جرح يداويه العشق - فصل 3.4.5.6 - مكتملة | روايتك

_*ࢪوايـة جࢪح يـداويه الـ؏ـشق🧸🤎🖇️♡""))*_ "*_‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ 🪄🪄🪄🪄🪄🪄🪄🪄🪄 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ رواية جرح يداويه العشق يونس وروح الفصل الثالث 3 اشرقت شمس يوم جديد على قصر الهلالى وتحديداا فى جناح يونس اللى كان بيلبس الباب خبط وراح يفتح كانت صفا يونس:خير عايزة ايه صفا:هنتكلمو على الباب اكده يعنى يونس:انتى عارفه ان ماحدش بيدخل الجناح ده غيرى صفا بضيق:ليه ماهى رحمه بتدخله وكمان على يونس بحده:ااااه انتى هتبدئى طب بصي بقي عشان انا جايب اخرى منك من امبارح وبحاول انسي اللى عمليته وبلاش تزودى الطين بله يابنت عمى وامشي بقي من هنا وبسكات احسنلك صفا خافت:حاضر يايونس بس افتكر ان ده مش عدل ربنا ياولد عمى صفا نزلت ويونس اتنهد بضيق:عدل ربنا... ده على اساس ان جوازى منك عدل ربنا يونس فاق على صوت ضحك رحمه اللى سمعت كلامه رحمه قربت منه:عارف لو كانت سمعتك كانت هتبقي فى جلسه النهارده فى المندرة لحل المشكله يونس ضحك وحاوط كتف رحمه:سيبك منها صباح الجمال ياقلب اخوكى رحمه:صباح الفل ياروح قلب اختك يونس:عامله ايه ياحبيبتى رحمه:انا حلوة الحمدلله يونس باس راسها:يلا ننزل رحمه:يلا يونس وقف رحمه:مالك يونس:نسيت حاجاتى فى الاوضه هجيبهم واجى رحمه:انزل وانا هجيبهم ليك يونس:قلب اخوكى رحمه ضحكت وراحت على جناح يونس واخدت المحفظه والنضارة والفون من على الكمدينو ولسه هتخرج من الجناح الفون رن باسم طارق رحمه قلبها دق كان نفسها بس تسمع صوته خرجت من الجناح كان يونس واقف مستنيها رحمه:فونك بيرن يونس اخد الحاجه من رحمه اللى مشت بسرعه ويونس شاف دموع فى عينيها بس عرف السبب لما شاف اسم طارق يونس رد:الواطى اللى مش بيسال طارق ضحك:انت عارف شغلى ياجدع اخبارك ايه يونس:الحمدلله ياصاحبي انت عامل ايه طارق:كويس يونس:مالك بتقولها من غير نفس كدا ليه طارق:مانت عارف اللى فيها يايونس يونس:انسي ياصاحبي بقي وعيش طارق:عمرى مااقدر اعيش من غيرهاا دانا مموت نفسي فى الشغل عشان اقدر انسي ومش قادر يونس:ومش ناوى ترجع بقي طارق:لا يونس:والداتك بتكلمنى دايماا عشان اقنعك ترجع طارق:عايزانى ارجع عشان تجوزنى مش كدا قولها تشيل الموضوع من راسها مش هتجوز ولا هرجع يونس اتنهد:اللى يريحك ياصاحبي طارق:انا لازم اقفل هكلمك وقت تانى يونس:تمام ياصاحبي يونس قفل ونزل =================== فى القاهرة فى شقه مختار رباب وريهام قاعدين فى الريسبشن ريهام بهمس:اومال روح هانم فين رباب:بتحضر الفطار ريهام:هى بقت فى الشهر الكام رباب:الخامس ليه ريهام:واحنا هنفضل مستحملنها كتير ولا ايه بكرة تولد وتبقي عايزة هدوم و بامبرز و علاج لابنها رباب:والله مانا عارفه يابنتى امها ماتت وسابتها واحنا اللى شيلنا شيلتها ولما قولنا هنجوزها ونخلص منها الراجل مات ريهام:طب ماتروح لاهله اكيد هيفرحو لما يعرفو انها حامل فى حفيدهم رباب:المصيبه انه كان متجوزها فى السر ريهام:ماهى بت عبيطه بردو فى حد يسيب الشقه اللى كانت عايشه فيها وتيجى تعيش هنا كانت اخدتنا نعيش معاها رباب:انا وابوكى لما عرفنا انه مات وروحنا نقولها ماصدقت انها هتخرج من بيته بس الحق يتقال لما روحنا ناخدها انا وابوكى البت كانت حالتها حاله ووشها كله كدمات وكانت فى حاله رعب وكان رابطها فى السرير وابوكى اللى فكهاا وقتها ريهام:مش هى اللى هربت منه ياماما كان لازم يعمل فيها كدا لما يلاقيها رباب:ماهى بردو مش هتهرب من الشقه من غير سبب الظاهر كدا كان بيضربها والله اعلم كان بيعمل فيها ايه ده حتى لما لاقها وعرف انها حامل مرحمهاش ريهام:على رايك وبعدين ده من يوم ماجت من شقته وهى ساكته ودايما بتعيط وحزينه رباب:مانا وابوكى ملاحظين ده وبعدين ابوكى كان قالى ان الراجل ده بيعذب البنات باسوء الطرق وفى بنات كتير ماتو وهما معاه ريهام:يالهوى ياماما وانا اللى كنت عايزة اتجوزه مكانها رباب:مانا عشان كدا رفضت انك تجوزيه يابت هو انا مستغنيه عنك ريهام ورباب سمعو صوت حاجه بتتكسر فى المطبخ قامو بسرعه دخلو المطبخ لاقو اطباق مكسورة على الارض رباب:نهارك اسود كسرتى الاطباق ازاى يابت روح:انا اسفه والله كنت بجيبهم عشان احط الاكل ووقعو منى رباب قربت منها وضربتها فى كتفها:هو احنا هنلاقيها من مصاريفك وهمك ولا من الحاجات اللى كل شويا تكسريها يابت انتى مختار خرج من اوضته على صوت رباب العالى مختار:فى ايه مالكو صوتكو عالى من صباحيه ربنا كدا ليه رباب:تعالى يااخويا شوف البلوه اللى سابتها اختك وماتت شوف بنت اختك كسرت الاطباق ازاى مختار:احنا مش قولنالك تاخدى بالك يابت انتى روح كانت بتعيط:والله وقعو منى غصبن عنى ياخالو رباب مسكتها من شعرها:انا قرفت منك يابت ريهام كانت واقفه فرحانه فى روح مختار:خلاص يارباب سيبها ليحصلها حاجه هى ولا اللى فى بطنها وتشيلنا مصيبه رباب زقتها:نضفى اللى عملتيه ده وحضرى الفطار رباب ومختار خرجت وريهام كانت شمتانه فى روح ريهام:تؤ تؤ ياحرام والله صعبتى عليا ريهام خرج وروح بقت تلم الازاز وهى بتعيط ولمت الازاز كله وحضرت الفطار وحطته على السفره وعملت سندوتش صغير ودخلت اوضتها كلته وهى بتعيط واخدت علاجها وسندت راسها على ضهر السرير وغمضت عينيها وبدات تفتكر باقى الحكايه ••فلاش باااااك•• روح كانت قاعده ف اوضتها وعماله تعيط الباب اتفتح ودخل خالها مختار:يلا يابت قومى البس البيه والماذون جايين فى الطريق روح جرت على خالها وباست ايده:ونبي ياخالو بلاش تعمل فيا كدا مختار بعصبيه:بت انتى شكل علقه امبارح ماكنتش كفايه يلا اتحركى ياما والله هخرجك بمنظرك ده قدامهم مختار خرج وروح لبست دريس واسع بلون الاسود ونقاب بلون الابيض وبعد شويا سمعت صوت ناس برااا وكانت سامعه صوت الماذون وهى بتعيط على حالها ومختار دخل ومعاه دفتر بتاع الماذون مختار:يلا يابت امضي هنا روح مضت ودموعها مغرقه وشها ومختار مسك ايدها وخرجت معاه مختار:سلمى على جوزك ياروح سليم بيه الهلالى (عرفتوه طبعاا ابن عم يونس واخو صفا وعلى) سليم قام وقف وقرب من روح ومد ايده مسك ايدها اللى لابسه فيها جوانتى وباسهاا وروح جسمها كله بيترعش وحتى مرفعتش عينيها ولا بصت عليه سليم:مبروك ياعروسه روح مردتش عليه رباب ضحكت:اكيد مكسوفه يابيه الله يبارك فيك سليم عينه على روح وشايف عينيها اللى كلها دموع:يلا ودعى عيلتك عشان نمشي ريهام ورباب ومختار ودعو روح وكانو بيمثلو طبعاا قدام سليم سليم مسك ايدها وخرج من الشقه كانت شهد واقفه على باب شقتهم اللى قدام شقه روح وقربت منها وحضنتها وروح عيطت فى حضنها وشهد كمان عيطت ومحمد ابو شهد سلم عليها سليم شدها من حضن شهد ونزل وكان مختار اللى واقف عند العربيه فتحلهم الباب اللى ورا وركبو ومختار ساق العربيه لحد عمارة راقيه جدااا ونزلو وسليم مسك ايد روح ودخلو العمارة وركبو الاسانسير وروح كانت هتموت حرفيااا وقلبها بيدق بطريقه ترعب طلعو الدور الخامس وسليم فتح الباب ودخل:اتفضلى ياعروسه روح دخلت وجسمها كله بيترعش سليم قرب منها:من وقت ماشوفت عينيكى وانتى سحرتينى ونفسي اشوف اللى تحت النقاب سليم رفع النقاب وتاه فى جمال روح اللى احمرار وشها من العياط زادها جمال على جمالها:بسم الله مااشاء الله كنت متوقع انك حلوة بس مش لدرجه دى سليم رفع وشها عشان تبصله وروح قلبها دق بخوف لما شافته لان سليم ملامحه حاده جداا وحتى نظرته تخوف روح كانت عايزة تهرب من قدامه باى طريقه:انا عايزة اغير لو سمحت سليم بخبث:وماله طبعاا ادخلى غيرى فى الاوضه دى وانا هغير فى الاوضه التانيه ياقمر روح اتحركت من قدامه بسرعه ودخلت الاوضه وحمدت ربها لما لاقت مفتاح فى الباب وقفلت على نفسها وكانت مرعوبه بعد شويا سليم خبط على الباب:خلصتى ياعروسه روح كانت خايفه اوى ومردتش عليه سليم حاول يفتح الباب لاقاه مقفول سليم:روح افتحى الباب .... بقولك افتحى الباب ده سليم اتصعب لانه بيكلمها وهى مش بترد عليه وفضل يكسر فى كل حاجه فى الشقه وروح كانت مرعوبه وسمعت صوت الباب بيتقفل بقوة وبعد شويا سمعت صوت عربيه قربت من الشباك شافته اتحرك بعربيته بسرعه رهيبه بتدل على عصبيته وحمدت ربها انه مشي ونامت على السرير ومن التعب راحت فى نوم عميق وصحت تانى يوم قربت من الباب تسمع ليكون رجع بس ماكنش فى صوت فتحت الباب براحه واتصدمت من منظر الشقه اللى كانت متكسرة حرفيااا روح كانت بدور فى الشقه بعينيها عليه لكن ماكنش موجود جرت على الباب تفتحه لاقيته مقفول فضلت تعيط و كانت حاسه بعطش دخلت المطبخ شربت واخدت معاها ازازة ميا ودخلت الاوضه وقفلت عليها تانى كانت خايفه انه يرجع فى اى لحظه ••بااااااك•• روح كانت بتفتكر وهى بتعيط وفاقت على صوت رباب:يلا ياروح هانم عشان تحضرى الغدا روح قامت دخلت الحمام غسلت وشها وخرجت راحت المطبخ تجهز الغداا....... *‿︵ْ‿︵ْ‿୨🎀୧‿ْ︵‿ْ︵‿*_ رواية جرح يداويه العشق يونس وروح الفصل الرابع 4 عدى اكتر من اسبوع وروح بتعيش نفس المعاناه مع خالها ومراته وتعبها كان بيزيد اكتر بسبب ضعف جسمهاا والدكتورة حذرتها انها لازم تاخد بالها من نفسها اكتر من كدا وفى احد الايام روح كانت بتحضر الغدا ومختار طلب من ريهام تكويله القميص بتاعه ريهام:هخلى روح تكويه يابابا انا بذاكر مختار:اى حد بس اخلصو هتاخر على الشغل ريهام كانت راحت تنادى على روح ووقفت وابتسمت بخبث وجابت المكوة ووصلتها بالكهربا وحطيتها على قميص مختار وراحت المطبخ:روح بابا بيقولك اكويله القميص وبسرعه لانه اتاخر على الشغل روح:حاضر روح خرجت من المطبخ وراحت اوضه مختار واتصدمت لما شافت المكوة على القميص شالتها بسرعه كان القميص اتحرق ومختار دخل وهى ماسكه المكوة فى ايدها مختار:نهار اسود ومطين على دماغك ايه اللى هببتيه ده يابت روح:مش انا والله ياخالو مختار:اومال امك اللى جت حرقته ومشت رباب دخلت اوضه:فى ايه وفجاه شهقت:حرقتى القميص الجديده يانحس مختار مسك روح من شعرها وضربهاا بقوة بس اتصدمو كلهم لما شافو الدم اللى نازل منها ريهام:دى بتنزف ياماما رباب:نهار اسود روحنا فى داهيه يلا بسرعه نوديها مستشفى مختار اشتالها وخرج من الشقه وشهد كانت خارجه من شقتهم راحه الكليه:روح مالها ياعمو مختار:تعبانه شويا شهد نزلت وراه:انا جايه معاك ونزلو ركبو فى تاكسي وراحو على المستشفى ================== فى شركه الهلالى وتحديداا فى مكتب يونس على:كدا الشحنات كلها اتسلمت واخيراا هنرتاح شويا يونس:مافيش راحه على:يعنى ايه يونس:انت ناسي الصفقه الجديده وانك هتسافر مع جدى الشركه اللى فى القاهرة على:واسافر انا ليه ماتسافر انت يونس:عندى شغل هنا مش هقدر اسافر على:وهنسافر امته يونس:النهارده بليل على:ياربي انا عارف انى مش هرتاح ابدااا يونس ضحك:يلا على شغلك ياعلى باشا على قام:رايح ياخويا رايح يونس ضحك عليه وفونه رن كانت صفا كنسل عليها:ربنا يسامحك ياجدى والله =============== فى المستشفى خرجت الدكتورة من اوضه روح:انا اكتر من مرة قولتلكو انها ضعيفه ودى تانى مرة تتعرض لنزيف ولولا فضل ربنا كنا خسرناها هى والجنين وبعدين مين اللى عمل فيها كدا مختار:محدش جه جمبها هى وقعت من على السلم الدكتورة:سلم ايه حضرتك دى جسمها كله كدمات وجروح شكلها قديمه وغير الكدمات اللى فى وشها مختار:بقولك ايه مش انتى شغلتك انك تعالجيها مالكيش دعوة بالباقى بقي الدكتورة بصتله بضيق وبصت لشهد اللى هزت راسها بمعنى معلش الدكتورة مشت وشهد دخلت لروح اللى كانت نايمه ومختار دخل وراها شهد بصت لمختار:انت اللى ضربتها مش كدا مختار:حاجه متخصكيش يابت انتى شهد بعصبيه:لا بقولك ايه انا مش روح دانا شهد وممكن الوقت اكلم الشرطه ويجو ياخدوك بسبب اللى عملته فيها واقسم بربي اعملها وميهمنى حد مختار اتوتر لانه عارف ان شهد مش بيهمها حد وبص علي روح وخرج من الاوضه من غير مايتكلم شهد قاعدت جمب روح ومسكت ايدها:حبيبتى ياروح انتى تستاهلى انك تعيشي ملكه مش تعيشي العيشه دى ابداا كفايه طيبه قلبك انتى تستاهلى كل خير ياروحى ============= بليل فى قصر الهلالى رحمه قاعده فى اوضتها فونها رن برقم غريب مردتش عليه رن تانى كانت متاكده انه طارق لانه بيرن عليها كتير من رقمه وهى مش بترد بس هى نفسها تسمع صوته بس فقررت ترد رحمه:السلام عليكم طارق:وعليكم السلام ورحمه الله وبركاته اخيراا رديتى عليا يارحمه رحمه قلبها كان بيدق اد ايه كان وحشها صوته رحمه:وانا المفروض ارد عليك ليه طارق:بلاش طريقتك دى يارحمه ونبي الواحد مش قادر ولا ناقص انا فيا اللى مكفينى دانا مموت نفسي فى الشغل عشان مفكرش فيكى بس مش قادر وبرن عليكى كتير وانتى مش بتردى لو تعرفى انا ارتاحت اد ايه لما سمعت صوتك الوقت ونسيت كل تعبي رحمه قلبها وجعها:لوسمحت بلاش تتصل بيا تانى احنا مافيش بينا كلام عشان ترن عليا او ارد عليك مع سلامه رحمه قفلت فى وشه وعيطت:انا اسفه غصبن عنى والله ============== فى الدور الارضي فى القصر كان عثمان وعلى بيودعو العيله عشان مسافرين يونس:مصمم بردك ياچدى انك تسافر بنفسك عثمان:اكده احسن ياولدى شوف شغلك اهنه وانى هسافر اخلص الشغل هنيك على:ارتاح انت ياچدى وانى هتابع الشغل ولا معندش ثجه فيا ولا ايى عثمان:ربنا يحميكو ياشباب انتو جدها وجدود كمان يونس:تسلم ياچدى ولو احتاچتونى عرفونى على:تمام يلا ياچدى على وعثمان خرجو وركبو العربيه وعلى اللى كان بيسوق وجده جمبه ===================== فى المستشفى روح لسه نايمه زى ماهيا وشهد معاها كانت نايمه على الكنبه روح كانت بتحرك راسها كانها بتشوف كابوس بس للاسف ده مش اى كابوس ده الواقع اللى عاشته مع سليم الهلالى ••فلاش بااااك•• روح فضلت اسبوع فى الشقه لوحدها وسليم مجاش ابدا وهى كانت مطمنه وفى يوم روح كانت فى المطبخ وسمعت باب الشقه بيتفتح نزلت نقابها بسرعه وكانت هتموت من الرعب اكيد مش هيعدى اللى هى عاملته خرجت من المطبخ بحذر كان قاعد على الكنبه وفارد ايديه على ضهر الكنبه ورافع راسه لورا سليم:اخيرااا الهانم خرجت من الاوضه روح اترعبت لما بصلهاا وقام وقف ولسه هيقرب منها روح جرت بسرعه ناحيه الاوضه بس ايد سليم كانت اسرع مسكها من نقابها وروح صرخت بصوت عالى واترعبت لما سليم قرب منها ورقع النقاب وشاله من على راسها وشعرها الطويل نزل على ضهرها واتكلم جمب ودنها:دانا سليم الهلالى يعنى مش حته بت زيك اللى تغفلنى ياروح امك هربتى منى يوم الدخله مش كدا وانا سيبتك براحتك اسبوع ورجعت عشان اخد حقى سليم شدها من شعرها ودخل اوضه النوم ورماها بقوة على السرير وفتح درج الكمدينو وجاب حبل وقرب من روح اللى كانت بتصرخ باعلى صوت وبتترجاه يسيبها بس لا حياه لمن تنادى ربطها فى السرير وهجم عليها وبدا يقطع هدومها واخد منها اعز ماتملك بكل قسوة وجبروت وبعد فترة بعد عنها كانت بتنزف بقوة ومغمى عليها مسك فونه وكلم الدكتورة تيجى بسرعه قام دخل الحمام ومسالش فيها وبعد شويا خرج من الحمام كان جرس الباب بيرن كانت الدكتورة اللى وصلت وبدات تساعدها عشان توقف النزيف لانه رفض انها تروح مستشفى ده حتى رفض انها تفك ايدها المربوطه وبعد اصرار من الدكتورة فك ايد واحده عشان تركبلها محلول فيها وبعد فترة كان النزيف وقف والدكتورة كتبتلها شويا علاج وقالتله انها مش هتفوق غير تانى يوم ومشت ••بااااااك•• روح فتحت عينيها اللى كانت كلها دموع ولاقت نفسها فى المستشفى هى اخر حاجه فكراها ان خالها كان بيضربها بصت حوليها شافت شهد نايمه على الكنبه:شهد...شهد شهد قامت لما سمعت صوت روح وقربت منها:حبيبتى انتى كويسه حاسه بحاجه روح:جسمى كله بيوجعنى شهد:خالك اللى عمل فيكى كدا صح روح عيطت جامد شهد حضنتها:ياحبيبتى اهدى منه لله روح:هو مات صح انا شوفت دم كتير نزل منى وبعدها ماحسيتش بحاجه شهد:لا ياروح الحمدلله ربنا حماه وحفظه ومحصلوش حاجه بس يا روح الدكتورة بتقول لو حصل نزيف تانى انتو الاتنين هتبقو فى خطر روح:مش بايدى ياشهد شهد:روح انتى هتخرجى من المستشفى وهتيجى عندى مش هتروحى عند خالك انتى فاهمه وصح انا كلمت بابا وقال انه عارف اهل اللى كان جوزك وانهم ناس كويسين جداا وكبير عيلتهم كان صديق بابا فقالى انه يكلمه ويعرفه انه حفيده كان متجوزك وانك حامل روح:لالا ياشهد ونبي انا مش عايزة منهم حاجه كفايه اللى ابنهم عملو فيا شهد:يعنى هتفضلى عايشه طول عمرك خدامه عند خالك ومراته وبنته لازم اهله يعرفو انه كان متجوزك وانك حامل روح: ماهما اكيد عارفين شهد:هيعرفو منين روح:مامته اللى عارفه انه متجوز شهد:عارفه منين مش هو كان متجوزك فى السر روح:ماهى كانت جت مرة الشقه وشافتنى وقتها فكرتنى بنت من البنات اللى هو يعرفهم وهو قالها انى مراته مامته وحشه اوى ياشهد ده ضربنى قدامها مفكرتش حتى تدافع عنى لا كنت شايفه انها شمتانه فيا وتقوله ربيها كويس شهد:ياساتر يارب ماهو اكيد شبه امه....طيب سيبك من امه بابا بيقول ان كبير العيله جده راجل كبارة اوى وكلمته مسموعه وميرضاش بظلم ابداا روح:وهو هيعملى ايه يعنى شهد:ياروح اهو ترتاحى من قرف خالك ومراته وبعدين الناس دول صعايده ومش هيرضو ان حفيدهم يتربي بعيد عنهم حتى لو امه رفضت الجد موجود روح:دول ممكن ياخدو ابنى منى ياشهد شهد:مستحيل يبعدو ابن عن امه ياروح روح:مش عارفه ياشهد انا تعبانه اوى ومش عارفه افكر شهد:طيب ياحبيبتى ارتاحى الوقت ونامى والصبح هنرجع على شقتنا ياروح وانتى فكرى براحتك روح:حاضر رواية جرح يداويه العشق يونس وروح الفصل الخامس 5 عدى اكتر من اسبوعين وروح قاعده عند شهد وده طبعاا مضايق رباب وريهام لانهم مش لاقين اللى يخدمهم ========= صباح يوم جديد روح وشهد قاعدين بيفطرو الباب خبط شهد قامت تفتح كانت ريهام:صباح الخير شهد:هو فين الخير معلش ريهام:بابا عايز روح شهد:عايزها فى ايه روح جت:خالو عايز ايه ياريهام ريهام بقرف:معرفش تعالى شوفيه ولا عايزاه يجى لحد عندك شهد:انتى بتكلميها كدا ليه كانها شغاله عندك روح:خلاص ياشهد انا هروح اشوفه عايز ايه شهد:هاجى معاكى روح:لا ياشهد الموضوع مش مستاهل يعنى هروح واجى بسرعه روح بصت لريهام:هغير واجى وراكى ريهام:تمام ================== فى الصعيد فى اوضه صفا يونس فتح الباب ودخل:عايزة ايه صفا قربت منه:لساك زعلان منى يايونس انى بحاول اتكلم وياك بجالى سبوعين وانت مش معبرنى يونس:كدا احسن ياصفا احنا كل مانتكلم بنشد سوا وانا خلقى ضاق ومش هستحمل اكتر من كدا صفا حبت تستعطفه زى امها ماقالتلها وعيطت:انت بتعاملنى اكده ليه يايونس كل ده عشان مهخلفش وده مش بيدى يونس فهم لعبتها:انا لو غرضي الخلفه كنت اتجوزت من زمان ياصفا وانتى عارفه ده كويس صفا بغل:جول اكده بجى عايز تعمل زى ماصاحبك عمل فى اختك رحمه طلجها وسافر وعاش حياته فى مصر بس انى مش رحمه الهبله يايونس ومش هسكت يونس اتعصب ومسكها من دراعها بقوة:لسانك ده لو غلط تانى فى رحمه او حد يخصنى ورحمه ابويا ماتقعدى على ذمتى دقيقه كمان يونس زقها بقوة وخرج من الاوضه ومن القصر كله ================== روح دخلت الشقه كان مختار ورباب قاعدين فى الريسبشن رباب:اهلا بست هانم مختار بهدوء:بس يارباب تعالى ياروح اقعدى روح قربت بخوف وقعدت وهى مش مطمنه لهدوء خالها:حضرتك عايزنى مختار:ايوا فى موضوع مهم انا عارف انك مش عايزة اللى فى بطنك لانه بيفكرك بجوزك سليم الهلالى روح قلبها اتقبض لما سمعت اسمه بس وبتحاول تفهم كلام خالها رباب:خالك لاقالك حل عشان اللى فى بطنك ده بكرة لما يجى وتشوفيه قدام عينيك هتفتكرى اللى كان جوزك بيعمله فيكى روح:حل ايه مش فاهمه مختار:فى واحد مبسوط اوى بس مراته مش بتخلف وعايز يتبنى طفل اول مايتولد ويكتبه باسمه روح باستغراب وبتحاول تبعد الفكرة اللى جت فى دماغها:وانا داخلى ايه مش فاهمه رباب:ماحنا هنديه ابنك لما تولدى وهناخد منه مليون جنيه روح:نعم ابن مين اللى هياخده بمليون جنيه ريهام:ماتفتحى معانا كدا ياقطه هو مين هنا حامل وهتولد غيرك روح قامت وقفت وبصت لخالها:انت عايز تاخد ابنى تديه لواحد يكتبه على اسمه عشان الفلوس مختار:مش انتى مش طايقه سيرة ابوه هتخليه معاكى ليه بقي روح اتعصبت من طريقتهم يمكن هى على طول حزينه ومش بتتكلم بس لما بتتعصب مش بتقدر تسكت روح بعصبيه:دى حاجه تخصنى انا ده ابنى انا محدش ليه دعوة بيه انتو فاهمين مختار:فى ايه يابنت🐶 انتى بتعلى صوتك عليا دانا بقولك هناخد من الراجل مليون جنيه يعيشونا ملوك روح:انا مش مستغربه اللى بسمعه منك لانك سبق وبعتنى وقبضت تمنى من واحد اقل حاجه تتقال عنه انه شيطان دمرنى وعيشنى معاه اسوء ايام فى حياتى دانا مهما حكيت عن السنه اللى عشتها معاه مافيش كلام هيوصف العذاب اللى شوفته رباب:بقولك ايه يابت انتى بلاش الدراما اللى عملاها دى وبعدين عايزة تفهمينى لما تولدى مين هيصرف على ابنك وانا بقولك من قبلها اهو خالك مش هيصرف جنيه واحد عليك فاهمه روح فكرت شويا وبصلتها:ومين قالكو انى عايزة فلوس منكو عمو محمد كلم اهل ابوه وهما اللى هيتكفلو بيه مختار:اهل سليم وهو محمد عرف يوصلهم ازاى روح نفسها كان بيقل وخلاص مش قادرة تقف على رجليها:اظن حاجه تخصنى انا وبس ومن النهارده مش هتشوفو وشي تانى روح مشت وخرجت من الشقه كانت شهد واقفه(شهد خرجت ورا روح ووقفت قدام شقه مختار وسمعت كل كلامهم واتفاجت لما روح قالت ان عمو محمد كلم اهل سليم) وروح اول ماخرجت من الشقه وشافتها اترمت فى حضنها ومقدرتش تمنع دموعها اكتر من كدا وشهد اخدتها ودخلت شقتهم واول مادخلت فجاه روح وقعت من طولها ومش قادرة تتنفس وشهد جرت بسرعه على الاوضه جابت البخاخه واديتها لروح اللى بدا نفسها ينتظم وعيطت تانى وشهد خدتها فى حضنها وعيطت هى كمان شهد:اهدى ياحبيبه قلبي دانا كنت حاسه انى هدخل افجرهم كلهم بعد اللى سمعته روح كانت بتعيط وبس الباب اتفتح ودخل محمد اللى خاف لما شافهم بيعيطو محمد:مالكو يابنات فى ايه شهد:كله من مختار الزفت هو ومراته وبنته محمد:عيب كدا ياشهد شهد:لو حضرتك عرفت هما قالو ايه لروح احتمال تروح تقتلهم يابابا محمد قعد جمب روح وملس على راسها:حصل ايه يابنتى طمنينى عليكى انا سايبكو الصبح كويسين شهد:انا هقولك يابابا شهد بدات تحكى الكلام اللى سمعته لمحمد محمد:لا حول ولا قوة الا بالله يارب طب اهدى يابنتى محدش هيقدر يقرب منك روح:عمو محمد لو سمحت كلم جده وعرفه انى حامل محمد:قصدك جد سليم روح خافت لما سمعت اسمه شهد:اهدى ياروح انتى كل ماتسمعى اسمه تترعشي ليه كدا هو خلاص مات ربنا يسامحه محمد:انتى متاكده يابنتى روح:ايوا ياعمو محمد:طيب يابنتى انتى معاكى قسيمه الجواز روح:ايوا دى الحاجه الوحيده اللى اخدتها من الشقه بتاعته محمد:طيب لان دى الاثبات الوحيد على جوازكو وكمان يابنتى لازم تحكيلى كان بيتعامل معاكى ازاى عشان افهمه كله حاجه روح:حاضر روح اتنهدت وبدات تحكى كل حاجه لمحمد وشهد بس طبعاا مش كل حاجه يعنى قالتلهم انه اجبرها عشان ياخد حقوقه منها بس بدون تفاصيل وانها تعبت وحصلها نزيف جامد قالتلهم على ضربه ليها وانه كان بيربطها ويبحبسها فى اوضه لوحدها بايام من غير اكل او شرب غير تعذيبه ليها وحرقه ليها اللى لسه سايب اثر فى جسمها لحد الوقت وضربه ليها بعد ماهربت ورجعها والنزيف اللى حصلها وهى حامل شهد كانت بتسمع وهى منهارة دى اول مرة تعرف اللى حصل مع روح لانها ماكنتش بتحب تتكلم او تحكى اى حاجه حصلت معاها محمد:حسبي الله ونعمه الوكيل مش عارف اقولك ايه يابنتى بس ربنا موجود .. انا هروح المحل واجيب رقم عثمان من النوته القديمه بتاعتى لانى من زمان مكلمتوش ويارب ميكونش غير رقمه محمد خرج وراح على محله وشهد اللى حاولت تهدى روح اللى كانت منهارة وهى بتحكى لمحمد واخدتها وساعدتها تغير هدومها ونيمتها على السرير وفضلت تقرأ قرآن كتير جمبها لحد ماهدت ونامت ============== فى الصعيد وتحديداا فى المندرة كان متجمع مجموعه كبيرة من الرجال عثمان كبير البلد وكبير المجلس ويونس وعلى ومجموعه من كبار البلد اللى بيحضرو المجلس دايماا وبنت واقفه فى حضن ابوهااا وبتعيط وشاب تانى واقف قريب منهم عثمان:كيف ياحماد تمد يدك على مرتك وهى حامل حماد:مهتسمعش كلامى ياكبيرنا عثمان:كيف يعنى حماد:طلبت منيها تنزل تنضف الدار لامى ردت عليا جال ايه مجدراش محروس ابو البنت:ياعثمان بيه بتى كانت تعبانه جوى وچبنلها الداكتور لحد الدار عثمان:جولك ايه ياحماد حماد:وايه يعنى ماكل الحريم اكده ياكبيرنا وبينضفو دارهم وبيعملو كل حاچه يونس:تجوم تضربها لحد ماتسجط العيل اللى فى بطنها دى الرجوله اياك حماد بص فى الارض عثمان بص للبنت اللى بتعيط فى حضن محروس ابوها:ايه اللى رايداه يابتى وانا هسويه عشانك نسمه:مرايداش اعيش معاه ياعثمان بيه عثمان:طب اعطيه فرصه يابتى يمكن يتغير نسمه:حضرتك جولت هتعمل اللى انى رايده وانى مريداش اعيش معاه عثمان:طب اسمعى منى يابتى الطلاج فى بلدنا حاچه عفشه ومحدش هيسيبك فى حالك يابتى انتى هتديه فرصه وده على ضمانتى انى ولو مد يده عليكى مرة تانيه هتاچى تجوليلى ووجتها انى اللى هطلجك منيه وغصبن عنيه كمان محروس:اللى تشوفه ياعثمان بيه عثمان بص لحماد:سمعت حديثى اياك فكر بس تمد يدك عليها مرتك مش خدامه ياولدى شيلها فى حباب عينيك ولو چات واشتكيت منيك وجتها هتطلجها بامر منى حماد:مش هتكرر صدجنى ياعثمان بيه عثمان:خد مرتك وراضيها وحب على راسها أفضل الهدايا لأحبائكم حماد قرب من نسمه وباس راسها:حجك على راسى عثمان:يلا خدها وروحو على داركو ياولدى نسمه:تسلم ياعثمان بيه ربنا يباركلنا فيك يارب عثمان:تسلمى يابتى نسمه ومحروس وحماد مشو وهما بيدعو لعثمان بيه اللى مبيرضاش بظلم ابداااا يونس قرب من جده:چدى تلفونك بجاله فترة بيرن عثمان:مين يا ولدى يونس:معرفش ياچدى ده رجم عثمان:طب رد انت يا ولدى على ماخلص مع الرچاله يونس:حاضر ================ يونس خرج برا المندرة ورد على الرقم اللى بيرن على عثمان يونس:السلام عليكم محمد:وعليكم السلام مش ده رقم عثمان الهلالى يونس:ايوا انا حفيده حضرتك مين محمد:ازيك يابنى انا محمد عبدالعال صديق قديم لجدك وكنت عايزه فى موضوع مهم يونس:طيب حاليا جدى مشغول اول لما يخلص هخليه يكلم حضرتك محمد:وانا فى انتظاره يابنى مع سلامه يونس:سلام ================ بعد فترة المجلس خلص ومفضلش غير عثمان ويونس وعلى يونس:صوح ياچدى الرجم اللى بيرن عليك واحد اسمه محمد عبدالعال بيجول انه صديج جديم ليك عثمان:معجول ابو شهد وانى اللى جولت انه نسانى على:ده من بلدنا ياچدى يونس:لا بيحدث مصراوى عثمان:محمد من القاهرة ياولدى كان ونعمه الصديج بس بجالى فترة معرفش عنه حاچه يونس:بيجول انه عايزك بموضوع مهم عثمان:رن عليه ياولدى يونس رن عليه وفتح الاسبيكر لان عثمان مش بيتكلم غير والاسبيكر مفتوح وعطى التلفون لعثمان اللى لما سمع صوت محمد فرح عثمان:ابو شهد كيفك ياراچل محمد ضحك:انا بخير ياعثمان انت عامل ايه عثمان:بخير وفرحان انى سمعت صوتك كيفك وكيف بتك شهد محمد:احنا بخير ياعثمان بصراحه انا رنيت عليك لان عايزك فى موضوع مهم يخص عيلتكو عثمان باستغراب:عيلتى انى محمد:اه ياعثمان ويخص بالاكتر حفيدك الله يرحمه سليم عثمان بص ليونس لانهم عارفين ان سليم مشاكله كتير عثمان:خير ياابو شهد محمد:الكلام مش هينفع فى التلفون ياعثمان شوف عايز نتقابل فين ونتكلم احسن عثمان:انى كنت نازل القاهرة بكرة مع حفيدى هابجى امر عليك لساك فاتح المحل محمد:لسه فى مكانه زى ماهو عثمان:خلاص نتجابلو بكرة يارفيجى محمد ضحك:تسلم ياصاحبي عثمان قفل وبص ليونس وكان باين عليه القلق ويونس رتب على كتف جده بيحاول يطمنه........ رواية جرح يداويه العشق يونس وروح الفصل السادس 6 اشرقت شمس يوم جديد على الكل روح اللى كانت خايفه من قرار اللى خدته وخايفه اهله يكونو زيه ونفس القلق كان عند عثمان ويونس وعلى لانهم عارفين سليم كويس اليوم عدى بسرعه على الكل فى محل محمد ابو شهد وهو سوبر ماركت متوسط الحجم كان قاعد مستنى عثمان اللى قاله انه جايله فى الطريق محمد قام وقف لما سمع عربيه وقفت قدام المحل وخرج بسرعه كان عثمان نزل وقرب منه بفرحه والاتنين حضنو بعض عثمان:اتوحشك يارفيجى محمد:تسلم ياصاحبي وحشتنى ايامنا سوا عثمان:تعالى ياعلى ياولدى سلم على عمك محمد على قرب وسلم على محمد:كيفك ياعمى محمد:بخير يابنى تسلم عثمان:ده على حفيدى واخو سليم محمد:ربنا يباركلك فيهم...تعالو اتفضلو عثمان وعلى دخلو قعدو على الكراسي اللى جوا المحل محمد:تشربو ايه عثمان:اجعد يامحمد وجولى تعرف سليم ولدى منين محمد قعد هو كمان:انا مشوفتوش غير مرة واحده بس حتى متكلمناش عثمان:لما انت متعرفوش عايزنى بموضوع يخصه كيف ريحنى الله يريح جلبك دانى عينى مغفيتش من كتر الجلج محمد:انا اسف ياصاحبي انى قلقتك .. بص هو الموضوع كله ان فى بنت صاحبه شهد بنتى وجارتنا فى العمارة البنت دى اهلها متوفين وعايشه مع خالها ومراته من سنه تقريباا اتجوزها سليم حفيدك على:سليم متجوز محمد:اه يابنى عثمان:كيف واحنا منعرفش محمد:خال البنت دى كانت سواق سليم الله يرحمه على:قصدك مختار محمد:ايوا هو مختار كان اخد فلوس من سليم وكان ماضي على وصله امانه وفى يوم سليم كان جاى لمختار وشاف روح وسال مختار عليها وكان عايزيها يعنى استغفر الله يقضي معاها يومين ويسيبها بس مختار اقنعه يكتب عليها وروح ماكنتش موافقه على الجوازة دى بس الله يسامحه مختار ضربها وبهدلها واجبرها توافق على الجواز عثمان:الله يسامحك ياسليم ياولدى على:طب هى ليه عرفتنا الوقت وسليم بقاله فترة متوفي محمد:البنت شافت عذاب الوان مع اخوك يابنى وكانت رافضه حتى تقعد فى الشقه اللى كان مجوزها فيها وماخدتش منها غير قسيمه جوازهم وحالتها كانت صعبه جداا عثمان:كيف يعنى محمد:انا هحكيلك على الكلام اللى قالتله روح محمد بدا يحكيلهم كل حاجه حكتهاله روح لحد ماخالها مختار عرض عليها تبيع ابنها وعلى وعثمان كانو مصدومين هما اه عارفين سليم وانه قاسي وقلبه حجر بس مش لدرجه دى عثمان:لا حول ولا قوة الا بالله والبنت فين دلوك يامحمد محمد:شهد اصرت تقعد معانا عشان خالها ميأذهاش تانى عثمان قام وقف:خدنى ليها يامحمد على:دلوك ياچدى عثمان:احنا هنعاود الصعيد الفجر باذن الله وانى عايز اجبلها محمد:حاضر هكلم شهد اعرفها =============== فى شقه شهد اللى محمد كلمها وغيرو وقعدو يستنو محمد واللى معاه يوصلو وروح اللى كانت متوترة جداا وجسمها كله بيترعش شهد:يابنتى اهدى شويا بقي هيجرالك حاجه والله روح:خايفه اوى ياشهد اوى شهد:خايفه من ايه هما هياكلوكى روح:خايفه اندم على القرار انى عرفتهم شهد:اهو جده جاى ياستى ولو حسيتى انه مش كويس محدش هيقدر يجبرك على حاجه روح:ربنا يستر روح اتخضت لما سمعت صوت جرس الباب شهد ضحكت:يالهوى عليكى هروح افتح شهد خرجت من الاوضه وراحت فتحت الباب محمد:السلام عليكم شهد:وعليكم السلام اتفضلو محمد:اتفضلو ياعثمان اتفضل ياعلى يابنى عثمان دخل وقعد على الكنبه وعلى قعد جمبه:يزيد فضلك محمد:دى شهد بنتى عثمان:بسم الله ماشاء الله كبرتى وبجيتى عروسه كيف الجمر يابتى شهد:تسلم ياعمو تشربو ايه عثمان:مالوش لزوم التعب شهد:تعبكو راحه ياعمو عثمان:انى قهوة ساده يابتى شهد بصت لعلى:وحضرتك على:قهوة سادة بردو شهد:تمام محمد:نادى على روح الاول ياشهد وبعد كدا اعملى القهوة شهد بصت لعثمان:لو سمحت بلاش تضغط على روح حالتها صعبه وانا خايفه عليها اوى وبلاش تجيب سيرة اللى اسمه سليم قدامها لانها لما بتسمع بس اسمه بتخاف جداا محمد:متخافيش ياشهد انا حكيت لعثمان كل حاجه وانا مع روح وانتى اعملى القهوة وتعالى شهد:حاضر شهد دخلت الاوضه:روح يلا جده عايزك يشوفك روح بخوف:هو لوحده شهد:لا معاه واحد شكله حفيده يلا تعالى متخافيش بابا برا وانا معاكى يلا روح بخوف:حاضر شهد مسكت ايدها وخرجت ومحمد شافها وقرب من روح:تعالى يابنتى محمد مسك ايدها وشهد راحت المطبخ محمد:ده الحاج عثمان يابنتى وده على حفيده عثمان شايف بنت لابسه نقاب ودريس واسع :تعالى يابتى اقعدى جمبي روح بصت لمحمد اللى شاورلها متخافش روح قعدت جمب عثمان عثمان:كيفك يابتى روح:الحمدلله عثمان:وكيفه حفيدى روح بصتله:كويس عثمان:محمد حكالى موضوع چوازك من حفيدى يابتى وانى بعتذرلك على كل حاچه عملها فيكى يابتى روح:لا متعتذرش حضرتك مالكش ذنب عثمان:ذنبي يابتى انى مجدرتش اربي حفيدى صوح الله يسامحه ويرحمه شهد جابت القهوه وقدمتها وقعدت جمب محمد عثمان:محمد انى عايز اقعد مع روح لحالنا روح اتوترت وبصت لشهد اللى بتحاول تطمنها محمد:اه طبعااا روح يابنتى خدى جدك عثمان وروحو اقعدو فى بلكونه واتكلمو براحتكو روح كانت قاعده زى ماهى وعثمان بصلها وحط ايده على ايدها اللى بتترعش:اهدى يابتى اهدى ومتخافيش واصل يلا جومى معاى روح قامت وراحو على البلكونه ================= فى الصعيد رحمه قاعده فى اوضتها فونها رن برقم رحمه:مش هتيأس ابداا انا عارفاك كويس رحمه اتنهدت وردت:الو طارق:عامله ايه يارحمه رحمه:اظن اخر مرة انا طلبت منك مترنش عليا تانى طارق:وانتى اكيد عارفه ومتاكده انى مش هسمع كلامك صح رحمه:لو سمحت ياطارق احنا اللى بينا انتهى ومن زمان عيش حياتك وسيبنى انا كمان اعيش حياتى طارق:روح وقلب طارق .... كان نفسي اسمع اسمى منك يارحمه وبعدين انتى مصدقه الكلام العبيط اللى بتقوليه ده ومفكرة انى ممكن اعيش حياتى عادى كدا وانتى بعيده عنى انتى اكيد بتحلمى رحمه:لا مش حلم دى الحقيقه اللى لازم نعيشها احنا الاتنين لو سمحت مع سلامه رحمه قفلت وفضلت تعيط وباب اوضتها اتفتح ودخل يونس اللى سمع صوتها ورحمه اول ماشافته جرت على حضنه يونس:فى ايه يارحمه مالك حد زعلك رحمه هزت راسها بلا وهى لسه فى حضنه يونس:طب اهدى ياحبيبتى وقوليلي مالك مرات عمك او صفا حد فيهم زعلك رحمه بعدت عن حضنه:لا يونس مسح دموعها:اومال كل الدموع دى ليه يارحمه رحمه:طارق يونس:هو كلمك رحمه هزت راسها باه وهى بتعيط يونس:قالك حاجه زعلتك رحمه وهى بتعيط:هو عمره مازعلنى يايونس بس انا اللى وجعته ببعدى عنه يونس:طب اهدى ياحبيبتى ده نصيب يارحمه وانا هتكلم معاه واقوله ميرنش عليكى تانى رحمه بصتله اوى يونس ضحك:مش عايزانى اكلمه صح رحمه نزلت عينيها فى الارض يونس:ماشي ياستى مش هقوله بس متنسيش يارحمه انكو اغراب عن بعضو رحمه:عارفه والله هو مكلمنيش من وقت طلاقنا كان بيرن عليا وانا مش برد عليك بس رن عليا من رقم غريب وانا ماكنتش اعرف انه هو يونس:هحاول اصدق انك ماكنتش تعرفى انه هو.....لما انتو بتحبو بعض كدا قرفتونا واطلقتو ليه رحمه:عشان طول مااحنا سوا طارق مش هيكون اب يايونس يونس:طيب ياحبيبتى نامى الوقت وكفايه عياط بقي رحمه:حاضر يونس باس راسها:تصبحى على خير ياقلب اخوكى رحمه:تلاقى الخير ياحبيبي يونس خرج من الاوضه وراح على جناحه ورن على على اللى رد عليه يونس:ايه الاخبار عندك على:الدنيا مدربكه على الاخر يونس:ايه المشكله الجديده اللى سبهالنا على بهمس:المشكله المرة دى اكبر من اى مره يايونس يونس:انت موطى صوتك ليه على:احنا فى بيت عم محمد صاحب جدك وانا بكلمك وانا واقف فى البلكونه اهو يونس:يعنى مش هتعرف تتكلم من الاخر على:عليك نور يونس:هتسافر الفجر على:باذن الله يونس:توصلو بسلامه خد بالك من الطريق وبلاش تسوق بسرعه على:بذمتك سرعه ومعايا عثمان بيه الهلالى عشان يرمينى من العربيه يونس ضحك:ليك نفس تهزر وانت بتحل فى مشاكل اخوك على:ونبي بلاش تفكرى دانا مكسوف من نفسي انى اخوه بجد ربنا يسامحه ويرحمه يونس:ويقلل مشاكله لان كدا كتير على ضحك:يلا سلام يونس:سلام ==================== فى القاهرة على خرج من البلكونه وقعد مع محمد وشهد اللى قاعده عينيها على البلكونه اللى قاعده فيها روح وعثمان محمد:اهدى ياشهد عثمان عارف كل حاجه ومش هيضغط عليها متقلقيش شهد:يارب يابابا انا خايفه عليها اوى محمد بص لعلى:منور يابنى على:الله يخليك ياعم محمد وبجد انا بعتذرلكو بنيابه عن سليم الله يرحمه شهد:الله يجحمه مش يرحمه محمد بحده:شهد عيب كدا شهد:سكت يابابا على كان محروج من الموقف اللى سليم حطهم فيه لان سليم مشاكله كانت كتير وهو عايش وكمان لما مات كل شويا يلاقو مشكله بسببه ============ فى البلكونه عن روح وعثمان عثمان:محمد جالى على اللى حصلك بسبب حفيدى يابتى ربنا يسامحه بس انى حابب اسمع منك يابتى روح بصتله:حضرتك عايز تسمع ايه عثمان:محمد جالى انك ماكنيش رايده الچوازة دى صوح روح:صح عثمان:احكيلى يابتى من اول مادخلتى الشجه مع سليم لحد ماچالك خبر موته انى رايد اسمع منك انتى وكل حاچه يابتى روح بصتله واتوترت جدا عثمان:ارفعى عن وشك يابتى روح كانت مستغربه لانه بيطلب منها ترفع النقاب عثمان:انى چد ابنك يابتى واعتبرينى فى مجام ابوكى لو تحبي يعنى ويعلم ربنا انى حبيتك وهعتبرك فرد من عيلتى وبتى كمان روح ارتاحت ليه ورفعت النقاب عثمان:بسم الله تبارك الخالج ربنا يحفظك يابتى ويحميك روح:تسلم عثمان:جوليلى ياچدى روح:تسلم ياجدو عثمان:يلا يابتى انى سامع روح اتنهدت وبدات تحكيله كل حاجه من اول يوم ليها فى الشقه مع سليم لحد ماخالها جه وقالها انه مات وحكتله اد ايه كان بيعاملها بقسوة وبيضربها بقوة وبيعاملها كانها خدامه عنده حكتله كل حاجه روح عيطت جامد وعثمان قام وقرب منها وطبطب على راسها وباس راسها:حجك على راسي يابتى عل كل حاچه عيشتيها انى بعتذرلك يابتى روح مسحت دموعها:حضرتك مالكش ذنب ياجدو عثمان قعد جمبها:روح يابتى انى هعاود الصعيد الليله باذن الله وهرچع تانى بس اوعدينى لما اعاود هتوافجى على اى حاچه اطلبها منيك روح:حاجه زى ايه عثمان:انا متاكد انك واثجه فيا عشان اكده حكتيلى كل حاچه مش اكده روح:صح عثمان:يبجى خلى عندك ثجه فيا انى مش هظلملك واصل يابتى عشان اكده بجولك توعدينى انك توافجى على اى طلب ومن غير ماتسالى عن السبب كمان روح كانت مستغربه ونفس الوقت خايفه بس هى حاسه انه مش هيظلمها:حاضر عثمان قام وقف وروح كمان ونزلت نقابها وخرجو عثمان:يلا ياعلى ياولدى محمد:خليك معانا الليله ياعثمان وسافرو بكرة عثمان:لا ياابو شهد انى هعاود الليله عشان ارچع فى اسرع وجت لروح زى ماوعدتها يلا السلام عليكم محمد:وعليكم السلام عثمان وعلى خرجو وركبو عربيتهم وراحو على الصعيد وروح وشهد دخلو الاوضه وروح حكت لشهد الحوار اللى حصل بينها وبين عثمان وبعدها نامو من تعب اليوم......