الفصل 34
حسيت وقفتي مالها داعي تنهدت ورجعت للصاله ورفعت العشى ورجعته المطبخ حتى ما لمسته لأن
منظر عامر سد نفسي 00قبل ماارجع للصاله مشيت لغرفة النوم وشفت ريم مثل الملاك نايمه على
السرير واللحاف مو عليها وشكلها غرقانه في النوم لأنها ماصحت على صراخ عامر00قربت منها
وبستها على جبينها بعد مالحفتها 00تركتها و طلعت للصاله 00تمددت على الكنب وانا اطالع
التلفزيون وصدق ماكان لي خلقه 00 مااقدرت أتحمل أكثر لأني بديت أكل بعمري00 أخذت الجوال
ودقيت على عامر لكني تفاجاءت لما لقيت جواله مغلق00
رميت الجوال جنبي بضيق وقلت وانا اكلم نفسي :ياربي بيذبحني هالرجال بتقلب مزاجه00
مديت يدي مره ثانيه وأخذت الجوال وإتصلت عليه ونفس الشئ مااحصلت رد كل الي حصلته إن
الجوال المطلوب لايمكن الإتصال به الأن 00
رفعت عيوني للساعه وشفتها 2 بالليل 00 عامر تأخر حيل
مسكت الجوال وصرت احركه بين يديني بتوتر خطر على بالي أتصل على سيف وأسأله عنه 00و
بسرعه تراجعت عن الفكره وحسيتها حيل صعبه أدق على الرجال بنص الليل اصلاً ايش اقوله ؟!
وقلت وانا اكلم نفسي بسخريه: ايش فيك مرام اكيد صار بعقلك شئ بتتصلين على الرجال وتسألين
عن زوجك الوقت هذا 0بالله ايش بتقولين له (وكملت بتهكم مع إنه مووقته أبد) سيف وين عااااامر
ماشفته ماجاك(وكملت بضيق) اوووووووف أجل أجلس كذا عقلي يوديني ويجيب 00ياااااااااااااا
ربي إرحمني برحمتك0
00
بعد ساعه من الحركه والدوران بالغرفه 00مسكت الجوال وانا فاقده الامل إنه يرد و تفاجاءت و
بغيت أطير من الفرحه لما رد
00
قلت بلهفه :عامر وينك فيه00
قال بصوت تعبان :قدام البحر00
قلت له وانا اعقد حواجبي :هالوووووقت 00صاير فيك شئ ؟؟!!
قال لي ببرود :مافيني شئ 00الحين سكري 00
سكر الخط بدون مايخبرني إيش فيه ومتى بيرجع ؟والله مو سائل فيني 00مايقول بتخاف وتقلق
علي شكلي ماهميته ولافكر فيني أصلاً00ناظرت الجوال بضيق ورميته بقهرعلى الكنب تمددت
أنتظره 00شكلي وانا متمدده راحت علي نومه 00
لأني مااحسيت الا بيد عامر وهو يصحيني ويقول :مرام مرام قومي نامي بالغرفه 00ايش اللي
منومك بالصاله00
فتحت عيوني بتعب وقلت وأنا أتلفت يمين ويسار:كنت أنتظرك ؟متى جيت؟
قال لي وهو يوقف ويفك أزارير ثوبه وكأنه مخنوق :توي جاي 00يلا قومي نامي داخل00
قلت له وانا اوقف على رجولي وجسمي يعورني من نومة الكنب :انت مااتبي تنااام00؟؟!
دخل الغرفه ودخلت وراه حاولت أتكلم معه أو استفسر منه عن شئ لكن مافيه فايده معطيني طاف
00
لما شفته قدامي إرتحت حتى لو ماعبرني بكلمه المهم إنه قدامي وبخير 00
مشيت للسرير ورميت نفسي عليه وكملت نومتي 00
مراسبوع وانا مو عارفه عامر ايش فيه يدخل ويطلع بدون ماايعبرني ولا يسوي لي سالفه كل
مااحاول أتقرب منه يبتعد عني وأحياناً وبدون سبب يصرخ علي ويطلع من البيت ومايرد إلا متأخر
00
خفت وقام الشيطان يلعب براسي لايكون سامع عني شئ وانا ماادري 00لا لا شو سامع عني شئ
الحمدالله أنا واثقه من عمري واثقه من تربية أهلي 00لكن ايش اللي يخليه جاف وبارد في تعامله
معي يعني صار مو مثل أول 00
عذبتني .. وجرحتني .... وقلتلي انا ما اهواك
تركتني .. ونسيتني .... وخليتني بعدانساك
بعد حبي .. بعد عشقي ... بعد ما اعطيت لك قلبي
تجازيني .. وتجافيني ... تبعد عني وتنساني
ما انكر في يوم حبيتك ... بادلتني حبي بالقسوه
بعدت وقلت خليتك ... تقطع قلبي من الحسره
اكذب نفسي وادور الاعذار .. واقول يمكن تكون نزوه
تاكد لي عكس الافكار ... واقول بتعدي الازمه
وانا قلبي معك احتار ... بين حبك والمرار
وانا بقمة تفكيري سمعت جوالي يرن أخذته بسرعه ورديت بفرحه :هلا والله 000هلا بالمعرس 00
قال لي فهد وهو يضحك :هههههههههههههههههه هلا فيك ياقمر 00اخبارك وأخبار زوجك 00ايش
فيه ماعاد ينشاف ؟
سكتت شوي وانا افكر يعني عامر متغير على الجميع مو بس علي انا 00اكيد فيه شئ ومايبيني
اعرفه أصلا انا من زمان قلبي قارصني00
رجعني للواقع صوت فهد وهو يقول :ياهووووووووه مرام يالدبه وين رحتي 00
قلت وانا منحرجه :هلا فهد معك 00بس إنت إيش كنت تقول ؟
قال لي وهو يضحك :هههههههههههههههههههههههه� � لاصدقتك معي (وكمل كلامه بخبث) يابنت
إثقلي مو كل ماجبنا سيرة رجلك سرحتي 00
قلت وانا اضحك من الاحراج :هههههههههههههههههههه ومن قالك سرحت فيه (وكملت وانا اغير
الموضوع) اقول وين اسرار عنك00
قال لي :كاهي جنبي تبي تكلمك00
قلت له بغياض :مالت عليك من أول هي جنبك وإنت جالس تكلمني 00اقول اقول بسرعه عطني
خلني أكلمها 00
ضحك فهد وقال بعناد :هههههههههههههههه مالت عليك يالخاييسه عناد فيك ماابي أعطيك
تكلمينها 00
قلت له وانا اتمسكن :فهود حبيبي عشان خاطري00
قال لي وهو يضحك:هههههههههههههههههههه� �هه الطريقه هذي ماتنفع معي تنفع معك يالمقصه
ههههههههههههههه
قلت له بقهر ووغيض :فهيداااااااااااااااااااا� �ن00
سمعت ضحكه وصراخه وهو يقول :اسرااااارووووووو قلت لك هاتي الجوال هاتيييييي00
اسراااااااار ترى ياويلك00
ضحكت لما سمعت أسرار تقول له بغياض:مااابي 00وبعدين ياسلاااااااااام بنت عمي وابي
أكلمهااااااااااااا00شو مذله هي00
وربي ضحكت من الخاطر على هالاثنين حتى الزواج مااعقلهم 00 سمعت أسرار تقول وهو تتنفس
بسرعه:هلا مرووووومه 000وحشتيني يالدبه00
قلت لها وانا اضحك:مبرووووووك ياعروووووووووووسه 00أخبارك؟ طمنيني عنك00
قالت لي وهي تتنهد بإرتياح:الحمدالله زينه (وكملت وهي تسأل)كيفك إنتي ؟؟
قلت لها وانا احاول اخبي اللي بقلبي عنها لأن اسرار ممكن تكشفني من نبرة صوتي :الحمدالله
مبسووووطه00
جلست أكلمها تقريبا ساعه بعدها سكرت عنها وخبرتني إنها ناويه تسوي لفهد مفاجاءه لأنه مر
على زواجهم إسبوع 00
أعجبتني الفكره حيل وقلت في بالي ليش مااسوي انا وافاجئ فيها عامر 00
يمكن هو حاس بالملل وصارت الحياه روتينيه بالنسبه له خليني أغير له جووو000
إنبسطت حيل على الفكره وحسيت عمري عبقرية زماني ولاكأني أخذ هالفكره من أسرار ضحكت
على تفيكري الطفولي وطلعت من جناحي سيدا على غرفه سميره محتاجتها تساعدني 00
وانا طالعه شفت ريماني جالسه في الصاله وتلعب بعروسه باربي شاريها لها عامر وهو جاي من
الدوام 00
قربت منها وقلت وانا ابتسم:الحلوه ايش تسوين 00
قالت لي ببراءه:عمو ثميره علمتني أحل واجبي والحين جالثه العب0
بستها على خدها بقوه وقلت لها :شاطره حبيبتي منتازه المناااااااااااتيز 00
سمعت صوت ضحكه قويه وراي لما لفيت شفت عامر يقول :هههههههههههههههههههه
ههههههههههههههههههههه ايش هذي منتازه المناتيز00
__________________
مسامحني ؟
خلاص اضحك
مادام انك مسامحني
فديت الضحكه يا عمري
لها كم كنتأنا مشتاق
صفا قلبك وجيت اليوم
تبي بشوقك تكلمني ؟
ترى شوقي لصوتك شوق
أبد يا شوق ما ينطاق
وقفت وفرحت من الخاطر لما سمعت ضحكته وقلت بخاطري فديت الضحكه وراعيهاااااا00
حاولت أتجراء وقربت منه وانا اقول :بتجلس معناااااا0
إختفت الإبتسامه من وجهه وهو يطالعني ويقول :لا انا طالع عندي موعد ضروري 0(وكمل بدون
مايعطيني أي فرصه)0سلام00
دخل الغرفه وبيده اوراق وطلع 00مديت بوزي بضيق وزفرت من القهر 00وقفت قدام غرفه سميره
دقيت الباب ودخلت 00لقيتها جالسه على النت 00
جلست جنبها على السرير وقلت بضيق وأنا أرمي يدي بحضني :إيش تسوووين 00
قالت لي وهي تبتسم :أحاول أتعلم على الفوتوشوب00
إبتسمت لها وانا اقول:الله حلوووووووووووو 00حتى انا خاطري اتعلم عليه00
قالت لي وهي تعدل جلستها :فيه مواقع كثيره تعلم الفوتوشوب وفيها دروس مع الشرح بالصور00
قلت لها :اهااااااااااا
لفت علي ورصت عيونها وهي تقول :ايش فيك مرام ؟
قلت لها وانا احاول ابتسم :مافيني شئ 00ليش تسألين؟!
وقفت وجات عندي وهي تحط يدها على كتفي وتقول :مرااااااام قول لي ايش فيك 00ترى انا مو
غافله عنك00
قلت لها بصوت مبحوح ومتقطع وكأني ماصدقت لقيت أحد أفضفض له :عامر مااما ما ادري ايش
فيه 00احسه متغيرحيل 00صار البيت عنده زي الفندق ينااااااام فيه ويطلع00(وكملت وانا أصيح)
حتى الكلام يطلع منه بالقطاره 00مع إنه أخر مره كان معي زين لكن الحين تغير تغير حيل 00(
حطيت يديني على وجهي وغطيته لأني مااقدرت أكمل من القهر )
قالت لي سميره بعطف:خلاص مرام ليش كل هالدموع 00هو أكيد عنده مشكله في الشغل ولا
شئ(وكملت وهي تسحب يديني عن وجهي) تعرفين عامر زين يتضايق شوي وبعدين يرجع مثل
أول00
قلت لها وانا امسح دموعي بكف يدي :أحسه هالمره غير مع إني أتمنى أتمنى ياسميره أتمنى 00
قالت لي وهي تمشي للتسريحه:قومي غسلي وجهك وخلينا ننزل الحديقه00
قلت لها وانا اامشي للحمام وإنتم بكرامه :إن شاء الله00
دخلت الحمام ونظرت بشكلي بالمرايه وحسيت بالضيق فتحت صنبور الماء وحطيت يدي تحته
رشيت على وجهي يمكن أخفف من الضيق اللي فيني00 وأطفي النار اللي بداخلي 00
طللعت من الحمام وشفت سميره تكلم الجوال وتقول: اقول شروق اكلمك بعدين00اوكي اوكي 00
باي00
قربت منها بتعجب وقلت :كنتي تكلمي شروق؟؟!
قالت لي وهي تحط الجوال بجيب البنطلون :ايه00
قلت له وانا اقرب منها اكثر :ايش عندها متصله؟
لفت علي وقالت :هو فيه غيره موضوع سيف00
إبتسمت وقلت بتساؤل:إيش فيه سيف؟؟
قالت لي وهي تلعب بإكسسوار الجوال اللي كان طالع من جيب البنطلون :يبغانا نملك 0
قلت لها بفرحه : والله مبروووووووووووك00
قالت لي بسرعه :ايش مبروووووووووك بدري بدري00
طالعت فيها وانا اعقد حواجبي :ليش إيش قلتي له ؟؟
مشت برى الغرفه وانا امشي جنبها :قلت لشروق تقول له موافقه أملك لكن الزوااااااااج مستحيل
يكون قبل التخرج00
قلت له وانا اوقف فجاءه بمكاني:اوووووووف حراام عليك 00يعني الرجال بينتظرك 4 سنين ونص
لين ماتخلصين 00
قالت ببرود :هذا شرطي وماعندي غيره00له الحق يوافق ولا لا00
سكت عنها لأني عرفت إن الكلام معها ضايع و مافيه أي فايده ومستحيل يجيب نتيجه 00
نزلنا تحت للحديقه وشفنا عمتي فارشه على الارض وعامر جالس جنبها يكلمها واول مااجينا
سكتووواا00
وقفت وانا عيوني على عامر وقلت في بالي هذا اللي عنده شغل ومستعجل 00
سميره :السلام عليكم 00
ردت عمتي وقالت :وعليكم السلام (00رفعت راسها لي وهي تناظرني وقالت) اقول بنتي حياك ليش
واقفه 00
جلست قريب منها وانا احاول اطنش عامر ولاكأنه موجود 00يستاهل مو بس هو اللي يقدر يتغلى
حتى أنا اتغلى بعد0
صرخت وقلت :اااااااااااااي
لما قرصتني سميره وقالت لي بهمس :ايش فيك أمي تكلمك00
قلت لها وانا اشوف يد عمتي اللي مدت لي الشاي تقول:يمه وين سرحتي خذي الشاهي00
إبتسمت بإحراج وقلت :مشكوره يمه 00
وقف عامر وقال :انا طالع تامرون شئ00
ردت عمتي وسميره :سلامتك00
حتى مافكر يسألني إذا ناقصني شئ ولاأبي شئ 0وفرحت لما ناداني
قبل مايمشي وقال :مرام علي بعد شوي بيمر ويأخذ ريم انا قلت للشغاله تجهز أغراضها 00
حسيت بخيبه أمل وقلت له وانا اتنهد واهز راسي :طيب 00
طلع وخلانا أما عمتي تعبت من الجلسه طلعت فوق لغرفتها ترتاااااااح 00بعد ربع ساعه مر علي
وطلب أنه ياخذ ريم 00ناديت الشغاله تجيب ريم 00جابتهاالشغاله لي بستها على خدها وقلت :مع
السلامه حبيبتي 00
قالت لي وهي تطبع بوسه ناعمه على خدي :مع السلامه عموووو00
مسكته الشغاله بيدها وطلعتها لعلي اللي كان ينتظر برى 00اما انا رجعت لسميره الي متمدده على
الفرشه وطالع السماء وتقول :اقول مرااام00
قلت لها وانا اجلس جنبها :نعم00
قالت وهي تعدل جلستها :بكره ماانتي مداومه 00
قلت لها وانا ابتسم واطالع بالورد اللي قدامي :لااااااااااااااا00
قالت لي بقهر :ليش ؟؟
ضحكت وانا اقول :كيفي هههههههههههههههههههه00
قربت مني أكثر وقالت بخبث وهي ترص عيونها على عوني :مرومه ايش سر التكشيره اللي قلبت
لإبتسامه فجاءه00؟؟!
قلت لها بإحراج وانا اطالع الارض :مااااااايخصك 00
قالت لي بإزعاج :واللي يخليك قولي لي ؟؟
نفضت الغبار من يدي وقفت برجع الغرفه لأن المغرب بيأذن لكن سميره مسكتني مع يدي وقالت :
وين ؟؟1
قلت لها وانا اسحب يدي :غرفتي 00
قالت لي وهي توقف معي :ليش ؟؟؟؟!
رديت عليها وقلت لها وانا أمد لساني :قلت لك مااااااااااااااايخصك00
رجعت لغرفتي وانا اقرب لركض يمكن أقدر أفتك من حشرة سميره 00 دخلت غرفتي ولفيت نظري
عليها شوي 00 إبتسمت ودخلت الحمام واخذت لي شاور سريع وقررت اسوي جو حلو بالغرفه
يمكن أقدر ارجع عامر مثل أول00 طلعت من الحمام وإنت بكرامه على أذان المغرب00إبتسمت على
صوت الاذان وجلست أردد وراه 00أخذت شرشف الصلاه ولبسته وفرشت السجاده وبديت أكبر00
سلمت من الصلاه ونزلت الشرشف وحطيته مكانه فوق السجاده 00
مشيت لنص الغرفه وانا احط اصبعي فمي واقول :ااممممممم ايش تسوين يامرااااام ايش تسوين 00
توجهت للكومدينه وزعت الشموع بكل مكان رتبت المفارش بشكل حلو ورومانسي 00 نزلت لتحت
وطلبت من رينا تسوي لنا عشى حلو ورايق00بعد ماطلبت منها طلعت لغرفتي أجهز لي لبس البسه
قبل ماايجي عامر00
فتحت دولابي وفتشت فيه لين لقيت فستان شفون تفاحي لأخر الركبه وفيه على الصدر (
أنبير)شريطه فوشي غامق بشكل فيونكه00
حطيته على السرير وقررت أجعد شعري لأنه مالي خلق استشور جلست قدام التسريحه أتمكيج 00
إنتهيت من المكياج وانا ابوس نفسي بالمرايه وكأني مجنونه هههههههه 00
اخذت الفستان البسه دخلت الحمام وسكرته وراي بدون ماأنتبه رغوه الصابون زحلقت رجلي
وطحت على الأرض وضرب جسمي على الباااااااااااب 00صرخت بالم فضيع :
أأأأأأأأأأأأأأأأأأأأأأأأأ أأأأأأأأأأأأأأأأأأأأأأاي يييييييييييييييييييييي
جلست أبكي بصوت مخنوووق من شدة الألم وأنا أحس روحي تنسحب مني 00 حاولت أتحرك
وأطلع من الحمام لكن بدون فائده الألم كان قوي لدرجه إني بالموت قدرت أبعد خطوه عن الباب
وأسند ظهري على الجدر00 صرت أشهق من الألم بصوت متقطع 00 سمعت صوت ضرب على
الباب وسميره تنادي00حاولت أناديها بس نفسيي إنقطع وكأني بسوي شئ مستحيل
حتى الكلام بالنسبه لي صار اصعب من الموت00 إختفى صوت سميره وماصرت اسمع لها حس
شوي رجع صوتها وهي تنادي : مرااااااااام مراااااااااااااااااااام
بناديها بقولها انا هنااااااااااا ماقدرت والله ماقدرت00سمعت صوتها يقرب وعرفت إنها دخلت الغرفه
رفعت يدي بتعب وصرت اضرب على الباااااااب 00
قالت لي بخوف : مرام إنتي بالحمام 00
ضربت البااب وقلت بصوت متقطع :لحـ لحـ لحـقيني سميرهههه بمووت 00
هالمره ضربت على باب بأقوى من قبل وهي تنادي بخوف :مراااااام ردي علي ايش فيك 00
قلت لها وانا اتقطع من الألم :بموووووووووووووووت بمووووت 0
سمعت صوت كالون الباب يتحرك بس كان مقفول حاولت اكثر من مره دفه بس مااقدرت 00
كنت ابكي من الألم واسمعها تقول :بنااادي امي وأجيك 00
حطيت يدي على بطني والثاني على خصري وانا اتلوىىى 00مرت دقيقه الا اسمع عمتي تناديني :
بنيتي فيك شئ 00(مااقدرت ارد عليها وسمعتها تكمل ) سميره هاتي المفتاح الإسبير 00
تحرك كالون الباب من جديد بس ماانفتح لأن المفتاح كان بالباب من جهتي 00 سمعت سميره تبكي
وتقول :يمه أتصل على عامر وجواله مغلق00
قالت عمتي بصراخ :إتصلي على فهد بسرررررررررررعه 00
سندت جسمي على الجداروانا احس إني بفقد الوعي من الألم 00مر الوقت علي كأنه سنه فجاءه
إنكسر الباب وإنفتح 00
دخلت أسرار مع فهد بسرعه وهي تبكي وتقرب مني :مراااااااااااااااااااام
بعدها فهد عني وهو يقول بخوف وتوتر شفته بعينه :اسرار ابعدي عنهااااا ماتشوفين حالتهاااااا0
حط إيد تحت رجولي والثانيه حول رقبتي وهي يقول لي :مراااام تماسكي (لف على اسرار بصراخ)
هااااتي عبايتهااااااا00
دخلت سميره وهي لابسه عبايتها وتمد لأسرار عبايتي وتقول :خذي لبسيهااااا00
اخذتها اسرار وغطتني فيهااااا 00ركبني فهد السياره من ورى وحط راسي على رجل اسرار اللي
كانت جالسه ورى كمان 00ركب السياره وهو يكلم عمتي 00 كانت اسرار تقرى علي القران وانا
دموعي مو راضيه توقف من شده الألم00
وقف فهد السياره قدام المستشفى
ونزل هو يصرخ بالطوارئ :بسرررررررررررعه00
إنفتح باب السيااره اللي ورى وشالوني على سرير متحرك وانا اصااارخ 000 دخلوني على غرفه
خاصه دخل علي الدكتور والممرضات اللي منعووو فهد واسرار من إنهم يدخلووون 000
كشف علي الدكتور وقام بالازم طلع وتركني على السرير أرتاااح 00
حسيت الألم خف ومن التعب نمت00 فتحت عيوني بتعب وإنصدمت لما شفت الغرفه بيضاء وبيدي
مغذي غمضت عيوني أحاول أفهم اللي يصير وأنا وين ؟توالت علي الصور وتذكرت كل شئ صار
والطيحه اللي طحتها على 00
لفيت على الباب اشوف من اللي دخل وإنرسمت على شفايفي إبتسامه ميته وانا اشوف اسرار تدخل
وبيدها جيك ماء وشكلها ماانتبهت إني صحيت من النوم00
حطت المويا على الطاوله ولفت علي وهي تفتح عيونها على كبرها
وتقول :صحيتي (وقربت مني وهي تبوسني وتقول) الحمدلله على سلامتك 00
قلت لها بتعب :الله يسلمك (وكملت بتساؤل) من متى وانا هنا؟ 00
قالت لي وهي تجلس قريب رجولي :إنتي هنا من العشااااء (ومسحت على رجلي بحنان وهي تكمل )
تقريباً لك 5 ساعات نايمه00
إنصدمت من كلامها وقلت :ليش كم الساعه الحين؟؟؟؟!
قالت لي بتعجب :تقريباً 3 ونص الفجر 00
قلت بعفويه:لااا يااااربي أكيد عامر رجع البيت وما لقااااااااااااني
وقفت أسرار وصبت كاست ماء وهي تمدها لي وتقول :لاتخااااافين عامر ماارجع البيت ولايدري إنك
هنااا00
قلت لها وانا اضغط على كاس الماء بتساؤل :وإنتي إيش عرفك؟؟!
رجعت جلست في مكانها وقالت :عمتي وسميره من أول يتصلووون علي عشان يتطمنووون عليك
(وكملت وهي ترفع عيونهااا لي )فهد حاول اكثر من مره يتصل عليه ويطلع له مغلق 00
نزلت دمعه من عيني وانا أتحسر على عمري 00بالوقت اللي إحتجت له يكون قريب مني مالقيته
00بالوقت اللي المفروض يكون سندي مالقيته 00بالوقت اللي بغيت أموووت ماشفته 00 كنت
بموووت وهو ولا على باله حتى ماافكر يتصل ويتطمن علي00ليه ياعامر ؟ليه تغيرت ؟ليه ليه
أأأأأأأأأأأأأأأهـ 00
"احتجت لك في ضيقتي مالقيتك,,
وقضيت ليلي بين همي وفرقاك,,
واليوم جاي تقول لي هااااه جيتك,,
وش فايده اني لارقت بلقاك!!!!
__________________
طلعت الأه من قلب لدرجه إني قلتها على لساني بدون ماادري ومانتبهت عليها الا لما قالت اسرار
:سلااااااااامتك من الأأأأأأأأأهـ حبيبتي 00(وقالت بعتب وكأنها تذكرت شئ ) من جد أنا أخذه بخاطري
منك00
حسيت بوجع لما حاولت أرفع ظهري شوي واتكي على المخده وقلت :افا ليش؟
وقفت على رجولها ورصت عينها بعيني وهي تقول :ليش ماقلتي لي إنك حااااااااااااااااااامل؟ 00
حطيت إيدي على بطني تلقائياً وقلت بصدمه :نعــــــــم00
قالت اسرار وهي متفاجاءه من الصدمه اللي إنرسمت على وجهي:لاتحاولين تقنعيني إنك
مااااتدرين00!!
نزلت دمعه فرحه من عيني بدون إستئذان وقلت لها وأنا أتحسس بطني :حلفتك بالله تقولين لي
الصدق 00
قربت مني ومسحه دمعتي وهي تقول :مرام إنتي حامل بشهرك الثالث وداخله برابع لولا ستر الله
كان راح الجنين 00لأن طيحتك كانت قويه وسببت رضوض في جسمك بس ربي ستر عليك وعلى
الجنين00
بعد القنبله اللي رمتها علي أسرار بكيت من الفرحه وإرتميت بحظنها وأنا أحمد الله:الحمدلله
ياااااااااااااارب الحمد لك يااااااااارب الحمدلله00
مسحت اسرار على ظهري بحب وهي تقول :يستاهل الحمد(وكملت بعد مااتركت حظنها )
مبرووووووك00
همست :الله يبارك فيك00
أحس يدي لصقت ببطني ماابي أحركهاا مااني مصدقه عمري أنا بصير أم بعد 6 أشهر مو مصدقه
00
تذكرت شئ وعلى طول قلت لأسرار:
00فيه احد عرف إني حامل 00
قالت لي طمني :إحنا ماخبرنا أحد على بالنا الكل عارف 00
تنهدت براحه وقلت :ماابي أحد يدري 00
قالت لي وهي ترفع حواجبهااا :نعممممممم 00
ترجيتها وقلت :أسرار دخيل الله ماابي احد يدري 00
طلعت من المستشفى على اليوم الثاني وماطولت فيها لأن الرضوض خفت ولله الحمد 00
وصاني الدكتور مااتحرك من السرير ولاابذل مجهود مع وصف لي بعض الفتامينات والمقويات 00
وصلني فهد للبيت وماتركتني اسرار الا بغرفتي وعلى سريري 00
إبتسمت لها وهمست :خربت عليكم ليلتكم00
إصطبغ وجها باللون الأحمر وهي تقول :ولايهمك نعوضها إن شاء الله المهم الحين صحتك 00
وطبعت على خدي بوووسه وودعتني وراحت 00على طلعتها دخلت عمتي وسميره اللي كان وجهاا
احمر وشكلها كانت تصيح00
قربت مني وسلمت علي وهي تقول :الحمدلله على سلاااااااامتك 00(وكملت بصوت مبحوح) وربي
خفت عليك00
طلبت منها عمتي تقوم عني وقالت:الحمدلله على سلامتك يمه 00إن شاء الله احسن الحين 00
إبتسمت بوجهها الحاني وقلت :الله يسلمك 00الحمدلله أحسن بوااااايد00
ترددت كثير قبل أسأل عمتي :عمه عامر مارجع البيت من أمس؟ 0
قالت لي وكأنها متفشله من ولدها :لا ماارجع من امس وأخته تتصل عليه ويعطيها مغلق 00
قلت بتوتر :لايكون صاير فيه شئ00
نطت سميره وقالت :خليك منه 00تلاقينه هايت في الشوااااااااارع00
عصبت عمتي من اسلوبها وقالت :سميره عيب عليك 00(وكملت وهي بصعوبه توقف على رجولها
)إرتاحي يمه ونااامي وإذا إحتجتي شئ بس إتصلي علينااااا0
بقيت وحيده بغرفتي مافيه احد عندي 00 مسحت على بطني بإبتسامه وقلت في خاطري ببشر أبوك
في الوقت المناااسب وأكيد هالوقت مو الحين00
تنــــــاسيت الـجـروح .. !!
وقـلت:: راحالأمــــــس وحســـــابه .. !!
حـبـيـبـي عــاد لـويـخـطي..
مصيــــــرهـ يــــوم يفهمـــــــني ..
ولكـــــــن آه من //لكــــــن//
وعيـــن الظلـــمـ وانيـــــــابهـ ..
أحــــاول اغفرجروحــــه مثل ما كنت ..
؛؛ ويمنعـــــــــني؛؛ !!!!
تحركت بضيق وانا أحس بشئ على وجهي 00فتحت عيوني بضيق وشفت سميره قدامي ومعها
ورده وتقول :صباااح الورد0
إبتسمت لها وقلت وانا أفرك عيوني بكسل :صباح النور00
حطت الورده بيدي وهي تقول بإبتسامه:هذي لك 0(وأشرت على الصينيه اللي على الطاوله وقالت)
قومي تغدي 00
قلت لها وانا اعدل جلستي واسند ظهري على المخده اللي وراي بعد ماضبطتها سميره :مالي نفس
والله00
توجهت للصينيه وجابتهاااا عندي على السرير
وقالت :مو على كيفك 00قووومي كلي (وكملت بغرور)إحمدي ربك سميره بجلاله قدرها بتأكلك من
يدينها 00
بعدت يدها عني وقلت:والله مااابي 00إعذريني سميره بس والله مااشتهي 00وإذا جعت أكيد بقوم
أكل 00
قالت لي بإستسلام :اللي يريحك 00(وكملت بخجل وهي تشيل الصينه على الطاوله ) مبرووك
الحمل00
عقدت حواجبي بتعجب !!
سميره كيف إعرفت ماكانت موجوده معي في المستشفى 0واسرار ووعدتني مااتقول لأحد 00
وماانتظرت كثير وسألتها :مين قالك؟؟!
قالت لي وهي تلعب بشرشف السرير :أمي 00
زادت صدمتي أكثر عمتي بعد: إيش عرفهاااا؟؟!
قالت سميره بهدوء :كانت شاااكه إنك حاااامل 00تقول إنك متغيره وجهك مصفر 00وحتى الاكل
مااعاد يطب فمك00ولما كنت بالمستشفى إتصلت على فهد وهو قال لها إنك بخير وحتى الجنين
بخير اممممممم شكله على باله إنا ندري00
إبتسمت إبتسامه باهته وقلت :الكل درى (وكملت بصوت متهدج) إلا أبوه اللي المفروووض يكون
أول واحد يدري ويكون جنبي بهالوقت00
ربتت سميره على يدي وقالت وهي تحاول تخفف عني :مااعليه يامراااام كل شئ بيتعدل ويصير
اوكي 00بس إنتي هدي عمرك وإنتبهي على اللي بطنك00
حبيت أغير الموضوع اللي يضيق االصدر وقلت :قولي كذا (وحطيت إيدي على بطني وأنا أقول )
خاايفه على ولد أخووووك ولا أنا مااعليك مني 00
ضحكت بصوت عالي وقالت :هههههههههههههههههههههههه يااختي إنتي وهو واحد (وكملت
بسخريه) إثنين في واحد00
قلت لها وانا اضربها :مالت عليك يالدبه 00أشوف صرنا انا وولدي مطنزه لك 00قايلين لك شامبو
عشان نصير 2 في واحد00
ضحكت وهي توقف وتقول :ههههههههههههههههه متأسفين ياام (وقطعت كلمتها وقالت) على
فكره إيش بتسمينه؟!00
فتحت فمي برد عليها رجعت اطبقت شفايفي يوم شفت عامر واقف على الباب ويقول :سميره طلعي
برررررى00
إنصدمت من طريقة كلامه مع سميره ودخوله المفاجئ 00حسيت وجه سميره أحمر من الإحراج
ومن طردة عامر لها 00مشت بدون ماترد عليه ولا حتى تناظره وتعدته وطلعت 00
قرب مني أكثر وصار واقف قدامي وهو يرص على أسنانه ويقول :وين كنتي أمس ؟!
ماادري كيف عرف إني مو البيت أمس مع هذا ماهتميت ضحكت بسخريه وقلت :
هههههههههههههههههههههههه حلوه وين كنت امس (وكملت بسخريه مريره) كنت اتمشى وأنفه
عن عمري شوي بدال خنقة البيت00
سحبني مع ذراعي وهو يقول بعصبيه :تتمسخرين علي (وكمل بعصبيه أكثر) تكلمي وين كنتي 0
قلت له وانا سحب ذراعي من يدهـ :إترررررررركيني (وكملت بصراخ) توك تذكر إن لك زوجه جاي
تسأل عنهاااا00(وكملت وانا ارفع عيوني وارصها بعيونه) تبي تعرررف وين كنت كنت في
المستشفى (وغطيت وجهي وأنا اشهق واقول) إرتحت الحين 00
عم الهدوء الغرفه بعد أخر كلمه قلتها إلا من صوت شهقاتي اللي حاولت اكتمهااا قد مااقدر المهم
ماابيه يشوف ضعفي 00
سحب يديني من وجهي وهو يحضنها بيدينه ويقول :ليش كنتي في المستشفى خير إيش صاير؟!
قلت له بتعب وانا اطالع عيونه :زلقت في الحمااام00
طالعني من فوق لتحت وكأنه يتطمن علي وهو يقول
إن شاء الله ماصار فيك شئ00
قلت له وانا اسحب يدي من يده والف وجهي عنه :الحمدلله مافيني شئ 00
وقف وعطاني ظهره بيطلع ناديته بإصرار :عااااااامر
#38