى كمان مش هيجدر يوجف فى وشهم هااا ياولدى
يونس:وهى هتوافج ياچدى
عثمان:انى اخدت منيها وعد انها هتوافح على اى جرار باخده
يونس:بس اكيد متعرفش انه جرار ده انك هتچوزها وبعدين دى عانت كاتير مع سليم واكيد هترفض تتچوز
عثمان:اطلع منيها انت وسيبها عليا انى هسيبك تفكر زين ورد عليا بكرة ياولدى
يونس:حاضر ياچدى تصبح على خير
عثمان:تلاجى الخير ياولدى
==================
برا اوضه عثمان صفا كانت واقفه وسامعه كل كلامها وطلعت تجرى على فوق قبل يونس مايخرج ويشوفها
طلعت بسرعه على اوضه اجلال امها:الحجينى ياما مصيبه كابيرة
اجلال:خير يابتى مالك وشك مخطوف اكده ليه
صفا:چدى عثمان
اجلال بفرحه:مات
صفا:مات ايه ياما چدى چايب عروسه ليونس
اجلال ضربت بايدها على صدرها:يامصيبتى عروسه
صفا:لا كمان كانت مرت سليم اخوى وحامل منيه
اجلال قامت وقفت بصدمه:مرت مين
صفا:انى سمعتهم بودانى دى ياما
اجلال:لا اجعدى اكده واهدى وجوليلى سمعتى ايه
صفا قعدت وبدات تحكى كل الكلام اللى سمعته لامها
اجلال:معجول كانت لسه على ذمته لما مات
صفا:مين دى ياما هو سليم كانت متچوز صوح
اجلال:جبل مااخوك يموت روحتله زيارة فى شجته وكان معاه بت هنيك وجالى انها مرته بس ماكنتش حامل وجتها
صفا:ياوجعه مربرة ياما واكيد لما تاجى اهنه هتورث كمان
اجلال بغضب:ده على چثتى اذا دخلت الجصر ده
صفا:هتعملى ايه ياما وانى خايفه يونس يوافج يتچوزها
اجلال:سيبها عليي ولما يطلع الصبح انى هتصرف
صفا:استر يارب
اجلال:روحى نامى انتى
صفا:نوم ايه ياما ده اللى هنامه وچوزى ناوى يتچوز
اجلال:جولتلك مش هيحوصل يلا امشي الوجت
صفا:حاضر ياما
صفا خرجت واجلال كانت بتفكر هتحل المشكله دى ازاى......
رواية جرح يداويه العشق يونس وروح الفصل الثامن 8
الكل متجمعين فى قصر الهلالى ماعدا يونس
نزلت اجلال وقفت قدام عثمان:الكلام اللى سمعته صوح ياعمى
عثمان:كلام ايه يااچلال
اجلال:ان سليم ولدى كان متچوز وانك هتجيبها تعيش اهنه
عثمان باستغراب:انتى چيبتى الكلام ده منين
يونس نزل من على السلم:اجولك انى ياچدى
عثمان:تجول ايه ياولدى
يونس:ليله امبارح لما خرچت من اوضتك شوفت صفا وهى طالعه السلم وعرفت انها كانت بتتسمع علينا
صفا:بس انى
يونس:ولا كلمه
اجلال:ليى كنت عايز تچيب بت شمال تعيشنا حدانا اهنه فى القصر وكمان تتچوزها واحنا منعرفش
فاطمه:چواز ايه يااچلال ماتنطج يايونس
عثمان:سليم ولدك كان متچوز على سنه الله ورسوله ومرته حامل بابنه ومن واجبنا اننا نچيبه تعيش اهنه فى ملك چوزها
اجلال بصوت عالى:على چثتى انها تاچى اهنه وكمان تسرج چوز بتى
عثمان ضرب بعصايته فى الارض:اچلااااال نسيتى نفسك ولع اي كلمتى اهنه هى اللى بتمشي على الكل مش كلمه الحريم
راضيه:اكيد اجلال متجصدش يابوى
اجلال:لا اجصد وانى ايه اللى ياكدلى ان اللى فى بطنها ولد سليم ولدى
على:احنا شوفنا جسيمه الچواز ياما واحمدى ربنا انها بنت زينه معايزاش چنيه واحد من فلوس المحروس ولدك
صفا:انت بتتكلم اكده لى ياعلى سليم اخوك
على:اخوى اللى مكسوف من عمايله ومن المشاكل اللى كان بيعملها وهو عايش حتى بعد ماجابل وچه كريم مسلمناش من مشاكله
اجلال:اكيد هتجول اكده مانت ماشي ورا چدك ويونس بيه اللى عايز يتچوز واحده جليله حيا على اختك عشان خاطر چده كانه مش راچل
يونس:مانا كمان اتچوزت بتك عشان چدى ولا نسيتى اياك ... انى كنت نازل اجول لچدى انى موافج احميها هى وابنها من غير مااتچوزها بس بعد حديثك الماسخ ده انا موافج اتچوزها ياچدى والسبوع ده كمان
عثمان:تسلميلى ياولدى بس مش السبوع ده هسافر اتكلم مع البنيه وبعدها نحددو معاد كتب الكتاب
يونس:ماشي ياچدى
عثمان دخل اوضته وفاطمه قربت من يونس:چواز ايه ياولدى ده وكمان حامل من ولد عمك
يونس:جدى كان معاه حق ياما لما قال لازمن نضمن حمايتها قبل ماتيجى القصر
راضيه:بس ياولدى اكده انت اللى انظلمت
يونس بص ناحيه صفا:مش يمكن يكون خير ليا ياعمتى
صفا بصوت عالى:خير ايه يايونس بيه لما تتچوز على بت عمك ده خير ياولد عمى لا بجى انت اكده ظالم انت وچدك
يونس بحده:خدى بنتك على اوضتها يامرات عمى لان قسمابالله كلمه كمان ومش هتفضل على ذمتى
اجلال شدت صفا وطلعوو
رحمه قربت من يونس:انت كل مرة تظلم نفسك عشان تنفذ كلام جدك حرام عليك نفسك يايونس
راضيه:صح ياولدى ولو على البنيه هتكون جوا عيونا
يونس:معرفش دماغ جدى فيها ايه ياعمتى ولا قادر افهمه
على:صدقونى ياجماعه البنت طيبه وغلبانه جدا كفايه اللى شافته مع سليم اخويا ده عيشها العذاب الوان وكمان كان متجوزها غصبن عنها دى حتى مش طايقه تسمع اسمه
فاطمه:لا حول ولا قوة الا بالله يارب
راضيه:سليم طول عمره مؤذى ربنا يرحمه ويسامحه
رحمه:يارب
يونس:يلا ياعلى نروح المصنع
على:يلا
================
فى القاهرة وتحديدا فى شقه محمد ابو شهد
روح وشهد قاعدين قدام الشاشه بيتفرجو على فيلم شهد بصت على روح اللى قاعده سرحانه ومش مركزة فى الفيلم
شهد:روح...روووووح
روح:ايه مالك
شهد:مالى ايه انتى مش معايا خالص
روح:سرحانه شويا
شهد:فى ايه
روح:والله مانا عارفه
شهد:روح بلاش تفكرى كتير عشان انتى اللى هتتعبي فى الاخر
روح بصتلها اوى:شهد هو انا وحشه
شهد:وحشه ايه دانتى قمرايه ماشاء الله عليكى يعنى
روح:لا مش قصدى كدا يعنى انا اوقات بقول انا عملت ايه وحش فى حياتى عشان يحصل فيا كل ده يعنى انا عمرى ماأذيت حد والله ليه كل اللى فى حياتى بيستغلو طيبتى كدا
شهد:عايزة الصراحه
روح:اكيد
شهد:طيبه قلبك متنفعش فى الايام اللى احنا فيها الناس الوقت مفترتين اوى ياروح بياكلو الطيب وبيستغلوه يعنى مثلا اول حد استغلك هو خالك ومراته كانو مشغلينك خدامه عندهم هما وبنتهم ومنعك تكملى تعليمك ومراته خليتك تلبسي النقاب غصبن عنك عشان ميتقدملكش عرسان تانى وفى الاخر باعك لواحد اقل حاجه تتقال عنه انه شيطان وهو كمان استغلك لانه عارف انك مالكيش ضهر تتسندى عليه شوفتى بقي طيبه قلبك وصلتلك لايه ياروح يعنى لو كنتى بتقفى لخالك ومراته وتاخدى حقك ومتسكتيش ليهم ماكنش ده بقي حالك
روح كانت بتسمع كلامها وهى مخنوقه وانهارت فى العياط وشهد اخدتها فى حضنها:اهدى ياحبيبتى حقك عليا مش قصدى ازعلك والله
روح بعدت عنها ومسحت دموعها:لا انتى مغلطتيش ياشهد انتى كل كلامك صح
الباب اتفتح ودخل محمد:الحلوين عاملين ايه
البنات:الحمدلله
محمد قعد وبص لروح:مالك ياحبيبتى بتعيطى ليه
روح:مافيش ياعمو محمد انا كويسه
محمد:طيب يابنتى الحاج عثمان كلمنى وقالى انه هيجى بكرة باذن الله
روح بخوف:هو قالك هيعمل ايه
محمد:لا ياحبيبتى قالى الكلام مينفعش فى التلفون وبعدين انتى خايفه كدا ليه محدش هيقدر يجبرك على حاجه انتى مش عايزاها يابنتى وانا متاكد ان عثمان مش هيظلمك لا ده هيدور على حل يساعدك ويحميكى انتى وابنك وانا بقولك يابنتى خلى عندك ثقه كبيرة فيه هو مش هيظلمك
روح:حاضر
شهد:يلا تعالى نقوم نحضر الغدا سوا
محمد:لا روحى انتى حضرى وسيبى روح ترتاح ياشهد
روح:لا ياعمو محمد انا مش بحب القاعده انت عارف
محمد:ربنا يحفظك يابنتى
شهد:اش اش ياعم محمد نسيت بنتك حبيبتك طبعاا ماهى روح قلبك
محمد ضحك:انتو الاتنين بناتى ومعزتكو واحده ربنا اللى يعلم
البنات حضنو محمد ودخلو المطبخ ومحمد سرح شويا فى كلام عثمان لما قاله على قراره:القرار اللى اخدته صعب اوى ويارب روح توافق عليه
==================
فى المصنع
يونس وعلى قاعدين فى المكتب وفون على رن برقم طارق
على رد عليه وفتح الاسبيكر:طاروق وحشنى ياغالى
طارق:لو وحشك ياواطى كنت جيتلى مش اعرف انك كنت فى القاهرة ومعبرتش تشوفنى
على:ياعم كنت مع جدى وانت عارف بدام نازل مع جدى معرفش اروح يمين ولا شمال
طارق:بدام مع الحاج عثمان يبقي سماح
يونس:عامل ايه ياصاحبي
طارق:بخير يايونس
على:مش ناوى ترجع بقي
طارق:ياعم دانا بشتغل ال ٢٤ ساعه كويس ان بلاقى ساعه انام فيها
يونس:ربنا يعينك ياطارق وخد بالك على نفسك
طارق:سيبها على الله ياصاحبي
يونس:اااااه خف شويا مكالمات هاااا مش كل شويا تزعلنى كدا
على باستغراب:طارق زعلك فى ايه
طارق فهم ان يونس بيلمح على مكالماته لرحمه:تمام ياصاحبي انا بس كنت عايز اطمن عليك مش اكتر وفرحت لما سمعت صوتك
يونس ضحك:طيب يااخويا
على:انتو بتقولو ايه مش فاهم
يونس:لا ولا حاجه
طارق ضحك:يلا هسيبكو انا بقي سلام
الشباب:سلام
على قفل وبص ليونس اوى
يونس:مالك بتبصلى كدا ليه
على:انت بجد هتتجوز روح
يونس:روح مين
على:روح يايونس اللى كانت مرات سليم
يونس:اه هتجوزها
على بفرحه:مبروك ياصاحبي
يونس:انت فرحان اوى كدا ليه
على:يمكن لانى شايف انها كويسه وطيبه جدا وتستاهل حد زيك وانت كمان طيب وتستاهل حد زيها
يونس:هو انت شوفتها
على:اه كانت قاعده معانا بس هى لابسه نقاب ولبسها واسع جدا
يونس:غريبه ده مش استايل سليم خالص
على:والله وانا قولت كدا لما روحنا كنت مفكر انى هلاقى بنت مش محجبه وكمان لبسها مش كويس بس اتفاجت لما شوفتهااا
يونس:لانها كويسه ومحترمه اخوك اتجوزها ودمرها
على:من ناحيه دمرها فهو صح دمرها ربنا يسامحه
الباب خبط
يونس:اتفضل
دخل شاب :يونس بيه الشحنه جاهزة نتحرك
يونس:اتحركو ياهشام ولما توصل تكلمنى
هشام:تمام ياباشا
هشام خرج وعلى قام وقف:مش يلا بينا احنا بقي
يونس:يلا
على:هنروح الشركه ولا القصر
يونس:مافيش شغل يلا نرجع القصر
على:انا لو منك انام فى المصنع بدل ماتروح لوجع الدماغ اللى فى القصر
يونس:قصدك صفا
على:فى غيرها
يونس:مش هتقدر تتكلم بعد ماهددتها الصبح
على:ياواد ياجامد يلا
يونس ضحك:يلا.......
الفصل التاسع 9
يوم جديد على الكل
فى شقه محمد ابو شهد البنات قاعدين فى اوضه شهد وروح متوترة جداا من وقت وصول عثمان
الباب خبط ودخل محمد:تعالى ياروح يابنتى جدك عثمان عايزك
روح بصتله بخوف
شهد:انتو كل ده بتتكلمو فى ايه يابابا البت كانت هتموت من الخوف
محمد:تعالى ياروح اسمعى منه هو
شهد:انا مش هسيبها يابابا
محمد:طب تعالى بس ممنوع اسمع صوتك ياشهد
شهد:حاضر
روح وشهد خرجو مع محمد كان عثمان جاى لوحده والبنات سلمو عليه
عثمان:كيفك يابتى
روح:بخير الحمدلله وحضرتك عامل ايه
عثمان:حضرتى هكون بخير لو اطمنت عليكى انتى وابنك يابتى
روح:ان شاء الله خير
عثمان:اسمعى يابتى انى نويت على اى ... المرة اللى فاتت وعدينى لما اخد جرار انك هتوافجى عليه صوح
روح بخوف:صح بس هو ايه القرار
عثمان:هتاچى تعيشي حدانا فى الصعيد يابتى
روح بصتله اوى:ماحضرتك قولتلى كدا المره اللى فاتت
عثمان:عارف يابتى بس انتى هتدخلى الجصر وتعيشى وسطينا على انك مرت حفيدى
شهد:طب هو ايه الجديد ماهى مرات حفيدك
محمد:متتدخليش ياشهد
عثمان:اتركها يامحمد تتكلم (عثمان بص لشهد) اه يابتى هى كانت مرت سليم بس دلوك هتكون مرت يونس حفيدى وكبير البلد من بعدى
روح اتصدمت من القرار وقامت وقفت:لالا انا مش عايزة اتجوز ابوس ايدك انا جربت مرة وكنت هموت ومستحيل اكررها تانى ونبي
عثمان مسك ايدها وقعدها جمبه:هدى يابتى عارف انك اكيد مرعوبه يكون يونس كيف سليم بس لا يابتى الفرج بينهم كيف الفرج بين السما والارض وانى لو واثج ان يونس هيعاملك كيف سليم مستحيل اوافج يابتى
شهد:وليه تتجوز اصلا ماهى ممكن تعيش وسطو من غير جواز
عثمان:انى عايز اطمن عليها وعلى اللى فى بطنها يابتى انى ممكن اخدها تعيش وسطينا بس مضمنش ام سليم وخيته هيعملو فيها ايه بحكم انها حماتك يابتى انى رايد اطمن عليك ومحدش واصل هيجدر يوجف فى وشهم غير يونس
محمد:طب وليه مش على
عثمان:على لساته صغير وكمان هو اخو سليم وباكده اچلال هتكون حماتك وجتها معرفش يابتى هتتعامل وياك كيف
روح كانت فى عالم تانى كل تفكيرها باللى حصل معاها بجوازها من سليم
عثمان:انتى واثجه فيا ولا لع يابتى
روح بصتله:انا مطمنه لكل كلمه حضرتك بتقولها بس انا خايفه اوى
عثمان:متخافيش واصل يابتى انى حكيت مع يونس وهو موافج وهيشيلك جوا عينه يابتى وبعدين الچواز ده يابتى عشان يحميك ولو رايده انه يكون على الورق انى موافج يابتى
روح:وهو هيوافق على كدا
عثمان:يونس زين الرچال يابتى وانى شايفك بت حلال مصفى وتستاهلى راچل كيف يونس وهو كمان يستاهل بنيه كيفك اكده هااا يابتى موافجه
روح بصت لمحمد وشهد وكانت تايهه مش عارفه ترد عليه بايه ومحمد هز راسه بمعنى توافق
محمد:انا بصفتى فى مقام والد روح موافق ياعثمان
عثمان:انى رايد اسمعها منيها يامحمد لاجل جلبي يطمن هاا يابتى
روح بتوتر ومحمد بيقولها توافق:حاضر موافقه
عثمان:على خيرت الله يابتى كمان يومين هايچى يونس وعلى ياخدوك عشان نكتبو كتب الكتاب عندينا فى الجصر چهزى نفسك يابتى
روح هزت راسها باه وهى خايفه من قرارها ده
عثمان قام وقف:هستاذن انى بجى
محمد:خليك اتغدى معانا ياعثمان
عثمان:مرة تانيه ياابو شهد
عثمان ودع روح وشهد وخرج
شهد قربت من روح:مالك ياروح
روح:هو انا غلطانه انى وافقت
محمد جه من وراها:لا يابنتى مش غلطانه لو جوازك من سليم كان اكبر غلطه فى حياتك بس جوازك من يونس صدقينى هيكون احسن قرار تاخديه
شهد:وحضرتك واثق ليه كدا انت تعرفه
محمد:طبعاا اعرفه وشوفته اكتر من مرة هو زين الرجال زى ماقال جده يابنتى يلا ادخلى ارتاحى ومن بكرة ابداو جهزو كل حاجه عشان نروح الصعيد
شهد:حاضر
محمد:انا هتكلم مع خالك ياروح لازم يعرف بموضوع جوازك
شهد:يعرف ليه ان شاء الله هو بيسال عليها اصلا
محمد:دى الاصول ياشهد يلا روحو ارتاحو
===============
فى شركه الهلالى اللى فى القاهرة قاعد على وقدامه طارق
طارق:اخوك سليم ده ايه ياجدع شيطان
على:ده الشيطان يتعلم منه وحياتك
طارق:يونس وافق ليه على الجوازة دى
على:مش عارف بس والله انا فرحان عشانه البنت كويسه جدااا
طارق:ربنا يعوضه عن الجوازة الاولى دى اسف ياعلى بس اختك صعبه الصراحه
على:مش محتاج تقولى هااا لو عملو كتب الكتاب فى الصعيد اكيد هتحضر
طارق:لا مش هرجع
على:انت عبيط يابنى لازم تحضر
طارق:مش عايز ارجع الصعيد واشوفها قدامى ومبقاش طايلها ياعلى مش هقدر
على:والله انتو الاتنين صعبانين عليا حتى هى بتضحك وتهزر بس جواها وجع كبير
طارق:هى السبب فى الوجع اللى احنا فيه ده ياعلى
على:ماهى الصراحه استحملتى كتير من امك ياطارق
طارق:وانا كنت معاها وكنت بقف فى وش امى عشانها ليه البعد بقي
الباب اتفتح ودخل عثمان وطارق سلم عليه وعثمان حضنه اوى:اتوحشك ياولدى كيفك
طارق:بخير ياچدى
عثمان قعد على الكنبه اللى فى المكتب:كمان يومين وهتاچى انت ويونس عشان تاخدو روح ومحمد وبته على الصعيد
على:هى وافجت ياچدى
عثمان:ايوا ياولدى
طارق:همشي انى ياچدى عندى شغل كاتير
عثمان:هتاچى وياهم ياطارق وتحضر كتب الكتاب
طارق:بس ياچدى
عثمان:من غير بس كمان يوم هتاچى مع على ويونس
طارق:اللى تؤمر بيه ياچدى عن اذنكو
عثمان:اتفضل ياولدى
طارق خرج من المكتب وعلى بص لجده:هنرچع دلوك ياچدى
عثمان:اه ياولدى خلينا نتوكل على الله
عثمان وعلى قامو وخرجو من المكتب ونزلو من الشركه وركبو عربيتهم ورجعو على الصعيد
==================
يونس قاعد فى جناحه وبيشتغل على اللاب الباب خبط
يونس قام يفتح كانت صفا:عايزة ايه ياصفا
صفا:ممكن اتكلم معاك شوي لو فاضي
يونس:للاسف مش فاضى بشتغل
صفا بغضب بعدته من قدامها ودخلت
يونس اتعصب وقفل الباب بقوة ومسكها من دراعها:انا مش قولتلك مش فاضي يلا امشي من هنا
صفا:هتتچوز عليا بچد يايونس ومين واحده مش عارفين اصلها من فصلها واذا كانت صادجه ولا لع وحامل كمان سايج عليك النبي تجول انك كنت بتهزر
يونس ساب دراعها وقعد على الكنبه:وانا من امته هزرت ياست صفا
صفا بصوت عالى:وتتچوز عليا ليه
يونس بحده:صوتك لو على مرة تانيه قسمابربي لاكون قاطعلك لسانك ده وبعدين انا كنت نازل اقول لجدى مش هتجوز بس بسبب عمايلك انتى وامك اجبرتونى اوافق واه ياستى هتجوزها وكمان يومين هتيجى القصر واياكى ياصفا انتى ولا امك تقربو منها
صفا بصتله بغل وخرجت من الجناح كله ويونس قعد يكمل شغله
================
صباح يوم جديد فى شقه مختار اللى قاعد مع محمد
مختار:تتجوز ابن عمه ليه يعنى
محمد:الحاج عثمان عايز يطمن عليها هى وابنها عشان كدا قرر يجوزها لحفيده يونس اللى هيكون كبير البلد من بعد جده
مختار بخبث:حلو اوى
رباب:وروح هانم وافقت
محمد:اه وافقت ياام ريهام وكمان يوم هنروح الصعيد عشان يكتبو الكتاب هناك اكيد هتيجى معانا انت خال روح
مختار:امم انا عايز اقابل الحاج عثمان ده قبل ماتروحو الصعيد لانى مش هعرف اجى معاكو عندى شغل
محمد:وهتسيب روح لوحدها فى كتب كتابها
مختار:ظروف بقي ياابو شهد ياريت تكلمه وتعرفه ان عايز اقابله عشان اوصيه على روح
محمد:حاضر
محمد قام وقف وخرج من الشقه
رباب قربت من مختار:انت ناوى على ايه
مختار بخبث:كل خير
===========
محمد دخل شقته وكانو البنات قاعدين فى ريسبشن
شهد شافت والدها مضايق:مالك يابابا الراجل اللى اسمه مختار ده زعلك
محمد:لا يابنتى انا كويس هو بس طلب يقابل عثمان
روح:يقابله ليه
محمد:بيقول مش هيقدر يجى معانا الصعيد وقت كتب الكتاب وعايز يقابله يوصيه عليكى ويتكلم معاه
شهد:اقطع دراعى لو ماكنش بيفكر فى حاجه الراجل ده أل يوصيه عليها أل
روح:هو هيبقي عايز يقابله ليه انا مش مطمنه اكيد هيعمل حاجه
محمد:اهدى يابنتى وانا هكلم عثمان اعرفه واكيد هو مش هيرفض يجى وهخليه يجيب يونس كمان معاه عشان خالك ميقدرش يعمل حاجه
روح:انا خايفه يعمل مشاكل عشان وافقت على الجواز خلاص انا مش عايزة اتجوز ومش عايزة مشاكل مع حد انا مش واثقه هو هيعمل ايه
محمد:ايه الكلام ده ياروح يابنتى عثمان قالك انه بجوازك من يونس كدا بيحميها من ام سليم واخته صفا مرات يونس
شهد وروح بصو لمحمد اوى
شهد:هما عندهم حد تانى اسمه يونس غير العريس
محمد حس انه عك الدنيا وماكنش لازم يتكلم قدامهم
شهد:فى ايه يابابا ساكت ليه
محمد:لا يابنتى هو يونس واحد
روح:يعنى ايه هو عايز يجوزنى لواحد متجوز ازاى ابقي اخدته من مراته وولاده
محمد:صفا مرات يونس مش بتخلف يابنتى
روح:حتى لو مش بتخلف انا مستحيل اوافق اتجوز واحد متجوز لاى سبب
شهد:ازاى اصلا يخبي حاجه زى دى علينا كان هيقولها امته لما تتجوز
محمد:شهد اسكتى انتى ... وانتى ياروح عثمان بيفكر فى مصالحتها وخلاص مبقاش ينفع الكلام ده الوقت انتى وافقتى وخلص الكلام الصعايده عندهم الكلمه واحده هو مش لعب عيال
محمد دخل اوضته وشهد بصت لروح اوى:روح اهدى ياحبيبتى
روح بصتلها:يعنى ايه هتجوز واحد متجوز ويبقي اسمى خطفته من مراته
شهد:مش عارفه اقولك ايه الصراحه
روح:انا لازم اكلم جده وارفض الجوازة دى مش هينفع كدا
=============
فى الصعيد عثمان كان قاعد فى اوضته ومعاه يونس وبيتكلمو فى الشغل وقاطعهم فون عثمان لما رن برقم محمد
عثمان رد وفتح الاسبيكر:السلام عليكم
محمد:وعليكم السلام ورحمه الله وبركاته ازيك ياحاج عثمان
عثمان:بخير ياابوشهد كيفك انت
محمد:بخير الحمدلله
عثمان:روح كيفها دلوك
محمد:الحمدلله بس خالها مش هيقدر يجى معانا الصعيد وطالب يقابلكو قبل ماروح تسافر
عثمان:وماله يامحمد هاچى مع الولاد واجابله جبل مانسافر
محمد:روح عرفت ان يونس متجوز
عثمان:انى طلبت منيك متجولهاش
محمد:كنا بنتكلم وطلع منى فجاه مش عارف ازاى
باب اوضه محمد خبط روح من برا:عمو محمد
محمد:ادخلى ياروح
دخلت روح وقربت من محمد:لو سمحت عايزة اكلم جدو عثمان
عثمان:خلينى اكلمها يامحمد
محمد مد ايده بالفون لروح:اتفضلى ياروح
روح اخدت الفون ومحمد خرج من الاوضه
عثمان:كيفك يابتى
يونس بص لجده وركز فى المكالمه بعد ماكان مركز فى فونه
روح:بخير الحمدلله
عثمان:وكيفه حفيدى
روح:الحمدلله انا كنت عايزة اتكلم مع حضرتك فى حاجه
عثمان:عارف عايزة تجولى ايه ياروح وانى بجولك يونس موافج على الچواز وصدجينى مافيش اى مشاكل هتحصل بسببك
روح:بس انا مستحيل اوافق على كدا بص حضرتك ممكن تنسي انى كلمتك انسو انى ظهرت فى حياتكو اصلا بس انا مش هقدر اكون السبب فى مشاكل بين اتنين متجوزين
عثمان:اسمعى انتى منى يابتى يونس ومرته عندهم مشاكل يامااا من اول مااتچوزو
روح:انا ميهمنيش كل ده بس كفايه احساسها هى هيكون عامل ازاى(روح سكتت شويا واتكلمت بصوت مخنوق)حضرتك انا لما كنت متجوزة حفيده رغم ان جوازنا كله غلط لما جه يوم ودخل الشقه معاه واحده من اللى كان يعرفهم .... وقتها اتوجعت جداا مش عشانه هو لا بالعكس انا كنت فرحانه ان معاه اللى هتلهيه وتبعده عنى انا اتوجعت عشان حسيت انى قليله جدااا
روح عيطت
عثمان:انتى زينه البنات ياروح يابتى انى عايزك تهدى ومتفكريش فى حاچه واصل وانى هاچى انى ويونس بكرة نجابلو خالك ماشي يابتى
روح:بس
عثمان:من غير بس يابتى انتى وعدينى وخلاص ارتاحى انتى زين يابتى وخدى بالك على حالك لحد ماتنورينا فى القصر
روح:حاضر......
الفصل العاشر 10
عدى الليل فى لمح البصر وروح كانت خايفه من مقابله خالها لعثمان ومش عارفه هو ناوى على ايه
================
فى شقه محمد قاعد عثمان ويونس ومعاهم على وطارق اللى يونس اصر يجى معاهم وقدامهم مختار ومحمد
عثمان:محمد جالى انك رايد تجابلنى
مختار:ايوا ولا انتو عايزين تاخدو روح من غير ماخالها وولى امرها يعرف
عثمان:ومين جال اكده انى المرة اللى فاتت طلبت من محمد يتكلم وياك واحنا يزيدنا الشرف انك توافج على چواز يونس حفيدى من بتك روح
مختار:موافق بس بشرط
يونس كان مضايق من طريقه مختار من اول ماقعد وبص لطارق اللى شاروله انه مش مرتاح لراجل ده
عثمان:شرط ايه
مختار:مهرها مليون جنيه
الكل بصو لبعض بصدمه وفى الوقت ده كانت شهد جايبه القهوة للكل وسمعت كلامهم
محمد شاف شهد اللى واقفه على الباب:تعالى يابنتى
شهد دخلت وقدمت القهوة للكل وخرجت راحت الاوضه اللى فيها روح
مختار:قولت ايه ياحاج
عثمان بص ليونس اوى وفهم انه مضايق من اللى بيحصل
عثمان:وانى موافج روح بنيه تستاهل كنوز الدنيا
مختار:على خيرة الله الفلوس هاخدها كاش ولا شيك
يونس كان جاب اخره:مليون جنيه كاش ازاى يعنى مين بيمشي بالمبلغ ده
عثمان:خلاص ياولدى (عثمان بص لعلى) وياك دفتر الشيكات ياولدى
على:ايوا ياچدى
عثمان:هاته ياولدى
على طلع الدفتر اللى معاه دايمااا واداه لجده اللى بدا يكتب الشيك
================
شهد دخلت الاوضه اللى فيها روح اللى قاعده موترة وخايفه جدااا
روح قامت وقفت اول ماشافتها:سمعتى حاجه من كلامهم
شهد هزت راسها باه
روح:بيقولو ايه ريحينى ونبي انا مرعوبه
شهد:خالك عايز مهرك
روح بصدمه:نعم مهر ايه ده انطقى ياشهد ونبي
شهد:عايز مليون جنيه مهرك
روح بصدمه:مليون جنيه .... هيبعنى تانى ياشهد تانى
روح عيطت وشهد اخدتها فى حضنها:اهدى ياحبيبتى ونبي
روح بعدت عنها:وانا مش هقبل بكده ابداا
روح مشت ناحيه الباب وشهد مسكتها:راحه فين ياروح
روح:مش هخليه يبعنى تانى ياشهد انا مش سلعه عمال يبيع ويشترى فيها
شهد:طب بصي خليكى انتى وانا هخرج اتكلم معاهم انا ماشي
روح نزلت نقابها وخرجت من الاوضه مع شهد ووقفت على الباب فى نفس الوقت اللى كان عثمان مد ايده بشيك لمختار وقبل مايمسكه كانت شهد اخداه ومقطعاه
مختار بعصبيه:انتى مجنونه يابت انتى ايه اللى عملتيه ده
عثمان قام وقف:ليه اكده يابتى
الشباب كلهم وقفو مع عثمان
شهد بصت لعثمان اتكلمت:لو حضرتك هتوافق على طلبه فروح مش موافقه على الجوازة دى
مختار:وانتى مالك انتى كنتى المحامى بتاعها
شهد بعصبيه:انت تسكت خالص عمال تبيع وتشترى فيها كانها سلعه مش بنت اختك
محمد:عيب ياشهد كدا
شهد:العيب اللى هو بيعمله يابابا
شهد بصت لعثمان:لو سمحت روح قالت انها مش عايزة فلوس هى مكلمتش حضرتك عشان تاخد منكو فلوس
عثمان:بس ده حجها يابتى ده مهرها
شهد بعصبيه:حرام بقي اللى بتعملوه فيها ده هى شايفه انه مش حقها هى شايفه الكل عمال يبيع ويشترى فيها انا ماصدقت انها اتحسنت ومش هسمح لاى حد يكون سبب فى اذيه لروح والكلام للكل
محمد:اهدى ياشهد محدش يابنتى هياذى روح ابداا
عثمان:فينها روح يابتى
شهد:برا
عثمان:نادى عليها
شهد خرجت كانت روح واقفه وسامعه كل كلامهم وبتعيط جامد مسكت ايدها:لازم تدافعى عن نفسك ياروح متسمحيش لخالك يبيعك تانى
روح بصتلها وهزت راسها وشهد اخدتها ودخلت وعثمان قرب منها:كيفك يابتى
روح عيطت اكتر ويونس عينه عليها وعثمان اخدها فى حضنه:هدى يابتى متخافيش واصل محدش هيجدر يجرب منيك انى جولتلك جبل سابج انتى بتى ياروح واللى انتى رايداها انى هعمله
روح بعياط:لو سمحت انا مش عايزة فلوس
مختار مسكها جامد من دراعها وشدها عليه:انتى اتهبلتى يابت انتى
روح عيطت:مش هسمح انك تبيع وتشترى فيا مرة تانيه سبق وبعتى ودمرت حياتى كلها
شهد جرت على مختار وبعدته عن روح:لو مديت ايدك تانى عليها قسمابربي انا اللى همد ايدى عليك
مختار لسه هيقرب تانى من روح عثمان زعق وشد روح وراه:بعد يدك عنيها احسنلك مش مرت حفيد عيله الهلالى اللى تمد يدك عليها واصل
مختار:وانا مش موافق على الجوازة دى واتفضلو امشو معندناش بنات لجواز
يونس بعصبيه:انت كيف تتكلم اكده مع چدى اتچننت اياااك
عثمان:هدى ياولدى
مختار:انا قولت اللى عندى مافيش جواز روح اصلا متقدملها عريس وانا وافقت عليه
محمد:عريس مين ده
مختار:فتحى اللى على اول شارعنا اللى عنده محلات الدهب
محمد:اللى يقول رايه روح وبس
عثمان لف لروح:انتى موافجه على الكلام ديه يابتى
روح هزت راسها بلا
مختار لسه هيتكلم طارق وقف قدامه:بجولك ايه انت مافيش حد عاچبك من الرچاله اللى واجفين دانى بمكالمه بس منى تجضي حياتك كلياتها فى السچن
مختار بسخريه:ليه انشالله مين انت
طارق:جدامك الرائد طارق عرفت بجي انا مين
مختار خاف وعثمان قرب منه:تعالى وياي يامختار نتكلمو لحالنا تعالى ياابوشهد معانا وخليكو انتو اهنه ياشباب وانتو كمان ياصبايا
محمد اخدهم وراح البلكونه
شهد بصت لشباب اللى واقفين:اتفضلو
الشباب قعدو
وشهد قربت من روح واخدتها فى حضنها:اهدى خلاص بقي محدش هيقدر يجبرك على حاجه
شهد بعدت عنها وغمزتلها:بس ايه رايك فيا عملت نمرة انما ايه
روح ابتسمت على كلامها ويونس عينيه عليها
شهد:تعالى نقعد
البنات قعدو قدام الشباب وروح عينيها فى الارض وطال الصمت بينهم
شهد بصت لشباب وشاروت على على:انت اخو اللى مايتسمى مش كدا
طارق ضحك اوى
على:عجبتك اوى دى(على بص لشهد)اسمى على
شهد:عاشت الاسامى يااستاذ على
شهد شاورت على طارق:انت بقي اسمك طارق بس تقربلهم ايه
طارق:انا صديقهم واعتبرينى واحد من العيله
شهد بصت ليونس:يبقي انت يونس صح
يونس:صح
شهد:هو انتو مش بتتكلمو صعيدى
طارق:قدام جدى لازم كلنا نتكلم صعيدى
شهد:اهااا ... بس انتو شكلكو طيبين على عكس اللى مايتسمى
طارق ضحك:قصدك سليم صح هو كان عكسنا خالص
روح لما سمعت اسمه غمضت عينيها وقلبها اتقبض وشهد حست برعشه ايدها
شهد:مالك ياروح انتى كويسه
روح فتحت عينيها وبصتلها وهزت راسها
شهد:طب اهدى ياحبيبتى تحبي تدخلى ترتاحى شويا
روح هزت راسها بلا
مختار خرج من البلكونه وكان متعصب جداا وفتح باب الشقه ولف بص لروح بغل وروح خافت من نظرته ومختار خرج وقفل الباب بقوة
شهد:ده ماله ده
عثمان ومحمد خرجو كمان من البلكونه وروح قامت وقفت:هو حضرتك اديته الفلوس
محمد:لا ياحبيبتى مااخدش حاجه ومش هيفكر يجى ناحيتك مرة تانيه
روح:ازاى
عثمان:متخافيش يابتى وبلاش تفكرى فيه
روح:حاضر
محمد:اتفضل اقعد ياعثمان اقعدى ياروح يابنتى
كلهم قعدو سواا
عثمان:چهزى نفسك يابتى وبكرة هنكون عنديكو عشان نرچع على الصعيد سوا
شهد:مش حضرتك قولت كمان يومين
محمد:عشان الكل يرجعو سوا ياشهد
شهد بصت لروح:يبقي النهارده ننزل نجيب كل الحاجات اللى نقصاكى ياروح وكمان تروحى لدكتورة بتاعتك عشان نطمن على الصغنن
محمد:ايوا يابنتى
عثمان:المفروض يكون فى رؤيه شرعيه يابتى بس يونس رفض وجال يسيبك عراحتك
روح هزت راسها
عثمان قام وقف:يلا ياشباب
الشباب كلهم خرجو مع عثمان وودعت الكل
شهد:يلا ننزل احنا يا روح
روح:لا انا اصلا عندى هدوم كتير ومش عايزة اجيب حاجه
محمد:روح يابنتى عثمان ادانى مبلغ عشان تجيبى كل الحاجات اللى نقصاكى هو مرضاش يدهملك عشان ماتتحرجيش
روح:بس ياعمو محمد انا مش عايزة فلوس
محمد:ده حقك يابنتى حقك يلا انزلو عشان ماتتاخروش وابقي اشترو شنطه كبيرة ياشهد عشان روح تحط فيها كل حاجاتها
شهد:حاضر يابابا يلا ياروحى
شهد وروح راحو المول وشهد ساعدت روح جابت عبايات بيتى كتير وكل عبايه جبتلها نقاب لونها وجابت اسدالات ودريسات خروج كتير وشوذات وشنط وروح كانت معترضه ومش عايزة تجيب حاجه بس مع اصرار شهد جابت كل الحاجات اللى نقصاها وجابت بجامات للبيت وجابت شنطه سفر كبيرة عشان تحط فيها كل حاجاته ورجعو البيت وجهزو الشنط ونامو عشان يصحو من بدرى ........