الفصل 31
ماانتظرتها ترد وطلعت بسرعه توجهت للسياره اللي فهد كان ينتظرني فيها وكان ماسك جواله
شكله بيتصل علي لما شافني نزل الجوال والنظاره الشمسيه وقال :هلا مرام خير ايش صاير0؟
ركبت جنبه وقلت بصوت مبحوح :فهد تحرك الحين 00انا اقولك بعدين ايش صاير ؟
تفهم حالتي وماحاول يضغط علي 00وداني على مطعم رايق وهو اقرب لكوفي منه إلا مطعم 00
حجزنا طاوله وجلسنا عليها00 بعد ماجلسنا وإستقرينا قال لي فهد وهو يحط ناظرته الشمسيه على
الطاوله :مرام وربي اقلقتيني عليك 00(مد يده وحطها على يدي وهو يكمل) طمنيني عنك يااوخيتي
00
طالعت بيده اللي تربت على يدي وكلمه ياوخيتي اللي عطت صدى في أذني وبدون سابق إنذار
إنفجرت مره وحده بالبكي 00شفت فهد يطالعني بتعجب لكنه مااقدر يتكلم 00بكيت وبكيت وطلعت
كل اللي بداخلي 00
بعد ماهديت قال لي فهد بخوف :بسم الله عليك مرام ايش فيك 00ليش كل هالبكي 00صاير شئ
00تكلمي لاتسكتين00
تخيلوا بعد البكاء اللي بكيته إبتسمت بوجه فهد بلاهه وقلت :تخاف علي يااخوي0
طقني على راسي وقال لي :صج سخيفه 00(وقال وهو يقلدني ) كل هالبكي وبعدها تقوليني لي
تحبني يااخوي00 مالت عليك 00
تنهدت بتعب وقلت بإصرار :فهد أنا ابغى أتطلق 00
لما سمع كلمتي مااقدر يسكت وقف فجاءه وقال بصوت عالي وهو ناسي نفسه وين :
طلااااااااق؟؟؟!!!!!!
سحبته مع إيده وجلسته وأنا أقول :فهد إجلس 00شوف الناس طالعنا 00
قال لي بعصبيه وصراخ :بحريقه ماهمني أحد (وكمل بضيق) مرام تتكلمين من جد ولاتمزحين ؟؟
قلت له وانا اتنفس بسرعه :فهد هالأشياء مافيها مزح 00(وكملت وانا ابكي) والله يافهد مو هاين
علي اتطلق وانا لسى صغيره بس ياااخوووووي انا تعبت من العيشه اللي عايشتهااا
قال لي بصوت جدي :مرام عامر مسوى لك شئ ؟!0
نزلت عيوني ومارديت عليه 00ايش تبوني اقوله عامر يشك فيني ويضربني مااقدر مهما كان انا
احبه وماااقدر اقول لفهد لأني لو قلته له مايكفيه فيه الذبح00 فهد وانا اعرفه مستحيل يتغاضى
ويفوت شئ يخصني وكيف لو كان هالشئ يطعن بعرضه وشرفه00
خفت لما سمعت صرخت فهد وهو يقول :مراااااااااااااااام لاتسكتين 00عامر سوى فيك شئ 00
علميني ياوخيتي 00علميني 00
قلت له وانا افرك يديني بخوف وبصوت متقطع وبكذب :فهد عامر ماسوى فيني شئ بس مابينا
تفاهم 0انا وهو مستحيل نتفق على شئ00
رجع ظهره على ورى وقال وهو يتنهد براحه :حرام عليك خوفتيني خطر على بالي شئ أكبر (وكمل
بهدوء وحنان) مرام التفاهم يكون مع العشره مع التعامل الحسن مو أي بنت ماتتفاهم مع زوجها
تبي تتطلق 00الزواج سكن وموده 00الزوج ماينتظر من مرته الى المعامله الحسنه والاسلوب
الحلووو00والمره السنعه هي اللي تتحمل زوجها وتحافظ عليه 00مو بسبب تافه تتركه وتطلب
الطلاق 00
إبتسمت بوجهه وقلت له :تنفع تكون خطيب 00بصراحه افحمتني 00
قال لي وهو يضحك :هههههههههههههههههههههههه كني طايح من عينك وياوجهك 00
قلت له وانا اضحك على كلامه وقلت بغياااض :ههههههههههههههه توك تدري 00(وكملت بعد
مارتاحت نفسيتي شوي من كلام فهد) اقول فهيدان ماخبرك بخيل يااخوي حتى شاهي ماطلبت لنا
00
إبتسم لي وهو يوقف و يقول:من عيوني الحين اروح اجيب لك كرسووون وشاي لأحلى أخت 00
لما قام فهد تنهدت بضيق 00سمعت صوت جووالي اللي يرن 00طالعت المتصل كان عامر 00
مارديت عليه لأني مالي خلقه ونفسيتي الحين ماتساعد 00ممكن اتهور و أقول له كلام يجرحه
00خليه وبعدين ارد عليه00حطيت يدي على راسي فجاءه لأني حسيت بدوخه غريبه وغمضت
عيوني بتعب وقلت بالي :شكله لأني شربت كابتشينوا بدون مااكل شئ (وضحكت بتعب)00ولا نفس
سميروووه فيه 00
إبتسمت بوجه فهد اللي جاي من بعيد هو شايل الطلب 00حط الأكل على الطاوله وقال لي وهو
يبتسم :ليش مارديتي على إتصال عامر ؟
رفعت حاجبي بتعجب وقلت :ايش دراك إني مارديت عليه؟
قال لي وهو يمد الكرسون :توه متصل علي يسألني عنك (وسألني ) ليش إنتي ماقلتي له إنك
طالعه؟؟!
قلت بإحراج وانا أخذ الكرسون منه:لااااا
قالي لي وهو يحط بالشاي سكر :مرام مايصير تطلعين بدون ماتقولين له 00حتى لو إنك زعلانه
المفرووض تقولينه 0لا وفوق هذا ماتردين عليه00
نزلت راسي بإحراج وقلت :اسفه مو قصدي بس بس 00
مااقدرت اكمل كلامي من الإحراج لأن فهد مهما كان مايرضى بالغلط00
كمل وقال :يالله افطري وقومي خليني اوصلك لبيتك وانا بروح شغلي مستأذن ساعه والحين لي
ساعتين تأخرت عليهم 00
حطيت الكرسون اللي مالمسته على الطاوله وقلت :قوووم خلنا نروح00
قال لي وهو يضحك :هههههههههه ايش فيك زعلتي مااكنت اقصد 00كلي وبلا دلع 00اشوف يلا
كلي 00
قلت له وانا احس نفسي لايعه ماابي اكل :لا فهد ماابي شئ انا تعبانه وابي اروح البيت اريح 00
قال لي بمزح وهو مسوي عمره منقهر :مالت عليك من اول تقول لي بخيل ومااادرو شو والحين بعد
ماخليتيني ادفع ماتاكلين 00
قلت وانا اضحك على قهره :ههههههههههه مو مشكله صدقه عني 00
وقف وقال :اذا كذا بمشيها لك 00
حطيت جوالي بالشنطه وقفت وشفت فهد ياخذ نظارته ويمشي --وصلني فهد للبيت وراح هو
لشغله00دخلت البيت وطلعت لغرفتي بدلت لبسي وجلست على السرير وانا احس جسمي حيل
مهدووود 00 غمضت عيوني بتعب وشكلي غفيت 00فتحت عيوني بضيق وانا احس بصداع بفجر
راسي 00عدلت جلستي واخذت بندول من الكومدينه واكلت حبتين 00سندت جسمي على ديكور
السرير وانا مغمضه عيوني 00فتحتها بشويش لما سمعت صوت عامر يكلمني :مرااام0
هزيت راسي له وقلت بهمهمه :هممممم
جلس على الكومدينه اللي جنبي وقال لي وهو يحط يده على جبهتي :إيش فيك ؟مريضه؟0
غمضت عيوني من جديد وقلت وانا اهذي وماادري ايش اقول :همم ماا ماا اادري بس راااسي
ياياياالمني 00
سحبني مع يدي وقال قومي :اوديك المستشفى0
قلت له بتعب :مايحتاااج بس ابغى انام يمكن يخف 00
مانتظرت رده وعطيته ظهري وغطيت راسي بالبطانيه ونمت على طووول 00
مر إسبوع وبدت الدراسه 00وأول يوم بالدراسه كنت جالسه في حوش المدرسه مع أسرار وكم بنت
من صحباتي القدامى 00كنا نسولف ونضحك ونتخشمر00 وكانوا طول وقتهم يعلقون علي00
خلود:اقول يابت يامرام00كيف الزواج (وكملت وهي تغمز لي )حلوووو00
قلت لها وانا اضحك :هههههههههه ايه حيل حلووو حابه تجربيه00
قالت وهي تأشر على أسرار:أووول اسرار تجربه وبعدين أجربه أنا00
قالت اسرار وهي تضحك:بتبطين مااراح أقوووووووولك شئ ههههههههههههههههه
جات سميره من بعيد وهي تقول:وععععععع ماعندكم غير سالفه الزواج غيروها ترى لوعتوا
جبدي00
ردت عليها مريوم اللي كانت جايه معها :سميرووووه ايش فيك إنتي 00ليش معقده00؟
لفت عليها سميره وقالت بزعل:أنا مو معقده أنسه مريم 00بس مااله داعي يكون كلامكم كله عن
الزواج أووووووف00
مشت وتركتنا00طالعت فينا مريوم بتعجب وقالت :هذي من صجها زعلت والله كنت أمزح معها 00
قلت لها :مريوم روحي لهااا ترى سميره من صدقها مااتحب هالسوالف00
راحت مريوم وراها أما انا لفيت على خلود ومنى اللي معهم أوراق ملونه واشكالها حلوه وجنان00
سحبتها منهم وقلت :اشوووووف 00ايش هذا ؟؟!
ضحكوا وقالوووو :ههههههههههههههههه هذي لك 00
عقدت حواجبي شوي وبعدها رفعت حاجب ونزلت الثاني وأنا اقول :لي انا؟؟
قالت منى :يس 00توها جاابتها شذى تقووول من وحده معجبه00
بصراحه قرفت من هالمعجبات ومليت منهم كل سنة 00شققت الأوراق ورميتها على الأرض بدون
مااقراها 00والبنات يعلقون علي ويقولون احلى ياحلو ياحمش 00 جات اسرار من المقصف وهي
جايبه لنا شبسات وعصيرات 00عطتنا كلنا و لفت حوالين نفسها وقالت بتعجب :بسم الله وين
سميره ومريم توي شايفتهم هنا00؟
قالت خلود وهي تشرب عصير :راااحووو من شوي00
جلست أسرار وتربعت على الأرض وهي تقول :ااوووووووف مالي خلق الرياضيات الحين00
قلت لها بتريقه :تستاهلين قلت لك لاتدخلين علمي 00
قالت بملل :عندك غيرهااااااااا00
قلت لها بإستغراب:ايش قصدك؟
قالت بضيق:هالسالفه اللي دايم تعدين وتزيدين فيها 00
قلت لها وانا اضحك:هههههههههههههههههههه لاااااااا
سحبتني مع يدي وقالت :قومي خلينا نتمشى 00
قلت لها وانا اوقف معها:اووووووكي 00
بالبدايه إعترضوا البنات لأنهم على قولتهم ماشبعوا مني ومشتاقين لي 00بس إصرار أسرار خلاهم
يرضون وينطمون بعد ههههههههههههه00
لفينا بحوش المدرسه وكل شوي نشوف بنت 00مره نسلم على هذي و مره نضحك لهذي ومره
نطنز على الثانيه ماخلينا احد بحاله 00لفيت على ورى لما سمعت وحده تناديني :مراااام
مررررررررررام00
شفت غاده واقفه قدامي وهي تمد يدها وتقول :أخبارك؟
مديت يدي لها وقلت بإبتسامه:أهلين 00أنا الحمدالله 00كيفك إنتي ؟
ردت علي وهي طالع بإسرار اللي حاطه يدينها على كتوفي :تمام00
على فكره غاده هذي تصير بنت جيرانا أخت سامي اللي صارت مشكله بيني وبين عامر بسبته 00و
اسرار مااتحب غاده وحتى غاده ماتشتهيهااا00
إبتسمت لي غاده وقالت :أمممم أنا جايه أعزمك على ملكه اخوي سامي 00
قلت لها وانا ابتسم :والله على البركه إن شاء الله0
قالت أسرار بضحك:ههههههههههههههه وأخيرا قرر يطلق العزوبيه00
قالت غاده بعصبيه :إنتي مايخصك مااحد كلمك 00
ردت عليها اسرار وقالت :إعذرينا ماانقدر نجئ 00يلاااا باي00
سحبتني بقوه مع يدي وهي تقول :ليش تكلمينها وتردين عليهاااا0؟
سحبت يدي منها وقلت لها :هي مالهاااااا ذنب 00وبعدين من قالك انا بروووح00
قالت أسرار بضيق:خلاص خلاص غيري الموضوع 00
قلت لها بشك:اسراروووو فيك شئ 00؟؟أحسك ايوم مو طبيعيه معصبه ومتوتره بدون سبب00
عطتني ظهرها وهي تقول :لا مافيني شئ خلينا نمشي للبنات 00
مشت شوي لكن انا ماخليتها تكمل وقفتها وقلت لها :اسرار انا مرام فيك شئ خبريني00
لفت علي وهي تقول :امممممممم بطلب منك طلب 00بس واللي يخليك مرام لاترديني 0
قلت لها وانا ابتسم واشر على عيوني واقول :من عيوني 00بس إنتي أمري00
قالت لي بجديه:أبغاك تروحين معي مشوار بعد المدرسه وإنتي خبري سميره تقول لعامر00
قلت لها بتعجب:ووووووين؟!!
قالت بسرعه:لاتسأليني عن شئ 00قولي لي موافقه ولا لا00
قلت لهابتفكير:خلاص أكلم سميره واشوووف 00
وإحنا واقفات صفرت الفسحه ورجعنا كل وحده على فصلها 00بعد الدوام كلمت سميره وقلت لها
تخبر عامر ومااظن عامر بيرفض لأن علاقتنا تحسنت كثير عن قبل يعني ماتخلى من المشاكل بس
اهون من قبل00 إنتظرت اسرار لين إنتهت 00لبسنا عبايتنا وطلعنا مع السواق00 لما ركبنا
السياره قلت :اسرار بتمرين الاااء في المدرسه؟
قالت لي :لاااااا ماجد بجيبهاااااا00
هزيت راسي وقلت لها :طيب اعطيني جوالك دقيقه00
أعطتني جوالها اللي كان بالسياره وقالت بضحك:هههههههههههه لا طوووووولين 00ترى مافيه
رصيد0
أخذته منها وقلت لها بسخريه:مو أول مره عمري ماشفت جوالك فيه رصيد(بعدين سكت وقلت
بحب) الووووووو
سمعت صوت عامر وهو يقول :من معي ؟
قلت له وانا العب عليه :شو البي مااعرفتني00
سكت شوي وبعدها قال:بتقولين من إنتي ولا أسكر 00
قلت له بسرعه وانا اضحك :ههههههههههههههه لا شو تسكر انا مرام00
ضحك بصوت عالي وقال:هههههههههههههههههههه� �ههه من وين تكلميني إنتي؟ 0
قلت له بخجل :من جوال أسرار00حبيبي أنا بروح مع اسرار مشوار مااطول نص ساعه بس00
قال لي بحب:سميره قالت لي 00خلاص حبي روحي بس لاتتأخري00
قلت له :إن شاء الله مع السلامه00
سكرت منه وقالت اسرار :يللاااا مرام إنزلي00
لفيت حولي بخووف وقلت برعب:اسرررررررررررررارررر� �ررر وين جايبتني؟!! 00
قالت لي بهدوء :إيش فيك زايغه نزلي ؟
قلت لها وانا اطالع المستشفى اللي قدامي ل:مو قبل ماتقولين لي وين رايحين 00وبعدين أحد صار
له شئ؟!!00
قالت لي وهي تنزل من السياره :مرام لاتخافين نزلي إنتي الحين 00
نزلت من السياره وسكرت الباب ومشيت جنبها لداخل المستشفى وانا اقول بصوت مرتجف:اسرار
دخيلك أحد صاير له شئ00
قالت وهي تلف علي :مرام ايش فيك 00وربي كلهم بخير مافيهم شئ00
سكت شوي وإرتحت تقريبا بعد مااحلفت لي اسرار 0 طلعنا للدور الثاني ومشينا مع ممر طووويل
لين وصلنا لغرفه بابها مسكر00 جات أسرار بتفتح الباب مسكت يدها بسرعه وقلت:وووين ؟!
قالت لي وهي تسحبني مع يدي :إدخلي حيااااااك00
ترددت أدخل ولا لا000 بعد ثواني دخلت لما شفت أسرار تركتني عند الباب ودخلت00 حسيت رجلي
حيل ثقيله واني أجرها جر00 شفت اسرار واقفه عند سرير فيه وحده متمدده بتعب000نزلت
دموعي على خدي لما لفت علي وشفت وجه اعرفه حيل ومن زمان فاقدته 00شفت أمجاد اللي كانت
طالعني بوجه شاحب ودموعها على خدها00مااقدرت أتحرك ولا أتكلم حسيت في هاللحظه الوقت
توقف00امجاد طالعني وأنا اطالعها00 حطيت يدي على فمي وانا أطالع بطنها واقول بصوت
متهدج:وووووولدتي"00
هزت راسها وهي تمد لي يدها بصعوبه وتقول :ايه وووولدت من يومين ووو(مااقدرت تكمل لأن
صوتها إختفى)
طالعت في يدها الممدوده لي وشفت أسرار اللي جات لين عندي وهي تربت على كتفي وتقول :
روحي لها يامراام روحي 00أمجاااد محتاجه إنك تسامحيهااا0
لفيت على أسرار وانا اشهق بدون تفكير قربت من أمجاد ورميت نفسي عليها واناأحظنها وابكي
بصوت عالي :أمجااد وربي محتاجه لحظنك محتاجه لك يابنت عمييي 00
بكت أمجاد معي وقالت لي وهي تحظني اكثر وتمسح على شعري :مرام سامحيني سامحيني وربي
مو قصدي أظلمك مو قصدي00 أنا لماااا شفتك بين يدين عاااممررمااقدرت مااقدرت الشيطان لعب
فيني 00
قلت لها وانا ابكي:بس المفرووض ماتصدقين عني هالكلام 00انا متربيه معكم انا بنتكم وإنتم
خواتي 00
قربت اسرارمني ورفعتني مع كتوفي وقالت بصوت مبحوح:مرام بعدي عنها شووو أمجاد ولدت
بعمليه قيصريه 00
قلت لها من بين دموعي :اسفه ماانتبهت لايكون عورتك00
إبتسمت لي من بين دموعها وقالت :لاتخافين مافيني الا العافيه00
جلست جنبها وانا امسح دموعي واقول :الحمدلله على سلامتك 0 ووين وين البيبي00؟؟
قالت لي أمجاد وهي تبتسم :بالحضانه00
قالت اسرار بضحك وهي تمسح دموعها:خلاص يابنت لاتبكين وبعدين (أشرت على أمجاد وقالت)
امجاد
حالفه مااحد يسمي البيبي غيرك00إبسط ياعم00من قدك
قلت لها بفرحه وانا أمسح دموعي بكف يدي :صددددق انا اللي بسميه (وكملت بتساؤل)) هو بنوته
ولا ولد00؟
قالت امجاد بإبتسامه :ولد زي القمر00
وقفت بسرعه وقلت لاشعوريا :سمووه عامر00
سكت لما شفت اسرار وامجاد يطالعوني وقلت بإحراج:امممم مااعجبكم الإسم00!
قالت أمجاد بضحك:ههههههههههههههههههه لدرجه هذي تحبي عامر0
إنصبغ وجهي أحمر من الإحراج وقلت :أكيد أحبه مو زوجي 00
ضحكت أسرار بصوت عالي وقالت بغياض :هههههههههههههههههههههه أكيد مو زوجي (وكملت
وهي تتريق) وينك ياعامر تشوف زوجتك هههههههههههههه
قلت لها وانا امشي واتهرب من كلامهم :بروح أشوووف عموري الصغيرر00
سمعت ضحكهم لكن مااهتميت طلعت من الغرفه ورحت للحضانه وانا فرحانه حيل 00وإبتسمت
بداخلي وحسيت بالراحه لأنه مهما كان أمجاد بنت عمي 00وهي خلتني أسمي البيبي تعبيرا عن
أسفها00وصلت للحضانه وسألت عن البيبي ودلوني عليه00 قربت منه وإبتسمت لما شفته نايم
وصغيرون حتى رجوله صغنونات 00طالعت فيه شوي وبعدين حسيت بيدين على كتفي لفيت وشفت
أسرار تبتسم وتقول :عقبااااالك يارب00
ضحكت بإحراج وقلت:ههههههههه ويااااااااااك يارب00
إنتبهت على الوقت وقلت :اووووووف تأخرت على عامر 00(وكملت بسرعه) انا بروووح الحين
وبعدين إن شاء الله أرجع00
قالت لي أسرار:يلااااا خليني أوووصلك00
قلت لها وانا اطالع في البيبي اللي نايم:أول خليني اصوره وبعدين أطلع أسلم على أمجااااد00
إبتسمت لي وهزت راسها بمعنى أوكيه صورته كم صوره بجوال أسرار وقلت لها ترسلها لي على
طول00 طلعنا عند أمجاد وسلمنا عليها 00 دخلت البيت وانا حيل مبسوطه 00طلعت لجناحي وكان
الوقت قريب العصر بدلت لبسي وتوضيت وصليت بعد الصلاه دخل عامر الغرفه وهو يسلم:السلام
عليكم 00
رميت شرشف الصلاه وقفت قدامه وقلت بإبتسامه:وعليكم السلام حبيبي(أخذت الجوال وفتحت
الصور وقلت بفرحه) شووووووووف القمر اللي هناااا00
إبتسم لي وهو يطالع في عمور اللي في الجوال :ماشاء الله عليه قمر ربي يحفظه(وبعدها ناظرني
وقال بتساؤل) ماقلتي لي من هذا ؟؟!
قلت له وانا ابتسم و اخذ الجوال :أممممممم عمور الصغير 00
عقد حواجبه بإستغراب وقال وهو يرفع حاجب وينزل حاجب :ماافهمت عليك00!
مسكته مع يده بحماس وجلسته على السريروانا اقول:هذا ولد أمجاد وطلبت مني أسميه لأنه لأنه (
مااقدرت أكمل لأن حسيت من الفرحه صوتي يختفي)
مسك يدي عامر وقال لي وهو يمسح دمعه خاينه أصرت تنزل على خدي:كان بمثابة إعتذار صح (
سكت وماتكلمت كمل هو كلامه وقال ) سامحتيها يامرام سامحتيها صح00
قلت له وانا اهز راسي بقوه واكتم صياحي :مااا تحملت اشوفهااا بهالحااااله 00أمجاااد بنت عميي
000
قطع كلامي وهو يبوس جبيني بقوووه ويحظني لصدره ويقول :أحبك وربي يشهد علي إني
أحبــــك0
تفاجاءت بحركته اللي ماتوقعتها 00بس ماتحركت ولا قلت شئ وحسيت بان هاللحظه ماتكرر ومو
لازم أفوتها 00أسندت راسي على صدره وانا اشعر بالحنان والحب والأهم من هذا كله الأمان 00
ضـــ م ـــنيإكــ س ــر ضلوعي ضـლــلع .||. ضـლــلع
::. ياحلو كسر الضلوع .ლ. وضمها .::
ضمني مــوــوــوت .ლ. وحــياةعطني أاأنـ ف ــاسك عطروتمتم بحرفين شـــლــوق
.ლ. لــ م ـــني .ლ.خل أح ــس إن الـ ـهـ ـوـوـوى يحــლـفر عروقكخ ــل أذوق الــ م ــوت فيلحظة
أذوقك ...!
::. ح ــرك شـ ف ــاهك شوي .ლ. خلني اكتب قصيدة .::
.ლ.قـــل كلام ــك .ლ.وإن قضى حكيك أبي تــــكـــفى تـــ ع ـــيده ...!
.ლ. ماأاأأمــــــلـكــ .ლ.
:: ლ :. ლ .: ლ ::
: ლ .:. ლ :
.ლ.
__________________
رجعنا للواقع صوت دق على الباب 00رفعت راسي من عامر وأنا أبتسم بخجل وقلت:مين ؟
سمعت صوت سميره وهي تقول :مرام بغيتك شووي 00
قال عامر بغياض :بس مرااااام 00ماتبيني انا معهااا0
قالت سميره بسخريه :يوم أقول عامر رد علي (وكملت بإزعاج ) مراااااااااااااااااام تعالي أبغيك0
رفعت عيني لعامر أستأذنه هو مامانع وهز راسه بإبتسامه :روووحي لكن لاتتأخرين (وكمل بقهر
وعصبيه مصطنعه يبي سميره تسمعه )أووووووووف حتى بمرتي بيشاركوني فيها 00
ضحكت على كلامه وقفت ومشيت للباب 00أول مافتحت الباب سحبت يدي سميره وهي تقول :
ساعه لين تجين 00تعالي أبيك بموضوع ضرورري00
مشيت معها بسرعه لغرفتها لأني حسيت إنها فيها شئ 00
سكرت الباب وقالت براحه:شروق ماقالت لسيف الكلام اللي قلته لها 0
كررت كلمتها وقلت بتعجب :ماقالت له؟؟!!
قالت لي وهي مرتبكه وتفرك يدينها بتوتر:ايه ماقالت له 00امس لما قابلتها بيت عمك بو ماجد
أخذتها على جنب وإعتذرت لها وهي قالت لي (سكتت شوي وبعدها كملت وقالت ) قالت لي أنا
ماقلت له موعشانك إنتي أنا ماقلت له لأنه مايهون علي أجرح أخوي 00
فتحت عيوني بدون تصديق وقلت لها وانا اشر عليها :ليش تقول لك هالكلاااااام 00وإنتي بالأصل
ليش تعتذرين لها ؟؟!!
قالت لي وهي تعطيني ظهرها :شكلك ناسيه الكلام اللي قلته لشروق توصله لسيف 00
ضربت على جبهتي بقوه وقلت بإحراج:ااااووووووووف والله راح عن بالي حتى إني نسيت اكلم
شرووق00
قالت لي سميره بسرعه :شفتك إنشغلتي مع عامر فما حبيت أزعجك 00ولما عامر جاء وماقال لي
شئ قلت أكيد إن شروق مااوصلت الكلام لسيف00
مسكتها مع كتفها وقلت :مو هذا المهم 000(وكملت وانا احاول أتنهد براحه) الحمدالله إن شروق
طلعت عاقله وماخبرت سيف00
سكتت شوي وهي تفكر بعدها قالت وهي تنحنح: ماادري والله يامرام أحس عمري خايفه لين الحين
00
قلت لها :لاتخافين حبيبتي الله بكون معك وإن شاء الله مع مرور الزمن بتعرفين إن خوفك ماله داعي
00
قالت لي وهي تجلس على السرير وتبلع ريقها :أتمنى أتمنى يامرااااااام لأنه حتى أنا خاطري أعيش
مثل بقية البنات وخاطري أمي ترتاح من خوفها علي 00
سكتنا أنا وياها شوي وبعدها قالت بتوتر:تعرفين مرام أمس شروق قالت لي سيف يبغى رقمي00
قلت لها وانا اشهق من الصدمه :رقمك (وكملت بتساؤل) ليش إيش يبغى فيه00؟؟
قالت لي بطنازه :يبغى يتصور معه (وكملت بسخريه) أكيد يبي يكلمني 00
طنشت اسلوبها التهكمي وقلت لها :وإنتي إيش رديتي عليها ؟
وقفت وقالت بصوت عالي :مايبغى لها كلام أكيد رفضت00
طالعت فيها شوي وكان ودي أروح أصرخ بوجهها لكن شكلها وهي واقفه ومرتبكه خلاني أنفجر من
الضحك :ههههههههههههههههههه هههههههههههههههههههههه ههههههههههههههه
جات عندي وحطت يدها على خصرها وقالت:ايش يضحكك مرام خاااااااااانم00
قلت لها وانا مو قادره اوقف ضحك:هههههههههههههههههههه هههههه صدق خبله 00
صرخت بصوت عالي وهي تضرب رجلها بالأرض:مراااااااااااااااا� �ام00
قبل ماارد عليها دخل عامر فجاء وقال بعصبيه مصطنعه :سميروووووووووه وجعه إن شاء الله
ليش تصارخين عليها00
قالت سميره بطنازه وهي تحرك يدينها بمعنى برى :اوووه جاء روميووووو00 أقول يااخوي خذ
مرتك وطلعووووووا من غرفتي (وسوت بيدها حركه وقالت )مالت عليك وعليها 00
رحت لعامر وقلت له بدلع وانا أمد لساني لسميره :شفت أختك ايش تسوي معي00
حطت سميره يدها على خصرها وجلست تقول بتريقه :ههههههههههههههه اقول لايكثر طلعي إنتي
وياه وبلا دلع ماااصخ00
راح عامر عندها بسرعه وشالها مع خصرها وفتح بلكونتها وهو يقوووول :ايش تقولين سميره
00سمعيني مااسمعت00
حاولت سميره تضربه وجلست تصرخ علشان ينزلها لكن مافيه فايده00عامر كان مصر يخووفهااا
00دخلت معه البلكونه وشفته ماسكها مع وسطها فوق السور وهو يقول :يلااااا إعتذري من
مرررتي 00
قالت سميره وهي تصرخ بخوف:عامر نزلني نزززززززلني والله بمووووت عاااااااامر 00
قال عامر بجديه :أول إعتذري 00
قالت له وهي تصارخ :ييممممممممممممممه يمممممه تعالي شوفي ولدك يمممممه00
والله صراخها كان يدل إنها مرعوبه رحت لعامر وقلت له :حبيبي نزلهاااااااا00
قال لي وهو يبتسم :أممممممم بس عشان خاطرك 00
نزلهااااا داخل الغرفه ورماها على السرريرررر 00وقفت سميره وقالت من بين دموعها "طلعووووا
برى حشى مو أواااااااااادم وحووووووووووووووش 00
وقفنا انا وعامر نطالع في شكلها واحنا مبسوطين على صراخها00عند عامر وجلس على السرير
وهو يقول :سميرووه قومي جيبي لي ماااااء نشفتي ريقي00
قامت وهي تأشر علي وتقول :عندك مرتتك (وحطت يدها على خصرها وقالت)00كل شئ سميره00
قال بصوت عالي وصراخ :سميرووووووووووه 00
راحت سميره وهي تركض وتقول :طيب طيب والله رااااااااااااااااايحه00
ضحكت على شكلها وهي تركض لأنها كانت بطيح بالسجاده اللي على الأرض00بعد ماراحت شفت
عامر فاتح درج سميره ومعه نفس الالبوم اللي فرجتني عليه في ذاك اليوم ونسيت أكمله00 وقفت
عنده وانا ابتسم واقول :ايش فيك؟00
رفع عيونه لي وقال :هذي الصووووور قديمه وسميره لسى محتفظه فيهااا 00
قلت له وانا امسكه مع كتفه :ااااامممم شفت صورتك وإنت صغير 00كنت حليوووو00
رفع عامر حواجبه بغرور وقال :حليووووو وبس (وسبل لي بعيونه برومانسيه وقال ) قولي قمر
بتجنن بتعقد على قولة إخوانا اللبنانين 00
قلت له وانا اضحك :ههههههههههههههههههههه اكيد بطير العقل وبتجنن كمان 00
حط الألبوم على جنب وقال وهي يضحك:هههههههههههههههههههه� �ه مرتي صارت لبنانيه وانا
ماعندي خبر00
ضحكت معه وقلت :ههههههههههههههههههه بس يالمزيون لاتغتر علينا 00
قال لي بحب :حبيبتي00
قلت له وانا امشي معه طالعين من غرفة سميره لغرفتنا :همممممممممم
لف علي وقال :ليش سميتي ولد أمجاد عاممر00
وقفت مكاني وانا ماتوقعت سؤاله 00 لفيت عليه وقلت له بحب :لأنه ماعندي أغلى منك (وكملت
بحالميه) واااااااااااااااااااو لو شفته على الطبيعه يجنن بسم الله عليه00
هز راسه بتفهم و قال :إيش رايك نروح نشتري له هدايا0؟؟0
نطيت من الفرحه وقلت :صدق والله00
قال لي :أكيد بعد الصلاه نروح وناخذ سميره معنا00منها نشتري هديه للبيبي ومنها نقضي
لرمضان00
قلت له بفرحه :أوكي0
طلع عامر من عندي وقال لي بيجينا بعدين أنا خبرت سميره وكانت مبسوطه ومتحمسه00 صليت
وتجهزت أخذت جوالي وإتصلت على مامي وقلت :الوووووووو
ردت مامي علي :هلا مراااااااام00
قلت لها :السلام عليكم 00كيفك يمه 00
ضحكت مامي فجاءه وقالت :ههههههههههههههههههههههه ههههههههههه واخيرا تركتي الدلع
عنك 00
قلت لها بتعجب:أي دلع يمه00
قالت لي وهي تضحك:هههههههههههههههههههه� �ه مالاحظتي نفسك تقولي يمه مو مامي 00
إنتبهت على نفسي وإنفجرت من الضحك على أسلوب مامي وقلت :ههههههههههههههههههههه ه
هههههههههههههههه
مامي بليزززززززز00
قالت لي بعصبيه مصطنعه :لا بليز ولاشئ 00الاعلى فكره يمه 00
قلت لها بسرعه :خير يمه 00
قالت لي وهي تتنهد :علي بيخطب بكره إن شاء الله ويقول يبي الملكه والزواج ليلة وحده00
قلت لها بقهر :لا والله ليش ؟000مو على كيفه هووو 0؟المفروض يسوي ملكه قبل الزواااااج 00
عصبت مامي وقالت :مرااام إحنا مو متفضلين عليه 00زواجه وهو حر فيه يسوي اللي يبيه 00
سكتت شوي من الأحراج وقلت لها واانا ابلع الغصه:لا والله يمه ماكان هذا قصدي 0(وكملت بعتب)
بس علي مثل فهد وكان ودي أفرح فيه00
قالت لي أمي بحنان:أدري يمه 00أدري مو قصدك00بس المفروض تحاسبين على كلامك ومادام هو
يبي كذا كيفه00خليه على راحته00
قلت لها بحب:على خير يمه المهم ربي يوفقه 00
قالت أمي بحنان:أمين يارب00 (وبعدها كملت وقالت )اقول حبيبتي لازم تفضين نفسك يمه عشان
تساعدين أخووانك وبنت عمك بالتجهيزات خلاص رمضان دخل وماباقي الا شهر00
قلت لها وانا فرحانه لأن أمي تعتمد علي :إن شاء الله يمه إن شاء الله 00
سمعت صوت بوري (زمور السياره) سياره عامر وشكله يبينا نطلع00إعتذرت من مامي وعدتها
أكلمها بعدين 00 بعد مااسكرت رحت لدولابي واخذت عباتي وشنطتي ووطلعت من غرفتي وتوجهت
لسميره وقلت لها بصراخ :بسررررررررعه عامر ينتظرنا تحت 00
قالت لي بسرعه :إنتي إنزلي وأنا لاحقتك برووح لأمي واشوفها يمكن محتاجه شئ0
قلت لها :أوكي00
نزلت تحت بسرعه بعد مالفيت الشيله عدل ورحت للسياره اللي كانت واقفه قريب الباب00فتحت
الباب ودخلت وانا اقول :السلاااا
قبل مااكمل كلمتي اشر لي عامر بيده عشان أسكت لأنه كان يكلم بالجوال 00بعد ماسكر الجوال لف
علي وقال لي :وعليكم السلام00
قلت له وانا اطالع وجهي بالمرايه اللي قدام :بدرري توك ترد علي 00
قال لي وهو يبتسم وبانت كل اسنانه:إيش أسوووي سيفووو كان يعزمني على خطبةأخته بكره00
سكرت المرايه ولفيت على عامر وقلت له بحماس :بترووح00
قال لي وهو يشغل السياره :إذا الله أراد بروووووووح00
قلت له وانا أبتسم:إن شاء الله 00
بعد ثواني جات سميره وركبت وقالت :السلام عليكم 00
ردينا مع بعض وقلنا"وعليكم السلام 00
قال عامر بتساؤل:ها سميره أمي نامت؟!!
قالت وهي تفتح الشباك :ايه نامت بعد ماتعشت00
حرك عامر السياره وقال :وين تبوووون تروحون00
قلت انا بحماس :أي محل للأطفال 00
قالت سميره وبدون قصد وبصوت عالي :مرااااااام يالخاااااااااااااااايسه حااااااااامل وماقلتي
لنااااااااااااااا00
انا وعامر ناظرنا بعض انا إبتسمت لكن عامر جلس يطالعني وهو سرحان وكأنه مفهي00
__________________
بعدها قال بعصبيه بصراحه أنا أشوف مالها داعي :سميرووووه ايش هالكلام لسى بدري إحنا مالنا
مده متزوجين00
حسيت من صوت سميره الإحراج لما قالت:اممم والله مو قصدي (وسكت شوي وبعدها قالت ) اجل
ليش تبون تروحون محل أطفال!!00
قلت لها وانا اضحك واغير جو :ههههههههههههههههه عشان عامر الصغير 00إنتي مادريتي إن
امجاد جابت ولد00
فرحت سميره وبانت الفرحه من صوتها لما قالت :والله ماشاء الله مبروووووووك مبروووووووك
الف الف مبروك 00(وكملت بقهر) طيب يااسرار الخايسه ماقالت لي 00
قلت لها وانا مبسوطه :يمكن نست (وكملت بفرح طفولي )وبعدين انا اللي سميته 00
قالت سميره بدفاشه :غريبه مو إنتي وياااااااهاااااا بينكم مشاكل بسبب عـامـ
إنتبهت على كلامها وسكتت مره وحده طبعا انا فهمت عليها وباين من ملاامح عامر إنه فهم لكن
مااحب يعلق00
وصلنا لمجمع كبير قال لنا عامر :يلا إنزلو0
نزلنا انا وسميره بسرعه ومشينا جنب بعض 00وإحنا ماشيين همست لي سميره بصوت
خافت:اسفه مرام والله مو قصدي0
قلت لها بإبتسامه :عادي ماصار شئ00
لما دخلنا المحل قالت لي وهي طالع بعامر اللي يتفرج على بعض الأغراض المعروضه:امممم احسه
زعل00
قلت لها وانا اطالع بعامر اللي يبتسم على الاشياء اللي يشوفها :بالعكس شوفي إبتسامته (وكملت
وانا أمشي من مكان للثاني) تعالي خلينا نخلص 00
مشينا انا وسميره من مكان للثاني وعامر المسكين كل اللي عليه يدفع00 بعد ماخلصنا من الهدايا
قال عامر :يلاااا روحوا للسياره وانا بحاسب والحقكم00
قلنا له:اووووكي00
مشينا انا وسميره للسياره و جاء عامر ومعه الهدايا وراه رجال يمشي شايل باقي الأغراض00بحط
الأغراض بالسياره وركب وشغل السياره وقال:مااشاء الله عليكم مااخليتوووا شئ مااجبتوووه 00
ضحكنا انا وسميره وقلنا:ههههههههههههههه تعيش وتدفع يارب 00
لف علي وقال وهي يعقد حواجبه:كل اللي همكم إني ادفع بس00
قلت له وانا ابتسم :يخليك لي يااااااااااااااااااارب 00
ضحك شوي وقال :ههههههههههههههههههه ايه اضحكي علي بكلمتين(وبعدها حرك السياره
وقال) الحين وين تبووووووونا نروح00
ردت عليه سميره بسرعه وقالت :اممم شو رايك تختار إنت00
رد عليها وقال :أوكي00
وقفنا عند مجمع كبير للمواد الغذائيه نتقضى لرمضان لأن رمضان باقي عنه يومين 00ولما دخلنا
المجمع رحنا انا وسميره على طول قسم الحلوياااات والشبساات00أما عامر راح يجيب لنا عربيه
للأغراض00وضحك لما شافنا انا وسميره ناخذ حلويات وشبسات وناسين إحنا ليش جايين هنا00
جاء عندي وقال :لا والله إحلفي إنتي وياااااها 00أقولكم نقضي لرمضان تاخذون لي حلووووويات
00ايش رايكم ماراح أدفع00
طالعنا بعض انا وسميره وقربنا منه بخبث وجلسنا نتمسكن لين بالأخير اقتنع
وقال لنا :اووكي 00انا بروح أجيب الأغراض الأساسيه وإنتوووا خذوا اللي تبغونه00
ماصدقنا خبر وأخذنا كل اللي بخاطرنا 00طلعنا من المجمع للبيت لأن الوقت حيل تأخر طلب عامر
من السواق والشغاله ينزلون الأغراض اما هو أخذ الهدايا وطلعها لغرفتنا فوق00 طلعنا فوق و
نزلت عباتي وحطيتها في الدولاب وخليت شنطتي على التسريحه00 أخذت لي قميص حرير طويل
وطلعت لعامر بيجاما عشان يلبسها 00دخل عامر وحط الاغراض على الارض وقال بتعب :اهـ
تعبتووووووووني الله يسامحكم 00
إبتسمت وأنا أقول :الله يبعد عنك التعب (وكملت وانا اقول) بجهز لك العشاء وأجئ 00
إبتسم لي ورمى نفسه على السرير وهو يقول :إيه دخيلك والله إني جوووووعاااان00
أشرت على عيوني ودخلت المطبخ وسويت اللي اقدر عليه ورتبته في صينيه 00 دخلت الغرفه شفت
عامر متمدد على السرير وبيده دب صغير حيل بكف اليد يلعب فيه00
جلست على السرير وحطيت الصينيه وانا اقول :قووم تعشى 00
طالع في العشى و قال :بسم الله الرحمن الرحيم00
جلس يتعشى وانا اطالع فيه بعد العشاء قام وغسل يده أما أنا قمت ورجعت الصينيه للمطبخ00
ولما رجعت ناداني:تعالي جنبي 00
جيت جنبه وانا العب بشريطه القميص واقول :خير حبيبي فيه شئ00
فتح يدي وحط الدب الصغير بيدي وقال:خليه معك 00
طالعت في الدب الأبيض وقلت بفرح :وااااااااااااو شكله حيل كيوت 00تسلم حبيبي00
رفع يدي لفمه وباسها وإبتسم لي وقال:اممممممم ماودك تنامين؟ 00
رديت عليه الإبتسامه بإحراج وقلت :الا فيني نووووم 00
طفيت الأنووووار ونمناااااا00وطبعا في اليوم الثاني سحبت على المدرسه وماداومت00ولأني غبت
دقت علي أسرار تطمن علي وتسألني ليش غايبه 00و لما عرفت إنه دلع بغت تخنقني لأنا متفقين
نغيب مع بعض وجلست تخبرني انها ماتبي تحضر خطبه شروق اليوم على قولتها عروس ماتبي
أحد يشوفها000 جاء وقت المغرب وكنت جاهزه ومستعده للخطبه بس أنتظر عامر يجي ويأخذني
00جاء عامر واخذني لبيت عمي أبو سيف 00
أول مادخلت لقيت روان قدامي وهي كاشخه على سنقه عشره وطالعه تجنن حيل سلمت علي
ودخلتني للصاله اللي فيها أمي وعمتي أم ماجد وخالتي أم سيف 00
سلمت عليهم ودخلت المجلس مع روان أعدل شعري وأضبط مكياجي 00
وقفت عند المرايه وانا اقول لروان :ايش هالجمال يابنت والله طالعه قمر اليوم00
قالت لي وهي دووور :صدق الله يجبر بخاطرك 00شروق من أول تقول ووع مو حلووو00
قلت لها وانا اضحك :هههههههههههههه والله تلقينها غيرانه لأنك من جد طالعه تجنني 00
جات وطبعت على خدي بوسه وهي تقول :فديت الذووووقين انا 0
ضحكت على حركتها وقلت لها :وين شروق بسلم عليهااا0
قالت لي وهي تسحبني: بغرفتها اا(وكملت وإحنا طالعين مع الدرج ) تخيلي لسى مالبست00
قلت لها وانا مستغربه :ليش إن شاء الله 00الوقت تأخر وهي مابعد لبست كيف بشوفها بالنظره
الشرعيه00
فتحت روان فمها بتقول شئ بس قطع كلامها صوت جوالها اللي رن بنغمة نوكيا 00رفعت الجوال
لأذنها وقالت :هلا سيف 00
الطرف الثاني :"0000000000
كملت روان :خلاص والله نازله 00بس اسمع إطلع عشان تأخذهم من يدي 00خلاص اوكي 0يلا
سلام 00
وقفت على بداية الدرج وقلت لروان :ايش بغى سيف ؟
قالت تعتذر مني :ماعليش مرومه طلعي إنتي فوووق لشروق وانا بنزل تحت اعطي سيف فنجاجين
القهوه لأن اللي عندهم ماكفت الرجال 0
إبتسمت لها بطيبه وقلت :فديتك روحي وانا اعرف غرفة شروووق مابحتاجك دليني 00
قالت لي وهي ترمي لي بوسه بالهوا :تسلمين يالغلا00
نزلت هي تحت وكملت انا طريقي فوووق 00مشيت لغرفة شروووق وطقيت الباب 00 ماسمعت رد
0طقيت مره ثانيه نفس الشئ 00ورفعت يدي بدق الباب لكن إنفتح فجاءه وشفت شروق واقفه
قدامي وكانت لابسه بيجاما برمودا وبدي ورافعه شعرها ولا كأن اليوم خطبتها وفيه عريس
بشوووفها 00 مااقدرت اتكلم وانا اشوف ناظرتها لي كلها حقد 00ماادري ايش صار فيني وانا
اطالعها حسيت بتوتر وخوووف 00
رفعت راسي لها لما قالت لي هي تسند جسمهااا على حافة الباب :خير بغيتي شئ 00
بغيت شئ 00هاي ايش تقول وايش تخربط 00تلعثمت وانا اقول :شروق فيك شئ ؟
ضحكت ضحكه ترن بإذني وهي تقول :هههههههههههههههههههههههه� � لا والله من جدك إنتي
وكملت بضحك ههههههههههههههههههههههه أقول مو لايق عليك شيلي هالقناااااع 00
ناظرتها وانا احس عمري ضايعه تايهه مو فاهمه شئ قلت لها بصراخ :شروووق تكلمي عدل 00
اي قناع وأي خرابيط تتكلمين عنهاااااااااااااااا 00
سحبتني مع يدي بقوه وقالت لي بصرخ بعد ماسكرت الباب :خيررررررر ايش تبين جايه لحد عندي
00انا أكررررررررررررررررررررررر ررهك أكرهك وأكره الساعه اللي شفتك فيهاااا
وعلى فكره(وكملت وهي دور حواليني ) اناااااااااا مو محتاجه فضله منك اناااااااا مااتزوج واحد إنتي
جايبته لي 00انا لو بتزوج بأخذ سيد سيده 00(وكملت بصرخه ) فااااااااهمه00
وقفت الدنيا فيني هاللحظه 00حتى تفكير ماعاد أقدر افكر00 مادام ماتبي علي ليش تقول لي إنها
موافقه عليه00 ليش تخليني أقولهم إنها موافقه ليش 00تنتقم مني على حساب علي اليتيم والله
حرااااااام ايش بكون موقفه وموقف أهلها لما يسمعو إنها رافضه 00
قلت لها بصراخ وانا ارجف من التوتر والعصبيه :ليش قلتي لي إنك موافقه ليش ؟(وكملت بصرخه
) ليييييييييييييييييييييييي ش ؟
إبتسمت بحقد وقالت :كيفي ماابيه وعلى فكره انا ابي انتقم منك وأعلمك إنه مو أنا اللي تتفضلين
علي ُ00صح إنتي أخذتي عامر (ودعت من قلبها بكره )جعلك ماتتهني فيه 00بس انا لما ابي اتزوج
اشر بس00
ماتحملت كلامهاااااااا وإنهرت على السرير حسيت إن كلامها ودعوتها سكاكين تطعن فيني 00 إنفتح
الباب فجاءه حتى إن الباب ضرب بالجدار بقوه من شده دفعه وحسيت إنه بيتكسر
00
شفت روان اللي كانت واقفه على الباب طالعنا وجهها محمر00 وبسرعه وبلمح البرق شفتها واقفه
قدام شروووق وعطتها كف على وجهها خلا وجهه شروووق يلف من قوته 00فتحت عيوني
بصدمه وانا اطالع شروق اللي ماكانت أقل صدمه مني 00
وروان اللي كانت تبكي وهي ترص على اسنانها :إنتي إنتي وحده حقيره ماتستاهلين تكوني أختي
00(وشدتها مع بدي البيجاما وقربتها لها وهي تقول) مافكرتي قبل ماتلعبين على الناااس بأبوي
بأخواني وكيف بكون وضعهم لما يدرون إنك رافضه بعد مااقالوا لناس كلمه وإنهم يجون 00
مافكرتي بأمي المسكينه اللي الفرحه مو سايعتها لأنك بتتزوجين (وخف صوتها وهي تقول بهمس)
همك تنتقمين من مرام اللي عمرها ماغلطت عليك بشئ وكل ذنبها إن عامر حبها وتزوجها00
وقفت انا بطلع من الغرفه لأني مااتحمل اللي يصير مااتحمل أكون سبب بكل هالمشاكل00 علي اللي
بتحطم وتنداس كرامته 00وروان اللي مدت يدها على أختها الكبيره وامي وابوي اللي بخيب ظنهم
00لا ياربي انا مالي ذنب00
شدني كلام روان وهي دف شروق على السرير وتكمل بصراخ وبكي :على بالك ماادري عن حبك لـ
عامر ومحاولاتك الفاشله إنك تتقربي منه 00أنا يابنت أمي وابوي أدري إنك ترسلين له رسايل من
رقم غريب وتحاولين تكلمينه بس هو مطنشك 00
دارت عيوني بين شروق اللي ساكته وماردت بلا حرف وبين روان اللي تبكي 00ماقدرت أتحمل
مشيت بطلع
دارت عيوني بين شروق اللي ساكته وماردت بلا حرف وبين روان اللي تبكي 00ماقدرت أتحمل
مشيت بطلع من الغرفه وانا أحس الدنيا دور فيني 00وصلت للباب وسندت جسمي عليه وانا أتنفس
بسرعه وبتعب 00مااقدرت أتحمل الوقفه جلست على الأرض وانا احاول أنظم تنفسي اللي كان
سريع حيل 00
وقفت وطالعت في روان اللي إبتسمت بين دموعها وقالت وهي تحظني شوي وبعدها إنفجرت بالبكي
:انا اتزوج علي00
بعدتها عني بسرعه وكأن شئ لسعني وقلت :طبعاً مستحيل 00
قبل ماتفتح فمها عشان تتكلم سمعت صوت شروق وهي تقول :صج ماتستحين 00قاطه نفسك على
الرجال00قولي من الأول إنك حاطه عينك عليه00وماصدقتي إني رفضته عشان تسوين عمرك
مهتمه بسمعة العيله00
لفت عليها روان بعصبيه وقالت :إنتي تنطمين 00(وكملت بحقد) يكفي إنك تبين توطين راس ابوي
بالارض 00
قربت منها شروق ودفتها على برى وقالت :إنتي ناسيه إني أختك الكبيره لكن والله ياروان الكف اللي
اعطتيني إياه غير أرده لك وباللي اقوى منه 00
طلعنا انا روان وانا أحس إن كل اللي صار كابوس وراح أصحى منه كابوس مزعج وراح اصحى
أكيد راح أصحى 00لكن للأسف اللي صار واقع أنا عايشته بكل تفاصيله وكنت أنا السبب الرئيسي
بكل اللي صار وباللي راح يصير000
طلعت من بيت عمي بو سيف بحاله نفسيه زفت 00 ركبت السياره بدون مااتكلم 00حسيت بيد
تحركني وبصوت يناديني :مراااام فيك شئ00
قلت له بصوت مخنوق :مافيني شئ
لف علي يناظرني شوي ويناظر الشارع شوي بدون مايضغط علي 00طنشته ورجعت ظهري على
المقعد وانا أتذكر اللي صار من شوي 00
روان :مرام اسمعيني انا موافقه إنتي ماعليك0
قلت لها وانا رافضه نهائياً:روااان إنتي صغيره على الزواج وانا مستحيل اقبل بهالشئ 00مااسمح
لك تضحين عشاني 00
مسحت دموعها وهي تبتسم وتقول :أولاً اانا مو جالسه اضحي عشانك انا لو كنت أضحي اضحي
عشان ابوي وإخواني اللي طول عمرهم بتظل راسهم مرفوعه (وكملت بإبتسامه صافيه) مرام علي
في شئ ينرفض ؟!
قلت لها وانا أجلس على كنب غرفتها :لا والله مو هذا قصدي 00علي رجال وماعليه كلام بس إنتي
صغيره وعمرك ماتعدى 16 كيف تتزوجين 00(ولفيت عليها وقلت بحنان )وبعدين حتى لوانا وافقت
كيف راح نضبط الوضع وابوي كلم عمي عن شروق 0
وقفت وقالت لي بإصرار: خليها علي انا 00
مشت وطلعت من الغرفه لحقتها وشفتها تنزل مع الدرج وهي تنادي أمها وتقول :يمه تعالي بغيتك
شوي00
شفت عمتي طالعه وهي تبتسم وتقول :خير بنيتي ايش بغيتي 00وبعدين ليش ماتروحين تساعدين
أختك باللبس00
سمعتها تقول بإحراج :يمه تعالي معي 00ابيك موضوع ضروري 00
عمتي بالبدايه رفضت بحجه إنها ماتبي تخلي ضيوفها لحالهم بعد إصرار روان شفتها تطلع معها
الدرج رجعت ودخلت غرفه روان قبل ماتشوفني وانا على نار خايفه من اللي بيصير 00
سمعت صوت عمتي وهي مصدومه وتقول :روان جنيتي إنتي 00
سمعت روان تحاول تهديها وتقول :يمه انا ماجنيت شروق رافضه علي وماتبيه00
قربت من الباب وانا اشوف عمتي اللي ضربت على صدرها وتقول :يااويلي ياويلي (وكملت
بغيض)00مو ابوك سألها وقالت موافقه مو على كيفها الحين ترفض مو على كيفها بتتزوجه غصب
عنهاااااا00
سمعت روان وهي ترد عليها وتقول :الله يهداك يمه إذكري الله 00
قامت عمتي بدون ماترد وراحت لغرفه شروق وحاولت تفتحها بس ماانفتح الباب شكل شروق كانت
مقفله الباب00
ماقدرت عمتي تصرخ عشان مايسمعونها وقالت :ياربي يافضيحتي قدام الناس 00ايش اقولهم
الحين (وصارت تضرب على خدها)
والله كسرت خاطري عمتي منظرها حيل مؤثر00 كنت بطلع وأهديها لكن وقفت لما شفت روان
ترتمي بحظنها وتقول :ماعاش اللي يفضحك يمه أنا أتزوجه ولايهمك يمه 000(وكملت وهي
تشهق) قولي لهم شروق إستخارت ومارتاحت لهالزواج00
ضمتها عمتي وقالت :بس إنتي صغيره ومااظن أبوك بيرضى00
قالت روان وهي تبكي :يمه مافيه حل ثاااني 00
ردت عليها عمتي وهي تقول :بشوف يمه بكلم أبوك الحين 00 والله اخاف يصير فيه شئ (ولفت
نظرها على غرفة شروق وهي تتحسب ) حسبي الله عليك ونعم الوكيل حسبي الله ونعم الوكيل فيك
ياشروق 00
بعد نص ساعه عدلت شكلي ومسحت دموعي ونزلت عند أمي وعمتي وسلمت:السلام عليكم00
ردوا السلام و قالت أمي وهي تناديني :مرام تعالي بغيتك 00
حسيت بعيونها سؤال وأكيد مااقدرت تصبر لين تسألني عنه00وطبعاً كنت على حق أول ماجلست
جنبها همست لي :يمه إنتي كلمتي شروق ولا روان 00؟؟!
قلت لها وانا احاول أبتسم وأرقع السالفه :مو مهم يمه المهم إن علي يتزوج00
طالعتني بنظره وهي مو عاجبها كلامي 00
نادتني عمتي أم سيف وهي تقول :مرام بنيتي تعالي يمه00
رحت لها وانا أعدل فستاني وأشده على تحت :تحت أمرك عمه00
إبتسمت لي وقالت:مايامر لاعدو ولاظالم00
وصلت عندها وكملت هي تهمس لي :يمه روحي لروان علي الحين بشوفها النظره الشرعيه 00
حطيت يدي على كتفها وقلت لها:إن شاء الله 00
رحت روان اللي كانت لابسه عبايه وشيله ولفتهم عدل وقلت لها :بتطلعين كذا ؟
قالت لي وهي تبتسم إبتسامه باهته وخوف الدنيا كله فيها :إيه 00أجل كيف تبيني أطلع له 00تراها
النظره الشرعيه يعني مايحق له يشوف أكثر من كذا (وقالت بسخريه ماتتناسب مع اللي يصير)
ماتدرين يمكن مااعجبه 00
قلت لها بإبتسامه صادقه :مستحيل ماتعجبينه 00وبعدين وين بلاقي أحسن منك00
دق جوالي وشفت المتصل فهد رديت وقلت له :هلا فهد
فهد :مرام خلي العروس تدخل المجلس علي ينتظرهااا
قلت له :إن شاء الله 00
وصلت للمجلس وقفت روان شوي عند الباب وهي طالع الفراغ اللي قدامها 00
مسكت يدها وقلت :الله يسعدك ويوفقك00
ضحكت بسخريه ودمعها على خدها وهي تقول :اليوم اللي المفروض افرح فيه لأختي تنقلب الأيه
وانا اللي أنخطب 0
قلت لها انا امسح دمعتها :روان اذا ماتبين علميني أنا ممكن أحل الموضوع 0
لفت علي وهي تعدل الشيله وتبتسم بصعوبه :فيه شعره طالعه00
فهمت من كلامها إنها مستحيل تتراجع عن اللي براسها 00
إبتسمت لها وقلت :لاااا طالعه قمر يلا توكلي على الله وإدخلي00
شفتها تأخذ نفس وتمتم بكلمات وتفتح الباب وتدخل00
:مراااااااااااااااااااااا� �اااااااام
لفيت عليه وانا افتح عيوني واقول :خير ايش فيك تصارخ 00نعم بغيت شئ 00
سحبني من يدي ونزلني من السياره وهو يقول :لااااااااا بس كنت بقولك إنا وصلنا البيت 00
سكت ومارديت عليه اصلا مالي خلق لشئ 00دخلت البيت وطلعت على غرفتي عشان أبدل وانام مع
إني ماأظن إني بنام بهالظروف 00مع هذا رحت للسرير وتمددت عليه وانا اغطي نفسي بالبطانيه
00قبل مااغمض عيوني سمعت صوت عامر وهو واقف عند راسي ويقول :بتناااااااامين00
قلت له بضيق :إيش شايف 00أكيد بناااااااااام 00
قال لي بحنان وهو يمسح على شعري :مرومه عمري فيك شئ 00
بعدت يده عني وقلت بعصبيه :عامر ايش فيك 00ترى مالي خلقك 00ماتشوفني اقولك بنااااااام 0
وكملت بصراخ )بناااااااااااااااااااااا� �ااام00 أوووووووووف
وقف وناظرني بعصبيه وقال لي :ايش فيك إنتي اليووووم مو طبيعيه 00بس تصارخين 00
جلست بعصبيه وقلت وانا ارمي البطانيه عني :ايش فيك عامر قلت لك ابغى انام ولاتبيني اهد لك
الغرفه وأطلع00
طالعني بعصبيه وقال وهو يطلع من الغرفه :خليك أنا اللي بهد لك البيت والغرفه كلها إشبعي
فيهااااااا00
رجعت رميت راسي على المخده وقلت بصراخ ابيه يسمعه: أحسسسسسسسسسسن00
مرآت أزعل بلآسبب..!!ومرآت أسأل وينه فيه ...وأحيآـآنا ً...يزآحمني" الغضب"أصد وأحلف
مآأرتجيه...أدري إنه أفعآـآلي" عجب"بس الحكآـآيه
" إني ولهت عليه
مر يومين وانا اعصابي تلفانه وحاقده من قلب على شروق واللي أكلها عامر المسكين ماادري ايش
فيني عليه ؟والله غصب عني 00 المهم صحيح إني كلمت روان واللي حسيت من صوتها إنها
مرتاحه شوي بعد ماشافها علي بس هذا مايمنع إني حاسه بالذنب مع إني والله مالي ذنب بكل اللي
صار أسرار لما عرفت اللي صار مني تمنت تروح لشروق وتقطعها من جد إرتفع ضغطها 00أما
شروق الزفت من ذاك الليوم ماادري عنهاااا 00واللي خلا الموضوع يمشي أنا كذبت على الجميع
وقلت إني انا كنت اقصد روان مو شروق بس يمكن غلطت بالإسم مع إنهم ماصدقوووني بس مشى
الحال00وأمي الوحيده اللي عرفت السالفه بعد ماجرجرتني بسين وجيم 00
__________________
#35